| Library / Tipiṭaka / д̇ибидага • Tipiṭaka / куд̣̇д̣̇агабаата-адтагат̇аа • Khuddakapāṭha-aṭṭhakathā |
7. д̇ирогуддасуд̇д̇аван̣н̣анаа
7. Tirokuṭṭasuttavaṇṇanā
нигкзбаббаяож̇анам̣
Nikkhepappayojanaṃ
ид̣̇аани ‘‘д̇ирогуддзсу д̇идтанд̇ий’’д̇иаад̣̇инаа рад̇анасуд̇д̇аананд̇арам̣ нигкид̇д̇асса д̇ирогуддасуд̇д̇асса ад̇т̇аван̣н̣анааггамо ануббад̇д̇о, д̇асса ид̇ха нигкзбаббаяож̇анам̣ вад̇ваа ад̇т̇аван̣н̣анам̣ гариссаама.
Idāni ‘‘tirokuṭṭesu tiṭṭhantī’’tiādinā ratanasuttānantaraṃ nikkhittassa tirokuṭṭasuttassa atthavaṇṇanākkamo anuppatto, tassa idha nikkhepappayojanaṃ vatvā atthavaṇṇanaṃ karissāma.
д̇ад̇т̇а ид̣̇ан̃хи д̇ирогуддам̣ иминаа ануггамзна бхаг̇авад̇аа авуд̇д̇амби яааяам̣ ид̇о буб̣б̣з наанаббагаарзна гусалагаммабадибад̇д̇и д̣̇ассид̇аа, д̇ад̇т̇а бамаад̣̇ам̣ аабаж̇ж̇амаано нираяад̇иражчаанаяонийхи висидтад̇арзби таанз уббаж̇ж̇амаано яасмаа зваруубзсу бзд̇зсу уббаж̇ж̇ад̇и, д̇асмаа на зд̇т̇а бамаад̣̇о гаран̣ийяод̇и д̣̇ассанад̇т̇ам̣, язхи жа бхууд̇зхи убад̣̇д̣̇уд̇ааяа взсаалияаа убад̣̇д̣̇ававуубасаманад̇т̇ам̣ рад̇анасуд̇д̇ам̣ вуд̇д̇ам̣, д̇зсу згажжаани зваруубаанийд̇и д̣̇ассанад̇т̇ам̣ ваа вуд̇д̇анд̇и.
Tattha idañhi tirokuṭṭaṃ iminā anukkamena bhagavatā avuttampi yāyaṃ ito pubbe nānappakārena kusalakammapaṭipatti dassitā, tattha pamādaṃ āpajjamāno nirayatiracchānayonīhi visiṭṭhatarepi ṭhāne uppajjamāno yasmā evarūpesu petesu uppajjati, tasmā na ettha pamādo karaṇīyoti dassanatthaṃ, yehi ca bhūtehi upaddutāya vesāliyā upaddavavūpasamanatthaṃ ratanasuttaṃ vuttaṃ, tesu ekaccāni evarūpānīti dassanatthaṃ vā vuttanti.
ид̣̇амасса ид̇ха нигкзбаббаяож̇анам̣ взд̣̇ид̇аб̣б̣ам̣.
Idamassa idha nikkhepappayojanaṃ veditabbaṃ.
анумод̣̇анаагат̇аа
Anumodanākathā
яасмаа банасса ад̇т̇аван̣н̣анаа –
Yasmā panassa atthavaṇṇanā –
‘‘язна яад̇т̇а яад̣̇аа яасмаа, д̇ирогуддам̣ багаасид̇ам̣;
‘‘Yena yattha yadā yasmā, tirokuṭṭaṃ pakāsitaṃ;
багаасзд̇ваана д̇ам̣ саб̣б̣ам̣, гаяирамаанаа яат̇ааггамам̣;
Pakāsetvāna taṃ sabbaṃ, kayiramānā yathākkamaṃ;
сугад̇аа ход̇и д̇асмаахам̣, гариссаами д̇ат̇зва д̇ам̣’’.
Sukatā hoti tasmāhaṃ, karissāmi tatheva taṃ’’.
гзна банзд̇ам̣ багаасид̇ам̣, гад̇т̇а гад̣̇аа гасмаа жаад̇и? вужжад̇з – бхаг̇авад̇аа багаасид̇ам̣, д̇ам̣ ко бана рааж̇аг̇ахз д̣̇уд̇ияад̣̇ивасз ран̃н̃о мааг̇ад̇хасса анумод̣̇анад̇т̇ам̣. имасса жад̇т̇асса вибхааванад̇т̇ам̣ аяамзд̇т̇а вид̇т̇аарагат̇аа гат̇зд̇аб̣б̣аа –
Kena panetaṃ pakāsitaṃ, kattha kadā kasmā cāti? Vuccate – bhagavatā pakāsitaṃ, taṃ kho pana rājagahe dutiyadivase rañño māgadhassa anumodanatthaṃ. Imassa catthassa vibhāvanatthaṃ ayamettha vitthārakathā kathetabbā –
ид̇о д̣̇ваанавуд̇игаббз гааси наама наг̇арам̣ ахоси. д̇ад̇т̇а ж̇аяасзно наама рааж̇аа. д̇асса сиримаа наама д̣̇звий, д̇ассаа гужчияам̣ пуссо наама б̣од̇хисад̇д̇о ниб̣б̣ад̇д̇ид̇ваа анубуб̣б̣зна саммаасамб̣од̇хим̣ абхисамб̣уж̇жхи. ж̇аяасзно рааж̇аа ‘‘мама буд̇д̇о абхинигкамид̇ваа б̣уд̣̇д̇хо ж̇аад̇о, маяхамзва б̣уд̣̇д̇хо, маяхам̣ д̇хаммо, маяхам̣ сан̇гхо’’д̇и мамад̇д̇ам̣ уббаад̣̇зд̇ваа саб̣б̣агаалам̣ саяамзва убадтахад̇и, на ан̃н̃зсам̣ огаасам̣ д̣̇зд̇и.
Ito dvānavutikappe kāsi nāma nagaraṃ ahosi. Tattha jayaseno nāma rājā. Tassa sirimā nāma devī, tassā kucchiyaṃ phusso nāma bodhisatto nibbattitvā anupubbena sammāsambodhiṃ abhisambujjhi. Jayaseno rājā ‘‘mama putto abhinikkhamitvā buddho jāto, mayhameva buddho, mayhaṃ dhammo, mayhaṃ saṅgho’’ti mamattaṃ uppādetvā sabbakālaṃ sayameva upaṭṭhahati, na aññesaṃ okāsaṃ deti.
бхаг̇авад̇о ганидтабхаад̇аро взмаад̇игаа д̇аяо бхаад̇аро жинд̇зсум̣ – ‘‘б̣уд̣̇д̇хаа наама саб̣б̣алогахид̇ааяа уббаж̇ж̇анд̇и, на жзгассзвад̇т̇ааяа, амхааган̃жа бид̇аа ан̃н̃зсам̣ огаасам̣ на д̣̇зд̇и, гат̇ам̣ ну маяам̣ лабхзяяаама бхаг̇аванд̇ам̣ убадтаад̇у’’нд̇и. д̇зсам̣ зд̇ад̣̇ахоси – ‘‘ханд̣̇а маяам̣ гин̃жи убааяам̣ гаромаа’’д̇и. д̇з бажжанд̇ам̣ губид̇ам̣ вияа гаараабзсум̣. д̇ад̇о рааж̇аа ‘‘бажжанд̇о губид̇о’’д̇и суд̇ваа д̇аяоби буд̇д̇з бажжанд̇авуубасаманад̇т̇ам̣ бзсзси. д̇з вуубасамзд̇ваа ааг̇ад̇аа, рааж̇аа д̇удто варам̣ ад̣̇ааси ‘‘яам̣ ижчат̇а, д̇ам̣ г̇ан̣хат̇аа’’д̇и. д̇з ‘‘маяам̣ бхаг̇аванд̇ам̣ убадтаад̇ум̣ ижчаамаа’’д̇и аахам̣су. рааж̇аа ‘‘зд̇ам̣ табзд̇ваа ан̃н̃ам̣ г̇ан̣хат̇аа’’д̇и ааха. д̇з ‘‘маяам̣ ан̃н̃зна анад̇т̇игаа’’д̇и аахам̣су. д̇зна хи барижчзд̣̇ам̣ гад̇ваа г̇ан̣хат̇аад̇и. д̇з сад̇д̇а вассаани яаажим̣су, рааж̇аа на ад̣̇ааси. звам̣ ча, бан̃жа, жад̇д̇аари, д̇ийн̣и, д̣̇вз, згам̣, сад̇д̇а маасаани, ча, бан̃жа, жад̇д̇аарийд̇и яаава д̇змаасам̣ яаажим̣су. рааж̇аа ‘‘г̇ан̣хат̇аа’’д̇и ад̣̇ааси.
Bhagavato kaniṭṭhabhātaro vemātikā tayo bhātaro cintesuṃ – ‘‘buddhā nāma sabbalokahitāya uppajjanti, na cekassevatthāya, amhākañca pitā aññesaṃ okāsaṃ na deti, kathaṃ nu mayaṃ labheyyāma bhagavantaṃ upaṭṭhātu’’nti. Tesaṃ etadahosi – ‘‘handa mayaṃ kiñci upāyaṃ karomā’’ti. Te paccantaṃ kupitaṃ viya kārāpesuṃ. Tato rājā ‘‘paccanto kupito’’ti sutvā tayopi putte paccantavūpasamanatthaṃ pesesi. Te vūpasametvā āgatā, rājā tuṭṭho varaṃ adāsi ‘‘yaṃ icchatha, taṃ gaṇhathā’’ti. Te ‘‘mayaṃ bhagavantaṃ upaṭṭhātuṃ icchāmā’’ti āhaṃsu. Rājā ‘‘etaṃ ṭhapetvā aññaṃ gaṇhathā’’ti āha. Te ‘‘mayaṃ aññena anatthikā’’ti āhaṃsu. Tena hi paricchedaṃ katvā gaṇhathāti. Te satta vassāni yāciṃsu, rājā na adāsi. Evaṃ cha, pañca, cattāri, tīṇi, dve, ekaṃ, satta māsāni, cha, pañca, cattārīti yāva temāsaṃ yāciṃsu. Rājā ‘‘gaṇhathā’’ti adāsi.
д̇з варам̣ лабхид̇ваа барамад̇удтаа бхаг̇аванд̇ам̣ убасан̇гамид̇ваа ванд̣̇ид̇ваа аахам̣су – ‘‘ижчаама маяам̣, бханд̇з, бхаг̇аванд̇ам̣ д̇змаасам̣ убадтаад̇ум̣, ад̇хиваасзд̇у но, бханд̇з , бхаг̇аваа имам̣ д̇змаасам̣ вассаавааса’’нд̇и. ад̇хиваасзси бхаг̇аваа д̇ун̣хийбхаавзна. д̇ад̇о д̇з ад̇д̇ано ж̇анабад̣̇з нияуд̇д̇агабурисасса лзкам̣ бзсзсум̣ ‘‘имам̣ д̇змаасам̣ амхзхи бхаг̇аваа убадтаад̇аб̣б̣о, вихаарам̣ аад̣̇им̣ гад̇ваа саб̣б̣ам̣ бхаг̇авад̇о убадтаанасамбхаарам̣ гарохий’’д̇и. со д̇ам̣ саб̣б̣ам̣ самбаад̣̇зд̇ваа бадинивзд̣̇зси. д̇з гаасааяавад̇т̇анивад̇т̇аа худ̇ваа ад̣дхад̇зяязхи бурисасахассзхи взяяааважжагарзхи бхаг̇аванд̇ам̣ саггажжам̣ убадтахамаанаа ж̇анабад̣̇ам̣ нзд̇ваа вихаарам̣ нияяаад̇зд̇ваа васаабзсум̣.
Te varaṃ labhitvā paramatuṭṭhā bhagavantaṃ upasaṅkamitvā vanditvā āhaṃsu – ‘‘icchāma mayaṃ, bhante, bhagavantaṃ temāsaṃ upaṭṭhātuṃ, adhivāsetu no, bhante , bhagavā imaṃ temāsaṃ vassāvāsa’’nti. Adhivāsesi bhagavā tuṇhībhāvena. Tato te attano janapade niyuttakapurisassa lekhaṃ pesesuṃ ‘‘imaṃ temāsaṃ amhehi bhagavā upaṭṭhātabbo, vihāraṃ ādiṃ katvā sabbaṃ bhagavato upaṭṭhānasambhāraṃ karohī’’ti. So taṃ sabbaṃ sampādetvā paṭinivedesi. Te kāsāyavatthanivatthā hutvā aḍḍhateyyehi purisasahassehi veyyāvaccakarehi bhagavantaṃ sakkaccaṃ upaṭṭhahamānā janapadaṃ netvā vihāraṃ niyyātetvā vasāpesuṃ.
