| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
7. д̇иссамзд̇д̇зяяасуд̇д̇аван̣н̣анаа
7. Tissametteyyasuttavaṇṇanā
821. мзт̇унамануяуд̇д̇ассаад̇и д̇иссамзд̇д̇зяяасуд̇д̇ам̣. гаа уббад̇д̇и? бхаг̇авад̇и гира саавад̇т̇ияам̣ вихаранд̇з д̇иссамзд̇д̇зяяаа наама д̣̇вз сахааяаа саавад̇т̇им̣ аг̇амам̣су. д̇з сааяанхасамаяам̣ махааж̇анам̣ ж̇зд̇аванаабхимукам̣ г̇ажчанд̇ам̣ д̣̇исваа ‘‘гухим̣ г̇ажчат̇аа’’д̇и бужчим̣су. д̇ад̇о д̇зхи ‘‘б̣уд̣̇д̇хо логз уббанно, б̣ахуж̇анахид̇ааяа д̇хаммам̣ д̣̇зсзд̇и, д̇ам̣ сод̇ум̣ ж̇зд̇аванам̣ г̇ажчаамаа’’д̇и вуд̇д̇з ‘‘маяамби соссаамаа’’д̇и аг̇амам̣су. д̇з аван̃жхад̇хаммад̣̇зсагасса бхаг̇авад̇о д̇хаммад̣̇зсанам̣ суд̇ваа барисанд̇арз нисиннаава жинд̇зсум̣ – ‘‘на саггаа аг̇аарамаж̇жхз тид̇знааяам̣ д̇хаммо барибуурзд̇у’’нд̇и. ат̇а багганд̇з махааж̇анз бхаг̇аванд̇ам̣ баб̣б̣аж̇ж̇ам̣ яаажим̣су. бхаг̇аваа ‘‘имз баб̣б̣ааж̇зхий’’д̇и ан̃н̃ад̇арам̣ бхигкум̣ аан̣аабзси. со д̇з баб̣б̣ааж̇зд̇ваа д̇ажабан̃жагагаммадтаанам̣ д̣̇ад̇ваа аран̃н̃аваасам̣ г̇анд̇умаарад̣̇д̇хо. мзд̇д̇зяяо д̇иссам̣ ааха – ‘‘аавусо, убаж̇жхааяо аран̃н̃ам̣ г̇ажчад̇и, маяамби г̇ажчаамаа’’д̇и. д̇иссо ‘‘алам̣ аавусо, бхаг̇авад̇о д̣̇ассанам̣ д̇хаммассаванан̃жа ахам̣ бихзми, г̇ажча д̇ва’’нд̇и вад̇ваа на аг̇амааси. мзд̇д̇зяяо убаж̇жхааязна саха г̇анд̇ваа аран̃н̃з саман̣ад̇хаммам̣ гаронд̇о на жирассзва арахад̇д̇ам̣ баабун̣и сад̣̇д̇хим̣ аажарияубаж̇жхааязхи. д̇иссассааби ж̇здтабхаад̇аа б̣яаад̇хинаа гааламагааси. со д̇ам̣ суд̇ваа ад̇д̇ано г̇аамам̣ аг̇амааси, д̇ад̇ра нам̣ н̃аад̇агаа балобхзд̇ваа уббаб̣б̣ааж̇зсум̣. мзд̇д̇зяяоби аажарияубаж̇жхааязхи сад̣̇д̇хим̣ саавад̇т̇им̣ ааг̇ад̇о. ат̇а бхаг̇аваа вуд̇т̇авассо ж̇анабад̣̇ажааригам̣ жарамаано анубуб̣б̣зна д̇ам̣ г̇аамам̣ баабун̣и. д̇ад̇т̇а мзд̇д̇зяяо бхаг̇аванд̇ам̣ ванд̣̇ид̇ваа ‘‘имасмим̣, бханд̇з, г̇аамз мама г̇ихисахааяо ад̇т̇и, мухуд̇д̇ам̣ д̇аава ааг̇амзт̇а анугамбам̣ убаад̣̇ааяаа’’д̇и вад̇ваа г̇аамам̣ бависид̇ваа д̇ам̣ бхаг̇авад̇о санд̇игам̣ аанзд̇ваа згаманд̇ам̣ тид̇о д̇ассад̇т̇ааяа аад̣̇иг̇аат̇ааяа бхаг̇аванд̇ам̣ бан̃хам̣ бужчи. д̇асса бхаг̇аваа б̣яаагаронд̇о авасзсаг̇аат̇ааяо абхааси. аяамасса суд̇д̇асса уббад̇д̇и.
