| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. д̇иссасуд̇д̇аван̣н̣анаа
9. Tissasuttavaṇṇanā
243. навамз д̣̇умманод̇и уббаннад̣̇оманассо. гасмаа банааяам̣ звам̣ д̣̇угкий д̣̇уммано ж̇аад̇од̇и? кад̇д̇ияабаб̣б̣аж̇ид̇о хзса, д̇зна нам̣ баб̣б̣ааж̇зд̇ваа д̣̇убаддасаадагам̣ ниваасаабзд̇ваа варажийварам̣ баарубзд̇ваа агкийни ан̃ж̇зд̇ваа маносилаад̇злзна сийсам̣ магкзсум̣. со бхигкуусу рад̇д̇идтаанад̣̇иваадтаанам̣ г̇ад̇зсу ‘‘бхигкунаа наама вивид̇д̇огаасз нисийд̣̇ид̇аб̣б̣а’’нд̇и аж̇аананд̇о бхож̇анасаалам̣ г̇анд̇ваа махаабийтам̣ аарухид̇ваа нисийд̣̇и. д̣̇исааважараа ааг̇анд̇угаа бам̣сугуулигаа бхигкуу ааг̇анд̇ваа, ‘‘иминаава нийхаарзна раж̇огин̣н̣зхи г̇ад̇д̇зхи на саггаа д̣̇асаб̣алам̣ бассид̇ум̣. бхан̣д̣агам̣ д̇аава табзссаамаа’’д̇и бхож̇анасаалам̣ аг̇амам̣су. со д̇зсу махаат̇зрзсу ааг̇ажчанд̇зсу нижжало нисийд̣̇иязва. ан̃н̃з бхигкуу ‘‘баад̣̇авад̇д̇ам̣ гарома, д̇аалаван̣дзна б̣ийж̇аамаа’’д̇и аабужчанд̇и. аяам̣ бана нисиннагова ‘‘гад̇ивассад̇т̇аа’’д̇и? бужчид̇ваа, ‘‘маяам̣ авассигаа. д̇умхз бана гад̇ивассад̇т̇аа’’д̇и? вуд̇д̇з, ‘‘маяам̣ аж̇ж̇а баб̣б̣аж̇ид̇аа’’д̇и ааха. ат̇а нам̣ бхигкуу, ‘‘аавусо, ад̇хунаа чиннажуул̣оси, аж̇ж̇ааби д̇з сийсамуулз уугааг̇анд̇хо вааяад̇иязва, д̇вам̣ наама зд̇д̇агзсу вуд̣дхад̇арзсу вад̇д̇ам̣ аабужчанд̇зсу ниссад̣̇д̣̇о нижжало нисинно, абажид̇имад̇д̇амби д̇з над̇т̇и, гасса саасанз баб̣б̣аж̇ид̇осий’’д̇и? бариваарзд̇ваа д̇ам̣ ваажаасад̇д̇ийхи бахаранд̇аа ‘‘гим̣ д̇вам̣ ин̣аддо ваа бхаяаддо ваа ж̇ийвид̇ум̣ асаггонд̇о баб̣б̣аж̇ид̇о’’д̇и? аахам̣су. со згамби т̇зрам̣ ологзси, д̇зна ‘‘гим̣ мам̣ ологзси махаллагаа’’д̇и? вуд̇д̇з ан̃н̃ам̣ ологзси, д̇знаби д̇ат̇зва вуд̇д̇з ат̇асса ‘‘имз мам̣ бариваарзд̇ваа ваажаасад̇д̇ийхи виж̇жханд̇ий’’д̇и кад̇д̇ияамаано уббаж̇ж̇и. агкийсу ман̣иван̣н̣аани ассууни сан̃жарим̣су. д̇ад̇о нз ааха – ‘‘гасса санд̇игам̣ ааг̇ад̇ад̇т̇аа’’д̇и. д̇з ‘‘гим̣ бана д̇вам̣ ‘маяхам̣ санд̇игам̣ ааг̇ад̇аа’д̇и? амхз ман̃н̃аси г̇ихиб̣яан̃ж̇анабхадтагаа’’д̇и вад̇ваа, ‘‘сад̣̇звагз логз аг̇г̇абуг̇г̇аласса сад̇т̇у санд̇игам̣ ааг̇ад̇амхаа’’д̇и аахам̣су. со ‘‘маяхам̣ бхаад̇у санд̇игз ааг̇ад̇аа д̇умхз, яад̣̇и звам̣ ид̣̇аани во ааг̇ад̇амаг̇г̇знзва г̇аманам̣ гариссаамий’’д̇и гуж̇жхид̇ваа нигканд̇о анд̇араамаг̇г̇з жинд̇зси – ‘‘маяи иминаава нийхаарзна г̇ад̇з сад̇т̇аа зд̇з на нийхараабзссад̇ий’’д̇и д̣̇угкий д̣̇уммано ассууни бавад̇д̇аяамаано аг̇амааси. иминаа гааран̣зна зса звам̣ ж̇аад̇од̇и.
