| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. д̇иссасуд̇д̇ам̣
2. Tissasuttaṃ
84. саавад̇т̇инид̣̇аанам̣. д̇зна ко бана самаязна ааяасмаа д̇иссо бхаг̇авад̇о бид̇ужчаабуд̇д̇о самб̣ахулаанам̣ бхигкуунам̣ звамаарожзд̇и – ‘‘аби мз, аавусо, мад̇хурагаж̇аад̇о вияа гааяо; д̣̇исааби мз на багкааяанд̇и; д̇хаммааби мам̣ на бадибханд̇и; т̇инамид̣̇д̇хан̃жа 1 мз жид̇д̇ам̣ барияаад̣̇ааяа д̇идтад̇и; анабхирад̇о жа б̣рахмажарияам̣ жараами; ход̇и жа мз д̇хаммзсу вижигижчаа’’д̇и.
84. Sāvatthinidānaṃ. Tena kho pana samayena āyasmā tisso bhagavato pitucchāputto sambahulānaṃ bhikkhūnaṃ evamāroceti – ‘‘api me, āvuso, madhurakajāto viya kāyo; disāpi me na pakkhāyanti; dhammāpi maṃ na paṭibhanti; thinamiddhañca 2 me cittaṃ pariyādāya tiṭṭhati; anabhirato ca brahmacariyaṃ carāmi; hoti ca me dhammesu vicikicchā’’ti.
ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ааяасмаа, бханд̇з, д̇иссо бхаг̇авад̇о бид̇ужчаабуд̇д̇о самб̣ахулаанам̣ бхигкуунам̣ звамаарожзд̇и – ‘аби мз, аавусо, мад̇хурагаж̇аад̇о вияа гааяо; д̣̇исааби мз на багкааяанд̇и; д̇хаммааби мам̣ на бадибханд̇и; т̇инамид̣̇д̇хан̃жа мз жид̇д̇ам̣ барияаад̣̇ааяа д̇идтад̇и; анабхирад̇о жа б̣рахмажарияам̣ жараами; ход̇и жа мз д̇хаммзсу вижигижчаа’’’д̇и.
Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘āyasmā, bhante, tisso bhagavato pitucchāputto sambahulānaṃ bhikkhūnaṃ evamāroceti – ‘api me, āvuso, madhurakajāto viya kāyo; disāpi me na pakkhāyanti; dhammāpi maṃ na paṭibhanti; thinamiddhañca me cittaṃ pariyādāya tiṭṭhati; anabhirato ca brahmacariyaṃ carāmi; hoti ca me dhammesu vicikicchā’’’ti.
ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна д̇иссам̣ бхигкум̣ ааманд̇зхий’’д̇и. ‘‘звам̣, бханд̇з’’д̇и ко со бхигку бхаг̇авад̇о бадиссуд̇ваа язнааяасмаа д̇иссо д̇знубасан̇гами ; убасан̇гамид̇ваа ааяасманд̇ам̣ д̇иссам̣ зд̇ад̣̇авожа – ‘‘сад̇т̇аа д̇ам̣, аавусо д̇исса, ааманд̇зд̇ий’’д̇и. ‘‘звамаавусо’’д̇и ко ааяасмаа д̇иссо д̇асса бхигкуно бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ д̇иссам̣ бхаг̇аваа зд̇ад̣̇авожа – ‘‘сажжам̣ гира д̇вам̣, д̇исса, самб̣ахулаанам̣ бхигкуунам̣ звамаарожзси – ‘аби мз, аавусо, мад̇хурагаж̇аад̇о вияа гааяо…бз… ход̇и жа мз д̇хаммзсу вижигижчаа’’’д̇и? ‘‘звам̣, бханд̇з’’. ‘‘д̇ам̣ гим̣ ман̃н̃аси, д̇исса, руубз авиг̇ад̇арааг̇асса авиг̇ад̇ажчанд̣̇асса авиг̇ад̇абзмасса авиг̇ад̇абибаасасса авиг̇ад̇абарил̣аахасса авиг̇ад̇ад̇ан̣хасса, д̇асса руубасса вибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа’’д̇и? ‘‘звам̣, бханд̇з’’.
