| Library / Tipiṭaka / д̇ибидага • Tipiṭaka / махаанид̣̇д̣̇зсабаал̣и • Mahāniddesapāḷi |
7. д̇иссамзд̇д̇зяяасуд̇д̇анид̣̇д̣̇зсо
7. Tissametteyyasuttaniddeso
ат̇а д̇иссамзд̇д̇зяяасуд̇д̇анид̣̇д̣̇зсам̣ вагкад̇и –
Atha tissametteyyasuttaniddesaṃ vakkhati –
49.
49.
мзт̇унамануяуд̇д̇асса , [ижжааяасмаа д̇иссо мзд̇д̇зяяо]
Methunamanuyuttassa, [iccāyasmā tisso metteyyo]
вигхаад̇ам̣ б̣руухи маариса;
Vighātaṃ brūhi mārisa;
суд̇ваана д̇ава саасанам̣, вивзгз сигкиссаамасз.
Sutvāna tava sāsanaṃ, viveke sikkhissāmase.
мзт̇унамануяуд̇д̇ассаад̇и. мзт̇унад̇хаммо наама яо со асад̣̇д̇хаммо г̇аамад̇хаммо васалад̇хаммо д̣̇удтулло од̣̇аганд̇иго рахассо д̣̇ваяам̣д̣̇ваяасамаабад̇д̇и. гим̣гааран̣аа вужжад̇и мзт̇унад̇хаммо? убхиннам̣ рад̇д̇аанам̣ саарад̇д̇аанам̣ авассуд̇аанам̣ барияудтид̇аанам̣ барияаад̣̇иннажид̇д̇аанам̣ убхиннам̣ сад̣̇исаанам̣ д̇хаммод̇и – д̇ам̣гааран̣аа вужжад̇и мзт̇унад̇хаммо. яат̇аа убхо галахагаарагаа мзт̇унагаад̇и вужжанд̇и, убхо бхан̣д̣анагаарагаа мзт̇унагаад̇и вужжанд̇и, убхо бхассагаарагаа мзт̇унагаад̇и вужжанд̇и, убхо виваад̣̇агаарагаа мзт̇унагаад̇и вужжанд̇и, убхо ад̇хигаран̣агаарагаа мзт̇унагаад̇и вужжанд̇и, убхо ваад̣̇ино мзт̇унагаад̇и вужжанд̇и, убхо саллаабагаа мзт̇унагаад̇и вужжанд̇и; звамзвам̣ убхиннам̣ рад̇д̇аанам̣ саарад̇д̇аанам̣ авассуд̇аанам̣ барияудтид̇аанам̣ барияаад̣̇иннажид̇д̇аанам̣ убхиннам̣ сад̣̇исаанам̣ д̇хаммод̇и – д̇ам̣гааран̣аа вужжад̇и мзт̇унад̇хаммо.
Methunamanuyuttassāti. Methunadhammo nāma yo so asaddhammo gāmadhammo vasaladhammo duṭṭhullo odakantiko rahasso dvayaṃdvayasamāpatti. Kiṃkāraṇā vuccati methunadhammo? Ubhinnaṃ rattānaṃ sārattānaṃ avassutānaṃ pariyuṭṭhitānaṃ pariyādinnacittānaṃ ubhinnaṃ sadisānaṃ dhammoti – taṃkāraṇā vuccati methunadhammo. Yathā ubho kalahakārakā methunakāti vuccanti, ubho bhaṇḍanakārakā methunakāti vuccanti, ubho bhassakārakā methunakāti vuccanti, ubho vivādakārakā methunakāti vuccanti, ubho adhikaraṇakārakā methunakāti vuccanti, ubho vādino methunakāti vuccanti, ubho sallāpakā methunakāti vuccanti; evamevaṃ ubhinnaṃ rattānaṃ sārattānaṃ avassutānaṃ pariyuṭṭhitānaṃ pariyādinnacittānaṃ ubhinnaṃ sadisānaṃ dhammoti – taṃkāraṇā vuccati methunadhammo.
мзт̇унамануяуд̇д̇ассаад̇и. мзт̇унад̇хаммз яуд̇д̇асса баяуд̇д̇асса ааяуд̇д̇асса самааяуд̇д̇асса д̇ажжарид̇асса д̇аб̣б̣ахуласса д̇аг̇г̇аругасса д̇анниннасса д̇аббон̣асса д̇аббаб̣бхаарасса д̇ад̣̇ад̇химуд̇д̇асса д̇ад̣̇ад̇хибад̇зяяассаад̇и – мзт̇унамануяуд̇д̇асса.
Methunamanuyuttassāti. Methunadhamme yuttassa payuttassa āyuttassa samāyuttassa taccaritassa tabbahulassa taggarukassa tanninnassa tappoṇassa tappabbhārassa tadadhimuttassa tadadhipateyyassāti – methunamanuyuttassa.
ижжааяасмаа д̇иссо мзд̇д̇зяяод̇и. ижжаад̇и бад̣̇асанд̇хи бад̣̇асам̣саг̇г̇о бад̣̇абаарибуурий агкарасамавааяо б̣яан̃ж̇анасилидтад̇аа бад̣̇аанубуб̣б̣ад̇аабзд̇ам̣ – ижжаад̇и. ааяасмаад̇и бияаважанам̣ г̇аруважанам̣ саг̇аарававажанам̣ саббад̇иссаважанамзд̇ам̣ – ааяасмаад̇и. д̇иссод̇и д̇асса т̇зрасса наамам̣ сан̇каа саман̃н̃аа бан̃н̃ад̇д̇и вохааро наамам̣ наамагаммам̣ наамад̇хзяяам̣ нируд̇д̇и б̣яан̃ж̇анам̣ абхилаабо. мзд̇д̇зяяод̇и д̇асса т̇зрасса г̇од̇д̇ам̣ сан̇каа саман̃н̃аа бан̃н̃ад̇д̇и вохаарод̇и – ижжааяасмаа д̇иссо мзд̇д̇зяяо.
Iccāyasmā tisso metteyyoti. Iccāti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – iccāti. Āyasmāti piyavacanaṃ garuvacanaṃ sagāravavacanaṃ sappatissavacanametaṃ – āyasmāti. Tissoti tassa therassa nāmaṃ saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpo. Metteyyoti tassa therassa gottaṃ saṅkhā samaññā paññatti vohāroti – iccāyasmā tisso metteyyo.
вигхаад̇ам̣ б̣руухи маарисаад̇и. вигхаад̇анд̇и вигхаад̇ам̣ убагхаад̇ам̣ бийл̣анам̣ гхадданам̣ убад̣̇д̣̇авам̣ убасаг̇г̇ам̣ б̣руухи аажигка д̣̇зсзхи бан̃н̃абзхи бадтабзхи вивара вибхаж̇а уд̇д̇аанийгарохи 1 багаасзхи. маарисаад̇и бияаважанам̣ г̇аруважанам̣ саг̇аарававажанам̣ саббад̇иссаважанамзд̇ам̣ маарисаад̇и – вигхаад̇ам̣ б̣руухи маариса.
Vighātaṃ brūhi mārisāti. Vighātanti vighātaṃ upaghātaṃ pīḷanaṃ ghaṭṭanaṃ upaddavaṃ upasaggaṃ brūhi ācikkha desehi paññapehi paṭṭhapehi vivara vibhaja uttānīkarohi 2 pakāsehi. Mārisāti piyavacanaṃ garuvacanaṃ sagāravavacanaṃ sappatissavacanametaṃ mārisāti – vighātaṃ brūhi mārisa.
суд̇ваана д̇ава саасананд̇и. д̇уяхам̣ важанам̣ б̣яаббат̇ам̣ д̣̇зсанам̣ анусаасанам̣ анусидтим̣ суд̇ваа сун̣ид̇ваа уг̇г̇ахзд̇ваа убад̇хаараяид̇ваа убалагкаяид̇ваад̇и – суд̇ваана д̇ава саасанам̣.
Sutvāna tava sāsananti. Tuyhaṃ vacanaṃ byappathaṃ desanaṃ anusāsanaṃ anusiṭṭhiṃ sutvā suṇitvā uggahetvā upadhārayitvā upalakkhayitvāti – sutvāna tava sāsanaṃ.
вивзгз сигкиссаамасзд̇и. вивзгод̇и д̇аяо вивзгаа – гааяавивзго, жид̇д̇авивзго, убад̇хививзго. гад̇амо гааяавивзго? ид̇ха бхигку вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаасабун̃ж̇ам̣ , гааязна вивид̇д̇о вихарад̇и. со зго г̇ажчад̇и, зго д̇идтад̇и, зго нисийд̣̇ад̇и, зго сзяяам̣ габбзд̇и, зго г̇аамам̣ бин̣д̣ааяа бависад̇и, зго бадиггамад̇и, зго рахо нисийд̣̇ад̇и , зго жан̇гамам̣ ад̇хидтаад̇и, зго жарад̇и, зго вихарад̇и ирияад̇и вад̇д̇ад̇и баалзд̇и яабзд̇и яаабзд̇и – аяам̣ гааяавивзго.
Viveke sikkhissāmaseti. Vivekoti tayo vivekā – kāyaviveko, cittaviveko, upadhiviveko. Katamo kāyaviveko? Idha bhikkhu vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palāsapuñjaṃ , kāyena vivitto viharati. So eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko raho nisīdati , eko caṅkamaṃ adhiṭṭhāti, eko carati, eko viharati iriyati vattati pāleti yapeti yāpeti – ayaṃ kāyaviveko.
гад̇амо жид̇д̇авивзго? батамам̣ жхаанам̣ самаабаннасса нийваран̣зхи жид̇д̇ам̣ вивид̇д̇ам̣ ход̇и, д̣̇уд̇ияам̣ жхаанам̣ самаабаннасса вид̇аггавижаарзхи жид̇д̇ам̣ вивид̇д̇ам̣ ход̇и, д̇ад̇ияам̣ жхаанам̣ самаабаннасса бийд̇ияаа жид̇д̇ам̣ вивид̇д̇ам̣ ход̇и, жад̇уд̇т̇ам̣ жхаанам̣ самаабаннасса сукад̣̇угкзхи жид̇д̇ам̣ вивид̇д̇ам̣ ход̇и, аагаасаанан̃жааяад̇анам̣ самаабаннасса руубасан̃н̃ааяа бадигхасан̃н̃ааяа наанад̇д̇асан̃н̃ааяа жид̇д̇ам̣ вивид̇д̇ам̣ ход̇и, вин̃н̃аан̣ан̃жааяад̇анам̣ самаабаннасса аагаасаанан̃жааяад̇анасан̃н̃ааяа жид̇д̇ам̣ вивид̇д̇ам̣ ход̇и, аагин̃жан̃н̃ааяад̇анам̣ самаабаннасса вин̃н̃аан̣ан̃жааяад̇анасан̃н̃ааяа жид̇д̇ам̣ вивид̇д̇ам̣ ход̇и, нзвасан̃н̃аанаасан̃н̃ааяад̇анам̣ самаабаннасса аагин̃жан̃н̃ааяад̇анасан̃н̃ааяа жид̇д̇ам̣ вивид̇д̇ам̣ ход̇и, сод̇аабаннасса саггааяад̣̇идтияаа вижигижчааяа сийлаб̣б̣ад̇абараамаасаа д̣̇идтаанусаяаа вижигижчаанусаяаа д̇ад̣̇згадтзхи жа гилзсзхи жид̇д̇ам̣ вивид̇д̇ам̣ ход̇и, сагад̣̇ааг̇аамисса ол̣ааригаа гаамарааг̇асан̃н̃ож̇анаа бадигхасан̃н̃ож̇анаа ол̣ааригаа гаамарааг̇аанусаяаа бадигхаанусаяаа д̇ад̣̇згадтзхи жа гилзсзхи жид̇д̇ам̣ вивид̇д̇ам̣ ход̇и, анааг̇аамисса анусахаг̇ад̇аа гаамарааг̇асан̃н̃ож̇анаа бадигхасан̃н̃ож̇анаа анусахаг̇ад̇аа гаамарааг̇аанусаяаа бадигхаанусаяаа д̇ад̣̇згадтзхи жа гилзсзхи жид̇д̇ам̣ вивид̇д̇ам̣ ход̇и, арахад̇о руубарааг̇аа аруубарааг̇аа маанаа уд̣̇д̇хажжаа авиж̇ж̇ааяа маанаанусаяаа бхаварааг̇аанусаяаа авиж̇ж̇аанусаяаа д̇ад̣̇згадтзхи жа гилзсзхи б̣ахид̣̇д̇хаа жа саб̣б̣анимид̇д̇зхи жид̇д̇ам̣ вивид̇д̇ам̣ ход̇и – аяам̣ жид̇д̇авивзго.
Katamo cittaviveko? Paṭhamaṃ jhānaṃ samāpannassa nīvaraṇehi cittaṃ vivittaṃ hoti, dutiyaṃ jhānaṃ samāpannassa vitakkavicārehi cittaṃ vivittaṃ hoti, tatiyaṃ jhānaṃ samāpannassa pītiyā cittaṃ vivittaṃ hoti, catutthaṃ jhānaṃ samāpannassa sukhadukkhehi cittaṃ vivittaṃ hoti, ākāsānañcāyatanaṃ samāpannassa rūpasaññāya paṭighasaññāya nānattasaññāya cittaṃ vivittaṃ hoti, viññāṇañcāyatanaṃ samāpannassa ākāsānañcāyatanasaññāya cittaṃ vivittaṃ hoti, ākiñcaññāyatanaṃ samāpannassa viññāṇañcāyatanasaññāya cittaṃ vivittaṃ hoti, nevasaññānāsaññāyatanaṃ samāpannassa ākiñcaññāyatanasaññāya cittaṃ vivittaṃ hoti, sotāpannassa sakkāyadiṭṭhiyā vicikicchāya sīlabbataparāmāsā diṭṭhānusayā vicikicchānusayā tadekaṭṭhehi ca kilesehi cittaṃ vivittaṃ hoti, sakadāgāmissa oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā tadekaṭṭhehi ca kilesehi cittaṃ vivittaṃ hoti, anāgāmissa anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā tadekaṭṭhehi ca kilesehi cittaṃ vivittaṃ hoti, arahato rūparāgā arūparāgā mānā uddhaccā avijjāya mānānusayā bhavarāgānusayā avijjānusayā tadekaṭṭhehi ca kilesehi bahiddhā ca sabbanimittehi cittaṃ vivittaṃ hoti – ayaṃ cittaviveko.