821.Methunamanuyuttassāti tissametteyyasuttaṃ. Kā uppatti? Bhagavati kira sāvatthiyaṃ viharante tissametteyyā nāma dve sahāyā sāvatthiṃ agamaṃsu. Te sāyanhasamayaṃ mahājanaṃ jetavanābhimukhaṃ gacchantaṃ disvā ‘‘kuhiṃ gacchathā’’ti pucchiṃsu. Tato tehi ‘‘buddho loke uppanno, bahujanahitāya dhammaṃ deseti, taṃ sotuṃ jetavanaṃ gacchāmā’’ti vutte ‘‘mayampi sossāmā’’ti agamaṃsu. Te avañjhadhammadesakassa bhagavato dhammadesanaṃ sutvā parisantare nisinnāva cintesuṃ – ‘‘na sakkā agāramajjhe ṭhitenāyaṃ dhammo paripūretu’’nti. Atha pakkante mahājane bhagavantaṃ pabbajjaṃ yāciṃsu. Bhagavā ‘‘ime pabbājehī’’ti aññataraṃ bhikkhuṃ āṇāpesi. So te pabbājetvā tacapañcakakammaṭṭhānaṃ datvā araññavāsaṃ gantumāraddho. Metteyyo tissaṃ āha – ‘‘āvuso, upajjhāyo araññaṃ gacchati, mayampi gacchāmā’’ti. Tisso ‘‘alaṃ āvuso, bhagavato dassanaṃ dhammassavanañca ahaṃ pihemi, gaccha tva’’nti vatvā na agamāsi. Metteyyo upajjhāyena saha gantvā araññe samaṇadhammaṃ karonto na cirasseva arahattaṃ pāpuṇi saddhiṃ ācariyupajjhāyehi. Tissassāpi jeṭṭhabhātā byādhinā kālamakāsi. So taṃ sutvā attano gāmaṃ agamāsi, tatra naṃ ñātakā palobhetvā uppabbājesuṃ. Metteyyopi ācariyupajjhāyehi saddhiṃ sāvatthiṃ āgato. Atha bhagavā vutthavasso janapadacārikaṃ caramāno anupubbena taṃ gāmaṃ pāpuṇi. Tattha metteyyo bhagavantaṃ vanditvā ‘‘imasmiṃ, bhante, gāme mama gihisahāyo atthi, muhuttaṃ tāva āgametha anukampaṃ upādāyā’’ti vatvā gāmaṃ pavisitvā taṃ bhagavato santikaṃ ānetvā ekamantaṃ ṭhito tassatthāya ādigāthāya bhagavantaṃ pañhaṃ pucchi. Tassa bhagavā byākaronto avasesagāthāyo abhāsi. Ayamassa suttassa uppatti.
д̇ад̇т̇а мзт̇унамануяуд̇д̇ассаад̇и мзт̇унад̇хаммасамааяуд̇д̇асса. ид̇ийд̇и звамааха. ааяасмаад̇и бияаважанамзд̇ам̣, д̇иссод̇и наамам̣ д̇асса т̇зрасса. со хи д̇иссод̇и наамзна. мзд̇д̇зяяод̇и г̇од̇д̇ам̣, г̇од̇д̇авасзнзва жзса баагадо ахоси. д̇асмаа адтуббад̇д̇ияам̣ вуд̇д̇ам̣ ‘‘д̇иссамзд̇д̇зяяаа наама д̣̇вз сахааяаа’’д̇и. вигхаад̇анд̇и убагхаад̇ам̣. б̣руухийд̇и аажигка. маарисаад̇и бияаважанамзд̇ам̣, нид̣̇угкаад̇и вуд̇д̇ам̣ ход̇и. суд̇ваана д̇ава саасананд̇и д̇ава важанам̣ суд̇ваа. вивзгз сигкиссаамасзд̇и сахааяам̣ аараб̣бха д̇хаммад̣̇зсанам̣ яаажанд̇о бхан̣ад̇и. со бана сигкид̇асигкоязва.
