| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. တိသ္သဗ္ရဟ္မာသုတ္တဝဏ္ဏနာ
3. Tissabrahmāsuttavaṇṇanā
၅၆. တတိယေ ဘိက္ခုနိယောတိ မဟာပဇာပတိယာ ပရိဝာရာ ပဉ္စသတာ ဘိက္ခုနိယော။ ဝိမုတ္တာတိ ပဉ္စဟိ ဝိမုတ္တီဟိ ဝိမုတ္တာ။ အနုပာဒိသေသာတိ ဥပာဒာနသေသံ အဋ္ဌပေတ္ဝာ ပဉ္စဟိ ဝိမုတ္တီဟိ အနဝသေသာဟိပိ ဝိမုတ္တာ။ သဥပာဒိသေသေ ဝာ သဥပာဒိသေသောတိ သဥပာဒာနသေသေ ပုဂ္ဂလေ ‘‘သဥပာဒာနသေသော အယ’’န္တိ။ ဣတရသ္မိမ္ပိ ဧသေဝ နယော။ တိသ္သောတိ ထေရသ္သ သဒ္ဓိဝိဟာရိကဗ္ရဟ္မာ။ အနုလောမိကာနီတိ ပဋိပတ္တိယာ အနုလောမာနိ ဝိဝိတ္တာနိ အန္တိမပရိယန္တိမာနိ။ ဣန္ဒ္ရိယာနီတိ သဒ္ဓာဒီနိ ဝိပသ္သနိန္ဒ္ရိယာနိ။ သမန္နာနယမာနောတိ သမန္နာဟာရေ ဌပယမာနော။ န ဟိ ပန တေတိ ဣဒံ ကသ္မာ အာရဘိ? သတ္တမသ္သ ပုဂ္ဂလသ္သ ဒသ္သနတ္ထံ။ သတ္တမော ဟိ သဒ္ဓာနုသာရိပုဂ္ဂလော န ဒသ္သိတော။ အထ ဘဂဝာ ဗလဝဝိပသ္သကဝသေန တံ ဒသ္သေန္တော ဧဝမာဟ။ တတ္ထ သဗ္ဗနိမိတ္တာနန္တိ သဗ္ဗေသံ နိစ္စနိမိတ္တာဒီနံ။ အနိမိတ္တန္တိ ဗလဝဝိပသ္သနာသမာဓိံ။
56. Tatiye bhikkhuniyoti mahāpajāpatiyā parivārā pañcasatā bhikkhuniyo. Vimuttāti pañcahi vimuttīhi vimuttā. Anupādisesāti upādānasesaṃ aṭṭhapetvā pañcahi vimuttīhi anavasesāhipi vimuttā. Saupādisese vā saupādisesoti saupādānasese puggale ‘‘saupādānaseso aya’’nti. Itarasmimpi eseva nayo. Tissoti therassa saddhivihārikabrahmā. Anulomikānīti paṭipattiyā anulomāni vivittāni antimapariyantimāni. Indriyānīti saddhādīni vipassanindriyāni. Samannānayamānoti samannāhāre ṭhapayamāno. Na hi pana teti idaṃ kasmā ārabhi? Sattamassa puggalassa dassanatthaṃ. Sattamo hi saddhānusāripuggalo na dassito. Atha bhagavā balavavipassakavasena taṃ dassento evamāha. Tattha sabbanimittānanti sabbesaṃ niccanimittādīnaṃ. Animittanti balavavipassanāsamādhiṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. တိသ္သဗ္ရဟ္မာသုတ္တံ • 3. Tissabrahmāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၃. တိသ္သဗ္ရဟ္မာသုတ္တဝဏ္ဏနာ • 3. Tissabrahmāsuttavaṇṇanā
