Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā

    7. д̇иссамзд̇д̇зяяасуд̇д̇анид̣̇д̣̇зсаван̣н̣анаа

    7. Tissametteyyasuttaniddesavaṇṇanā

    49. сад̇д̇амз д̇иссамзд̇д̇зяяасуд̇д̇з мзт̇унамануяуд̇д̇ассаад̇и мзт̇унад̇хаммам̣ самааяуд̇д̇асса. ид̇ийд̇и звамааха. ааяасмаад̇и бияаважанамзд̇ам̣. д̇иссод̇и наамам̣ д̇асса т̇зрасса. соби хи д̇иссод̇и наамзна. мзд̇д̇зяяод̇и г̇од̇д̇ам̣, г̇од̇д̇авасзнзва зса баагадо ахоси. д̇асмаа адтуббад̇д̇ияам̣ (су. ни. адта. 2.821) вуд̇д̇ам̣ – ‘‘д̇иссамзд̇д̇зяяаа наама д̣̇вз сахааяаа’’д̇и. вигхаад̇анд̇и убагхаад̇ам̣. б̣руухийд̇и аажигка. маарисаад̇и бияаважанамзд̇ам̣, нид̣̇д̣̇угкаад̇и вуд̇д̇ам̣ ход̇и. суд̇ваана д̇ава саасананд̇и д̇ава важанам̣ суд̇ваа. вивзгз сигкиссаамасзд̇и сахааяам̣ аараб̣бха д̇хаммад̣̇зсанам̣ яаажанд̇о бхан̣ад̇и, со бана сигкид̇асигкоязва.

    49. Sattame tissametteyyasutte methunamanuyuttassāti methunadhammaṃ samāyuttassa. Itīti evamāha. Āyasmāti piyavacanametaṃ. Tissoti nāmaṃ tassa therassa. Sopi hi tissoti nāmena. Metteyyoti gottaṃ, gottavaseneva esa pākaṭo ahosi. Tasmā aṭṭhuppattiyaṃ (su. ni. aṭṭha. 2.821) vuttaṃ – ‘‘tissametteyyā nāma dve sahāyā’’ti. Vighātanti upaghātaṃ. Brūhīti ācikkha. Mārisāti piyavacanametaṃ, niddukkhāti vuttaṃ hoti. Sutvāna tava sāsananti tava vacanaṃ sutvā. Viveke sikkhissāmaseti sahāyaṃ ārabbha dhammadesanaṃ yācanto bhaṇati, so pana sikkhitasikkhoyeva.

    мзт̇унад̇хаммо наамаад̇и ид̣̇ам̣ нид̣̇д̣̇исид̇аб̣б̣асса мзт̇унад̇хаммасса убад̣̇зсабад̣̇ам̣. асад̣̇д̇хаммод̇и асад̇ам̣ нийжаж̇анаанам̣ д̇хаммо. г̇аамад̇хаммод̇и г̇аамаваасийнам̣ сзванад̇хаммо. васалад̇хаммод̇и васалаанам̣ д̇хаммо, гилзсавассанад̇о ваа саяамзва васало д̇хаммод̇и васалад̇хаммо. д̣̇удтуллод̇и д̣̇удто жа гилзсзхи д̣̇удтад̇д̇аа, т̇ууло жа анибун̣абхаавад̇од̇и д̣̇удтулло. яасмаа жа д̇асса д̇хаммасса бариваарабхууд̇ам̣ д̣̇ассанамби г̇ахан̣амби аамасанамби пусанамби гхадданамби д̣̇удтуллам̣, д̇асмааби д̣̇удтулло со мзт̇унад̇хаммо. од̣̇аганд̇игод̇и уд̣̇агам̣ асса анд̇з суд̣̇д̇хад̇т̇ам̣ аад̣̇ияад̇ийд̇и уд̣̇аганд̇о, уд̣̇аганд̇оязва од̣̇аганд̇иго. рахо бадижчаннз огаасз гад̇д̇аб̣б̣ад̇ааяа рахассо. винаяз бана ‘‘д̣̇удтуллам̣ од̣̇аганд̇игам̣ рахасса’’нд̇и (баараа. 39) баато. д̇ад̇т̇а д̇ийсу бад̣̇зсу яо сод̇и бад̣̇ам̣ баривад̇д̇зд̇ваа яам̣ д̇анд̇и гад̇ваа яож̇зд̇аб̣б̣ам̣ ‘‘яам̣ д̇ам̣ д̣̇удтуллам̣, со мзт̇унад̇хаммо, яам̣ д̇ам̣ од̣̇аганд̇игам̣ со мзт̇унад̇хаммо, яам̣ д̇ам̣ рахассам̣ , со мзт̇унад̇хаммо’’д̇и. ид̇ха бана ‘‘яо со асад̣̇д̇хаммо, со мзт̇унад̇хаммо…бз… яо со рахассо, со мзт̇унад̇хаммо’’д̇и звам̣ яож̇анаа взд̣̇ид̇аб̣б̣аа. д̣̇ваязна д̣̇ваязна самаабаж̇ж̇ид̇аб̣б̣ад̇о д̣̇ваяам̣д̣̇ваяасамаабад̇д̇и. д̇ад̇т̇а яож̇анаа – яаа саа д̣̇ваяам̣д̣̇ваяасамаабад̇д̇и, со мзт̇унад̇хаммо наамаад̇и. гим̣гааран̣аа вужжад̇и мзт̇унад̇хаммод̇и гзна гааран̣зна гзна барияааязна мзт̇унад̇хаммод̇и гат̇ийяад̇и. д̇ам̣ гааран̣ам̣ д̣̇ассзнд̇о ‘‘убхиннам̣ рад̇д̇аана’’нд̇иаад̣̇имааха. д̇ад̇т̇а убхиннам̣ рад̇д̇аананд̇и д̣̇виннам̣ ид̇т̇ибурисаанам̣ рааг̇зна ран̃ж̇ид̇аанам̣. саарад̇д̇аананд̇и висзсзна судту ран̃ж̇ид̇аанам̣. авассуд̇аананд̇и гилзсзна д̇инд̇аанам̣. барияудтид̇аананд̇и гусалаажаарам̣ барияаад̣̇ияид̇ваа мад̣̇д̣̇ид̇ваа тид̇аанам̣ ‘‘маг̇г̇з жораа барияудтид̇аа’’д̇иаад̣̇ийсу вияа. барияаад̣̇иннажид̇д̇аананд̇и гусалажид̇д̇ам̣ барияаад̣̇ияид̇ваа кзбзд̇ваа тид̇ажид̇д̇аанам̣. убхиннам̣ сад̣̇исаананд̇и д̣̇виннам̣ гилзсзна сад̣̇исаанам̣. д̇хаммод̇и сабхааво. д̇ам̣ гааран̣аад̇и д̇зна гааран̣зна. д̇ам̣ убамааяа саад̇хзнд̇о ‘‘убхо галахагаарагаа’’д̇иаад̣̇имааха. д̇ад̇т̇а убхо галахагаарагаад̇и буб̣б̣абхааг̇з галахагаарагаа д̣̇вз. мзт̇унагаад̇и вужжанд̇ийд̇и сад̣̇исаад̇и вужжанд̇и. бхан̣д̣анагаарагаад̇и д̇ад̇т̇а д̇ад̇т̇а г̇анд̇ваа бхан̣д̣анам̣ гаронд̇аа. бхассагаарагаад̇и ваажаагалахам̣ гаронд̇аа. виваад̣̇агаарагаад̇и наанааважанам̣ гаронд̇аа. ад̇хигаран̣агаарагаад̇и винижчаяабаабун̣анависзсагааран̣ам̣ гаронд̇аа. ваад̣̇инод̇и ваад̣̇абадиваад̣̇ино. саллаабагаад̇и ваажам̣ гат̇знд̇аа звамзванд̇и убамаасам̣санд̣̇анам̣.

    Methunadhammo nāmāti idaṃ niddisitabbassa methunadhammassa upadesapadaṃ. Asaddhammoti asataṃ nīcajanānaṃ dhammo. Gāmadhammoti gāmavāsīnaṃ sevanadhammo. Vasaladhammoti vasalānaṃ dhammo, kilesavassanato vā sayameva vasalo dhammoti vasaladhammo. Duṭṭhulloti duṭṭho ca kilesehi duṭṭhattā, thūlo ca anipuṇabhāvatoti duṭṭhullo. Yasmā ca tassa dhammassa parivārabhūtaṃ dassanampi gahaṇampi āmasanampi phusanampi ghaṭṭanampi duṭṭhullaṃ, tasmāpi duṭṭhullo so methunadhammo. Odakantikoti udakaṃ assa ante suddhatthaṃ ādiyatīti udakanto, udakantoyeva odakantiko. Raho paṭicchanne okāse kattabbatāya rahasso. Vinaye pana ‘‘duṭṭhullaṃ odakantikaṃ rahassa’’nti (pārā. 39) pāṭho. Tattha tīsu padesu yo soti padaṃ parivattetvā yaṃ tanti katvā yojetabbaṃ ‘‘yaṃ taṃ duṭṭhullaṃ, so methunadhammo, yaṃ taṃ odakantikaṃ so methunadhammo, yaṃ taṃ rahassaṃ , so methunadhammo’’ti. Idha pana ‘‘yo so asaddhammo, so methunadhammo…pe… yo so rahasso, so methunadhammo’’ti evaṃ yojanā veditabbā. Dvayena dvayena samāpajjitabbato dvayaṃdvayasamāpatti. Tattha yojanā – yā sā dvayaṃdvayasamāpatti, so methunadhammo nāmāti. Kiṃkāraṇā vuccati methunadhammoti kena kāraṇena kena pariyāyena methunadhammoti kathīyati. Taṃ kāraṇaṃ dassento ‘‘ubhinnaṃ rattāna’’ntiādimāha. Tattha ubhinnaṃ rattānanti dvinnaṃ itthipurisānaṃ rāgena rañjitānaṃ. Sārattānanti visesena suṭṭhu rañjitānaṃ. Avassutānanti kilesena tintānaṃ. Pariyuṭṭhitānanti kusalācāraṃ pariyādiyitvā madditvā ṭhitānaṃ ‘‘magge corā pariyuṭṭhitā’’tiādīsu viya. Pariyādinnacittānanti kusalacittaṃ pariyādiyitvā khepetvā ṭhitacittānaṃ. Ubhinnaṃ sadisānanti dvinnaṃ kilesena sadisānaṃ. Dhammoti sabhāvo. Taṃ kāraṇāti tena kāraṇena. Taṃ upamāya sādhento ‘‘ubho kalahakārakā’’tiādimāha. Tattha ubho kalahakārakāti pubbabhāge kalahakārakā dve. Methunakāti vuccantīti sadisāti vuccanti. Bhaṇḍanakārakāti tattha tattha gantvā bhaṇḍanaṃ karontā. Bhassakārakāti vācākalahaṃ karontā. Vivādakārakāti nānāvacanaṃ karontā. Adhikaraṇakārakāti vinicchayapāpuṇanavisesakāraṇaṃ karontā. Vādinoti vādapaṭivādino. Sallāpakāti vācaṃ kathentā evamevanti upamāsaṃsandanaṃ.

    яуд̇д̇ассаад̇и сан̃н̃уд̇д̇асса. баяуд̇д̇ассаад̇и аад̣̇арзна яуд̇д̇асса. ааяуд̇д̇ассаад̇и висзсзна яуд̇д̇асса. самааяуд̇д̇ассаад̇и згад̇о яуд̇д̇асса. д̇ажжарид̇ассаад̇и д̇ам̣жарид̇ам̣ гаронд̇асса. д̇аб̣б̣ахулассаад̇и д̇ам̣б̣ахулам̣ гаронд̇асса. д̇аг̇г̇аругассаад̇и д̇ам̣г̇арум̣ гаронд̇асса. д̇анниннассаад̇и д̇асмим̣ над̇ажид̇д̇асса. д̇аббон̣ассаад̇и д̇асмим̣ над̇агааяасса. д̇аббаб̣бхаарассаад̇и д̇асмим̣ абхимукагааяасса. д̇ад̣̇ад̇химуд̇д̇ассаад̇и д̇асмим̣ ад̇хихарид̇асса. д̇ад̣̇ад̇хибад̇зяяассаад̇и д̇ам̣ ад̇хибад̇им̣ ж̇здтагам̣ гад̇ваа бавад̇д̇асса.

    Yuttassāti saññuttassa. Payuttassāti ādarena yuttassa. Āyuttassāti visesena yuttassa. Samāyuttassāti ekato yuttassa. Taccaritassāti taṃcaritaṃ karontassa. Tabbahulassāti taṃbahulaṃ karontassa. Taggarukassāti taṃgaruṃ karontassa. Tanninnassāti tasmiṃ natacittassa. Tappoṇassāti tasmiṃ natakāyassa. Tappabbhārassāti tasmiṃ abhimukhakāyassa. Tadadhimuttassāti tasmiṃ adhiharitassa. Tadadhipateyyassāti taṃ adhipatiṃ jeṭṭhakaṃ katvā pavattassa.

    вигхаад̇анд̇и нид̣̇д̣̇зсасса уд̣̇д̣̇зсаважанам̣. вигхаад̇анд̇и бийл̣анам̣. убагхаад̇анд̇и самийбам̣ гад̇ваа бийл̣анам̣. бийл̣ананд̇и гхадданам̣. гхаддананд̇и бийл̣анам̣. саб̣б̣ам̣ ан̃н̃аман̃н̃авзважанам̣. убад̣̇д̣̇аванд̇и хим̣санам̣. убасаг̇г̇анд̇и д̇ад̇т̇а д̇ад̇т̇а убаг̇анд̇ваа бийл̣анаагаарам̣. б̣руухийд̇и гат̇зхи. аажигкаад̇и виссаж̇ж̇зхи. д̣̇зсзхийд̇и д̣̇ассзхи. бан̃н̃абзхийд̇и н̃аабзхи. бадтабзхийд̇и табзхи. вивараад̇и баагадам̣ гарохи. вибхаж̇аад̇и бхааж̇зхи. уд̇д̇аанийгарохийд̇и д̇ийрам̣ баабзхи. багаасзхийд̇и баагадам̣ гарохи.

    Vighātanti niddesassa uddesavacanaṃ. Vighātanti pīḷanaṃ. Upaghātanti samīpaṃ katvā pīḷanaṃ. Pīḷananti ghaṭṭanaṃ. Ghaṭṭananti pīḷanaṃ. Sabbaṃ aññamaññavevacanaṃ. Upaddavanti hiṃsanaṃ. Upasagganti tattha tattha upagantvā pīḷanākāraṃ. Brūhīti kathehi. Ācikkhāti vissajjehi. Desehīti dassehi. Paññapehīti ñāpehi. Paṭṭhapehīti ṭhapehi. Vivarāti pākaṭaṃ karohi. Vibhajāti bhājehi. Uttānīkarohīti tīraṃ pāpehi. Pakāsehīti pākaṭaṃ karohi.

    д̇уяхам̣ важананд̇и д̇ава ваажам̣. б̣яаббат̇анд̇и важанам̣. д̣̇зсананд̇и аажигканам̣. анусаасананд̇и оваад̣̇ам̣. анусидтанд̇и анусаасанам̣. суд̇ваад̇и сод̇зна суд̇ваа. сун̣ид̇ваад̇и д̇ассзва взважанам̣. уг̇г̇ахзд̇ваад̇и саммаа г̇ахзд̇ваа. убад̇хаараяид̇ваад̇и анаасзд̇ваа. убалагкаяид̇ваад̇и саллагкзд̇ваа.

    Tuyhaṃ vacananti tava vācaṃ. Byappathanti vacanaṃ. Desananti ācikkhanaṃ. Anusāsananti ovādaṃ. Anusiṭṭhanti anusāsanaṃ. Sutvāti sotena sutvā. Suṇitvāti tasseva vevacanaṃ. Uggahetvāti sammā gahetvā. Upadhārayitvāti anāsetvā. Upalakkhayitvāti sallakkhetvā.

    50. муссад̇з вааби саасананд̇и барияад̇д̇ибадибад̇д̇ид̇о д̣̇увид̇хамби саасанам̣ нассад̇и. ваабийд̇и бад̣̇абууран̣амад̇д̇ам̣. зд̇ам̣ д̇асмим̣ анарияанд̇и д̇асмим̣ буг̇г̇алз зд̇ам̣ анарияам̣, яад̣̇ид̣̇ам̣ мижчаабадибад̣̇аа. г̇аараваад̇хиважананд̇и г̇ун̣ависидтасаб̣б̣асад̇д̇уд̇д̇амаг̇аруг̇аараваад̇хиважанам̣. д̇знааху бораан̣аа –

    50.Mussate vāpi sāsananti pariyattipaṭipattito duvidhampi sāsanaṃ nassati. Vāpīti padapūraṇamattaṃ. Etaṃ tasmiṃ anariyanti tasmiṃ puggale etaṃ anariyaṃ, yadidaṃ micchāpaṭipadā. Gāravādhivacananti guṇavisiṭṭhasabbasattuttamagarugāravādhivacanaṃ. Tenāhu porāṇā –

    ‘‘бхаг̇аваад̇и важанам̣ сздтам̣, бхаг̇аваад̇и важанамуд̇д̇амам̣;

    ‘‘Bhagavāti vacanaṃ seṭṭhaṃ, bhagavāti vacanamuttamaṃ;

    г̇ару г̇аараваяуд̇д̇о со, бхаг̇аваа д̇зна вужжад̇ий’’д̇и. (висуд̣̇д̇хи. 1.142);

    Garu gāravayutto so, bhagavā tena vuccatī’’ti. (visuddhi. 1.142);

    жад̇уб̣б̣ид̇хам̣ ваа наамам̣ аавад̇т̇игам̣, лин̇г̇игам̣, нзмид̇д̇игам̣, ад̇хижжасамуббаннанд̇и. ад̇хижжасамуббаннам̣ наама логияавохаарзна ‘‘яад̣̇ижчага’’нд̇и вуд̇д̇ам̣ ход̇и. д̇ад̇т̇а важчо, д̣̇аммо, б̣алийб̣ад̣̇д̇ход̇и звамаад̣̇и аавад̇т̇игам̣, д̣̇ан̣д̣ий, чад̇д̇ий, сикий, гарийд̇и звамаад̣̇и лин̇г̇игам̣, д̇звиж̇ж̇о, чал̣абхин̃н̃од̇и звамаад̣̇и нзмид̇д̇игам̣, сиривад̣дхаго, д̇ханавад̣дхагод̇и звамаад̣̇и важанад̇т̇ам̣ анабзгкид̇ваа бавад̇д̇ам̣ ад̇хижжасамуббаннам̣. ид̣̇ам̣ бана бхаг̇аваад̇и наамам̣ нзмид̇д̇игам̣, на махаамааяааяа, на суд̣̇д̇ход̣̇анамахаарааж̇зна, на асийд̇ияаа н̃аад̇исахассзхи гад̇ам̣, на саггасанд̇усид̇аад̣̇ийхи д̣̇звад̇аависзсзхи гад̇ам̣. вагкад̇и жа ‘‘бхаг̇аваад̇и нзд̇ам̣ наамам̣ маад̇араа гад̇ам̣…бз… бадилаабхаа сажчигаа бан̃н̃ад̇д̇и яад̣̇ид̣̇ам̣ бхаг̇аваа’’д̇и (махаани. 84).

