| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
19. д̇иссаб̣уд̣̇д̇хавам̣со
19. Tissabuddhavaṃso
1.
1.
сид̣̇д̇хад̇т̇асса абарзна, асамо аббадибуг̇г̇ало;
Siddhatthassa aparena, asamo appaṭipuggalo;
ананд̇ад̇зж̇о амид̇аяасо, д̇иссо логаг̇г̇анааяаго.
Anantatejo amitayaso, tisso lokagganāyako.
2.
2.
д̇аманд̇хагаарам̣ вид̇хамид̇ваа, обхаасзд̇ваа сад̣̇звагам̣;
Tamandhakāraṃ vidhamitvā, obhāsetvā sadevakaṃ;
анугамбаго махаавийро, логз уббаж̇ж̇и жагкумаа.
Anukampako mahāvīro, loke uppajji cakkhumā.
3.
3.
д̇ассааби ад̇улаа ид̣̇д̇хи, ад̇улам̣ сийлам̣ самаад̇хи жа;
Tassāpi atulā iddhi, atulaṃ sīlaṃ samādhi ca;
саб̣б̣ад̇т̇а баарамим̣ г̇анд̇ваа, д̇хаммажаггам̣ бавад̇д̇аяи.
Sabbattha pāramiṃ gantvā, dhammacakkaṃ pavattayi.
4.
4.
со б̣уд̣̇д̇хо д̣̇асасахассимхи, вин̃н̃аабзси г̇ирам̣ сужим̣;
So buddho dasasahassimhi, viññāpesi giraṃ suciṃ;
годисад̇аани абхисамим̣су, батамз д̇хаммад̣̇зсанз.
Koṭisatāni abhisamiṃsu, paṭhame dhammadesane.
5.
5.
д̣̇уд̇ияо навуд̇игодийнам̣, д̇ад̇ияо садтигодияо;
Dutiyo navutikoṭīnaṃ, tatiyo saṭṭhikoṭiyo;
6.
6.
саннибаад̇аа д̇аяо аасум̣, д̇иссз логаг̇г̇анааяагз;
Sannipātā tayo āsuṃ, tisse lokagganāyake;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
7.
7.
кийн̣аасавасад̇асахассаанам̣, батамо ааси самааг̇амо;
Khīṇāsavasatasahassānaṃ, paṭhamo āsi samāgamo;
навуд̇исад̇асахассаанам̣, д̣̇уд̇ияо ааси самааг̇амо.
Navutisatasahassānaṃ, dutiyo āsi samāgamo.
8.
8.
асийд̇исад̇асахассаанам̣ , д̇ад̇ияо ааси самааг̇амо;
Asītisatasahassānaṃ , tatiyo āsi samāgamo;
кийн̣аасаваанам̣ вималаанам̣, бубпид̇аанам̣ вимуд̇д̇ияаа.
Khīṇāsavānaṃ vimalānaṃ, pupphitānaṃ vimuttiyā.
9.
9.
ахам̣ д̇зна самаязна, суж̇аад̇о наама кад̇д̇ияо;
Ahaṃ tena samayena, sujāto nāma khattiyo;
махаабхог̇ам̣ чад̣д̣аяид̇ваа, баб̣б̣аж̇им̣ исибаб̣б̣аж̇ам̣.
Mahābhogaṃ chaḍḍayitvā, pabbajiṃ isipabbajaṃ.
10.
10.
маяи баб̣б̣аж̇ид̇з санд̇з, уббаж̇ж̇и логанааяаго;
Mayi pabbajite sante, uppajji lokanāyako;
б̣уд̣̇д̇ход̇и сад̣̇д̣̇ам̣ суд̇ваана, бийд̇и мз убабаж̇ж̇ат̇а.
Buddhoti saddaṃ sutvāna, pīti me upapajjatha.
11.
11.
д̣̇иб̣б̣ам̣ манд̣̇ааравам̣ бубпам̣, бад̣̇умам̣ бааричад̇д̇агам̣;
Dibbaṃ mandāravaṃ pupphaṃ, padumaṃ pārichattakaṃ;
убхо хад̇т̇зхи баг̇г̇аяха, д̇хунамаано убааг̇амим̣.
Ubho hatthehi paggayha, dhunamāno upāgamiṃ.
12.
12.
жад̇уван̣н̣абаривуд̇ам̣, д̇иссам̣ логаг̇г̇анааяагам̣;
Catuvaṇṇaparivutaṃ, tissaṃ lokagganāyakaṃ;
д̇амахам̣ бубпам̣ г̇ахзд̇ваа, мад̇т̇агз д̇хаараяим̣ ж̇инам̣.
Tamahaṃ pupphaṃ gahetvā, matthake dhārayiṃ jinaṃ.
13.
13.
соби мам̣ б̣уд̣̇д̇хо б̣яаагааси, ж̇анамаж̇жхз нисийд̣̇ияа;
Sopi maṃ buddho byākāsi, janamajjhe nisīdiya;
‘‘д̣̇взнавуд̇з ид̇о габбз, аяам̣ б̣уд̣̇д̇хо бхависсад̇и.
‘‘Dvenavute ito kappe, ayaṃ buddho bhavissati.
14.
14.
