| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. д̇иссаб̣рахмаасуд̇д̇аван̣н̣анаа
3. Tissabrahmāsuttavaṇṇanā
56. д̇ад̇ияз бхигкунияод̇и махаабаж̇аабад̇ияаа бариваараа бан̃жасад̇аа бхигкунияо. вимуд̇д̇аад̇и бан̃жахи вимуд̇д̇ийхи вимуд̇д̇аа. анубаад̣̇исзсаад̇и убаад̣̇аанасзсам̣ адтабзд̇ваа бан̃жахи вимуд̇д̇ийхи анавасзсаахиби вимуд̇д̇аа. саубаад̣̇исзсз ваа саубаад̣̇исзсод̇и саубаад̣̇аанасзсз буг̇г̇алз ‘‘саубаад̣̇аанасзсо аяа’’нд̇и. ид̇арасмимби зсзва наяо. д̇иссод̇и т̇зрасса сад̣̇д̇хивихааригаб̣рахмаа. ануломигаанийд̇и бадибад̇д̇ияаа ануломаани вивид̇д̇аани анд̇имабарияанд̇имаани. инд̣̇рияаанийд̇и сад̣̇д̇хаад̣̇ийни вибассанинд̣̇рияаани. саманнаанаяамаанод̇и саманнаахаарз табаяамаано. на хи бана д̇зд̇и ид̣̇ам̣ гасмаа аарабхи? сад̇д̇амасса буг̇г̇аласса д̣̇ассанад̇т̇ам̣. сад̇д̇амо хи сад̣̇д̇хаанусаарибуг̇г̇ало на д̣̇ассид̇о. ат̇а бхаг̇аваа б̣алававибассагавасзна д̇ам̣ д̣̇ассзнд̇о звамааха. д̇ад̇т̇а саб̣б̣анимид̇д̇аананд̇и саб̣б̣зсам̣ нижжанимид̇д̇аад̣̇ийнам̣. анимид̇д̇анд̇и б̣алававибассанаасамаад̇хим̣.
56. Tatiye bhikkhuniyoti mahāpajāpatiyā parivārā pañcasatā bhikkhuniyo. Vimuttāti pañcahi vimuttīhi vimuttā. Anupādisesāti upādānasesaṃ aṭṭhapetvā pañcahi vimuttīhi anavasesāhipi vimuttā. Saupādisese vā saupādisesoti saupādānasese puggale ‘‘saupādānaseso aya’’nti. Itarasmimpi eseva nayo. Tissoti therassa saddhivihārikabrahmā. Anulomikānīti paṭipattiyā anulomāni vivittāni antimapariyantimāni. Indriyānīti saddhādīni vipassanindriyāni. Samannānayamānoti samannāhāre ṭhapayamāno. Na hi pana teti idaṃ kasmā ārabhi? Sattamassa puggalassa dassanatthaṃ. Sattamo hi saddhānusāripuggalo na dassito. Atha bhagavā balavavipassakavasena taṃ dassento evamāha. Tattha sabbanimittānanti sabbesaṃ niccanimittādīnaṃ. Animittanti balavavipassanāsamādhiṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. д̇иссаб̣рахмаасуд̇д̇ам̣ • 3. Tissabrahmāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. д̇иссаб̣рахмаасуд̇д̇аван̣н̣анаа • 3. Tissabrahmāsuttavaṇṇanā