гад̇амо убад̇хививзго? убад̇хи вужжанд̇и гилзсаа жа канд̇хаа жа абхисан̇каараа жа. убад̇хививзго вужжад̇и амад̇ам̣ ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣ – аяам̣ убад̇хививзго. гааяавивзго жа вивзгадтагааяаанам̣ нзгкаммаабхирад̇аанам̣; жид̇д̇авивзго жа барисуд̣̇д̇хажид̇д̇аанам̣ барамавод̣̇аанабад̇д̇аанам̣; убад̇хививзго жа нируубад̇хийнам̣ буг̇г̇алаанам̣ висан̇каараг̇ад̇аанам̣. вивзгз сигкиссаамасзд̇и. со т̇зро багад̇ияаа сигкид̇асигко. аби жа д̇хаммад̣̇зсанам̣ убаад̣̇ааяа д̇хаммад̣̇зсанам̣ саавзнд̇о 3 звамааха – вивзгз сигкиссаамасзд̇и.
Katamo upadhiviveko? Upadhi vuccanti kilesā ca khandhā ca abhisaṅkhārā ca. Upadhiviveko vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ – ayaṃ upadhiviveko. Kāyaviveko ca vivekaṭṭhakāyānaṃ nekkhammābhiratānaṃ; cittaviveko ca parisuddhacittānaṃ paramavodānapattānaṃ; upadhiviveko ca nirūpadhīnaṃ puggalānaṃ visaṅkhāragatānaṃ. Viveke sikkhissāmaseti. So thero pakatiyā sikkhitasikkho. Api ca dhammadesanaṃ upādāya dhammadesanaṃ sāvento 4 evamāha – viveke sikkhissāmaseti.
д̇знааха т̇зро д̇иссамзд̇д̇зяяо –
Tenāha thero tissametteyyo –
‘‘мзт̇унамануяуд̇д̇асса , [ижжааяасмаа д̇иссо мзд̇д̇зяяо]
‘‘Methunamanuyuttassa , [iccāyasmā tisso metteyyo]
вигхаад̇ам̣ б̣руухи маариса;
Vighātaṃ brūhi mārisa;
суд̇ваана д̇ава саасанам̣, вивзгз сигкиссаамасз’’д̇и.
Sutvāna tava sāsanaṃ, viveke sikkhissāmase’’ti.
50.
50.
мзт̇унамануяуд̇д̇асса , [мзд̇д̇зяяаад̇и бхаг̇аваа]
Methunamanuyuttassa, [metteyyāti bhagavā]
муссад̇з вааби саасанам̣;
Mussate vāpi sāsanaṃ;
мижчаа жа бадибаж̇ж̇ад̇и, зд̇ам̣ д̇асмим̣ анаарияам̣.
Micchā ca paṭipajjati, etaṃ tasmiṃ anāriyaṃ.
мзт̇унамануяуд̇д̇ассаад̇и. мзт̇унад̇хаммо наама яо со асад̣̇д̇хаммо г̇аамад̇хаммо васалад̇хаммо д̣̇удтулло од̣̇аганд̇иго рахассо д̣̇ваяам̣д̣̇ваяасамаабад̇д̇и. гим̣гааран̣аа вужжад̇и мзт̇унад̇хаммо? убхиннам̣ рад̇д̇аанам̣ саарад̇д̇аанам̣ авассуд̇аанам̣ барияудтид̇аанам̣ барияаад̣̇иннажид̇д̇аанам̣ убхиннам̣ сад̣̇исаанам̣ д̇хаммод̇и – д̇ам̣гааран̣аа вужжад̇и мзт̇унад̇хаммо. яат̇аа убхо галахагаарагаа мзт̇унагаад̇и вужжанд̇и, убхо бхан̣д̣анагаарагаа мзт̇унагаад̇и вужжанд̇и, убхо бхассагаарагаа мзт̇унагаад̇и вужжанд̇и, убхо виваад̣̇агаарагаа мзт̇унагаад̇и вужжанд̇и, убхо ад̇хигаран̣агаарагаа мзт̇унагаад̇и вужжанд̇и, убхо ваад̣̇ино мзт̇унагаад̇и вужжанд̇и, убхо саллаабагаа мзт̇унагаад̇и вужжанд̇и; звамзвам̣ убхиннам̣ рад̇д̇аанам̣ саарад̇д̇аанам̣ авассуд̇аанам̣ барияудтид̇аанам̣ барияаад̣̇иннажид̇д̇аанам̣ убхиннам̣ сад̣̇исаанам̣ д̇хаммод̇и – д̇ам̣гааран̣аа вужжад̇и мзт̇унад̇хаммо.
Methunamanuyuttassāti. Methunadhammo nāma yo so asaddhammo gāmadhammo vasaladhammo duṭṭhullo odakantiko rahasso dvayaṃdvayasamāpatti. Kiṃkāraṇā vuccati methunadhammo? Ubhinnaṃ rattānaṃ sārattānaṃ avassutānaṃ pariyuṭṭhitānaṃ pariyādinnacittānaṃ ubhinnaṃ sadisānaṃ dhammoti – taṃkāraṇā vuccati methunadhammo. Yathā ubho kalahakārakā methunakāti vuccanti, ubho bhaṇḍanakārakā methunakāti vuccanti, ubho bhassakārakā methunakāti vuccanti, ubho vivādakārakā methunakāti vuccanti, ubho adhikaraṇakārakā methunakāti vuccanti, ubho vādino methunakāti vuccanti, ubho sallāpakā methunakāti vuccanti; evamevaṃ ubhinnaṃ rattānaṃ sārattānaṃ avassutānaṃ pariyuṭṭhitānaṃ pariyādinnacittānaṃ ubhinnaṃ sadisānaṃ dhammoti – taṃkāraṇā vuccati methunadhammo.
мзт̇унамануяуд̇д̇ассаад̇и. мзт̇унад̇хаммз яуд̇д̇асса баяуд̇д̇асса ааяуд̇д̇асса самааяуд̇д̇асса д̇ажжарид̇асса д̇аб̣б̣ахуласса д̇аг̇г̇аругасса д̇анниннасса д̇аббон̣асса д̇аббаб̣бхаарасса д̇ад̣̇ад̇химуд̇д̇асса д̇ад̣̇ад̇хибад̇зяяассаад̇и – мзт̇унамануяуд̇д̇асса.
Methunamanuyuttassāti. Methunadhamme yuttassa payuttassa āyuttassa samāyuttassa taccaritassa tabbahulassa taggarukassa tanninnassa tappoṇassa tappabbhārassa tadadhimuttassa tadadhipateyyassāti – methunamanuyuttassa.
мзд̇д̇зяяаад̇и бхаг̇аваа д̇ам̣ т̇зрам̣ г̇од̇д̇зна аалабад̇и. бхаг̇аваад̇и г̇аараваад̇хиважанам̣. аби жа бхаг̇г̇арааг̇од̇и бхаг̇аваа, бхаг̇г̇ад̣̇осод̇и бхаг̇аваа, бхаг̇г̇амоход̇и бхаг̇аваа, бхаг̇г̇амаанод̇и бхаг̇аваа, бхаг̇г̇ад̣̇идтийд̇и бхаг̇аваа, бхаг̇г̇аган̣д̣агод̇и 5 бхаг̇аваа, бхаг̇г̇агилзсод̇и бхаг̇аваа, бхаж̇и вибхаж̇и бавибхаж̇и д̇хаммарад̇ананд̇и бхаг̇аваа, бхаваанам̣ анд̇агарод̇и бхаг̇аваа, бхаавид̇агааяо бхаавид̇асийло бхаавид̇ажид̇д̇о бхаавид̇абан̃н̃од̇и бхаг̇аваа, бхаж̇и ваа бхаг̇аваа аран̃н̃аванабад̇т̇аани 6 банд̇аани сзнаасанаани аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани 7 бадисаллаанасааруббаанийд̇и бхаг̇аваа, бхааг̇ий ваа бхаг̇аваа жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараананд̇и бхаг̇аваа, бхааг̇ий ваа бхаг̇аваа ад̇т̇арасасса д̇хаммарасасса вимуд̇д̇ирасасса ад̇хисийласса ад̇хижид̇д̇асса ад̇хибан̃н̃ааяаад̇и бхаг̇аваа, бхааг̇ий ваа бхаг̇аваа жад̇уннам̣ жхаанаанам̣ жад̇уннам̣ аббаман̃н̃аанам̣ жад̇уннам̣ аруубасамаабад̇д̇ийнанд̇и бхаг̇аваа, бхааг̇ий ваа бхаг̇аваа адтаннам̣ вимогкаанам̣ адтаннам̣ абхибхааяад̇анаанам̣ наваннам̣ анубуб̣б̣авихаарасамаабад̇д̇ийнанд̇и бхаг̇аваа, бхааг̇ий ваа бхаг̇аваа д̣̇асаннам̣ сан̃н̃аабхааванаанам̣ д̣̇асаннам̣ гасин̣асамаабад̇д̇ийнам̣ аанаабаанассад̇исамаад̇хисса асубхасамаабад̇д̇ияаад̇и бхаг̇аваа, бхааг̇ий ваа бхаг̇аваа жад̇уннам̣ сад̇ибадтаанаанам̣ жад̇уннам̣ саммаббад̇хаанаанам̣ жад̇уннам̣ ид̣̇д̇хибаад̣̇аанам̣ бан̃жаннам̣ инд̣̇рияаанам̣ бан̃жаннам̣ б̣алаанам̣ сад̇д̇аннам̣ б̣ож̇жхан̇г̇аанам̣ арияасса адтан̇г̇игасса маг̇г̇ассаад̇и бхаг̇аваа, бхааг̇ий ваа бхаг̇аваа д̣̇асаннам̣ д̇ат̇ааг̇ад̇аб̣алаанам̣ жад̇уннам̣ взсаараж̇ж̇аанам̣ жад̇уннам̣ бадисамбхид̣̇аанам̣ чаннам̣ абхин̃н̃аанам̣ 8 чаннам̣ б̣уд̣̇д̇хад̇хаммаананд̇и бхаг̇аваа. бхаг̇аваад̇и нзд̇ам̣ наамам̣ маад̇араа гад̇ам̣, на бид̇араа гад̇ам̣, на бхаад̇араа гад̇ам̣, на бхаг̇инияаа гад̇ам̣, на мид̇д̇аамажжзхи гад̇ам̣, на н̃аад̇исаалохид̇зхи гад̇ам̣ на саман̣аб̣раахман̣зхи гад̇ам̣, на д̣̇звад̇аахи гад̇ам̣. вимогканд̇игамзд̇ам̣ б̣уд̣̇д̇хаанам̣ бхаг̇аванд̇аанам̣ б̣од̇хияаа муулз саха саб̣б̣ан̃н̃уд̇ан̃н̃аан̣асса бадилаабхаа сажчигаа бан̃н̃ад̇д̇и яад̣̇ид̣̇ам̣ бхаг̇аваад̇и – мзд̇д̇зяяаад̇и бхаг̇аваа.
Metteyyāti bhagavā taṃ theraṃ gottena ālapati. Bhagavāti gāravādhivacanaṃ. Api ca bhaggarāgoti bhagavā, bhaggadosoti bhagavā, bhaggamohoti bhagavā, bhaggamānoti bhagavā, bhaggadiṭṭhīti bhagavā, bhaggakaṇḍakoti 9 bhagavā, bhaggakilesoti bhagavā, bhaji vibhaji pavibhaji dhammaratananti bhagavā, bhavānaṃ antakaroti bhagavā, bhāvitakāyo bhāvitasīlo bhāvitacitto bhāvitapaññoti bhagavā, bhaji vā bhagavā araññavanapatthāni 10 pantāni senāsanāni appasaddāni appanigghosāni vijanavātāni manussarāhasseyyakāni 11 paṭisallānasāruppānīti bhagavā, bhāgī vā bhagavā cīvarapiṇḍapātasenāsanagilānapaccayabhesajjaparikkhārānanti bhagavā, bhāgī vā bhagavā attharasassa dhammarasassa vimuttirasassa adhisīlassa adhicittassa adhipaññāyāti bhagavā, bhāgī vā bhagavā catunnaṃ jhānānaṃ catunnaṃ appamaññānaṃ catunnaṃ arūpasamāpattīnanti bhagavā, bhāgī vā bhagavā aṭṭhannaṃ vimokkhānaṃ aṭṭhannaṃ abhibhāyatanānaṃ navannaṃ anupubbavihārasamāpattīnanti bhagavā, bhāgī vā bhagavā dasannaṃ saññābhāvanānaṃ dasannaṃ kasiṇasamāpattīnaṃ ānāpānassatisamādhissa asubhasamāpattiyāti bhagavā, bhāgī vā bhagavā catunnaṃ satipaṭṭhānānaṃ catunnaṃ sammappadhānānaṃ catunnaṃ iddhipādānaṃ pañcannaṃ indriyānaṃ pañcannaṃ balānaṃ sattannaṃ bojjhaṅgānaṃ ariyassa aṭṭhaṅgikassa maggassāti bhagavā, bhāgī vā bhagavā dasannaṃ tathāgatabalānaṃ catunnaṃ vesārajjānaṃ catunnaṃ paṭisambhidānaṃ channaṃ abhiññānaṃ 12 channaṃ buddhadhammānanti bhagavā. Bhagavāti netaṃ nāmaṃ mātarā kataṃ, na pitarā kataṃ, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ na samaṇabrāhmaṇehi kataṃ, na devatāhi kataṃ. Vimokkhantikametaṃ buddhānaṃ bhagavantānaṃ bodhiyā mūle saha sabbaññutaññāṇassa paṭilābhā sacchikā paññatti yadidaṃ bhagavāti – metteyyāti bhagavā.
муссад̇з вааби саасананд̇и. д̣̇вийхи гааран̣зхи саасанам̣ муссад̇и – барияад̇д̇исаасанамби муссад̇и, бадибад̇д̇исаасанамби муссад̇и. гад̇амам̣ барияад̇д̇исаасанам̣? яам̣ д̇асса барияаабудам̣ – суд̇д̇ам̣ г̇зяяам̣ взяяаагаран̣ам̣ г̇аат̇аа уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇аллам̣ – ид̣̇ам̣ барияад̇д̇исаасанам̣. д̇амби муссад̇и саммуссад̇и бамуссад̇и самбамуссад̇и бариб̣аахиро ход̇ийд̇и – звамби муссад̇з вааби саасанам̣.
Mussate vāpi sāsananti. Dvīhi kāraṇehi sāsanaṃ mussati – pariyattisāsanampi mussati, paṭipattisāsanampi mussati. Katamaṃ pariyattisāsanaṃ? Yaṃ tassa pariyāpuṭaṃ – suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedallaṃ – idaṃ pariyattisāsanaṃ. Tampi mussati sammussati pamussati sampamussati paribāhiro hotīti – evampi mussate vāpi sāsanaṃ.
