| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
2. д̇иссамзд̇д̇зяяамаан̣авабужчаанид̣̇д̣̇зсо
2. Tissametteyyamāṇavapucchāniddeso
9.
9.
год̇ха санд̇усид̇о логз, [ижжааяасмаа д̇иссамзд̇д̇зяяо]
Kodhasantusito loke, [iccāyasmā tissametteyyo]
гасса но санд̇и ин̃ж̇ид̇аа;
Kassa no santi iñjitā;
го убханд̇амабхин̃н̃ааяа, маж̇жхз манд̇аа на либбад̇и;
Ko ubhantamabhiññāya, majjhe mantā na lippati;
гам̣ б̣рууси махаабурисод̇и, го ид̇ха сиб̣б̣инимажжаг̇аа.
Kaṃ brūsi mahāpurisoti, ko idha sibbinimaccagā.
год̇ха санд̇усид̇о логзд̇и го логз д̇удто санд̇удто ад̇д̇амано барибун̣н̣асан̇габбод̇и – год̇ха санд̇усид̇о логз.
Kodha santusito loketi ko loke tuṭṭho santuṭṭho attamano paripuṇṇasaṅkappoti – kodha santusito loke.
ижжааяасмаа д̇иссамзд̇д̇зяяод̇и. ижжаад̇и бад̣̇асанд̇хи бад̣̇асам̣саг̇г̇о бад̣̇абаарибуурий агкарасамавааяо б̣яан̃ж̇анасилидтад̇аа бад̣̇аанубуб̣б̣ад̇аабзд̇ам̣ – ижжаад̇и. ааяасмаад̇и бияаважанам̣ г̇аруважанам̣ саг̇ааравасаббад̇иссаад̇хиважанамзд̇ам̣ – ааяасмаад̇и. д̇иссод̇и д̇асса б̣раахман̣асса наамам̣ сан̇каа саман̃н̃аа бан̃н̃ад̇д̇и вохааро наамам̣ наамагаммам̣ наамад̇хзяяам̣ нируд̇д̇и б̣яан̃ж̇анам̣ абхилаабо. мзд̇д̇зяяод̇и д̇асса б̣раахман̣асса г̇од̇д̇ам̣ сан̇каа саман̃н̃аа бан̃н̃ад̇д̇и вохаарод̇и – ижжааяасмаа д̇иссамзд̇д̇зяяо.
Iccāyasmātissametteyyoti. Iccāti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – iccāti. Āyasmāti piyavacanaṃ garuvacanaṃ sagāravasappatissādhivacanametaṃ – āyasmāti. Tissoti tassa brāhmaṇassa nāmaṃ saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpo. Metteyyoti tassa brāhmaṇassa gottaṃ saṅkhā samaññā paññatti vohāroti – iccāyasmā tissametteyyo.
гасса но санд̇и ин̃ж̇ид̇аад̇и д̇ан̣хин̃ж̇ид̇ам̣ д̣̇идтин̃ж̇ид̇ам̣ маанин̃ж̇ид̇ам̣ гилзсин̃ж̇ид̇ам̣ гаамин̃ж̇ид̇ам̣. гассимз ин̃ж̇ид̇аа над̇т̇и на санд̇и на сам̣виж̇ж̇анд̇и нубалаб̣бханд̇и бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – гасса но санд̇и ин̃ж̇ид̇аа.
Kassa no santi iñjitāti taṇhiñjitaṃ diṭṭhiñjitaṃ māniñjitaṃ kilesiñjitaṃ kāmiñjitaṃ. Kassime iñjitā natthi na santi na saṃvijjanti nupalabbhanti pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – kassa no santi iñjitā.
го убханд̇амабхин̃н̃ааяаад̇и го убхо анд̇з абхин̃н̃ааяа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваад̇и – го убханд̇амабхин̃н̃ааяа.
Ko ubhantamabhiññāyāti ko ubho ante abhiññāya jānitvā tulayitvā tīrayitvā vibhāvayitvā vibhūtaṃ katvāti – ko ubhantamabhiññāya.
маж̇жхз манд̇аа на либбад̇ийд̇и маж̇жхз манд̇ааяа на либбад̇и, алид̇д̇о анубалид̇д̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – маж̇жхз манд̇аа на либбад̇и.
