| Library / Tipiṭaka / திபிடக • Tipiṭaka / சூளனித்³தே³ஸபாளி • Cūḷaniddesapāḷi |
2. திஸ்ஸமெத்தெய்யமாணவபுச்சா²னித்³தே³ஸோ
2. Tissametteyyamāṇavapucchāniddeso
9.
9.
கோத⁴ ஸந்துஸிதோ லோகே, [இச்சாயஸ்மா திஸ்ஸமெத்தெய்யோ]
Kodhasantusito loke, [iccāyasmā tissametteyyo]
கஸ்ஸ நோ ஸந்தி இஞ்ஜிதா;
Kassa no santi iñjitā;
கோ உப⁴ந்தமபி⁴ஞ்ஞாய, மஜ்ஜே² மந்தா ந லிப்பதி;
Ko ubhantamabhiññāya, majjhe mantā na lippati;
கங் ப்³ரூஸி மஹாபுரிஸோதி, கோ இத⁴ ஸிப்³பி³னிமச்சகா³.
Kaṃ brūsi mahāpurisoti, ko idha sibbinimaccagā.
கோத⁴ ஸந்துஸிதோ லோகேதி கோ லோகே துட்டோ² ஸந்துட்டோ² அத்தமனோ பரிபுண்ணஸங்கப்போதி – கோத⁴ ஸந்துஸிதோ லோகே.
Kodha santusito loketi ko loke tuṭṭho santuṭṭho attamano paripuṇṇasaṅkappoti – kodha santusito loke.
இச்சாயஸ்மா திஸ்ஸமெத்தெய்யோதி. இச்சாதி பத³ஸந்தி⁴ பத³ஸங்ஸக்³கோ³ பத³பாரிபூரீ அக்க²ரஸமவாயோ ப்³யஞ்ஜனஸிலிட்ட²தா பதா³னுபுப்³ப³தாபேதங் – இச்சாதி. ஆயஸ்மாதி பியவசனங் க³ருவசனங் ஸகா³ரவஸப்பதிஸ்ஸாதி⁴வசனமேதங் – ஆயஸ்மாதி. திஸ்ஸோதி தஸ்ஸ ப்³ராஹ்மணஸ்ஸ நாமங் ஸங்கா² ஸமஞ்ஞா பஞ்ஞத்தி வோஹாரோ நாமங் நாமகம்மங் நாமதெ⁴ய்யங் நிருத்தி ப்³யஞ்ஜனங் அபி⁴லாபோ. மெத்தெய்யோதி தஸ்ஸ ப்³ராஹ்மணஸ்ஸ கொ³த்தங் ஸங்கா² ஸமஞ்ஞா பஞ்ஞத்தி வோஹாரோதி – இச்சாயஸ்மா திஸ்ஸமெத்தெய்யோ.
Iccāyasmātissametteyyoti. Iccāti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – iccāti. Āyasmāti piyavacanaṃ garuvacanaṃ sagāravasappatissādhivacanametaṃ – āyasmāti. Tissoti tassa brāhmaṇassa nāmaṃ saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpo. Metteyyoti tassa brāhmaṇassa gottaṃ saṅkhā samaññā paññatti vohāroti – iccāyasmā tissametteyyo.
கஸ்ஸ நோ ஸந்தி இஞ்ஜிதாதி தண்ஹிஞ்ஜிதங் தி³ட்டி²ஞ்ஜிதங் மானிஞ்ஜிதங் கிலேஸிஞ்ஜிதங் காமிஞ்ஜிதங். கஸ்ஸிமே இஞ்ஜிதா நத்தி² ந ஸந்தி ந ஸங்விஜ்ஜந்தி நுபலப்³ப⁴ந்தி பஹீனா ஸமுச்சி²ன்னா வூபஸந்தா படிபஸ்ஸத்³தா⁴ அப⁴ப்³பு³ப்பத்திகா ஞாணக்³கி³னா த³ட்³டா⁴தி – கஸ்ஸ நோ ஸந்தி இஞ்ஜிதா.
Kassa no santi iñjitāti taṇhiñjitaṃ diṭṭhiñjitaṃ māniñjitaṃ kilesiñjitaṃ kāmiñjitaṃ. Kassime iñjitā natthi na santi na saṃvijjanti nupalabbhanti pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – kassa no santi iñjitā.
கோ உப⁴ந்தமபி⁴ஞ்ஞாயாதி கோ உபோ⁴ அந்தே அபி⁴ஞ்ஞாய ஜானித்வா துலயித்வா தீரயித்வா விபா⁴வயித்வா விபூ⁴தங் கத்வாதி – கோ உப⁴ந்தமபி⁴ஞ்ஞாய.
Ko ubhantamabhiññāyāti ko ubho ante abhiññāya jānitvā tulayitvā tīrayitvā vibhāvayitvā vibhūtaṃ katvāti – ko ubhantamabhiññāya.