Atha kho bhagavā aññataraṃ bhikkhuṃ āmantesi – ‘‘ehi tvaṃ, bhikkhu, mama vacanena tissaṃ bhikkhuṃ āmantehī’’ti. ‘‘Evaṃ, bhante’’ti kho so bhikkhu bhagavato paṭissutvā yenāyasmā tisso tenupasaṅkami ; upasaṅkamitvā āyasmantaṃ tissaṃ etadavoca – ‘‘satthā taṃ, āvuso tissa, āmantetī’’ti. ‘‘Evamāvuso’’ti kho āyasmā tisso tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ tissaṃ bhagavā etadavoca – ‘‘saccaṃ kira tvaṃ, tissa, sambahulānaṃ bhikkhūnaṃ evamārocesi – ‘api me, āvuso, madhurakajāto viya kāyo…pe… hoti ca me dhammesu vicikicchā’’’ti? ‘‘Evaṃ, bhante’’. ‘‘Taṃ kiṃ maññasi, tissa, rūpe avigatarāgassa avigatacchandassa avigatapemassa avigatapipāsassa avigatapariḷāhassa avigatataṇhassa, tassa rūpassa vipariṇāmaññathābhāvā uppajjanti sokaparidevadukkhadomanassupāyāsā’’ti? ‘‘Evaṃ, bhante’’.
‘‘саад̇ху саад̇ху, д̇исса! зван̃хзд̇ам̣, д̇исса, ход̇и. яат̇аа д̇ам̣ руубз авиг̇ад̇арааг̇асса… взд̣̇анааяа… сан̃н̃ааяа… сан̇каарзсу авиг̇ад̇арааг̇асса…бз… д̇зсам̣ сан̇каараанам̣ вибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа’’д̇и? ‘‘звам̣, бханд̇з’’.
‘‘Sādhu sādhu, tissa! Evañhetaṃ, tissa, hoti. Yathā taṃ rūpe avigatarāgassa… vedanāya… saññāya… saṅkhāresu avigatarāgassa…pe… tesaṃ saṅkhārānaṃ vipariṇāmaññathābhāvā uppajjanti sokaparidevadukkhadomanassupāyāsā’’ti? ‘‘Evaṃ, bhante’’.
‘‘саад̇ху саад̇ху, д̇исса! зван̃хзд̇ам̣, д̇исса, ход̇и. яат̇аа д̇ам̣ вин̃н̃аан̣з авиг̇ад̇арааг̇асса авиг̇ад̇ажчанд̣̇асса авиг̇ад̇абзмасса авиг̇ад̇абибаасасса авиг̇ад̇абарил̣аахасса авиг̇ад̇ад̇ан̣хасса, д̇асса вин̃н̃аан̣асса вибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа’’д̇и? ‘‘звам̣, бханд̇з’’.
‘‘Sādhu sādhu, tissa! Evañhetaṃ, tissa, hoti. Yathā taṃ viññāṇe avigatarāgassa avigatacchandassa avigatapemassa avigatapipāsassa avigatapariḷāhassa avigatataṇhassa, tassa viññāṇassa vipariṇāmaññathābhāvā uppajjanti sokaparidevadukkhadomanassupāyāsā’’ti? ‘‘Evaṃ, bhante’’.
‘‘саад̇ху саад̇ху, д̇исса! зван̃хзд̇ам̣, д̇исса, ход̇и. яат̇аа д̇ам̣ вин̃н̃аан̣з авиг̇ад̇арааг̇асса. д̇ам̣ гим̣ ман̃н̃аси, д̇исса, руубз виг̇ад̇арааг̇асса виг̇ад̇ажчанд̣̇асса виг̇ад̇абзмасса виг̇ад̇абибаасасса виг̇ад̇абарил̣аахасса виг̇ад̇ад̇ан̣хасса, д̇асса руубасса вибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа’’д̇и? ‘‘но хзд̇ам̣, бханд̇з’’.
‘‘Sādhu sādhu, tissa! Evañhetaṃ, tissa, hoti. Yathā taṃ viññāṇe avigatarāgassa. Taṃ kiṃ maññasi, tissa, rūpe vigatarāgassa vigatacchandassa vigatapemassa vigatapipāsassa vigatapariḷāhassa vigatataṇhassa, tassa rūpassa vipariṇāmaññathābhāvā uppajjanti sokaparidevadukkhadomanassupāyāsā’’ti? ‘‘No hetaṃ, bhante’’.
‘‘саад̇ху саад̇ху, д̇исса! зван̃хзд̇ам̣, д̇исса, ход̇и. яат̇аа д̇ам̣ руубз виг̇ад̇арааг̇асса… взд̣̇анааяа… сан̃н̃ааяа… сан̇каарзсу виг̇ад̇арааг̇асса… вин̃н̃аан̣з виг̇ад̇арааг̇асса виг̇ад̇ажчанд̣̇асса виг̇ад̇абзмасса виг̇ад̇абибаасасса виг̇ад̇абарил̣аахасса виг̇ад̇ад̇ан̣хасса д̇асса вин̃н̃аан̣асса вибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа’’д̇и? ‘‘но хзд̇ам̣, бханд̇з’’.