243. Navame dummanoti uppannadomanasso. Kasmā panāyaṃ evaṃ dukkhī dummano jātoti? Khattiyapabbajito hesa, tena naṃ pabbājetvā dupaṭṭasāṭakaṃ nivāsāpetvā varacīvaraṃ pārupetvā akkhīni añjetvā manosilātelena sīsaṃ makkhesuṃ. So bhikkhūsu rattiṭṭhānadivāṭṭhānaṃ gatesu ‘‘bhikkhunā nāma vivittokāse nisīditabba’’nti ajānanto bhojanasālaṃ gantvā mahāpīṭhaṃ āruhitvā nisīdi. Disāvacarā āgantukā paṃsukūlikā bhikkhū āgantvā, ‘‘imināva nīhārena rajokiṇṇehi gattehi na sakkā dasabalaṃ passituṃ. Bhaṇḍakaṃ tāva ṭhapessāmā’’ti bhojanasālaṃ agamaṃsu. So tesu mahātheresu āgacchantesu niccalo nisīdiyeva. Aññe bhikkhū ‘‘pādavattaṃ karoma, tālavaṇṭena bījāmā’’ti āpucchanti. Ayaṃ pana nisinnakova ‘‘kativassatthā’’ti? Pucchitvā, ‘‘mayaṃ avassikā. Tumhe pana kativassatthā’’ti? Vutte, ‘‘mayaṃ ajja pabbajitā’’ti āha. Atha naṃ bhikkhū, ‘‘āvuso, adhunā chinnacūḷosi, ajjāpi te sīsamūle ūkāgandho vāyatiyeva, tvaṃ nāma ettakesu vuḍḍhataresu vattaṃ āpucchantesu nissaddo niccalo nisinno, apacitimattampi te natthi, kassa sāsane pabbajitosī’’ti? Parivāretvā taṃ vācāsattīhi paharantā ‘‘kiṃ tvaṃ iṇaṭṭo vā bhayaṭṭo vā jīvituṃ asakkonto pabbajito’’ti? Āhaṃsu. So ekampi theraṃ olokesi, tena ‘‘kiṃ maṃ olokesi mahallakā’’ti? Vutte aññaṃ olokesi, tenapi tatheva vutte athassa ‘‘ime maṃ parivāretvā vācāsattīhi vijjhantī’’ti khattiyamāno uppajji. Akkhīsu maṇivaṇṇāni assūni sañcariṃsu. Tato ne āha – ‘‘kassa santikaṃ āgatatthā’’ti. Te ‘‘kiṃ pana tvaṃ ‘mayhaṃ santikaṃ āgatā’ti? Amhe maññasi gihibyañjanabhaṭṭhakā’’ti vatvā, ‘‘sadevake loke aggapuggalassa satthu santikaṃ āgatamhā’’ti āhaṃsu. So ‘‘mayhaṃ bhātu santike āgatā tumhe, yadi evaṃ idāni vo āgatamaggeneva gamanaṃ karissāmī’’ti kujjhitvā nikkhanto antarāmagge cintesi – ‘‘mayi imināva nīhārena gate satthā ete na nīharāpessatī’’ti dukkhī dummano assūni pavattayamāno agamāsi. Iminā kāraṇena esa evaṃ jātoti.