    Catubbidhaṃ vā nāmaṃ āvatthikaṃ, liṅgikaṃ, nemittikaṃ, adhiccasamuppannanti. Adhiccasamuppannaṃ nāma lokiyavohārena ‘‘yadicchaka’’nti vuttaṃ hoti. Tattha vaccho, dammo, balībaddhoti evamādi āvatthikaṃ, daṇḍī, chattī, sikhī, karīti evamādi liṅgikaṃ, tevijjo, chaḷabhiññoti evamādi nemittikaṃ, sirivaḍḍhako, dhanavaḍḍhakoti evamādi vacanatthaṃ anapekkhitvā pavattaṃ adhiccasamuppannaṃ. Idaṃ pana bhagavāti nāmaṃ nemittikaṃ, na mahāmāyāya, na suddhodanamahārājena, na asītiyā ñātisahassehi kataṃ, na sakkasantusitādīhi devatāvisesehi kataṃ. Vakkhati ca ‘‘bhagavāti netaṃ nāmaṃ mātarā kataṃ…pe… paṭilābhā sacchikā paññatti yadidaṃ bhagavā’’ti (mahāni. 84).

    ‘‘бхааг̇яаваа бхаг̇г̇аваа яуд̇д̇о, бхаг̇зхи жа вибхад̇д̇аваа;

    ‘‘Bhāgyavā bhaggavā yutto, bhagehi ca vibhattavā;

    бхад̇д̇аваа ванд̇аг̇амано, бхавзсу бхаг̇аваа д̇ад̇о’’д̇и. (висуд̣̇д̇хи. 1.144);

    Bhattavā vantagamano, bhavesu bhagavā tato’’ti. (visuddhi. 1.144);

    д̇ад̇т̇а –

    Tattha –

    ‘‘ван̣н̣ааг̇амо ван̣н̣авибарияааяо, д̣̇вз жаабарз ван̣н̣авигааранаасаа;

    ‘‘Vaṇṇāgamo vaṇṇavipariyāyo, dve cāpare vaṇṇavikāranāsā;

    д̇хаад̇уунамад̇т̇аад̇исаязна яог̇о, д̇ад̣̇ужжад̇з бан̃жавид̇хам̣ нируд̇д̇и’’нд̇и. –

    Dhātūnamatthātisayena yogo, taduccate pañcavidhaṃ nirutti’’nti. –

    звам̣ вуд̇д̇анируд̇д̇илагкан̣ам̣ г̇ахзд̇ваа бад̣̇асид̣̇д̇хи взд̣̇ид̇аб̣б̣аа. д̇ад̇т̇а ‘‘нагкад̇д̇арааж̇аарива д̇аарагаана’’нд̇и зд̇т̇а рагаарааг̇амо вияа авиж̇ж̇амаанасса агкарасса ааг̇амо ван̣н̣ааг̇амо наама. ‘‘хим̣санаа, хим̣со’’д̇и вад̇д̇аб̣б̣з ‘‘сийхо’’д̇и вияа виж̇ж̇амаанагкараанам̣ хздтубарияавасзна баривад̇д̇анам̣ ван̣н̣авибарияааяо наама. ‘‘навз чаннагз д̣̇аанам̣ д̣̇ияяад̇ий’’д̇и зд̇т̇а агаарасса згаараабаж̇ж̇анад̇аа вияа ан̃н̃агкарасса ан̃н̃агкараабаж̇ж̇анад̇аа ван̣н̣авигааро наама. ‘‘ж̇ийванасса мууд̇о ж̇ийванамууд̇о’’д̇и вад̇д̇аб̣б̣з ‘‘ж̇иймууд̇о’’д̇и вагааранагаараанам̣ винаасо вияа виж̇ж̇амаанагкаравинаасо ван̣н̣авинаасо наама. ‘‘парусаахи ваажаахи багруб̣б̣амаано аасаж̇ж̇а мам̣ д̇вам̣ вад̣̇аси гумаараа’’д̇и зд̇т̇а багруб̣б̣амаанод̇и бад̣̇асса абхибхавамаанод̇и ад̇т̇абадибаад̣̇анам̣ вияа д̇ад̇т̇а д̇ад̇т̇а яат̇ааяог̇ам̣ висзсад̇т̇аяог̇о д̇хаад̇уунам̣ ад̇т̇аад̇исаязна яог̇о наама.

    Evaṃ vuttaniruttilakkhaṇaṃ gahetvā padasiddhi veditabbā. Tattha ‘‘nakkhattarājāriva tārakāna’’nti ettha rakārāgamo viya avijjamānassa akkharassa āgamo vaṇṇāgamo nāma. ‘‘Hiṃsanā, hiṃso’’ti vattabbe ‘‘sīho’’ti viya vijjamānakkharānaṃ heṭṭhupariyavasena parivattanaṃ vaṇṇavipariyāyo nāma. ‘‘Nave channake dānaṃ diyyatī’’ti ettha akārassa ekārāpajjanatā viya aññakkharassa aññakkharāpajjanatā vaṇṇavikāro nāma. ‘‘Jīvanassa mūto jīvanamūto’’ti vattabbe ‘‘jīmūto’’ti vakāranakārānaṃ vināso viya vijjamānakkharavināso vaṇṇavināso nāma. ‘‘Pharusāhi vācāhi pakrubbamāno āsajja maṃ tvaṃ vadasi kumārā’’ti ettha pakrubbamānoti padassa abhibhavamānoti atthapaṭipādanaṃ viya tattha tattha yathāyogaṃ visesatthayogo dhātūnaṃ atthātisayena yogo nāma.

    звам̣ нируд̇д̇илагкан̣ам̣ г̇ахзд̇ваа сад̣̇д̣̇анаязна ваа бисод̣̇араад̣̇иниссид̇о бад̇идтаанийд̇и бисод̣̇араад̣̇ибагкзбалагкан̣ам̣ г̇ахзд̇ваа яасмаа логияалогуд̇д̇арасукаабхиниб̣б̣ад̇д̇агам̣ д̣̇аанасийлаад̣̇ибаараббад̇д̇ам̣ бхааг̇яамасса ад̇т̇и, д̇асмаа ‘‘бхааг̇яаваа’’д̇и вад̇д̇аб̣б̣з ‘‘бхаг̇аваа’’д̇и вужжад̇ийд̇и н̃аад̇аб̣б̣ам̣.

    Evaṃ niruttilakkhaṇaṃ gahetvā saddanayena vā pisodarādinissito patiṭṭhānīti pisodarādipakkhepalakkhaṇaṃ gahetvā yasmā lokiyalokuttarasukhābhinibbattakaṃ dānasīlādipārappattaṃ bhāgyamassa atthi, tasmā ‘‘bhāgyavā’’ti vattabbe ‘‘bhagavā’’ti vuccatīti ñātabbaṃ.

    яасмаа бана лобхад̣̇осамохавибарийд̇аманасигаараахиригаанод̇д̇аббагод̇хуубанаахамагкабал̣аасаиссаа- мажчарияамааяаасаатзяяат̇амбхасаарамбхамаанаад̇имаанамад̣̇абамаад̣̇ад̇ан̣хааавиж̇ж̇аад̇ивид̇хаагусаламуулад̣̇ужжарид̇а- сам̣гилзсамалависамасан̃н̃аавид̇аггабабан̃жажад̇уб̣б̣ид̇хавибариязсааасаваг̇ант̇аогхаяог̇ааг̇ад̇и- д̇ан̣хуббаад̣̇убаад̣̇аанабан̃жажзд̇окийлавиниб̣анд̇ханийваран̣аабхинанд̣̇аначавиваад̣̇амуулад̇ан̣хаагааяасад̇д̇аанусаяа- адтамижчад̇д̇анавад̇ан̣хаамуулагад̣̇асаагусалагаммабат̇ад̣̇ваасадтид̣̇идтиг̇ад̇аадтасад̇ад̇ан̣хаавижарид̇аббабхзсаб̣б̣ад̣̇арат̇а- барил̣аахагилзсасад̇асахассаани, сан̇кзбад̇о ваа бан̃жа гилзсаканд̇хаабхисан̇каарад̣̇звабуд̇д̇амажжумаарз абхан̃ж̇и, д̇асмаа бхаг̇г̇ад̇д̇аа зд̇зсам̣ бариссаяаанам̣ ‘‘бхаг̇г̇аваа’’д̇и вад̇д̇аб̣б̣з ‘‘бхаг̇аваа’’д̇и вужжад̇и. ааха жзд̇т̇а –

    Yasmā pana lobhadosamohaviparītamanasikāraahirikānottappakodhūpanāhamakkhapaḷāsaissā- macchariyamāyāsāṭheyyathambhasārambhamānātimānamadapamādataṇhāavijjātividhākusalamūladuccarita- saṃkilesamalavisamasaññāvitakkapapañcacatubbidhavipariyesaāsavaganthaoghayogaagati- taṇhuppādupādānapañcacetokhīlavinibandhanīvaraṇābhinandanachavivādamūlataṇhākāyasattānusaya- aṭṭhamicchattanavataṇhāmūlakadasākusalakammapathadvāsaṭṭhidiṭṭhigataaṭṭhasatataṇhāvicaritappabhesabbadaratha- pariḷāhakilesasatasahassāni, saṅkhepato vā pañca kilesakhandhaabhisaṅkhāradevaputtamaccumāre abhañji, tasmā bhaggattā etesaṃ parissayānaṃ ‘‘bhaggavā’’ti vattabbe ‘‘bhagavā’’ti vuccati. Āha cettha –

    ‘‘бхаг̇г̇арааг̇о бхаг̇г̇ад̣̇осо, бхаг̇г̇амохо анаасаво;

    ‘‘Bhaggarāgo bhaggadoso, bhaggamoho anāsavo;

    бхаг̇г̇аасса баабагаа д̇хаммаа, бхаг̇аваа д̇зна вужжад̇ий’’д̇и. (баараа. адта. 1.96; висуд̣̇д̇хи. 1.144);

    Bhaggāssa pāpakā dhammā, bhagavā tena vuccatī’’ti. (pārā. aṭṭha. 1.96; visuddhi. 1.144);

    бхааг̇яаванд̇ад̇ааяа жасса сад̇абун̃н̃аж̇алагкан̣аварасса руубагааяасамбад̇д̇и д̣̇ийбид̇аа ход̇и. бхаг̇г̇ад̣̇осад̇ааяа д̇хаммагааяасамбад̇д̇и. д̇ат̇аа логияасаригкагаанам̣ б̣ахумад̇абхааво , г̇ахадтабаб̣б̣аж̇ид̇зхи абхиг̇аманийяад̇аа, абхиг̇ад̇аанан̃жа нзсам̣ гааяажид̇д̇ад̣̇угкаабанаяанз бадиб̣алабхааво, аамисад̣̇аанад̇хаммад̣̇аанзхи убагаарид̇аа, логияалогуд̇д̇арасукзхи жа сан̃н̃ож̇анасамад̇т̇ад̇аа д̣̇ийбид̇аа ход̇и.

    Bhāgyavantatāya cassa satapuññajalakkhaṇavarassa rūpakāyasampatti dīpitā hoti. Bhaggadosatāya dhammakāyasampatti. Tathā lokiyasarikkhakānaṃ bahumatabhāvo , gahaṭṭhapabbajitehi abhigamanīyatā, abhigatānañca nesaṃ kāyacittadukkhāpanayane paṭibalabhāvo, āmisadānadhammadānehi upakāritā, lokiyalokuttarasukhehi ca saññojanasamatthatā dīpitā hoti.

    яасмаа жа логз иссарияад̇хаммаяасасиригаамабаяад̇д̇зсу часу д̇хаммзсу бхаг̇асад̣̇д̣̇о бавад̇д̇ад̇и, бараман̃жасса сагажид̇д̇з иссарияам̣, ан̣имаалан̇гхимаад̣̇игам̣ ваа логияасаммад̇ам̣ саб̣б̣аагаарабарибуурам̣ ад̇т̇и, д̇ат̇аа логуд̇д̇аро д̇хаммо, логад̇д̇аяаб̣яаабаго яат̇аабхужжаг̇ун̣аад̇хиг̇ад̇о ад̇ивияа барисуд̣̇д̇хо яасо, руубагааяад̣̇ассанаб̣яаавадаж̇ананаяанаббасаад̣̇аж̇ананасамад̇т̇аа саб̣б̣аагаарабарибуураа саб̣б̣ан̇г̇абажжан̇г̇асирий, яам̣ яам̣ зд̇зна ижчид̇ам̣ бад̇т̇ид̇ам̣ ад̇д̇ахид̇ам̣ барахид̇ам̣ ваа, д̇асса д̇асса д̇ат̇зва абхинибпаннад̇д̇аа ижчид̇ижчид̇ад̇т̇анибпад̇д̇исан̃н̃ид̇о гаамо, саб̣б̣алогаг̇арубхааваббад̇д̇ихзд̇убхууд̇о саммаавааяаамасан̇каад̇о баяад̇д̇о жа ад̇т̇и, д̇асмаа имзхи бхаг̇зхи яуд̇д̇ад̇д̇ааби бхаг̇аа асса санд̇ийд̇и иминаа ад̇т̇зна ‘‘бхаг̇аваа’’д̇и вужжад̇и.

    Yasmā ca loke issariyadhammayasasirikāmapayattesu chasu dhammesu bhagasaddo pavattati, paramañcassa sakacitte issariyaṃ, aṇimālaṅghimādikaṃ vā lokiyasammataṃ sabbākāraparipūraṃ atthi, tathā lokuttaro dhammo, lokattayabyāpako yathābhuccaguṇādhigato ativiya parisuddho yaso, rūpakāyadassanabyāvaṭajananayanappasādajananasamatthā sabbākāraparipūrā sabbaṅgapaccaṅgasirī, yaṃ yaṃ etena icchitaṃ patthitaṃ attahitaṃ parahitaṃ vā, tassa tassa tatheva abhinipphannattā icchiticchitatthanipphattisaññito kāmo, sabbalokagarubhāvappattihetubhūto sammāvāyāmasaṅkhāto payatto ca atthi, tasmā imehi bhagehi yuttattāpi bhagā assa santīti iminā atthena ‘‘bhagavā’’ti vuccati.

    яасмаа бана гусалаад̣̇ийхи бхзд̣̇зхи саб̣б̣ад̇хаммз, канд̇хааяад̇анад̇хаад̇усажжаинд̣̇рияабадижжасамуббаад̣̇аад̣̇ийхи ваа гусалаад̣̇ид̇хаммз, бийл̣анасан̇кад̇асанд̇аабавибарин̣аамадтзна ваа д̣̇угкамарияасажжам̣, ааяуухананид̣̇аанасам̣яог̇абалиб̣од̇хадтзна самуд̣̇аяам̣, ниссаран̣авивзгаасан̇кад̇аамад̇адтзна нирод̇хам̣, нияяаанигахзд̇уд̣̇ассанаад̇хибад̇зяяадтзна маг̇г̇ам̣ вибхад̇д̇аваа, вибхаж̇ид̇ваа виварид̇ваа д̣̇зсид̇аваад̇и вуд̇д̇ам̣ ход̇и, д̇асмаа ‘‘вибхад̇д̇аваа’’д̇и вад̇д̇аб̣б̣з ‘‘бхаг̇аваа’’д̇и вужжад̇и.

    Yasmā pana kusalādīhi bhedehi sabbadhamme, khandhāyatanadhātusaccaindriyapaṭiccasamuppādādīhi vā kusalādidhamme, pīḷanasaṅkhatasantāpavipariṇāmaṭṭhena vā dukkhamariyasaccaṃ, āyūhananidānasaṃyogapalibodhaṭṭhena samudayaṃ, nissaraṇavivekāsaṅkhataamataṭṭhena nirodhaṃ, niyyānikahetudassanādhipateyyaṭṭhena maggaṃ vibhattavā, vibhajitvā vivaritvā desitavāti vuttaṃ hoti, tasmā ‘‘vibhattavā’’ti vattabbe ‘‘bhagavā’’ti vuccati.

    яасмаа жа зса д̣̇иб̣б̣аб̣рахмаарияавихаарз гааяажид̇д̇аубад̇хививзгз сун̃н̃ад̇аббан̣ихид̇аанимид̇д̇авимогкз ан̃н̃з жа логияалогуд̇д̇арз уд̇д̇аримануссад̇хаммз бхаж̇и сзви б̣ахуламагааси, д̇асмаа ‘‘бхад̇д̇аваа’’д̇и вад̇д̇аб̣б̣з ‘‘бхаг̇аваа’’д̇и вужжад̇и.

    Yasmā ca esa dibbabrahmaariyavihāre kāyacittaupadhiviveke suññatappaṇihitānimittavimokkhe aññe ca lokiyalokuttare uttarimanussadhamme bhaji sevi bahulamakāsi, tasmā ‘‘bhattavā’’ti vattabbe ‘‘bhagavā’’ti vuccati.

    яасмаа бана д̇ийсу бхавзсу д̇ан̣хаасан̇каад̇ам̣ г̇аманам̣ анзна ванд̇ам̣, д̇асмаа ‘‘бхавзсу ванд̇аг̇амано’’д̇и вад̇д̇аб̣б̣з бхавасад̣̇д̣̇ад̇о бхагаарам̣ г̇аманасад̣̇д̣̇ад̇о г̇агаарам̣ ванд̇асад̣̇д̣̇ад̇о вагааран̃жа д̣̇ийгхам̣ гад̇ваа аад̣̇ааяа ‘‘бхаг̇аваа’’д̇и вужжад̇и, яат̇аа логз ‘‘мзханасса касса маалаа’’д̇и вад̇д̇аб̣б̣з ‘‘мзкалаа’’д̇и вужжад̇и.

    Yasmā pana tīsu bhavesu taṇhāsaṅkhātaṃ gamanaṃ anena vantaṃ, tasmā ‘‘bhavesu vantagamano’’ti vattabbe bhavasaddato bhakāraṃ gamanasaddato gakāraṃ vantasaddato vakārañca dīghaṃ katvā ādāya ‘‘bhagavā’’ti vuccati, yathā loke ‘‘mehanassa khassa mālā’’ti vattabbe ‘‘mekhalā’’ti vuccati.

    буна абарамби барияааяам̣ нид̣̇д̣̇исанд̇о ‘‘аби жа бхаг̇г̇арааг̇од̇и бхаг̇аваа’’д̇иаад̣̇имааха. д̇ад̇т̇а бхаг̇г̇о рааг̇о ассаад̇и бхаг̇г̇арааг̇о. бхаг̇г̇ад̣̇осаад̣̇ийсуби зсзва наяо. ган̣д̣агод̇и винивиж̇жханадтзна гилзсаа зва. бхаж̇ийд̇и уд̣̇д̣̇зсавасзна вибхааг̇ам̣ гад̇ваа бхааж̇зси. вибхаж̇ийд̇и нид̣̇д̣̇зсавасзна вивид̇хаа бхааж̇зси. бавибхаж̇ийд̇и бадинид̣̇д̣̇зсавасзна багаарзна вибхаж̇и. уг̇гхадид̇ан̃н̃уунам̣ васзна бхаж̇и. вибан̃жид̇ан̃н̃уунам̣ васзна вибхаж̇и. нзяяаанам̣ васзна бавибхаж̇и.