மஜ்ஜே² மந்தா ந லிப்பதீதி மஜ்ஜே² மந்தாய ந லிப்பதி, அலித்தோ அனுபலித்தோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரதீதி – மஜ்ஜே² மந்தா ந லிப்பதி.
Majjhe mantā na lippatīti majjhe mantāya na lippati, alitto anupalitto nikkhanto nissaṭo vippamutto visaññutto vimariyādikatena cetasā viharatīti – majjhe mantā na lippati.
கங் ப்³ரூஸி மஹாபுரிஸோதி மஹாபுரிஸோ அக்³க³புரிஸோ ஸெட்ட²புரிஸோ விஸெட்ட²புரிஸோ பாமொக்க²புரிஸோ உத்தமபுரிஸோ பதா⁴னபுரிஸோ பவரபுரிஸோதி. கங் ப்³ரூஸி கங் கதே²ஸி கங் மஞ்ஞஸி கங் ப⁴ணஸி கங் பஸ்ஸதி கங் வோஹரஸீதி – கங் ப்³ரூஸி மஹாபுரிஸோதி.
Kaṃ brūsi mahāpurisoti mahāpuriso aggapuriso seṭṭhapuriso viseṭṭhapuriso pāmokkhapuriso uttamapuriso padhānapuriso pavarapurisoti. Kaṃ brūsi kaṃ kathesi kaṃ maññasi kaṃ bhaṇasi kaṃ passati kaṃ voharasīti – kaṃ brūsi mahāpurisoti.
கோ இத⁴ ஸிப்³பி³னிமச்சகா³தி கோ இத⁴ ஸிப்³பி³னிங் தண்ஹங் அஜ்ஜ²கா³ உபச்சகா³ அதிக்கந்தோ ஸமதிக்கந்தோ வீதிவத்தோதி – கோ இத⁴ ஸிப்³பி³னிமச்சகா³. தேனாஹ ஸோ ப்³ராஹ்மணோ –
Ko idha sibbinimaccagāti ko idha sibbiniṃ taṇhaṃ ajjhagā upaccagā atikkanto samatikkanto vītivattoti – ko idha sibbinimaccagā. Tenāha so brāhmaṇo –
‘‘கோத⁴ ஸந்துஸிதோ லோகே, [இச்சாயஸ்மா திஸ்ஸமெத்தெய்யோ]
‘‘Kodha santusito loke, [iccāyasmā tissametteyyo]
கஸ்ஸ நோ ஸந்தி இஞ்ஜிதா;
Kassa no santi iñjitā;
கோ உப⁴ந்தமபி⁴ஞ்ஞாய, மஜ்ஜே² மந்தா ந லிப்பதி;
Ko ubhantamabhiññāya, majjhe mantā na lippati;
கங் ப்³ரூஸி மஹாபுரிஸோதி, கோ இத⁴ ஸிப்³பி³னிமச்சகா³’’தி.
Kaṃ brūsi mahāpurisoti, ko idha sibbinimaccagā’’ti.
10.
10.
காமேஸு ப்³ரஹ்மசரியவா, [மெத்தெய்யாதி ப⁴க³வா]
Kāmesubrahmacariyavā, [metteyyāti bhagavā]
வீததண்ஹோ ஸதா³ ஸதோ;
Vītataṇho sadā sato;
ஸங்கா²ய நிப்³பு³தோ பி⁴க்கு², தஸ்ஸ நோ ஸந்தி இஞ்ஜிதா.
Saṅkhāya nibbuto bhikkhu, tassa no santi iñjitā.
காமேஸு ப்³ரஹ்மசரியவாதி. காமாதி உத்³தா³னதோ த்³வே காமா – வத்து²காமா ச கிலேஸகாமா ச…பே॰… இமே வுச்சந்தி வத்து²காமா…பே॰… இமே வுச்சந்தி கிலேஸகாமா. ப்³ரஹ்மசரியங் வுச்சதி அஸத்³த⁴ம்மஸமாபத்தியா ஆரதி விரதி படிவிரதி வேரமணீ அகிரியா அகரணங் அனஜ்ஜா²பத்தி வேலாஅனதிக்கமோ. அபி ச, நிப்பரியாயேன ப்³ரஹ்மசரியங் வுச்சதி அரியோ அட்ட²ங்கி³கோ மக்³கோ³, ஸெய்யதி²த³ங் – ஸம்மாதி³ட்டி², ஸம்மாஸங்கப்போ, ஸம்மாவாசா, ஸம்மாகம்மந்தோ, ஸம்மாஆஜீவோ, ஸம்மாவாயாமோ, ஸம்மாஸதி, ஸம்மாஸமாதி⁴. யோ இமினா அரியேன அட்ட²ங்கி³கேன மக்³கே³ன உபேதோ ஸமுபேதோ உபாக³தோ ஸமுபாக³தோ உபபன்னோ ஸமுபபன்னோ ஸமன்னாக³தோ, ஸோ வுச்சதி ப்³ரஹ்மசரியவா. யதா² ச த⁴னேன த⁴னவாதி வுச்சதி, போ⁴கே³ன போ⁴க³வாதி வுச்சதி, யஸேன யஸவாதி வுச்சதி, ஸிப்பேன ஸிப்பவாதி வுச்சதி, ஸீலேன ஸீலவாதி வுச்சதி, வீரியேன வீரியவாதி வுச்சதி, பஞ்ஞாய பஞ்ஞவாதி வுச்சதி, விஜ்ஜாய விஜ்ஜவாதி வுச்சதி – ஏவமேவ யோ இமினா அரியேன அட்ட²ங்கி³கேன மக்³கே³ன உபேதோ ஸமுபேதோ உபாக³தோ ஸமுபாக³தோ உபபன்னோ ஸமுபபன்னோ ஸமன்னாக³தோ, ஸோ வுச்சதி ப்³ரஹ்மசரியவாதி – காமேஸு ப்³ரஹ்மசரியவா.
