| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
2. д̇иссамзд̇д̇зяяасуд̇д̇аван̣н̣анаа
2. Tissametteyyasuttavaṇṇanā
1047. год̇ха санд̇уссид̇од̇и д̇иссамзд̇д̇зяяасуд̇д̇ам̣. гаа уббад̇д̇и? саб̣б̣асуд̇д̇аанам̣ бужчаавасигаа зва уббад̇д̇и. д̇з хи б̣раахман̣аа ‘‘гад̇аавагаасаа бужчавхо’’д̇и бхаг̇авад̇аа баваарид̇ад̇д̇аа ад̇д̇ано ад̇д̇ано сам̣саяам̣ бужчим̣су. будто будто жа д̇зсам̣ бхаг̇аваа б̣яаагааси. звам̣ бужчаавасигаанзвзд̇аани суд̇д̇аанийд̇и взд̣̇ид̇аб̣б̣аани.
1047.Kodhasantussitoti tissametteyyasuttaṃ. Kā uppatti? Sabbasuttānaṃ pucchāvasikā eva uppatti. Te hi brāhmaṇā ‘‘katāvakāsā pucchavho’’ti bhagavatā pavāritattā attano attano saṃsayaṃ pucchiṃsu. Puṭṭho puṭṭho ca tesaṃ bhagavā byākāsi. Evaṃ pucchāvasikānevetāni suttānīti veditabbāni.
нидтид̇з бана аж̇ид̇абан̃хз ‘‘гат̇ам̣ логам̣ авзгканд̇ам̣, мажжурааж̇аа на бассад̇ий’’д̇и (су. ни. 1124; жуул̣ани. бин̇г̇ияамаан̣авабужчаа 144) звам̣ могхарааж̇аа бужчид̇ум̣ аарабхи. д̇ам̣ ‘‘на д̇аавасса инд̣̇рияаани барибаагам̣ г̇ад̇ааний’’д̇и н̃ад̇ваа бхаг̇аваа ‘‘д̇идта д̇вам̣, могхарааж̇а, ан̃н̃о бужчад̇уу’’д̇и бадигкиби. д̇ад̇о д̇иссамзд̇д̇зяяо ад̇д̇ано сам̣саяам̣ бужчанд̇о ‘‘год̇хаа’’д̇и г̇аат̇амааха. д̇ад̇т̇а год̇ха санд̇уссид̇од̇и го ид̇ха д̇удто. ин̃ж̇ид̇аад̇и д̇ан̣хаад̣̇идтивибпанд̣̇ид̇аани. убханд̇амабхин̃н̃ааяаад̇и убхо анд̇з абхиж̇аанид̇ваа. манд̇аа на либбад̇ийд̇и бан̃н̃ааяа на либбад̇и.
Niṭṭhite pana ajitapañhe ‘‘kathaṃ lokaṃ avekkhantaṃ, maccurājā na passatī’’ti (su. ni. 1124; cūḷani. piṅgiyamāṇavapucchā 144) evaṃ mogharājā pucchituṃ ārabhi. Taṃ ‘‘na tāvassa indriyāni paripākaṃ gatānī’’ti ñatvā bhagavā ‘‘tiṭṭha tvaṃ, mogharāja, añño pucchatū’’ti paṭikkhipi. Tato tissametteyyo attano saṃsayaṃ pucchanto ‘‘kodhā’’ti gāthamāha. Tattha kodha santussitoti ko idha tuṭṭho. Iñjitāti taṇhādiṭṭhivipphanditāni. Ubhantamabhiññāyāti ubho ante abhijānitvā. Mantā na lippatīti paññāya na lippati.
1048-9. д̇ассзд̇амад̇т̇ам̣ б̣яаагаронд̇о бхаг̇аваа ‘‘гаамзсуу’’д̇и г̇аат̇аад̣̇ваяамааха. д̇ад̇т̇а гаамзсу б̣рахмажарияаваад̇и гааманимид̇д̇ам̣ б̣рахмажарияаваа, гаамзсу аад̣̇ийнавам̣ д̣̇исваа маг̇г̇аб̣рахмажариязна саманнааг̇ад̇од̇и вуд̇д̇ам̣ ход̇и. зд̇д̇аавад̇аа санд̇усид̇ам̣ д̣̇ассзд̇и, ‘‘вийд̇ад̇ан̣хо’’д̇иаад̣̇ийхи анин̃ж̇ид̇ам̣ . д̇ад̇т̇а сан̇кааяа ниб̣б̣уд̇од̇и анижжаад̣̇ивасзна д̇хаммз виймам̣сид̇ваа рааг̇аад̣̇иниб̣б̣аанзна ниб̣б̣уд̇о. сзсам̣ д̇ад̇т̇а д̇ад̇т̇а вуд̇д̇анаяад̇д̇аа баагадамзва.
1048-9. Tassetamatthaṃ byākaronto bhagavā ‘‘kāmesū’’ti gāthādvayamāha. Tattha kāmesu brahmacariyavāti kāmanimittaṃ brahmacariyavā, kāmesu ādīnavaṃ disvā maggabrahmacariyena samannāgatoti vuttaṃ hoti. Ettāvatā santusitaṃ dasseti, ‘‘vītataṇho’’tiādīhi aniñjitaṃ . Tattha saṅkhāya nibbutoti aniccādivasena dhamme vīmaṃsitvā rāgādinibbānena nibbuto. Sesaṃ tattha tattha vuttanayattā pākaṭameva.
звам̣ бхаг̇аваа имамби суд̇д̇ам̣ арахад̇д̇анигуудзнзва д̣̇зсзси. д̣̇зсанаабарияосаанз аяамби б̣раахман̣о арахад̇д̇з бад̇идтааси сад̣̇д̇хим̣ анд̇зваасисахассзна, ан̃н̃зсан̃жа анзгасахассаанам̣ д̇хаммажагкум̣ уд̣̇абаад̣̇и. сзсам̣ буб̣б̣асад̣̇исамзваад̇и.
Evaṃ bhagavā imampi suttaṃ arahattanikūṭeneva desesi. Desanāpariyosāne ayampi brāhmaṇo arahatte patiṭṭhāsi saddhiṃ antevāsisahassena, aññesañca anekasahassānaṃ dhammacakkhuṃ udapādi. Sesaṃ pubbasadisamevāti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа д̇иссамзд̇д̇зяяасуд̇д̇аван̣н̣анаа нидтид̇аа.
Suttanipāta-aṭṭhakathāya tissametteyyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 2. д̇иссамзд̇д̇зяяамаан̣авабужчаа • 2. Tissametteyyamāṇavapucchā