Majjhe mantā na lippatīti majjhe mantāya na lippati, alitto anupalitto nikkhanto nissaṭo vippamutto visaññutto vimariyādikatena cetasā viharatīti – majjhe mantā na lippati.
гам̣ б̣рууси махаабурисод̇и махаабурисо аг̇г̇абурисо сздтабурисо висздтабурисо баамогкабурисо уд̇д̇амабурисо бад̇хаанабурисо баварабурисод̇и. гам̣ б̣рууси гам̣ гат̇зси гам̣ ман̃н̃аси гам̣ бхан̣аси гам̣ бассад̇и гам̣ вохарасийд̇и – гам̣ б̣рууси махаабурисод̇и.
Kaṃ brūsi mahāpurisoti mahāpuriso aggapuriso seṭṭhapuriso viseṭṭhapuriso pāmokkhapuriso uttamapuriso padhānapuriso pavarapurisoti. Kaṃ brūsi kaṃ kathesi kaṃ maññasi kaṃ bhaṇasi kaṃ passati kaṃ voharasīti – kaṃ brūsi mahāpurisoti.
го ид̇ха сиб̣б̣инимажжаг̇аад̇и го ид̇ха сиб̣б̣иним̣ д̇ан̣хам̣ аж̇жхаг̇аа убажжаг̇аа ад̇игганд̇о самад̇игганд̇о вийд̇ивад̇д̇од̇и – го ид̇ха сиб̣б̣инимажжаг̇аа. д̇знааха со б̣раахман̣о –
Ko idha sibbinimaccagāti ko idha sibbiniṃ taṇhaṃ ajjhagā upaccagā atikkanto samatikkanto vītivattoti – ko idha sibbinimaccagā. Tenāha so brāhmaṇo –
‘‘год̇ха санд̇усид̇о логз, [ижжааяасмаа д̇иссамзд̇д̇зяяо]
‘‘Kodha santusito loke, [iccāyasmā tissametteyyo]
гасса но санд̇и ин̃ж̇ид̇аа;
Kassa no santi iñjitā;
го убханд̇амабхин̃н̃ааяа, маж̇жхз манд̇аа на либбад̇и;
Ko ubhantamabhiññāya, majjhe mantā na lippati;
гам̣ б̣рууси махаабурисод̇и, го ид̇ха сиб̣б̣инимажжаг̇аа’’д̇и.
Kaṃ brūsi mahāpurisoti, ko idha sibbinimaccagā’’ti.
10.
10.
гаамзсу б̣рахмажарияаваа, [мзд̇д̇зяяаад̇и бхаг̇аваа]
Kāmesubrahmacariyavā, [metteyyāti bhagavā]
вийд̇ад̇ан̣хо сад̣̇аа сад̇о;
Vītataṇho sadā sato;
сан̇кааяа ниб̣б̣уд̇о бхигку, д̇асса но санд̇и ин̃ж̇ид̇аа.
Saṅkhāya nibbuto bhikkhu, tassa no santi iñjitā.
гаамзсу б̣рахмажарияаваад̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. б̣рахмажарияам̣ вужжад̇и асад̣̇д̇хаммасамаабад̇д̇ияаа аарад̇и вирад̇и бадивирад̇и взраман̣ий агирияаа агаран̣ам̣ анаж̇жхаабад̇д̇и взлааанад̇иггамо. аби жа, ниббарияааязна б̣рахмажарияам̣ вужжад̇и арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хи. яо иминаа ариязна адтан̇г̇игзна маг̇г̇зна убзд̇о самубзд̇о убааг̇ад̇о самубааг̇ад̇о убабанно самубабанно саманнааг̇ад̇о, со вужжад̇и б̣рахмажарияаваа. яат̇аа жа д̇ханзна д̇ханаваад̇и вужжад̇и, бхог̇зна бхог̇аваад̇и вужжад̇и, яасзна яасаваад̇и вужжад̇и, сиббзна сиббаваад̇и вужжад̇и, сийлзна сийлаваад̇и вужжад̇и, вийриязна вийрияаваад̇и вужжад̇и, бан̃н̃ааяа бан̃н̃аваад̇и вужжад̇и, виж̇ж̇ааяа виж̇ж̇аваад̇и вужжад̇и – звамзва яо иминаа ариязна адтан̇г̇игзна маг̇г̇зна убзд̇о самубзд̇о убааг̇ад̇о самубааг̇ад̇о убабанно самубабанно саманнааг̇ад̇о, со вужжад̇и б̣рахмажарияаваад̇и – гаамзсу б̣рахмажарияаваа.