    Puna aparampi pariyāyaṃ niddisanto ‘‘api ca bhaggarāgoti bhagavā’’tiādimāha. Tattha bhaggo rāgo assāti bhaggarāgo. Bhaggadosādīsupi eseva nayo. Kaṇḍakoti vinivijjhanaṭṭhena kilesā eva. Bhajīti uddesavasena vibhāgaṃ katvā bhājesi. Vibhajīti niddesavasena vividhā bhājesi. Pavibhajīti paṭiniddesavasena pakārena vibhaji. Ugghaṭitaññūnaṃ vasena bhaji. Vipañcitaññūnaṃ vasena vibhaji. Neyyānaṃ vasena pavibhaji.

    д̇хаммарад̇ананд̇и –

    Dhammaratananti –

    ‘‘жид̇д̇ийгад̇ам̣ махаг̇гхан̃жа, ад̇улам̣ д̣̇уллабхад̣̇ассанам̣;

    ‘‘Cittīkataṃ mahagghañca, atulaṃ dullabhadassanaṃ;

    аномасад̇д̇абарибхог̇ам̣, рад̇анам̣ д̇зна вужжад̇ий’’д̇и. (ку. баа. адта. 6.3; д̣̇ий. ни. адта. 2.33) –

    Anomasattaparibhogaṃ, ratanaṃ tena vuccatī’’ti. (khu. pā. aṭṭha. 6.3; dī. ni. aṭṭha. 2.33) –

    звам̣ ван̣н̣ид̇ам̣ д̇хаммарад̇анам̣ д̇ивид̇хзна бхааж̇зси. бхаваанам̣ анд̇агарод̇и гаамабхаваад̣̇ийнам̣ наваннам̣ бхаваанам̣ барижчзд̣̇ам̣ барияанд̇ам̣ баривадумам̣ гаараго. бхаавид̇агааяод̇и вад̣дхид̇агааяо. д̇ат̇аа ид̇арзсуби. бхаж̇ийд̇и сзви. аран̃н̃аванабад̇т̇аанийд̇и г̇аамасса ваа наг̇арасса ваа инд̣̇акийлад̇о б̣ахи аран̃н̃ам̣. ванабад̇т̇аани мануссуубажаараад̇игганд̇аани ванасан̣д̣аани. банд̇аанийд̇и яад̇т̇а мануссаа на гасанд̇и на вабанд̇и д̣̇уураани сзнаасанаани. гзжи бана ‘‘ванабад̇д̇аанийд̇и яасмаа яад̇т̇а б̣яаг̇гхаад̣̇аяо ад̇т̇и, д̇ам̣ ванам̣ д̇з баалаяанд̇и рагканд̇и, д̇асмаа д̇зхи рагкид̇ад̇д̇аа ванабад̇д̇ааний’’д̇и вад̣̇анд̇и. сзнаасанаанийд̇и сзд̇и жзва аасад̇и жа зд̇т̇аад̇и сзнаасанаани. аббасад̣̇д̣̇аанийд̇и важанасад̣̇д̣̇зна аббасад̣̇д̣̇аани. аббаниг̇гхосаанийд̇и г̇ааманаг̇араниг̇гхосасад̣̇д̣̇зна аббаниг̇гхосаани. виж̇анаваад̇аанийд̇и анд̇осан̃жаран̣аж̇анасса сарийраваад̇зна вирахид̇аани. ‘‘виж̇анаваад̣̇ааний’’д̇иби баато, ‘‘анд̇ож̇анаваад̣̇зна вирахид̇ааний’’д̇и ад̇т̇о. ‘‘виж̇анабаад̇ааний’’д̇иби баато, ‘‘ж̇анасан̃жааравирахид̇ааний’’д̇и ад̇т̇о. мануссараахассзяяагаанийд̇и мануссаанам̣ рахассагаран̣адтаанаани. бадисаллаанасааруббаанийд̇и вивзгаануруубаани. бхааг̇ий ваад̇и ‘‘бхааг̇о жийвараад̣̇игодтаасо асса ад̇т̇ий’’д̇и бхааг̇ий. ‘‘бадилаабхавасзна ад̇т̇арасаад̣̇ибхааг̇о асса ад̇т̇ий’’д̇и бхааг̇ий. ад̇т̇арасассаад̇и хзд̇упаласамбад̇д̇исан̇каад̇асса ад̇т̇арасасса. д̇хаммарасассаад̇и хзд̇усамбад̇д̇исан̇каад̇асса д̇хаммарасасса. вуд̇д̇ан̃хзд̇ам̣ ‘‘хзд̇упалз н̃аан̣ам̣ ад̇т̇абадисамбхид̣̇аа, хзд̇умхи н̃аан̣ам̣ д̇хаммабадисамбхид̣̇аа’’д̇и (вибха. 720). вимуд̇д̇ирасассаад̇и паласамбад̇д̇исан̇каад̇асса вимуд̇д̇ирасасса. вуд̇д̇амби жзд̇ам̣ ‘‘гижжасамбад̇д̇иад̇т̇зна, расо наама бавужжад̇ий’’д̇и (бади. ма. адта. 1.1.2 маад̇игааван̣н̣анаа; висуд̣̇д̇хи. 1.8).

    Evaṃ vaṇṇitaṃ dhammaratanaṃ tividhena bhājesi. Bhavānaṃantakaroti kāmabhavādīnaṃ navannaṃ bhavānaṃ paricchedaṃ pariyantaṃ parivaṭumaṃ kārako. Bhāvitakāyoti vaḍḍhitakāyo. Tathā itaresupi. Bhajīti sevi. Araññavanapatthānīti gāmassa vā nagarassa vā indakhīlato bahi araññaṃ. Vanapatthāni manussūpacārātikkantāni vanasaṇḍāni. Pantānīti yattha manussā na kasanti na vapanti dūrāni senāsanāni. Keci pana ‘‘vanapattānīti yasmā yattha byagghādayo atthi, taṃ vanaṃ te pālayanti rakkhanti, tasmā tehi rakkhitattā vanapattānī’’ti vadanti. Senāsanānīti seti ceva āsati ca etthāti senāsanāni. Appasaddānīti vacanasaddena appasaddāni. Appanigghosānīti gāmanagaranigghosasaddena appanigghosāni. Vijanavātānīti antosañcaraṇajanassa sarīravātena virahitāni. ‘‘Vijanavādānī’’tipi pāṭho, ‘‘antojanavādena virahitānī’’ti attho. ‘‘Vijanapātānī’’tipi pāṭho, ‘‘janasañcāravirahitānī’’ti attho. Manussarāhasseyyakānīti manussānaṃ rahassakaraṇaṭṭhānāni. Paṭisallānasāruppānīti vivekānurūpāni. Bhāgī vāti ‘‘bhāgo cīvarādikoṭṭhāso assa atthī’’ti bhāgī. ‘‘Paṭilābhavasena attharasādibhāgo assa atthī’’ti bhāgī. Attharasassāti hetuphalasampattisaṅkhātassa attharasassa. Dhammarasassāti hetusampattisaṅkhātassa dhammarasassa. Vuttañhetaṃ ‘‘hetuphale ñāṇaṃ atthapaṭisambhidā, hetumhi ñāṇaṃ dhammapaṭisambhidā’’ti (vibha. 720). Vimuttirasassāti phalasampattisaṅkhātassa vimuttirasassa. Vuttampi cetaṃ ‘‘kiccasampattiatthena, raso nāma pavuccatī’’ti (paṭi. ma. aṭṭha. 1.1.2 mātikāvaṇṇanā; visuddhi. 1.8).

    жад̇уннам̣ жхаанаананд̇и батамаж̇жхаанаад̣̇ийнам̣ жад̇уннам̣ жхаанаанам̣. жад̇уннам̣ аббаман̃н̃аананд̇и мзд̇д̇аад̣̇ийнам̣ паран̣аббамаан̣авирахид̇аанам̣ жад̇уннам̣ б̣рахмавихаараанам̣. жад̇уннам̣ аруубасамаабад̇д̇ийнанд̇и аагаасаанан̃жааяад̇анаад̣̇ийнам̣ жад̇уннам̣ аруубаж̇жхаанаанам̣. адтаннам̣ вимогкаананд̇и ‘‘руубий руубаани бассад̇ий’’д̇иаад̣̇инаа (д̇ха. са. 248) наязна вуд̇д̇аанам̣ аарамман̣авимуд̇д̇аанам̣ адтаннам̣ вимогкаанам̣. абхибхааяад̇анаананд̇и зд̇т̇а абхибхууд̇аани ааяад̇анаани зд̇зсам̣ жхаанаананд̇и абхибхааяад̇анаани, жхаанаани. ааяад̇анаанийд̇и ад̇хидтаанадтзна ааяад̇анасан̇каад̇аани гасин̣аарамман̣аани. н̃аан̣уд̇д̇ариго хи буг̇г̇ало висад̣̇ан̃аан̣од̇и гим̣ зд̇т̇а аарамман̣з самаабаж̇ж̇ид̇аб̣б̣ам̣, на маяи жид̇д̇згаг̇г̇ад̇аагаран̣з бхааро ад̇т̇ийд̇и д̇аани аарамман̣аани абхибхавид̇ваа самаабаж̇ж̇ад̇и. саха нимид̇д̇уббаад̣̇знзвзд̇т̇а аббанам̣ ниб̣б̣ад̇д̇зд̇ийд̇и ад̇т̇о. звам̣ уббаад̣̇ид̇аани жхаанаани абхибхааяад̇анаанийд̇и вужжанд̇и, д̇зсам̣ адтаннам̣ абхибхааяад̇анаанам̣. наваннам̣ анубуб̣б̣авихаарасамаабад̇д̇ийнанд̇и буб̣б̣ам̣ буб̣б̣ам̣ ану анубуб̣б̣ам̣, анубуб̣б̣ам̣ вихарид̇аб̣б̣ад̇о самаабаж̇ж̇ид̇аб̣б̣ад̇о анубуб̣б̣авихаарасамаабад̇д̇и, анубадибаадияаа самаабаж̇ж̇ид̇аб̣б̣аад̇и ад̇т̇о, д̇аасам̣ наваннам̣ анубуб̣б̣авихаарасамаабад̇д̇ийнам̣. д̣̇асаннам̣ сан̃н̃аабхааванаананд̇и г̇иримаананд̣̇асуд̇д̇з (а. ни. 10.60) ааг̇ад̇аанам̣ анижжасан̃н̃аад̣̇ийнам̣ д̣̇асаннам̣ сан̃н̃аабхааванаанам̣. д̣̇асаннам̣ гасин̣асамаабад̇д̇ийнанд̇и сагаладтзна гасин̣асан̇каад̇аанам̣ бат̇авийгасин̣аж̇жхаанаад̣̇ийнам̣ д̣̇асаннам̣ жхаанаанам̣. аанаабаанассад̇исамаад̇хиссаад̇и аанаабаанассад̇исамбаяуд̇д̇асамаад̇хисса . асубхасамаабад̇д̇ияаад̇и асубхаж̇жхаанасамаабад̇д̇ияаа. д̣̇асаннам̣ д̇ат̇ааг̇ад̇аб̣алаананд̇и д̣̇асаб̣алаб̣алаанам̣ д̣̇асаннам̣. жад̇уннам̣ взсаараж̇ж̇аананд̇и висаарад̣̇абхааваанам̣ жад̇уннам̣ взсаараж̇ж̇аанам̣. жад̇уннам̣ бадисамбхид̣̇аананд̇и бадисамбхид̣̇аан̃аан̣аанам̣ жад̇уннам̣. чаннам̣ абхин̃н̃аан̣аананд̇и ид̣̇д̇хивид̇хаад̣̇ийнам̣ чаннам̣ абхин̃н̃аан̣аанам̣. чаннам̣ б̣уд̣̇д̇хад̇хаммаананд̇и ‘‘саб̣б̣ам̣ гааяагаммам̣ н̃аан̣аанубаривад̇д̇ий’’д̇иаад̣̇инаа (жуул̣ани. могхарааж̇амаан̣авабужчаанид̣̇д̣̇зса 85; нзд̇д̇и. 15) наязна убари ааг̇ад̇аанам̣ чаннам̣ б̣уд̣̇д̇хад̇хаммаанам̣.

    Catunnaṃjhānānanti paṭhamajjhānādīnaṃ catunnaṃ jhānānaṃ. Catunnaṃ appamaññānanti mettādīnaṃ pharaṇappamāṇavirahitānaṃ catunnaṃ brahmavihārānaṃ. Catunnaṃ arūpasamāpattīnanti ākāsānañcāyatanādīnaṃ catunnaṃ arūpajjhānānaṃ. Aṭṭhannaṃ vimokkhānanti ‘‘rūpī rūpāni passatī’’tiādinā (dha. sa. 248) nayena vuttānaṃ ārammaṇavimuttānaṃ aṭṭhannaṃ vimokkhānaṃ. Abhibhāyatanānanti ettha abhibhūtāni āyatanāni etesaṃ jhānānanti abhibhāyatanāni, jhānāni. Āyatanānīti adhiṭṭhānaṭṭhena āyatanasaṅkhātāni kasiṇārammaṇāni. Ñāṇuttariko hi puggalo visadañāṇoti kiṃ ettha ārammaṇe samāpajjitabbaṃ, na mayi cittekaggatākaraṇe bhāro atthīti tāni ārammaṇāni abhibhavitvā samāpajjati. Saha nimittuppādenevettha appanaṃ nibbattetīti attho. Evaṃ uppāditāni jhānāni abhibhāyatanānīti vuccanti, tesaṃ aṭṭhannaṃ abhibhāyatanānaṃ. Navannaṃ anupubbavihārasamāpattīnanti pubbaṃ pubbaṃ anu anupubbaṃ, anupubbaṃ viharitabbato samāpajjitabbato anupubbavihārasamāpatti, anupaṭipāṭiyā samāpajjitabbāti attho, tāsaṃ navannaṃ anupubbavihārasamāpattīnaṃ. Dasannaṃ saññābhāvanānanti girimānandasutte (a. ni. 10.60) āgatānaṃ aniccasaññādīnaṃ dasannaṃ saññābhāvanānaṃ. Dasannaṃ kasiṇasamāpattīnanti sakalaṭṭhena kasiṇasaṅkhātānaṃ pathavīkasiṇajjhānādīnaṃ dasannaṃ jhānānaṃ. Ānāpānassatisamādhissāti ānāpānassatisampayuttasamādhissa . Asubhasamāpattiyāti asubhajjhānasamāpattiyā. Dasannaṃ tathāgatabalānanti dasabalabalānaṃ dasannaṃ. Catunnaṃ vesārajjānanti visāradabhāvānaṃ catunnaṃ vesārajjānaṃ. Catunnaṃ paṭisambhidānanti paṭisambhidāñāṇānaṃ catunnaṃ. Channaṃ abhiññāṇānanti iddhividhādīnaṃ channaṃ abhiññāṇānaṃ. Channaṃ buddhadhammānanti ‘‘sabbaṃ kāyakammaṃ ñāṇānuparivattī’’tiādinā (cūḷani. mogharājamāṇavapucchāniddesa 85; netti. 15) nayena upari āgatānaṃ channaṃ buddhadhammānaṃ.

    д̇ад̇т̇а жийвараад̣̇аяо бхааг̇яасамбад̇д̇ивасзна вуд̇д̇аа. ад̇т̇арасад̇иго бадивзд̇хавасзна вуд̇д̇о. ад̇хисийлад̇иго бадибад̇д̇ивасзна. жхаанад̇д̇иго руубааруубаж̇жхаанавасзна. вимогкад̇д̇иго самаабад̇д̇ивасзна. сан̃н̃аажад̇угго убажаараббанаавасзна. сад̇ибадтаанаад̣̇аяо сад̇д̇ад̇им̣саб̣од̇хибагкияад̇хаммавасзна. д̇ат̇ааг̇ад̇аб̣алаананд̇иаад̣̇аяо аавзн̣игад̇хаммавасзна вуд̇д̇аад̇и взд̣̇ид̇аб̣б̣аа.

    Tattha cīvarādayo bhāgyasampattivasena vuttā. Attharasatiko paṭivedhavasena vutto. Adhisīlatiko paṭipattivasena. Jhānattiko rūpārūpajjhānavasena. Vimokkhattiko samāpattivasena. Saññācatukko upacārappanāvasena. Satipaṭṭhānādayo sattatiṃsabodhipakkhiyadhammavasena. Tathāgatabalānantiādayo āveṇikadhammavasena vuttāti veditabbā.

    ид̇о барам̣ бхаг̇аваад̇и нзд̇ам̣ нааманд̇иаад̣̇и ‘‘ад̇т̇амануг̇ад̇аа аяам̣ бан̃н̃ад̇д̇ий’’д̇и н̃аабанад̇т̇ам̣ вуд̇д̇ам̣. д̇ад̇т̇а саман̣аа баб̣б̣аж̇ж̇убаг̇ад̇аа. б̣раахман̣аа бховаад̣̇ино самид̇абаабаб̣аахид̇абаабаа ваа. д̣̇звад̇аа саггаад̣̇аяо б̣рахмаано жа. вимогканд̇иганд̇и вимогко арахад̇д̇амаг̇г̇о, вимогкасса анд̇о арахад̇д̇апалам̣, д̇асмим̣ вимогканд̇з бхавам̣ вимогканд̇игам̣ наамам̣. саб̣б̣ан̃н̃убхааво хи арахад̇д̇амаг̇г̇зна сиж̇жхад̇и, арахад̇д̇апалаад̇хиг̇амзна сид̣̇д̇хо ход̇и. д̇асмаа саб̣б̣ан̃н̃убхааво вимогканд̇з бхаво ход̇и. д̇ам̣ нзмид̇д̇игамби наамам̣ вимогканд̇з бхавам̣ наама ход̇и. д̇зна вуд̇д̇ам̣ – ‘‘вимогканд̇игамзд̇ам̣ б̣уд̣̇д̇хаанам̣ бхаг̇аванд̇аана’’нд̇и. б̣од̇хияаа муулз саха саб̣б̣ан̃н̃уд̇ан̃н̃аан̣асса бадилаабхаад̇и махааб̣од̇хиругкамуулз яат̇аавуд̇д̇агкан̣з саб̣б̣ан̃н̃уд̇ан̃н̃аан̣асса бадилаабхзна саха. сажчигаа бан̃н̃ад̇д̇ийд̇и арахад̇д̇апаласажчигирияааяа саб̣б̣ад̇хаммасажчигирияааяа ваа ж̇аад̇аа бан̃н̃ад̇д̇и. яад̣̇ид̣̇ам̣ бхаг̇аваад̇и яаа аяам̣ бхаг̇аваад̇и бан̃н̃ад̇д̇и.