гад̇амам̣ бадибад̇д̇исаасанам̣? саммаабадибад̣̇аа ануломабадибад̣̇аа абажжанийгабадибад̣̇аа анвад̇т̇абадибад̣̇аа д̇хаммаануд̇хаммабадибад̣̇аа сийлзсу барибуурагаарид̇аа инд̣̇риязсу г̇уд̇д̇ад̣̇ваарад̇аа бхож̇анз мад̇д̇ан̃н̃уд̇аа ж̇ааг̇арияаануяог̇о сад̇исамбаж̇ан̃н̃ам̣ жад̇д̇ааро сад̇ибадтаанаа жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇аа арияо адтан̇г̇иго маг̇г̇о – ид̣̇ам̣ бадибад̇д̇исаасанам̣. д̇амби муссад̇и саммуссад̇и бамуссад̇и самбамуссад̇и бариб̣аахиро ход̇ийд̇и. звамби муссад̇з вааби саасанам̣.
Katamaṃ paṭipattisāsanaṃ? Sammāpaṭipadā anulomapaṭipadā apaccanīkapaṭipadā anvatthapaṭipadā dhammānudhammapaṭipadā sīlesu paripūrakāritā indriyesu guttadvāratā bhojane mattaññutā jāgariyānuyogo satisampajaññaṃ cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo – idaṃ paṭipattisāsanaṃ. Tampi mussati sammussati pamussati sampamussati paribāhiro hotīti. Evampi mussate vāpi sāsanaṃ.
мижчаа жа бадибаж̇ж̇ад̇ийд̇и. баан̣амби ханад̇и, ад̣̇иннамби аад̣̇ияад̇и , санд̇химби чинд̣̇ад̇и, ниллобамби харад̇и, згааг̇ааригамби гарод̇и, барибант̇зби д̇идтад̇и, барад̣̇аарамби г̇ажчад̇и, мусааби бхан̣ад̇ийд̇и – мижчаа жа бадибаж̇ж̇ад̇и.
Micchāca paṭipajjatīti. Pāṇampi hanati, adinnampi ādiyati , sandhimpi chindati, nillopampi harati, ekāgārikampi karoti, paripanthepi tiṭṭhati, paradārampi gacchati, musāpi bhaṇatīti – micchā ca paṭipajjati.
зд̇ам̣ д̇асмим̣ анаарияанд̇и. зд̇ам̣ д̇асмим̣ буг̇г̇алз анарияад̇хаммо б̣аалад̇хаммо муул̣хад̇хаммо ан̃н̃аан̣ад̇хаммо амараавигкзбад̇хаммо, яад̣̇ид̣̇ам̣ мижчаабадибад̣̇аад̇и – зд̇ам̣ д̇асмим̣ анаарияам̣.
Etaṃ tasmiṃ anāriyanti. Etaṃ tasmiṃ puggale anariyadhammo bāladhammo mūḷhadhammo aññāṇadhammo amarāvikkhepadhammo, yadidaṃ micchāpaṭipadāti – etaṃ tasmiṃ anāriyaṃ.
д̇знааха бхаг̇аваа –
Tenāha bhagavā –
‘‘мзт̇унамануяуд̇д̇асса, [мзд̇д̇зяяаад̇и бхаг̇аваа]
‘‘Methunamanuyuttassa, [metteyyāti bhagavā]
муссад̇з вааби саасанам̣;
Mussate vāpi sāsanaṃ;
мижчаа жа бадибаж̇ж̇ад̇и, зд̇ам̣ д̇асмим̣ анаарияа’’нд̇и.
Micchā ca paṭipajjati, etaṃ tasmiṃ anāriya’’nti.
51.
51.
зго буб̣б̣з жарид̇ваана, мзт̇унам̣ яо нисзвад̇и;
Eko pubbe caritvāna, methunaṃ yo nisevati;
яаанам̣ бханд̇ам̣ва д̇ам̣ логз, хийнамааху бут̇уж̇ж̇анам̣.
Yānaṃ bhantaṃva taṃ loke, hīnamāhu puthujjanaṃ.
зго буб̣б̣з жарид̇ваанаад̇и. д̣̇вийхи гааран̣зхи зго буб̣б̣з жарид̇ваана – баб̣б̣аж̇ж̇аасан̇каад̇зна ваа г̇ан̣аававассаг̇г̇адтзна ваа. гат̇ам̣ баб̣б̣аж̇ж̇аасан̇каад̇зна зго буб̣б̣з жарид̇ваана? саб̣б̣ам̣ гхарааваасабалиб̣од̇хам̣ чинд̣̇ид̇ваа буд̇д̇ад̣̇аарабалиб̣од̇хам̣ чинд̣̇ид̇ваа н̃аад̇ибалиб̣од̇хам̣ чинд̣̇ид̇ваа мид̇д̇аамажжабалиб̣од̇хам̣ чинд̣̇ид̇ваа саннид̇хибалиб̣од̇хам̣ чинд̣̇ид̇ваа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ваа агин̃жанабхаавам̣ убаг̇анд̇ваа зго жарад̇и вихарад̇и ирияад̇и вад̇д̇ад̇и баалзд̇и яабзд̇и яаабзд̇и. звам̣ баб̣б̣аж̇ж̇аасан̇каад̇зна зго буб̣б̣з жарид̇ваана.
Eko pubbe caritvānāti. Dvīhi kāraṇehi eko pubbe caritvāna – pabbajjāsaṅkhātena vā gaṇāvavassaggaṭṭhena vā. Kathaṃ pabbajjāsaṅkhātena eko pubbe caritvāna? Sabbaṃ gharāvāsapalibodhaṃ chinditvā puttadārapalibodhaṃ chinditvā ñātipalibodhaṃ chinditvā mittāmaccapalibodhaṃ chinditvā sannidhipalibodhaṃ chinditvā kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajitvā akiñcanabhāvaṃ upagantvā eko carati viharati iriyati vattati pāleti yapeti yāpeti. Evaṃ pabbajjāsaṅkhātena eko pubbe caritvāna.
гат̇ам̣ г̇ан̣аававассаг̇г̇адтзна зго буб̣б̣з жарид̇ваана? со звам̣ баб̣б̣аж̇ид̇о самаано зго аран̃н̃аванабад̇т̇аани банд̇аани сзнаасанаани бадисзвад̇и аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани бадисаллаанасааруббаани. со зго г̇ажчад̇и, зго д̇идтад̇и, зго нисийд̣̇ад̇и, зго сзяяам̣ габбзд̇и, зго г̇аамам̣ бин̣д̣ааяа бависад̇и, зго бадиггамад̇и, зго рахо нисийд̣̇ад̇и, зго жан̇гамам̣ ад̇хидтаад̇и, зго жарад̇и вихарад̇и ирияад̇и вад̇д̇ад̇и баалзд̇и яабзд̇и яаабзд̇и. звам̣ г̇ан̣аававассаг̇г̇адтзна зго буб̣б̣з жарид̇ваана.
Kathaṃ gaṇāvavassaggaṭṭhena eko pubbe caritvāna? So evaṃ pabbajito samāno eko araññavanapatthāni pantāni senāsanāni paṭisevati appasaddāni appanigghosāni vijanavātāni manussarāhasseyyakāni paṭisallānasāruppāni. So eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko raho nisīdati, eko caṅkamaṃ adhiṭṭhāti, eko carati viharati iriyati vattati pāleti yapeti yāpeti. Evaṃ gaṇāvavassaggaṭṭhena eko pubbe caritvāna.
мзт̇унам̣ яо нисзвад̇ийд̇и. мзт̇унад̇хаммо наама яо со асад̣̇д̇хаммо…бз… д̇ам̣гааран̣аа вужжад̇и мзт̇унад̇хаммо. мзт̇унам̣ яо нисзвад̇ийд̇и . яо абарзна самаязна б̣уд̣̇д̇хам̣ д̇хаммам̣ сан̇гхам̣ сигкам̣ бажжагкааяа хийнааяаавад̇д̇ид̇ваа мзт̇унам̣ д̇хаммам̣ сзвад̇и нисзвад̇и сам̣сзвад̇и бадисзвад̇ийд̇и – мзт̇унам̣ яо нисзвад̇и.
Methunaṃ yo nisevatīti. Methunadhammo nāma yo so asaddhammo…pe… taṃkāraṇā vuccati methunadhammo. Methunaṃ yo nisevatīti . Yo aparena samayena buddhaṃ dhammaṃ saṅghaṃ sikkhaṃ paccakkhāya hīnāyāvattitvā methunaṃ dhammaṃ sevati nisevati saṃsevati paṭisevatīti – methunaṃ yo nisevati.
яаанам̣ бханд̇ам̣ва д̇ам̣ логзд̇и. яаананд̇и хад̇т̇ияаанам̣ ассаяаанам̣ г̇ояаанам̣ аж̇аяаанам̣ мзн̣д̣аяаанам̣ одтаяаанам̣ караяаанам̣ бханд̇ам̣ ад̣̇анд̇ам̣ агаарид̇ам̣ авинийд̇ам̣ уббат̇ам̣ г̇ан̣хаад̇и, висамам̣ каан̣умби баасаан̣амби абхирухад̇и, яаанамби аароханагамби бхан̃ж̇ад̇и, бабаад̇зби бабад̇ад̇и. яат̇аа д̇ам̣ бханд̇ам̣ яаанам̣ ад̣̇анд̇ам̣ агаарид̇ам̣ авинийд̇ам̣ уббат̇ам̣ г̇ан̣хаад̇и; звамзвам̣ со виб̣бханд̇аго бханд̇аяаанабадибхааг̇о уббат̇ам̣ г̇ан̣хаад̇и, мижчаад̣̇идтим̣ г̇ан̣хаад̇и…бз… мижчаасамаад̇хим̣ г̇ан̣хаад̇и. яат̇аа д̇ам̣ бханд̇ам̣ яаанам̣ ад̣̇анд̇ам̣ агаарид̇ам̣ авинийд̇ам̣ висамам̣ каан̣умби баасаан̣амби абхирухад̇и; звамзвам̣ со виб̣бханд̇аго бханд̇аяаанабадибхааг̇о висамам̣ гааяагаммам̣ абхирухад̇и, висамам̣ важийгаммам̣ абхирухад̇и, висамам̣ маногаммам̣ абхирухад̇и, висамам̣ баан̣аад̇ибаад̇ам̣ абхирухад̇и, висамам̣ ад̣̇иннаад̣̇аанам̣ абхирухад̇и, висамам̣ гаамзсумижчаажаарам̣ абхирухад̇и, висамам̣ мусааваад̣̇ам̣ абхирухад̇и, висамам̣ бисун̣аваажам̣ абхирухад̇и, висамам̣ парусаваажам̣ абхирухад̇и, висамам̣ сампаббалаабам̣ абхирухад̇и , висамам̣ абхиж̇жхам̣ абхирухад̇и, висамам̣ б̣яаабаад̣̇ам̣ абхирухад̇и, висамам̣ мижчаад̣̇идтим̣ абхирухад̇и, висамз сан̇каарз абхирухад̇и, висамз бан̃жа гаамаг̇ун̣з абхирухад̇и, висамз нийваран̣з абхирухад̇и. яат̇аа д̇ам̣ бханд̇ам̣ яаанам̣ ад̣̇анд̇ам̣ агаарид̇ам̣ авинийд̇ам̣ яаанамби аароханагамби бхан̃ж̇ад̇и; звамзвам̣ со виб̣бханд̇аго бханд̇аяаанабадибхааг̇о нираяз ад̇д̇аанам̣ бхан̃ж̇ад̇и , д̇иражчаанаяонияам̣ ад̇д̇аанам̣ бхан̃ж̇ад̇и, бзд̇д̇ивисаяз ад̇д̇аанам̣ бхан̃ж̇ад̇и, мануссалогз ад̇д̇аанам̣ бхан̃ж̇ад̇и, д̣̇звалогз ад̇д̇аанам̣ бхан̃ж̇ад̇и. яат̇аа д̇ам̣ бханд̇ам̣ яаанам̣ ад̣̇анд̇ам̣ агаарид̇ам̣ авинийд̇ам̣ бабаад̇з бабад̇ад̇и; звамзвам̣ со виб̣бханд̇аго бханд̇аяаанабадибхааг̇о ж̇аад̇ибабаад̇амби бабад̇ад̇и, ж̇араабабаад̇амби бабад̇ад̇и, б̣яаад̇хибабаад̇амби бабад̇ад̇и, маран̣абабаад̇амби бабад̇ад̇и, согабарид̣̇звад̣̇угкад̣̇оманассубааяаасабабаад̇амби бабад̇ад̇и. логзд̇и абааяалогз мануссалогзд̇и – яаанам̣ бханд̇ам̣ва д̇ам̣ логз.
Yānaṃ bhantaṃva taṃ loketi. Yānanti hatthiyānaṃ assayānaṃ goyānaṃ ajayānaṃ meṇḍayānaṃ oṭṭhayānaṃ kharayānaṃ bhantaṃ adantaṃ akāritaṃ avinītaṃ uppathaṃ gaṇhāti, visamaṃ khāṇumpi pāsāṇampi abhiruhati, yānampi ārohanakampi bhañjati, papātepi papatati. Yathā taṃ bhantaṃ yānaṃ adantaṃ akāritaṃ avinītaṃ uppathaṃ gaṇhāti; evamevaṃ so vibbhantako bhantayānapaṭibhāgo uppathaṃ gaṇhāti, micchādiṭṭhiṃ gaṇhāti…pe… micchāsamādhiṃ gaṇhāti. Yathā taṃ bhantaṃ yānaṃ adantaṃ akāritaṃ avinītaṃ visamaṃ khāṇumpi pāsāṇampi abhiruhati; evamevaṃ so vibbhantako bhantayānapaṭibhāgo visamaṃ kāyakammaṃ abhiruhati, visamaṃ vacīkammaṃ abhiruhati, visamaṃ manokammaṃ abhiruhati, visamaṃ pāṇātipātaṃ abhiruhati, visamaṃ adinnādānaṃ abhiruhati, visamaṃ kāmesumicchācāraṃ abhiruhati, visamaṃ musāvādaṃ abhiruhati, visamaṃ pisuṇavācaṃ abhiruhati, visamaṃ pharusavācaṃ abhiruhati, visamaṃ samphappalāpaṃ abhiruhati , visamaṃ abhijjhaṃ abhiruhati, visamaṃ byāpādaṃ abhiruhati, visamaṃ micchādiṭṭhiṃ abhiruhati, visame saṅkhāre abhiruhati, visame pañca kāmaguṇe abhiruhati, visame nīvaraṇe abhiruhati. Yathā taṃ bhantaṃ yānaṃ adantaṃ akāritaṃ avinītaṃ yānampi ārohanakampi bhañjati; evamevaṃ so vibbhantako bhantayānapaṭibhāgo niraye attānaṃ bhañjati , tiracchānayoniyaṃ attānaṃ bhañjati, pettivisaye attānaṃ bhañjati, manussaloke attānaṃ bhañjati, devaloke attānaṃ bhañjati. Yathā taṃ bhantaṃ yānaṃ adantaṃ akāritaṃ avinītaṃ papāte papatati; evamevaṃ so vibbhantako bhantayānapaṭibhāgo jātipapātampi papatati, jarāpapātampi papatati, byādhipapātampi papatati, maraṇapapātampi papatati, sokaparidevadukkhadomanassupāyāsapapātampi papatati. Loketi apāyaloke manussaloketi – yānaṃ bhantaṃva taṃ loke.