‘‘Sādhu sādhu, tissa! Evañhetaṃ, tissa, hoti. Yathā taṃ rūpe vigatarāgassa… vedanāya… saññāya… saṅkhāresu vigatarāgassa… viññāṇe vigatarāgassa vigatacchandassa vigatapemassa vigatapipāsassa vigatapariḷāhassa vigatataṇhassa tassa viññāṇassa vipariṇāmaññathābhāvā uppajjanti sokaparidevadukkhadomanassupāyāsā’’ti? ‘‘No hetaṃ, bhante’’.
‘‘саад̇ху саад̇ху, д̇исса! зван̃хзд̇ам̣, д̇исса, ход̇и. яат̇аа д̇ам̣ вин̃н̃аан̣з виг̇ад̇арааг̇асса. д̇ам̣ гим̣ ман̃н̃аси, д̇исса, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘взд̣̇анаа … сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. д̇асмаад̇иха…бз… звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и.
‘‘Sādhu sādhu, tissa! Evañhetaṃ, tissa, hoti. Yathā taṃ viññāṇe vigatarāgassa. Taṃ kiṃ maññasi, tissa, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Vedanā … saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. Tasmātiha…pe… evaṃ passaṃ…pe… nāparaṃ itthattāyāti pajānātī’’ti.
‘‘сзяяат̇ааби, д̇исса, д̣̇вз бурисаа – зго бурисо амаг̇г̇агусало, зго бурисо маг̇г̇агусало. д̇амзнам̣ со амаг̇г̇агусало бурисо амум̣ маг̇г̇агусалам̣ бурисам̣ маг̇г̇ам̣ бужчзяяа. со звам̣ вад̣̇зяяа – ‘зхи, бхо буриса, аяам̣ маг̇г̇о. д̇зна мухуд̇д̇ам̣ г̇ажча. д̇зна мухуд̇д̇ам̣ г̇анд̇ваа д̣̇агкиссаси д̣̇взд̇хаабат̇ам̣, д̇ад̇т̇а ваамам̣ мун̃жид̇ваа д̣̇агкин̣ам̣ г̇ан̣хаахи. д̇зна мухуд̇д̇ам̣ г̇ажча. д̇зна мухуд̇д̇ам̣ г̇анд̇ваа д̣̇агкиссаси д̇иб̣б̣ам̣ ванасан̣д̣ам̣. д̇зна мухуд̇д̇ам̣ г̇ажча. д̇зна мухуд̇д̇ам̣ г̇анд̇ваа д̣̇агкиссаси маханд̇ам̣ ниннам̣ баллалам̣ . д̇зна мухуд̇д̇ам̣ г̇ажча. д̇зна мухуд̇д̇ам̣ г̇анд̇ваа д̣̇агкиссаси соб̣бхам̣ бабаад̇ам̣. д̇зна мухуд̇д̇ам̣ г̇ажча. д̇зна мухуд̇д̇ам̣ г̇анд̇ваа д̣̇агкиссаси самам̣ бхуумибхааг̇ам̣ раман̣ийяа’’’нд̇и.
‘‘Seyyathāpi, tissa, dve purisā – eko puriso amaggakusalo, eko puriso maggakusalo. Tamenaṃ so amaggakusalo puriso amuṃ maggakusalaṃ purisaṃ maggaṃ puccheyya. So evaṃ vadeyya – ‘ehi, bho purisa, ayaṃ maggo. Tena muhuttaṃ gaccha. Tena muhuttaṃ gantvā dakkhissasi dvedhāpathaṃ, tattha vāmaṃ muñcitvā dakkhiṇaṃ gaṇhāhi. Tena muhuttaṃ gaccha. Tena muhuttaṃ gantvā dakkhissasi tibbaṃ vanasaṇḍaṃ. Tena muhuttaṃ gaccha. Tena muhuttaṃ gantvā dakkhissasi mahantaṃ ninnaṃ pallalaṃ . Tena muhuttaṃ gaccha. Tena muhuttaṃ gantvā dakkhissasi sobbhaṃ papātaṃ. Tena muhuttaṃ gaccha. Tena muhuttaṃ gantvā dakkhissasi samaṃ bhūmibhāgaṃ ramaṇīya’’’nti.
