| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
3. திஸரணக³மனியத்தே²ரஅபதா³னவண்ணனா
3. Tisaraṇagamaniyattheraapadānavaṇṇanā
நக³ரே ப³ந்து⁴மதியாதிஆதி³கங் ஆயஸ்மதோ திஸரணக³மனியத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ விபஸ்ஸிஸ்ஸ ப⁴க³வதோ காலே ப³ந்து⁴மதீனக³ரே குலகே³ஹே நிப்³ப³த்தித்வா அந்த⁴மாதாபிதரோ உபட்டா²ஸி. ஸோ ஏகதி³வஸங் சிந்தேஸி – ‘‘அஹங் மாதாபிதரோ உபட்ட²ஹந்தோ பப்³ப³ஜிதுங் ந லபா⁴மி, யங்னூனாஹங் தீணி ஸரணானி க³ண்ஹிஸ்ஸாமி , ஏவங் து³க்³க³திதோ மோசெஸ்ஸாமீ’’தி நிஸப⁴ங் நாம விபஸ்ஸிஸ்ஸ ப⁴க³வதோ அக்³க³ஸாவகங் உபஸங்கமித்வா தீணி ஸரணானி க³ண்ஹி. ஸோ தானி வஸ்ஸஸதஸஹஸ்ஸானி ரக்கி²த்வா தேனேவ கம்மேன தாவதிங்ஸப⁴வனே நிப்³ப³த்தோ, ததோ பரங் தே³வமனுஸ்ஸேஸு ஸங்ஸரந்தோ உப⁴யஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ ஸாவத்தி²னக³ரே மஹாஸாலகுலே நிப்³ப³த்தோ விஞ்ஞுதங் பத்தோ ஸத்தவஸ்ஸிகோவ தா³ரகேஹி பரிவுதோ ஏகங் ஸங்கா⁴ராமங் அக³மாஸி. தத்த² ஏகோ கீ²ணாஸவத்தே²ரோ தஸ்ஸ த⁴ம்மங் தே³ஸெத்வா ஸரணானி அதா³ஸி. ஸோ தானி க³ஹெத்வா புப்³பே³ அத்தனோ ரக்கி²தானி ஸரணானி ஸரித்வா விபஸ்ஸனங் வட்³டெ⁴த்வா அரஹத்தங் பாபுணி. தங் அரஹத்தப்பத்தங் ப⁴க³வா உபஸம்பாதே³ஸி.
Nagare bandhumatiyātiādikaṃ āyasmato tisaraṇagamaniyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle bandhumatīnagare kulagehe nibbattitvā andhamātāpitaro upaṭṭhāsi. So ekadivasaṃ cintesi – ‘‘ahaṃ mātāpitaro upaṭṭhahanto pabbajituṃ na labhāmi, yaṃnūnāhaṃ tīṇi saraṇāni gaṇhissāmi , evaṃ duggatito mocessāmī’’ti nisabhaṃ nāma vipassissa bhagavato aggasāvakaṃ upasaṅkamitvā tīṇi saraṇāni gaṇhi. So tāni vassasatasahassāni rakkhitvā teneva kammena tāvatiṃsabhavane nibbatto, tato paraṃ devamanussesu saṃsaranto ubhayasampattiyo anubhavitvā imasmiṃ buddhuppāde sāvatthinagare mahāsālakule nibbatto viññutaṃ patto sattavassikova dārakehi parivuto ekaṃ saṅghārāmaṃ agamāsi. Tattha eko khīṇāsavatthero tassa dhammaṃ desetvā saraṇāni adāsi. So tāni gahetvā pubbe attano rakkhitāni saraṇāni saritvā vipassanaṃ vaḍḍhetvā arahattaṃ pāpuṇi. Taṃ arahattappattaṃ bhagavā upasampādesi.
106. ஸோ அரஹத்தப்பத்தோ உபஸம்பன்னோ ஹுத்வா அத்தனோ புப்³ப³கம்மங் ஸரித்வா ஸோமனஸ்ஸவஸேன புப்³ப³சரிதாபதா³னங் பகாஸெந்தோ நக³ரே ப³ந்து⁴மதியாதிஆதி³மாஹ. தத்த² மாது உபட்டா²கோ அஹுந்தி அஹங் மாதாபிதூனங் உபட்டா²கோ ப⁴ரகோ ப³ந்து⁴மதீனக³ரே அஹோஸிந்தி ஸம்ப³ந்தோ⁴.
106. So arahattappatto upasampanno hutvā attano pubbakammaṃ saritvā somanassavasena pubbacaritāpadānaṃ pakāsento nagare bandhumatiyātiādimāha. Tattha mātu upaṭṭhāko ahunti ahaṃ mātāpitūnaṃ upaṭṭhāko bharako bandhumatīnagare ahosinti sambandho.
108. தமந்த⁴காரபிஹிதாதி மோஹந்த⁴காரேன பிஹிதா சா²தி³தா. திவித⁴க்³கீ³ஹி ட³ய்ஹரேதி ராக³க்³கி³தோ³ஸக்³கி³மோஹக்³கி³ஸங்கா²தேஹி தீஹி அக்³கீ³ஹி ட³ய்ஹரே ட³ய்ஹந்தி ஸப்³பே³ ஸத்தாதி ஸம்ப³ந்தோ⁴.
108.Tamandhakārapihitāti mohandhakārena pihitā chāditā. Tividhaggīhi ḍayhareti rāgaggidosaggimohaggisaṅkhātehi tīhi aggīhi ḍayhare ḍayhanti sabbe sattāti sambandho.
114. அட்ட² ஹேதூ லபா⁴மஹந்தி அட்ட² காரணானி ஸுக²ஸ்ஸ பச்சயபூ⁴தானி காரணானி லபா⁴மி அஹந்தி அத்தோ². ஸேஸங் ஸுவிஞ்ஞெய்யமேவாதி.
114.Aṭṭha hetū labhāmahanti aṭṭha kāraṇāni sukhassa paccayabhūtāni kāraṇāni labhāmi ahanti attho. Sesaṃ suviññeyyamevāti.
திஸரணக³மனியத்தே²ரஅபதா³னவண்ணனா ஸமத்தா.
Tisaraṇagamaniyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 3. திஸரணக³மனியத்தே²ரஅபதா³னங் • 3. Tisaraṇagamaniyattheraapadānaṃ