ваажаасаннид̇од̣̇агзнаад̇и важанабад̇од̣̇зна. сан̃ж̇амбхаримагам̣сууд̇и сан̃ж̇амбхарид̇ам̣ ниранд̇арам̣ пудам̣ агам̣су, убари виж̇жхим̣сууд̇и вуд̇д̇ам̣ ход̇и. вад̇д̇аад̇и барз яад̣̇ижчагам̣ вад̣̇ад̇иязва. но жа важанагкамод̇и барзсам̣ важанам̣ камид̇ум̣ на саггод̇и. ид̣̇аани д̇аава д̇вам̣ иминаа гобзна иминаа вуд̇д̇аваажаасаннид̇од̣̇агзна вид̣̇д̇хо. ад̇ийд̇з бана радтад̇о жа баб̣б̣ааж̇ид̇од̇и. звам̣ вуд̇д̇з, ‘‘гад̇арасмим̣ гаалз бхаг̇аваа’’д̇и? бхигкуу бхаг̇аванд̇ам̣ яаажим̣су.
Vācāsannitodakenāti vacanapatodena. Sañjambharimakaṃsūti sañjambharitaṃ nirantaraṃ phuṭaṃ akaṃsu, upari vijjhiṃsūti vuttaṃ hoti. Vattāti pare yadicchakaṃ vadatiyeva. No ca vacanakkhamoti paresaṃ vacanaṃ khamituṃ na sakkoti. Idāni tāva tvaṃ iminā kopena iminā vuttavācāsannitodakena viddho. Atīte pana raṭṭhato ca pabbājitoti. Evaṃ vutte, ‘‘katarasmiṃ kāle bhagavā’’ti? Bhikkhū bhagavantaṃ yāciṃsu.
сад̇т̇аа ааха – ад̇ийд̇з б̣аараан̣асияам̣ б̣аараан̣асирааж̇аа раж̇ж̇ам̣ гаарзси. ат̇зго ж̇аад̇имаа, зго маад̇ан̇г̇од̇и д̣̇вз исаяо б̣аараан̣асим̣ аг̇амам̣су. д̇зсу ж̇аад̇имаа бурзд̇арам̣ г̇анд̇ваа гумбхагаарасаалааяам̣ нисийд̣̇и. маад̇ан̇г̇о д̇аабасо бажчаа г̇анд̇ваа д̇ад̇т̇а огаасам̣ яаажи гумбхагааро ‘‘ад̇т̇зд̇т̇а батамад̇арам̣ бавидто баб̣б̣аж̇ид̇о, д̇ам̣ бужчаа’’д̇и ааха. со ад̇д̇ано баригкаарам̣ г̇ахзд̇ваа саалааяа д̣̇ваарамуулз тад̇ваа, ‘‘амхаагамби аажарияа згарад̇д̇иваасааяа огаасам̣ д̣̇зт̇аа’’д̇и ааха. ‘‘бависа, бхо’’д̇и. бависид̇ваа нисиннам̣, ‘‘бхо, гим̣ г̇од̇д̇осий’’д̇и? бужчи. ‘‘жан̣д̣аалаг̇од̇д̇омхий’’д̇и. ‘‘на саггаа д̇аяаа сад̣̇д̇хим̣ згадтаанз нисийд̣̇ид̇ум̣, згаманд̇ам̣ г̇ажчаа’’д̇и. со жа д̇ад̇т̇зва д̇ин̣асант̇аарагам̣ бад̇т̇арид̇ваа нибаж̇ж̇и, ж̇аад̇имаа д̣̇ваарам̣ ниссааяа нибаж̇ж̇и. ид̇аро бассаавад̇т̇ааяа нигкаманд̇о д̇ам̣ урасмим̣ аггами. ‘‘го зсо’’д̇и жа вуд̇д̇з? ‘‘ахам̣ аажарияаа’’д̇и ааха. ‘‘рз жан̣д̣аала, гим̣ ан̃н̃ад̇о маг̇г̇ам̣ на бассаси? ат̇а мз ааг̇анд̇ваа аггамасий’’д̇и. ‘‘аажарияа, ад̣̇исваа мз агганд̇оси, кама маяха’’нд̇и. со