Tattha methunamanuyuttassāti methunadhammasamāyuttassa. Itīti evamāha. Āyasmāti piyavacanametaṃ, tissoti nāmaṃ tassa therassa. So hi tissoti nāmena. Metteyyoti gottaṃ, gottavaseneva cesa pākaṭo ahosi. Tasmā aṭṭhuppattiyaṃ vuttaṃ ‘‘tissametteyyā nāma dve sahāyā’’ti. Vighātanti upaghātaṃ. Brūhīti ācikkha. Mārisāti piyavacanametaṃ, nidukkhāti vuttaṃ hoti. Sutvāna tava sāsananti tava vacanaṃ sutvā. Viveke sikkhissāmaseti sahāyaṃ ārabbha dhammadesanaṃ yācanto bhaṇati. So pana sikkhitasikkhoyeva.
822. муссад̇з вааби саасананд̇и барияад̇д̇ибадибад̇д̇ид̇о д̣̇увид̇хамби саасанам̣ нассад̇и. ваабийд̇и бад̣̇абууран̣амад̇д̇ам̣. зд̇ам̣ д̇асмим̣ анаарияанд̇и д̇асмим̣ буг̇г̇алз зд̇ам̣ анарияам̣, яад̣̇ид̣̇ам̣ мижчаабадибад̣̇аа.
822.Mussatevāpi sāsananti pariyattipaṭipattito duvidhampi sāsanaṃ nassati. Vāpīti padapūraṇamattaṃ. Etaṃ tasmiṃ anāriyanti tasmiṃ puggale etaṃ anariyaṃ, yadidaṃ micchāpaṭipadā.
823. зго буб̣б̣з жарид̇ваанаад̇и баб̣б̣аж̇ж̇аасан̇каад̇зна ваа г̇ан̣авоссаг̇г̇адтзна ваа буб̣б̣з зго вихарид̇ваа. яаанам̣ бханд̇ам̣ва д̇ам̣ логз, хийнамааху бут̇уж̇ж̇ананд̇и д̇ам̣ виб̣бханд̇агам̣ буг̇г̇алам̣ яат̇аа хад̇т̇ияаанаад̣̇ияаанам̣ ад̣̇анд̇ам̣ висамам̣ аарохад̇и, аарохагамби бхан̃ж̇ад̇и, бабаад̇зби бабад̇ад̇и. звам̣ гааяад̣̇ужжарид̇аад̣̇ивисамаароханзна нарагаад̣̇ийсу, ад̇т̇абхан̃ж̇анзна ж̇аад̇ибабаад̇аад̣̇ийсу бабад̇анзна жа яаанам̣ бханд̇ам̣ва ааху хийнам̣ бут̇уж̇ж̇анан̃жа аахууд̇и.
823.Ekopubbe caritvānāti pabbajjāsaṅkhātena vā gaṇavossaggaṭṭhena vā pubbe eko viharitvā. Yānaṃ bhantaṃva taṃ loke, hīnamāhu puthujjananti taṃ vibbhantakaṃ puggalaṃ yathā hatthiyānādiyānaṃ adantaṃ visamaṃ ārohati, ārohakampi bhañjati, papātepi papatati. Evaṃ kāyaduccaritādivisamārohanena narakādīsu, atthabhañjanena jātipapātādīsu papatanena ca yānaṃ bhantaṃva āhu hīnaṃ puthujjanañca āhūti.
