| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. д̇иссаб̣рахмаасуд̇д̇ам̣
3. Tissabrahmāsuttaṃ
56. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. ат̇а ко д̣̇вз д̣̇звад̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ г̇иж̇жхагуудам̣ обхаасзд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко згаа д̣̇звад̇аа бхаг̇аванд̇ам̣ зд̇ад̣̇авожа – ‘‘зд̇аа, бханд̇з, бхигкунияо вимуд̇д̇аа’’д̇и. абараа д̣̇звад̇аа бхаг̇аванд̇ам̣ зд̇ад̣̇авожа – ‘‘зд̇аа, бханд̇з, бхигкунияо анубаад̣̇исзсаа сувимуд̇д̇аа’’д̇и. ид̣̇амавожум̣ д̇аа д̣̇звад̇аа. саманун̃н̃о сад̇т̇аа ахоси. ат̇а ко д̇аа д̣̇звад̇аа ‘‘саманун̃н̃о сад̇т̇аа’’д̇и бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяим̣су.
56. Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate. Atha kho dve devatā abhikkantāya rattiyā abhikkantavaṇṇā kevalakappaṃ gijjhakūṭaṃ obhāsetvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho ekā devatā bhagavantaṃ etadavoca – ‘‘etā, bhante, bhikkhuniyo vimuttā’’ti. Aparā devatā bhagavantaṃ etadavoca – ‘‘etā, bhante, bhikkhuniyo anupādisesā suvimuttā’’ti. Idamavocuṃ tā devatā. Samanuñño satthā ahosi. Atha kho tā devatā ‘‘samanuñño satthā’’ti bhagavantaṃ abhivādetvā padakkhiṇaṃ katvā tatthevantaradhāyiṃsu.
ат̇а ко бхаг̇аваа д̇ассаа рад̇д̇ияаа ажжаязна бхигкуу ааманд̇зси – ‘‘имам̣, бхигкавз, рад̇д̇им̣ д̣̇вз д̣̇звад̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ г̇иж̇жхагуудам̣ обхаасзд̇ваа язнаахам̣ д̇знубасан̇гамим̣су; убасан̇гамид̇ваа мам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко, бхигкавз, згаа д̣̇звад̇аа мам̣ зд̇ад̣̇авожа – ‘зд̇аа, бханд̇з, бхигкунияо вимуд̇д̇аа’д̇и. абараа д̣̇звад̇аа мам̣ зд̇ад̣̇авожа – ‘зд̇аа, бханд̇з, бхигкунияо анубаад̣̇исзсаа сувимуд̇д̇аа’д̇и. ид̣̇амавожум̣, бхигкавз, д̇аа д̣̇звад̇аа. ид̣̇ам̣ вад̇ваа мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяим̣суу’’д̇и.
Atha kho bhagavā tassā rattiyā accayena bhikkhū āmantesi – ‘‘imaṃ, bhikkhave, rattiṃ dve devatā abhikkantāya rattiyā abhikkantavaṇṇā kevalakappaṃ gijjhakūṭaṃ obhāsetvā yenāhaṃ tenupasaṅkamiṃsu; upasaṅkamitvā maṃ abhivādetvā ekamantaṃ aṭṭhaṃsu. Ekamantaṃ ṭhitā kho, bhikkhave, ekā devatā maṃ etadavoca – ‘etā, bhante, bhikkhuniyo vimuttā’ti. Aparā devatā maṃ etadavoca – ‘etā, bhante, bhikkhuniyo anupādisesā suvimuttā’ti. Idamavocuṃ, bhikkhave, tā devatā. Idaṃ vatvā maṃ abhivādetvā padakkhiṇaṃ katvā tatthevantaradhāyiṃsū’’ti.