    Ito paraṃ bhagavāti netaṃ nāmantiādi ‘‘atthamanugatā ayaṃ paññattī’’ti ñāpanatthaṃ vuttaṃ. Tattha samaṇā pabbajjupagatā. Brāhmaṇā bhovādino samitapāpabāhitapāpā vā. Devatā sakkādayo brahmāno ca. Vimokkhantikanti vimokkho arahattamaggo, vimokkhassa anto arahattaphalaṃ, tasmiṃ vimokkhante bhavaṃ vimokkhantikaṃ nāmaṃ. Sabbaññubhāvo hi arahattamaggena sijjhati, arahattaphalādhigamena siddho hoti. Tasmā sabbaññubhāvo vimokkhante bhavo hoti. Taṃ nemittikampi nāmaṃ vimokkhante bhavaṃ nāma hoti. Tena vuttaṃ – ‘‘vimokkhantikametaṃ buddhānaṃ bhagavantāna’’nti. Bodhiyā mūle saha sabbaññutaññāṇassa paṭilābhāti mahābodhirukkhamūle yathāvuttakkhaṇe sabbaññutaññāṇassa paṭilābhena saha. Sacchikā paññattīti arahattaphalasacchikiriyāya sabbadhammasacchikiriyāya vā jātā paññatti. Yadidaṃ bhagavāti yā ayaṃ bhagavāti paññatti.

    д̣̇вийхи гааран̣зхийд̇и д̣̇вийхи годтаасзхи. барияад̇д̇исаасананд̇и д̇збидагам̣ б̣уд̣̇д̇хаважанам̣. бадибад̇д̇ийд̇и бадибаж̇ж̇ад̇и зд̇ааяаад̇и бадибад̇д̇и. яам̣ д̇асса барияаабуданд̇и д̇зна буг̇г̇алзна яам̣ барияаабудам̣ саж̇жхааяид̇ам̣ гаран̣ад̇т̇з саамиважанам̣. ‘‘барияаабудда’’нд̇иби баато. суд̇д̇анд̇и убхад̇овибхан̇г̇анид̣̇д̣̇зсаканд̇хагабариваараа, суд̇д̇анибаад̇з ман̇г̇аласуд̇д̇а- (ку. баа. 5.1 аад̣̇аяо; су. ни. 261 аад̣̇аяо) рад̇анасуд̇д̇а- (ку. баа. 6.1 аад̣̇аяо) д̇увадагасуд̇д̇аани (су. ни. 921 аад̣̇аяо), ан̃н̃амби жа суд̇д̇анаамагам̣ д̇ат̇ааг̇ад̇аважанам̣ суд̇д̇анд̇и взд̣̇ид̇аб̣б̣ам̣. г̇зяяанд̇и саб̣б̣амби саг̇аат̇агам̣ суд̇д̇ам̣ г̇зяяанд̇и взд̣̇ид̇аб̣б̣ам̣, висзсзна сам̣яуд̇д̇агз сагалоби саг̇аат̇ааваг̇г̇о. взяяаагаран̣анд̇и сагалам̣ абхид̇хаммабидагам̣ ниг̇г̇аат̇агам̣ суд̇д̇ам̣, яан̃жа ан̃н̃амби адтахи ан̇г̇зхи асан̇г̇ахид̇ам̣ б̣уд̣̇д̇хаважанам̣ , д̇ам̣ ‘‘взяяаагаран̣а’’нд̇и взд̣̇ид̇аб̣б̣ам̣. г̇аат̇аад̇и д̇хаммабад̣̇ам̣, т̇зраг̇аат̇аа, т̇зрийг̇аат̇аа, суд̇д̇анибаад̇з носуд̇д̇анаамигаа суд̣̇д̇хигаг̇аат̇аа жа ‘‘г̇аат̇аа’’д̇и взд̣̇ид̇аб̣б̣аа. уд̣̇аананд̇и соманассан̃аан̣амаяигаг̇аат̇аабадисам̣яуд̇д̇аа д̣̇взасийд̇и суд̇д̇анд̇аа ‘‘уд̣̇аана’’нд̇и взд̣̇ид̇аб̣б̣ам̣. ид̇ивуд̇д̇аганд̇и ‘‘вуд̇д̇ан̃хзд̇ам̣ бхаг̇авад̇аа’’д̇иаад̣̇инаяаббавад̇д̇аа (ид̇иву. 1 аад̣̇аяо) д̣̇асуд̇д̇арасад̇асуд̇д̇анд̇аа ‘‘ид̇ивуд̇д̇ага’’нд̇и взд̣̇ид̇аб̣б̣ам̣. ж̇аад̇аганд̇и абан̣н̣агаж̇аад̇агаад̣̇ийни (ж̇аа. 1.1.1) бан̣н̣аасаад̇хигаани бан̃жаж̇аад̇агасад̇аани ‘‘ж̇аад̇ага’’нд̇и взд̣̇ид̇аб̣б̣ам̣. аб̣бхуд̇ад̇хамманд̇и ‘‘жад̇д̇ааромз , бхигкавз, ажчарияаа аб̣бхуд̇ад̇хаммаа аананд̣̇з’’д̇иаад̣̇инаяаббавад̇д̇аа (д̣̇ий. ни. 2.209; а. ни. 4.129) саб̣б̣зби ажчарияааб̣бхуд̇ад̇хаммабадисам̣яуд̇д̇аа суд̇д̇анд̇аа ‘‘аб̣бхуд̇ад̇хамма’’нд̇и взд̣̇ид̇аб̣б̣ам̣. взд̣̇алланд̇и жуул̣авзд̣̇алла- (ма. ни. 1.460 аад̣̇аяо) махаавзд̣̇алла- (ма. ни. 1.449 аад̣̇аяо) саммаад̣̇идти- (ма. ни. 1.89 аад̣̇аяо) саггабан̃ха- (д̣̇ий. ни. 2.344 аад̣̇аяо) сан̇каарабхааж̇анияамахаабун̣н̣амасуд̇д̇аад̣̇аяо (ма. ни. 3.85 аад̣̇аяо) саб̣б̣зби взд̣̇ан̃жа д̇удтин̃жа лад̣̇д̇хаа лад̣̇д̇хаа бужчид̇асуд̇д̇анд̇аа ‘‘взд̣̇алла’’нд̇и взд̣̇ид̇аб̣б̣ам̣. ид̣̇ам̣ барияад̇д̇исаасананд̇и ид̣̇ам̣ вуд̇д̇аббагаарам̣ д̇збидагам̣ б̣уд̣̇д̇хаважанам̣ барияаабун̣ид̇аб̣б̣адтзна барияад̇д̇и, анусаасанадтзна саасананд̇и гад̇ваа барияад̇д̇исаасанам̣. д̇амби муссад̇ийд̇и д̇амби барияад̇д̇исаасанам̣ нассад̇и. саммуссад̇ийд̇и аад̣̇ид̇о нассад̇и. бариб̣аахиро ход̇ийд̇и бараммуко ход̇и.

    Dvīhi kāraṇehīti dvīhi koṭṭhāsehi. Pariyattisāsananti tepiṭakaṃ buddhavacanaṃ. Paṭipattīti paṭipajjati etāyāti paṭipatti. Yaṃ tassa pariyāpuṭanti tena puggalena yaṃ pariyāpuṭaṃ sajjhāyitaṃ karaṇatthe sāmivacanaṃ. ‘‘Pariyāpuṭṭa’’ntipi pāṭho. Suttanti ubhatovibhaṅganiddesakhandhakaparivārā, suttanipāte maṅgalasutta- (khu. pā. 5.1 ādayo; su. ni. 261 ādayo) ratanasutta- (khu. pā. 6.1 ādayo) tuvaṭakasuttāni (su. ni. 921 ādayo), aññampi ca suttanāmakaṃ tathāgatavacanaṃ suttanti veditabbaṃ. Geyyanti sabbampi sagāthakaṃ suttaṃ geyyanti veditabbaṃ, visesena saṃyuttake sakalopi sagāthāvaggo. Veyyākaraṇanti sakalaṃ abhidhammapiṭakaṃ niggāthakaṃ suttaṃ, yañca aññampi aṭṭhahi aṅgehi asaṅgahitaṃ buddhavacanaṃ , taṃ ‘‘veyyākaraṇa’’nti veditabbaṃ. Gāthāti dhammapadaṃ, theragāthā, therīgāthā, suttanipāte nosuttanāmikā suddhikagāthā ca ‘‘gāthā’’ti veditabbā. Udānanti somanassañāṇamayikagāthāpaṭisaṃyuttā dveasīti suttantā ‘‘udāna’’nti veditabbaṃ. Itivuttakanti ‘‘vuttañhetaṃ bhagavatā’’tiādinayappavattā (itivu. 1 ādayo) dasuttarasatasuttantā ‘‘itivuttaka’’nti veditabbaṃ. Jātakanti apaṇṇakajātakādīni (jā. 1.1.1) paṇṇāsādhikāni pañcajātakasatāni ‘‘jātaka’’nti veditabbaṃ. Abbhutadhammanti ‘‘cattārome , bhikkhave, acchariyā abbhutadhammā ānande’’tiādinayappavattā (dī. ni. 2.209; a. ni. 4.129) sabbepi acchariyaabbhutadhammapaṭisaṃyuttā suttantā ‘‘abbhutadhamma’’nti veditabbaṃ. Vedallanti cūḷavedalla- (ma. ni. 1.460 ādayo) mahāvedalla- (ma. ni. 1.449 ādayo) sammādiṭṭhi- (ma. ni. 1.89 ādayo) sakkapañha- (dī. ni. 2.344 ādayo) saṅkhārabhājaniyamahāpuṇṇamasuttādayo (ma. ni. 3.85 ādayo) sabbepi vedañca tuṭṭhiñca laddhā laddhā pucchitasuttantā ‘‘vedalla’’nti veditabbaṃ. Idaṃ pariyattisāsananti idaṃ vuttappakāraṃ tepiṭakaṃ buddhavacanaṃ pariyāpuṇitabbaṭṭhena pariyatti, anusāsanaṭṭhena sāsananti katvā pariyattisāsanaṃ. Tampi mussatīti tampi pariyattisāsanaṃ nassati. Sammussatīti ādito nassati. Paribāhiro hotīti parammukho hoti.

    гад̇амам̣ бадибад̇д̇исаасананд̇и логуд̇д̇арад̇хаммад̇о буб̣б̣абхааг̇о д̇ад̣̇ад̇т̇ам̣ бадибаж̇ж̇ийяад̇ийд̇и бадибад̇д̇и. саасийяанд̇и зд̇т̇а взнзяяаад̇и саасанам̣. саммаабадибад̣̇аад̇иаад̣̇аяо вуд̇д̇анаяаа зва.

    Katamaṃ paṭipattisāsananti lokuttaradhammato pubbabhāgo tadatthaṃ paṭipajjīyatīti paṭipatti. Sāsīyanti ettha veneyyāti sāsanaṃ. Sammāpaṭipadātiādayo vuttanayā eva.

    баан̣амби ханад̇ийд̇и ж̇ийвид̇инд̣̇рияамби гхаад̇зд̇и. ад̣̇иннамби аад̣̇ияад̇ийд̇и барабариг̇г̇ахид̇амби вад̇т̇ум̣ г̇ан̣хаад̇и. санд̇химби чинд̣̇ад̇ийд̇и гхарасанд̇химби чинд̣̇ад̇и. ниллобамби харад̇ийд̇и г̇аамз бахарид̇ваа махаавилобамби гарод̇и. згааг̇ааригамби гарод̇ийд̇и бан̣н̣аасамад̇д̇зхиби садтимад̇д̇зхиби бариваарзд̇ваа ж̇ийваг̇г̇аахам̣ г̇ахзд̇вааби д̇ханам̣ аахараабзд̇и. барибант̇зби д̇идтад̇ийд̇и бант̇ад̣̇ууханагаммам̣ гарод̇и. барад̣̇аарамби г̇ажчад̇ийд̇и барад̣̇аарзсу жаарид̇д̇ам̣ аабаж̇ж̇ад̇и. мусааби бхан̣ад̇ийд̇и ад̇т̇абхан̃ж̇анагам̣ мусааби вад̣̇ад̇и. анарияад̇хаммод̇и анарияасабхааво.

    Pāṇampi hanatīti jīvitindriyampi ghāteti. Adinnampi ādiyatīti parapariggahitampi vatthuṃ gaṇhāti. Sandhimpi chindatīti gharasandhimpi chindati. Nillopampi haratīti gāme paharitvā mahāvilopampi karoti. Ekāgārikampikarotīti paṇṇāsamattehipi saṭṭhimattehipi parivāretvā jīvaggāhaṃ gahetvāpi dhanaṃ āharāpeti. Paripanthepi tiṭṭhatīti panthadūhanakammaṃ karoti. Paradārampi gacchatīti paradāresu cārittaṃ āpajjati. Musāpi bhaṇatīti atthabhañjanakaṃ musāpi vadati. Anariyadhammoti anariyasabhāvo.

    51. зго буб̣б̣з жарид̇ваанаад̇и баб̣б̣аж̇ж̇аасан̇каад̇зна ваа г̇ан̣аававассаг̇г̇адтзна ваа буб̣б̣з логз вихарид̇ваа. яаанам̣ бханд̇ам̣ва д̇ам̣ логз, хийнамааху бут̇уж̇ж̇ананд̇и д̇ам̣ виб̣бханд̇агам̣ буг̇г̇алам̣ яат̇аа хад̇т̇ияаанаад̣̇ияаанам̣ ад̣̇анд̇ам̣ висамамби аарохад̇и, аароханагамби бхан̃ж̇ад̇и, бабаад̇зби бабад̇ад̇и, звам̣ гааяад̣̇ужжарид̇аад̣̇ивисамаароханзна нираяаад̣̇ийсу, ад̇т̇абхан̃ж̇анзна ж̇аад̇ибабаад̇аад̣̇ийсу бабад̇анзна жа яаанам̣ бханд̇ам̣ва хийнам̣ бут̇уж̇ж̇анан̃жа аахууд̇и.

    51.Eko pubbe caritvānāti pabbajjāsaṅkhātena vā gaṇāvavassaggaṭṭhena vā pubbe loke viharitvā. Yānaṃ bhantaṃva taṃ loke, hīnamāhu puthujjananti taṃ vibbhantakaṃ puggalaṃ yathā hatthiyānādiyānaṃ adantaṃ visamampi ārohati, ārohanakampi bhañjati, papātepi papatati, evaṃ kāyaduccaritādivisamārohanena nirayādīsu, atthabhañjanena jātipapātādīsu papatanena ca yānaṃ bhantaṃva hīnaṃ puthujjanañca āhūti.

    баб̣б̣аж̇ж̇аасан̇каад̇зна ваад̇и баб̣б̣аж̇ж̇аагодтаасзна ваа ‘‘баб̣б̣аж̇ид̇о саман̣о’’д̇и г̇ан̣анааробанзна ваа. г̇ан̣аававассаг̇г̇адтзна ваад̇и г̇ан̣асан̇г̇ан̣игаараамад̇ам̣ виссаж̇ж̇зд̇ваа вассаг̇г̇адтзна ваа.

    Pabbajjāsaṅkhātena vāti pabbajjākoṭṭhāsena vā ‘‘pabbajito samaṇo’’ti gaṇanāropanena vā. Gaṇāvavassaggaṭṭhena vāti gaṇasaṅgaṇikārāmataṃ vissajjetvā vassaggaṭṭhena vā.

    зго бадиггамад̇ийд̇и згагова г̇аамад̇о нивад̇д̇ад̇и. яо нисзвад̇ийд̇и нид̣̇д̣̇зсасса уд̣̇д̣̇зсабад̣̇ам̣. абарзна самаязнаад̇и ан̃н̃асмим̣ гаалз абарабхааг̇з. б̣уд̣̇д̇ханд̇и саб̣б̣ан̃н̃уб̣уд̣̇д̇хам̣. д̇хамманд̇и сваагкаад̇ад̇аад̣̇иг̇ун̣аяуд̇д̇ам̣ д̇хаммам̣. сан̇гханд̇и суббадибаннад̇аад̣̇иг̇ун̣аяуд̇д̇ам̣ сан̇гхам̣. сигканд̇и ад̇хисийлаад̣̇исигкид̇аб̣б̣ам̣ сигкам̣. бажжагкааяаад̇и б̣уд̣̇д̇хаад̣̇им̣ бадигкибид̇ваа. хийнааяаад̇и хийнад̇т̇ааяа г̇ихибхаавааяа. аавад̇д̇ид̇ваад̇и нивад̇д̇ид̇ваа. сзвад̇и згаваарам̣ сзвад̇и. нисзвад̇и анзгавид̇хзна сзвад̇и. сам̣сзвад̇и аллийяид̇ваа сзвад̇и. бадисзвад̇и бунаббунам̣ сзвад̇и.

    Ekopaṭikkamatīti ekakova gāmato nivattati. Yo nisevatīti niddesassa uddesapadaṃ. Aparena samayenāti aññasmiṃ kāle aparabhāge. Buddhanti sabbaññubuddhaṃ. Dhammanti svākkhātatādiguṇayuttaṃ dhammaṃ. Saṅghanti suppaṭipannatādiguṇayuttaṃ saṅghaṃ. Sikkhanti adhisīlādisikkhitabbaṃ sikkhaṃ. Paccakkhāyāti buddhādiṃ paṭikkhipitvā. Hīnāyāti hīnatthāya gihibhāvāya. Āvattitvāti nivattitvā. Sevati ekavāraṃ sevati. Nisevati anekavidhena sevati. Saṃsevati allīyitvā sevati. Paṭisevati punappunaṃ sevati.

    бханд̇анд̇и виб̣бханд̇ам̣. ад̣̇анд̇анд̇и д̣̇анд̇абхаавам̣ анубанийд̇ам̣. агаарид̇анд̇и сусигкид̇агирияам̣ асигкаабид̇ам̣. авинийд̇анд̇и на винийд̇ам̣ аажаарасамбад̇д̇ияаа асигкид̇ам̣. уббат̇ам̣ г̇ан̣хаад̇ийд̇и вуд̇д̇аббагаарам̣ яаанам̣ ад̣̇анд̇аад̇ияуд̇д̇ам̣ бханд̇ам̣ висамамаг̇г̇ам̣ убзд̇и. висамам̣ каан̣умби баасаан̣амби абхирухад̇ийд̇и висамам̣ худ̇ваа тид̇ам̣ каракаан̣умби д̇ат̇аа баб̣б̣ад̇абаасаан̣амби аарохад̇и. яаанамби аароханагамби бхан̃ж̇ад̇ийд̇и ваяхаад̣̇ияаанам̣ аароханд̇асса бааж̇знд̇асса хад̇т̇абаад̣̇аад̣̇имби бхинд̣̇ад̇и. бабаад̇зби бабад̇ад̇ийд̇и згад̇ожчиннабаб̣бхаарабабаад̇зби баад̇зд̇и. со виб̣бханд̇агод̇и со бадигганд̇аго. бханд̇аяаанабадибхааг̇од̇и анавадтид̇аяаанасад̣̇исо. уббат̇ам̣ г̇ан̣хаад̇ийд̇и гусалагаммабат̇ад̇о бадиггамид̇ваа абааяабат̇абхууд̇ам̣ уббат̇ам̣ мижчаамаг̇г̇ам̣ убзд̇и. висамам̣ гааяагаммам̣ абхирухад̇ийд̇и самасса бадибагкам̣ гааяад̣̇ужжарид̇асан̇каад̇ам̣ висамам̣ гааяагаммам̣ аарохад̇и. сзсзсуби зсзва наяо. нираяз ад̇д̇аанам̣ бхан̃ж̇ад̇ийд̇и нирассаад̣̇асан̇каад̇з нираяз ад̇д̇абхаавам̣ жун̣н̣авижун̣н̣ам̣ гарод̇и. мануссалогз ад̇д̇аанам̣ бхан̃ж̇ад̇ийд̇и вивид̇хагаммагааран̣авасзна бхан̃ж̇ад̇и. д̣̇звалогз ад̇д̇аанам̣ бхан̃ж̇ад̇ийд̇и бияавиббаяог̇аад̣̇ид̣̇угкавасзна. ж̇аад̇ибабаад̇амби бабад̇ад̇ийд̇и ж̇аад̇ибабаад̇зби баад̇зд̇и. ж̇араабабаад̇аад̣̇ийсуби зсзва наяо. мануссалогзд̇и ид̇ха ад̇хиббзд̇алогамзва д̣̇ассзд̇и.