хийнамааху бут̇уж̇ж̇ананд̇и. бут̇уж̇ж̇анаад̇и гзнадтзна бут̇уж̇ж̇анаа? бут̇у гилзсз ж̇анзнд̇ийд̇и бут̇уж̇ж̇анаа, бут̇у авихад̇асаггааяад̣̇идтигаад̇и бут̇уж̇ж̇анаа, бут̇у сад̇т̇аараанам̣ мукуллогигаад̇и бут̇уж̇ж̇анаа, бут̇у саб̣б̣аг̇ад̇ийхи авудтид̇аад̇и бут̇уж̇ж̇анаа , бут̇у наанаабхисан̇каарз 13 абхисан̇каронд̇ийд̇и бут̇уж̇ж̇анаа, бут̇у наанааогхзхи вуяханд̇ийд̇и бут̇уж̇ж̇анаа, бут̇у наанаасанд̇аабзхи санд̇абанд̇ийд̇и бут̇уж̇ж̇анаа, бут̇у наанаабарил̣аахзхи барид̣̇аяханд̇ийд̇и бут̇уж̇ж̇анаа, бут̇у бан̃жасу гаамаг̇ун̣зсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа 14 лаг̇г̇аа лаг̇г̇ид̇аа балиб̣уд̣̇д̇хаад̇и бут̇уж̇ж̇анаа, бут̇у бан̃жахи нийваран̣зхи аавуд̇аа нивуд̇аа овуд̇аа бихид̇аа бадижчаннаа бадигуж̇ж̇ид̇аад̇и бут̇уж̇ж̇анаа. хийнамааху бут̇уж̇ж̇ананд̇и. бут̇уж̇ж̇анам̣ хийнам̣ нихийнам̣ омагам̣ лаамагам̣ чад̇уггам̣ барид̇д̇анд̇и звамаахам̣су звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – хийнамааху бут̇уж̇ж̇анам̣.
Hīnamāhu puthujjananti. Puthujjanāti kenaṭṭhena puthujjanā? Puthu kilese janentīti puthujjanā, puthu avihatasakkāyadiṭṭhikāti puthujjanā, puthu satthārānaṃ mukhullokikāti puthujjanā, puthu sabbagatīhi avuṭṭhitāti puthujjanā , puthu nānābhisaṅkhāre 15 abhisaṅkharontīti puthujjanā, puthu nānāoghehi vuyhantīti puthujjanā, puthu nānāsantāpehi santapantīti puthujjanā, puthu nānāpariḷāhehi paridayhantīti puthujjanā, puthu pañcasu kāmaguṇesu rattā giddhā gadhitā mucchitā ajjhosannā 16 laggā laggitā palibuddhāti puthujjanā, puthu pañcahi nīvaraṇehi āvutā nivutā ovutā pihitā paṭicchannā paṭikujjitāti puthujjanā. Hīnamāhu puthujjananti. Puthujjanaṃ hīnaṃ nihīnaṃ omakaṃ lāmakaṃ chatukkaṃ parittanti evamāhaṃsu evaṃ kathenti evaṃ bhaṇanti evaṃ dīpayanti evaṃ voharantīti – hīnamāhu puthujjanaṃ.
д̇знааха бхаг̇аваа –
Tenāha bhagavā –
‘‘зго буб̣б̣з жарид̇ваана, мзт̇унам̣ яо нисзвад̇и;
‘‘Eko pubbe caritvāna, methunaṃ yo nisevati;
яаанам̣ бханд̇ам̣ва д̇ам̣ логз, хийнамааху бут̇уж̇ж̇ана’’нд̇и.
Yānaṃ bhantaṃva taṃ loke, hīnamāhu puthujjana’’nti.
52.
52.
яасо гид̇д̇и жа яаа буб̣б̣з, хааяад̇з вааби д̇асса саа;
Yaso kitti ca yā pubbe, hāyate vāpi tassa sā;
зд̇амби д̣̇исваа сигкзт̇а, мзт̇унам̣ виббахаад̇авз.
Etampi disvā sikkhetha, methunaṃ vippahātave.
яасо гид̇д̇и жа яаа буб̣б̣з, хааяад̇з вааби д̇асса саад̇и. гад̇амо яасо? ид̇хзгажжо буб̣б̣з саман̣абхаавз саггад̇о ход̇и г̇аругад̇о маанид̇о бууж̇ид̇о абажид̇о лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараанам̣ – аяам̣ яасо. гад̇амаа гид̇д̇и? ид̇хзгажжо буб̣б̣з саман̣абхаавз гид̇д̇иван̣н̣аг̇ад̇о ход̇и бан̣д̣ид̇о вияад̇д̇о мзд̇хаавий б̣ахуссуд̇о жид̇д̇агат̇ий галяаан̣абадибхаано – суд̇д̇анд̇игод̇и ваа винаяад̇харод̇и ваа д̇хаммагат̇игод̇и ваа ааран̃н̃игод̇и ваа бин̣д̣абаад̇игод̇и ваа бам̣сугуулигод̇и ваа д̇зжийваригод̇и ваа сабад̣̇аанажааригод̇и ваа калубажчаабхад̇д̇игод̇и ваа нзсаж̇ж̇игод̇и ваа яат̇аасант̇ад̇игод̇и ваа батамасса жхаанасса лаабхийд̇и ваа д̣̇уд̇ияасса жхаанасса лаабхийд̇и ваа д̇ад̇ияасса жхаанасса лаабхийд̇и ваа жад̇уд̇т̇асса жхаанасса лаабхийд̇и ваа аагаасаанан̃жааяад̇анасамаабад̇д̇ияаа лаабхийд̇и ваа вин̃н̃аан̣ан̃жааяад̇анасамаабад̇д̇ияаа лаабхийд̇и ваа аагин̃жан̃н̃ааяад̇анасамаабад̇д̇ияаа лаабхийд̇и ваа нзвасан̃н̃аанаасан̃н̃ааяад̇анасамаабад̇д̇ияаа лаабхийд̇и ваа, аяам̣ гид̇д̇ийд̇и – яасо гид̇д̇и жа яаа буб̣б̣з.
Yaso kitti ca yā pubbe, hāyate vāpi tassa sāti. Katamo yaso? Idhekacco pubbe samaṇabhāve sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṃ – ayaṃ yaso. Katamā kitti? Idhekacco pubbe samaṇabhāve kittivaṇṇagato hoti paṇḍito viyatto medhāvī bahussuto cittakathī kalyāṇapaṭibhāno – suttantikoti vā vinayadharoti vā dhammakathikoti vā āraññikoti vā piṇḍapātikoti vā paṃsukūlikoti vā tecīvarikoti vā sapadānacārikoti vā khalupacchābhattikoti vā nesajjikoti vā yathāsanthatikoti vā paṭhamassa jhānassa lābhīti vā dutiyassa jhānassa lābhīti vā tatiyassa jhānassa lābhīti vā catutthassa jhānassa lābhīti vā ākāsānañcāyatanasamāpattiyā lābhīti vā viññāṇañcāyatanasamāpattiyā lābhīti vā ākiñcaññāyatanasamāpattiyā lābhīti vā nevasaññānāsaññāyatanasamāpattiyā lābhīti vā, ayaṃ kittīti – yaso kitti ca yā pubbe.
хааяад̇з вааби д̇асса саад̇и. д̇асса абарзна самаязна б̣уд̣̇д̇хам̣ д̇хаммам̣ сан̇гхам̣ сигкам̣ бажжагкааяа хийнааяаавад̇д̇асса со жа яасо саа жа гид̇д̇и хааяад̇и барихааяад̇и барид̇хам̣сад̇и барибад̇ад̇и анд̇арад̇хааяад̇и виббалуж̇ж̇ад̇ийд̇и – яасо гид̇д̇и жа яаа буб̣б̣з хааяад̇з вааби д̇асса саа.
Hāyatevāpi tassa sāti. Tassa aparena samayena buddhaṃ dhammaṃ saṅghaṃ sikkhaṃ paccakkhāya hīnāyāvattassa so ca yaso sā ca kitti hāyati parihāyati paridhaṃsati paripatati antaradhāyati vippalujjatīti – yaso kitti ca yā pubbe hāyate vāpi tassa sā.
зд̇амби д̣̇исваа сигкзт̇а мзт̇унам̣ виббахаад̇авзд̇и. зд̇анд̇и буб̣б̣з саман̣абхаавз яасо гид̇д̇и жа, абарабхааг̇з б̣уд̣̇д̇хам̣ д̇хаммам̣ сан̇гхам̣ сигкам̣ бажжагкааяа хийнааяаавад̇д̇асса аяасо жа агид̇д̇и жа; зд̇ам̣ самбад̇д̇им̣ вибад̇д̇им̣. д̣̇исваад̇и бассид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваад̇и – зд̇амби д̣̇исваа. сигкзт̇аад̇и д̇иссо сигкаа – ад̇хисийласигкаа, ад̇хижид̇д̇асигкаа, ад̇хибан̃н̃аасигкаа. гад̇амаа ад̇хисийласигкаа? ид̇ха бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. куд̣̇д̣̇аго сийлагканд̇хо, маханд̇о сийлагканд̇хо. сийлам̣ бад̇идтаа аад̣̇и жаран̣ам̣ сам̣яамо сам̣варо мукам̣ бамукам̣ гусалаанам̣ д̇хаммаанам̣ самаабад̇д̇ияаа – аяам̣ ад̇хисийласигкаа.
Etampi disvā sikkhetha methunaṃ vippahātaveti. Etanti pubbe samaṇabhāve yaso kitti ca, aparabhāge buddhaṃ dhammaṃ saṅghaṃ sikkhaṃ paccakkhāya hīnāyāvattassa ayaso ca akitti ca; etaṃ sampattiṃ vipattiṃ. Disvāti passitvā tulayitvā tīrayitvā vibhāvayitvā vibhūtaṃ katvāti – etampi disvā. Sikkhethāti tisso sikkhā – adhisīlasikkhā, adhicittasikkhā, adhipaññāsikkhā. Katamā adhisīlasikkhā? Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu. Khuddako sīlakkhandho, mahanto sīlakkhandho. Sīlaṃ patiṭṭhā ādi caraṇaṃ saṃyamo saṃvaro mukhaṃ pamukhaṃ kusalānaṃ dhammānaṃ samāpattiyā – ayaṃ adhisīlasikkhā.
гад̇амаа ад̇хижид̇д̇асигкаа? ид̇ха бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и…бз… д̣̇уд̇ияам̣ жхаанам̣… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и – аяам̣ ад̇хижид̇д̇асигкаа.
Katamā adhicittasikkhā? Idha bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati…pe… dutiyaṃ jhānaṃ… tatiyaṃ jhānaṃ… catutthaṃ jhānaṃ upasampajja viharati – ayaṃ adhicittasikkhā.
гад̇амаа ад̇хибан̃н̃аасигкаа? ид̇ха бхигку бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. со ид̣̇ам̣ д̣̇угканд̇и яат̇аабхууд̇ам̣ баж̇аанаад̇и, аяам̣ д̣̇угкасамуд̣̇аяод̇и яат̇аабхууд̇ам̣ баж̇аанаад̇и, аяам̣ д̣̇угканирод̇ход̇и яат̇аабхууд̇ам̣ баж̇аанаад̇и, аяам̣ д̣̇угканирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и, имз аасаваад̇и яат̇аабхууд̇ам̣ баж̇аанаад̇и, аяам̣ аасавасамуд̣̇аяод̇и яат̇аабхууд̇ам̣ баж̇аанаад̇и, аяам̣ аасаванирод̇ход̇и яат̇аабхууд̇ам̣ баж̇аанаад̇и , аяам̣ аасаванирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и – аяам̣ ад̇хибан̃н̃аасигкаа. мзт̇унад̇хаммо наама яо со асад̣̇д̇хаммо…бз… д̇ам̣гааран̣аа вужжад̇и мзт̇унад̇хаммо.
Katamā adhipaññāsikkhā? Idha bhikkhu paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. So idaṃ dukkhanti yathābhūtaṃ pajānāti, ayaṃ dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ pajānāti, ayaṃ dukkhanirodhagāminī paṭipadāti yathābhūtaṃ pajānāti, ime āsavāti yathābhūtaṃ pajānāti, ayaṃ āsavasamudayoti yathābhūtaṃ pajānāti, ayaṃ āsavanirodhoti yathābhūtaṃ pajānāti , ayaṃ āsavanirodhagāminī paṭipadāti yathābhūtaṃ pajānāti – ayaṃ adhipaññāsikkhā. Methunadhammo nāma yo so asaddhammo…pe… taṃkāraṇā vuccati methunadhammo.
зд̇амби д̣̇исваа сигкзт̇а, мзт̇унам̣ виббахаад̇авзд̇и. мзт̇унад̇хаммасса бахаанааяа вуубасамааяа бадиниссаг̇г̇ааяа бадибассад̣̇д̇хияаа ад̇хисийламби сигкзяяа, ад̇хижид̇д̇амби сигкзяяа, ад̇хибан̃н̃амби сигкзяяа. имаа д̇иссо сигкааяо ааваж̇ж̇анд̇о сигкзяяа, ж̇аананд̇о сигкзяяа, бассанд̇о сигкзяяа, бажжавзгканд̇о сигкзяяа, жид̇д̇ам̣ ад̇хидтаханд̇о сигкзяяа, сад̣̇д̇хааяа ад̇химужжанд̇о сигкзяяа, вийрияам̣ баг̇г̇ан̣ханд̇о сигкзяяа, сад̇им̣ убадтабзнд̇о сигкзяяа, жид̇д̇ам̣ самаад̣̇аханд̇о сигкзяяа, бан̃н̃ааяа баж̇аананд̇о сигкзяяа, абхин̃н̃зяяам̣ абхиж̇аананд̇о сигкзяяа, барин̃н̃зяяам̣ бариж̇аананд̇о сигкзяяа, бахаад̇аб̣б̣ам̣ баж̇аханд̇о сигкзяяа, бхаавзд̇аб̣б̣ам̣ бхаавзнд̇о сигкзяяа, сажчигаад̇аб̣б̣ам̣ сажчигаронд̇о сигкзяяа аажарзяяа самаажарзяяа самаад̣̇ааяа вад̇д̇зяяаад̇и – зд̇амби д̣̇исваа сигкзт̇а, мзт̇унам̣ виббахаад̇авз.