Kāmesu brahmacariyavāti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Brahmacariyaṃ vuccati asaddhammasamāpattiyā ārati virati paṭivirati veramaṇī akiriyā akaraṇaṃ anajjhāpatti velāanatikkamo. Api ca, nippariyāyena brahmacariyaṃ vuccati ariyo aṭṭhaṅgiko maggo, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi. Yo iminā ariyena aṭṭhaṅgikena maggena upeto samupeto upāgato samupāgato upapanno samupapanno samannāgato, so vuccati brahmacariyavā. Yathā ca dhanena dhanavāti vuccati, bhogena bhogavāti vuccati, yasena yasavāti vuccati, sippena sippavāti vuccati, sīlena sīlavāti vuccati, vīriyena vīriyavāti vuccati, paññāya paññavāti vuccati, vijjāya vijjavāti vuccati – evameva yo iminā ariyena aṭṭhaṅgikena maggena upeto samupeto upāgato samupāgato upapanno samupapanno samannāgato, so vuccati brahmacariyavāti – kāmesu brahmacariyavā.
мзд̇д̇зяяаад̇и бхаг̇аваа д̇ам̣ б̣раахман̣ам̣ г̇од̇д̇зна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – мзд̇д̇зяяаад̇и бхаг̇аваа.
Metteyyāti bhagavā taṃ brāhmaṇaṃ gottena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – metteyyāti bhagavā.
вийд̇ад̇ан̣хо сад̣̇аа сад̇од̇и. д̇ан̣хаад̇и руубад̇ан̣хаа…бз… д̇хаммад̇ан̣хаа. яассзсаа д̇ан̣хаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа, со вужжад̇и вийд̇ад̇ан̣хо жад̇д̇ад̇ан̣хо ванд̇ад̇ан̣хо муд̇д̇ад̇ан̣хо бахийнад̇ан̣хо бадиниссадтад̇ан̣хо вийд̇арааг̇о жад̇д̇арааг̇о ванд̇арааг̇о муд̇д̇арааг̇о бахийнарааг̇о бадиниссадтарааг̇о нижчаад̇о ниб̣б̣уд̇о сийд̇ибхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇и. сад̣̇аад̇и сад̣̇аа саб̣б̣ад̣̇аа саб̣б̣агаалам̣ нижжагаалам̣ д̇хувагаалам̣ сад̇ад̇ам̣ самид̇ам̣ аб̣б̣огин̣н̣ам̣ бон̇каанубон̇кам̣ 1 уд̣̇агуумигаж̇аад̇ам̣ авийжисанд̇ад̇исахид̇ам̣ 2 пассид̇ам̣ 3 бурзбхад̇д̇ам̣ бажчаабхад̇д̇ам̣ буримаяаамам̣ маж̇жхимаяаамам̣ бажчимаяаамам̣ гаал̣з ж̇ун̣хз вассз хзманд̇з г̇имхз буримз ваяоканд̇хз маж̇жхимз ваяоканд̇хз бажчимз ваяоканд̇хз. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о, взд̣̇анаасу взд̣̇анаанубассанаасад̇ибадтаанам̣ бхаавзнд̇о сад̇о, жид̇д̇з жид̇д̇аанубассанаасад̇ибадтаанам̣ бхаавзнд̇о сад̇о, д̇хаммзсу д̇хаммаанубассанаасад̇ибадтаанам̣ бхаавзнд̇о сад̇о…бз… со вужжад̇и сад̇од̇и – вийд̇ад̇ан̣хо сад̣̇аа сад̇о.