    Bhantanti vibbhantaṃ. Adantanti dantabhāvaṃ anupanītaṃ. Akāritanti susikkhitakiriyaṃ asikkhāpitaṃ. Avinītanti na vinītaṃ ācārasampattiyā asikkhitaṃ. Uppathaṃ gaṇhātīti vuttappakāraṃ yānaṃ adantātiyuttaṃ bhantaṃ visamamaggaṃ upeti. Visamaṃ khāṇumpi pāsāṇampi abhiruhatīti visamaṃ hutvā ṭhitaṃ kharakhāṇumpi tathā pabbatapāsāṇampi ārohati. Yānampi ārohanakampi bhañjatīti vayhādiyānaṃ ārohantassa pājentassa hatthapādādimpi bhindati. Papātepi papatatīti ekatocchinnapabbhārapapātepi pāteti. So vibbhantakoti so paṭikkantako. Bhantayānapaṭibhāgoti anavaṭṭhitayānasadiso. Uppathaṃ gaṇhātīti kusalakammapathato paṭikkamitvā apāyapathabhūtaṃ uppathaṃ micchāmaggaṃ upeti. Visamaṃ kāyakammaṃ abhiruhatīti samassa paṭipakkhaṃ kāyaduccaritasaṅkhātaṃ visamaṃ kāyakammaṃ ārohati. Sesesupi eseva nayo. Niraye attānaṃ bhañjatīti nirassādasaṅkhāte niraye attabhāvaṃ cuṇṇavicuṇṇaṃ karoti. Manussaloke attānaṃ bhañjatīti vividhakammakāraṇavasena bhañjati. Devaloke attānaṃ bhañjatīti piyavippayogādidukkhavasena. Jātipapātampi papatatīti jātipapātepi pāteti. Jarāpapātādīsupi eseva nayo. Manussaloketi idha adhippetalokameva dasseti.

    бут̇уж̇ж̇анаад̇и нид̣̇д̣̇зсасса уд̣̇д̣̇зсабад̣̇ам̣. д̇ад̇т̇а бут̇уж̇ж̇анаад̇и –

    Puthujjanāti niddesassa uddesapadaṃ. Tattha puthujjanāti –

    бут̇уунам̣ ж̇ананаад̣̇ийхи, гааран̣зхи бут̇уж̇ж̇ано;

    Puthūnaṃ jananādīhi, kāraṇehi puthujjano;

    бут̇уж̇ж̇ананд̇ог̇ад̇хад̇д̇аа, бут̇увааяам̣ ж̇ано ид̇и.

    Puthujjanantogadhattā, puthuvāyaṃ jano iti.

    со хи бут̇уунам̣ наанаббагаараанам̣ гилзсаад̣̇ийнам̣ ж̇ананаад̣̇ийхиби гааран̣зхи бут̇уж̇ж̇ано. д̇ам̣ вибхааг̇ад̇о д̣̇ассзд̇ум̣ ‘‘бут̇у гилзсз ж̇анзнд̇ий’’д̇иаад̣̇имааха. д̇ад̇т̇а б̣ахуунам̣ наанаббагаараанам̣ саггааяад̣̇идтийнам̣ авихад̇ад̇д̇аа ваа д̇аа ж̇анзнд̇и, д̇аахи ж̇анид̇аад̇и ваа бут̇уж̇ж̇анаа. авихад̇амзвад̇т̇ам̣ ж̇анасад̣̇д̣̇о вад̣̇ад̇и. бут̇у сад̇т̇аараанам̣ мукуллогигаад̇и зд̇т̇а бут̇уу наанааж̇анаа сад̇т̇убадин̃н̃аа зд̇зсанд̇и бут̇уж̇ж̇анаад̇и важанад̇т̇о. бут̇у саб̣б̣аг̇ад̇ийхи авудтид̇аад̇и зд̇т̇а ж̇анзд̇аб̣б̣аа ж̇анаяанд̇и зд̇т̇аад̇и ж̇анаа, г̇ад̇ияо. бут̇уу ж̇анаа зд̇зсанд̇и бут̇уж̇ж̇анаа. ид̇о барз ж̇ааяанд̇и зд̇зхийд̇и ж̇анаа, абхисан̇каараад̣̇аяо. д̇з зд̇зсам̣ виж̇ж̇анд̇ийд̇и бут̇уж̇ж̇анаа. абхисан̇каран̣аад̣̇иад̇т̇о зва ваа ж̇анасад̣̇д̣̇о д̣̇адтаб̣б̣о. наанаасанд̇аабзхи санд̇абанд̇ийд̇и рааг̇аг̇г̇иаад̣̇аяо санд̇аабаа. д̇з зва ваа саб̣б̣зби ваа гилзсаа барил̣аахаа. бут̇у бан̃жасу гаамаг̇ун̣зсууд̇и зд̇т̇а ж̇ааяад̇ийд̇и ж̇ано, рааг̇о г̇зд̇ход̇и звамаад̣̇иго, бут̇у ж̇ано зд̇зсанд̇и бут̇уж̇ж̇анаа. бут̇у ж̇аад̇аа рад̇д̇аад̇и звам̣ рааг̇аад̣̇иад̇т̇о зва ваа ж̇анасад̣̇д̣̇о д̣̇адтаб̣б̣о. балиб̣уд̣̇д̇хаад̇и самб̣ад̣̇д̇хаа. аавуд̇аад̇и ааварид̇аа. нивуд̇аад̇и ваарид̇аа. овуд̇аад̇и убарид̇о бихид̇аа. бихид̇аад̇и хздтаабхааг̇зна бихид̇аа. бадижчаннаад̇и абаагадаа. бадигуж̇ж̇ид̇аад̇и ад̇хомукаг̇ад̇аа.

    So hi puthūnaṃ nānappakārānaṃ kilesādīnaṃ jananādīhipi kāraṇehi puthujjano. Taṃ vibhāgato dassetuṃ ‘‘puthu kilese janentī’’tiādimāha. Tattha bahūnaṃ nānappakārānaṃ sakkāyadiṭṭhīnaṃ avihatattā vā tā janenti, tāhi janitāti vā puthujjanā. Avihatamevatthaṃ janasaddo vadati. Puthu satthārānaṃ mukhullokikāti ettha puthū nānājanā satthupaṭiññā etesanti puthujjanāti vacanattho. Puthu sabbagatīhi avuṭṭhitāti ettha janetabbā janayanti etthāti janā, gatiyo. Puthū janā etesanti puthujjanā. Ito pare jāyanti etehīti janā, abhisaṅkhārādayo. Te etesaṃ vijjantīti puthujjanā. Abhisaṅkharaṇādiattho eva vā janasaddo daṭṭhabbo. Nānāsantāpehi santapantīti rāgaggiādayo santāpā. Te eva vā sabbepi vā kilesā pariḷāhā. Puthupañcasu kāmaguṇesūti ettha jāyatīti jano, rāgo gedhoti evamādiko, puthu jano etesanti puthujjanā. Puthu jātā rattāti evaṃ rāgādiattho eva vā janasaddo daṭṭhabbo. Palibuddhāti sambaddhā. Āvutāti āvaritā. Nivutāti vāritā. Ovutāti uparito pihitā. Pihitāti heṭṭhābhāgena pihitā. Paṭicchannāti apākaṭā. Paṭikujjitāti adhomukhagatā.

    ат̇а ваа бут̇уунам̣ ваа г̇ан̣анабат̇амад̇ийд̇аанам̣ арияад̇хаммабараммукаанам̣ нийжад̇хаммасамаажаараанам̣ ж̇анаанам̣ анд̇ог̇ад̇хад̇д̇ааби бут̇уж̇ж̇анаа. бут̇у ваа аяам̣ висум̣язва сан̇кам̣ г̇ад̇о, висам̣садто сийласуд̇аад̣̇иг̇ун̣аяуд̇д̇зхи ариязхи ж̇анод̇иби бут̇уж̇ж̇ано.

    Atha vā puthūnaṃ vā gaṇanapathamatītānaṃ ariyadhammaparammukhānaṃ nīcadhammasamācārānaṃ janānaṃ antogadhattāpi puthujjanā. Puthu vā ayaṃ visuṃyeva saṅkhaṃ gato, visaṃsaṭṭho sīlasutādiguṇayuttehi ariyehi janotipi puthujjano.

    звам̣ яз д̇з –

    Evaṃ ye te –

    ‘‘д̣̇увз бут̇уж̇ж̇анаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;

    ‘‘Duve puthujjanā vuttā, buddhenādiccabandhunā;

    анд̇хо бут̇уж̇ж̇ано зго, галяаан̣зго бут̇уж̇ж̇ано’’д̇и. –

    Andho puthujjano eko, kalyāṇeko puthujjano’’ti. –

    д̣̇взва бут̇уж̇ж̇анаа вуд̇д̇аа, д̇зсу анд̇хабут̇уж̇ж̇ано вуд̇д̇о ход̇ийд̇и взд̣̇ид̇аб̣б̣о.

    Dveva puthujjanā vuttā, tesu andhaputhujjano vutto hotīti veditabbo.

    52. яасо гид̇д̇и жаад̇и лаабхасаггааро басам̣саа жа. буб̣б̣зд̇и баб̣б̣аж̇ид̇абхаавз. хааяад̇з вааби д̇асса саад̇и д̇асса виб̣бханд̇агасса сад̇о со жа яасо саа жа гид̇д̇и хааяад̇и. зд̇амби д̣̇исваад̇и зд̇амби буб̣б̣з яасагид̇д̇ийнам̣ лаабхам̣ бажчаа жа хааним̣ д̣̇исваа. сигкзт̇а мзт̇унам̣ виббахаад̇авзд̇и д̇иссо сигкааяо сигкзт̇а. гим̣ гааран̣аа? мзт̇унам̣ виббахаад̇авз, мзт̇унаббахаанад̇т̇ааяаад̇и вуд̇д̇ам̣ ход̇и.

    52.Yaso kitti cāti lābhasakkāro pasaṃsā ca. Pubbeti pabbajitabhāve. Hāyate vāpi tassa sāti tassa vibbhantakassa sato so ca yaso sā ca kitti hāyati. Etampi disvāti etampi pubbe yasakittīnaṃ lābhaṃ pacchā ca hāniṃ disvā. Sikkhetha methunaṃ vippahātaveti tisso sikkhāyo sikkhetha. Kiṃ kāraṇā? Methunaṃ vippahātave, methunappahānatthāyāti vuttaṃ hoti.

    гид̇д̇иван̣н̣аг̇ад̇од̇и бхаг̇аваа гид̇д̇иван̣н̣о, гид̇д̇исад̣̇д̣̇ан̃жзва г̇ун̣ан̃жа угкибид̇ваа вад̣̇анд̇о ход̇ийд̇и ад̇т̇о. жид̇д̇ам̣ наанаанаязна гат̇анам̣ асса ад̇т̇ийд̇и жид̇д̇агат̇ий. галяаан̣абадибхаанод̇и сунд̣̇арабан̃н̃о.

    Kittivaṇṇagatoti bhagavā kittivaṇṇo, kittisaddañceva guṇañca ukkhipitvā vadanto hotīti attho. Cittaṃ nānānayena kathanaṃ assa atthīti cittakathī. Kalyāṇapaṭibhānoti sundarapañño.

    хааяад̇ийд̇и нид̣̇д̣̇зсасса уд̣̇д̣̇зсабад̣̇ам̣. барихааяад̇ийд̇и саманд̇ад̇о хааяад̇и. барид̇хам̣сад̇ийд̇и ад̇хобат̇авим̣ бад̇ад̇и. барибад̇ад̇ийд̇и саманд̇ад̇о абаг̇ажчад̇и. анд̇арад̇хааяад̇ийд̇и ад̣̇ассанам̣ яаад̇и. виббалуж̇ж̇ад̇ийд̇и ужчиж̇ж̇ад̇и.

    Hāyatīti niddesassa uddesapadaṃ. Parihāyatīti samantato hāyati. Paridhaṃsatīti adhopathaviṃ patati. Paripatatīti samantato apagacchati. Antaradhāyatīti adassanaṃ yāti. Vippalujjatīti ucchijjati.

    куд̣̇д̣̇аго сийлагканд̇ход̇и т̇уллажжаяаад̣̇и. маханд̇о сийлагканд̇ход̇и баарааж̇игасам̣н̇гхаад̣̇исзсо.

    Khuddako sīlakkhandhoti thullaccayādi. Mahanto sīlakkhandhoti pārājikasaṃṅghādiseso.

    мзт̇унад̇хаммасса бахаанааяаад̇и д̇ад̣̇ан̇г̇аад̣̇ибахаанзна баж̇аханад̇т̇ааяа. вуубасамааяаад̇и малаанам̣ вуубасаманад̇т̇ааяа. бадиниссаг̇г̇ааяаад̇и багканд̣̇анабарижжааг̇абадиниссаг̇г̇ад̇т̇ааяа. бадибассад̣̇д̇хияаад̇и бадибассад̣̇д̇хисан̇каад̇асса паласса ад̇т̇ааяа.

    Methunadhammassa pahānāyāti tadaṅgādipahānena pajahanatthāya. Vūpasamāyāti malānaṃ vūpasamanatthāya. Paṭinissaggāyāti pakkhandanapariccāgapaṭinissaggatthāya. Paṭipassaddhiyāti paṭipassaddhisaṅkhātassa phalassa atthāya.

    53. яо хи мзт̇унам̣ на виббаж̇ахад̇и сан̇габбзхи…бз… д̇ат̇аавид̇хо. д̇ад̇т̇а барзд̇од̇и саманнааг̇ад̇о. барзсам̣ ниг̇гхосанд̇и убаж̇жхааяаад̣̇ийнам̣ нинд̣̇ааважанам̣. ман̇гу ход̇ийд̇и д̣̇уммано ход̇и.

    53. Yo hi methunaṃ na vippajahati saṅkappehi…pe… tathāvidho. Tattha paretoti samannāgato. Paresaṃ nigghosanti upajjhāyādīnaṃ nindāvacanaṃ. Maṅku hotīti dummano hoti.

    гаамасан̇габбзнаад̇и гаамабадисам̣яуд̇д̇зна вид̇аггзна. убаридтзби зсзва наяо. пудтод̇и вид̇аггзхи пусид̇о. барзд̇од̇и абарихийно. самохид̇од̇и саммаа охид̇о анд̇о бавидто. габан̣о вияаад̇и д̣̇уг̇г̇ад̇амануссо вияа. манд̣̇о вияаад̇и ан̃н̃аан̣ий вияа. момуухо вияаад̇и саммохабхууд̇о вияа. жхааяад̇ийд̇и жинд̇зд̇и. баж̇жхааяад̇ийд̇и бхусам̣ жинд̇зд̇и. ниж̇жхааяад̇ийд̇и анзгавид̇хзна жинд̇зд̇и. абаж̇жхааяад̇ийд̇и д̇ад̇о абаг̇анд̇ваа жинд̇зд̇и. улуугод̇и улуугасагун̣о. ругкасаакааяанд̇и ругкз удтид̇асаакааяа, видабз ваа. муусигам̣ маг̇аяамаанод̇и муусигам̣ г̇авзсамаано, ‘‘маг̇г̇аяамаано’’д̇иби батанд̇и. год̇т̇ууд̇и син̇г̇аало. б̣ил̣аарод̇и б̣аб̣б̣у. санд̇хисамаласан̇гадирзд̇и д̣̇виннам̣ гхараанам̣ анд̇арз жа уд̣̇аганид̣̇д̇хаманажигкаллагажаваранигкибанадтаанз жа т̇ан̣д̣илз жа. вахажчиннод̇и бидтиг̇ийвамам̣сажчинно. ид̇о бараа г̇аат̇аа баагадасамб̣анд̇хаа зва.

    Kāmasaṅkappenāti kāmapaṭisaṃyuttena vitakkena. Upariṭṭhepi eseva nayo. Phuṭṭhoti vitakkehi phusito. Paretoti aparihīno. Samohitoti sammā ohito anto paviṭṭho. Kapaṇo viyāti duggatamanusso viya. Mando viyāti aññāṇī viya. Momūho viyāti sammohabhūto viya. Jhāyatīti cinteti. Pajjhāyatīti bhusaṃ cinteti. Nijjhāyatīti anekavidhena cinteti. Apajjhāyatīti tato apagantvā cinteti. Ulūkoti ulūkasakuṇo. Rukkhasākhāyanti rukkhe uṭṭhitasākhāya, viṭape vā. Mūsikaṃ magayamānoti mūsikaṃ gavesamāno, ‘‘maggayamāno’’tipi paṭhanti. Kotthūti siṅgālo. Biḷāroti babbu. Sandhisamalasaṅkaṭireti dvinnaṃ gharānaṃ antare ca udakaniddhamanacikkhallakacavaranikkhipanaṭṭhāne ca thaṇḍile ca. Vahacchinnoti piṭṭhigīvamaṃsacchinno. Ito parā gāthā pākaṭasambandhā eva.

    54. д̇аасу сад̇т̇аанийд̇и гааяад̣̇ужжарид̇аад̣̇ийни. д̇аани хи ад̇д̇ано барзсан̃жа чзд̣̇анадтзна ‘‘сад̇т̇ааний’’д̇и вужжанд̇и. д̇зсу вааяам̣ висзсзна д̇аава аад̣̇ид̇о мусааважанасад̇т̇аанзва гарод̇и, ‘‘иминаа гааран̣знаахам̣ виб̣бханд̇о’’д̇и бхан̣анд̇о. д̇знзвааха – ‘‘зса квасса махааг̇зд̇хо , мосаваж̇ж̇ам̣ баг̇аахад̇ий’’д̇и. д̇ад̇т̇а зса квассаад̇и зса ко асса. махааг̇зд̇ход̇и махааб̣анд̇ханам̣. гад̇амод̇и жз? яад̣̇ид̣̇ам̣ мосаваж̇ж̇ам̣ баг̇аахад̇и, свааяам̣ мусааваад̣̇аж̇жхог̇аахо ‘‘махааг̇зд̇хо’’д̇и взд̣̇ид̇аб̣б̣о.