д̇зна ко бана самаязна ааяасмаа махаамог̇г̇аллаано бхаг̇авад̇о авид̣̇уурз нисинно ход̇и. ат̇а ко ааяасмад̇о махаамог̇г̇аллаанасса зд̇ад̣̇ахоси – ‘‘гад̇амзсаанам̣ ко д̣̇зваанам̣ звам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и? д̇зна ко бана самаязна д̇иссо наама бхигку ад̇хунаагаалан̇гад̇о ан̃н̃ад̇арам̣ б̣рахмалогам̣ убабанно ход̇и. д̇ад̇рааби нам̣ звам̣ ж̇аананд̇и – ‘‘д̇иссо б̣рахмаа махид̣̇д̇хиго махаанубхааво’’д̇и.
Tena kho pana samayena āyasmā mahāmoggallāno bhagavato avidūre nisinno hoti. Atha kho āyasmato mahāmoggallānassa etadahosi – ‘‘katamesānaṃ kho devānaṃ evaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti? Tena kho pana samayena tisso nāma bhikkhu adhunākālaṅkato aññataraṃ brahmalokaṃ upapanno hoti. Tatrāpi naṃ evaṃ jānanti – ‘‘tisso brahmā mahiddhiko mahānubhāvo’’ti.
ат̇а ко ааяасмаа махаамог̇г̇аллаано – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзвам̣ – г̇иж̇жхагуудз баб̣б̣ад̇з анд̇арахид̇о д̇асмим̣ б̣рахмалогз баад̇урахоси. ад̣̇д̣̇асаа ко д̇иссо б̣рахмаа ааяасманд̇ам̣ махаамог̇г̇аллаанам̣ д̣̇уурад̇ова ааг̇ажчанд̇ам̣. д̣̇исваа ааяасманд̇ам̣ махаамог̇г̇аллаанам̣ зд̇ад̣̇авожа – ‘‘зхи ко, маариса мог̇г̇аллаана; свааг̇ад̇ам̣, маариса мог̇г̇аллаана! жирассам̣ ко, маариса мог̇г̇аллаана, имам̣ барияааяамагааси , яад̣̇ид̣̇ам̣ ид̇хааг̇аманааяа. нисийд̣̇а, маариса мог̇г̇аллаана, ид̣̇амаасанам̣ бан̃н̃ад̇д̇а’’нд̇и. нисийд̣̇и ко ааяасмаа махаамог̇г̇аллаано бан̃н̃ад̇д̇з аасанз. д̇иссоби ко б̣рахмаа ааяасманд̇ам̣ махаамог̇г̇аллаанам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко д̇иссам̣ б̣рахмаанам̣ ааяасмаа махаамог̇г̇аллаано зд̇ад̣̇авожа – ‘‘гад̇амзсаанам̣ ко, д̇исса , д̣̇зваанам̣ звам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и? ‘‘б̣рахмагааяигаанам̣ ко, маариса мог̇г̇аллаана, д̣̇зваанам̣ звам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и.
Atha kho āyasmā mahāmoggallāno – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evamevaṃ – gijjhakūṭe pabbate antarahito tasmiṃ brahmaloke pāturahosi. Addasā kho tisso brahmā āyasmantaṃ mahāmoggallānaṃ dūratova āgacchantaṃ. Disvā āyasmantaṃ mahāmoggallānaṃ etadavoca – ‘‘ehi kho, mārisa moggallāna; svāgataṃ, mārisa moggallāna! Cirassaṃ kho, mārisa moggallāna, imaṃ pariyāyamakāsi , yadidaṃ idhāgamanāya. Nisīda, mārisa moggallāna, idamāsanaṃ paññatta’’nti. Nisīdi kho āyasmā mahāmoggallāno paññatte āsane. Tissopi kho brahmā āyasmantaṃ mahāmoggallānaṃ abhivādetvā ekamantaṃ nisīdi. Ekamantaṃ nisinnaṃ kho tissaṃ brahmānaṃ āyasmā mahāmoggallāno etadavoca – ‘‘katamesānaṃ kho, tissa , devānaṃ evaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti? ‘‘Brahmakāyikānaṃ kho, mārisa moggallāna, devānaṃ evaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti.