Etampidisvā sikkhetha, methunaṃ vippahātaveti. Methunadhammassa pahānāya vūpasamāya paṭinissaggāya paṭipassaddhiyā adhisīlampi sikkheyya, adhicittampi sikkheyya, adhipaññampi sikkheyya. Imā tisso sikkhāyo āvajjanto sikkheyya, jānanto sikkheyya, passanto sikkheyya, paccavekkhanto sikkheyya, cittaṃ adhiṭṭhahanto sikkheyya, saddhāya adhimuccanto sikkheyya, vīriyaṃ paggaṇhanto sikkheyya, satiṃ upaṭṭhapento sikkheyya, cittaṃ samādahanto sikkheyya, paññāya pajānanto sikkheyya, abhiññeyyaṃ abhijānanto sikkheyya, pariññeyyaṃ parijānanto sikkheyya, pahātabbaṃ pajahanto sikkheyya, bhāvetabbaṃ bhāvento sikkheyya, sacchikātabbaṃ sacchikaronto sikkheyya ācareyya samācareyya samādāya vatteyyāti – etampi disvā sikkhetha, methunaṃ vippahātave.
д̇знааха бхаг̇аваа –
Tenāha bhagavā –
‘‘яасо гид̇д̇и жа яаа буб̣б̣з, хааяад̇з вааби д̇асса саа;
‘‘Yaso kitti ca yā pubbe, hāyate vāpi tassa sā;
зд̇амби д̣̇исваа сигкзт̇а, мзт̇унам̣ виббахаад̇авз’’д̇и.
Etampi disvā sikkhetha, methunaṃ vippahātave’’ti.
53.
53.
сан̇габбзхи барзд̇о со, габан̣о вияа жхааяад̇и;
Saṅkappehi pareto so, kapaṇo viya jhāyati;
суд̇ваа барзсам̣ ниг̇гхосам̣, ман̇гу ход̇и д̇ат̇аавид̇хо.
Sutvā paresaṃ nigghosaṃ, maṅku hoti tathāvidho.
сан̇габбзхи барзд̇о со, габан̣о вияа жхааяад̇ийд̇и. гаамасан̇габбзна б̣яаабаад̣̇асан̇габбзна вихим̣саасан̇габбзна д̣̇идтисан̇габбзна пудто барзд̇о самохид̇о саманнааг̇ад̇о бихид̇о габан̣о вияа манд̣̇о вияа момуухо вияа жхааяад̇и баж̇жхааяад̇и ниж̇жхааяад̇и абаж̇жхааяад̇и 17. яат̇аа улууго ругкасаакааяам̣ муусигам̣ маг̇аяамаано жхааяад̇и баж̇жхааяад̇и ниж̇жхааяад̇и абаж̇жхааяад̇и, яат̇аа год̇т̇у над̣̇ийд̇ийрз мажчз маг̇аяамаано жхааяад̇и баж̇жхааяад̇и ниж̇жхааяад̇и абаж̇жхааяад̇и, яат̇аа б̣ил̣ааро санд̇хисамаласан̇гадирз муусигам̣ маг̇аяамаано жхааяад̇и баж̇жхааяад̇и ниж̇жхааяад̇и абаж̇жхааяад̇и, яат̇аа г̇ад̣̇рабхо вахажчинно санд̇хисамаласан̇гадирз жхааяад̇и баж̇жхааяад̇и ниж̇жхааяад̇и абаж̇жхааяад̇и; звамзвам̣ со виб̣бханд̇аго гаамасан̇габбзна б̣яаабаад̣̇асан̇габбзна вихим̣саасан̇габбзна д̣̇идтисан̇габбзна пудто барзд̇о самохид̇о саманнааг̇ад̇о бихид̇о габан̣о вияа манд̣̇о вияа момуухо вияа жхааяад̇и баж̇жхааяад̇и ниж̇жхааяад̇и абаж̇жхааяад̇ийд̇и – сан̇габбзхи барзд̇о со габан̣о вияа жхааяад̇и.
Saṅkappehipareto so, kapaṇo viya jhāyatīti. Kāmasaṅkappena byāpādasaṅkappena vihiṃsāsaṅkappena diṭṭhisaṅkappena phuṭṭho pareto samohito samannāgato pihito kapaṇo viya mando viya momūho viya jhāyati pajjhāyati nijjhāyati apajjhāyati 18. Yathā ulūko rukkhasākhāyaṃ mūsikaṃ magayamāno jhāyati pajjhāyati nijjhāyati apajjhāyati, yathā kotthu nadītīre macche magayamāno jhāyati pajjhāyati nijjhāyati apajjhāyati, yathā biḷāro sandhisamalasaṅkaṭire mūsikaṃ magayamāno jhāyati pajjhāyati nijjhāyati apajjhāyati, yathā gadrabho vahacchinno sandhisamalasaṅkaṭire jhāyati pajjhāyati nijjhāyati apajjhāyati; evamevaṃ so vibbhantako kāmasaṅkappena byāpādasaṅkappena vihiṃsāsaṅkappena diṭṭhisaṅkappena phuṭṭho pareto samohito samannāgato pihito kapaṇo viya mando viya momūho viya jhāyati pajjhāyati nijjhāyati apajjhāyatīti – saṅkappehi pareto so kapaṇo viya jhāyati.
суд̇ваа барзсам̣ ниг̇гхосам̣, ман̇гу ход̇и д̇ат̇аавид̇ход̇и. барзсанд̇и убаж̇жхааяаа ваа аажарияаа ваа самаанубаж̇жхааяагаа ваа самаанаажарияагаа ваа мид̇д̇аа ваа санд̣̇идтаа ваа самбхад̇д̇аа ваа сахааяаа ваа жод̣̇знд̇и – ‘‘д̇асса д̇з, аавусо, алаабхаа, д̇асса д̇з д̣̇уллад̣̇д̇хам̣, яам̣ д̇вам̣ зваруубам̣ ул̣аарам̣ сад̇т̇аарам̣ лабхид̇ваа звам̣ сваагкаад̇з д̇хаммавинаяз баб̣б̣аж̇ид̇ваа зваруубам̣ арияаг̇ан̣ам̣ лабхид̇ваа хийнасса мзт̇унад̇хаммасса гааран̣аа б̣уд̣̇д̇хам̣ д̇хаммам̣ сан̇гхам̣ сигкам̣ бажжагкааяа хийнааяаавад̇д̇оси. сад̣̇д̇хааби наама д̇з наахоси гусалзсу д̇хаммзсу, хирийби наама д̇з наахоси гусалзсу д̇хаммзсу, од̇д̇аббамби наама д̇з наахоси гусалзсу д̇хаммзсу, вийрияамби наама д̇з наахоси гусалзсу д̇хаммзсу, сад̇иби наама д̇з наахоси гусалзсу д̇хаммзсу, бан̃н̃ааби наама д̇з наахоси гусалзсу д̇хаммзсуу’’д̇и. д̇зсам̣ важанам̣ б̣яаббат̇ам̣ д̣̇зсанам̣ анусаасанам̣ анусидтим̣ суд̇ваа сун̣ид̇ваа уг̇г̇ахзд̇ваа убад̇хаараяид̇ваа убалагкаяид̇ваа ман̇гу ход̇и, бийл̣ид̇о гхаддид̇о б̣яаад̇хид̇о д̣̇оманассид̇о ход̇и. д̇ат̇аавид̇ход̇и д̇ат̇аавид̇хо д̇аад̣̇исо д̇ассан̣тид̇о д̇аббагааро д̇аббадибхааг̇о. яо со виб̣бханд̇агод̇и – суд̇ваа барзсам̣ ниг̇гхосам̣ ман̇гу ход̇и д̇ат̇аавид̇хо.
Sutvāparesaṃ nigghosaṃ, maṅku hoti tathāvidhoti. Paresanti upajjhāyā vā ācariyā vā samānupajjhāyakā vā samānācariyakā vā mittā vā sandiṭṭhā vā sambhattā vā sahāyā vā codenti – ‘‘tassa te, āvuso, alābhā, tassa te dulladdhaṃ, yaṃ tvaṃ evarūpaṃ uḷāraṃ satthāraṃ labhitvā evaṃ svākkhāte dhammavinaye pabbajitvā evarūpaṃ ariyagaṇaṃ labhitvā hīnassa methunadhammassa kāraṇā buddhaṃ dhammaṃ saṅghaṃ sikkhaṃ paccakkhāya hīnāyāvattosi. Saddhāpi nāma te nāhosi kusalesu dhammesu, hirīpi nāma te nāhosi kusalesu dhammesu, ottappampi nāma te nāhosi kusalesu dhammesu, vīriyampi nāma te nāhosi kusalesu dhammesu, satipi nāma te nāhosi kusalesu dhammesu, paññāpi nāma te nāhosi kusalesu dhammesū’’ti. Tesaṃ vacanaṃ byappathaṃ desanaṃ anusāsanaṃ anusiṭṭhiṃ sutvā suṇitvā uggahetvā upadhārayitvā upalakkhayitvā maṅku hoti, pīḷito ghaṭṭito byādhito domanassito hoti. Tathāvidhoti tathāvidho tādiso tassaṇṭhito tappakāro tappaṭibhāgo. Yo so vibbhantakoti – sutvā paresaṃ nigghosaṃ maṅku hoti tathāvidho.
д̇знааха бхаг̇аваа –
Tenāha bhagavā –
‘‘сан̇габбзхи барзд̇о со, габан̣о вияа жхааяад̇и;
‘‘Saṅkappehi pareto so, kapaṇo viya jhāyati;
суд̇ваа барзсам̣ ниг̇гхосам̣, ман̇гу ход̇и д̇ат̇аавид̇хо’’д̇и.
Sutvā paresaṃ nigghosaṃ, maṅku hoti tathāvidho’’ti.
54.
54.
ат̇а сад̇т̇аани гуруд̇з, бараваад̣̇зхи жод̣̇ид̇о;
Atha satthāni kurute, paravādehi codito;
зса квасса махааг̇зд̇хо, мосаваж̇ж̇ам̣ баг̇аахад̇и 19 .
Esa khvassa mahāgedho, mosavajjaṃ pagāhati20.
ат̇а сад̇т̇аани гуруд̇з, бараваад̣̇зхи жод̣̇ид̇од̇и. ат̇аад̇и бад̣̇асанд̇хи бад̣̇асам̣саг̇г̇о бад̣̇абаарибуурий агкарасамавааяо б̣яан̃ж̇анасилидтад̇аа бад̣̇аанубуб̣б̣ад̇аабзд̇ам̣ – ат̇аад̇и. сад̇т̇аанийд̇и д̇ийн̣и сад̇т̇аани – гааяасад̇т̇ам̣, важийсад̇т̇ам̣, маносад̇т̇ам̣. д̇ивид̇хам̣ гааяад̣̇ужжарид̇ам̣ гааяасад̇т̇ам̣, жад̇уб̣б̣ид̇хам̣ важийд̣̇ужжарид̇ам̣ важийсад̇т̇ам̣, д̇ивид̇хам̣ манод̣̇ужжарид̇ам̣ маносад̇т̇ам̣. бараваад̣̇зхи жод̣̇ид̇од̇и. убаж̇жхааязхи ваа аажариязхи ваа самаанубаж̇жхааяагзхи ваа самаанаажарияагзхи ваа мид̇д̇зхи ваа санд̣̇идтзхи ваа самбхад̇д̇зхи ваа сахааязхи ваа жод̣̇ид̇о самбаж̇аанамусаа бхаасад̇и. ‘‘абхирад̇о ахам̣, бханд̇з, ахосим̣ баб̣б̣аж̇ж̇ааяа. маад̇аа мз босзд̇аб̣б̣аа, д̇знамхи виб̣бханд̇о’’д̇и бхан̣ад̇и . ‘‘бид̇аа мз босзд̇аб̣б̣о , д̇знамхи виб̣бханд̇о’’д̇и бхан̣ад̇и. ‘‘бхаад̇аа мз босзд̇аб̣б̣о… бхаг̇иний мз босзд̇аб̣б̣аа… буд̇д̇о мз босзд̇аб̣б̣о… д̇хийд̇аа мз босзд̇аб̣б̣аа… мид̇д̇аа мз босзд̇аб̣б̣аа… амажжаа мз босзд̇аб̣б̣аа… н̃аад̇агаа мз босзд̇аб̣б̣аа… саалохид̇аа мз босзд̇аб̣б̣аа, д̇знамхи виб̣бханд̇о’’д̇и бхан̣ад̇и. важийсад̇т̇ам̣ гарод̇и сан̇гарод̇и ж̇анзд̇и сан̃ж̇анзд̇и ниб̣б̣ад̇д̇зд̇и абхиниб̣б̣ад̇д̇зд̇ийд̇и – ат̇а сад̇т̇аани гуруд̇з, бараваад̣̇зхи жод̣̇ид̇о.
Atha satthāni kurute, paravādehi coditoti. Athāti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – athāti. Satthānīti tīṇi satthāni – kāyasatthaṃ, vacīsatthaṃ, manosatthaṃ. Tividhaṃ kāyaduccaritaṃ kāyasatthaṃ, catubbidhaṃ vacīduccaritaṃ vacīsatthaṃ, tividhaṃ manoduccaritaṃ manosatthaṃ. Paravādehi coditoti. Upajjhāyehi vā ācariyehi vā samānupajjhāyakehi vā samānācariyakehi vā mittehi vā sandiṭṭhehi vā sambhattehi vā sahāyehi vā codito sampajānamusā bhāsati. ‘‘Abhirato ahaṃ, bhante, ahosiṃ pabbajjāya. Mātā me posetabbā, tenamhi vibbhanto’’ti bhaṇati . ‘‘Pitā me posetabbo , tenamhi vibbhanto’’ti bhaṇati. ‘‘Bhātā me posetabbo… bhaginī me posetabbā… putto me posetabbo… dhītā me posetabbā… mittā me posetabbā… amaccā me posetabbā… ñātakā me posetabbā… sālohitā me posetabbā, tenamhi vibbhanto’’ti bhaṇati. Vacīsatthaṃ karoti saṅkaroti janeti sañjaneti nibbatteti abhinibbattetīti – atha satthāni kurute, paravādehi codito.
зса квасса махааг̇зд̇ход̇и. зсо д̇асса махааг̇зд̇хо махааванам̣ махааг̇аханам̣ махааганд̇ааро махаависамо махаагудило махаабан̇го махаабалибо махаабалиб̣од̇хо махааб̣анд̇ханам̣, яад̣̇ид̣̇ам̣ самбаж̇аанамусааваад̣̇од̇и – зса квасса махааг̇зд̇хо.
Esa khvassa mahāgedhoti. Eso tassa mahāgedho mahāvanaṃ mahāgahanaṃ mahākantāro mahāvisamo mahākuṭilo mahāpaṅko mahāpalipo mahāpalibodho mahābandhanaṃ, yadidaṃ sampajānamusāvādoti – esa khvassa mahāgedho.