‘‘бад̇хаанам̣ бад̣̇ахид̇ваана…бз… хзссаама саммукаа имам̣’’.
‘‘Padhānaṃ padahitvāna…pe… hessāma sammukhā imaṃ’’.
15.
15.
д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
16.
16.
кзмагам̣ наама наг̇арам̣, ж̇анасанд̇хо наама кад̇д̇ияо;
Khemakaṃ nāma nagaraṃ, janasandho nāma khattiyo;
бад̣̇умаа наама ж̇анигаа, д̇иссасса жа махзсино.
Padumā nāma janikā, tissassa ca mahesino.
17.
17.
сад̇д̇авассасахассаани, аг̇аарам̣ аж̇жха со васи;
Sattavassasahassāni, agāraṃ ajjha so vasi;
г̇ухаасзла наарисаяа нисабхаа 3, д̇аяо баасаад̣̇амуд̇д̇амаа.
Guhāsela nārisaya nisabhā 4, tayo pāsādamuttamā.
18.
18.
самад̇им̣сасахассаани, наарияо самалан̇гад̇аа;
Samatiṃsasahassāni, nāriyo samalaṅkatā;
субхад̣̇д̣̇аанаамигаа наарий, аананд̣̇о наама ад̇раж̇о.
Subhaddānāmikā nārī, ānando nāma atrajo.
19.
19.
нимид̇д̇з жад̇уро д̣̇исваа, ассаяаанзна нигками;
Nimitte caturo disvā, assayānena nikkhami;
ануунаадтамаасаани, бад̇хаанам̣ бад̣̇ахий ж̇ино.
Anūnaaṭṭhamāsāni, padhānaṃ padahī jino.
20.
20.
б̣рахмунаа яаажид̇о санд̇о, д̇иссо логаг̇г̇анааяаго;
Brahmunā yācito santo, tisso lokagganāyako;
вад̇д̇и жаггам̣ махаавийро, яасавад̇ияамуд̇д̇амз.
Vatti cakkaṃ mahāvīro, yasavatiyamuttame.
21.
21.
б̣рахмад̣̇зво уд̣̇аяо жа, ахзсум̣ аг̇г̇асаавагаа;
Brahmadevo udayo ca, ahesuṃ aggasāvakā;
саман̇г̇о наамубадтааго, д̇иссасса жа махзсино.
Samaṅgo nāmupaṭṭhāko, tissassa ca mahesino.
22.
22.
пуссаа жзва суд̣̇ад̇д̇аа жа, ахзсум̣ аг̇г̇асаавигаа;
Phussā ceva sudattā ca, ahesuṃ aggasāvikā;
б̣од̇хи д̇асса бхаг̇авад̇о, асанод̇и бавужжад̇и.
Bodhi tassa bhagavato, asanoti pavuccati.
23.
23.
самб̣ало жа сиримаа жзва, ахзсум̣ аг̇г̇убадтагаа;
Sambalo ca sirimā ceva, ahesuṃ aggupaṭṭhakā;
гисааг̇од̇амий убасзнаа, ахзсум̣ аг̇г̇убадтигаа.
Kisāgotamī upasenā, ahesuṃ aggupaṭṭhikā.
24.
24.
со б̣уд̣̇д̇хо садтирад̇ано, аху ужжад̇д̇анз ж̇ино;
So buddho saṭṭhiratano, ahu uccattane jino;
ануубамо асад̣̇исо, химаваа вияа д̣̇иссад̇и.
Anūpamo asadiso, himavā viya dissati.
25.
25.
д̇ассааби ад̇улад̇зж̇асса, ааяу ааси ануд̇д̇аро;
Tassāpi atulatejassa, āyu āsi anuttaro;
вассасад̇асахассаани, логз адтааси жагкумаа.
Vassasatasahassāni, loke aṭṭhāsi cakkhumā.
26.
26.
уд̇д̇амам̣ баварам̣ сздтам̣, анубход̇ваа махааяасам̣;
Uttamaṃ pavaraṃ seṭṭhaṃ, anubhotvā mahāyasaṃ;
ж̇алид̇ваа аг̇г̇игканд̇хова, ниб̣б̣уд̇о со сасааваго.
Jalitvā aggikkhandhova, nibbuto so sasāvako.
27.
27.
валаахагова анилзна, сууриязна вияа уссаво;
Valāhakova anilena, sūriyena viya ussavo;
анд̇хагаарова бад̣̇ийбзна, ниб̣б̣уд̇о со сасааваго.
Andhakārova padīpena, nibbuto so sasāvako.
28.
28.
д̇иссо ж̇инаваро б̣уд̣̇д̇хо, нанд̣̇аараамамхи ниб̣б̣уд̇о;
Tisso jinavaro buddho, nandārāmamhi nibbuto;
д̇ад̇т̇звасса ж̇инат̇уубо, д̇ийн̣ияож̇анамуг̇г̇ад̇од̇и.
Tatthevassa jinathūpo, tīṇiyojanamuggatoti.
д̇иссасса бхаг̇авад̇о вам̣со сад̇д̇арасамо.
Tissassa bhagavato vaṃso sattarasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 19. д̇иссаб̣уд̣̇д̇хавам̣саван̣н̣анаа • 19. Tissabuddhavaṃsavaṇṇanā