‘‘саб̣б̣зсан̃н̃зва ко, д̇исса, б̣рахмагааяигаанам̣ д̣̇зваанам̣ звам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и? ‘‘на ко, маариса мог̇г̇аллаана, саб̣б̣зсам̣ б̣рахмагааяигаанам̣ д̣̇зваанам̣ звам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и.
‘‘Sabbesaññeva kho, tissa, brahmakāyikānaṃ devānaṃ evaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti? ‘‘Na kho, mārisa moggallāna, sabbesaṃ brahmakāyikānaṃ devānaṃ evaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti.
‘‘яз ко д̇з, маариса мог̇г̇аллаана, б̣рахмагааяигаа д̣̇зваа б̣рахмзна ааяунаа санд̇удтаа б̣рахмзна ван̣н̣зна б̣рахмзна сукзна б̣рахмзна яасзна б̣рахмзна аад̇хибад̇зяязна санд̇удтаа, д̇з уд̇д̇ари ниссаран̣ам̣ яат̇аабхууд̇ам̣ наббаж̇аананд̇и. д̇зсам̣ на звам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’д̇и. яз жа ко д̇з, маариса мог̇г̇аллаана, б̣рахмагааяигаа д̣̇зваа б̣рахмзна ааяунаа асанд̇удтаа, б̣рахмзна ван̣н̣зна б̣рахмзна сукзна б̣рахмзна яасзна б̣рахмзна аад̇хибад̇зяязна асанд̇удтаа, д̇з жа уд̇д̇ари ниссаран̣ам̣ яат̇аабхууд̇ам̣ баж̇аананд̇и. д̇зсам̣ звам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и.
‘‘Ye kho te, mārisa moggallāna, brahmakāyikā devā brahmena āyunā santuṭṭhā brahmena vaṇṇena brahmena sukhena brahmena yasena brahmena ādhipateyyena santuṭṭhā, te uttari nissaraṇaṃ yathābhūtaṃ nappajānanti. Tesaṃ na evaṃ ñāṇaṃ hoti – ‘saupādisese vā saupādisesoti, anupādisese vā anupādiseso’ti. Ye ca kho te, mārisa moggallāna, brahmakāyikā devā brahmena āyunā asantuṭṭhā, brahmena vaṇṇena brahmena sukhena brahmena yasena brahmena ādhipateyyena asantuṭṭhā, te ca uttari nissaraṇaṃ yathābhūtaṃ pajānanti. Tesaṃ evaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti.
‘‘ид̇ха, маариса мог̇г̇аллаана, бхигку убхад̇обхааг̇авимуд̇д̇о ход̇и. д̇амзнам̣ д̇з д̣̇зваа звам̣ ж̇аананд̇и – ‘аяам̣ ко ааяасмаа убхад̇обхааг̇авимуд̇д̇о. яаавасса гааяо тассад̇и д̇аава нам̣ д̣̇агканд̇и д̣̇звамануссаа. гааяасса бхзд̣̇аа на нам̣ д̣̇агканд̇и д̣̇звамануссаа’д̇и. звамби ко, маариса мог̇г̇аллаана , д̇зсам̣ д̣̇зваанам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и.
‘‘Idha, mārisa moggallāna, bhikkhu ubhatobhāgavimutto hoti. Tamenaṃ te devā evaṃ jānanti – ‘ayaṃ kho āyasmā ubhatobhāgavimutto. Yāvassa kāyo ṭhassati tāva naṃ dakkhanti devamanussā. Kāyassa bhedā na naṃ dakkhanti devamanussā’ti. Evampi kho, mārisa moggallāna , tesaṃ devānaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti.