Vītataṇhosadā satoti. Taṇhāti rūpataṇhā…pe… dhammataṇhā. Yassesā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati vītataṇho cattataṇho vantataṇho muttataṇho pahīnataṇho paṭinissaṭṭhataṇho vītarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto sukhappaṭisaṃvedī brahmabhūtena attanā viharati. Sadāti sadā sabbadā sabbakālaṃ niccakālaṃ dhuvakālaṃ satataṃ samitaṃ abbokiṇṇaṃ poṅkhānupoṅkhaṃ 4 udakūmikajātaṃ avīcisantatisahitaṃ 5 phassitaṃ 6 purebhattaṃ pacchābhattaṃ purimayāmaṃ majjhimayāmaṃ pacchimayāmaṃ kāḷe juṇhe vasse hemante gimhe purime vayokhandhe majjhime vayokhandhe pacchime vayokhandhe. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato, vedanāsu vedanānupassanāsatipaṭṭhānaṃ bhāvento sato, citte cittānupassanāsatipaṭṭhānaṃ bhāvento sato, dhammesu dhammānupassanāsatipaṭṭhānaṃ bhāvento sato…pe… so vuccati satoti – vītataṇho sadā sato.
сан̇кааяа ниб̣б̣уд̇о бхигкууд̇и сан̇каа вужжад̇и н̃аан̣ам̣. яаа бан̃н̃аа баж̇аананаа вижаяо бавижаяо…бз… амохо д̇хаммавижаяо саммаад̣̇идти. сан̇кааяаад̇и сан̇кааяа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа, ‘‘саб̣б̣з сан̇каараа анижжаа’’д̇и сан̇кааяа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа, ‘‘саб̣б̣з сан̇каараа д̣̇угкаа’’д̇и…бз… ‘‘саб̣б̣з д̇хаммаа анад̇д̇аа’’д̇и… ‘‘авиж̇ж̇аабажжаяаа сан̇каараа’’д̇и… ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и сан̇кааяа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа.
Saṅkhāya nibbuto bhikkhūti saṅkhā vuccati ñāṇaṃ. Yā paññā pajānanā vicayo pavicayo…pe… amoho dhammavicayo sammādiṭṭhi. Saṅkhāyāti saṅkhāya jānitvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā aniccā’’ti saṅkhāya jānitvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā dukkhā’’ti…pe… ‘‘sabbe dhammā anattā’’ti… ‘‘avijjāpaccayā saṅkhārā’’ti… ‘‘yaṃ kiñci samudayadhammaṃ sabbaṃ taṃ nirodhadhamma’’nti saṅkhāya jānitvā tulayitvā tīrayitvā vibhāvayitvā vibhūtaṃ katvā.
ат̇а ваа, анижжад̇о сан̇кааяа ж̇аанид̇ваа…бз… д̣̇угкад̇о… рог̇ад̇о… г̇ан̣д̣ад̇о… саллад̇о…бз… ниссаран̣ад̇о сан̇кааяа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа. ниб̣б̣уд̇од̇и рааг̇асса ниб̣б̣аабид̇ад̇д̇аа ниб̣б̣уд̇о, д̣̇осасса ниб̣б̣аабид̇ад̇д̇аа ниб̣б̣уд̇о, мохасса ниб̣б̣аабид̇ад̇д̇аа ниб̣б̣уд̇о, год̇хасса… убанаахасса… магкасса… бал̣аасасса… иссааяа… мажчарияасса… мааяааяа… саатзяяасса… т̇амбхасса… саарамбхасса… маанасса… ад̇имаанасса… мад̣̇асса… бамаад̣̇асса… саб̣б̣агилзсаанам̣… саб̣б̣ад̣̇ужжарид̇аанам̣… саб̣б̣ад̣̇арат̇аанам̣ … саб̣б̣абарил̣аахаанам̣… саб̣б̣асанд̇аабаанам̣… саб̣б̣аагусалаабхисан̇каараанам̣ ниб̣б̣аабид̇ад̇д̇аа ниб̣б̣уд̇о. бхигкууд̇и сад̇д̇аннам̣ д̇хаммаанам̣ бхиннад̇д̇аа бхигку…бз… вусид̇аваа кийн̣абунаб̣бхаво са бхигкууд̇и – сан̇кааяа ниб̣б̣уд̇о бхигку.