д̇зсам̣ бхан̣д̣ааг̇аариго зго г̇ахабад̇ибуд̇д̇о сабаж̇аабад̇иго сад̣̇д̇хо ахоси басанно. со б̣уд̣̇д̇хаббамукасса сан̇гхасса д̣̇аанавад̇д̇ам̣ саггажжам̣ ад̣̇ааси. ж̇анабад̣̇з нияуд̇д̇агабурисо д̇ам̣ г̇ахзд̇ваа ж̇аанабад̣̇зхи згаад̣̇асамад̇д̇зхи бурисасахассзхи сад̣̇д̇хим̣ саггажжамзва д̣̇аанам̣ бавад̇д̇аабзси. д̇ад̇т̇а гзжи ж̇аанабад̣̇аа бадихад̇ажид̇д̇аа ахзсум̣. д̇з д̣̇аанасса анд̇арааяам̣ гад̇ваа д̣̇зяяад̇хаммз ад̇д̇анаа каад̣̇им̣су, бхад̇д̇асаалан̃жа аг̇г̇инаа д̣̇ахим̣су. баваарид̇з рааж̇абуд̇д̇аа бхаг̇авад̇о маханд̇ам̣ саггаарам̣ гад̇ваа бхаг̇аванд̇ам̣ бурагкад̇ваа бид̇уно сагаасамзва аг̇амам̣су. д̇ад̇т̇а г̇анд̇ваа зва бхаг̇аваа бариниб̣б̣ааяи. рааж̇аа жа рааж̇абуд̇д̇аа жа ж̇анабад̣̇з нияуд̇д̇агабурисо жа бхан̣д̣ааг̇аариго жа анубуб̣б̣зна гаалам̣ гад̇ваа сад̣̇д̇хим̣ барисааяа саг̇г̇з уббаж̇ж̇им̣су, бадихад̇ажид̇д̇аж̇анаа нираязсу ниб̣б̣ад̇д̇им̣су. звам̣ д̇зсам̣ д̣̇виннам̣ г̇ан̣аанам̣ саг̇г̇ад̇о саг̇г̇ам̣, нираяад̇о нираяам̣ убабаж̇ж̇анд̇аанам̣ д̣̇ваанавуд̇игаббаа вийд̇ивад̇д̇аа.
Tesaṃ bhaṇḍāgāriko eko gahapatiputto sapajāpatiko saddho ahosi pasanno. So buddhappamukhassa saṅghassa dānavattaṃ sakkaccaṃ adāsi. Janapade niyuttakapuriso taṃ gahetvā jānapadehi ekādasamattehi purisasahassehi saddhiṃ sakkaccameva dānaṃ pavattāpesi. Tattha keci jānapadā paṭihatacittā ahesuṃ. Te dānassa antarāyaṃ katvā deyyadhamme attanā khādiṃsu, bhattasālañca agginā dahiṃsu. Pavārite rājaputtā bhagavato mahantaṃ sakkāraṃ katvā bhagavantaṃ purakkhatvā pituno sakāsameva agamaṃsu. Tattha gantvā eva bhagavā parinibbāyi. Rājā ca rājaputtā ca janapade niyuttakapuriso ca bhaṇḍāgāriko ca anupubbena kālaṃ katvā saddhiṃ parisāya sagge uppajjiṃsu, paṭihatacittajanā nirayesu nibbattiṃsu. Evaṃ tesaṃ dvinnaṃ gaṇānaṃ saggato saggaṃ, nirayato nirayaṃ upapajjantānaṃ dvānavutikappā vītivattā.
ат̇а имасмим̣ бхад̣̇д̣̇агаббз гассабаб̣уд̣̇д̇хасса гаалз д̇з бадихад̇ажид̇д̇аж̇анаа бзд̇зсу уббаннаа. д̇ад̣̇аа мануссаа ад̇д̇ано н̃аад̇агаанам̣ бзд̇аанам̣ ад̇т̇ааяа д̣̇аанам̣ д̣̇ад̇ваа уд̣̇д̣̇исанд̇и ‘‘ид̣̇ам̣ амхаагам̣ н̃аад̇ийнам̣ ход̇уу’’д̇и. д̇з самбад̇д̇им̣ лабханд̇и. ат̇а имзби бзд̇аа д̇ам̣ д̣̇исваа бхаг̇аванд̇ам̣ гассабам̣ убасан̇гамид̇ваа бужчим̣су – ‘‘гим̣ ну ко, бханд̇з, маяамби зваруубам̣ самбад̇д̇им̣ лабхзяяаамаа’’д̇и? бхаг̇аваа ааха – ‘‘ид̣̇аани на лабхат̇а , абижа анааг̇ад̇з г̇од̇амо наама б̣уд̣̇д̇хо бхависсад̇и, д̇асса бхаг̇авад̇о гаалз б̣имб̣исааро наама рааж̇аа бхависсад̇и, со д̇умхаагам̣ ид̇о д̣̇ваанавуд̇игаббз н̃аад̇и ахоси, со б̣уд̣̇д̇хасса д̣̇аанам̣ д̣̇ад̇ваа д̇умхаагам̣ уд̣̇д̣̇исиссад̇и, д̇ад̣̇аа лабхиссат̇аа’’д̇и. звам̣ вуд̇д̇з гира д̇зсам̣ бзд̇аанам̣ д̇ам̣ важанам̣ ‘‘свз лабхиссат̇аа’’д̇и вуд̇д̇ам̣ вияа ахоси.
Atha imasmiṃ bhaddakappe kassapabuddhassa kāle te paṭihatacittajanā petesu uppannā. Tadā manussā attano ñātakānaṃ petānaṃ atthāya dānaṃ datvā uddisanti ‘‘idaṃ amhākaṃ ñātīnaṃ hotū’’ti. Te sampattiṃ labhanti. Atha imepi petā taṃ disvā bhagavantaṃ kassapaṃ upasaṅkamitvā pucchiṃsu – ‘‘kiṃ nu kho, bhante, mayampi evarūpaṃ sampattiṃ labheyyāmā’’ti? Bhagavā āha – ‘‘idāni na labhatha , apica anāgate gotamo nāma buddho bhavissati, tassa bhagavato kāle bimbisāro nāma rājā bhavissati, so tumhākaṃ ito dvānavutikappe ñāti ahosi, so buddhassa dānaṃ datvā tumhākaṃ uddisissati, tadā labhissathā’’ti. Evaṃ vutte kira tesaṃ petānaṃ taṃ vacanaṃ ‘‘sve labhissathā’’ti vuttaṃ viya ahosi.
ат̇а згасмим̣ б̣уд̣̇д̇ханд̇арз вийд̇ивад̇д̇з амхаагам̣ бхаг̇аваа логз уббаж̇ж̇и. д̇зби д̇аяо рааж̇абуд̇д̇аа д̇зхи ад̣дхад̇зяязхи бурисасахассзхи сад̣̇д̇хим̣ д̣̇звалогаа жавид̇ваа маг̇ад̇харадтз б̣раахман̣агулз уббаж̇ж̇ид̇ваа анубуб̣б̣зна исибаб̣б̣аж̇ж̇ам̣ баб̣б̣аж̇ид̇ваа г̇аяаасийсз д̇аяо ж̇адилаа ахзсум̣, ж̇анабад̣̇з нияуд̇д̇агабурисо, рааж̇аа ахоси б̣имб̣исааро, бхан̣д̣ааг̇аариго, г̇ахабад̇и висаако наама махаасздти ахоси, д̇асса баж̇аабад̇и д̇хаммад̣̇иннаа наама сздтид̇хийд̇аа ахоси. звам̣ саб̣б̣ааби авасзсаа барисаа ран̃н̃о зва бариваараа худ̇ваа ниб̣б̣ад̇д̇аа.
Atha ekasmiṃ buddhantare vītivatte amhākaṃ bhagavā loke uppajji. Tepi tayo rājaputtā tehi aḍḍhateyyehi purisasahassehi saddhiṃ devalokā cavitvā magadharaṭṭhe brāhmaṇakule uppajjitvā anupubbena isipabbajjaṃ pabbajitvā gayāsīse tayo jaṭilā ahesuṃ, janapade niyuttakapuriso, rājā ahosi bimbisāro, bhaṇḍāgāriko, gahapati visākho nāma mahāseṭṭhi ahosi, tassa pajāpati dhammadinnā nāma seṭṭhidhītā ahosi. Evaṃ sabbāpi avasesā parisā rañño eva parivārā hutvā nibbattā.
амхаагам̣ бхаг̇аваа логз уббаж̇ж̇ид̇ваа сад̇д̇асад̇д̇аахам̣ ад̇иггамид̇ваа анубуб̣б̣зна б̣аараан̣асим̣ ааг̇амма д̇хаммажаггам̣ бавад̇д̇зд̇ваа бан̃жаваг̇г̇ияз аад̣̇им̣ гад̇ваа яаава ад̣дхад̇зяяасахассабариваарз д̇аяо ж̇адилз винзд̇ваа рааж̇аг̇ахам̣ аг̇амааси. д̇ад̇т̇а жа д̇ад̣̇ахубасан̇гаманд̇ам̣язва рааж̇аанам̣ б̣имб̣исаарам̣ сод̇аабад̇д̇ипалз бад̇идтаабзси згаад̣̇асанавуд̇зхи мааг̇ад̇хагзхи б̣раахман̣аг̇ахабад̇игзхи сад̣̇д̇хим̣. ат̇а ран̃н̃аа сваад̇анааяа бхад̇д̇зна ниманд̇ид̇о бхаг̇аваа ад̇хиваасзд̇ваа д̣̇уд̇ияад̣̇ивасз саггзна д̣̇зваанаминд̣̇зна бурад̇о бурад̇о г̇ажчанд̇зна –
Amhākaṃ bhagavā loke uppajjitvā sattasattāhaṃ atikkamitvā anupubbena bārāṇasiṃ āgamma dhammacakkaṃ pavattetvā pañcavaggiye ādiṃ katvā yāva aḍḍhateyyasahassaparivāre tayo jaṭile vinetvā rājagahaṃ agamāsi. Tattha ca tadahupasaṅkamantaṃyeva rājānaṃ bimbisāraṃ sotāpattiphale patiṭṭhāpesi ekādasanavutehi māgadhakehi brāhmaṇagahapatikehi saddhiṃ. Atha raññā svātanāya bhattena nimantito bhagavā adhivāsetvā dutiyadivase sakkena devānamindena purato purato gacchantena –
‘‘д̣̇анд̇о д̣̇анд̇зхи саха бураан̣аж̇адилзхи, виббамуд̇д̇о виббамуд̇д̇зхи;
‘‘Danto dantehi saha purāṇajaṭilehi, vippamutto vippamuttehi;
син̇г̇ийнигкасаван̣н̣о, рааж̇аг̇ахам̣ баависи бхаг̇аваа’’д̇и. (махаава. 58) –
Siṅgīnikkhasavaṇṇo, rājagahaṃ pāvisi bhagavā’’ti. (mahāva. 58) –
звамаад̣̇ийхи г̇аат̇аахи абхид̇т̇авияамаано рааж̇аг̇ахам̣ бависид̇ваа ран̃н̃о нивзсанз махаад̣̇аанам̣ самбадижчи. д̇з бзд̇аа ‘‘ид̣̇аани рааж̇аа амхаагам̣ д̣̇аанам̣ уд̣̇д̣̇исиссад̇и, ид̣̇аани уд̣̇д̣̇исиссад̇ий’’д̇и аасааяа бариваарзд̇ваа адтам̣су.
Evamādīhi gāthāhi abhitthaviyamāno rājagahaṃ pavisitvā rañño nivesane mahādānaṃ sampaṭicchi. Te petā ‘‘idāni rājā amhākaṃ dānaṃ uddisissati, idāni uddisissatī’’ti āsāya parivāretvā aṭṭhaṃsu.
рааж̇аа д̣̇аанам̣ д̣̇ад̇ваа ‘‘гад̇т̇а ну ко бхаг̇аваа вихарзяяаа’’д̇и бхаг̇авад̇о вихаарадтаанамзва жинд̇зси, на д̇ам̣ д̣̇аанам̣ гассажи уд̣̇д̣̇иси. бзд̇аа чиннаасаа худ̇ваа рад̇д̇им̣ ран̃н̃о нивзсанз ад̇ивияа бхим̣санагам̣ виссарамагам̣су. рааж̇аа бхаяасам̣взг̇асанд̇аасамаабаж̇ж̇и, д̇ад̇о бабхаад̇ааяа рад̇д̇ияаа бхаг̇авад̇о аарожзси – ‘‘зваруубам̣ сад̣̇д̣̇амассосим̣, гим̣ ну ко мз, бханд̇з, бхависсад̇ий’’д̇и. бхаг̇аваа ааха – ‘‘маа бхааяи, махаарааж̇а, на д̇з гин̃жи баабагам̣ бхависсад̇и, абижа ко д̇з бураан̣ан̃аад̇агаа бзд̇зсу уббаннаа санд̇и, д̇з згам̣ б̣уд̣̇д̇ханд̇арам̣ д̇амзва бажжаасийсамаанаа вижаранд̇и ‘б̣уд̣̇д̇хасса д̣̇аанам̣ д̣̇ад̇ваа амхаагам̣ уд̣̇д̣̇исиссад̇ий’д̇и , на д̇зсам̣ д̇вам̣ хияяо уд̣̇д̣̇иси, д̇з чиннаасаа д̇ат̇ааруубам̣ виссарамагам̣суу’’д̇и.
