| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৩. তিস্সব্রহ্মাসুত্তৰণ্ণনা
3. Tissabrahmāsuttavaṇṇanā
৫৬. ততিযে ভিক্খুনিযোতি মহাপজাপতিযা পরিৰারা পঞ্চসতা ভিক্খুনিযো। ৰিমুত্তাতি পঞ্চহি ৰিমুত্তীহি ৰিমুত্তা। অনুপাদিসেসাতি উপাদানসেসং অট্ঠপেত্ৰা পঞ্চহি ৰিমুত্তীহি অনৰসেসাহিপি ৰিমুত্তা। সউপাদিসেসে ৰা সউপাদিসেসোতি সউপাদানসেসে পুগ্গলে ‘‘সউপাদানসেসো অয’’ন্তি। ইতরস্মিম্পি এসেৰ নযো। তিস্সোতি থেরস্স সদ্ধিৰিহারিকব্রহ্মা। অনুলোমিকানীতি পটিপত্তিযা অনুলোমানি ৰিৰিত্তানি অন্তিমপরিযন্তিমানি। ইন্দ্রিযানীতি সদ্ধাদীনি ৰিপস্সনিন্দ্রিযানি। সমন্নানযমানোতি সমন্নাহারে ঠপযমানো। ন হি পন তেতি ইদং কস্মা আরভি? সত্তমস্স পুগ্গলস্স দস্সনত্থং। সত্তমো হি সদ্ধানুসারিপুগ্গলো ন দস্সিতো। অথ ভগৰা বলৰৰিপস্সকৰসেন তং দস্সেন্তো এৰমাহ। তত্থ সব্বনিমিত্তানন্তি সব্বেসং নিচ্চনিমিত্তাদীনং। অনিমিত্তন্তি বলৰৰিপস্সনাসমাধিং।
56. Tatiye bhikkhuniyoti mahāpajāpatiyā parivārā pañcasatā bhikkhuniyo. Vimuttāti pañcahi vimuttīhi vimuttā. Anupādisesāti upādānasesaṃ aṭṭhapetvā pañcahi vimuttīhi anavasesāhipi vimuttā. Saupādisese vā saupādisesoti saupādānasese puggale ‘‘saupādānaseso aya’’nti. Itarasmimpi eseva nayo. Tissoti therassa saddhivihārikabrahmā. Anulomikānīti paṭipattiyā anulomāni vivittāni antimapariyantimāni. Indriyānīti saddhādīni vipassanindriyāni. Samannānayamānoti samannāhāre ṭhapayamāno. Na hi pana teti idaṃ kasmā ārabhi? Sattamassa puggalassa dassanatthaṃ. Sattamo hi saddhānusāripuggalo na dassito. Atha bhagavā balavavipassakavasena taṃ dassento evamāha. Tattha sabbanimittānanti sabbesaṃ niccanimittādīnaṃ. Animittanti balavavipassanāsamādhiṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৩. তিস্সব্রহ্মাসুত্তং • 3. Tissabrahmāsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৩. তিস্সব্রহ্মাসুত্তৰণ্ণনা • 3. Tissabrahmāsuttavaṇṇanā