махаабурисз б̣ахи нигканд̇з жинд̇зси – ‘‘аяам̣ бажжааг̇ажчанд̇оби ид̇ова ааг̇амиссад̇ий’’д̇и баривад̇д̇зд̇ваа нибаж̇ж̇и. махаабурисоби ‘‘аажарияо ид̇о сийсам̣ гад̇ваа нибанно, баад̣̇асамийбзна г̇амиссаамий’’д̇и бависанд̇о буна урасмим̣язва аггами. ‘‘го зсо’’д̇и жа вуд̇д̇з? ‘‘ахам̣ аажарияаа’’д̇и ааха. ‘‘батамам̣ д̇аава д̇з аж̇аананд̇зна гад̇ам̣, ид̣̇аани мам̣ гхадзнд̇ова агааси, суурияз д̇з уг̇г̇ажчанд̇з сад̇д̇ад̇хаа муд̣̇д̇хаа палад̇уу’’д̇и саби. махаабурисо гин̃жи авад̇ваа бурзарун̣зязва суурияам̣ г̇ан̣хи, наасса уг̇г̇анд̇ум̣ ад̣̇ааси. мануссаа жа хад̇т̇иассаад̣̇аяо жа баб̣уж̇жхим̣су.
Satthā āha – atīte bārāṇasiyaṃ bārāṇasirājā rajjaṃ kāresi. Atheko jātimā, eko mātaṅgoti dve isayo bārāṇasiṃ agamaṃsu. Tesu jātimā puretaraṃ gantvā kumbhakārasālāyaṃ nisīdi. Mātaṅgo tāpaso pacchā gantvā tattha okāsaṃ yāci kumbhakāro ‘‘atthettha paṭhamataraṃ paviṭṭho pabbajito, taṃ pucchā’’ti āha. So attano parikkhāraṃ gahetvā sālāya dvāramūle ṭhatvā, ‘‘amhākampi ācariya ekarattivāsāya okāsaṃ dethā’’ti āha. ‘‘Pavisa, bho’’ti. Pavisitvā nisinnaṃ, ‘‘bho, kiṃ gottosī’’ti? Pucchi. ‘‘Caṇḍālagottomhī’’ti. ‘‘Na sakkā tayā saddhiṃ ekaṭṭhāne nisīdituṃ, ekamantaṃ gacchā’’ti. So ca tattheva tiṇasanthārakaṃ pattharitvā nipajji, jātimā dvāraṃ nissāya nipajji. Itaro passāvatthāya nikkhamanto taṃ urasmiṃ akkami. ‘‘Ko eso’’ti ca vutte? ‘‘Ahaṃ ācariyā’’ti āha. ‘‘Re caṇḍāla, kiṃ aññato maggaṃ na passasi? Atha me āgantvā akkamasī’’ti. ‘‘Ācariya, adisvā me akkantosi, khama mayha’’nti. So mahāpurise bahi nikkhante cintesi – ‘‘ayaṃ paccāgacchantopi itova āgamissatī’’ti parivattetvā nipajji. Mahāpurisopi ‘‘ācariyo ito sīsaṃ katvā nipanno, pādasamīpena gamissāmī’’ti pavisanto puna urasmiṃyeva akkami. ‘‘Ko eso’’ti ca vutte? ‘‘Ahaṃ ācariyā’’ti āha. ‘‘Paṭhamaṃ tāva te ajānantena kataṃ, idāni maṃ ghaṭentova akāsi, sūriye te uggacchante sattadhā muddhā phalatū’’ti sapi. Mahāpuriso kiñci avatvā purearuṇeyeva sūriyaṃ gaṇhi, nāssa uggantuṃ adāsi. Manussā ca hatthiassādayo ca pabujjhiṃsu.