Rājā dānaṃ datvā ‘‘kattha nu kho bhagavā vihareyyā’’ti bhagavato vihāraṭṭhānameva cintesi, na taṃ dānaṃ kassaci uddisi. Petā chinnāsā hutvā rattiṃ rañño nivesane ativiya bhiṃsanakaṃ vissaramakaṃsu. Rājā bhayasaṃvegasantāsamāpajji, tato pabhātāya rattiyā bhagavato ārocesi – ‘‘evarūpaṃ saddamassosiṃ, kiṃ nu kho me, bhante, bhavissatī’’ti. Bhagavā āha – ‘‘mā bhāyi, mahārāja, na te kiñci pāpakaṃ bhavissati, apica kho te purāṇañātakā petesu uppannā santi, te ekaṃ buddhantaraṃ tameva paccāsīsamānā vicaranti ‘buddhassa dānaṃ datvā amhākaṃ uddisissatī’ti , na tesaṃ tvaṃ hiyyo uddisi, te chinnāsā tathārūpaṃ vissaramakaṃsū’’ti.
со ааха ‘‘ид̣̇аани бана, бханд̇з, д̣̇иннз лабхзяяу’’нд̇и? ‘‘аама, махаарааж̇аа’’д̇и. ‘‘д̇зна хи мз, бханд̇з, ад̇хиваасзд̇у бхаг̇аваа аж̇ж̇ад̇анааяа д̣̇аанам̣, д̇зсам̣ уд̣̇д̣̇исиссаамий’’д̇и? бхаг̇аваа ад̇хиваасзси. рааж̇аа нивзсанам̣ г̇анд̇ваа махаад̣̇аанам̣ бадияаад̣̇зд̇ваа бхаг̇авад̇о гаалам̣ аарожаабзси. бхаг̇аваа рааж̇анд̇збурам̣ г̇анд̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. д̇зби ко бзд̇аа ‘‘аби наама аж̇ж̇а лабхзяяаамаа’’д̇и г̇анд̇ваа д̇ирогуддаад̣̇ийсу адтам̣су. бхаг̇аваа д̇ат̇аа агааси, яат̇аа д̇з саб̣б̣зва ран̃н̃о баагадаа ахзсум̣. рааж̇аа д̣̇агкин̣од̣̇агам̣ д̣̇знд̇о ‘‘ид̣̇ам̣ мз н̃аад̇ийнам̣ ход̇уу’’д̇и уд̣̇д̣̇иси, д̇ан̇кан̣ан̃н̃зва д̇зсам̣ бзд̇аанам̣ бад̣̇умасан̃чаннаа богкаран̣ияо ниб̣б̣ад̇д̇им̣су. д̇з д̇ад̇т̇а нхад̇ваа жа бивид̇ваа жа бадиббассад̣̇д̇хад̣̇арат̇агиламат̇абибаасаа суван̣н̣аван̣н̣аа ахзсум̣. рааж̇аа яааг̇укаж̇ж̇агабхож̇анаани д̣̇ад̇ваа уд̣̇д̣̇иси, д̇ан̇кан̣ан̃н̃зва д̇зсам̣ д̣̇иб̣б̣аяааг̇укаж̇ж̇агабхож̇анаани ниб̣б̣ад̇д̇им̣су. д̇з д̇аани барибхун̃ж̇ид̇ваа бийн̣инд̣̇рияаа ахзсум̣. ат̇а вад̇т̇асзнаасанаани д̣̇ад̇ваа уд̣̇д̣̇иси. д̇зсам̣ д̣̇иб̣б̣авад̇т̇ад̣̇иб̣б̣аяаанад̣̇иб̣б̣абаасаад̣̇ад̣̇иб̣б̣абажжад̇т̇аран̣ад̣̇иб̣б̣асзяяаад̣̇иалан̇гааравид̇хаяо ниб̣б̣ад̇д̇им̣су. сааби д̇зсам̣ самбад̇д̇и яат̇аа саб̣б̣аава баагадаа ход̇и, д̇ат̇аа бхаг̇аваа ад̇хидтааси. рааж̇аа ад̇ивияа ад̇д̇амано ахоси. д̇ад̇о бхаг̇аваа бхуд̇д̇аавий баваарид̇о ран̃н̃о мааг̇ад̇хасса анумод̣̇анад̇т̇ам̣ ‘‘д̇ирогуддзсу д̇идтанд̇ий’’д̇и имаа г̇аат̇аа абхааси.
So āha ‘‘idāni pana, bhante, dinne labheyyu’’nti? ‘‘Āma, mahārājā’’ti. ‘‘Tena hi me, bhante, adhivāsetu bhagavā ajjatanāya dānaṃ, tesaṃ uddisissāmī’’ti? Bhagavā adhivāsesi. Rājā nivesanaṃ gantvā mahādānaṃ paṭiyādetvā bhagavato kālaṃ ārocāpesi. Bhagavā rājantepuraṃ gantvā paññatte āsane nisīdi saddhiṃ bhikkhusaṅghena. Tepi kho petā ‘‘api nāma ajja labheyyāmā’’ti gantvā tirokuṭṭādīsu aṭṭhaṃsu. Bhagavā tathā akāsi, yathā te sabbeva rañño pākaṭā ahesuṃ. Rājā dakkhiṇodakaṃ dento ‘‘idaṃ me ñātīnaṃ hotū’’ti uddisi, taṅkhaṇaññeva tesaṃ petānaṃ padumasañchannā pokkharaṇiyo nibbattiṃsu. Te tattha nhatvā ca pivitvā ca paṭippassaddhadarathakilamathapipāsā suvaṇṇavaṇṇā ahesuṃ. Rājā yāgukhajjakabhojanāni datvā uddisi, taṅkhaṇaññeva tesaṃ dibbayāgukhajjakabhojanāni nibbattiṃsu. Te tāni paribhuñjitvā pīṇindriyā ahesuṃ. Atha vatthasenāsanāni datvā uddisi. Tesaṃ dibbavatthadibbayānadibbapāsādadibbapaccattharaṇadibbaseyyādialaṅkāravidhayo nibbattiṃsu. Sāpi tesaṃ sampatti yathā sabbāva pākaṭā hoti, tathā bhagavā adhiṭṭhāsi. Rājā ativiya attamano ahosi. Tato bhagavā bhuttāvī pavārito rañño māgadhassa anumodanatthaṃ ‘‘tirokuṭṭesu tiṭṭhantī’’ti imā gāthā abhāsi.
зд̇д̇аавад̇аа жа ‘‘язна яад̇т̇а яад̣̇аа яасмаа, д̇ирогуддам̣ багаасид̇ам̣, багаасзд̇ваана д̇ам̣ саб̣б̣а’’нд̇и аяам̣ маад̇игаа сан̇кзбад̇о вид̇т̇аарад̇о жа вибхад̇д̇аа ход̇и.
Ettāvatā ca ‘‘yena yattha yadā yasmā, tirokuṭṭaṃ pakāsitaṃ, pakāsetvāna taṃ sabba’’nti ayaṃ mātikā saṅkhepato vitthārato ca vibhattā hoti.
батамаг̇аат̇ааван̣н̣анаа
Paṭhamagāthāvaṇṇanā
1. ид̣̇аани имасса д̇ирогуддасса яат̇ааггамам̣ ад̇т̇аван̣н̣анам̣ гариссаама. сзяяат̇ид̣̇ам̣ – батамаг̇аат̇ааяа д̇аава д̇ирогуддаад̇и гуддаанам̣ барабхааг̇аа вужжанд̇и. д̇идтанд̇ийд̇и нисаж̇ж̇аад̣̇иббадигкзбад̇о таанагаббанаважанамзд̇ам̣. д̇зна яат̇аа баагаарабарабхааг̇ам̣ баб̣б̣ад̇абарабхааг̇ан̃жа г̇ажчанд̇ам̣ ‘‘д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇ий’’д̇и вад̣̇анд̇и, звамид̇хааби гуддасса барабхааг̇зсу д̇идтанд̇з ‘‘д̇ирогуддзсу д̇идтанд̇ий’’д̇и ааха. санд̇хисин̇гхаадагзсу жаад̇и зд̇т̇а санд̇хияод̇и жад̇уггон̣аражчаа вужжанд̇и гхарасанд̇хибхид̇д̇исанд̇хиаалогасанд̇хияо жааби. син̇гхаадагаад̇и д̇игон̣аражчаа вужжанд̇и, д̇ад̣̇згаж̇жхам̣ гад̇ваа буримзна сад̣̇д̇хим̣ сан̇гхадзнд̇о ‘‘санд̇хисин̇гхаадагзсу жаа’’д̇и ааха. д̣̇ваараб̣аахаасу д̇идтанд̇ийд̇и наг̇арад̣̇ваарагхарад̣̇ваараанам̣ б̣аахаа ниссааяа д̇идтанд̇и. ааг̇анд̇ваана сагам̣ гхаранд̇и зд̇т̇а сагам̣ гхарам̣ наама буб̣б̣ан̃аад̇игхарамби ад̇д̇анаа саамигабхаавзна аж̇жхаавуд̇т̇абуб̣б̣агхарамби. д̇ад̣̇убхаяамби яасмаа д̇з сагагхарасан̃н̃ааяа ааг̇ажчанд̇и, д̇асмаа ‘‘ааг̇анд̇ваана сагам̣ гхара’’нд̇и ааха.
1. Idāni imassa tirokuṭṭassa yathākkamaṃ atthavaṇṇanaṃ karissāma. Seyyathidaṃ – paṭhamagāthāya tāva tirokuṭṭāti kuṭṭānaṃ parabhāgā vuccanti. Tiṭṭhantīti nisajjādippaṭikkhepato ṭhānakappanavacanametaṃ. Tena yathā pākāraparabhāgaṃ pabbataparabhāgañca gacchantaṃ ‘‘tiropākāraṃ tiropabbataṃ asajjamāno gacchatī’’ti vadanti, evamidhāpi kuṭṭassa parabhāgesu tiṭṭhante ‘‘tirokuṭṭesu tiṭṭhantī’’ti āha. Sandhisiṅghāṭakesu cāti ettha sandhiyoti catukkoṇaracchā vuccanti gharasandhibhittisandhiālokasandhiyo cāpi. Siṅghāṭakāti tikoṇaracchā vuccanti, tadekajjhaṃ katvā purimena saddhiṃ saṅghaṭento ‘‘sandhisiṅghāṭakesu cā’’ti āha. Dvārabāhāsu tiṭṭhantīti nagaradvāragharadvārānaṃ bāhā nissāya tiṭṭhanti. Āgantvāna sakaṃ gharanti ettha sakaṃ gharaṃ nāma pubbañātigharampi attanā sāmikabhāvena ajjhāvutthapubbagharampi. Tadubhayampi yasmā te sakagharasaññāya āgacchanti, tasmā ‘‘āgantvāna sakaṃ ghara’’nti āha.
