| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៣. តិស្សព្រហ្មាសុត្តវណ្ណនា
3. Tissabrahmāsuttavaṇṇanā
៥៦. តតិយេ ភិក្ខុនិយោតិ មហាបជាបតិយា បរិវារា បញ្ចសតា ភិក្ខុនិយោ។ វិមុត្តាតិ បញ្ចហិ វិមុត្តីហិ វិមុត្តា។ អនុបាទិសេសាតិ ឧបាទានសេសំ អដ្ឋបេត្វា បញ្ចហិ វិមុត្តីហិ អនវសេសាហិបិ វិមុត្តា។ សឧបាទិសេសេ វា សឧបាទិសេសោតិ សឧបាទានសេសេ បុគ្គលេ ‘‘សឧបាទានសេសោ អយ’’ន្តិ។ ឥតរស្មិម្បិ ឯសេវ នយោ។ តិស្សោតិ ថេរស្ស សទ្ធិវិហារិកព្រហ្មា។ អនុលោមិកានីតិ បដិបត្តិយា អនុលោមានិ វិវិត្តានិ អន្តិមបរិយន្តិមានិ។ ឥន្ទ្រិយានីតិ សទ្ធាទីនិ វិបស្សនិន្ទ្រិយានិ។ សមន្នានយមានោតិ សមន្នាហារេ ឋបយមានោ។ ន ហិ បន តេតិ ឥទំ កស្មា អារភិ? សត្តមស្ស បុគ្គលស្ស ទស្សនត្ថំ។ សត្តមោ ហិ សទ្ធានុសារិបុគ្គលោ ន ទស្សិតោ។ អថ ភគវា ពលវវិបស្សកវសេន តំ ទស្សេន្តោ ឯវមាហ។ តត្ថ សព្ពនិមិត្តានន្តិ សព្ពេសំ និច្ចនិមិត្តាទីនំ។ អនិមិត្តន្តិ ពលវវិបស្សនាសមាធិំ។
56. Tatiye bhikkhuniyoti mahāpajāpatiyā parivārā pañcasatā bhikkhuniyo. Vimuttāti pañcahi vimuttīhi vimuttā. Anupādisesāti upādānasesaṃ aṭṭhapetvā pañcahi vimuttīhi anavasesāhipi vimuttā. Saupādisese vā saupādisesoti saupādānasese puggale ‘‘saupādānaseso aya’’nti. Itarasmimpi eseva nayo. Tissoti therassa saddhivihārikabrahmā. Anulomikānīti paṭipattiyā anulomāni vivittāni antimapariyantimāni. Indriyānīti saddhādīni vipassanindriyāni. Samannānayamānoti samannāhāre ṭhapayamāno. Na hi pana teti idaṃ kasmā ārabhi? Sattamassa puggalassa dassanatthaṃ. Sattamo hi saddhānusāripuggalo na dassito. Atha bhagavā balavavipassakavasena taṃ dassento evamāha. Tattha sabbanimittānanti sabbesaṃ niccanimittādīnaṃ. Animittanti balavavipassanāsamādhiṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៣. តិស្សព្រហ្មាសុត្តំ • 3. Tissabrahmāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៣. តិស្សព្រហ្មាសុត្តវណ្ណនា • 3. Tissabrahmāsuttavaṇṇanā