мосаваж̇ж̇ам̣ баг̇аахад̇ийд̇и. мосаваж̇ж̇ам̣ вужжад̇и мусааваад̣̇о. ид̇хзгажжо сабхаг̇г̇ад̇о ваа барисаг̇г̇ад̇о ваа н̃аад̇имаж̇жхаг̇ад̇о ваа бууг̇амаж̇жхаг̇ад̇о ваа рааж̇агуламаж̇жхаг̇ад̇о ваа абхинийд̇о сагкибудто – ‘‘зхамбхо буриса, яам̣ ж̇аанааси д̇ам̣ вад̣̇зхий’’д̇и, со аж̇аанам̣ ваа ааха – ‘‘ж̇аанаамий’’д̇и, ‘‘ж̇аанам̣’’ ваа ааха – ‘‘на ж̇аанаамий’’д̇и, абассам̣ ваа ааха – ‘‘бассаамий’’д̇и, бассам̣ ваа ааха – ‘‘на бассаамий’’д̇и. ид̇и ад̇д̇ахзд̇у ваа барахзд̇у ваа аамисагин̃жигкахзд̇у ваа самбаж̇аанамусаа бхаасад̇и – ид̣̇ам̣ вужжад̇и мосаваж̇ж̇ам̣.
Mosavajjaṃ pagāhatīti. Mosavajjaṃ vuccati musāvādo. Idhekacco sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘‘ehambho purisa, yaṃ jānāsi taṃ vadehī’’ti, so ajānaṃ vā āha – ‘‘jānāmī’’ti, ‘‘jānaṃ’’ vā āha – ‘‘na jānāmī’’ti, apassaṃ vā āha – ‘‘passāmī’’ti, passaṃ vā āha – ‘‘na passāmī’’ti. Iti attahetu vā parahetu vā āmisakiñcikkhahetu vā sampajānamusā bhāsati – idaṃ vuccati mosavajjaṃ.
аби жа д̇ийхаагаарзхи мусааваад̣̇о ход̇и. буб̣б̣звасса ход̇и – ‘‘мусаа бхан̣исса’’нд̇и, бхан̣анд̇асса ход̇и – ‘‘мусаа бхан̣аамий’’д̇и, бхан̣ид̇асса ход̇и – ‘‘мусаа маяаа бхан̣ид̇а’’нд̇и. имзхи д̇ийхаагаарзхи мусааваад̣̇о ход̇и. аби жа жад̇уухаагаарзхи мусааваад̣̇о ход̇и. буб̣б̣звасса ход̇и – ‘‘мусаа бхан̣исса’’нд̇и, бхан̣анд̇асса ход̇и – ‘‘мусаа бхан̣аамий’’д̇и, бхан̣ид̇асса ход̇и – ‘‘мусаа маяаа бхан̣ид̇а’’нд̇и, винид̇хааяа д̣̇идтим̣. имзхи жад̇уухаагаарзхи мусааваад̣̇о ход̇и. аби жа бан̃жахаагаарзхи… чахаагаарзхи… сад̇д̇ахаагаарзхи… адтахаагаарзхи мусааваад̣̇о ход̇и. буб̣б̣звасса ход̇и – ‘‘мусаа бхан̣исса’’нд̇и, бхан̣анд̇асса ход̇и – ‘‘мусаа бхан̣аамий’’д̇и, бхан̣ид̇асса ход̇и – ‘‘мусаа маяаа бхан̣ид̇а’’нд̇и, винид̇хааяа д̣̇идтим̣, винид̇хааяа канд̇им̣, винид̇хааяа ружим̣, винид̇хааяа сан̃н̃ам̣, винид̇хааяа бхаавам̣. имзхи адтахаагаарзхи мусааваад̣̇о ход̇и. мосаваж̇ж̇ам̣ баг̇аахад̇ийд̇и. мосаваж̇ж̇ам̣ баг̇аахад̇и ог̇аахад̇и аж̇жхог̇аахад̇и бависад̇ийд̇и – мосаваж̇ж̇ам̣ баг̇аахад̇и.
Api ca tīhākārehi musāvādo hoti. Pubbevassa hoti – ‘‘musā bhaṇissa’’nti, bhaṇantassa hoti – ‘‘musā bhaṇāmī’’ti, bhaṇitassa hoti – ‘‘musā mayā bhaṇita’’nti. Imehi tīhākārehi musāvādo hoti. Api ca catūhākārehi musāvādo hoti. Pubbevassa hoti – ‘‘musā bhaṇissa’’nti, bhaṇantassa hoti – ‘‘musā bhaṇāmī’’ti, bhaṇitassa hoti – ‘‘musā mayā bhaṇita’’nti, vinidhāya diṭṭhiṃ. Imehi catūhākārehi musāvādo hoti. Api ca pañcahākārehi… chahākārehi… sattahākārehi… aṭṭhahākārehi musāvādo hoti. Pubbevassa hoti – ‘‘musā bhaṇissa’’nti, bhaṇantassa hoti – ‘‘musā bhaṇāmī’’ti, bhaṇitassa hoti – ‘‘musā mayā bhaṇita’’nti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya saññaṃ, vinidhāya bhāvaṃ. Imehi aṭṭhahākārehi musāvādo hoti. Mosavajjaṃ pagāhatīti. Mosavajjaṃ pagāhati ogāhati ajjhogāhati pavisatīti – mosavajjaṃ pagāhati.
д̇знааха бхаг̇аваа –
Tenāha bhagavā –
‘‘ат̇а сад̇т̇аани гуруд̇з, бараваад̣̇зхи жод̣̇ид̇о;
‘‘Atha satthāni kurute, paravādehi codito;
зса квасса махааг̇зд̇хо, мосаваж̇ж̇ам̣ баг̇аахад̇ий’’д̇и.
Esa khvassa mahāgedho, mosavajjaṃ pagāhatī’’ti.
55.
55.
бан̣д̣ид̇од̇и саман̃н̃аад̇о, згажжарияам̣ 21 ад̇хидтид̇о;
Paṇḍitoti samaññāto, ekaccariyaṃ22adhiṭṭhito;
са жааби мзт̇унз яуд̇д̇о, манд̣̇ова баригиссад̇и.
Sa cāpi methune yutto, mandova parikissati.
бан̣д̣ид̇од̇и саман̃н̃аад̇од̇и. ид̇хзгажжо буб̣б̣з саман̣абхаавз гид̇д̇и ван̣н̣аг̇ад̇о ход̇и – ‘‘бан̣д̣ид̇о вияад̇д̇о мзд̇хаавий б̣ахуссуд̇о жид̇д̇агат̇ий галяаан̣абадибхаано суд̇д̇анд̇игод̇и ваа винаяад̇харод̇и ваа д̇хаммагат̇игод̇и ваа…бз… нзвасан̃н̃аанаасан̃н̃ааяад̇анасамаабад̇д̇ияаа лаабхий’’д̇и ваа . звам̣ н̃аад̇о ход̇и бан̃н̃аад̇о саман̃н̃аад̇о ход̇ийд̇и – бан̣д̣ид̇од̇и саман̃н̃аад̇о.
Paṇḍitoti samaññātoti. Idhekacco pubbe samaṇabhāve kitti vaṇṇagato hoti – ‘‘paṇḍito viyatto medhāvī bahussuto cittakathī kalyāṇapaṭibhāno suttantikoti vā vinayadharoti vā dhammakathikoti vā…pe… nevasaññānāsaññāyatanasamāpattiyā lābhī’’ti vā . Evaṃ ñāto hoti paññāto samaññāto hotīti – paṇḍitoti samaññāto.
згажжарияам̣ ад̇хидтид̇од̇и. д̣̇вийхи гааран̣зхи згажжарияам̣ ад̇хидтид̇о – баб̣б̣аж̇ж̇аасан̇каад̇зна ваа г̇ан̣аававассаг̇г̇адтзна ваа. гат̇ам̣ баб̣б̣аж̇ж̇аасан̇каад̇зна згажжарияам̣ ад̇хидтид̇о? саб̣б̣ам̣ гхарааваасабалиб̣од̇хам̣ чинд̣̇ид̇ваа…бз… звам̣ баб̣б̣аж̇ж̇аасан̇каад̇зна згажжарияам̣ ад̇хидтид̇о. гат̇ам̣ г̇ан̣аававассаг̇г̇адтзна згажжарияам̣ ад̇хидтид̇о? со звам̣ баб̣б̣аж̇ид̇о самаано зго аран̃н̃аванабад̇т̇аани банд̇аани…бз… звам̣ г̇ан̣аававассаг̇г̇адтзна згажжарияам̣ ад̇хидтид̇од̇и – згажжарияам̣ ад̇хидтид̇о.
Ekaccariyaṃ adhiṭṭhitoti. Dvīhi kāraṇehi ekaccariyaṃ adhiṭṭhito – pabbajjāsaṅkhātena vā gaṇāvavassaggaṭṭhena vā. Kathaṃ pabbajjāsaṅkhātena ekaccariyaṃ adhiṭṭhito? Sabbaṃ gharāvāsapalibodhaṃ chinditvā…pe… evaṃ pabbajjāsaṅkhātena ekaccariyaṃ adhiṭṭhito. Kathaṃ gaṇāvavassaggaṭṭhena ekaccariyaṃ adhiṭṭhito? So evaṃ pabbajito samāno eko araññavanapatthāni pantāni…pe… evaṃ gaṇāvavassaggaṭṭhena ekaccariyaṃ adhiṭṭhitoti – ekaccariyaṃ adhiṭṭhito.
са жааби мзт̇унз яуд̇д̇од̇и. мзт̇унад̇хаммо наама яо со асад̣̇д̇хаммо г̇аамад̇хаммо…бз… д̇ам̣гааран̣аа вужжад̇и мзт̇унад̇хаммо. са жааби мзт̇унз яуд̇д̇од̇и. со абарзна самаязна б̣уд̣̇д̇хам̣ д̇хаммам̣ сан̇гхам̣ сигкам̣ бажжагкааяа хийнааяаавад̇д̇ид̇ваа мзт̇унад̇хаммз яуд̇д̇о 23 баяуд̇д̇о ааяуд̇д̇о самааяуд̇д̇од̇и – са жааби мзт̇унз яуд̇д̇о.
Sa cāpi methune yuttoti. Methunadhammo nāma yo so asaddhammo gāmadhammo…pe… taṃkāraṇā vuccati methunadhammo. Sa cāpi methune yuttoti. So aparena samayena buddhaṃ dhammaṃ saṅghaṃ sikkhaṃ paccakkhāya hīnāyāvattitvā methunadhamme yutto 24 payutto āyutto samāyuttoti – sa cāpi methune yutto.
манд̣̇ова баригиссад̇ийд̇и. габан̣о вияа манд̣̇о вияа момуухо вияа гиссад̇и баригиссад̇и баригилиссад̇и. баан̣амби ханад̇и, ад̣̇иннамби аад̣̇ияад̇и, санд̇химби чинд̣̇ад̇и, ниллобамби харад̇и, згааг̇ааригамби гарод̇и, барибант̇зби д̇идтад̇и, барад̣̇аарамби г̇ажчад̇и, мусааби бхан̣ад̇и. звамби гиссад̇и баригиссад̇и баригилиссад̇и. д̇амзнам̣ рааж̇аано г̇ахзд̇ваа вивид̇хаа гаммагааран̣аа гаарзнд̇и – гасаахиби д̇аал̣знд̇и, взд̇д̇зхиби д̇аал̣знд̇и, ад̣̇д̇хад̣̇ан̣д̣агзхиби д̇аал̣знд̇и, хад̇т̇амби чинд̣̇анд̇и, баад̣̇амби чинд̣̇анд̇и, хад̇т̇абаад̣̇амби чинд̣̇анд̇и, ган̣н̣амби чинд̣̇анд̇и, наасамби чинд̣̇анд̇и , ган̣н̣анаасамби чинд̣̇анд̇и, б̣илан̇г̇ат̇аалигамби гаронд̇и, сан̇камун̣д̣игамби гаронд̇и, раахумукамби гаронд̇и, ж̇од̇имаалигамби гаронд̇и, хад̇т̇абаж̇ж̇од̇игамби гаронд̇и, зрагавад̇д̇игамби гаронд̇и, жирагаваасигамби гаронд̇и, зн̣зяяагамби гаронд̇и, б̣ал̣исамам̣сигамби гаронд̇и, гахаабан̣игамби гаронд̇и, каараабад̇ажчигамби 25 гаронд̇и, балигхабаривад̇д̇игамби гаронд̇и, балаалабийтагамби гаронд̇и, д̇ад̇д̇знаби д̇злзна осин̃жанд̇и, сунакзхиби каад̣̇аабзнд̇и, ж̇ийванд̇амби суулз уд̇д̇аасзнд̇и, асинааби сийсам̣ чинд̣̇анд̇и. звамби гиссад̇и баригиссад̇и баригилиссад̇и.
Mandova parikissatīti. Kapaṇo viya mando viya momūho viya kissati parikissati parikilissati. Pāṇampi hanati, adinnampi ādiyati, sandhimpi chindati, nillopampi harati, ekāgārikampi karoti, paripanthepi tiṭṭhati, paradārampi gacchati, musāpi bhaṇati. Evampi kissati parikissati parikilissati. Tamenaṃ rājāno gahetvā vividhā kammakāraṇā kārenti – kasāhipi tāḷenti, vettehipi tāḷenti, addhadaṇḍakehipi tāḷenti, hatthampi chindanti, pādampi chindanti, hatthapādampi chindanti, kaṇṇampi chindanti, nāsampi chindanti , kaṇṇanāsampi chindanti, bilaṅgathālikampi karonti, saṅkhamuṇḍikampi karonti, rāhumukhampi karonti, jotimālikampi karonti, hatthapajjotikampi karonti, erakavattikampi karonti, cirakavāsikampi karonti, eṇeyyakampi karonti, baḷisamaṃsikampi karonti, kahāpaṇikampi karonti, khārāpatacchikampi 26 karonti, palighaparivattikampi karonti, palālapīṭhakampi karonti, tattenapi telena osiñcanti, sunakhehipi khādāpenti, jīvantampi sūle uttāsenti, asināpi sīsaṃ chindanti. Evampi kissati parikissati parikilissati.