д̣̇уд̇ияаг̇аат̇ааван̣н̣анаа
Dutiyagāthāvaṇṇanā
2. звам̣ бхаг̇аваа буб̣б̣з анаж̇жхаавуд̇т̇абуб̣б̣амби буб̣б̣ан̃аад̇игхарам̣ б̣имб̣исааранивзсанам̣ сагагхарасан̃н̃ааяа ааг̇анд̇ваа д̇ирогуддасанд̇хисин̇гхаадагад̣̇ваараб̣аахаасу тид̇з иссаамажчарияапалам̣ анубхаванд̇з, аббзгажжз д̣̇ийгхамассугзсавигаарад̇харз анд̇хагаарамукз сит̇илаб̣анд̇ханавиламб̣амаанагисапарусагаал̣аган̇г̇абажжан̇г̇з д̇ад̇т̇а д̇ад̇т̇а тид̇аванад̣̇аахад̣̇ад̣дхад̇ааларугкасад̣̇исз, аббзгажжз ж̇игхажчаабибаасааран̣иниммат̇анзна уд̣̇арад̇о удтааяа мукад̇о винижчаранд̇ааяа аг̇г̇иж̇аалааяа барид̣аяхамаанасарийрз, аббзгажжз суужичид̣̇д̣̇аан̣умад̇д̇аган̣таб̣илад̇ааяа баб̣б̣ад̇аагаарагужчид̇ааяа жа лад̣̇д̇хамби баанабхож̇анам̣ яаавад̣̇ад̇т̇ам̣ бхун̃ж̇ид̇ум̣ асамад̇т̇ад̇ааяа куббибаасаабарзд̇з ан̃н̃ам̣ расамавинд̣̇амаанз, аббзгажжз ан̃н̃аман̃н̃асса ан̃н̃зсам̣ ваа сад̇д̇аанам̣ бабхиннаг̇ан̣д̣абил̣агамукаа баг̇гхарид̇аруд̇хирабуб̣б̣аласигаад̣̇им̣ лад̣̇д̇хаа амад̇амива сааяамаанз ад̇ивияа д̣̇уд̣̇д̣̇асигавируубабхаяаанагасарийрз б̣ахуу бзд̇з ран̃н̃о нид̣̇ассзнд̇о –
2. Evaṃ bhagavā pubbe anajjhāvutthapubbampi pubbañātigharaṃ bimbisāranivesanaṃ sakagharasaññāya āgantvā tirokuṭṭasandhisiṅghāṭakadvārabāhāsu ṭhite issāmacchariyaphalaṃ anubhavante, appekacce dīghamassukesavikāradhare andhakāramukhe sithilabandhanavilambamānakisapharusakāḷakaṅgapaccaṅge tattha tattha ṭhitavanadāhadaḍḍhatālarukkhasadise, appekacce jighacchāpipāsāraṇinimmathanena udarato uṭṭhāya mukhato viniccharantāya aggijālāya pariḍayhamānasarīre, appekacce sūcichiddāṇumattakaṇṭhabilatāya pabbatākārakucchitāya ca laddhampi pānabhojanaṃ yāvadatthaṃ bhuñjituṃ asamatthatāya khuppipāsāparete aññaṃ rasamavindamāne, appekacce aññamaññassa aññesaṃ vā sattānaṃ pabhinnagaṇḍapiḷakamukhā paggharitarudhirapubbalasikādiṃ laddhā amatamiva sāyamāne ativiya duddasikavirūpabhayānakasarīre bahū pete rañño nidassento –
‘‘д̇ирогуддзсу д̇идтанд̇и, санд̇хисин̇гхаадагзсу жа;
‘‘Tirokuṭṭesu tiṭṭhanti, sandhisiṅghāṭakesu ca;
д̣̇ваараб̣аахаасу д̇идтанд̇и, ааг̇анд̇ваана сагам̣ гхара’’нд̇и. –
Dvārabāhāsu tiṭṭhanti, āgantvāna sakaṃ ghara’’nti. –
вад̇ваа буна д̇зхи гад̇асса гаммасса д̣̇аарун̣абхаавам̣ д̣̇ассзнд̇о ‘‘бахууд̇з аннабаанамхий’’д̇и д̣̇уд̇ияаг̇аат̇амааха.
Vatvā puna tehi katassa kammassa dāruṇabhāvaṃ dassento ‘‘pahūte annapānamhī’’ti dutiyagāthamāha.
д̇ад̇т̇а бахууд̇зд̇и анаббагз б̣ахумхи, яаавад̣̇ад̇т̇игзд̇и вуд̇д̇ам̣ ход̇и. бха-гаарасса хи ха-гааро лаб̣бхад̇и ‘‘баху санд̇о на бхарад̇ий’’д̇иаад̣̇ийсу (су. ни. 98) вияа. гзжи бана ‘‘б̣ахууд̇з’’ ид̇и жа ‘‘б̣ахуугз’’ ид̇и жа батанд̇и. бамаад̣̇абаатаа зд̇з . аннз жа баанамхи жа аннабаанамхи. каж̇ж̇з жа бхож̇ж̇з жа каж̇ж̇абхож̇ж̇з, зд̇зна асид̇абийд̇акааяид̇асааяид̇авасзна жад̇уб̣б̣ид̇хам̣ аахаарам̣ д̣̇ассзд̇и. убадтид̇зд̇и убаг̇амма тид̇з, саж̇ж̇ид̇з бадияад̇д̇з самохид̇зд̇и вуд̇д̇ам̣ ход̇и. на д̇зсам̣ гожи сарад̇и, сад̇д̇аананд̇и д̇зсам̣ бзд̇д̇ивисаяз уббаннаанам̣ сад̇д̇аанам̣ гожи маад̇аа ваа бид̇аа ваа буд̇д̇о ваа на сарад̇и. гим̣ гааран̣аа? гаммабажжаяаа, ад̇д̇анаа гад̇асса ад̣̇аанад̣̇аанаббадисзд̇ханаад̣̇ибхзд̣̇асса гад̣̇арияагаммасса бажжаяаа. д̇ан̃хи д̇зсам̣ гаммам̣ н̃аад̇ийнам̣ сарид̇ум̣ на д̣̇зд̇и.
Tattha pahūteti anappake bahumhi, yāvadatthiketi vuttaṃ hoti. Bha-kārassa hi ha-kāro labbhati ‘‘pahu santo na bharatī’’tiādīsu (su. ni. 98) viya. Keci pana ‘‘bahūte’’ iti ca ‘‘bahūke’’ iti ca paṭhanti. Pamādapāṭhā ete . Anne ca pānamhi ca annapānamhi. Khajje ca bhojje ca khajjabhojje, etena asitapītakhāyitasāyitavasena catubbidhaṃ āhāraṃ dasseti. Upaṭṭhiteti upagamma ṭhite, sajjite paṭiyatte samohiteti vuttaṃ hoti. Na tesaṃ koci sarati, sattānanti tesaṃ pettivisaye uppannānaṃ sattānaṃ koci mātā vā pitā vā putto vā na sarati. Kiṃ kāraṇā? Kammapaccayā, attanā katassa adānadānappaṭisedhanādibhedassa kadariyakammassa paccayā. Tañhi tesaṃ kammaṃ ñātīnaṃ sarituṃ na deti.
д̇ад̇ияаг̇аат̇ааван̣н̣анаа
Tatiyagāthāvaṇṇanā
3. звам̣ бхаг̇аваа анаббагзби аннабаанаад̣̇имхи бажжубадтид̇з ‘‘аби наама амхз уд̣̇д̣̇исса гин̃жи д̣̇ад̣̇зяяу’’нд̇и н̃аад̇ий бажжаасийсанд̇аанам̣ вижарад̇ам̣ д̇зсам̣ бзд̇аанам̣ д̇зхи гад̇асса ад̇игадугавибаагагарасса гаммасса бажжаязна гассажи н̃аад̇ино ануссаран̣амад̇д̇аабхаавам̣ д̣̇ассзнд̇о –
3. Evaṃ bhagavā anappakepi annapānādimhi paccupaṭṭhite ‘‘api nāma amhe uddissa kiñci dadeyyu’’nti ñātī paccāsīsantānaṃ vicarataṃ tesaṃ petānaṃ tehi katassa atikaṭukavipākakarassa kammassa paccayena kassaci ñātino anussaraṇamattābhāvaṃ dassento –
‘‘бахууд̇з аннабаанамхи, каж̇ж̇абхож̇ж̇з убадтид̇з;
‘‘Pahūte annapānamhi, khajjabhojje upaṭṭhite;
на д̇зсам̣ гожи сарад̇и, сад̇д̇аанам̣ гаммабажжаяаа’’д̇и. –
Na tesaṃ koci sarati, sattānaṃ kammapaccayā’’ti. –
вад̇ваа буна ран̃н̃о бзд̇д̇ивисаяуубабаннз н̃аад̇агз уд̣̇д̣̇исса д̣̇иннам̣ д̣̇аанам̣ басам̣санд̇о ‘‘звам̣ д̣̇ад̣̇анд̇и н̃аад̇ийна’’нд̇и д̇ад̇ияаг̇аат̇амааха.
Vatvā puna rañño pettivisayūpapanne ñātake uddissa dinnaṃ dānaṃ pasaṃsanto ‘‘evaṃ dadanti ñātīna’’nti tatiyagāthamāha.
д̇ад̇т̇а званд̇и убамааважанам̣. д̇асса д̣̇вид̇хаа самб̣анд̇хо – д̇зсам̣ сад̇д̇аанам̣ гаммабажжаяаа асаранд̇зби гисмин̃жи д̣̇ад̣̇анд̇и, н̃аад̇ийнам̣, яз звам̣ анугамбагаа хонд̇ийд̇и жа яат̇аа д̇аяаа, махаарааж̇а, д̣̇иннам̣, звам̣ сужим̣ бан̣ийд̇ам̣ гаалзна габбияам̣ баанабхож̇анам̣ д̣̇ад̣̇анд̇и н̃аад̇ийнам̣, яз хонд̇и анугамбагаад̇и жа. д̣̇ад̣̇анд̇ийд̇и д̣̇знд̇и уд̣̇д̣̇исанд̇и нияяаад̇знд̇и. н̃аад̇ийнанд̇и маад̇ид̇о жа бид̇ид̇о жа самб̣анд̇хаанам̣. язд̇и яз гзжи буд̇д̇аа ваа д̇хийд̇аро ваа бхаад̇аро ваа хонд̇ийд̇и бхаванд̇и. анугамбагаад̇и ад̇т̇агаамаа хид̇зсино. сужинд̇и вималам̣ д̣̇ассанзяяам̣ манорамам̣ д̇хаммигам̣ д̇хаммалад̣̇д̇хам̣. бан̣ийд̇анд̇и уд̇д̇амам̣ сздтам̣. гаалзнаад̇и н̃аад̇ибзд̇аанам̣ д̇ирогуддаад̣̇ийсу ааг̇анд̇ваа тид̇агаалзна. габбияанд̇и анужчавигам̣ бад̇ируубам̣ арияаанам̣ барибхог̇аарахам̣. баанабхож̇ананд̇и баанан̃жа бхож̇анан̃жа. ид̇ха баанабхож̇анамукзна саб̣б̣оби д̣̇зяяад̇хаммо ад̇хиббзд̇о.
Tattha evanti upamāvacanaṃ. Tassa dvidhā sambandho – tesaṃ sattānaṃ kammapaccayā asarantepi kismiñci dadanti, ñātīnaṃ, ye evaṃ anukampakā hontīti ca yathā tayā, mahārāja, dinnaṃ, evaṃ suciṃ paṇītaṃ kālena kappiyaṃ pānabhojanaṃ dadanti ñātīnaṃ, ye honti anukampakāti ca. Dadantīti denti uddisanti niyyātenti. Ñātīnanti mātito ca pitito ca sambandhānaṃ. Yeti ye keci puttā vā dhītaro vā bhātaro vā hontīti bhavanti. Anukampakāti atthakāmā hitesino. Sucinti vimalaṃ dassaneyyaṃ manoramaṃ dhammikaṃ dhammaladdhaṃ. Paṇītanti uttamaṃ seṭṭhaṃ. Kālenāti ñātipetānaṃ tirokuṭṭādīsu āgantvā ṭhitakālena. Kappiyanti anucchavikaṃ patirūpaṃ ariyānaṃ paribhogārahaṃ. Pānabhojananti pānañca bhojanañca. Idha pānabhojanamukhena sabbopi deyyadhammo adhippeto.
жад̇уд̇т̇аг̇аат̇аабуб̣б̣ад̣̇д̇хаван̣н̣анаа
Catutthagāthāpubbaddhavaṇṇanā
4. звам̣ бхаг̇аваа ран̃н̃аа мааг̇ад̇хзна бзд̇абхууд̇аанам̣ н̃аад̇ийнам̣ анугамбааяа д̣̇иннам̣ баанабхож̇анам̣ басам̣санд̇о –
4. Evaṃ bhagavā raññā māgadhena petabhūtānaṃ ñātīnaṃ anukampāya dinnaṃ pānabhojanaṃ pasaṃsanto –
‘‘звам̣ д̣̇ад̣̇анд̇и н̃аад̇ийнам̣, яз хонд̇и анугамбагаа;
‘‘Evaṃ dadanti ñātīnaṃ, ye honti anukampakā;
сужим̣ бан̣ийд̇ам̣ гаалзна, габбияам̣ баанабхож̇ана’’нд̇и. –
Suciṃ paṇītaṃ kālena, kappiyaṃ pānabhojana’’nti. –
вад̇ваа буна язна багаарзна д̣̇иннам̣ д̇зсам̣ ход̇и, д̇ам̣ д̣̇ассзнд̇о ‘‘ид̣̇ам̣ во н̃аад̇ийнам̣ ход̇уу’’д̇и жад̇уд̇т̇аг̇аат̇ааяа буб̣б̣ад̣̇д̇хамааха д̇ам̣ д̇ад̇ияаг̇аат̇ааяа буб̣б̣ад̣̇д̇хзна самб̣анд̇хид̇аб̣б̣ам̣ –
Vatvā puna yena pakārena dinnaṃ tesaṃ hoti, taṃ dassento ‘‘idaṃ vo ñātīnaṃ hotū’’ti catutthagāthāya pubbaddhamāha taṃ tatiyagāthāya pubbaddhena sambandhitabbaṃ –
‘‘звам̣ д̣̇ад̣̇анд̇и н̃аад̇ийнам̣, яз хонд̇и анугамбагаа ;
‘‘Evaṃ dadanti ñātīnaṃ, ye honti anukampakā ;
ид̣̇ам̣ во н̃аад̇ийнам̣ ход̇у, сукид̇аа хонд̇у н̃аад̇аяо’’д̇и.
Idaṃ vo ñātīnaṃ hotu, sukhitā hontu ñātayo’’ti.
д̇зна ‘‘ид̣̇ам̣ во н̃аад̇ийнам̣ ход̇ууд̇и звам̣ д̣̇ад̣̇анд̇и, но ан̃н̃ат̇аа’’д̇и зд̇т̇а аагаарад̇т̇зна звам̣сад̣̇д̣̇зна д̣̇аад̇аб̣б̣аагааранид̣̇ассанам̣ гад̇ам̣ ход̇и.