Kāmesu brahmacariyavāti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Brahmacariyaṃ vuccati asaddhammasamāpattiyā ārati virati paṭivirati veramaṇī akiriyā akaraṇaṃ anajjhāpatti velāanatikkamo. Api ca, nippariyāyena brahmacariyaṃ vuccati ariyo aṭṭhaṅgiko maggo, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi. Yo iminā ariyena aṭṭhaṅgikena maggena upeto samupeto upāgato samupāgato upapanno samupapanno samannāgato, so vuccati brahmacariyavā. Yathā ca dhanena dhanavāti vuccati, bhogena bhogavāti vuccati, yasena yasavāti vuccati, sippena sippavāti vuccati, sīlena sīlavāti vuccati, vīriyena vīriyavāti vuccati, paññāya paññavāti vuccati, vijjāya vijjavāti vuccati – evameva yo iminā ariyena aṭṭhaṅgikena maggena upeto samupeto upāgato samupāgato upapanno samupapanno samannāgato, so vuccati brahmacariyavāti – kāmesu brahmacariyavā.
மெத்தெய்யாதி ப⁴க³வா தங் ப்³ராஹ்மணங் கொ³த்தேன ஆலபதி. ப⁴க³வாதி கா³ரவாதி⁴வசனமேதங்…பே॰… ஸச்சி²கா பஞ்ஞத்தி, யதி³த³ங் ப⁴க³வாதி – மெத்தெய்யாதி ப⁴க³வா.
Metteyyāti bhagavā taṃ brāhmaṇaṃ gottena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – metteyyāti bhagavā.
வீததண்ஹோ ஸதா³ ஸதோதி. தண்ஹாதி ரூபதண்ஹா…பே॰… த⁴ம்மதண்ஹா. யஸ்ஸேஸா தண்ஹா பஹீனா ஸமுச்சி²ன்னா வூபஸந்தா படிபஸ்ஸத்³தா⁴ அப⁴ப்³பு³ப்பத்திகா ஞாணக்³கி³னா த³ட்³டா⁴, ஸோ வுச்சதி வீததண்ஹோ சத்ததண்ஹோ வந்ததண்ஹோ முத்ததண்ஹோ பஹீனதண்ஹோ படினிஸ்ஸட்ட²தண்ஹோ வீதராகோ³ சத்தராகோ³ வந்தராகோ³ முத்தராகோ³ பஹீனராகோ³ படினிஸ்ஸட்ட²ராகோ³ நிச்சா²தோ நிப்³பு³தோ ஸீதிபூ⁴தோ ஸுக²ப்படிஸங்வேதீ³ ப்³ரஹ்மபூ⁴தேன அத்தனா விஹரதி. ஸதா³தி ஸதா³ ஸப்³ப³தா³ ஸப்³ப³காலங் நிச்சகாலங் து⁴வகாலங் ஸததங் ஸமிதங் அப்³போ³கிண்ணங் பொங்கா²னுபொங்க²ங் 1 உத³கூமிகஜாதங் அவீசிஸந்ததிஸஹிதங் 2 ப²ஸ்ஸிதங் 3 புரேப⁴த்தங் பச்சா²ப⁴த்தங் புரிமயாமங் மஜ்ஜி²மயாமங் பச்சி²மயாமங் காளே ஜுண்ஹே வஸ்ஸே ஹேமந்தே கி³ம்ஹே புரிமே வயோக²ந்தே⁴ மஜ்ஜி²மே வயோக²ந்தே⁴ பச்சி²மே வயோக²ந்தே⁴. ஸதோதி சதூஹி காரணேஹி ஸதோ – காயே காயானுபஸ்ஸனாஸதிபட்டா²னங் பா⁴வெந்தோ ஸதோ, வேத³னாஸு வேத³னானுபஸ்ஸனாஸதிபட்டா²னங் பா⁴வெந்தோ ஸதோ, சித்தே சித்தானுபஸ்ஸனாஸதிபட்டா²னங் பா⁴வெந்தோ ஸதோ, த⁴ம்மேஸு த⁴ம்மானுபஸ்ஸனாஸதிபட்டா²னங் பா⁴வெந்தோ ஸதோ…பே॰… ஸோ வுச்சதி ஸதோதி – வீததண்ஹோ ஸதா³ ஸதோ.