‘‘ид̇ха бана, маариса мог̇г̇аллаана, бхигку бан̃н̃аавимуд̇д̇о ход̇и. д̇амзнам̣ д̇з д̣̇зваа звам̣ ж̇аананд̇и – ‘аяам̣ ко ааяасмаа бан̃н̃аавимуд̇д̇о. яаавасса гааяо тассад̇и д̇аава нам̣ д̣̇агканд̇и д̣̇звамануссаа. гааяасса бхзд̣̇аа на нам̣ д̣̇агканд̇и д̣̇звамануссаа’д̇и. звамби ко, маариса мог̇г̇аллаана, д̇зсам̣ д̣̇зваанам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и.
‘‘Idha pana, mārisa moggallāna, bhikkhu paññāvimutto hoti. Tamenaṃ te devā evaṃ jānanti – ‘ayaṃ kho āyasmā paññāvimutto. Yāvassa kāyo ṭhassati tāva naṃ dakkhanti devamanussā. Kāyassa bhedā na naṃ dakkhanti devamanussā’ti. Evampi kho, mārisa moggallāna, tesaṃ devānaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti.
‘‘ид̇ха бана, маариса мог̇г̇аллаана, бхигку гааяасагкий ход̇и. д̇амзнам̣ д̣̇зваа звам̣ ж̇аананд̇и – ‘аяам̣ ко ааяасмаа гааяасагкий. аббзва наама аяамааяасмаа ануломигаани сзнаасанаани бадисзвамаано галяаан̣амид̇д̇з бхаж̇амаано инд̣̇рияаани саманнаанаяамаано – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяаа’д̇и. звамби ко, маариса мог̇г̇аллаана, д̇зсам̣ д̣̇зваанам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и.
‘‘Idha pana, mārisa moggallāna, bhikkhu kāyasakkhī hoti. Tamenaṃ devā evaṃ jānanti – ‘ayaṃ kho āyasmā kāyasakkhī. Appeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihareyyā’ti. Evampi kho, mārisa moggallāna, tesaṃ devānaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti.
‘‘ид̇ха бана, маариса мог̇г̇аллаана, бхигку д̣̇идтиббад̇д̇о ход̇и…бз… сад̣̇д̇хаавимуд̇д̇о ход̇и…бз… д̇хаммаанусаарий ход̇и. д̇амзнам̣ д̇з д̣̇зваа звам̣ ж̇аананд̇и – ‘аяам̣ ко ааяасмаа д̇хаммаанусаарий . аббзва наама аяамааяасмаа ануломигаани сзнаасанаани бадисзвамаано галяаан̣амид̇д̇з бхаж̇амаано инд̣̇рияаани саманнаанаяамаано – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяаа’д̇и. звамби ко, маариса мог̇г̇аллаана, д̇зсам̣ д̣̇зваанам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и.
‘‘Idha pana, mārisa moggallāna, bhikkhu diṭṭhippatto hoti…pe… saddhāvimutto hoti…pe… dhammānusārī hoti. Tamenaṃ te devā evaṃ jānanti – ‘ayaṃ kho āyasmā dhammānusārī . Appeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihareyyā’ti. Evampi kho, mārisa moggallāna, tesaṃ devānaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti.
ат̇а ко ааяасмаа махаамог̇г̇аллаано д̇иссасса б̣рахмуно бхаасид̇ам̣ абхинанд̣̇ид̇ваа анумод̣̇ид̇ваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзвам̣ – б̣рахмалогз анд̇арахид̇о г̇иж̇жхагуудз баб̣б̣ад̇з баад̇урахоси. ат̇а ко ааяасмаа махаамог̇г̇аллаано язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа махаамог̇г̇аллаано яаавад̇аго ахоси д̇иссзна б̣рахмунаа сад̣̇д̇хим̣ гат̇аасаллаабо д̇ам̣ саб̣б̣ам̣ бхаг̇авад̇о аарожзси.