ат̇а ваа гаамад̇ан̣хааяа абхибхууд̇о барияаад̣̇иннажид̇д̇о бхог̇з бариязсанд̇о наавааяа махаасамуд̣̇д̣̇ам̣ багканд̣̇ад̇и, сийд̇асса бурагкад̇о ун̣хасса бурагкад̇о д̣ам̣самагасаваад̇аад̇абасарийсабасампассзхи бийл̣ияамаано куббибаасааяа мияяамаано д̇иг̇умб̣ам̣ г̇ажчад̇и, д̇агголам̣ г̇ажчад̇и, д̇аггасийлам̣ г̇ажчад̇и, гааламукам̣ г̇ажчад̇и, бурабуурам̣ г̇ажчад̇и, взсун̇г̇ам̣ г̇ажчад̇и, взраабат̇ам̣ г̇ажчад̇и, ж̇авам̣ г̇ажчад̇и, д̇аамалим̣ 27 г̇ажчад̇и, ван̇г̇ам̣ г̇ажчад̇и, зл̣аб̣анд̇ханам̣ г̇ажчад̇и, суван̣н̣агуудам̣ г̇ажчад̇и, суван̣н̣абхуумим̣ г̇ажчад̇и, д̇амб̣абаан̣им̣ г̇ажчад̇и, суббаад̣̇агам̣ г̇ажчад̇и, бхааругажчам̣ г̇ажчад̇и, сурадтам̣ г̇ажчад̇и, бхан̇г̇алогам̣ г̇ажчад̇и, бхан̇г̇ан̣ам̣ г̇ажчад̇и, сарамад̇ам̣ г̇ан̣ам̣ г̇ажчад̇и, яонам̣ г̇ажчад̇и , барамаяонам̣ 28 г̇ажчад̇и, винагам̣ 29 г̇ажчад̇и, муулабад̣̇ам̣ г̇ажчад̇и, маруганд̇аарам̣ г̇ажчад̇и, ж̇ан̣н̣убат̇ам̣ г̇ажчад̇и, аж̇абат̇ам̣ г̇ажчад̇и, мзн̣д̣абат̇ам̣ г̇ажчад̇и, сан̇губат̇ам̣ г̇ажчад̇и, чад̇д̇абат̇ам̣ г̇ажчад̇и, вам̣сабат̇ам̣ г̇ажчад̇и, сагун̣абат̇ам̣ г̇ажчад̇и, муусигабат̇ам̣ г̇ажчад̇и, д̣̇арибат̇ам̣ г̇ажчад̇и, взд̇д̇аажаарам̣ г̇ажчад̇и. звамби гиссад̇и баригиссад̇и баригилиссад̇и.
Atha vā kāmataṇhāya abhibhūto pariyādinnacitto bhoge pariyesanto nāvāya mahāsamuddaṃ pakkhandati, sītassa purakkhato uṇhassa purakkhato ḍaṃsamakasavātātapasarīsapasamphassehi pīḷiyamāno khuppipāsāya miyyamāno tigumbaṃ gacchati, takkolaṃ gacchati, takkasīlaṃ gacchati, kālamukhaṃ gacchati, purapūraṃ gacchati, vesuṅgaṃ gacchati, verāpathaṃ gacchati, javaṃ gacchati, tāmaliṃ 30 gacchati, vaṅgaṃ gacchati, eḷabandhanaṃ gacchati, suvaṇṇakūṭaṃ gacchati, suvaṇṇabhūmiṃ gacchati, tambapāṇiṃ gacchati, suppādakaṃ gacchati, bhārukacchaṃ gacchati, suraṭṭhaṃ gacchati, bhaṅgalokaṃ gacchati, bhaṅgaṇaṃ gacchati, saramataṃ gaṇaṃ gacchati, yonaṃ gacchati , paramayonaṃ 31 gacchati, vinakaṃ 32 gacchati, mūlapadaṃ gacchati, marukantāraṃ gacchati, jaṇṇupathaṃ gacchati, ajapathaṃ gacchati, meṇḍapathaṃ gacchati, saṅkupathaṃ gacchati, chattapathaṃ gacchati, vaṃsapathaṃ gacchati, sakuṇapathaṃ gacchati, mūsikapathaṃ gacchati, daripathaṃ gacchati, vettācāraṃ gacchati. Evampi kissati parikissati parikilissati.
г̇авзсанд̇о на винд̣̇ад̇и, алаабхамуулагамби д̣̇угкам̣ д̣̇оманассам̣ бадисам̣взд̣̇зд̇и. звамби гиссад̇и баригиссад̇и баригилиссад̇и.
Gavesanto na vindati, alābhamūlakampi dukkhaṃ domanassaṃ paṭisaṃvedeti. Evampi kissati parikissati parikilissati.
г̇авзсанд̇о винд̣̇ад̇и, лад̣̇д̇хааби аарагкамуулагамби д̣̇угкам̣ д̣̇оманассам̣ бадисам̣взд̣̇зд̇и – ‘‘гинд̇и мз бхог̇з нзва рааж̇аано харзяяум̣, на жораа харзяяум̣, на аг̇г̇ий д̣̇ахзяяум̣, на уд̣̇агам̣ вахзяяа, на абияаа д̣̇ааяаад̣̇аа харзяяу’’нд̇и. д̇асса звам̣ аарагкад̇о г̇обаяад̇о д̇з бхог̇аа виббалуж̇ж̇анд̇и. со виббаяог̇амуулагамби д̣̇угкам̣ д̣̇оманассам̣ бадисам̣взд̣̇зд̇и. звамби гиссад̇и баригиссад̇и баригилиссад̇ийд̇и – са жааби мзт̇унз яуд̇д̇о, манд̣̇ова баригиссад̇и.
Gavesanto vindati, laddhāpi ārakkhamūlakampi dukkhaṃ domanassaṃ paṭisaṃvedeti – ‘‘kinti me bhoge neva rājāno hareyyuṃ, na corā hareyyuṃ, na aggī daheyyuṃ, na udakaṃ vaheyya, na apiyā dāyādā hareyyu’’nti. Tassa evaṃ ārakkhato gopayato te bhogā vippalujjanti. So vippayogamūlakampi dukkhaṃ domanassaṃ paṭisaṃvedeti. Evampi kissati parikissati parikilissatīti – sa cāpi methune yutto, mandova parikissati.
д̇знааха бхаг̇аваа –
Tenāha bhagavā –
‘‘бан̣д̣ид̇од̇и саман̃н̃аад̇о, згажжарияам̣ ад̇хидтид̇о;
‘‘Paṇḍitoti samaññāto, ekaccariyaṃ adhiṭṭhito;
са жааби мзт̇унз яуд̇д̇о, манд̣̇ова баригиссад̇ий’’д̇и.
Sa cāpi methune yutto, mandova parikissatī’’ti.
56.
56.
зд̇амаад̣̇ийнавам̣ н̃ад̇ваа, муним̣ буб̣б̣аабарз ид̇ха;
Etamādīnavaṃ ñatvā, muniṃ pubbāpare idha;
згажжарияам̣ д̣̇ал̣хам̣ гаяираа, на нисзвзт̇а мзт̇унам̣.
Ekaccariyaṃ daḷhaṃ kayirā, na nisevetha methunaṃ.
зд̇амаад̣̇ийнавам̣ н̃ад̇ваа, муни буб̣б̣аабарз ид̇хаад̇и. зд̇анд̇и буб̣б̣з саман̣абхаавз яасо жа гид̇д̇и жа, абарабхааг̇з б̣уд̣̇д̇хам̣ д̇хаммам̣ сан̇гхам̣ сигкам̣ бажжагкааяа хийнааяаавад̇д̇асса аяасо жа агид̇д̇и жа; зд̇ам̣ самбад̇д̇им̣ вибад̇д̇ин̃жа. н̃ад̇ваад̇и ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа. мунийд̇и. монам̣ вужжад̇и н̃аан̣ам̣. яаа бан̃н̃аа баж̇аананаа…бз… сан̇г̇аж̇ааламад̇ижжа со муни. ид̇хаад̇и имиссаа д̣̇идтияаа имиссаа канд̇ияаа имиссаа ружияаа имасмим̣ аад̣̇ааяз имасмим̣ д̇хаммз имасмим̣ винаяз имасмим̣ д̇хаммавинаяз имасмим̣ бааважанз имасмим̣ б̣рахмажарияз имасмим̣ сад̇т̇усаасанз имасмим̣ ад̇д̇абхаавз имасмим̣ мануссалогзд̇и – зд̇амаад̣̇ийнавам̣ н̃ад̇ваа муни буб̣б̣аабарз ид̇ха.
Etamādīnavaṃ ñatvā, muni pubbāpare idhāti. Etanti pubbe samaṇabhāve yaso ca kitti ca, aparabhāge buddhaṃ dhammaṃ saṅghaṃ sikkhaṃ paccakkhāya hīnāyāvattassa ayaso ca akitti ca; etaṃ sampattiṃ vipattiñca. Ñatvāti jānitvā tulayitvā tīrayitvā vibhāvayitvā vibhūtaṃ katvā. Munīti. Monaṃ vuccati ñāṇaṃ. Yā paññā pajānanā…pe… saṅgajālamaticca so muni. Idhāti imissā diṭṭhiyā imissā khantiyā imissā ruciyā imasmiṃ ādāye imasmiṃ dhamme imasmiṃ vinaye imasmiṃ dhammavinaye imasmiṃ pāvacane imasmiṃ brahmacariye imasmiṃ satthusāsane imasmiṃ attabhāve imasmiṃ manussaloketi – etamādīnavaṃ ñatvā muni pubbāpare idha.
згажжарияам̣ д̣̇ал̣хам̣ гаяираад̇и. д̣̇вийхи гааран̣зхи згажжарияам̣ д̣̇ал̣ахам̣ гарзяяа – баб̣б̣аж̇ж̇аасан̇каад̇зна ваа г̇ан̣аававассаг̇г̇адтзна ваа. гат̇ам̣ баб̣б̣аж̇ж̇аасан̇каад̇зна згажжарияам̣ д̣̇ал̣хам̣ гарзяяа? саб̣б̣ам̣ гхарааваасабалиб̣од̇хам̣ чинд̣̇ид̇ваа буд̇д̇ад̣̇аарабалиб̣од̇хам̣ чинд̣̇ид̇ваа н̃аад̇ибалиб̣од̇хам̣ чинд̣̇ид̇ваа мид̇д̇аамажжабалиб̣од̇хам̣ чинд̣̇ид̇ваа саннид̇хибалиб̣од̇хам̣ чинд̣̇ид̇ваа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ваа агин̃жанабхаавам̣ убаг̇анд̇ваа зго жарзяяа вихарзяяа ириязяяа вад̇д̇зяяа баалзяяа яабзяяа яаабзяяа. звам̣ баб̣б̣аж̇ж̇аасан̇каад̇зна згажжарияам̣ д̣̇ал̣хам̣ гарзяяа.
Ekaccariyaṃ daḷhaṃ kayirāti. Dvīhi kāraṇehi ekaccariyaṃ daḷahaṃ kareyya – pabbajjāsaṅkhātena vā gaṇāvavassaggaṭṭhena vā. Kathaṃ pabbajjāsaṅkhātena ekaccariyaṃ daḷhaṃ kareyya? Sabbaṃ gharāvāsapalibodhaṃ chinditvā puttadārapalibodhaṃ chinditvā ñātipalibodhaṃ chinditvā mittāmaccapalibodhaṃ chinditvā sannidhipalibodhaṃ chinditvā kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajitvā akiñcanabhāvaṃ upagantvā eko careyya vihareyya iriyeyya vatteyya pāleyya yapeyya yāpeyya. Evaṃ pabbajjāsaṅkhātena ekaccariyaṃ daḷhaṃ kareyya.
гат̇ам̣ г̇ан̣аававассаг̇г̇адтзна згажжарияам̣ д̣̇ал̣хам̣ гарзяяа? со звам̣ баб̣б̣аж̇ид̇о самаано зго аран̃н̃аванабад̇т̇аани банд̇аани сзнаасанаани бадисзвзяяа аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани бадисаллаанасааруббаани. со зго г̇ажчзяяа, зго д̇идтзяяа, зго нисийд̣̇зяяа, зго сзяяам̣ габбзяяа, зго г̇аамам̣ бин̣д̣ааяа бависзяяа, зго бадиггамзяяа, зго рахо нисийд̣̇зяяа, зго жан̇гамам̣ ад̇хидтзяяа, зго жарзяяа вихарзяяа ириязяяа вад̇д̇зяяа баалзяяа яабзяяа яаабзяяа. звам̣ г̇ан̣аававассаг̇г̇адтзна згажжарияам̣ д̣̇ал̣хам̣ гарзяяаад̇и – згажжарияам̣ д̣̇ал̣хам̣ гарзяяа, т̇ирам̣ гарзяяа, д̣̇ал̣хам̣ самаад̣̇аано асса, авадтид̇асамаад̣̇аано асса гусалзсу д̇хаммзсууд̇и – згажжарияам̣ д̣̇ал̣хам̣ гаяираа.
Kathaṃ gaṇāvavassaggaṭṭhena ekaccariyaṃ daḷhaṃ kareyya? So evaṃ pabbajito samāno eko araññavanapatthāni pantāni senāsanāni paṭiseveyya appasaddāni appanigghosāni vijanavātāni manussarāhasseyyakāni paṭisallānasāruppāni. So eko gaccheyya, eko tiṭṭheyya, eko nisīdeyya, eko seyyaṃ kappeyya, eko gāmaṃ piṇḍāya paviseyya, eko paṭikkameyya, eko raho nisīdeyya, eko caṅkamaṃ adhiṭṭheyya, eko careyya vihareyya iriyeyya vatteyya pāleyya yapeyya yāpeyya. Evaṃ gaṇāvavassaggaṭṭhena ekaccariyaṃ daḷhaṃ kareyyāti – ekaccariyaṃ daḷhaṃ kareyya, thiraṃ kareyya, daḷhaṃ samādāno assa, avaṭṭhitasamādāno assa kusalesu dhammesūti – ekaccariyaṃ daḷhaṃ kayirā.
на нисзвзт̇а мзт̇унанд̇и. мзт̇унад̇хаммо наама яо со асад̣̇д̇хаммо г̇аамад̇хаммо…бз… д̇ам̣гааран̣аа вужжад̇и мзт̇унад̇хаммо. мзт̇унад̇хаммам̣ на сзвзяяа на нисзвзяяа на сам̣сзвзяяа на бадисзвзяяа на жарзяяа на самаажарзяяа на самаад̣̇ааяа вад̇д̇зяяаад̇и – на нисзвзт̇а мзт̇унам̣.
Na nisevetha methunanti. Methunadhammo nāma yo so asaddhammo gāmadhammo…pe… taṃkāraṇā vuccati methunadhammo. Methunadhammaṃ na seveyya na niseveyya na saṃseveyya na paṭiseveyya na careyya na samācareyya na samādāya vatteyyāti – na nisevetha methunaṃ.
д̇знааха бхаг̇аваа –
Tenāha bhagavā –
‘‘зд̇амаад̣̇ийнавам̣ н̃ад̇ваа, муни буб̣б̣аабарз ид̇ха;
‘‘Etamādīnavaṃ ñatvā, muni pubbāpare idha;
згажжарияам̣ д̣̇ал̣хам̣ гаяираа, на нисзвзт̇а мзт̇уна’’нд̇и.
Ekaccariyaṃ daḷhaṃ kayirā, na nisevetha methuna’’nti.
57.
57.
вивзган̃н̃зва сигкзт̇а, зд̇ам̣ арияаанамуд̇д̇амам̣;
Vivekaññeva sikkhetha, etaṃ ariyānamuttamaṃ;
на д̇зна сздто ман̃н̃зт̇а, са вз ниб̣б̣аанасанд̇игз.
Na tena seṭṭho maññetha, sa ve nibbānasantike.