824-5. яасо гид̇д̇и жаад̇и лаабхасаггааро басам̣саа жа. буб̣б̣зд̇и баб̣б̣аж̇ид̇абхаавз. хааяад̇з вааби д̇асса саад̇и д̇асса виб̣бханд̇агасса сад̇о со жа яасо саа жа гид̇д̇и хааяад̇и. зд̇амби д̣̇исваад̇и зд̇амби буб̣б̣з яасагид̇д̇ийнам̣ бхаавам̣ бажчаа жа хааним̣ д̣̇исваа. сигкзт̇а мзт̇унам̣ виббахаад̇авзд̇и д̇иссо сигкаа сигкзт̇а. гим̣ гааран̣ам̣? мзт̇унам̣ виббахаад̇авз, мзт̇унаббахаанад̇т̇ааяаад̇и вуд̇д̇ам̣ ход̇и. яо хи мзт̇унам̣ на виббаж̇ахад̇и, сан̇габбзхи…бз… д̇ат̇аавид̇хо . д̇ад̇т̇а барзд̇од̇и саманнааг̇ад̇о. барзсам̣ ниг̇гхосанд̇и убаж̇жхааяаад̣̇ийнам̣ нинд̣̇ааважанам̣. ман̇гу ход̇ийд̇и д̣̇уммано ход̇и.
824-5.Yaso kitti cāti lābhasakkāro pasaṃsā ca. Pubbeti pabbajitabhāve. Hāyate vāpi tassa sāti tassa vibbhantakassa sato so ca yaso sā ca kitti hāyati. Etampi disvāti etampi pubbe yasakittīnaṃ bhāvaṃ pacchā ca hāniṃ disvā. Sikkhetha methunaṃ vippahātaveti tisso sikkhā sikkhetha. Kiṃ kāraṇaṃ? Methunaṃ vippahātave, methunappahānatthāyāti vuttaṃ hoti. Yo hi methunaṃ na vippajahati, saṅkappehi…pe… tathāvidho. Tattha paretoti samannāgato. Paresaṃ nigghosanti upajjhāyādīnaṃ nindāvacanaṃ. Maṅku hotīti dummano hoti.
826. ид̇о бараа г̇аат̇аа баагадасамб̣анд̇хаа зва. д̇аасу сад̇т̇аанийд̇и гааяад̣̇ужжарид̇аад̣̇ийни. д̇аани хи ад̇д̇ано барзсан̃жа чзд̣̇анадтзна ‘‘сад̇т̇ааний’’д̇и вужжанд̇и. д̇зсу жааяам̣ висзсад̇о жод̣̇ид̇о мусааважанасад̇т̇аанзва гарод̇и – ‘‘иминаа гааран̣знаахам̣ виб̣бханд̇о’’д̇и бхан̣анд̇о. д̇знзвааха – ‘‘зса квасса махааг̇зд̇хо, мосаваж̇ж̇ам̣ баг̇аахад̇ий’’д̇и. д̇ад̇т̇а зса квассаад̇и зса ко асса. махааг̇зд̇ход̇и махааб̣анд̇ханам̣. гад̇амод̇и жз? яад̣̇ид̣̇ам̣ мосаваж̇ж̇ам̣ баг̇аахад̇и, сваасса мусааваад̣̇аж̇жхог̇аахо махааг̇зд̇ход̇и взд̣̇ид̇аб̣б̣о.
826. Ito parā gāthā pākaṭasambandhā eva. Tāsu satthānīti kāyaduccaritādīni. Tāni hi attano paresañca chedanaṭṭhena ‘‘satthānī’’ti vuccanti. Tesu cāyaṃ visesato codito musāvacanasatthāneva karoti – ‘‘iminā kāraṇenāhaṃ vibbhanto’’ti bhaṇanto. Tenevāha – ‘‘esa khvassa mahāgedho, mosavajjaṃ pagāhatī’’ti. Tattha esa khvassāti esa kho assa. Mahāgedhoti mahābandhanaṃ. Katamoti ce? Yadidaṃ mosavajjaṃ pagāhati, svāssa musāvādajjhogāho mahāgedhoti veditabbo.
827. манд̣̇ова баригиссад̇ийд̇и баан̣авад̇хаад̣̇ийни гаронд̇о д̇ад̇онид̣̇аанан̃жа д̣̇угкаманубхонд̇о бхог̇абариязсанарагканаани жа гаронд̇о момуухо вияа баригилиссад̇и.