Atha kho āyasmā mahāmoggallāno tissassa brahmuno bhāsitaṃ abhinanditvā anumoditvā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evamevaṃ – brahmaloke antarahito gijjhakūṭe pabbate pāturahosi. Atha kho āyasmā mahāmoggallāno yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mahāmoggallāno yāvatako ahosi tissena brahmunā saddhiṃ kathāsallāpo taṃ sabbaṃ bhagavato ārocesi.
‘‘на хи бана д̇з, мог̇г̇аллаана, д̇иссо б̣рахмаа сад̇д̇амам̣ анимид̇д̇авихаарим̣ буг̇г̇алам̣ д̣̇зсзд̇и’’. ‘‘зд̇асса, бхаг̇аваа, гаало; зд̇асса, суг̇ад̇а, гаало! яам̣ бхаг̇аваа сад̇д̇амам̣ анимид̇д̇авихаарим̣ буг̇г̇алам̣ д̣̇зсзяяа. бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇зна хи, мог̇г̇аллаана, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бханд̇з’’д̇и ко ааяасмаа махаамог̇г̇аллаано бхаг̇авад̇о бажжассоси. бхаг̇аваа зд̇ад̣̇авожа –
‘‘Na hi pana te, moggallāna, tisso brahmā sattamaṃ animittavihāriṃ puggalaṃ deseti’’. ‘‘Etassa, bhagavā, kālo; etassa, sugata, kālo! Yaṃ bhagavā sattamaṃ animittavihāriṃ puggalaṃ deseyya. Bhagavato sutvā bhikkhū dhāressantī’’ti. ‘‘Tena hi, moggallāna, suṇāhi, sādhukaṃ manasi karohi; bhāsissāmī’’ti. ‘‘Evaṃ, bhante’’ti kho āyasmā mahāmoggallāno bhagavato paccassosi. Bhagavā etadavoca –
‘‘ид̇ха, мог̇г̇аллаана, бхигку саб̣б̣анимид̇д̇аанам̣ аманасигаараа анимид̇д̇ам̣ жзд̇осамаад̇хим̣ убасамбаж̇ж̇а вихарад̇и. д̇амзнам̣ д̇з д̣̇зваа звам̣ ж̇аананд̇и – ‘аяам̣ ко ааяасмаа саб̣б̣анимид̇д̇аанам̣ аманасигаараа анимид̇д̇ам̣ жзд̇осамаад̇хим̣ убасамбаж̇ж̇а вихарад̇и. аббзва наама аяамааяасмаа ануломигаани сзнаасанаани бадисзвамаано галяаан̣амид̇д̇з бхаж̇амаано инд̣̇рияаани саманнаанаяамаано – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяаа’д̇и. звам̣ ко, мог̇г̇аллаана, д̇зсам̣ д̣̇зваанам̣ н̃аан̣ам̣ ход̇и – ‘саубаад̣̇исзсз ваа саубаад̣̇исзсод̇и, анубаад̣̇исзсз ваа анубаад̣̇исзсо’’’д̇и. д̇ад̇ияам̣.
‘‘Idha, moggallāna, bhikkhu sabbanimittānaṃ amanasikārā animittaṃ cetosamādhiṃ upasampajja viharati. Tamenaṃ te devā evaṃ jānanti – ‘ayaṃ kho āyasmā sabbanimittānaṃ amanasikārā animittaṃ cetosamādhiṃ upasampajja viharati. Appeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihareyyā’ti. Evaṃ kho, moggallāna, tesaṃ devānaṃ ñāṇaṃ hoti – ‘saupādisese vā saupādisesoti, anupādisese vā anupādiseso’’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. д̇иссаб̣рахмаасуд̇д̇аван̣н̣анаа • 3. Tissabrahmāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. д̇иссаб̣рахмаасуд̇д̇аван̣н̣анаа • 3. Tissabrahmāsuttavaṇṇanā