мануссаа рааж̇агулам̣ г̇анд̇ваа, ‘‘д̣̇зва, сагаланаг̇арз аббаб̣уд̣̇д̇хо наама над̇т̇и, на жа арун̣уг̇г̇ам̣ бан̃н̃ааяад̇и, гинну ко зд̇а’’нд̇и? д̇зна хи наг̇арам̣ баривиймам̣сат̇аад̇и. д̇з баривиймам̣санд̇аа гумбхагаарасаалааяам̣ д̣̇вз д̇аабасз д̣̇исваа, ‘‘имзсам̣ зд̇ам̣ гаммам̣ бхависсад̇ий’’д̇и г̇анд̇ваа ран̃н̃о аарожзсум̣. ран̃н̃аа жа ‘‘бужчат̇а нз’’д̇и вуд̇д̇аа ааг̇анд̇ваа ж̇аад̇иманд̇ам̣ бужчим̣су – ‘‘д̇умхзхи анд̇хагаарам̣ гад̇а’’нд̇и. ‘‘на маяаа гад̇ам̣, зса бана гуудаж̇адило чаво ананд̇амааяо, д̇ам̣ бужчат̇аа’’д̇и. д̇з ааг̇анд̇ваа махаабурисам̣ бужчим̣су – ‘‘д̇умхзхи, бханд̇з, анд̇хагаарам̣ гад̇а’’нд̇и. ‘‘аама аяам̣ аажарияо мам̣ абхисаби, д̇асмаа маяаа гад̇а’’нд̇и. д̇з г̇анд̇ваа ран̃н̃о аарожзсум̣. рааж̇ааби ааг̇анд̇ваа махаабурисам̣ ‘‘д̇умхзхи гад̇ам̣, бханд̇з’’д̇и? бужчи. ‘‘аама, махаарааж̇аа’’д̇и. ‘‘гасмаа бханд̇з’’д̇и? ‘‘иминаа абхисабид̇омхи, сажз мам̣ зсо камаабзссад̇и, суурияам̣ виссаж̇ж̇зссаамий’’д̇и. рааж̇аа ‘‘камаабзт̇а, бханд̇з, зд̇а’’нд̇и ааха. ид̇аро ‘‘маад̣̇исо ж̇аад̇имаа гим̣ зваруубам̣ жан̣д̣аалам̣ камаабзссад̇и? на камаабзмий’’д̇и.
Manussā rājakulaṃ gantvā, ‘‘deva, sakalanagare appabuddho nāma natthi, na ca aruṇuggaṃ paññāyati, kinnu kho eta’’nti? Tena hi nagaraṃ parivīmaṃsathāti. Te parivīmaṃsantā kumbhakārasālāyaṃ dve tāpase disvā, ‘‘imesaṃ etaṃ kammaṃ bhavissatī’’ti gantvā rañño ārocesuṃ. Raññā ca ‘‘pucchatha ne’’ti vuttā āgantvā jātimantaṃ pucchiṃsu – ‘‘tumhehi andhakāraṃ kata’’nti. ‘‘Na mayā kataṃ, esa pana kūṭajaṭilo chavo anantamāyo, taṃ pucchathā’’ti. Te āgantvā mahāpurisaṃ pucchiṃsu – ‘‘tumhehi, bhante, andhakāraṃ kata’’nti. ‘‘Āma ayaṃ ācariyo maṃ abhisapi, tasmā mayā kata’’nti. Te gantvā rañño ārocesuṃ. Rājāpi āgantvā mahāpurisaṃ ‘‘tumhehi kataṃ, bhante’’ti? Pucchi. ‘‘Āma, mahārājā’’ti. ‘‘Kasmā bhante’’ti? ‘‘Iminā abhisapitomhi, sace maṃ eso khamāpessati, sūriyaṃ vissajjessāmī’’ti. Rājā ‘‘khamāpetha, bhante, eta’’nti āha. Itaro ‘‘mādiso jātimā kiṃ evarūpaṃ caṇḍālaṃ khamāpessati? Na khamāpemī’’ti.