Vītataṇhosadā satoti. Taṇhāti rūpataṇhā…pe… dhammataṇhā. Yassesā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati vītataṇho cattataṇho vantataṇho muttataṇho pahīnataṇho paṭinissaṭṭhataṇho vītarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto sukhappaṭisaṃvedī brahmabhūtena attanā viharati. Sadāti sadā sabbadā sabbakālaṃ niccakālaṃ dhuvakālaṃ satataṃ samitaṃ abbokiṇṇaṃ poṅkhānupoṅkhaṃ 4 udakūmikajātaṃ avīcisantatisahitaṃ 5 phassitaṃ 6 purebhattaṃ pacchābhattaṃ purimayāmaṃ majjhimayāmaṃ pacchimayāmaṃ kāḷe juṇhe vasse hemante gimhe purime vayokhandhe majjhime vayokhandhe pacchime vayokhandhe. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato, vedanāsu vedanānupassanāsatipaṭṭhānaṃ bhāvento sato, citte cittānupassanāsatipaṭṭhānaṃ bhāvento sato, dhammesu dhammānupassanāsatipaṭṭhānaṃ bhāvento sato…pe… so vuccati satoti – vītataṇho sadā sato.
ஸங்கா²ய நிப்³பு³தோ பி⁴க்கூ²தி ஸங்கா² வுச்சதி ஞாணங். யா பஞ்ஞா பஜானநா விசயோ பவிசயோ…பே॰… அமோஹோ த⁴ம்மவிசயோ ஸம்மாதி³ட்டி². ஸங்கா²யாதி ஸங்கா²ய ஜானித்வா துலயித்வா தீரயித்வா விபா⁴வயித்வா விபூ⁴தங் கத்வா, ‘‘ஸப்³பே³ ஸங்கா²ரா அனிச்சா’’தி ஸங்கா²ய ஜானித்வா துலயித்வா தீரயித்வா விபா⁴வயித்வா விபூ⁴தங் கத்வா, ‘‘ஸப்³பே³ ஸங்கா²ரா து³க்கா²’’தி…பே॰… ‘‘ஸப்³பே³ த⁴ம்மா அனத்தா’’தி… ‘‘அவிஜ்ஜாபச்சயா ஸங்கா²ரா’’தி… ‘‘யங் கிஞ்சி ஸமுத³யத⁴ம்மங் ஸப்³ப³ங் தங் நிரோத⁴த⁴ம்ம’’ந்தி ஸங்கா²ய ஜானித்வா துலயித்வா தீரயித்வா விபா⁴வயித்வா விபூ⁴தங் கத்வா.
Saṅkhāya nibbuto bhikkhūti saṅkhā vuccati ñāṇaṃ. Yā paññā pajānanā vicayo pavicayo…pe… amoho dhammavicayo sammādiṭṭhi. Saṅkhāyāti saṅkhāya jānitvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā aniccā’’ti saṅkhāya jānitvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā dukkhā’’ti…pe… ‘‘sabbe dhammā anattā’’ti… ‘‘avijjāpaccayā saṅkhārā’’ti… ‘‘yaṃ kiñci samudayadhammaṃ sabbaṃ taṃ nirodhadhamma’’nti saṅkhāya jānitvā tulayitvā tīrayitvā vibhāvayitvā vibhūtaṃ katvā.
அத² வா, அனிச்சதோ ஸங்கா²ய ஜானித்வா…பே॰… து³க்க²தோ… ரோக³தோ… க³ண்ட³தோ… ஸல்லதோ…பே॰… நிஸ்ஸரணதோ ஸங்கா²ய ஜானித்வா துலயித்வா தீரயித்வா விபா⁴வயித்வா விபூ⁴தங் கத்வா. நிப்³பு³தோதி ராக³ஸ்ஸ நிப்³பா³பிதத்தா நிப்³பு³தோ, தோ³ஸஸ்ஸ நிப்³பா³பிதத்தா நிப்³பு³தோ, மோஹஸ்ஸ நிப்³பா³பிதத்தா நிப்³பு³தோ, கோத⁴ஸ்ஸ… உபனாஹஸ்ஸ… மக்க²ஸ்ஸ… பளாஸஸ்ஸ… இஸ்ஸாய… மச்ச²ரியஸ்ஸ… மாயாய… ஸாடெ²ய்யஸ்ஸ… த²ம்ப⁴ஸ்ஸ… ஸாரம்ப⁴ஸ்ஸ… மானஸ்ஸ… அதிமானஸ்ஸ… மத³ஸ்ஸ… பமாத³ஸ்ஸ… ஸப்³ப³கிலேஸானங்… ஸப்³ப³து³ச்சரிதானங்… ஸப்³ப³த³ரதா²னங் … ஸப்³ப³பரிளாஹானங்… ஸப்³ப³ஸந்தாபானங்… ஸப்³பா³குஸலாபி⁴ஸங்கா²ரானங் நிப்³பா³பிதத்தா நிப்³பு³தோ. பி⁴க்கூ²தி ஸத்தன்னங் த⁴ம்மானங் பி⁴ன்னத்தா பி⁴க்கு²…பே॰… வுஸிதவா கீ²ணபுனப்³ப⁴வோ ஸ பி⁴க்கூ²தி – ஸங்கா²ய நிப்³பு³தோ பி⁴க்கு².
