| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. திஸ்ஸப்³ரஹ்மாஸுத்தவண்ணனா
3. Tissabrahmāsuttavaṇṇanā
56. ததியே பி⁴க்கு²னியோதி மஹாபஜாபதியா பரிவாரா பஞ்சஸதா பி⁴க்கு²னியோ. விமுத்தாதி பஞ்சஹி விமுத்தீஹி விமுத்தா. அனுபாதி³ஸேஸாதி உபாதா³னஸேஸங் அட்ட²பெத்வா பஞ்சஹி விமுத்தீஹி அனவஸேஸாஹிபி விமுத்தா. ஸஉபாதி³ஸேஸே வா ஸஉபாதி³ஸேஸோதி ஸஉபாதா³னஸேஸே புக்³க³லே ‘‘ஸஉபாதா³னஸேஸோ அய’’ந்தி. இதரஸ்மிம்பி ஏஸேவ நயோ. திஸ்ஸோதி தே²ரஸ்ஸ ஸத்³தி⁴விஹாரிகப்³ரஹ்மா. அனுலோமிகானீதி படிபத்தியா அனுலோமானி விவித்தானி அந்திமபரியந்திமானி. இந்த்³ரியானீதி ஸத்³தா⁴தீ³னி விபஸ்ஸனிந்த்³ரியானி. ஸமன்னானயமானோதி ஸமன்னாஹாரே ட²பயமானோ. ந ஹி பன தேதி இத³ங் கஸ்மா ஆரபி⁴? ஸத்தமஸ்ஸ புக்³க³லஸ்ஸ த³ஸ்ஸனத்த²ங். ஸத்தமோ ஹி ஸத்³தா⁴னுஸாரிபுக்³க³லோ ந த³ஸ்ஸிதோ. அத² ப⁴க³வா ப³லவவிபஸ்ஸகவஸேன தங் த³ஸ்ஸெந்தோ ஏவமாஹ. தத்த² ஸப்³ப³னிமித்தானந்தி ஸப்³பே³ஸங் நிச்சனிமித்தாதீ³னங். அனிமித்தந்தி ப³லவவிபஸ்ஸனாஸமாதி⁴ங்.
56. Tatiye bhikkhuniyoti mahāpajāpatiyā parivārā pañcasatā bhikkhuniyo. Vimuttāti pañcahi vimuttīhi vimuttā. Anupādisesāti upādānasesaṃ aṭṭhapetvā pañcahi vimuttīhi anavasesāhipi vimuttā. Saupādisese vā saupādisesoti saupādānasese puggale ‘‘saupādānaseso aya’’nti. Itarasmimpi eseva nayo. Tissoti therassa saddhivihārikabrahmā. Anulomikānīti paṭipattiyā anulomāni vivittāni antimapariyantimāni. Indriyānīti saddhādīni vipassanindriyāni. Samannānayamānoti samannāhāre ṭhapayamāno. Na hi pana teti idaṃ kasmā ārabhi? Sattamassa puggalassa dassanatthaṃ. Sattamo hi saddhānusāripuggalo na dassito. Atha bhagavā balavavipassakavasena taṃ dassento evamāha. Tattha sabbanimittānanti sabbesaṃ niccanimittādīnaṃ. Animittanti balavavipassanāsamādhiṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. திஸ்ஸப்³ரஹ்மாஸுத்தங் • 3. Tissabrahmāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3. திஸ்ஸப்³ரஹ்மாஸுத்தவண்ணனா • 3. Tissabrahmāsuttavaṇṇanā