    54. Tāsu satthānīti kāyaduccaritādīni. Tāni hi attano paresañca chedanaṭṭhena ‘‘satthānī’’ti vuccanti. Tesu vāyaṃ visesena tāva ādito musāvacanasatthāneva karoti, ‘‘iminā kāraṇenāhaṃ vibbhanto’’ti bhaṇanto. Tenevāha – ‘‘esa khvassa mahāgedho, mosavajjaṃ pagāhatī’’ti. Tattha esa khvassāti esa kho assa. Mahāgedhoti mahābandhanaṃ. Katamoti ce? Yadidaṃ mosavajjaṃ pagāhati, svāyaṃ musāvādajjhogāho ‘‘mahāgedho’’ti veditabbo.

    д̇ийн̣и сад̇т̇аанийд̇и д̇аяо чзд̣̇агаа. гааяад̣̇ужжарид̇ам̣ гааяасад̇т̇ам̣. важийсад̇т̇аад̣̇ийсуби зсзва наяо. д̇ам̣ вибхааг̇ад̇о д̣̇ассзд̇ум̣ ‘‘д̇ивид̇хам̣ гааяад̣̇ужжарид̇ам̣ гааяасад̇т̇а’’нд̇и ааха. самбаж̇аанамусаа бхаасад̇ийд̇и ж̇аананд̇о д̇ужчам̣ ваажам̣ бхаасад̇и. абхирад̇о ахам̣ бханд̇з ахосим̣ баб̣б̣аж̇ж̇ааяаад̇и саасанз баб̣б̣аж̇ж̇ааяа анабхирад̇ивирахид̇о ахам̣ аасим̣. маад̇аа мз босзд̇аб̣б̣аад̇и маад̇аа маяаа босзд̇аб̣б̣аа. д̇знамхи виб̣бханд̇од̇и бхан̣ад̇ийд̇и д̇зна гааран̣зна бадигганд̇о асмийд̇иби гат̇зд̇и. бид̇аа мз босзд̇аб̣б̣од̇иаад̣̇ийсуби зсзва наяо.

    Tīṇi satthānīti tayo chedakā. Kāyaduccaritaṃ kāyasatthaṃ. Vacīsatthādīsupi eseva nayo. Taṃ vibhāgato dassetuṃ ‘‘tividhaṃ kāyaduccaritaṃ kāyasattha’’nti āha. Sampajānamusā bhāsatīti jānanto tucchaṃ vācaṃ bhāsati. Abhirato ahaṃ bhante ahosiṃ pabbajjāyāti sāsane pabbajjāya anabhirativirahito ahaṃ āsiṃ. Mātā me posetabbāti mātā mayā posetabbā. Tenamhi vibbhantoti bhaṇatīti tena kāraṇena paṭikkanto asmītipi katheti. Pitā me posetabbotiādīsupi eseva nayo.

    зсо д̇асса махааг̇зд̇ход̇и д̇асса буг̇г̇аласса зсо махааб̣анд̇хо. махаавананд̇и маханд̇ам̣ д̣̇удтаванам̣. г̇ахананд̇и д̣̇урад̇иггамам̣. ганд̇аарод̇и жораганд̇аараад̣̇исад̣̇исо. висамод̇и ган̣дагависамо. гудилод̇и ван̇гагадагасад̣̇исо. бан̇год̇и баллаласад̣̇исо. балибод̇и гад̣̇д̣̇амасад̣̇исо. балиб̣од̇ход̇и махаад̣̇угко. махааб̣анд̇хананд̇и маханд̇ам̣ д̣̇уможаяаб̣анд̇ханам̣. яад̣̇ид̣̇ам̣ самбаж̇аанамусааваад̣̇од̇и яо аяам̣ самбаж̇аанамусааваад̣̇о.

    Eso tassa mahāgedhoti tassa puggalassa eso mahābandho. Mahāvananti mahantaṃ duṭṭhavanaṃ. Gahananti duratikkamaṃ. Kantāroti corakantārādisadiso. Visamoti kaṇṭakavisamo. Kuṭiloti vaṅkakaṭakasadiso. Paṅkoti pallalasadiso. Palipoti kaddamasadiso. Palibodhoti mahādukkho. Mahābandhananti mahantaṃ dumocayabandhanaṃ. Yadidaṃ sampajānamusāvādoti yo ayaṃ sampajānamusāvādo.

    сабхаг̇г̇ад̇о ваад̇и сабхааяам̣ тид̇о ваа. барисаг̇г̇ад̇о ваад̇и г̇аамабарисааяам̣ тид̇о ваа. н̃аад̇имаж̇жхаг̇ад̇о ваад̇и д̣̇ааяаад̣̇аанам̣ маж̇жхз тид̇о ваа. бууг̇амаж̇жхаг̇ад̇о ваад̇и сзнийнам̣ маж̇жхз тид̇о ваа. рааж̇агуламаж̇жхаг̇ад̇о ваад̇и рааж̇агуласса маж̇жхз махаавинижчаяз тид̇о ваа. абхинийд̇од̇и бужчанад̇т̇ааяа нийд̇о. сагкибудтод̇и сагким̣ гад̇ваа бужчид̇о. зхамбхо бурисаад̇и аалабанамзд̇ам̣. ад̇д̇ахзд̇у ваа барахзд̇у ваад̇и ад̇д̇ано ваа барасса ваа хад̇т̇абаад̣̇аад̣̇ихзд̇у ваа д̇ханахзд̇у ваа. аамисагин̃жигкахзд̇у ваад̇и зд̇т̇а аамисанд̇и лаабхо ад̇хиббзд̇о. гин̃жигканд̇и яам̣ ваа д̇ам̣ ваа аббамад̇д̇агам̣, анд̇амасо д̇ид̇д̇ираваддагасаббибин̣д̣анаванийд̇абин̣д̣аад̣̇имад̇д̇агассаби лаабхасса хзд̇ууд̇и ад̇т̇о. самбаж̇аанамусаа бхаасад̇ийд̇и ж̇аананд̇оязва мусааваад̣̇ам̣ гарод̇и.

    Sabhaggato vāti sabhāyaṃ ṭhito vā. Parisaggato vāti gāmaparisāyaṃ ṭhito vā. Ñātimajjhagato vāti dāyādānaṃ majjhe ṭhito vā. Pūgamajjhagato vāti senīnaṃ majjhe ṭhito vā. Rājakulamajjhagato vāti rājakulassa majjhe mahāvinicchaye ṭhito vā. Abhinītoti pucchanatthāya nīto. Sakkhipuṭṭhoti sakkhiṃ katvā pucchito. Ehambho purisāti ālapanametaṃ. Attahetu vā parahetu vāti attano vā parassa vā hatthapādādihetu vā dhanahetu vā. Āmisakiñcikkhahetu vāti ettha āmisanti lābho adhippeto. Kiñcikkhanti yaṃ vā taṃ vā appamattakaṃ, antamaso tittiravaṭṭakasappipiṇḍanavanītapiṇḍādimattakassapi lābhassa hetūti attho. Sampajānamusā bhāsatīti jānantoyeva musāvādaṃ karoti.

    буна ан̃н̃ам̣ барияааяам̣ д̣̇ассзнд̇о ‘‘аби жа д̇ийхаагаарзхи мусааваад̣̇о ход̇и, буб̣б̣звасса ход̇ий’’д̇иаад̣̇имааха. д̇ад̇т̇а д̇ийхаагаарзхийд̇и самбаж̇аанамусааваад̣̇асса ан̇г̇абхууд̇зхи д̇ийхи гааран̣зхи. буб̣б̣звасса ход̇ийд̇и буб̣б̣абхааг̇зязва асса буг̇г̇аласса звам̣ ход̇и ‘‘мусаа бхан̣исса’’нд̇и. бхан̣анд̇асса ход̇ийд̇и бхан̣амаанасса ход̇и. бхан̣ид̇асса ход̇ийд̇и бхан̣ид̇з асса ход̇и. яам̣ вад̇д̇аб̣б̣ам̣ д̇асмим̣ вуд̇д̇з ход̇ийд̇и ад̇т̇о. ат̇а ваа бхан̣ид̇ассаад̇и вуд̇д̇авад̇о нидтид̇аважанасса ход̇ийд̇и. яо звам̣ буб̣б̣абхааг̇зби ж̇аанаад̇и, бхан̣анд̇оби ж̇аанаад̇и, бажчааби ж̇аанаад̇и ‘‘мусаа маяаа бхан̣ид̇а’’нд̇и, со звам̣ вад̣̇анд̇о мусааваад̣̇агаммунаа б̣аж̇жхад̇ийд̇и аяамзд̇т̇а ад̇т̇о д̣̇ассид̇о. гин̃жааби д̣̇ассид̇о, ат̇а ко аяамзд̇т̇а висзсо – бужчаа д̇аава ход̇и, ‘‘мусаа бхан̣исса’’нд̇и буб̣б̣абхааг̇о ад̇т̇и, ‘‘мусаа маяаа бхан̣ид̇а’’нд̇и бажчаабхааг̇о над̇т̇и. вуд̇д̇амад̇д̇амзва хи гожи бамуссад̇и гим̣ д̇асса мусааваад̣̇о ход̇и, на ход̇ийд̇и? саа звам̣ адтагат̇аасу виссаж̇ж̇ид̇аа – буб̣б̣абхааг̇з ‘‘мусаа бхан̣исса’’нд̇и жа, бхан̣анд̇асса ‘‘мусаа бхан̣аамий’’д̇и жа ж̇аанад̇о бажчаабхааг̇з ‘‘мусаа маяаа бхан̣ид̇а’’нд̇и на саггаа на бхавид̇ум̣, сажзби на ход̇и, мусааваад̣̇оязва. буримамзва хи ан̇г̇ад̣̇ваяам̣ бамаан̣ам̣. яассааби буб̣б̣абхааг̇з ‘‘мусаа бхан̣исса’’нд̇и аабхог̇о над̇т̇и, бхан̣анд̇о бана ‘‘мусаа бхан̣аамий’’д̇и ж̇аанаад̇и. бхан̣ид̇зби ‘‘мусаа маяаа бхан̣ид̇а’’нд̇и ж̇аанаад̇и. со мусааваад̣̇зна на гаарзд̇аб̣б̣о. буб̣б̣абхааг̇о хи бамаан̣ад̇аро. д̇асмим̣ асад̇и д̣̇аваа бхан̣ид̇ам̣ ваа, раваа бхан̣ид̇ам̣ ваа ход̇ийд̇и.

    Puna aññaṃ pariyāyaṃ dassento ‘‘api ca tīhākārehi musāvādo hoti, pubbevassa hotī’’tiādimāha. Tattha tīhākārehīti sampajānamusāvādassa aṅgabhūtehi tīhi kāraṇehi. Pubbevassahotīti pubbabhāgeyeva assa puggalassa evaṃ hoti ‘‘musā bhaṇissa’’nti. Bhaṇantassa hotīti bhaṇamānassa hoti. Bhaṇitassa hotīti bhaṇite assa hoti. Yaṃ vattabbaṃ tasmiṃ vutte hotīti attho. Atha vā bhaṇitassāti vuttavato niṭṭhitavacanassa hotīti. Yo evaṃ pubbabhāgepi jānāti, bhaṇantopi jānāti, pacchāpi jānāti ‘‘musā mayā bhaṇita’’nti, so evaṃ vadanto musāvādakammunā bajjhatīti ayamettha attho dassito. Kiñcāpi dassito, atha kho ayamettha viseso – pucchā tāva hoti, ‘‘musā bhaṇissa’’nti pubbabhāgo atthi, ‘‘musā mayā bhaṇita’’nti pacchābhāgo natthi. Vuttamattameva hi koci pamussati kiṃ tassa musāvādo hoti, na hotīti? Sā evaṃ aṭṭhakathāsu vissajjitā – pubbabhāge ‘‘musā bhaṇissa’’nti ca, bhaṇantassa ‘‘musā bhaṇāmī’’ti ca jānato pacchābhāge ‘‘musā mayā bhaṇita’’nti na sakkā na bhavituṃ, sacepi na hoti, musāvādoyeva. Purimameva hi aṅgadvayaṃ pamāṇaṃ. Yassāpi pubbabhāge ‘‘musā bhaṇissa’’nti ābhogo natthi, bhaṇanto pana ‘‘musā bhaṇāmī’’ti jānāti. Bhaṇitepi ‘‘musā mayā bhaṇita’’nti jānāti. So musāvādena na kāretabbo. Pubbabhāgo hi pamāṇataro. Tasmiṃ asati davā bhaṇitaṃ vā, ravā bhaṇitaṃ vā hotīti.

    зд̇т̇а жа д̇ам̣н̃аан̣ад̇аа жа н̃аан̣асамод̇хаанан̃жа барижжаж̇ид̇аб̣б̣ам̣. д̇ам̣н̃аан̣ад̇аа барижжаж̇ид̇аб̣б̣аад̇и язна жид̇д̇зна ‘‘мусаа бхан̣исса’’нд̇и ж̇аанаад̇и, д̇знзва ‘‘мусаа бхан̣аамий’’д̇и жа, ‘‘мусаа маяаа бхан̣ид̇а’’нд̇и жа ж̇аанаад̇ийд̇и звам̣ згажид̇д̇знзва д̇ийсу кан̣зсу ж̇аанаад̇ийд̇и аяам̣ д̇ам̣н̃аан̣ад̇аа барижжаж̇ид̇аб̣б̣аа. на хи саггаа д̇знзва жид̇д̇зна д̇ам̣ жид̇д̇ам̣ ж̇аанид̇ум̣, яат̇аа на саггаа д̇знзва асинаа со аси чинд̣̇ид̇унд̇и. буримам̣ буримам̣ бана жид̇д̇ам̣ бажчимасса бажчимасса жид̇д̇асса д̇ат̇аа уббад̇д̇ияаа бажжаяо худ̇ваа нируж̇жхад̇и. д̇знзд̇ам̣ вужжад̇и –

    Ettha ca taṃñāṇatā ca ñāṇasamodhānañca pariccajitabbaṃ. Taṃñāṇatā pariccajitabbāti yena cittena ‘‘musā bhaṇissa’’nti jānāti, teneva ‘‘musā bhaṇāmī’’ti ca, ‘‘musā mayā bhaṇita’’nti ca jānātīti evaṃ ekacitteneva tīsu khaṇesu jānātīti ayaṃ taṃñāṇatā pariccajitabbā. Na hi sakkā teneva cittena taṃ cittaṃ jānituṃ, yathā na sakkā teneva asinā so asi chinditunti. Purimaṃ purimaṃ pana cittaṃ pacchimassa pacchimassa cittassa tathā uppattiyā paccayo hutvā nirujjhati. Tenetaṃ vuccati –

    ‘‘бамаан̣ам̣ буб̣б̣абхааг̇ова, д̇асмим̣ сад̇и на хзссад̇и;

    ‘‘Pamāṇaṃ pubbabhāgova, tasmiṃ sati na hessati;

    сзсад̣̇ваяанд̇и над̇т̇зд̇а, мид̇и ваажаа д̇иван̇г̇игаа’’д̇и. (баараа. адта. 2.200);

    Sesadvayanti nattheta, miti vācā tivaṅgikā’’ti. (pārā. aṭṭha. 2.200);

    н̃аан̣асамод̇хаанам̣ барижжаж̇ид̇аб̣б̣анд̇и зд̇аани д̇ийн̣и жид̇д̇аани згагкан̣з уббаж̇ж̇анд̇ийд̇и на г̇ахзд̇аб̣б̣аани. ид̣̇ан̃хи жид̇д̇ам̣ наама –

    Ñāṇasamodhānaṃ pariccajitabbanti etāni tīṇi cittāni ekakkhaṇe uppajjantīti na gahetabbāni. Idañhi cittaṃ nāma –

    ‘‘анируд̣̇д̇хамхи батамз, на уббаж̇ж̇ад̇и бажчимам̣;

    ‘‘Aniruddhamhi paṭhame, na uppajjati pacchimaṃ;

    ниранд̇аруббаж̇ж̇анад̇о, згам̣ вияа багаасад̇ий’’д̇и. (баараа. адта. 2.200);

    Nirantaruppajjanato, ekaṃ viya pakāsatī’’ti. (pārā. aṭṭha. 2.200);

    ид̇о барам̣ бана явааяам̣ аж̇аанам̣язва ‘‘ж̇аанаамий’’д̇иаад̣̇инаа наязна самбаж̇аанамусаа бхан̣ад̇и, яасмаа со ‘‘ид̣̇ам̣ абхууд̇а’’нд̇и звам̣д̣̇идтиго ход̇и, д̇асса хи ад̇т̇зва аяам̣ лад̣̇д̇хи. д̇ат̇аа ‘‘ид̣̇ам̣ абхууд̇а’’нд̇и звамасса камад̇и жзва ружжад̇и жа. звамасса сан̃н̃аа, звам̣сабхаавамзва жасса жид̇д̇ам̣ ‘‘ид̣̇ам̣ абхууд̇а’’нд̇и. яад̣̇аа бана мусаа вад̇д̇угаамо ход̇и, д̇ад̣̇аа д̇ам̣ д̣̇идтим̣ ваа д̣̇идтияаа саха канд̇им̣ ваа д̣̇идтиканд̇ийхи сад̣̇д̇хим̣ ружим̣ ваа д̣̇идтиканд̇иружийхи сад̣̇д̇хим̣ сан̃н̃ам̣ ваа д̣̇идтиканд̇иружисан̃н̃аахи сад̣̇д̇хим̣ бхаавам̣ ваа винид̇хааяа нигкибид̇ваа бадижчаад̣̇зд̇ваа абхууд̇ам̣ гад̇ваа бхан̣ад̇и. д̇асмаа д̇зсамбивасзна ан̇г̇абхзд̣̇ам̣ д̣̇ассзд̇ум̣ ‘‘аби жа жад̇уухаагаарзхий’’д̇иаад̣̇и вуд̇д̇ам̣.

    Ito paraṃ pana yvāyaṃ ajānaṃyeva ‘‘jānāmī’’tiādinā nayena sampajānamusā bhaṇati, yasmā so ‘‘idaṃ abhūta’’nti evaṃdiṭṭhiko hoti, tassa hi attheva ayaṃ laddhi. Tathā ‘‘idaṃ abhūta’’nti evamassa khamati ceva ruccati ca. Evamassa saññā, evaṃsabhāvameva cassa cittaṃ ‘‘idaṃ abhūta’’nti. Yadā pana musā vattukāmo hoti, tadā taṃ diṭṭhiṃ vā diṭṭhiyā saha khantiṃ vā diṭṭhikhantīhi saddhiṃ ruciṃ vā diṭṭhikhantirucīhi saddhiṃ saññaṃ vā diṭṭhikhantirucisaññāhi saddhiṃ bhāvaṃ vā vinidhāya nikkhipitvā paṭicchādetvā abhūtaṃ katvā bhaṇati. Tasmā tesampivasena aṅgabhedaṃ dassetuṃ ‘‘api ca catūhākārehī’’tiādi vuttaṃ.

    зд̇т̇а жа винид̇хааяа д̣̇идтинд̇и б̣алавад̇хаммавинид̇хаанавасзнзд̇ам̣ вуд̇д̇ам̣. винид̇хааяа канд̇инд̇иаад̣̇ийни д̇ад̇о д̣̇уб̣б̣алад̣̇уб̣б̣алаанам̣ винид̇хаанавасзна. винид̇хааяа сан̃н̃анд̇и ид̣̇ам̣ банзд̇т̇а саб̣б̣ад̣̇уб̣б̣алад̇хаммавинид̇хаанавасзна. сан̃н̃аамад̇д̇амби наама авинид̇хааяа самбаж̇аанамусаа бхаасиссад̇ийд̇и нзд̇ам̣ таанам̣ виж̇ж̇ад̇и.