Tena ‘‘idaṃ vo ñātīnaṃ hotūti evaṃ dadanti, no aññathā’’ti ettha ākāratthena evaṃsaddena dātabbākāranidassanaṃ kataṃ hoti.
д̇ад̇т̇а ид̣̇анд̇и д̣̇зяяад̇хамманид̣̇ассанам̣. вод̇и ‘‘гажжи бана во ануруд̣̇д̇хаа самаг̇г̇аа саммод̣̇амаанаа’’д̇и жа (ма. ни. 1.326; махаава. 466), ‘‘язхи во арияаа’’д̇и жа звамаад̣̇ийсу вияа гзвалам̣ нибаад̇амад̇д̇ам̣, на саамиважанам̣. н̃аад̇ийнам̣ ход̇ууд̇и бзд̇д̇ивисаяз уббаннаанам̣ н̃аад̇агаанам̣ ход̇у. сукид̇аа хонд̇у н̃аад̇аяод̇и д̇з бзд̇д̇ивисаяуубабаннаа н̃аад̇аяо ид̣̇ам̣ бажжанубхаванд̇аа сукид̇аа хонд̇ууд̇и.
Tattha idanti deyyadhammanidassanaṃ. Voti ‘‘kacci pana vo anuruddhā samaggā sammodamānā’’ti ca (ma. ni. 1.326; mahāva. 466), ‘‘yehi vo ariyā’’ti ca evamādīsu viya kevalaṃ nipātamattaṃ, na sāmivacanaṃ. Ñātīnaṃ hotūti pettivisaye uppannānaṃ ñātakānaṃ hotu. Sukhitā hontu ñātayoti te pettivisayūpapannā ñātayo idaṃ paccanubhavantā sukhitā hontūti.
жад̇уд̇т̇аг̇аат̇аабарад̣̇д̇хабан̃жамаг̇аат̇аабуб̣б̣ад̣̇д̇хаван̣н̣анаа
Catutthagāthāparaddhapañcamagāthāpubbaddhavaṇṇanā
4-5. звам̣ бхаг̇аваа язна багаарзна бзд̇д̇ивисаяуубабаннаанам̣ н̃аад̇ийнам̣ д̣̇аад̇аб̣б̣ам̣, д̇ам̣ д̣̇ассзнд̇о ‘‘ид̣̇ам̣ во н̃аад̇ийнам̣ ход̇у, сукид̇аа хонд̇у н̃аад̇аяо’’д̇и вад̇ваа буна яасмаа ‘‘ид̣̇ам̣ во н̃аад̇ийнам̣ ход̇уу’’д̇и вуд̇д̇зби на ан̃н̃зна гад̇ам̣ гаммам̣ ан̃н̃асса палад̣̇ам̣ ход̇и, гзваланд̇у д̇ат̇аа уд̣̇д̣̇исса д̣̇ияяамаанам̣ д̇ам̣ вад̇т̇у н̃аад̇ийнам̣ гусалагаммасса бажжаяо ход̇и. д̇асмаа яат̇аа д̇зсам̣ д̇асмим̣язва вад̇т̇усмим̣ д̇ан̇кан̣з паланиб̣б̣ад̇д̇агам̣ гусалагаммам̣ ход̇и, д̇ам̣ д̣̇ассзнд̇о ‘‘д̇з жа д̇ад̇т̇аа’’д̇и жад̇уд̇т̇аг̇аат̇ааяа бажчимад̣̇д̇хам̣ ‘‘бахууд̇з аннабаанамхий’’д̇и бан̃жамаг̇аат̇ааяа буб̣б̣ад̣̇д̇хан̃жа ааха.
4-5. Evaṃ bhagavā yena pakārena pettivisayūpapannānaṃ ñātīnaṃ dātabbaṃ, taṃ dassento ‘‘idaṃ vo ñātīnaṃ hotu, sukhitā hontu ñātayo’’ti vatvā puna yasmā ‘‘idaṃ vo ñātīnaṃ hotū’’ti vuttepi na aññena kataṃ kammaṃ aññassa phaladaṃ hoti, kevalantu tathā uddissa diyyamānaṃ taṃ vatthu ñātīnaṃ kusalakammassa paccayo hoti. Tasmā yathā tesaṃ tasmiṃyeva vatthusmiṃ taṅkhaṇe phalanibbattakaṃ kusalakammaṃ hoti, taṃ dassento ‘‘te ca tatthā’’ti catutthagāthāya pacchimaddhaṃ ‘‘pahūte annapānamhī’’ti pañcamagāthāya pubbaddhañca āha.
д̇зсам̣ ад̇т̇о – д̇з н̃аад̇ибзд̇аа яад̇т̇а д̇ам̣ д̣̇аанам̣ д̣̇ийяад̇и, д̇ад̇т̇а саманд̇ад̇о ааг̇анд̇ваа самааг̇анд̇ваа, самод̇хааяа ваа згаж̇жхам̣ худ̇ваад̇и вуд̇д̇ам̣ ход̇и, саммаа ааг̇ад̇аа самааг̇ад̇аа ‘‘имз но н̃аад̇аяо амхаагам̣ ад̇т̇ааяа д̣̇аанам̣ уд̣̇д̣̇исиссанд̇ий’’д̇и зд̇ад̣̇ад̇т̇ам̣ саммаа ааг̇ад̇аа худ̇ваад̇и вуд̇д̇ам̣ ход̇и. бахууд̇з аннабаанамхийд̇и д̇асмим̣ ад̇д̇ано уд̣̇д̣̇иссамаанз бахууд̇з аннабаанамхи. саггажжам̣ анумод̣̇арзд̇и абхисад̣̇д̣̇аханд̇аа гаммапалам̣ авиж̇аханд̇аа жид̇д̇ийгаарам̣ авигкид̇д̇ажид̇д̇аа худ̇ваа ‘‘ид̣̇ам̣ но д̣̇аанам̣ хид̇ааяа сукааяа ход̇уу’’д̇и мод̣̇анд̇и анумод̣̇анд̇и, бийд̇исоманассаж̇аад̇аа хонд̇ийд̇и.
Tesaṃ attho – te ñātipetā yattha taṃ dānaṃ dīyati, tattha samantato āgantvā samāgantvā, samodhāya vā ekajjhaṃ hutvāti vuttaṃ hoti, sammā āgatā samāgatā ‘‘ime no ñātayo amhākaṃ atthāya dānaṃ uddisissantī’’ti etadatthaṃ sammā āgatā hutvāti vuttaṃ hoti. Pahūte annapānamhīti tasmiṃ attano uddissamāne pahūte annapānamhi. Sakkaccaṃ anumodareti abhisaddahantā kammaphalaṃ avijahantā cittīkāraṃ avikkhittacittā hutvā ‘‘idaṃ no dānaṃ hitāya sukhāya hotū’’ti modanti anumodanti, pītisomanassajātā hontīti.
бан̃жамаг̇аат̇аабарад̣̇д̇хачадтаг̇аат̇аабуб̣б̣ад̣̇д̇хаван̣н̣анаа
Pañcamagāthāparaddhachaṭṭhagāthāpubbaddhavaṇṇanā
5-6. звам̣ бхаг̇аваа яат̇аа бзд̇д̇ивисаяуубабаннаанам̣ д̇ан̇кан̣з паланиб̣б̣ад̇д̇агам̣ гусалам̣ гаммам̣ ход̇и, д̇ам̣ д̣̇ассзнд̇о –
5-6. Evaṃ bhagavā yathā pettivisayūpapannānaṃ taṅkhaṇe phalanibbattakaṃ kusalaṃ kammaṃ hoti, taṃ dassento –
‘‘д̇з жа д̇ад̇т̇а самааг̇анд̇ваа, н̃аад̇ибзд̇аа самааг̇ад̇аа;
‘‘Te ca tattha samāgantvā, ñātipetā samāgatā;
бахууд̇з аннабаанамхи, саггажжам̣ анумод̣̇арз’’д̇и. –
Pahūte annapānamhi, sakkaccaṃ anumodare’’ti. –
вад̇ваа буна н̃аад̇агз ниссааяа ниб̣б̣ад̇д̇агусалагаммапалам̣ бажжанубхонд̇аанам̣ д̇зсам̣ н̃аад̇ий аараб̣бха т̇оманаагаарам̣ д̣̇ассзнд̇о ‘‘жирам̣ ж̇ийванд̇уу’’д̇и бан̃жамаг̇аат̇ааяа бажчимад̣̇д̇хам̣ ‘‘амхааган̃жа гад̇аа бууж̇аа’’д̇и чадтаг̇аат̇ааяа буб̣б̣ад̣̇д̇хан̃жа ааха.
Vatvā puna ñātake nissāya nibbattakusalakammaphalaṃ paccanubhontānaṃ tesaṃ ñātī ārabbha thomanākāraṃ dassento ‘‘ciraṃ jīvantū’’ti pañcamagāthāya pacchimaddhaṃ ‘‘amhākañca katā pūjā’’ti chaṭṭhagāthāya pubbaddhañca āha.
д̇зсам̣ ад̇т̇о – жирам̣ ж̇ийванд̇ууд̇и жираж̇ийвино д̣̇ийгхааяугаа хонд̇у. но н̃аад̇ийд̇и амхаагам̣ н̃аад̇агаа. язсам̣ хзд̇ууд̇и яз ниссааяа язсам̣ гааран̣аа. лабхаамасзд̇и лабхаама. ад̇д̇анаа д̇ан̇кан̣ам̣ бадилад̣̇д̇хасамбад̇д̇им̣ абад̣̇исанд̇аа бхан̣анд̇и. бзд̇аанан̃хи ад̇д̇ано анумод̣̇анзна, д̣̇ааяагаанам̣ уд̣̇д̣̇зсзна, д̣̇агкин̣зяяасамбад̣̇ааяа жаад̇и д̇ийхи ан̇г̇зхи д̣̇агкин̣аа самиж̇жхад̇и, д̇ан̇кан̣з паланиб̣б̣ад̇д̇игаа ход̇и. д̇ад̇т̇а д̣̇ааяагаа висзсахзд̇у. д̇знаахам̣су ‘‘язсам̣ хзд̇у лабхаамасз’’д̇и. амхааган̃жа гад̇аа бууж̇аад̇и ‘‘ид̣̇ам̣ во н̃аад̇ийнам̣ ход̇уу’’д̇и звам̣ имам̣ д̣̇аанам̣ уд̣̇д̣̇исанд̇зхи амхааган̃жа бууж̇аа гад̇аа. д̣̇ааяагаа жа анибпалаад̇и яамхи санд̇аанз барижжааг̇амаяам̣ гаммам̣ гад̇ам̣, д̇асса д̇ад̇т̇зва палад̣̇аанад̇о д̣̇ааяагаа жа анибпалаад̇и.
Tesaṃ attho – ciraṃ jīvantūti cirajīvino dīghāyukā hontu. No ñātīti amhākaṃ ñātakā. Yesaṃ hetūti ye nissāya yesaṃ kāraṇā. Labhāmaseti labhāma. Attanā taṅkhaṇaṃ paṭiladdhasampattiṃ apadisantā bhaṇanti. Petānañhi attano anumodanena, dāyakānaṃ uddesena, dakkhiṇeyyasampadāya cāti tīhi aṅgehi dakkhiṇā samijjhati, taṅkhaṇe phalanibbattikā hoti. Tattha dāyakā visesahetu. Tenāhaṃsu ‘‘yesaṃ hetu labhāmase’’ti. Amhākañca katā pūjāti ‘‘idaṃ vo ñātīnaṃ hotū’’ti evaṃ imaṃ dānaṃ uddisantehi amhākañca pūjā katā. Dāyakā ca anipphalāti yamhi santāne pariccāgamayaṃ kammaṃ kataṃ, tassa tattheva phaladānato dāyakā ca anipphalāti.
зд̇т̇ааха – ‘‘гим̣ бана бзд̇д̇ивисаяуубабаннаа зва н̃аад̇аяо лабханд̇и, уд̣̇ааху ан̃н̃зби лабханд̇ий’’д̇и ? вужжад̇з – бхаг̇авад̇аа звзд̇ам̣ б̣яаагад̇ам̣ ж̇аан̣уссон̣инаа б̣раахман̣зна будтзна, гимзд̇т̇а амхзхи вад̇д̇аб̣б̣ам̣ ад̇т̇и. вуд̇д̇ам̣ хзд̇ам̣ –
Etthāha – ‘‘kiṃ pana pettivisayūpapannā eva ñātayo labhanti, udāhu aññepi labhantī’’ti ? Vuccate – bhagavatā evetaṃ byākataṃ jāṇussoṇinā brāhmaṇena puṭṭhena, kimettha amhehi vattabbaṃ atthi. Vuttaṃ hetaṃ –
‘‘маяамассу, бхо г̇од̇ама, б̣раахман̣аа наама д̣̇аанаани д̣̇зма, сад̣̇д̇хаани гарома ‘ид̣̇ам̣ д̣̇аанам̣ бзд̇аанам̣ н̃аад̇исаалохид̇аанам̣ убагаббад̇у, ид̣̇ам̣ д̣̇аанам̣ бзд̇аа н̃аад̇исаалохид̇аа барибхун̃ж̇анд̇уу’д̇и, гажжи д̇ам̣, бхо г̇од̇ама, д̣̇аанам̣ бзд̇аанам̣ н̃аад̇исаалохид̇аанам̣ убагаббад̇и, гажжи д̇з бзд̇аа н̃аад̇исаалохид̇аа д̇ам̣ д̣̇аанам̣ барибхун̃ж̇анд̇ийд̇и. таанз ко, б̣раахман̣а, убагаббад̇и, но адтаанзд̇и.