Atha vā, aniccato saṅkhāya jānitvā…pe… dukkhato… rogato… gaṇḍato… sallato…pe… nissaraṇato saṅkhāya jānitvā tulayitvā tīrayitvā vibhāvayitvā vibhūtaṃ katvā. Nibbutoti rāgassa nibbāpitattā nibbuto, dosassa nibbāpitattā nibbuto, mohassa nibbāpitattā nibbuto, kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa… sabbakilesānaṃ… sabbaduccaritānaṃ… sabbadarathānaṃ … sabbapariḷāhānaṃ… sabbasantāpānaṃ… sabbākusalābhisaṅkhārānaṃ nibbāpitattā nibbuto. Bhikkhūti sattannaṃ dhammānaṃ bhinnattā bhikkhu…pe… vusitavā khīṇapunabbhavo sa bhikkhūti – saṅkhāya nibbuto bhikkhu.
д̇асса но санд̇и ин̃ж̇ид̇аад̇и. д̇ассаад̇и арахад̇о кийн̣аасавасса. ин̃ж̇ид̇аад̇и д̇ан̣хин̃ж̇ид̇ам̣ д̣̇идтин̃ж̇ид̇ам̣ маанин̃ж̇ид̇ам̣ гилзсин̃ж̇ид̇ам̣ гаамин̃ж̇ид̇ам̣. д̇ассимз ин̃ж̇ид̇аа над̇т̇и на санд̇и на сам̣виж̇ж̇анд̇и нубалаб̣бханд̇и бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – д̇асса но санд̇и ин̃ж̇ид̇аа. д̇знааха бхаг̇аваа –
Tassa no santi iñjitāti. Tassāti arahato khīṇāsavassa. Iñjitāti taṇhiñjitaṃ diṭṭhiñjitaṃ māniñjitaṃ kilesiñjitaṃ kāmiñjitaṃ. Tassime iñjitā natthi na santi na saṃvijjanti nupalabbhanti pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – tassa no santi iñjitā. Tenāha bhagavā –
‘‘гаамзсу б̣рахмажарияаваа, [мзд̇д̇зяяаад̇и бхаг̇аваа]
‘‘Kāmesu brahmacariyavā, [metteyyāti bhagavā]
вийд̇ад̇ан̣хо сад̣̇аа сад̇о;
Vītataṇho sadā sato;
сан̇кааяа ниб̣б̣уд̇о бхигку, д̇асса но санд̇и ин̃ж̇ид̇аа’’д̇и.
Saṅkhāya nibbuto bhikkhu, tassa no santi iñjitā’’ti.
11.
11.
со убханд̇амабхин̃н̃ааяа, маж̇жхз манд̇аа на либбад̇и;
So ubhantamabhiññāya, majjhe mantā na lippati;
д̇ам̣ б̣рууми махаабурисод̇и, со ид̇ха сиб̣б̣инимажжаг̇аа.
Taṃ brūmi mahāpurisoti, so idha sibbinimaccagā.
со убханд̇амабхин̃н̃ааяа, маж̇жхз манд̇аа на либбад̇ийд̇и. анд̇аад̇и пассо зго анд̇о, пассасамуд̣̇аяо д̣̇уд̇ияо анд̇о, пассанирод̇хо маж̇жхз; ад̇ийд̇ам̣ зго анд̇о, анааг̇ад̇ам̣ д̣̇уд̇ияо анд̇о, бажжуббаннам̣ маж̇жхз; сукаа взд̣̇анаа зго анд̇о, д̣̇угкаа взд̣̇анаа д̣̇уд̇ияо анд̇о, ад̣̇угкамасукаа взд̣̇анаа маж̇жхз; наамам̣ зго анд̇о, руубам̣ д̣̇уд̇ияо анд̇о, вин̃н̃аан̣ам̣ маж̇жхз; ча аж̇жхад̇д̇игаани ааяад̇анаани зго анд̇о, ча б̣аахираани ааяад̇анаани д̣̇уд̇ияо анд̇о, вин̃н̃аан̣ам̣ маж̇жхз; саггааяо зго анд̇о, саггааяасамуд̣̇аяо д̣̇уд̇ияо анд̇о, саггааяанирод̇хо маж̇жхз. манд̇аа вужжад̇и бан̃н̃аа, яаа бан̃н̃аа баж̇аананаа…бз… амохо д̇хаммавижаяо саммаад̣̇идти.