‘‘убамаа ко мяааяам̣, д̇исса, гад̇аа ад̇т̇асса вин̃н̃аабанааяа. аяам̣ жзвзд̇т̇а ад̇т̇о – ‘бурисо амаг̇г̇агусало’д̇и ко, д̇исса, бут̇уж̇ж̇анассзд̇ам̣ ад̇хиважанам̣. ‘бурисо маг̇г̇агусало’д̇и ко, д̇исса, д̇ат̇ааг̇ад̇ассзд̇ам̣ ад̇хиважанам̣ арахад̇о саммаасамб̣уд̣̇д̇хасса. ‘д̣̇взд̇хаабат̇о’д̇и ко, д̇исса, вижигижчааязд̇ам̣ ад̇хиважанам̣ . ‘ваамо маг̇г̇о’д̇и ко, д̇исса, адтан̇г̇игассзд̇ам̣ мижчаамаг̇г̇асса ад̇хиважанам̣, сзяяат̇ид̣̇ам̣ – мижчаад̣̇идтияаа…бз… мижчаасамаад̇хисса. ‘д̣̇агкин̣о маг̇г̇о’д̇и ко, д̇исса, арияассзд̇ам̣ адтан̇г̇игасса маг̇г̇асса ад̇хиважанам̣, сзяяат̇ид̣̇ам̣ – саммаад̣̇идтияаа…бз… саммаасамаад̇хисса. ‘д̇иб̣б̣о ванасан̣д̣о’д̇и ко, д̇исса, авиж̇ж̇ааязд̇ам̣ ад̇хиважанам̣. ‘маханд̇ам̣ ниннам̣ баллала’нд̇и ко, д̇исса, гаамаанамзд̇ам̣ ад̇хиважанам̣. ‘соб̣бхо бабаад̇о’д̇и ко, д̇исса, год̇хуубааяаасассзд̇ам̣ ад̇хиважанам̣. ‘само бхуумибхааг̇о раман̣ийяо’д̇и ко, д̇исса, ниб̣б̣аанассзд̇ам̣ ад̇хиважанам̣. абхирама, д̇исса, абхирама, д̇исса! ахамоваад̣̇зна ахамануг̇г̇ахзна ахаманусаасанияаа’’д̇и 3.
‘‘Upamā kho myāyaṃ, tissa, katā atthassa viññāpanāya. Ayaṃ cevettha attho – ‘puriso amaggakusalo’ti kho, tissa, puthujjanassetaṃ adhivacanaṃ. ‘Puriso maggakusalo’ti kho, tissa, tathāgatassetaṃ adhivacanaṃ arahato sammāsambuddhassa. ‘Dvedhāpatho’ti kho, tissa, vicikicchāyetaṃ adhivacanaṃ . ‘Vāmo maggo’ti kho, tissa, aṭṭhaṅgikassetaṃ micchāmaggassa adhivacanaṃ, seyyathidaṃ – micchādiṭṭhiyā…pe… micchāsamādhissa. ‘Dakkhiṇo maggo’ti kho, tissa, ariyassetaṃ aṭṭhaṅgikassa maggassa adhivacanaṃ, seyyathidaṃ – sammādiṭṭhiyā…pe… sammāsamādhissa. ‘Tibbo vanasaṇḍo’ti kho, tissa, avijjāyetaṃ adhivacanaṃ. ‘Mahantaṃ ninnaṃ pallala’nti kho, tissa, kāmānametaṃ adhivacanaṃ. ‘Sobbho papāto’ti kho, tissa, kodhūpāyāsassetaṃ adhivacanaṃ. ‘Samo bhūmibhāgo ramaṇīyo’ti kho, tissa, nibbānassetaṃ adhivacanaṃ. Abhirama, tissa, abhirama, tissa! Ahamovādena ahamanuggahena ahamanusāsaniyā’’ti 4.
ид̣̇амавожа бхаг̇аваа. ад̇д̇амано ааяасмаа д̇иссо бхаг̇авад̇о бхаасид̇ам̣ абхинанд̣̇ийд̇и. д̣̇уд̇ияам̣.
Idamavoca bhagavā. Attamano āyasmā tisso bhagavato bhāsitaṃ abhinandīti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. д̇иссасуд̇д̇аван̣н̣анаа • 2. Tissasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. д̇иссасуд̇д̇аван̣н̣анаа • 2. Tissasuttavaṇṇanā