Atha vā, aniccato saṅkhāya jānitvā…pe… dukkhato… rogato… gaṇḍato… sallato…pe… nissaraṇato saṅkhāya jānitvā tulayitvā tīrayitvā vibhāvayitvā vibhūtaṃ katvā. Nibbutoti rāgassa nibbāpitattā nibbuto, dosassa nibbāpitattā nibbuto, mohassa nibbāpitattā nibbuto, kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa… sabbakilesānaṃ… sabbaduccaritānaṃ… sabbadarathānaṃ … sabbapariḷāhānaṃ… sabbasantāpānaṃ… sabbākusalābhisaṅkhārānaṃ nibbāpitattā nibbuto. Bhikkhūti sattannaṃ dhammānaṃ bhinnattā bhikkhu…pe… vusitavā khīṇapunabbhavo sa bhikkhūti – saṅkhāya nibbuto bhikkhu.
தஸ்ஸ நோ ஸந்தி இஞ்ஜிதாதி. தஸ்ஸாதி அரஹதோ கீ²ணாஸவஸ்ஸ. இஞ்ஜிதாதி தண்ஹிஞ்ஜிதங் தி³ட்டி²ஞ்ஜிதங் மானிஞ்ஜிதங் கிலேஸிஞ்ஜிதங் காமிஞ்ஜிதங். தஸ்ஸிமே இஞ்ஜிதா நத்தி² ந ஸந்தி ந ஸங்விஜ்ஜந்தி நுபலப்³ப⁴ந்தி பஹீனா ஸமுச்சி²ன்னா வூபஸந்தா படிபஸ்ஸத்³தா⁴ அப⁴ப்³பு³ப்பத்திகா ஞாணக்³கி³னா த³ட்³டா⁴தி – தஸ்ஸ நோ ஸந்தி இஞ்ஜிதா. தேனாஹ ப⁴க³வா –
Tassa no santi iñjitāti. Tassāti arahato khīṇāsavassa. Iñjitāti taṇhiñjitaṃ diṭṭhiñjitaṃ māniñjitaṃ kilesiñjitaṃ kāmiñjitaṃ. Tassime iñjitā natthi na santi na saṃvijjanti nupalabbhanti pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – tassa no santi iñjitā. Tenāha bhagavā –
‘‘காமேஸு ப்³ரஹ்மசரியவா, [மெத்தெய்யாதி ப⁴க³வா]
‘‘Kāmesu brahmacariyavā, [metteyyāti bhagavā]
வீததண்ஹோ ஸதா³ ஸதோ;
Vītataṇho sadā sato;
ஸங்கா²ய நிப்³பு³தோ பி⁴க்கு², தஸ்ஸ நோ ஸந்தி இஞ்ஜிதா’’தி.
Saṅkhāya nibbuto bhikkhu, tassa no santi iñjitā’’ti.
11.
11.
ஸோ உப⁴ந்தமபி⁴ஞ்ஞாய, மஜ்ஜே² மந்தா ந லிப்பதி;
So ubhantamabhiññāya, majjhe mantā na lippati;
தங் ப்³ரூமி மஹாபுரிஸோதி, ஸோ இத⁴ ஸிப்³பி³னிமச்சகா³.
Taṃ brūmi mahāpurisoti, so idha sibbinimaccagā.