827.Mandova parikissatīti pāṇavadhādīni karonto tatonidānañca dukkhamanubhonto bhogapariyesanarakkhanāni ca karonto momūho viya parikilissati.
828-9. ‘‘зд̇амаад̣̇ийнавам̣ н̃ад̇ваа, муни буб̣б̣аабарз ид̇хаа’’д̇и зд̇ам̣ ‘‘яасо гид̇д̇и жа яаа буб̣б̣з, хааяад̇звааби д̇асса саа’’д̇и ид̇о бабхуд̇и вуд̇д̇з буб̣б̣аабарз ид̇ха имасмим̣ саасанз буб̣б̣ад̇о абарз саман̣абхаавад̇о виб̣бханд̇агабхаавз аад̣̇ийнавам̣ муни н̃ад̇ваа. зд̇ад̣̇арияаанамуд̇д̇аманд̇и яад̣̇ид̣̇ам̣ вивзгажарияаа , зд̇ам̣ б̣уд̣̇д̇хаад̣̇ийнам̣ арияаанам̣ уд̇д̇амам̣, д̇асмаа вивзган̃н̃зва сигкзт̇аад̇и ад̇хиббааяо. на д̇зна сздто ман̃н̃зт̇аад̇и д̇зна жа вивзгзна на ад̇д̇аанам̣ ‘‘сздто аха’’нд̇и ман̃н̃зяяа, д̇зна т̇ад̣̇д̇хо на бхавзяяаад̇и вуд̇д̇ам̣ ход̇и.
828-9.‘‘Etamādīnavaṃ ñatvā, muni pubbāpare idhā’’ti etaṃ ‘‘yaso kitti ca yā pubbe, hāyatevāpi tassa sā’’ti ito pabhuti vutte pubbāpare idha imasmiṃ sāsane pubbato apare samaṇabhāvato vibbhantakabhāve ādīnavaṃ muni ñatvā. Etadariyānamuttamanti yadidaṃ vivekacariyā , etaṃ buddhādīnaṃ ariyānaṃ uttamaṃ, tasmā vivekaññeva sikkhethāti adhippāyo. Na tena seṭṭho maññethāti tena ca vivekena na attānaṃ ‘‘seṭṭho aha’’nti maññeyya, tena thaddho na bhaveyyāti vuttaṃ hoti.
830. рид̇д̇ассаад̇и вивид̇д̇асса гааяад̣̇ужжарид̇аад̣̇ийхи вирахид̇асса. огхад̇ин̣н̣асса бихаяанд̇и, гаамзсу г̇ад̇хид̇аа баж̇аад̇и вад̇т̇угаамзсу лаг̇г̇аа сад̇д̇аа д̇асса жад̇урогхад̇ин̣н̣асса бихаяанд̇и ин̣ааяигаа вияа аан̣ан̣яассаад̇и арахад̇д̇анигуудзна д̣̇зсанам̣ нидтаабзси. д̣̇зсанаабарияосаанз д̇иссо сод̇аабад̇д̇ипалам̣ бад̇ваа бажчаа баб̣б̣аж̇ид̇ваа арахад̇д̇ам̣ сажчаагаасийд̇и.
830.Rittassāti vivittassa kāyaduccaritādīhi virahitassa. Oghatiṇṇassa pihayanti, kāmesu gadhitā pajāti vatthukāmesu laggā sattā tassa caturoghatiṇṇassa pihayanti iṇāyikā viya āṇaṇyassāti arahattanikūṭena desanaṃ niṭṭhāpesi. Desanāpariyosāne tisso sotāpattiphalaṃ patvā pacchā pabbajitvā arahattaṃ sacchākāsīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа д̇иссамзд̇д̇зяяасуд̇д̇аван̣н̣анаа нидтид̇аа.
Suttanipāta-aṭṭhakathāya tissametteyyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 7. д̇иссамзд̇д̇зяяасуд̇д̇ам̣ • 7. Tissametteyyasuttaṃ