    Ettha ca vinidhāya diṭṭhinti balavadhammavinidhānavasenetaṃ vuttaṃ. Vinidhāya khantintiādīni tato dubbaladubbalānaṃ vinidhānavasena. Vinidhāya saññanti idaṃ panettha sabbadubbaladhammavinidhānavasena. Saññāmattampi nāma avinidhāya sampajānamusā bhāsissatīti netaṃ ṭhānaṃ vijjati.

    55. манд̣̇ова баригиссад̇ийд̇и баан̣авад̇хаад̣̇ийни гаронд̇о д̇ад̇онид̣̇аанан̃жа д̣̇угкаманубхонд̇о бхог̇абариязсанаарагкан̣аани жа гаронд̇о момуухо вияа баригилиссад̇и.

    55.Mandova parikissatīti pāṇavadhādīni karonto tatonidānañca dukkhamanubhonto bhogapariyesanārakkhaṇāni ca karonto momūho viya parikilissati.

    д̇амзнам̣ рааж̇аано г̇ахзд̇ваа вивид̇хаа гаммагааран̣аа гаарзнд̇ийд̇и на рааж̇аано гаронд̇и, рааж̇аад̇хийнабурисаа наанаавид̇хаани гаммагааран̣аани гаронд̇и. гасаахиби д̇аал̣знд̇ийд̇и гасаад̣̇ан̣д̣агзхиби вид̇аж̇ж̇знд̇и. взд̇д̇зхийд̇и взд̇д̇алад̇аахи. ад̣̇д̇хад̣̇ан̣д̣агзхийд̇и муг̇г̇арзхи, бахаарасаад̇ханад̇т̇ам̣ ваа жад̇ухад̇т̇ад̣̇ан̣д̣ам̣ д̣̇взд̇хаа чзд̇ваа г̇ахид̇ад̣̇ан̣д̣агзхи. б̣илан̇г̇ат̇аалиганд̇и ган̃ж̇ияаугкалигагаммагааран̣ам̣. д̇ам̣ гаронд̇аа сийсагабаалам̣ уббаадзд̇ваа д̇ад̇д̇ам̣ аяог̇ул̣ам̣ сан̣д̣аасзна г̇ахзд̇ваа д̇ад̇т̇а багкибанд̇и, д̇зна мад̇т̇алун̇г̇ам̣ баггудтид̇ваа убари уд̇д̇арад̇и. сан̇камун̣д̣иганд̇и сан̇камун̣д̣агаммагааран̣ам̣. д̇ам̣ гаронд̇аа уд̇д̇ародтаубхад̇оган̣н̣ажуул̣игаг̇алаваадагабарижчзд̣̇зна жаммам̣ чинд̣̇ид̇ваа саб̣б̣агзсз згад̇о г̇ан̣тим̣ гад̇ваа д̣̇ан̣д̣агзна взтзд̇ваа уббаадзнд̇и, саха гзсзхи жаммам̣ удтахад̇и. д̇ад̇о сийсагадаахам̣ т̇ууласагкараахи гхам̣сид̇ваа д̇хованд̇аа сан̇каван̣н̣ам̣ гаронд̇и. раахумуканд̇и раахумукагаммагааран̣ам̣. д̇ам̣ гаронд̇аа сан̇гунаа мукам̣ виварид̇ваа анд̇омукз д̣̇ийбам̣ ж̇аалзнд̇и, ган̣н̣ажуул̣игаахи ваа бадтааяа мукам̣ никаад̣̇анзна кананд̇и, лохид̇ам̣ баг̇гхарид̇ваа мукам̣ буурзд̇и.

    Tamenaṃ rājāno gahetvā vividhā kammakāraṇā kārentīti na rājāno karonti, rājādhīnapurisā nānāvidhāni kammakāraṇāni karonti. Kasāhipitāḷentīti kasādaṇḍakehipi vitajjenti. Vettehīti vettalatāhi. Addhadaṇḍakehīti muggarehi, pahārasādhanatthaṃ vā catuhatthadaṇḍaṃ dvedhā chetvā gahitadaṇḍakehi. Bilaṅgathālikanti kañjiyaukkhalikakammakāraṇaṃ. Taṃ karontā sīsakapālaṃ uppāṭetvā tattaṃ ayoguḷaṃ saṇḍāsena gahetvā tattha pakkhipanti, tena matthaluṅgaṃ pakkuṭṭhitvā upari uttarati. Saṅkhamuṇḍikanti saṅkhamuṇḍakammakāraṇaṃ. Taṃ karontā uttaroṭṭhaubhatokaṇṇacūḷikagalavāṭakaparicchedena cammaṃ chinditvā sabbakese ekato gaṇṭhiṃ katvā daṇḍakena veṭhetvā uppāṭenti, saha kesehi cammaṃ uṭṭhahati. Tato sīsakaṭāhaṃ thūlasakkharāhi ghaṃsitvā dhovantā saṅkhavaṇṇaṃ karonti. Rāhumukhanti rāhumukhakammakāraṇaṃ. Taṃ karontā saṅkunā mukhaṃ vivaritvā antomukhe dīpaṃ jālenti, kaṇṇacūḷikāhi vā paṭṭhāya mukhaṃ nikhādanena khananti, lohitaṃ paggharitvā mukhaṃ pūreti.

    ж̇од̇имаалиганд̇и сагаласарийрам̣ д̇злабилод̇игааяа взтзд̇ваа аалимбзнд̇и. хад̇т̇абаж̇ж̇од̇иганд̇и хад̇т̇з д̇злабилод̇игааяа взтзд̇ваа д̣̇ийбам̣ вияа баж̇ж̇аалзнд̇и. зрагавад̇д̇иганд̇и зрагавад̇д̇агаммагааран̣ам̣. д̇ам̣ гаронд̇аа хздтааг̇ийвад̇о бадтааяа жаммаваддз ганд̇ид̇ваа г̇обпагз баад̇знд̇и. ат̇а нам̣ яод̇д̇зхи б̣анд̇хид̇ваа гад̣дханд̇и. со ад̇д̇ано жаммаваддз аггамид̇ваа аггамид̇ваа бад̇ад̇и. жирагаваасиганд̇и жирагаваасигагаммагааран̣ам̣. д̇ам̣ гаронд̇аа д̇ат̇зва жаммаваддз ганд̇ид̇ваа гадияам̣ табзнд̇и, гадид̇о бадтааяа ганд̇ид̇ваа г̇обпагзсу табзнд̇и, убаримзхи хздтимасарийрам̣ жираганиваасананивад̇т̇ам̣ вияа ход̇и. зн̣зяяаганд̇и зн̣зяяагагаммагааран̣ам̣. д̇ам̣ гаронд̇аа убхосу габбарзсу жа убхосу ж̇ан̣н̣угзсу жа аяавалаяаани д̣̇ад̇ваа аяасуулаани годдзнд̇и, со жад̇уухи аяасуулзхи бхуумияам̣ бад̇идтахад̇и. ат̇а нам̣ бариваарзд̇ваа аг̇г̇им̣ гаронд̇и. ‘‘зн̣зяяаго ж̇од̇ибариг̇г̇ахо яат̇аа’’д̇и ааг̇ад̇адтаанзби ид̣̇амзва вуд̇д̇ам̣. д̇ам̣ санд̇хид̇о санд̇хид̇о суулаани абанзд̇ваа жад̇уухи адтигодийхиязва табзнд̇и. зваруубаа гаммагааран̣аа наама над̇т̇и.

    Jotimālikanti sakalasarīraṃ telapilotikāya veṭhetvā ālimpenti. Hatthapajjotikanti hatthe telapilotikāya veṭhetvā dīpaṃ viya pajjālenti. Erakavattikanti erakavattakammakāraṇaṃ. Taṃ karontā heṭṭhāgīvato paṭṭhāya cammavaṭṭe kantitvā gopphake pātenti. Atha naṃ yottehi bandhitvā kaḍḍhanti. So attano cammavaṭṭe akkamitvā akkamitvā patati. Cirakavāsikanti cirakavāsikakammakāraṇaṃ. Taṃ karontā tatheva cammavaṭṭe kantitvā kaṭiyaṃ ṭhapenti, kaṭito paṭṭhāya kantitvā gopphakesu ṭhapenti, uparimehi heṭṭhimasarīraṃ cirakanivāsananivatthaṃ viya hoti. Eṇeyyakanti eṇeyyakakammakāraṇaṃ. Taṃ karontā ubhosu kapparesu ca ubhosu jaṇṇukesu ca ayavalayāni datvā ayasūlāni koṭṭenti, so catūhi ayasūlehi bhūmiyaṃ patiṭṭhahati. Atha naṃ parivāretvā aggiṃ karonti. ‘‘Eṇeyyako jotipariggaho yathā’’ti āgataṭṭhānepi idameva vuttaṃ. Taṃ sandhito sandhito sūlāni apanetvā catūhi aṭṭhikoṭīhiyeva ṭhapenti. Evarūpā kammakāraṇā nāma natthi.

    б̣ал̣исамам̣сиганд̇и убхад̇омукзхи б̣ал̣исзхи бахарид̇ваа жаммамам̣санхаарууни уббаадзнд̇и. гахаабан̣иганд̇и сагаласарийрам̣ д̇ин̣хаахи ваасийхи годид̇о бадтааяа гахаабан̣амад̇д̇ам̣ гахаабан̣амад̇д̇ам̣ баад̇знд̇аа годдзнд̇и. каараабад̇ажчиганд̇и сарийрам̣ д̇ад̇т̇а д̇ад̇т̇а аавуд̇хзхи бахарид̇ваа гожчзхи каарам̣ гхам̣сзнд̇и, жаммамам̣санхаарууни баг̇гхарид̇ваа басаванд̇и, адтигасан̇калигаава д̇идтад̇и. балигхабаривад̇д̇иганд̇и згзна бассзна нибаж̇ж̇аабзд̇ваа ган̣н̣ажчид̣̇д̣̇зна аяасуулам̣ годдзд̇ваа бат̇авияаа згааб̣ад̣̇д̇хам̣ гаронд̇и. ат̇а нам̣ баад̣̇з г̇ахзд̇ваа аавин̃чанд̇и. балаалабийтаганд̇и чзгаа гааран̣игаа чавижаммам̣ ажчинд̣̇ид̇ваа нисад̣̇абод̇агаахи адтийни чинд̣̇ид̇ваа гзсзсу г̇ахзд̇ваа угкибанд̇и, мам̣сараасиязва ход̇и. ат̇а нам̣ гзсзхзва барияонанд̇хид̇ваа г̇ан̣ханд̇и, балаалабийтам̣ вияа гад̇ваа баливзтзнд̇и. сунакзхибийд̇и гад̇ибаяаани д̣̇ивасаани аахаарам̣ ад̣̇ад̇ваа чаад̇асунакзхи каад̣̇аабзнд̇и. д̇з мухуд̇д̇зна адтисан̇калигамзва гаронд̇и. звамби гиссад̇ийд̇и звамби вигхаад̇ам̣ баабун̣аад̇и. баригиссад̇ийд̇и саб̣б̣абхааг̇зна вигхаад̇ам̣ баабун̣аад̇и. баригилиссад̇ийд̇и убад̇аабам̣ баабун̣аад̇и.

    Baḷisamaṃsikanti ubhatomukhehi baḷisehi paharitvā cammamaṃsanhārūni uppāṭenti. Kahāpaṇikanti sakalasarīraṃ tiṇhāhi vāsīhi koṭito paṭṭhāya kahāpaṇamattaṃ kahāpaṇamattaṃ pātentā koṭṭenti. Khārāpatacchikanti sarīraṃ tattha tattha āvudhehi paharitvā kocchehi khāraṃ ghaṃsenti, cammamaṃsanhārūni paggharitvā pasavanti, aṭṭhikasaṅkhalikāva tiṭṭhati. Palighaparivattikanti ekena passena nipajjāpetvā kaṇṇacchiddena ayasūlaṃ koṭṭetvā pathaviyā ekābaddhaṃ karonti. Atha naṃ pāde gahetvā āviñchanti. Palālapīṭhakanti chekā kāraṇikā chavicammaṃ acchinditvā nisadapotakāhi aṭṭhīni chinditvā kesesu gahetvā ukkhipanti, maṃsarāsiyeva hoti. Atha naṃ keseheva pariyonandhitvā gaṇhanti, palālapīṭhaṃ viya katvā paliveṭhenti. Sunakhehipīti katipayāni divasāni āhāraṃ adatvā chātasunakhehi khādāpenti. Te muhuttena aṭṭhisaṅkhalikameva karonti. Evampi kissatīti evampi vighātaṃ pāpuṇāti. Parikissatīti sabbabhāgena vighātaṃ pāpuṇāti. Parikilissatīti upatāpaṃ pāpuṇāti.

    буна ан̃н̃ам̣ гааран̣ам̣ д̣̇ассзнд̇о ‘‘ат̇а ваа гаамад̇ан̣хааяа абхибхууд̇о’’д̇иаад̣̇имааха. д̇ад̇т̇а гаамад̇ан̣хааяаад̇и бан̃жагаамаг̇ун̣игалобхзна. абхибхууд̇од̇и д̇зна мад̣̇д̣̇ид̇о. барияаад̣̇иннажид̇д̇од̇и гусалаажаарам̣ кзбзд̇ваа г̇ахид̇ажид̇д̇о. бхог̇з бариязсанд̇од̇и д̇ханам̣ г̇авзсамаано. наавааяа махаасамуд̣̇д̣̇ам̣ багканд̣̇ад̇ийд̇и д̇аран̣ийсан̇каад̇ааяа наавааяа маханд̇ам̣ лон̣асааг̇арам̣ бависад̇и. сийд̇асса бурагкад̇од̇и сийд̇ам̣ бурад̇о гад̇ваа. ун̣хасса бурагкад̇од̇и ун̣хам̣ бурад̇о гад̇ваа. д̣ам̣саад̇и бин̇г̇аламагкигаа. магасаад̇и магасаа зва. бийл̣ияамаанод̇и д̣ам̣саад̣̇исампассзхи вихзсияамаано. куббибаасааяа мияяамаанод̇и куд̣̇д̣̇аабибаасааяа марамаано. д̇иг̇умб̣ам̣ г̇ажчад̇ийд̇иаад̣̇ийни муулабад̣̇ам̣ г̇ажчад̇ийд̇ибарияосаанаани жад̇увийсад̇и бад̣̇аани радтанаамзна вуд̇д̇аани. маруганд̇аарам̣ г̇ажчад̇ийд̇и ваалугаганд̇аарам̣ д̇аарагасан̃н̃ааяа г̇ажчад̇и . ж̇ан̣н̣убат̇анд̇и ж̇аан̣уухи г̇анд̇аб̣б̣амаг̇г̇ам̣. аж̇абат̇анд̇и аж̇зхи г̇анд̇аб̣б̣амаг̇г̇ам̣. мзн̣д̣абат̇зби зсзва наяо.

    Puna aññaṃ kāraṇaṃ dassento ‘‘atha vā kāmataṇhāya abhibhūto’’tiādimāha. Tattha kāmataṇhāyāti pañcakāmaguṇikalobhena. Abhibhūtoti tena maddito. Pariyādinnacittoti kusalācāraṃ khepetvā gahitacitto. Bhoge pariyesantoti dhanaṃ gavesamāno. Nāvāya mahāsamuddaṃ pakkhandatīti taraṇīsaṅkhātāya nāvāya mahantaṃ loṇasāgaraṃ pavisati. Sītassa purakkhatoti sītaṃ purato katvā. Uṇhassa purakkhatoti uṇhaṃ purato katvā. Ḍaṃsāti piṅgalamakkhikā. Makasāti makasā eva. Pīḷiyamānoti ḍaṃsādisamphassehi vihesiyamāno. Khuppipāsāya miyyamānoti khuddāpipāsāya maramāno. Tigumbaṃ gacchatītiādīni mūlapadaṃ gacchatītipariyosānāni catuvīsati padāni raṭṭhanāmena vuttāni. Marukantāraṃgacchatīti vālukakantāraṃ tārakasaññāya gacchati . Jaṇṇupathanti jāṇūhi gantabbamaggaṃ. Ajapathanti ajehi gantabbamaggaṃ. Meṇḍapathepi eseva nayo.

    сан̇губат̇анд̇и каан̣угз годдзд̇ваа д̇зхи уг̇г̇амид̇аб̣б̣ам̣ каан̣умаг̇г̇ам̣, д̇ам̣ г̇ажчанд̇о баб̣б̣ад̇абаад̣̇з тад̇ваа аяасин̇гхаадагам̣ яод̇д̇зна б̣анд̇хид̇ваа уд̣̇д̇хам̣ кибид̇ваа баб̣б̣ад̇з лаг̇г̇аабзд̇ваа яод̇д̇знааруяха важ̇ираг̇г̇зна лохад̣̇ан̣д̣зна баб̣б̣ад̇ам̣ виж̇жхид̇ваа каан̣угам̣ годдзд̇ваа д̇ад̇т̇а тад̇ваа син̇гхаадагам̣ аагад̣дхид̇ваа буна убари лаг̇г̇аабзд̇ваа д̇ад̇т̇а тид̇о жаммаяод̇д̇ам̣ оламб̣зд̇ваа д̇ам̣ аад̣̇ааяа од̇арид̇ваа хздтимакаан̣угз б̣анд̇хид̇ваа ваамахад̇т̇зна яод̇д̇ам̣ г̇ахзд̇ваа д̣̇агкин̣ахад̇т̇зна муг̇г̇арам̣ аад̣̇ааяа яод̇д̇ам̣ бахарид̇ваа каан̣угам̣ нийхарид̇ваа буна абхирухад̇и. зд̇знубааязна баб̣б̣ад̇амад̇т̇агам̣ абхируяха барад̇о од̇аранд̇о буриманаязнзва батамам̣ баб̣б̣ад̇амад̇т̇агз каан̣угам̣ годдзд̇ваа жаммабасиб̣б̣агз яод̇д̇ам̣ б̣анд̇хид̇ваа каан̣угз взтзд̇ваа саяам̣ анд̇обасиб̣б̣агз нисийд̣̇ид̇ваа маггадагаанам̣ суд̇д̇ависсаж̇ж̇анаагаарзна яод̇д̇ам̣ винивзтзд̇ваа од̇арад̇и. д̇зна вуд̇д̇ам̣ – ‘‘каан̣угз годдзд̇ваа д̇зхи уг̇г̇амид̇аб̣б̣ам̣ каан̣умаг̇г̇а’’нд̇и. чад̇д̇абат̇анд̇и жаммачад̇д̇зна ваад̇ам̣ г̇аахаабзд̇ваа сагун̣зхи вияа од̇арид̇аб̣б̣ам̣ маг̇г̇ам̣. вам̣сабат̇анд̇и взн̣уг̇умб̣ачзд̣̇анасад̇т̇зна чинд̣̇ид̇ваа ругкам̣ парасунаа годдзд̇ваа маг̇г̇ам̣ гаронд̇о взл̣уванз ниссзн̣им̣ гад̇ваа взл̣уг̇умб̣з ааруяха взл̣ум̣ чинд̣̇ид̇ваа абарасса взл̣уг̇умб̣асса убари баад̇зд̇ваа взл̣уг̇умб̣амад̇т̇агзнзва г̇анд̇аб̣б̣ам̣ маг̇г̇ам̣ санд̇хааяа ‘‘вам̣сабат̇ам̣ г̇ажчад̇ий’’д̇и вуд̇д̇анд̇и взд̣̇ид̇аб̣б̣ам̣.