ат̇а нам̣ мануссаа ‘‘на гим̣ д̇вам̣ ад̇д̇ано ружияаа камаабзссасий’’д̇и? вад̇ваа хад̇т̇зсу жа баад̣̇зсу жа г̇ахзд̇ваа баад̣̇амуулз нибаж̇ж̇аабзд̇ваа ‘‘камаабзхий’’д̇и аахам̣су. со ниссад̣̇д̣̇о нибаж̇ж̇и. бунаби нам̣ ‘‘камаабзхий’’д̇и аахам̣су. д̇ад̇о ‘‘кама маяхам̣, аажарияаа’’д̇и ааха. махаабурисо ‘‘ахам̣ д̇аава д̇уяхам̣ камид̇ваа суурияам̣ виссаж̇ж̇зссаами, суурияз бана уг̇г̇ад̇з д̇ава сийсам̣ сад̇д̇ад̇хаа палиссад̇ий’’д̇и вад̇ваа, ‘‘имасса сийсаббамаан̣ам̣ мад̇д̇игаабин̣д̣ам̣ мад̇т̇агз табзд̇ваа зд̇ам̣ над̣̇ияаа г̇алаббамаан̣з уд̣̇агз табзт̇аа’’д̇и ааха. мануссаа д̇ат̇аа агам̣су. зд̇д̇аавад̇аа сарадтагам̣ рааж̇аб̣алам̣ саннибад̇и. махаабурисо суурияам̣ мун̃жи. суурияарасми ааг̇анд̇ваа мад̇д̇игаабин̣д̣ам̣ бахари. со сад̇д̇ад̇хаа бхиж̇ж̇и. д̇аавад̣̇зва со нимуж̇ж̇ид̇ваа згзна д̇ид̇т̇зна уд̇д̇арид̇ваа балааяи. сад̇т̇аа имам̣ вад̇т̇ум̣ аахарид̇ваа, ‘‘ид̣̇аани д̇аава д̇вам̣ бхигкуунам̣ санд̇игз барибхаасам̣ лабхаси, буб̣б̣зби имам̣ год̇хам̣ ниссааяа радтад̇о баб̣б̣ааж̇ид̇о’’д̇и анусанд̇хим̣ гхадзд̇ваа ат̇а нам̣ овад̣̇анд̇о на ко д̇з д̇ам̣ д̇исса бад̇ируубанд̇иаад̣̇имааха. навамам̣.
Atha naṃ manussā ‘‘na kiṃ tvaṃ attano ruciyā khamāpessasī’’ti? Vatvā hatthesu ca pādesu ca gahetvā pādamūle nipajjāpetvā ‘‘khamāpehī’’ti āhaṃsu. So nissaddo nipajji. Punapi naṃ ‘‘khamāpehī’’ti āhaṃsu. Tato ‘‘khama mayhaṃ, ācariyā’’ti āha. Mahāpuriso ‘‘ahaṃ tāva tuyhaṃ khamitvā sūriyaṃ vissajjessāmi, sūriye pana uggate tava sīsaṃ sattadhā phalissatī’’ti vatvā, ‘‘imassa sīsappamāṇaṃ mattikāpiṇḍaṃ matthake ṭhapetvā etaṃ nadiyā galappamāṇe udake ṭhapethā’’ti āha. Manussā tathā akaṃsu. Ettāvatā saraṭṭhakaṃ rājabalaṃ sannipati. Mahāpuriso sūriyaṃ muñci. Sūriyarasmi āgantvā mattikāpiṇḍaṃ pahari. So sattadhā bhijji. Tāvadeva so nimujjitvā ekena titthena uttaritvā palāyi. Satthā imaṃ vatthuṃ āharitvā, ‘‘idāni tāva tvaṃ bhikkhūnaṃ santike paribhāsaṃ labhasi, pubbepi imaṃ kodhaṃ nissāya raṭṭhato pabbājito’’ti anusandhiṃ ghaṭetvā atha naṃ ovadanto na kho te taṃ tissa patirūpantiādimāha. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. д̇иссасуд̇д̇ам̣ • 9. Tissasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. д̇иссасуд̇д̇аван̣н̣анаа • 9. Tissasuttavaṇṇanā