ஸோ உப⁴ந்தமபி⁴ஞ்ஞாய, மஜ்ஜே² மந்தா ந லிப்பதீதி. அந்தாதி ப²ஸ்ஸோ ஏகோ அந்தோ, ப²ஸ்ஸஸமுத³யோ து³தியோ அந்தோ, ப²ஸ்ஸனிரோதோ⁴ மஜ்ஜே²; அதீதங் ஏகோ அந்தோ, அனாக³தங் து³தியோ அந்தோ, பச்சுப்பன்னங் மஜ்ஜே²; ஸுகா² வேத³னா ஏகோ அந்தோ, து³க்கா² வேத³னா து³தியோ அந்தோ, அது³க்க²மஸுகா² வேத³னா மஜ்ஜே²; நாமங் ஏகோ அந்தோ, ரூபங் து³தியோ அந்தோ, விஞ்ஞாணங் மஜ்ஜே²; ச² அஜ்ஜ²த்திகானி ஆயதனானி ஏகோ அந்தோ, ச² பா³ஹிரானி ஆயதனானி து³தியோ அந்தோ, விஞ்ஞாணங் மஜ்ஜே²; ஸக்காயோ ஏகோ அந்தோ, ஸக்காயஸமுத³யோ து³தியோ அந்தோ, ஸக்காயனிரோதோ⁴ மஜ்ஜே². மந்தா வுச்சதி பஞ்ஞா, யா பஞ்ஞா பஜானநா…பே॰… அமோஹோ த⁴ம்மவிசயோ ஸம்மாதி³ட்டி².
So ubhantamabhiññāya, majjhe mantā na lippatīti. Antāti phasso eko anto, phassasamudayo dutiyo anto, phassanirodho majjhe; atītaṃ eko anto, anāgataṃ dutiyo anto, paccuppannaṃ majjhe; sukhā vedanā eko anto, dukkhā vedanā dutiyo anto, adukkhamasukhā vedanā majjhe; nāmaṃ eko anto, rūpaṃ dutiyo anto, viññāṇaṃ majjhe; cha ajjhattikāni āyatanāni eko anto, cha bāhirāni āyatanāni dutiyo anto, viññāṇaṃ majjhe; sakkāyo eko anto, sakkāyasamudayo dutiyo anto, sakkāyanirodho majjhe. Mantā vuccati paññā, yā paññā pajānanā…pe… amoho dhammavicayo sammādiṭṭhi.
லேபாதி த்³வே லேபா – தண்ஹாலேபோ ச தி³ட்டி²லேபோ ச. கதமோ தண்ஹாலேபோ ? யாவதா தண்ஹாஸங்கா²தேன ஸீமகதங் ஓதி⁴கதங் 7 பரியந்தகதங் பரிக்³க³ஹிதங் மமாயிதங் – ‘‘இத³ங் மம, ஏதங் மம, எத்தகங் மம, எத்தாவதா மம ரூபா ஸத்³தா³ க³ந்தா⁴ ரஸா பொ²ட்ட²ப்³பா³ அத்த²ரணா பாவுரணா தா³ஸிதா³ஸா அஜேளகா குக்குடஸூகரா ஹத்தி²க³வாஸ்ஸவளவா கெ²த்தங் வத்து² ஹிரஞ்ஞங் ஸுவண்ணங் கா³மனிக³மராஜதா⁴னியோ ரட்ட²ஞ்ச ஜனபதோ³ ச கோஸோ ச கொட்டா²கா³ரஞ்ச’’. கேவலம்பி மஹாபத²விங் தண்ஹாவஸேன மமாயதி. யாவதா அட்ட²ஸததண்ஹாவிசரிதங் – அயங் தண்ஹாலேபோ.
Lepāti dve lepā – taṇhālepo ca diṭṭhilepo ca. Katamo taṇhālepo ? Yāvatā taṇhāsaṅkhātena sīmakataṃ odhikataṃ 8 pariyantakataṃ pariggahitaṃ mamāyitaṃ – ‘‘idaṃ mama, etaṃ mama, ettakaṃ mama, ettāvatā mama rūpā saddā gandhā rasā phoṭṭhabbā attharaṇā pāvuraṇā dāsidāsā ajeḷakā kukkuṭasūkarā hatthigavāssavaḷavā khettaṃ vatthu hiraññaṃ suvaṇṇaṃ gāmanigamarājadhāniyo raṭṭhañca janapado ca koso ca koṭṭhāgārañca’’. Kevalampi mahāpathaviṃ taṇhāvasena mamāyati. Yāvatā aṭṭhasatataṇhāvicaritaṃ – ayaṃ taṇhālepo.
கதமோ தி³ட்டி²லேபோ? வீஸதிவத்து²கா ஸக்காயதி³ட்டி², த³ஸவத்து²கா மிச்சா²தி³ட்டி², த³ஸவத்து²கா அந்தக்³கா³ஹிகா தி³ட்டி², யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ படிக்³கா³ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியேஸக்³கா³ஹோ 9 விபரீதக்³கா³ஹோ விபல்லாஸக்³கா³ஹோ மிச்சா²கா³ஹோ அயாதா²வகஸ்மிங் யாதா²வகந்தி கா³ஹோ, யாவதா த்³வாஸட்டி² தி³ட்டி²க³தானி – அயங் தி³ட்டி²லேபோ.