So ubhantamabhiññāya, majjhe mantā na lippatīti. Antāti phasso eko anto, phassasamudayo dutiyo anto, phassanirodho majjhe; atītaṃ eko anto, anāgataṃ dutiyo anto, paccuppannaṃ majjhe; sukhā vedanā eko anto, dukkhā vedanā dutiyo anto, adukkhamasukhā vedanā majjhe; nāmaṃ eko anto, rūpaṃ dutiyo anto, viññāṇaṃ majjhe; cha ajjhattikāni āyatanāni eko anto, cha bāhirāni āyatanāni dutiyo anto, viññāṇaṃ majjhe; sakkāyo eko anto, sakkāyasamudayo dutiyo anto, sakkāyanirodho majjhe. Mantā vuccati paññā, yā paññā pajānanā…pe… amoho dhammavicayo sammādiṭṭhi.
лзбаад̇и д̣̇вз лзбаа – д̇ан̣хаалзбо жа д̣̇идтилзбо жа. гад̇амо д̇ан̣хаалзбо ? яаавад̇аа д̇ан̣хаасан̇каад̇зна сиймагад̇ам̣ од̇хигад̇ам̣ 7 барияанд̇агад̇ам̣ бариг̇г̇ахид̇ам̣ мамааяид̇ам̣ – ‘‘ид̣̇ам̣ мама, зд̇ам̣ мама, зд̇д̇агам̣ мама, зд̇д̇аавад̇аа мама руубаа сад̣̇д̣̇аа г̇анд̇хаа расаа подтаб̣б̣аа ад̇т̇аран̣аа баавуран̣аа д̣̇аасид̣̇аасаа аж̇зл̣агаа гуггудасуугараа хад̇т̇иг̇аваассавал̣аваа кзд̇д̇ам̣ вад̇т̇у хиран̃н̃ам̣ суван̣н̣ам̣ г̇ааманиг̇амарааж̇ад̇хаанияо радтан̃жа ж̇анабад̣̇о жа госо жа годтааг̇ааран̃жа’’. гзваламби махаабат̇авим̣ д̇ан̣хаавасзна мамааяад̇и. яаавад̇аа адтасад̇ад̇ан̣хаавижарид̇ам̣ – аяам̣ д̇ан̣хаалзбо.
Lepāti dve lepā – taṇhālepo ca diṭṭhilepo ca. Katamo taṇhālepo ? Yāvatā taṇhāsaṅkhātena sīmakataṃ odhikataṃ 8 pariyantakataṃ pariggahitaṃ mamāyitaṃ – ‘‘idaṃ mama, etaṃ mama, ettakaṃ mama, ettāvatā mama rūpā saddā gandhā rasā phoṭṭhabbā attharaṇā pāvuraṇā dāsidāsā ajeḷakā kukkuṭasūkarā hatthigavāssavaḷavā khettaṃ vatthu hiraññaṃ suvaṇṇaṃ gāmanigamarājadhāniyo raṭṭhañca janapado ca koso ca koṭṭhāgārañca’’. Kevalampi mahāpathaviṃ taṇhāvasena mamāyati. Yāvatā aṭṭhasatataṇhāvicaritaṃ – ayaṃ taṇhālepo.
гад̇амо д̣̇идтилзбо? вийсад̇ивад̇т̇угаа саггааяад̣̇идти, д̣̇асавад̇т̇угаа мижчаад̣̇идти, д̣̇асавад̇т̇угаа анд̇аг̇г̇аахигаа д̣̇идти, яаа зваруубаа д̣̇идти д̣̇идтиг̇ад̇ам̣ д̣̇идтиг̇аханам̣ д̣̇идтиганд̇ааро д̣̇идтивисуугааяигам̣ д̣̇идтивибпанд̣̇ид̇ам̣ д̣̇идтисам̣яож̇анам̣ г̇аахо бадиг̇г̇аахо абхинивзсо бараамаасо гуммаг̇г̇о мижчаабат̇о мижчад̇д̇ам̣ д̇ид̇т̇ааяад̇анам̣ вибариязсаг̇г̇аахо 9 вибарийд̇аг̇г̇аахо вибаллаасаг̇г̇аахо мижчааг̇аахо аяаат̇аавагасмим̣ яаат̇ааваганд̇и г̇аахо, яаавад̇аа д̣̇ваасадти д̣̇идтиг̇ад̇аани – аяам̣ д̣̇идтилзбо.