‘‘Mayamassu, bho gotama, brāhmaṇā nāma dānāni dema, saddhāni karoma ‘idaṃ dānaṃ petānaṃ ñātisālohitānaṃ upakappatu, idaṃ dānaṃ petā ñātisālohitā paribhuñjantū’ti, kacci taṃ, bho gotama, dānaṃ petānaṃ ñātisālohitānaṃ upakappati, kacci te petā ñātisālohitā taṃ dānaṃ paribhuñjantīti. Ṭhāne kho, brāhmaṇa, upakappati, no aṭṭhāneti.
‘‘гад̇амам̣ бана д̇ам̣, бхо г̇од̇ама, таанам̣, гад̇амам̣ адтаананд̇и? ид̇ха, б̣раахман̣а, згажжо баан̣аад̇ибаад̇ий ход̇и…бз… мижчаад̣̇идтиго ход̇и, со гааяасса бхзд̣̇аа барам̣ маран̣аа нираяам̣ убабаж̇ж̇ад̇и. яо нзраяигаанам̣ сад̇д̇аанам̣ аахааро, д̇зна со д̇ад̇т̇а яаабзд̇и, д̇зна со д̇ад̇т̇а д̇идтад̇и. ид̣̇ам̣ ко, б̣раахман̣а, адтаанам̣, яад̇т̇а тид̇асса д̇ам̣ д̣̇аанам̣ на убагаббад̇и.
‘‘Katamaṃ pana taṃ, bho gotama, ṭhānaṃ, katamaṃ aṭṭhānanti? Idha, brāhmaṇa, ekacco pāṇātipātī hoti…pe… micchādiṭṭhiko hoti, so kāyassa bhedā paraṃ maraṇā nirayaṃ upapajjati. Yo nerayikānaṃ sattānaṃ āhāro, tena so tattha yāpeti, tena so tattha tiṭṭhati. Idaṃ kho, brāhmaṇa, aṭṭhānaṃ, yattha ṭhitassa taṃ dānaṃ na upakappati.
‘‘ид̇ха бана, б̣раахман̣а, згажжо баан̣аад̇ибаад̇ий ход̇и…бз… мижчаад̣̇идтиго ход̇и, со гааяасса бхзд̣̇аа барам̣ маран̣аа д̇иражчаанаяоним̣ убабаж̇ж̇ад̇и. яо д̇иражчаанаяонигаанам̣ сад̇д̇аанам̣ аахааро, д̇зна со д̇ад̇т̇а яаабзд̇и, д̇зна со д̇ад̇т̇а д̇идтад̇и. ид̣̇амби ко, б̣раахман̣а, адтаанам̣, яад̇т̇а тид̇асса д̇ам̣ д̣̇аанам̣ на убагаббад̇и.
‘‘Idha pana, brāhmaṇa, ekacco pāṇātipātī hoti…pe… micchādiṭṭhiko hoti, so kāyassa bhedā paraṃ maraṇā tiracchānayoniṃ upapajjati. Yo tiracchānayonikānaṃ sattānaṃ āhāro, tena so tattha yāpeti, tena so tattha tiṭṭhati. Idampi kho, brāhmaṇa, aṭṭhānaṃ, yattha ṭhitassa taṃ dānaṃ na upakappati.
‘‘ид̇ха бана, б̣раахман̣а, згажжо баан̣аад̇ибаад̇аа бадивирад̇о ход̇и…бз… саммаад̣̇идтиго ход̇и, со гааяасса бхзд̣̇аа барам̣ маран̣аа мануссаанам̣ сахаб̣яад̇ам̣ убабаж̇ж̇ад̇и…бз… д̣̇зваанам̣ сахаб̣яад̇ам̣ убабаж̇ж̇ад̇и. яо д̣̇зваанам̣ аахааро, д̇зна со д̇ад̇т̇а яаабзд̇и, д̇зна со д̇ад̇т̇а д̇идтад̇и. ид̣̇амби ко, б̣раахман̣а, адтаанам̣, яад̇т̇а тид̇асса д̇ам̣ д̣̇аанам̣ на убагаббад̇и.
‘‘Idha pana, brāhmaṇa, ekacco pāṇātipātā paṭivirato hoti…pe… sammādiṭṭhiko hoti, so kāyassa bhedā paraṃ maraṇā manussānaṃ sahabyataṃ upapajjati…pe… devānaṃ sahabyataṃ upapajjati. Yo devānaṃ āhāro, tena so tattha yāpeti, tena so tattha tiṭṭhati. Idampi kho, brāhmaṇa, aṭṭhānaṃ, yattha ṭhitassa taṃ dānaṃ na upakappati.
‘‘ид̇ха бана, б̣раахман̣а, згажжо баан̣аад̇ибаад̇ий ход̇и…бз… мижчаад̣̇идтиго ход̇и, со гааяасса бхзд̣̇аа барам̣ маран̣аа бзд̇д̇ивисаяам̣ убабаж̇ж̇ад̇и. яо бзд̇д̇ивзсаяигаанам̣ сад̇д̇аанам̣ аахааро, д̇зна со д̇ад̇т̇а яаабзд̇и, д̇зна со д̇ад̇т̇а д̇идтад̇и. яам̣ ваа банасса ид̇о анубавзжчанд̇и мид̇д̇аамажжаа ваа н̃аад̇исаалохид̇аа ваа, д̇зна со д̇ад̇т̇а яаабзд̇и, д̇зна со д̇ад̇т̇а д̇идтад̇и. ид̣̇ам̣ ко, б̣раахман̣а, таанам̣, яад̇т̇а тид̇асса д̇ам̣ д̣̇аанам̣ убагаббад̇ийд̇и.
‘‘Idha pana, brāhmaṇa, ekacco pāṇātipātī hoti…pe… micchādiṭṭhiko hoti, so kāyassa bhedā paraṃ maraṇā pettivisayaṃ upapajjati. Yo pettivesayikānaṃ sattānaṃ āhāro, tena so tattha yāpeti, tena so tattha tiṭṭhati. Yaṃ vā panassa ito anupavecchanti mittāmaccā vā ñātisālohitā vā, tena so tattha yāpeti, tena so tattha tiṭṭhati. Idaṃ kho, brāhmaṇa, ṭhānaṃ, yattha ṭhitassa taṃ dānaṃ upakappatīti.
‘‘сажз бана, бхо г̇од̇ама, со бзд̇о н̃аад̇исаалохид̇о д̇ам̣ таанам̣ анубабанно ход̇и, го д̇ам̣ д̣̇аанам̣ барибхун̃ж̇ад̇ийд̇и? ан̃н̃збисса, б̣раахман̣а, бзд̇аа н̃аад̇исаалохид̇аа д̇ам̣ таанам̣ убабаннаа хонд̇и, д̇з д̇ам̣ д̣̇аанам̣ барибхун̃ж̇анд̇ийд̇и.
‘‘Sace pana, bho gotama, so peto ñātisālohito taṃ ṭhānaṃ anupapanno hoti, ko taṃ dānaṃ paribhuñjatīti? Aññepissa, brāhmaṇa, petā ñātisālohitā taṃ ṭhānaṃ upapannā honti, te taṃ dānaṃ paribhuñjantīti.
‘‘сажз бана, бхо г̇од̇ама, со жзва бзд̇о н̃аад̇исаалохид̇о д̇ам̣ таанам̣ анубабанно ход̇и, ан̃н̃збисса бзд̇аа н̃аад̇исаалохид̇аа д̇ам̣ таанам̣ анубабаннаа хонд̇и, го д̇ам̣ д̣̇аанам̣ барибхун̃ж̇ад̇ийд̇и? адтаанам̣ ко зд̇ам̣ б̣раахман̣а анавагаасо, яам̣ д̇ам̣ таанам̣ вивид̇д̇ам̣ асса иминаа д̣̇ийгхзна ад̣̇д̇хунаа яад̣̇ид̣̇ам̣ бзд̇зхи н̃аад̇исаалохид̇зхи. абижа б̣раахман̣а д̣̇ааяагоби анибпало’’д̇и (а. ни. 10.177).
‘‘Sace pana, bho gotama, so ceva peto ñātisālohito taṃ ṭhānaṃ anupapanno hoti, aññepissa petā ñātisālohitā taṃ ṭhānaṃ anupapannā honti, ko taṃ dānaṃ paribhuñjatīti? Aṭṭhānaṃ kho etaṃ brāhmaṇa anavakāso, yaṃ taṃ ṭhānaṃ vivittaṃ assa iminā dīghena addhunā yadidaṃ petehi ñātisālohitehi. Apica brāhmaṇa dāyakopi anipphalo’’ti (a. ni. 10.177).
чадтаг̇аат̇аабарад̣̇д̇хасад̇д̇амаг̇аат̇ааван̣н̣анаа
Chaṭṭhagāthāparaddhasattamagāthāvaṇṇanā
6-7. звам̣ бхаг̇аваа ран̃н̃о мааг̇ад̇хасса бзд̇д̇ивисаяуубабаннаанам̣ буб̣б̣ан̃аад̇ийнам̣ самбад̇д̇им̣ ниссааяа т̇омзнд̇о ‘‘зд̇з д̇з, махаарааж̇а, н̃аад̇ий имааяа д̣̇аанасамбад̣̇ааяа ад̇д̇аманаа звам̣ т̇омзнд̇ий’’д̇и д̣̇ассзнд̇о –
6-7. Evaṃ bhagavā rañño māgadhassa pettivisayūpapannānaṃ pubbañātīnaṃ sampattiṃ nissāya thomento ‘‘ete te, mahārāja, ñātī imāya dānasampadāya attamanā evaṃ thomentī’’ti dassento –
‘‘жирам̣ ж̇ийванд̇у но н̃аад̇ий, язсам̣ хзд̇у лабхаамасз;
‘‘Ciraṃ jīvantu no ñātī, yesaṃ hetu labhāmase;
амхааган̃жа гад̇аа бууж̇аа, д̣̇ааяагаа жа анибпалаа’’д̇и. –
Amhākañca katā pūjā, dāyakā ca anipphalā’’ti. –
вад̇ваа буна д̇зсам̣ бзд̇д̇ивисаяуубабаннаанам̣ ан̃н̃асса гасиг̇орагкаад̣̇ино самбад̇д̇ибадилаабхагааран̣асса абхаавам̣ ид̇о д̣̇иннзна яаабанабхааван̃жа д̣̇ассзнд̇о ‘‘на хи д̇ад̇т̇а гасий ад̇т̇ий’’д̇и чадтаг̇аат̇ааяа бажчимад̣̇д̇хам̣ ‘‘ван̣иж̇ж̇аа д̇аад̣̇исий’’д̇и имам̣ сад̇д̇амаг̇аат̇ан̃жа ааха.
Vatvā puna tesaṃ pettivisayūpapannānaṃ aññassa kasigorakkhādino sampattipaṭilābhakāraṇassa abhāvaṃ ito dinnena yāpanabhāvañca dassento ‘‘na hi tattha kasī atthī’’ti chaṭṭhagāthāya pacchimaddhaṃ ‘‘vaṇijjā tādisī’’ti imaṃ sattamagāthañca āha.
д̇ад̇рааяам̣ ад̇т̇аван̣н̣анаа – на хи, махаарааж̇а, д̇ад̇т̇а бзд̇д̇ивисаяз гаси ад̇т̇и, яам̣ ниссааяа д̇з бзд̇аа самбад̇д̇им̣ бадилабхзяяум̣. г̇орагкзд̇т̇а на виж̇ж̇ад̇ийд̇и на гзвалам̣ гаси зва, г̇орагкааби зд̇т̇а бзд̇д̇ивисаяз на виж̇ж̇ад̇и, яам̣ ниссааяа д̇з самбад̇д̇им̣ бадилабхзяяум̣. ван̣иж̇ж̇аа д̇аад̣̇исий над̇т̇ийд̇и ваан̣иж̇ж̇ааби д̇аад̣̇исий над̇т̇и, яаа д̇зсам̣ самбад̇д̇ибадилаабхахзд̇у бхавзяяа. хиран̃н̃зна гаяаагаяанд̇и хиран̃н̃зна гаяавиггаяамби д̇ад̇т̇а д̇аад̣̇исам̣ над̇т̇и, яам̣ д̇зсам̣ самбад̇д̇ибадилаабхахзд̇у бхавзяяа. ид̇о д̣̇иннзна яаабзнд̇и, бзд̇аа гаалаг̇ад̇аа д̇ахинд̇и гзвалам̣ бана ид̇о н̃аад̇ийхи ваа мид̇д̇аамажжзхи ваа д̣̇иннзна яаабзнд̇и, ад̇д̇абхаавам̣ г̇амзнд̇и. бзд̇аад̇и бзд̇д̇ивисаяуубабаннаа сад̇д̇аа. гаалаг̇ад̇аад̇и ад̇д̇ано маран̣агаалзна г̇ад̇аа, ‘‘гаалагад̇аа’’д̇и ваа баато, гад̇агаалаа гад̇амаран̣аад̇и ад̇т̇о. д̇ахинд̇и д̇асмим̣ бзд̇д̇ивисаяз.
Tatrāyaṃ atthavaṇṇanā – na hi, mahārāja, tattha pettivisaye kasi atthi, yaṃ nissāya te petā sampattiṃ paṭilabheyyuṃ. Gorakkhettha na vijjatīti na kevalaṃ kasi eva, gorakkhāpi ettha pettivisaye na vijjati, yaṃ nissāya te sampattiṃ paṭilabheyyuṃ. Vaṇijjā tādisī natthīti vāṇijjāpi tādisī natthi, yā tesaṃ sampattipaṭilābhahetu bhaveyya. Hiraññena kayākayanti hiraññena kayavikkayampi tattha tādisaṃ natthi, yaṃ tesaṃ sampattipaṭilābhahetu bhaveyya. Ito dinnena yāpenti, petā kālagatā tahinti kevalaṃ pana ito ñātīhi vā mittāmaccehi vā dinnena yāpenti, attabhāvaṃ gamenti. Petāti pettivisayūpapannā sattā. Kālagatāti attano maraṇakālena gatā, ‘‘kālakatā’’ti vā pāṭho, katakālā katamaraṇāti attho. Tahinti tasmiṃ pettivisaye.
адтаманавамаг̇аат̇аад̣̇ваяаван̣н̣анаа
Aṭṭhamanavamagāthādvayavaṇṇanā
8-9. звам̣ ‘‘ид̇о д̣̇иннзна яаабзнд̇и, бзд̇аа гаалаг̇ад̇аа д̇ахи’’нд̇и вад̇ваа ид̣̇аани убамаахи д̇амад̇т̇ам̣ багаасзнд̇о ‘‘уннамз уд̣̇агам̣ вудта’’нд̇и ид̣̇ам̣ г̇аат̇аад̣̇ваяамааха.
8-9. Evaṃ ‘‘ito dinnena yāpenti, petā kālagatā tahi’’nti vatvā idāni upamāhi tamatthaṃ pakāsento ‘‘unname udakaṃ vuṭṭha’’nti idaṃ gāthādvayamāha.
д̇ассад̇т̇о – яат̇аа уннад̇з т̇алз уссаад̣̇з бхуумибхааг̇з мзгхзхи абхивудтам̣ уд̣̇агам̣ ниннам̣ бавад̇д̇ад̇и, яо яо бхуумибхааг̇о нинно он̣ад̇о, д̇ам̣ д̇ам̣ бавад̇д̇ад̇и г̇ажчад̇и баабун̣аад̇и, звамзва ид̇о д̣̇иннам̣ д̣̇аанам̣ бзд̇аанам̣ убагаббад̇и ниб̣б̣ад̇д̇ад̇и, баад̇убхавад̇ийд̇и ад̇т̇о. ниннамива хи уд̣̇агаббавад̇д̇ияаа таанам̣ бзд̇алого д̣̇аанубагаббанааяа. яат̇ааха – ‘‘ид̣̇ам̣ ко, б̣раахман̣а, таанам̣, яад̇т̇а тид̇асса д̇ам̣ д̣̇аанам̣ убагаббад̇ий’’д̇и (а. ни. 10.177). яат̇аа жа ганд̣̇арабад̣̇арасаакаабасаакагусоб̣бхамахаасоб̣бхасаннибаад̇зхи вааривахаа махаанаж̇ж̇о буураа худ̇ваа сааг̇арам̣ барибуурзнд̇и, звамби ид̇о д̣̇иннад̣̇аанам̣ буб̣б̣з вуд̇д̇анаязнзва бзд̇аанам̣ убагаббад̇ийд̇и.
Tassattho – yathā unnate thale ussāde bhūmibhāge meghehi abhivuṭṭhaṃ udakaṃ ninnaṃ pavattati, yo yo bhūmibhāgo ninno oṇato, taṃ taṃ pavattati gacchati pāpuṇāti, evameva ito dinnaṃ dānaṃ petānaṃ upakappati nibbattati, pātubhavatīti attho. Ninnamiva hi udakappavattiyā ṭhānaṃ petaloko dānupakappanāya. Yathāha – ‘‘idaṃ kho, brāhmaṇa, ṭhānaṃ, yattha ṭhitassa taṃ dānaṃ upakappatī’’ti (a. ni. 10.177). Yathā ca kandarapadarasākhāpasākhakusobbhamahāsobbhasannipātehi vārivahā mahānajjo pūrā hutvā sāgaraṃ paripūrenti, evampi ito dinnadānaṃ pubbe vuttanayeneva petānaṃ upakappatīti.
д̣̇асамаг̇аат̇ааван̣н̣анаа
Dasamagāthāvaṇṇanā
10. звам̣ бхаг̇аваа ‘‘ид̇о д̣̇иннзна яаабзнд̇и, бзд̇аа гаалаг̇ад̇аа д̇ахи’’нд̇и имам̣ ад̇т̇ам̣ убамаахи багаасзд̇ваа буна яасмаа д̇з бзд̇аа ‘‘ид̇о гин̃жи лажчаамаа’’д̇и аасаабхибхууд̇аа н̃аад̇игхарам̣ ааг̇анд̇вааби ‘‘ид̣̇ам̣ наама но д̣̇зт̇аа’’д̇и яаажид̇ум̣ асамад̇т̇аа, д̇асмаа д̇зсам̣ имаани ануссаран̣авад̇т̇ууни ануссаранд̇о гулабуд̇д̇о д̣̇агкин̣ам̣ д̣̇аж̇ж̇аад̇и д̣̇ассзнд̇о ‘‘ад̣̇ааси мз’’д̇и имам̣ г̇аат̇амааха.
10. Evaṃ bhagavā ‘‘ito dinnena yāpenti, petā kālagatā tahi’’nti imaṃ atthaṃ upamāhi pakāsetvā puna yasmā te petā ‘‘ito kiñci lacchāmā’’ti āsābhibhūtā ñātigharaṃ āgantvāpi ‘‘idaṃ nāma no dethā’’ti yācituṃ asamatthā, tasmā tesaṃ imāni anussaraṇavatthūni anussaranto kulaputto dakkhiṇaṃ dajjāti dassento ‘‘adāsi me’’ti imaṃ gāthamāha.
д̇ассад̇т̇о – ‘‘ид̣̇ам̣ наама мз д̇ханам̣ ваа д̇хан̃н̃ам̣ ваа ад̣̇аасий’’д̇и жа, ‘‘ид̣̇ам̣ наама мз гижжам̣ ад̇д̇анаа уяяог̇амаабаж̇ж̇анд̇о агаасий’’д̇и жа, ‘‘аму мз маад̇ид̇о ваа бид̇ид̇о ваа самб̣анд̇хад̇д̇аа н̃аад̇ий’’д̇и жа синзхавасзна д̇аан̣асамад̇т̇ад̇ааяа ‘‘мид̇д̇аа’’д̇и жа, ‘‘асуго мз саха бам̣сугийл̣аго сакаа’’д̇и жа звам̣ саб̣б̣амануссаранд̇о бзд̇аанам̣ д̣̇агкин̣ам̣ д̣̇аж̇ж̇аа, д̣̇аанам̣ нияяаад̇зяяаад̇и. абаро баато ‘‘бзд̇аанам̣ д̣̇агкин̣аа д̣̇аж̇ж̇аа’’д̇и. д̇ассад̇т̇о – д̣̇аад̇аб̣б̣аад̇и д̣̇аж̇ж̇аа. гаа саа? бзд̇аанам̣ д̣̇агкин̣аа, д̇знзва ‘‘ад̣̇ааси мз’’д̇иаад̣̇инаа наязна буб̣б̣з гад̇амануссарам̣ ануссарад̇аад̇и вуд̇д̇ам̣ ход̇и. гаран̣аважанаббасан̇г̇з бажжад̇д̇аважанам̣ взд̣̇ид̇аб̣б̣ам̣.
Tassattho – ‘‘idaṃ nāma me dhanaṃ vā dhaññaṃ vā adāsī’’ti ca, ‘‘idaṃ nāma me kiccaṃ attanā uyyogamāpajjanto akāsī’’ti ca, ‘‘amu me mātito vā pitito vā sambandhattā ñātī’’ti ca sinehavasena tāṇasamatthatāya ‘‘mittā’’ti ca, ‘‘asuko me saha paṃsukīḷako sakhā’’ti ca evaṃ sabbamanussaranto petānaṃ dakkhiṇaṃ dajjā, dānaṃ niyyāteyyāti. Aparo pāṭho ‘‘petānaṃ dakkhiṇā dajjā’’ti. Tassattho – dātabbāti dajjā. Kā sā? Petānaṃ dakkhiṇā, teneva ‘‘adāsi me’’tiādinā nayena pubbe katamanussaraṃ anussaratāti vuttaṃ hoti. Karaṇavacanappasaṅge paccattavacanaṃ veditabbaṃ.
згаад̣̇асамаг̇аат̇ааван̣н̣анаа
Ekādasamagāthāvaṇṇanā
11. звам̣ бхаг̇аваа бзд̇аанам̣ д̣̇агкин̣аанияяаад̇анз гааран̣абхууд̇аани ануссаран̣авад̇т̇ууни д̣̇ассзнд̇о –
11. Evaṃ bhagavā petānaṃ dakkhiṇāniyyātane kāraṇabhūtāni anussaraṇavatthūni dassento –
‘‘ад̣̇ааси мз агааси мз, н̃аад̇имид̇д̇аа сакаа жа мз;
‘‘Adāsi me akāsi me, ñātimittā sakhā ca me;
бзд̇аанам̣ д̣̇агкин̣ам̣ д̣̇аж̇ж̇аа, буб̣б̣з гад̇амануссара’’нд̇и. –
Petānaṃ dakkhiṇaṃ dajjā, pubbe katamanussara’’nti. –
вад̇ваа буна яз н̃аад̇имаран̣зна рун̣н̣асогаад̣̇ибараа зва худ̇ваа д̇идтанд̇и, на д̇зсам̣ ад̇т̇ааяа гин̃жи д̣̇знд̇и, д̇зсам̣ д̇ам̣ рун̣н̣асогаад̣̇и гзвалам̣ ад̇д̇абарид̇аабанамзва ход̇и, на бзд̇аанам̣ гин̃жи ад̇т̇ам̣ нибпаад̣̇зд̇ийд̇и д̣̇ассзнд̇о ‘‘на хи рун̣н̣ам̣ ваа’’д̇и имам̣ г̇аат̇амааха.
Vatvā puna ye ñātimaraṇena ruṇṇasokādiparā eva hutvā tiṭṭhanti, na tesaṃ atthāya kiñci denti, tesaṃ taṃ ruṇṇasokādi kevalaṃ attaparitāpanameva hoti, na petānaṃ kiñci atthaṃ nipphādetīti dassento ‘‘na hi ruṇṇaṃ vā’’ti imaṃ gāthamāha.
д̇ад̇т̇а рун̣н̣анд̇и род̣̇анаа род̣̇ид̇ад̇д̇ам̣ ассубаад̇анам̣, зд̇зна гааяабариссамам̣ д̣̇ассзд̇и. согод̇и сожанаа сожид̇ад̇д̇ам̣, зд̇зна жид̇д̇абариссамам̣ д̣̇ассзд̇и. яаа жан̃н̃аад̇и яаа жа рун̣н̣асогзхи ан̃н̃аа. барид̣̇званаад̇и н̃аад̇иб̣яасанзна пудтасса лаалаббанаа, ‘‘гахам̣ згабуд̇д̇ага бияа манаабаа’’д̇и звамаад̣̇инаа наязна г̇ун̣асам̣ван̣н̣анаа, зд̇зна важийбариссамам̣ д̣̇ассзд̇и.
Tattha ruṇṇanti rodanā roditattaṃ assupātanaṃ, etena kāyaparissamaṃ dasseti. Sokoti socanā socitattaṃ, etena cittaparissamaṃ dasseti. Yā caññāti yā ca ruṇṇasokehi aññā. Paridevanāti ñātibyasanena phuṭṭhassa lālappanā, ‘‘kahaṃ ekaputtaka piya manāpā’’ti evamādinā nayena guṇasaṃvaṇṇanā, etena vacīparissamaṃ dasseti.