Katamo diṭṭhilepo? Vīsativatthukā sakkāyadiṭṭhi, dasavatthukā micchādiṭṭhi, dasavatthukā antaggāhikā diṭṭhi, yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ vipariyesaggāho 10 viparītaggāho vipallāsaggāho micchāgāho ayāthāvakasmiṃ yāthāvakanti gāho, yāvatā dvāsaṭṭhi diṭṭhigatāni – ayaṃ diṭṭhilepo.
ஸோ உப⁴ந்தமபி⁴ஞ்ஞாய, மஜ்ஜே² மந்தா ந லிப்பதீதி ஸோ உபோ⁴ ச அந்தே மஜ்ஜ²ஞ்ச மந்தாய அபி⁴ஞ்ஞாய ஜானித்வா துலயித்வா தீரயித்வா விபா⁴வயித்வா விபூ⁴தங் கத்வா ந லிப்பதி ந பலிப்பதி ந உபலிப்பதி, அலித்தோ அஸங்லித்தோ அனுபலித்தோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரதீதி – ஸோ உப⁴ந்தமபி⁴ஞ்ஞாய மஜ்ஜே² மந்தா ந லிப்பதி.
So ubhantamabhiññāya, majjhe mantā na lippatīti so ubho ca ante majjhañca mantāya abhiññāya jānitvā tulayitvā tīrayitvā vibhāvayitvā vibhūtaṃ katvā na lippati na palippati na upalippati, alitto asaṃlitto anupalitto nikkhanto nissaṭo vippamutto visaññutto vimariyādikatena cetasā viharatīti – so ubhantamabhiññāya majjhe mantā na lippati.
தங் ப்³ரூமி மஹாபுரிஸோதி மஹாபுரிஸோ அக்³க³புரிஸோ ஸெட்ட²புரிஸோ விஸெட்ட²புரிஸோ பாமொக்க²புரிஸோ உத்தமபுரிஸோ பவரபுரிஸோ, தங் ப்³ரூமி தங் கதே²மி தங் ப⁴ணாமி தங் தீ³பேமி தங் வோஹராமி.
Taṃbrūmi mahāpurisoti mahāpuriso aggapuriso seṭṭhapuriso viseṭṭhapuriso pāmokkhapuriso uttamapuriso pavarapuriso, taṃ brūmi taṃ kathemi taṃ bhaṇāmi taṃ dīpemi taṃ voharāmi.
ஆயஸ்மா ஸாரிபுத்தோ 11 ப⁴க³வந்தங் ஏதத³வோச – ‘‘மஹாபுரிஸோ மஹாபுரிஸோ’தி, ப⁴ந்தே, வுச்சதி. கித்தாவதா நு கோ², ப⁴ந்தே, மஹாபுரிஸோ ஹோதீ’’தி? ‘‘விமுத்தசித்தத்தா க்²வாஹங், ஸாரிபுத்த, மஹாபுரிஸோதி வதா³மி, அவிமுத்தசித்தத்தா நோ மஹாபுரிஸோதி வதா³மி.
Āyasmā sāriputto 12 bhagavantaṃ etadavoca – ‘‘mahāpuriso mahāpuriso’ti, bhante, vuccati. Kittāvatā nu kho, bhante, mahāpuriso hotī’’ti? ‘‘Vimuttacittattā khvāhaṃ, sāriputta, mahāpurisoti vadāmi, avimuttacittattā no mahāpurisoti vadāmi.
‘‘கத²ஞ்ச, ஸாரிபுத்த, விமுத்தசித்தோ ஹோதி? இத⁴, ஸாரிபுத்த, பி⁴க்கு² அஜ்ஜ²த்தங் காயே காயானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங். தஸ்ஸ காயே காயானுபஸ்ஸினோ விஹரதோ சித்தங் விரஜ்ஜதி விமுச்சதி அனுபாதா³ய ஆஸவேஹி. வேத³னாஸு…பே॰… சித்தே… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங். தஸ்ஸ த⁴ம்மேஸு த⁴ம்மானுபஸ்ஸினோ விஹரதோ சித்தங் விரஜ்ஜதி விமுச்சதி அனுபாதா³ய ஆஸவேஹி. ஏவங் கோ², ஸாரிபுத்த, பி⁴க்கு² விமுத்தசித்தோ ஹோதி. விமுத்தசித்தத்தா க்²வாஹங், ஸாரிபுத்த, மஹாபுரிஸோதி வதா³மி, அவிமுத்தசித்தத்தா நோ மஹாபுரிஸோதி வதா³மீ’’தி – தங் ப்³ரூமி மஹாபுரிஸோதி.
‘‘Kathañca, sāriputta, vimuttacitto hoti? Idha, sāriputta, bhikkhu ajjhattaṃ kāye kāyānupassī viharati ātāpī sampajāno satimā vineyya loke abhijjhādomanassaṃ. Tassa kāye kāyānupassino viharato cittaṃ virajjati vimuccati anupādāya āsavehi. Vedanāsu…pe… citte… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Tassa dhammesu dhammānupassino viharato cittaṃ virajjati vimuccati anupādāya āsavehi. Evaṃ kho, sāriputta, bhikkhu vimuttacitto hoti. Vimuttacittattā khvāhaṃ, sāriputta, mahāpurisoti vadāmi, avimuttacittattā no mahāpurisoti vadāmī’’ti – taṃ brūmi mahāpurisoti.
ஸோ இத⁴ ஸிப்³பி³னிமச்சகா³தி ஸிப்³பி³னீ வுச்சதி தண்ஹா. யோ ராகோ³ ஸாராகோ³…பே॰… அபி⁴ஜ்ஜா² லோபோ⁴ அகுஸலமூலங், யஸ்ஸேஸா ஸிப்³பி³னீ தண்ஹா பஹீனா ஸமுச்சி²ன்னா வூபஸந்தா படிபஸ்ஸத்³தா⁴ அப⁴ப்³பு³ப்பத்திகா ஞாணக்³கி³னா த³ட்³டா⁴. ஸோ ஸிப்³பி³னிங் தண்ஹங் அச்சகா³ உபச்சகா³ அதிக்கந்தோ ஸமதிக்கந்தோ வீதிவத்தோதி – ஸோ இத⁴ ஸிப்³பி³னிமச்சகா³. தேனாஹ ப⁴க³வா –
So idha sibbinimaccagāti sibbinī vuccati taṇhā. Yo rāgo sārāgo…pe… abhijjhā lobho akusalamūlaṃ, yassesā sibbinī taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā. So sibbiniṃ taṇhaṃ accagā upaccagā atikkanto samatikkanto vītivattoti – so idha sibbinimaccagā. Tenāha bhagavā –
‘‘ஸோ உப⁴ந்தமபி⁴ஞ்ஞாய, மஜ்ஜே² மந்தா ந லிப்பதி;
‘‘So ubhantamabhiññāya, majjhe mantā na lippati;
தங் ப்³ரூமி மஹாபுரிஸோதி, ஸோ இத⁴ ஸிப்³பி³னிமச்சகா³’’தி.
Taṃ brūmi mahāpurisoti, so idha sibbinimaccagā’’ti.
ஸஹ கா³தா²பரியோஸானா யே தே ப்³ராஹ்மணேன ஸத்³தி⁴ங் ஏகச்ச²ந்தா³ ஏகபயோகா³ ஏகாதி⁴ப்பாயா ஏகவாஸனவாஸிதா, தேஸங் அனேகபாணஸஹஸ்ஸானங் விரஜங் வீதமலங் த⁴ம்மசக்கு²ங் உத³பாதி³ – ‘‘யங் கிஞ்சி ஸமுத³யத⁴ம்மங் ஸப்³ப³ங் தங் நிரோத⁴த⁴ம்ம’’ந்தி. தஸ்ஸ ப்³ராஹ்மணஸ்ஸ அனுபாதா³ய ஆஸவேஹி சித்தங் விமுச்சி. ஸஹ அரஹத்தப்பத்தா அஜினஜடாவாகசீரதித³ண்ட³கமண்ட³லுகேஸா ச மஸ்ஸூ ச அந்தரஹிதா. ப⁴ண்டு³காஸாயவத்த²வஸனோ ஸங்கா⁴டிபத்தசீவரத⁴ரோ அன்வத்த²படிபத்தியா பஞ்ஜலிகோ ப⁴க³வந்தங் நமஸ்ஸமானோ நிஸின்னோ ஹோதி – ‘‘ஸத்தா² மே ப⁴ந்தே ப⁴க³வா, ஸாவகோஹமஸ்மீ’’தி.
Saha gāthāpariyosānā ye te brāhmaṇena saddhiṃ ekacchandā ekapayogā ekādhippāyā ekavāsanavāsitā, tesaṃ anekapāṇasahassānaṃ virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ sabbaṃ taṃ nirodhadhamma’’nti. Tassa brāhmaṇassa anupādāya āsavehi cittaṃ vimucci. Saha arahattappattā ajinajaṭāvākacīratidaṇḍakamaṇḍalukesā ca massū ca antarahitā. Bhaṇḍukāsāyavatthavasano saṅghāṭipattacīvaradharo anvatthapaṭipattiyā pañjaliko bhagavantaṃ namassamāno nisinno hoti – ‘‘satthā me bhante bhagavā, sāvakohamasmī’’ti.
திஸ்ஸமெத்தெய்யமாணவபுச்சா²னித்³தே³ஸோ து³தியோ.
Tissametteyyamāṇavapucchāniddeso dutiyo.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / சூளனித்³தே³ஸ-அட்ட²கதா² • Cūḷaniddesa-aṭṭhakathā / 2. திஸ்ஸமெத்தெய்யமாணவஸுத்தனித்³தே³ஸவண்ணனா • 2. Tissametteyyamāṇavasuttaniddesavaṇṇanā