Katamo diṭṭhilepo? Vīsativatthukā sakkāyadiṭṭhi, dasavatthukā micchādiṭṭhi, dasavatthukā antaggāhikā diṭṭhi, yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ vipariyesaggāho 10 viparītaggāho vipallāsaggāho micchāgāho ayāthāvakasmiṃ yāthāvakanti gāho, yāvatā dvāsaṭṭhi diṭṭhigatāni – ayaṃ diṭṭhilepo.
со убханд̇амабхин̃н̃ааяа, маж̇жхз манд̇аа на либбад̇ийд̇и со убхо жа анд̇з маж̇жхан̃жа манд̇ааяа абхин̃н̃ааяа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа на либбад̇и на балиббад̇и на убалиббад̇и, алид̇д̇о асам̣лид̇д̇о анубалид̇д̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – со убханд̇амабхин̃н̃ааяа маж̇жхз манд̇аа на либбад̇и.
So ubhantamabhiññāya, majjhe mantā na lippatīti so ubho ca ante majjhañca mantāya abhiññāya jānitvā tulayitvā tīrayitvā vibhāvayitvā vibhūtaṃ katvā na lippati na palippati na upalippati, alitto asaṃlitto anupalitto nikkhanto nissaṭo vippamutto visaññutto vimariyādikatena cetasā viharatīti – so ubhantamabhiññāya majjhe mantā na lippati.
д̇ам̣ б̣рууми махаабурисод̇и махаабурисо аг̇г̇абурисо сздтабурисо висздтабурисо баамогкабурисо уд̇д̇амабурисо баварабурисо, д̇ам̣ б̣рууми д̇ам̣ гат̇зми д̇ам̣ бхан̣аами д̇ам̣ д̣̇ийбзми д̇ам̣ вохараами.
Taṃbrūmi mahāpurisoti mahāpuriso aggapuriso seṭṭhapuriso viseṭṭhapuriso pāmokkhapuriso uttamapuriso pavarapuriso, taṃ brūmi taṃ kathemi taṃ bhaṇāmi taṃ dīpemi taṃ voharāmi.
ааяасмаа саарибуд̇д̇о 11 бхаг̇аванд̇ам̣ зд̇ад̣̇авожа – ‘‘махаабурисо махаабурисо’д̇и, бханд̇з, вужжад̇и. гид̇д̇аавад̇аа ну ко, бханд̇з, махаабурисо ход̇ий’’д̇и? ‘‘вимуд̇д̇ажид̇д̇ад̇д̇аа кваахам̣, саарибуд̇д̇а, махаабурисод̇и вад̣̇аами, авимуд̇д̇ажид̇д̇ад̇д̇аа но махаабурисод̇и вад̣̇аами.
Āyasmā sāriputto 12 bhagavantaṃ etadavoca – ‘‘mahāpuriso mahāpuriso’ti, bhante, vuccati. Kittāvatā nu kho, bhante, mahāpuriso hotī’’ti? ‘‘Vimuttacittattā khvāhaṃ, sāriputta, mahāpurisoti vadāmi, avimuttacittattā no mahāpurisoti vadāmi.
‘‘гат̇ан̃жа, саарибуд̇д̇а, вимуд̇д̇ажид̇д̇о ход̇и? ид̇ха, саарибуд̇д̇а, бхигку аж̇жхад̇д̇ам̣ гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. д̇асса гааяз гааяаанубассино вихарад̇о жид̇д̇ам̣ вираж̇ж̇ад̇и вимужжад̇и анубаад̣̇ааяа аасавзхи. взд̣̇анаасу…бз… жид̇д̇з… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. д̇асса д̇хаммзсу д̇хаммаанубассино вихарад̇о жид̇д̇ам̣ вираж̇ж̇ад̇и вимужжад̇и анубаад̣̇ааяа аасавзхи. звам̣ ко, саарибуд̇д̇а, бхигку вимуд̇д̇ажид̇д̇о ход̇и. вимуд̇д̇ажид̇д̇ад̇д̇аа кваахам̣, саарибуд̇д̇а, махаабурисод̇и вад̣̇аами, авимуд̇д̇ажид̇д̇ад̇д̇аа но махаабурисод̇и вад̣̇аамий’’д̇и – д̇ам̣ б̣рууми махаабурисод̇и.
‘‘Kathañca, sāriputta, vimuttacitto hoti? Idha, sāriputta, bhikkhu ajjhattaṃ kāye kāyānupassī viharati ātāpī sampajāno satimā vineyya loke abhijjhādomanassaṃ. Tassa kāye kāyānupassino viharato cittaṃ virajjati vimuccati anupādāya āsavehi. Vedanāsu…pe… citte… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Tassa dhammesu dhammānupassino viharato cittaṃ virajjati vimuccati anupādāya āsavehi. Evaṃ kho, sāriputta, bhikkhu vimuttacitto hoti. Vimuttacittattā khvāhaṃ, sāriputta, mahāpurisoti vadāmi, avimuttacittattā no mahāpurisoti vadāmī’’ti – taṃ brūmi mahāpurisoti.
со ид̇ха сиб̣б̣инимажжаг̇аад̇и сиб̣б̣иний вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣, яассзсаа сиб̣б̣иний д̇ан̣хаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа. со сиб̣б̣иним̣ д̇ан̣хам̣ ажжаг̇аа убажжаг̇аа ад̇игганд̇о самад̇игганд̇о вийд̇ивад̇д̇од̇и – со ид̇ха сиб̣б̣инимажжаг̇аа. д̇знааха бхаг̇аваа –
So idha sibbinimaccagāti sibbinī vuccati taṇhā. Yo rāgo sārāgo…pe… abhijjhā lobho akusalamūlaṃ, yassesā sibbinī taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā. So sibbiniṃ taṇhaṃ accagā upaccagā atikkanto samatikkanto vītivattoti – so idha sibbinimaccagā. Tenāha bhagavā –
‘‘со убханд̇амабхин̃н̃ааяа, маж̇жхз манд̇аа на либбад̇и;
‘‘So ubhantamabhiññāya, majjhe mantā na lippati;
д̇ам̣ б̣рууми махаабурисод̇и, со ид̇ха сиб̣б̣инимажжаг̇аа’’д̇и.
Taṃ brūmi mahāpurisoti, so idha sibbinimaccagā’’ti.
саха г̇аат̇аабарияосаанаа яз д̇з б̣раахман̣зна сад̣̇д̇хим̣ згажчанд̣̇аа згабаяог̇аа згаад̇хиббааяаа згаваасанаваасид̇аа, д̇зсам̣ анзгабаан̣асахассаанам̣ вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и. д̇асса б̣раахман̣асса анубаад̣̇ааяа аасавзхи жид̇д̇ам̣ вимужжи. саха арахад̇д̇аббад̇д̇аа аж̇инаж̇адааваагажийрад̇ид̣̇ан̣д̣агаман̣д̣алугзсаа жа массуу жа анд̇арахид̇аа. бхан̣д̣угаасааяавад̇т̇авасано сан̇гхаадибад̇д̇ажийварад̇харо анвад̇т̇абадибад̇д̇ияаа бан̃ж̇алиго бхаг̇аванд̇ам̣ намассамаано нисинно ход̇и – ‘‘сад̇т̇аа мз бханд̇з бхаг̇аваа, саавагохамасмий’’д̇и.
Saha gāthāpariyosānā ye te brāhmaṇena saddhiṃ ekacchandā ekapayogā ekādhippāyā ekavāsanavāsitā, tesaṃ anekapāṇasahassānaṃ virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ sabbaṃ taṃ nirodhadhamma’’nti. Tassa brāhmaṇassa anupādāya āsavehi cittaṃ vimucci. Saha arahattappattā ajinajaṭāvākacīratidaṇḍakamaṇḍalukesā ca massū ca antarahitā. Bhaṇḍukāsāyavatthavasano saṅghāṭipattacīvaradharo anvatthapaṭipattiyā pañjaliko bhagavantaṃ namassamāno nisinno hoti – ‘‘satthā me bhante bhagavā, sāvakohamasmī’’ti.
д̇иссамзд̇д̇зяяамаан̣авабужчаанид̣̇д̣̇зсо д̣̇уд̇ияо.
Tissametteyyamāṇavapucchāniddeso dutiyo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 2. д̇иссамзд̇д̇зяяамаан̣авасуд̇д̇анид̣̇д̣̇зсаван̣н̣анаа • 2. Tissametteyyamāṇavasuttaniddesavaṇṇanā