    Saṅkupathanti khāṇuke koṭṭetvā tehi uggamitabbaṃ khāṇumaggaṃ, taṃ gacchanto pabbatapāde ṭhatvā ayasiṅghāṭakaṃ yottena bandhitvā uddhaṃ khipitvā pabbate laggāpetvā yottenāruyha vajiraggena lohadaṇḍena pabbataṃ vijjhitvā khāṇukaṃ koṭṭetvā tattha ṭhatvā siṅghāṭakaṃ ākaḍḍhitvā puna upari laggāpetvā tattha ṭhito cammayottaṃ olambetvā taṃ ādāya otaritvā heṭṭhimakhāṇuke bandhitvā vāmahatthena yottaṃ gahetvā dakkhiṇahatthena muggaraṃ ādāya yottaṃ paharitvā khāṇukaṃ nīharitvā puna abhiruhati. Etenupāyena pabbatamatthakaṃ abhiruyha parato otaranto purimanayeneva paṭhamaṃ pabbatamatthake khāṇukaṃ koṭṭetvā cammapasibbake yottaṃ bandhitvā khāṇuke veṭhetvā sayaṃ antopasibbake nisīditvā makkaṭakānaṃ suttavissajjanākārena yottaṃ viniveṭhetvā otarati. Tena vuttaṃ – ‘‘khāṇuke koṭṭetvā tehi uggamitabbaṃ khāṇumagga’’nti. Chattapathanti cammachattena vātaṃ gāhāpetvā sakuṇehi viya otaritabbaṃ maggaṃ. Vaṃsapathanti veṇugumbachedanasatthena chinditvā rukkhaṃ pharasunā koṭṭetvā maggaṃ karonto veḷuvane nisseṇiṃ katvā veḷugumbe āruyha veḷuṃ chinditvā aparassa veḷugumbassa upari pātetvā veḷugumbamatthakeneva gantabbaṃ maggaṃ sandhāya ‘‘vaṃsapathaṃ gacchatī’’ti vuttanti veditabbaṃ.

    г̇авзсанд̇о на винд̣̇ад̇и, алаабхамуулагамби д̣̇угкам̣ д̣̇оманассам̣ бадисам̣взд̣̇зд̇ийд̇и авинд̣̇анамуулагамби гааяигажзд̇асигам̣ д̣̇угкам̣ бадилабхад̇и.

    Gavesanto na vindati, alābhamūlakampi dukkhaṃ domanassaṃ paṭisaṃvedetīti avindanamūlakampi kāyikacetasikaṃ dukkhaṃ paṭilabhati.

    лад̣̇д̇хаад̇и лабхид̇ваа. аарагкамуулаганд̇и рагкан̣амуулагамби. гинд̇и мз бхог̇зд̇и гзна убааязна мама бхог̇з. нзва рааж̇аано харзяяум̣…бз… на аббияаа д̣̇ааяаад̣̇аа харзяяунд̇и. г̇обаяад̇од̇и ман̃ж̇уусаад̣̇ийхи г̇обаяанд̇асса. виббалуж̇ж̇анд̇ийд̇и винассанд̇и.

    Laddhāti labhitvā. Ārakkhamūlakanti rakkhaṇamūlakampi. Kinti me bhogeti kena upāyena mama bhoge. Neva rājāno hareyyuṃ…pe… na appiyā dāyādā hareyyunti. Gopayatoti mañjūsādīhi gopayantassa. Vippalujjantīti vinassanti.

    56. зд̇амаад̣̇ийнавам̣ н̃ад̇ваа, муни буб̣б̣аабарз ид̇хаад̇и зд̇ам̣ ‘‘яасо гид̇д̇и жа яаа буб̣б̣з, хааяад̇з вааби д̇асса саа’’д̇и ид̇о бабхуд̇и вуд̇д̇з буб̣б̣аабарз ид̇ха имасмим̣ саасанз буб̣б̣ад̇о абарз саман̣абхаавад̇о виб̣бханд̇агабхаавз аад̣̇ийнавам̣ муни н̃ад̇ваа.

    56.Etamādīnavaṃñatvā, muni pubbāpare idhāti etaṃ ‘‘yaso kitti ca yā pubbe, hāyate vāpi tassa sā’’ti ito pabhuti vutte pubbāpare idha imasmiṃ sāsane pubbato apare samaṇabhāvato vibbhantakabhāve ādīnavaṃ muni ñatvā.

    д̣̇ал̣хам̣ гарзяяаад̇и нид̣̇д̣̇зсабад̣̇асса уд̣̇д̣̇зсабад̣̇ам̣. т̇ирам̣ гарзяяаад̇и асит̇илам̣ гарзяяа. д̣̇ал̣хам̣ самаад̣̇аано ассаад̇и т̇ирабадин̃н̃о бхавзяяа. авадтид̇асамаад̣̇аанод̇и саннидтаанабадин̃н̃о.

    Daḷhaṃ kareyyāti niddesapadassa uddesapadaṃ. Thiraṃ kareyyāti asithilaṃ kareyya. Daḷhaṃ samādāno assāti thirapaṭiñño bhaveyya. Avaṭṭhitasamādānoti sanniṭṭhānapaṭiñño.

    57. зд̇ам̣ арияаанамуд̇д̇аманд̇и яад̣̇ид̣̇ам̣ вивзгажарияаа, зд̇ам̣ б̣уд̣̇д̇хаад̣̇ийнам̣ арияаанам̣ уд̇д̇амам̣. д̇асмаа вивзгам̣язва сигкзт̇аад̇и ад̇хиббааяо. на д̇зна сздто ман̃н̃зт̇аад̇и д̇зна жа вивзгзна ад̇д̇аанам̣ ‘‘сздто аха’’нд̇и на ман̃н̃зяяа, д̇зна маанат̇ад̣̇д̇хо на бхавзяяаад̇и вуд̇д̇ам̣ ход̇и.

    57.Etaṃariyānamuttamanti yadidaṃ vivekacariyā, etaṃ buddhādīnaṃ ariyānaṃ uttamaṃ. Tasmā vivekaṃyeva sikkhethāti adhippāyo. Na tena seṭṭho maññethāti tena ca vivekena attānaṃ ‘‘seṭṭho aha’’nti na maññeyya, tena mānathaddho na bhaveyyāti vuttaṃ hoti.

    уннад̇инд̇и уссаабанам̣. уннаманд̇и уг̇г̇анд̇ваа бадтабанам̣. маананд̇и ахам̣гаарам̣. т̇ааманд̇и б̣алаггаарам̣. т̇амбханд̇и т̇ад̣̇д̇хагаран̣ам̣. т̇ад̣̇д̇ход̇и амад̣̇д̣̇аво. бад̇т̇ад̣̇д̇ход̇и висзсзна амад̣̇д̣̇аво. баг̇г̇ахид̇асирод̇и удтид̇асийсо. сааманд̇аад̇и на аарагаа. аасаннзд̇и на д̣̇уурз. авид̣̇уурзд̇и самийбз. убагадтзд̇и санд̇игз.

    Unnatinti ussāpanaṃ. Unnamanti uggantvā paṭṭhapanaṃ. Mānanti ahaṃkāraṃ. Thāmanti balakkāraṃ. Thambhanti thaddhakaraṇaṃ. Thaddhoti amaddavo. Patthaddhoti visesena amaddavo. Paggahitasiroti uṭṭhitasīso. Sāmantāti na ārakā. Āsanneti na dūre. Avidūreti samīpe. Upakaṭṭheti santike.

    58. рид̇д̇ассаад̇и вивид̇д̇асса, гааяад̣̇ужжарид̇аад̣̇ийхи вирахид̇асса. огхад̇ин̣н̣асса бихаяанд̇и, гаамзсу г̇ад̇хид̇аа баж̇аад̇и вад̇т̇угаамзсу лаг̇г̇аа сад̇д̇аа д̇асса жад̇урогхад̇ин̣н̣асса бихаяанд̇и ин̣ааяигаа вияа аан̣ан̣яассаад̇и арахад̇д̇анигуудзна д̣̇зсанам̣ нидтаабзси.

    58.Rittassāti vivittassa, kāyaduccaritādīhi virahitassa. Oghatiṇṇassa pihayanti, kāmesu gadhitā pajāti vatthukāmesu laggā sattā tassa caturoghatiṇṇassa pihayanti iṇāyikā viya āṇaṇyassāti arahattanikūṭena desanaṃ niṭṭhāpesi.

    рид̇д̇ассаад̇и саб̣б̣агилзсзхи д̇ужчасса. вивид̇д̇ассаад̇и сун̃н̃асса. бавивид̇д̇ассаад̇и згагасса. ид̣̇аани язхи рид̇д̇о ход̇и, д̇з д̣̇ассзнд̇о ‘‘гааяад̣̇ужжарид̇зна рид̇д̇ассаа’’д̇иаад̣̇имааха. д̇ад̇т̇а гилзсабадибаадияаа маг̇г̇абадибаадияаад̇и д̣̇вид̇хаа рид̇д̇ад̇аа взд̣̇ид̇аб̣б̣аа. гилзсабадибаадияаа д̇аава рааг̇о мохо т̇амбхо саарамбхо маано мад̣̇од̇и, имзхи чахи гилзсзхи арахад̇д̇амаг̇г̇зна рид̇д̇о ход̇и; д̣̇осо год̇хо убанаахо бамаад̣̇од̇и, имзхи жад̇уухи гилзсзхи анааг̇аамимаг̇г̇зна рид̇д̇о ход̇и; ад̇имаано магко бал̣аасо иссаа мажчарияам̣ мааяаа саатзяяанд̇и, имзхи сад̇д̇ахи сод̇аабад̇д̇имаг̇г̇зна рид̇д̇о ход̇и.

    Rittassāti sabbakilesehi tucchassa. Vivittassāti suññassa. Pavivittassāti ekakassa. Idāni yehi ritto hoti, te dassento ‘‘kāyaduccaritena rittassā’’tiādimāha. Tattha kilesapaṭipāṭiyā maggapaṭipāṭiyāti dvidhā rittatā veditabbā. Kilesapaṭipāṭiyā tāva rāgo moho thambho sārambho māno madoti, imehi chahi kilesehi arahattamaggena ritto hoti; doso kodho upanāho pamādoti, imehi catūhi kilesehi anāgāmimaggena ritto hoti; atimāno makkho paḷāso issā macchariyaṃ māyā sāṭheyyanti, imehi sattahi sotāpattimaggena ritto hoti.

    маг̇г̇абадибаадияаа бана сод̇аабад̇д̇имаг̇г̇зна ад̇имаано магко бал̣аасо иссаа мажчарияам̣ мааяаа саатзяяанд̇и; имзхи сад̇д̇ахи рид̇д̇о ход̇и, анааг̇аамимаг̇г̇зна д̣̇осо год̇хо убанаахо бамаад̣̇од̇и, имзхи жад̇уухи рид̇д̇о ход̇и; арахад̇д̇амаг̇г̇зна рааг̇о мохо т̇амбхо саарамбхо маано мад̣̇од̇и, имзхи чахи рид̇д̇о ход̇и. д̇ийн̣и д̣̇ужжарид̇аани саб̣б̣агилзсзхийд̇иаад̣̇инаа наязна авасзсааби яат̇ааяог̇ам̣ яож̇зд̇аб̣б̣аа.

    Maggapaṭipāṭiyā pana sotāpattimaggena atimāno makkho paḷāso issā macchariyaṃ māyā sāṭheyyanti; imehi sattahi ritto hoti, anāgāmimaggena doso kodho upanāho pamādoti, imehi catūhi ritto hoti; arahattamaggena rāgo moho thambho sārambho māno madoti, imehi chahi ritto hoti. Tīṇi duccaritāni sabbakilesehītiādinā nayena avasesāpi yathāyogaṃ yojetabbā.

    вад̇т̇угаамз бариж̇аанид̇ваад̇и д̇збхуумагз вад̇т̇угаамз н̃аад̇ад̇ийран̣абарин̃н̃аахи самаабанавасзна ж̇аанид̇ваа. гилзсагаамз бахааяаад̇и чанд̣̇аад̣̇аяо гилзсагаамз бахаанабарин̃н̃ааяа ж̇ахид̇ваа. б̣яанд̇им̣ гарид̇ваад̇и виг̇ад̇анд̇ам̣ виг̇ад̇агодим̣ гарид̇ваа.

    Vatthukāmeparijānitvāti tebhūmake vatthukāme ñātatīraṇapariññāhi samāpanavasena jānitvā. Kilesakāme pahāyāti chandādayo kilesakāme pahānapariññāya jahitvā. Byantiṃ karitvāti vigatantaṃ vigatakoṭiṃ karitvā.

    гаамогхам̣ д̇ин̣н̣ассаад̇и анааг̇аамимаг̇г̇зна авасаанасан̇каад̇ам̣ гаамогхам̣ д̇арид̇ваа тид̇асса. бхавогханд̇и арахад̇д̇амаг̇г̇зна. д̣̇идтогханд̇и сод̇аабад̇д̇имаг̇г̇зна. авиж̇ж̇огханд̇и арахад̇д̇амаг̇г̇зна. саб̣б̣ам̣ сам̣саарабат̇анд̇и саб̣б̣аканд̇хад̇хаад̇уааяад̇анабадибаадисан̇каад̇ам̣ бат̇ам̣ арахад̇д̇амаг̇г̇знзва д̇арид̇ваа тид̇асса. сод̇аабад̇д̇имаг̇г̇зна уд̇д̇ин̣н̣асса. сагад̣̇ааг̇аамимаг̇г̇зна нид̇д̇ин̣н̣асса. анааг̇аамимаг̇г̇зна гаамад̇хаад̇ум̣ ад̇игганд̇асса. арахад̇д̇амаг̇г̇зна саб̣б̣абхавам̣ самад̇игганд̇асса. паласамаабад̇д̇ивасзна вийд̇ивад̇д̇асса. баарам̣г̇ад̇ассаад̇иаад̣̇ийни ниб̣б̣аанавасзна вуд̇д̇аани. яат̇аа ин̣ааяигаа аан̣ан̣яанд̇и бавад̣дхагаин̣ам̣ аад̣̇ааяа вижаранд̇аа аан̣ан̣яам̣. бад̇т̇знд̇ийд̇и бад̇т̇анам̣ уббаад̣̇знд̇и. ааб̣аад̇хигаа аарог̇яанд̇и бид̇д̇аад̣̇ирог̇аад̇уро бхзсаж̇ж̇агирияааяа д̇ам̣рог̇авуубасаманад̇т̇ам̣ аарог̇яам̣. яат̇аа б̣анд̇ханаб̣ад̣̇д̇хаад̇и нагкад̇д̇ад̣̇ивасз б̣анд̇ханааг̇аарз б̣ад̣̇д̇хабурисаа. яат̇аа д̣̇аасаа бхуж̇иссанд̇и яасмаа бхуж̇иссаа бурисаа яам̣ ижчанд̇и, д̇ам̣ гаронд̇и, на нам̣ гожи б̣алаггаарзна д̇ад̇о нивад̇д̇зд̇и, д̇асмаа д̣̇аасаа бхуж̇иссабхаавам̣ бад̇т̇знд̇и. яат̇аа ганд̇аарад̣̇д̇хаанабагканд̣̇аад̇и яасмаа б̣алаванд̇о бурисаа хад̇т̇абхаарам̣ г̇ахзд̇ваа саж̇ж̇аавуд̇хаа сабариваараа ганд̇аарам̣ бадибаж̇ж̇анд̇и, д̇з жораа д̣̇уурад̇ова д̣̇исваа балааяанд̇и. д̇з сод̇т̇инаа ганд̇аарам̣ нид̇т̇арид̇ваа кзманд̇ам̣ бад̇ваа хадтад̇удтаа хонд̇и. д̇асмаа ганд̇аарабагканд̣̇аа кзманд̇абхуумим̣ бад̇т̇знд̇и. д̣̇зсанаабарияосаанз д̇иссо сод̇аабад̇д̇ипалам̣ бад̇ваа бажчаа баб̣б̣аж̇ид̇ваа арахад̇д̇ам̣ сажчаагааси.

    Kāmoghaṃtiṇṇassāti anāgāmimaggena avasānasaṅkhātaṃ kāmoghaṃ taritvā ṭhitassa. Bhavoghanti arahattamaggena. Diṭṭhoghanti sotāpattimaggena. Avijjoghanti arahattamaggena. Sabbaṃ saṃsārapathanti sabbakhandhadhātuāyatanapaṭipāṭisaṅkhātaṃ pathaṃ arahattamaggeneva taritvā ṭhitassa. Sotāpattimaggena uttiṇṇassa. Sakadāgāmimaggena nittiṇṇassa. Anāgāmimaggena kāmadhātuṃ atikkantassa. Arahattamaggena sabbabhavaṃ samatikkantassa. Phalasamāpattivasena vītivattassa. Pāraṃgatassātiādīni nibbānavasena vuttāni. Yathā iṇāyikā āṇaṇyanti pavaḍḍhakaiṇaṃ ādāya vicarantā āṇaṇyaṃ. Patthentīti patthanaṃ uppādenti. Ābādhikā ārogyanti pittādirogāturo bhesajjakiriyāya taṃrogavūpasamanatthaṃ ārogyaṃ. Yathā bandhanabaddhāti nakkhattadivase bandhanāgāre baddhapurisā. Yathā dāsā bhujissanti yasmā bhujissā purisā yaṃ icchanti, taṃ karonti, na naṃ koci balakkārena tato nivatteti, tasmā dāsā bhujissabhāvaṃ patthenti. Yathā kantāraddhānapakkhandāti yasmā balavanto purisā hatthabhāraṃ gahetvā sajjāvudhā saparivārā kantāraṃ paṭipajjanti, te corā dūratova disvā palāyanti. Te sotthinā kantāraṃ nittharitvā khemantaṃ patvā haṭṭhatuṭṭhā honti. Tasmā kantārapakkhandā khemantabhūmiṃ patthenti. Desanāpariyosāne tisso sotāpattiphalaṃ patvā pacchā pabbajitvā arahattaṃ sacchākāsi.

    сад̣̇д̇хаммабаж̇ж̇од̇игааяа махаанид̣̇д̣̇зсадтагат̇ааяа

    Saddhammapajjotikāya mahāniddesaṭṭhakathāya

    д̇иссамзд̇д̇зяяасуд̇д̇анид̣̇д̣̇зсаван̣н̣анаа нидтид̇аа.

    Tissametteyyasuttaniddesavaṇṇanā niṭṭhitā.




    Next: 8. басуурасуд̇д̇анид̣̇д̣̇зсаван̣н̣анаа • 8. Pasūrasuttaniddesavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 7. д̇иссамзд̇д̇зяяасуд̇д̇анид̣̇д̣̇зсо • 7. Tissametteyyasuttaniddeso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact