| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. ติสฺสพฺรหฺมาสุตฺตวณฺณนา
3. Tissabrahmāsuttavaṇṇanā
๕๖. ตติเย ภิกฺขุนิโยติ มหาปชาปติยา ปริวารา ปญฺจสตา ภิกฺขุนิโยฯ วิมุตฺตาติ ปญฺจหิ วิมุตฺตีหิ วิมุตฺตาฯ อนุปาทิเสสาติ อุปาทานเสสํ อฎฺฐเปตฺวา ปญฺจหิ วิมุตฺตีหิ อนวเสสาหิปิ วิมุตฺตาฯ สอุปาทิเสเส วา สอุปาทิเสโสติ สอุปาทานเสเส ปุคฺคเล ‘‘สอุปาทานเสโส อย’’นฺติฯ อิตรสฺมิมฺปิ เอเสว นโยฯ ติโสฺสติ เถรสฺส สทฺธิวิหาริกพฺรหฺมาฯ อนุโลมิกานีติ ปฎิปตฺติยา อนุโลมานิ วิวิตฺตานิ อนฺติมปริยนฺติมานิฯ อินฺทฺริยานีติ สทฺธาทีนิ วิปสฺสนินฺทฺริยานิฯ สมนฺนานยมาโนติ สมนฺนาหาเร ฐปยมาโนฯ น หิ ปน เตติ อิทํ กสฺมา อารภิ? สตฺตมสฺส ปุคฺคลสฺส ทสฺสนตฺถํฯ สตฺตโม หิ สทฺธานุสาริปุคฺคโล น ทสฺสิโตฯ อถ ภควา พลววิปสฺสกวเสน ตํ ทเสฺสโนฺต เอวมาหฯ ตตฺถ สพฺพนิมิตฺตานนฺติ สเพฺพสํ นิจฺจนิมิตฺตาทีนํฯ อนิมิตฺตนฺติ พลววิปสฺสนาสมาธิํฯ
56. Tatiye bhikkhuniyoti mahāpajāpatiyā parivārā pañcasatā bhikkhuniyo. Vimuttāti pañcahi vimuttīhi vimuttā. Anupādisesāti upādānasesaṃ aṭṭhapetvā pañcahi vimuttīhi anavasesāhipi vimuttā. Saupādisese vā saupādisesoti saupādānasese puggale ‘‘saupādānaseso aya’’nti. Itarasmimpi eseva nayo. Tissoti therassa saddhivihārikabrahmā. Anulomikānīti paṭipattiyā anulomāni vivittāni antimapariyantimāni. Indriyānīti saddhādīni vipassanindriyāni. Samannānayamānoti samannāhāre ṭhapayamāno. Na hi pana teti idaṃ kasmā ārabhi? Sattamassa puggalassa dassanatthaṃ. Sattamo hi saddhānusāripuggalo na dassito. Atha bhagavā balavavipassakavasena taṃ dassento evamāha. Tattha sabbanimittānanti sabbesaṃ niccanimittādīnaṃ. Animittanti balavavipassanāsamādhiṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. ติสฺสพฺรหฺมาสุตฺตํ • 3. Tissabrahmāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๓. ติสฺสพฺรหฺมาสุตฺตวณฺณนา • 3. Tissabrahmāsuttavaṇṇanā