вивзган̃н̃зва сигкзт̇аад̇и. вивзгод̇и д̇аяо вивзгаа – гааяавивзго, жид̇д̇авивзго, убад̇хививзго. гад̇амо гааяавивзго…бз… аяам̣ убад̇хививзго. гааяавивзго жа вивзгадтагааяаанам̣ нзгкаммаабхирад̇аанам̣. жид̇д̇авивзго жа барисуд̣̇д̇хажид̇д̇аанам̣ барамавод̣̇аанаббад̇д̇аанам̣. убад̇хививзго жа нируубад̇хийнам̣ буг̇г̇алаанам̣ висан̇каараг̇ад̇аанам̣. сигкаад̇и д̇иссо сигкаа – ад̇хисийласигкаа, ад̇хижид̇д̇асигкаа, ад̇хибан̃н̃аасигкаа…бз… аяам̣ ад̇хибан̃н̃аасигкаа. вивзган̃н̃зва сигкзт̇аад̇и вивзган̃н̃зва сигкзяяа аажарзяяа самаажарзяяа самаад̣̇ааяа вад̇д̇зяяаад̇и – вивзган̃н̃зва сигкзт̇а.
Vivekaññeva sikkhethāti. Vivekoti tayo vivekā – kāyaviveko, cittaviveko, upadhiviveko. Katamo kāyaviveko…pe… ayaṃ upadhiviveko. Kāyaviveko ca vivekaṭṭhakāyānaṃ nekkhammābhiratānaṃ. Cittaviveko ca parisuddhacittānaṃ paramavodānappattānaṃ. Upadhiviveko ca nirūpadhīnaṃ puggalānaṃ visaṅkhāragatānaṃ. Sikkhāti tisso sikkhā – adhisīlasikkhā, adhicittasikkhā, adhipaññāsikkhā…pe… ayaṃ adhipaññāsikkhā. Vivekaññeva sikkhethāti vivekaññeva sikkheyya ācareyya samācareyya samādāya vatteyyāti – vivekaññeva sikkhetha.
зд̇ам̣ арияаанамуд̇д̇аманд̇и. арияаа вужжанд̇и б̣уд̣̇д̇хаа жа б̣уд̣̇д̇хасаавагаа жа бажжзгаб̣уд̣̇д̇хаа жа. арияаанам̣ зд̇ам̣ аг̇г̇ам̣ сздтам̣ висидтам̣ баамогкам̣ уд̇д̇амам̣ баварам̣ яад̣̇ид̣̇ам̣ вивзгажарияаад̇и – зд̇ам̣ арияаанамуд̇д̇амам̣.
Etaṃ ariyānamuttamanti. Ariyā vuccanti buddhā ca buddhasāvakā ca paccekabuddhā ca. Ariyānaṃ etaṃ aggaṃ seṭṭhaṃ visiṭṭhaṃ pāmokkhaṃ uttamaṃ pavaraṃ yadidaṃ vivekacariyāti – etaṃ ariyānamuttamaṃ.
на д̇зна сздто ман̃н̃зт̇аад̇и. гааяавивзгажарияааяа уннад̇им̣ на гарзяяа, уннамам̣ на гарзяяа, маанам̣ на гарзяяа, т̇аамам̣ на гарзяяа, т̇амбхам̣ на гарзяяа, на д̇зна маанам̣ ж̇анзяяа, на д̇зна т̇ад̣̇д̇хо асса бад̇т̇ад̣̇д̇хо баг̇г̇ахид̇асирод̇и – д̇зна сздто на ман̃н̃зт̇а.
Na tena seṭṭho maññethāti. Kāyavivekacariyāya unnatiṃ na kareyya, unnamaṃ na kareyya, mānaṃ na kareyya, thāmaṃ na kareyya, thambhaṃ na kareyya, na tena mānaṃ janeyya, na tena thaddho assa patthaddho paggahitasiroti – tena seṭṭho na maññetha.
са вз ниб̣б̣аанасанд̇игзд̇и. со ниб̣б̣аанасса санд̇игз сааманд̇аа аасаннз авид̣̇уурз убагадтзд̇и – са вз ниб̣б̣аанасанд̇игз.
Save nibbānasantiketi. So nibbānassa santike sāmantā āsanne avidūre upakaṭṭheti – sa ve nibbānasantike.
д̇знааха бхаг̇аваа –
Tenāha bhagavā –
‘‘вивзган̃н̃зва сигкзт̇а, зд̇ам̣ арияаанамуд̇д̇амам̣;
‘‘Vivekaññeva sikkhetha, etaṃ ariyānamuttamaṃ;
на д̇зна сздто ман̃н̃зт̇а, са вз ниб̣б̣аанасанд̇игз’’д̇и.
Na tena seṭṭho maññetha, sa ve nibbānasantike’’ti.
58.
58.
рид̇д̇асса мунино жарад̇о, гаамзсу анабзгкино;
Rittassa munino carato, kāmesu anapekkhino;
огхад̇ин̣н̣асса бихаяанд̇и, гаамзсу г̇ад̇хид̇аа баж̇аа.
Oghatiṇṇassa pihayanti, kāmesu gadhitā pajā.
рид̇д̇асса мунино жарад̇од̇и. рид̇д̇асса вивид̇д̇асса бавивид̇д̇асса , гааяад̣̇ужжарид̇зна рид̇д̇асса вивид̇д̇асса бавивид̇д̇асса. важийд̣̇ужжарид̇зна…бз… манод̣̇ужжарид̇зна… рааг̇зна… д̣̇осзна… мохзна… год̇хзна… убанаахзна… магкзна… бал̣аасзна… иссааяа… мажчариязна… мааяааяа… саатзяязна… т̇амбхзна… саарамбхзна… маанзна… ад̇имаанзна… мад̣̇зна… бамаад̣̇зна… саб̣б̣агилзсзхи… саб̣б̣ад̣̇ужжарид̇зхи… саб̣б̣ад̣̇арат̇зхи… саб̣б̣абарил̣аахзхи… саб̣б̣асанд̇аабзхи… саб̣б̣аагусалаабхисан̇каарзхи рид̇д̇асса вивид̇д̇асса бавивид̇д̇асса. мунинод̇и. монам̣ вужжад̇и н̃аан̣ам̣…бз… сан̇г̇аж̇ааламад̇ижжа со муни. жарад̇од̇и жарад̇о вихарад̇о ирияад̇о вад̇д̇ад̇о баалаяад̇о яабаяад̇о яаабаяад̇од̇и – рид̇д̇асса мунино жарад̇о.
Rittassa munino caratoti. Rittassa vivittassa pavivittassa , kāyaduccaritena rittassa vivittassa pavivittassa. Vacīduccaritena…pe… manoduccaritena… rāgena… dosena… mohena… kodhena… upanāhena… makkhena… paḷāsena… issāya… macchariyena… māyāya… sāṭheyyena… thambhena… sārambhena… mānena… atimānena… madena… pamādena… sabbakilesehi… sabbaduccaritehi… sabbadarathehi… sabbapariḷāhehi… sabbasantāpehi… sabbākusalābhisaṅkhārehi rittassa vivittassa pavivittassa. Muninoti. Monaṃ vuccati ñāṇaṃ…pe… saṅgajālamaticca so muni. Caratoti carato viharato iriyato vattato pālayato yapayato yāpayatoti – rittassa munino carato.
гаамзсу анабзгкинод̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. вад̇т̇угаамз бариж̇аанид̇ваа гилзсагаамз бахааяа баж̇ахид̇ваа винод̣̇зд̇ваа б̣яанд̇им̣ гарид̇ваа анабхаавам̣ г̇амзд̇ваа гаамзсу анабзгкамаано жад̇д̇агаамо ванд̇агаамо муд̇д̇агаамо бахийнагаамо бадиниссадтагаамо, вийд̇арааг̇о жад̇д̇арааг̇о ванд̇арааг̇о муд̇д̇арааг̇о бахийнарааг̇о бадиниссадтарааг̇о нижчаад̇о ниб̣б̣уд̇о сийд̇ибхууд̇о 33 сукаббадисам̣взд̣̇ий б̣рахмабхууд̇зна ад̇д̇анаа вихарад̇ийд̇и – гаамзсу анабзгкино.
Kāmesu anapekkhinoti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Vatthukāme parijānitvā kilesakāme pahāya pajahitvā vinodetvā byantiṃ karitvā anabhāvaṃ gametvā kāmesu anapekkhamāno cattakāmo vantakāmo muttakāmo pahīnakāmo paṭinissaṭṭhakāmo, vītarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto 34 sukhappaṭisaṃvedī brahmabhūtena attanā viharatīti – kāmesu anapekkhino.
огхад̇ин̣н̣асса бихаяанд̇и, гаамзсу г̇ад̇хид̇аа баж̇аад̇и. баж̇аад̇и сад̇д̇аад̇хиважанам̣ баж̇аа гаамзсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа лаг̇г̇аа лаг̇г̇ид̇аа балиб̣уд̣̇д̇хаа. д̇з гаамогхам̣ д̇ин̣н̣асса бхавогхам̣ д̇ин̣н̣асса д̣̇идтогхам̣ д̇ин̣н̣асса авиж̇ж̇огхам̣ д̇ин̣н̣асса саб̣б̣асан̇каарабат̇ам̣ д̇ин̣н̣асса уд̇д̇ин̣н̣асса нид̇д̇ин̣н̣асса ад̇игганд̇асса самад̇игганд̇асса вийд̇ивад̇д̇асса баарам̣ г̇ад̇асса баарам̣ бад̇д̇асса анд̇ам̣ г̇ад̇асса анд̇ам̣ бад̇д̇асса годим̣ г̇ад̇асса годим̣ бад̇д̇асса барияанд̇ам̣ г̇ад̇асса барияанд̇ам̣ бад̇д̇асса восаанам̣ г̇ад̇асса восаанам̣ бад̇д̇асса д̇аан̣ам̣ г̇ад̇асса д̇аан̣ам̣ бад̇д̇асса лзн̣ам̣ г̇ад̇асса лзн̣ам̣ бад̇д̇асса саран̣ам̣ г̇ад̇асса саран̣ам̣ бад̇д̇асса абхаяам̣ г̇ад̇асса абхаяам̣ бад̇д̇асса ажжуд̇ам̣ г̇ад̇асса ажжуд̇ам̣ бад̇д̇асса амад̇ам̣ г̇ад̇асса амад̇ам̣ бад̇д̇асса ниб̣б̣аанам̣ г̇ад̇асса ниб̣б̣аанам̣ бад̇д̇асса ижчанд̇и саад̣̇ияанд̇и бад̇т̇аяанд̇и бихаяанд̇и абхиж̇аббанд̇и. яат̇аа ин̣ааяигаа аанан̣яам̣ 35 бад̇т̇знд̇и бихаяанд̇и, яат̇аа ааб̣аад̇хигаа аарог̇яам̣ бад̇т̇знд̇и бихаяанд̇и, яат̇аа б̣анд̇ханаб̣ад̣̇д̇хаа б̣анд̇ханамогкам̣ бад̇т̇знд̇и бихаяанд̇и, яат̇аа д̣̇аасаа бхуж̇иссам̣ бад̇т̇знд̇и бихаяанд̇и, яат̇аа ганд̇аарад̣̇д̇хаанабагканд̣̇аа 36 кзманд̇абхуумим̣ бад̇т̇знд̇и бихаяанд̇и; звамзвам̣ баж̇аа гаамзсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа лаг̇г̇аа лаг̇г̇ид̇аа балиб̣уд̣̇д̇хаа д̇з гаамогхам̣ д̇ин̣н̣асса бхавогхам̣ д̇ин̣н̣асса…бз… ниб̣б̣аанам̣ г̇ад̇асса ниб̣б̣аанам̣ бад̇д̇асса ижчанд̇и саад̣̇ияанд̇и бад̇т̇аяанд̇и бихаяанд̇и абхиж̇аббанд̇ийд̇и – огхад̇ин̣н̣асса бихаяанд̇и, гаамзсу г̇ад̇хид̇аа баж̇аа.
Oghatiṇṇassa pihayanti, kāmesu gadhitā pajāti. Pajāti sattādhivacanaṃ pajā kāmesu rattā giddhā gadhitā mucchitā ajjhosannā laggā laggitā palibuddhā. Te kāmoghaṃ tiṇṇassa bhavoghaṃ tiṇṇassa diṭṭhoghaṃ tiṇṇassa avijjoghaṃ tiṇṇassa sabbasaṅkhārapathaṃ tiṇṇassa uttiṇṇassa nittiṇṇassa atikkantassa samatikkantassa vītivattassa pāraṃ gatassa pāraṃ pattassa antaṃ gatassa antaṃ pattassa koṭiṃ gatassa koṭiṃ pattassa pariyantaṃ gatassa pariyantaṃ pattassa vosānaṃ gatassa vosānaṃ pattassa tāṇaṃ gatassa tāṇaṃ pattassa leṇaṃ gatassa leṇaṃ pattassa saraṇaṃ gatassa saraṇaṃ pattassa abhayaṃ gatassa abhayaṃ pattassa accutaṃ gatassa accutaṃ pattassa amataṃ gatassa amataṃ pattassa nibbānaṃ gatassa nibbānaṃ pattassa icchanti sādiyanti patthayanti pihayanti abhijappanti. Yathā iṇāyikā ānaṇyaṃ 37 patthenti pihayanti, yathā ābādhikā ārogyaṃ patthenti pihayanti, yathā bandhanabaddhā bandhanamokkhaṃ patthenti pihayanti, yathā dāsā bhujissaṃ patthenti pihayanti, yathā kantāraddhānapakkhandā 38 khemantabhūmiṃ patthenti pihayanti; evamevaṃ pajā kāmesu rattā giddhā gadhitā mucchitā ajjhosannā laggā laggitā palibuddhā te kāmoghaṃ tiṇṇassa bhavoghaṃ tiṇṇassa…pe… nibbānaṃ gatassa nibbānaṃ pattassa icchanti sādiyanti patthayanti pihayanti abhijappantīti – oghatiṇṇassa pihayanti, kāmesu gadhitā pajā.
д̇знааха бхаг̇аваа –
Tenāha bhagavā –
‘‘рид̇д̇асса мунино жарад̇о, гаамзсу анабзгкино;
‘‘Rittassa munino carato, kāmesu anapekkhino;
огхад̇ин̣н̣асса бихаяанд̇и, гаамзсу г̇ад̇хид̇аа баж̇аа’’д̇и.
Oghatiṇṇassa pihayanti, kāmesu gadhitā pajā’’ti.
д̇иссамзд̇д̇зяяасуд̇д̇анид̣̇д̣̇зсо сад̇д̇амо.
Tissametteyyasuttaniddeso sattamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / махаанид̣̇д̣̇зса-адтагат̇аа • Mahāniddesa-aṭṭhakathā / 7. д̇иссамзд̇д̇зяяасуд̇д̇анид̣̇д̣̇зсаван̣н̣анаа • 7. Tissametteyyasuttaniddesavaṇṇanā