д̣̇ваад̣̇асамаг̇аат̇ааван̣н̣анаа
Dvādasamagāthāvaṇṇanā
12. звам̣ бхаг̇аваа ‘‘рун̣н̣ам̣ ваа сого ваа яаа жан̃н̃аа барид̣̇званаа, саб̣б̣амби д̇ам̣ бзд̇аанам̣ ад̇т̇ааяа на ход̇и, гзваланд̇у ад̇д̇аанам̣ барид̇аабанамад̇д̇амзва, звам̣ д̇идтанд̇и н̃аад̇аяо’’д̇и рун̣н̣аад̣̇ийнам̣ нирад̇т̇агабхаавам̣ д̣̇ассзд̇ваа буна мааг̇ад̇харааж̇зна яаа д̣̇агкин̣аа д̣̇иннаа, д̇ассаа саад̇т̇агабхаавам̣ д̣̇ассзнд̇о ‘‘аяан̃жа ко д̣̇агкин̣аа’’д̇и имам̣ г̇аат̇амааха.
12. Evaṃ bhagavā ‘‘ruṇṇaṃ vā soko vā yā caññā paridevanā, sabbampi taṃ petānaṃ atthāya na hoti, kevalantu attānaṃ paritāpanamattameva, evaṃ tiṭṭhanti ñātayo’’ti ruṇṇādīnaṃ niratthakabhāvaṃ dassetvā puna māgadharājena yā dakkhiṇā dinnā, tassā sātthakabhāvaṃ dassento ‘‘ayañca kho dakkhiṇā’’ti imaṃ gāthamāha.
д̇ассад̇т̇о – аяан̃жа ко, махаарааж̇а, д̣̇агкин̣аа д̇аяаа аж̇ж̇а ад̇д̇ано н̃аад̇иг̇ан̣ам̣ уд̣̇д̣̇исса д̣̇иннаа , саа яасмаа сан̇гхо ануд̇д̇арам̣ бун̃н̃агкзд̇д̇ам̣ логасса, д̇асмаа сан̇гхамхи суббад̇идтид̇аа асса бзд̇аж̇анасса д̣̇ийгхарад̇д̇ам̣ хид̇ааяа убагаббад̇и самбаж̇ж̇ад̇и палад̇ийд̇и вуд̇д̇ам̣ ход̇и. убагаббад̇ийд̇и жа таанасо убагаббад̇и, д̇ам̣кан̣ам̣язва убагаббад̇и, на жирзна. яат̇аа хи д̇ам̣кан̣ан̃н̃зва бадибханд̇ам̣ ‘‘таанасовзд̇ам̣ д̇ат̇ааг̇ад̇ам̣ бадибхаад̇ий’’д̇и вужжад̇и, звамид̇хааби д̇ам̣кан̣ам̣язва убагаббанд̇аа ‘‘таанасо убагаббад̇ий’’д̇и вуд̇д̇аа. яам̣ ваа д̇ам̣ ‘‘ид̣̇ам̣ ко, б̣раахман̣а, таанам̣, яад̇т̇а тид̇асса д̇ам̣ д̣̇аанам̣ убагаббад̇ий’’д̇и (а. ни. 10.177) вуд̇д̇ам̣, д̇ад̇т̇а куббибаасигаванд̇аасабарад̣̇ад̇д̇уубаж̇ийвиниж̇жхаамад̇ан̣хигаад̣̇ибхзд̣̇абхиннз таанз убагаббад̇ийд̇и вуд̇д̇ам̣ яат̇аа гахаабан̣ам̣ д̣̇знд̇о ‘‘гахаабан̣асо д̣̇зд̇ий’’д̇и логз вужжад̇и. имасмин̃жа ад̇т̇авигаббз убагаббад̇ийд̇и баад̇убхавад̇и, ниб̣б̣ад̇д̇ад̇ийд̇и вуд̇д̇ам̣ ход̇и.
Tassattho – ayañca kho, mahārāja, dakkhiṇā tayā ajja attano ñātigaṇaṃ uddissa dinnā , sā yasmā saṅgho anuttaraṃ puññakkhettaṃ lokassa, tasmā saṅghamhi suppatiṭṭhitā assa petajanassa dīgharattaṃ hitāya upakappati sampajjati phalatīti vuttaṃ hoti. Upakappatīti ca ṭhānaso upakappati, taṃkhaṇaṃyeva upakappati, na cirena. Yathā hi taṃkhaṇaññeva paṭibhantaṃ ‘‘ṭhānasovetaṃ tathāgataṃ paṭibhātī’’ti vuccati, evamidhāpi taṃkhaṇaṃyeva upakappantā ‘‘ṭhānaso upakappatī’’ti vuttā. Yaṃ vā taṃ ‘‘idaṃ kho, brāhmaṇa, ṭhānaṃ, yattha ṭhitassa taṃ dānaṃ upakappatī’’ti (a. ni. 10.177) vuttaṃ, tattha khuppipāsikavantāsaparadattūpajīvinijjhāmataṇhikādibhedabhinne ṭhāne upakappatīti vuttaṃ yathā kahāpaṇaṃ dento ‘‘kahāpaṇaso detī’’ti loke vuccati. Imasmiñca atthavikappe upakappatīti pātubhavati, nibbattatīti vuttaṃ hoti.
д̇зрасамаг̇аат̇ааван̣н̣анаа
Terasamagāthāvaṇṇanā
13. звам̣ бхаг̇аваа ран̃н̃аа д̣̇иннааяа д̣̇агкин̣ааяа саад̇т̇агабхаавам̣ д̣̇ассзнд̇о –
13. Evaṃ bhagavā raññā dinnāya dakkhiṇāya sātthakabhāvaṃ dassento –
‘‘аяан̃жа ко д̣̇агкин̣аа д̣̇иннаа, сан̇гхамхи суббад̇идтид̇аа;
‘‘Ayañca kho dakkhiṇā dinnā, saṅghamhi suppatiṭṭhitā;
д̣̇ийгхарад̇д̇ам̣ хид̇ааяасса, таанасо убагаббад̇ий’’д̇и. –
Dīgharattaṃ hitāyassa, ṭhānaso upakappatī’’ti. –
вад̇ваа буна яасмаа имам̣ д̣̇агкин̣ам̣ д̣̇знд̇зна н̃аад̇ийнам̣ н̃аад̇ийхи гад̇д̇аб̣б̣агижжагаран̣авасзна н̃аад̇ид̇хаммо нид̣̇ассид̇о, б̣ахуж̇анасса баагадийгад̇о, нид̣̇ассанам̣ ваа гад̇о, д̇умхзхиби н̃аад̇ийнам̣ звамзва н̃аад̇ийхи гад̇д̇аб̣б̣агижжагаран̣авасзна н̃аад̇ид̇хаммо барибуурзд̇аб̣б̣о, на нирад̇т̇агзхи рун̣н̣аад̣̇ийхи ад̇д̇аа барид̇аабзд̇аб̣б̣од̇и жа бзд̇з д̣̇иб̣б̣асамбад̇д̇им̣ ад̇хиг̇амзнд̇зна бзд̇аанам̣ бууж̇аа гад̇аа ул̣аараа, б̣уд̣̇д̇хаббамукан̃жа бхигкусан̇гхам̣ аннабаанаад̣̇ийхи санд̇аббзнд̇зна бхигкуунам̣ б̣алам̣ анубад̣̇иннам̣, анугамбаад̣̇иг̇ун̣абаривааран̃жа жааг̇ажзд̇анам̣ ниб̣б̣ад̇д̇знд̇зна анаббагам̣ бун̃н̃ам̣ басуд̇ам̣, д̇асмаа бхаг̇аваа имзхи яат̇аабхужжаг̇ун̣зхи рааж̇аанам̣ самбахам̣сзнд̇о –
Vatvā puna yasmā imaṃ dakkhiṇaṃ dentena ñātīnaṃ ñātīhi kattabbakiccakaraṇavasena ñātidhammo nidassito, bahujanassa pākaṭīkato, nidassanaṃ vā kato, tumhehipi ñātīnaṃ evameva ñātīhi kattabbakiccakaraṇavasena ñātidhammo paripūretabbo, na niratthakehi ruṇṇādīhi attā paritāpetabboti ca pete dibbasampattiṃ adhigamentena petānaṃ pūjā katā uḷārā, buddhappamukhañca bhikkhusaṅghaṃ annapānādīhi santappentena bhikkhūnaṃ balaṃ anupadinnaṃ, anukampādiguṇaparivārañca cāgacetanaṃ nibbattentena anappakaṃ puññaṃ pasutaṃ, tasmā bhagavā imehi yathābhuccaguṇehi rājānaṃ sampahaṃsento –
‘‘со н̃аад̇ид̇хаммо жа аяам̣ нид̣̇ассид̇о,
‘‘So ñātidhammo ca ayaṃ nidassito,
бзд̇аана бууж̇аа жа гад̇аа ул̣аараа;
Petāna pūjā ca katā uḷārā;
б̣алан̃жа бхигкуунамануббад̣̇иннам̣,
Balañca bhikkhūnamanuppadinnaṃ,
д̇умхзхи бун̃н̃ам̣ басуд̇ам̣ анаббага’’нд̇и. –
Tumhehi puññaṃ pasutaṃ anappaka’’nti. –
имааяа г̇аат̇ааяа д̣̇зсанам̣ барияосаабзд̇и.
Imāya gāthāya desanaṃ pariyosāpeti.
ат̇а ваа ‘‘со н̃аад̇ид̇хаммо жа аяам̣ нид̣̇ассид̇о’’д̇и иминаа г̇аат̇аабад̣̇зна бхаг̇аваа рааж̇аанам̣ д̇хаммияаа гат̇ааяа санд̣̇ассзд̇и. н̃аад̇ид̇хамманид̣̇ассанамзва хи зд̇т̇а санд̣̇ассанам̣ бзд̇аана бууж̇аа жа гад̇аа ул̣аараад̇и иминаа самаад̣̇абзд̇и. ул̣аараад̇и басам̣санамзва хи зд̇т̇а бунаббунам̣ бууж̇аагаран̣з самаад̣̇абанам̣. б̣алан̃жа бхигкуунамануббад̣̇иннанд̇и иминаа самуд̇д̇зж̇зд̇и. б̣алаануббад̣̇аанамзва хи зд̇т̇а звам̣ д̣̇аанам̣, б̣алаануббад̣̇аанад̇аад̇и д̇асса уссаахавад̣дханзна самуд̇д̇зж̇анам̣. д̇умхзхи бун̃н̃ам̣ басуд̇ам̣ анаббаганд̇и иминаа самбахам̣сзд̇и. бун̃н̃аббасуд̇агид̇д̇анамзва хи зд̇т̇а д̇асса яат̇аабхужжаг̇ун̣асам̣ван̣н̣анабхаавзна самбахам̣санаж̇ананад̇о самбахам̣сананд̇и взд̣̇ид̇аб̣б̣ам̣.
Atha vā ‘‘so ñātidhammo ca ayaṃ nidassito’’ti iminā gāthāpadena bhagavā rājānaṃ dhammiyā kathāya sandasseti. Ñātidhammanidassanameva hi ettha sandassanaṃ petāna pūjā ca katā uḷārāti iminā samādapeti. Uḷārāti pasaṃsanameva hi ettha punappunaṃ pūjākaraṇe samādapanaṃ. Balañca bhikkhūnamanuppadinnanti iminā samuttejeti. Balānuppadānameva hi ettha evaṃ dānaṃ, balānuppadānatāti tassa ussāhavaḍḍhanena samuttejanaṃ. Tumhehi puññaṃ pasutaṃ anappakanti iminā sampahaṃseti. Puññappasutakittanameva hi ettha tassa yathābhuccaguṇasaṃvaṇṇanabhāvena sampahaṃsanajananato sampahaṃsananti veditabbaṃ.
д̣̇зсанаабарияосаанз жа бзд̇д̇ивисаяуубабад̇д̇иаад̣̇ийнавасам̣ван̣н̣анзна сам̣виг̇г̇аанам̣ яонисо бад̣̇ахад̇ам̣ жад̇ураасийд̇ияаа баан̣асахассаанам̣ д̇хаммаабхисамаяо ахоси. д̣̇уд̇ияад̣̇ивасзби бхаг̇аваа д̣̇звамануссаанам̣ ид̣̇амзва д̇ирогуддам̣ д̣̇зсзси, звам̣ яаава сад̇д̇амад̣̇ивасаа д̇аад̣̇исо зва д̇хаммаабхисамаяо ахосийд̇и.
Desanāpariyosāne ca pettivisayūpapattiādīnavasaṃvaṇṇanena saṃviggānaṃ yoniso padahataṃ caturāsītiyā pāṇasahassānaṃ dhammābhisamayo ahosi. Dutiyadivasepi bhagavā devamanussānaṃ idameva tirokuṭṭaṃ desesi, evaṃ yāva sattamadivasā tādiso eva dhammābhisamayo ahosīti.
барамад̇т̇аж̇од̇игааяа куд̣̇д̣̇агабаата-адтагат̇ааяа
Paramatthajotikāya khuddakapāṭha-aṭṭhakathāya
д̇ирогуддасуд̇д̇аван̣н̣анаа нидтид̇аа.
Tirokuṭṭasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / куд̣̇д̣̇агабаатабаал̣и • Khuddakapāṭhapāḷi / 7. д̇ирогуддасуд̇д̇ам̣ • 7. Tirokuṭṭasuttaṃ
