| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. д̇иссасуд̇д̇аван̣н̣анаа
9. Tissasuttavaṇṇanā
243. бхан̣д̣аганд̇и бад̇д̇ажийварам̣. нисийд̣̇иязва вад̇д̇асса асигкид̇ад̇д̇аа. д̇уж̇ж̇анад̇т̇зна ваажаа зва сад̇д̇ияод̇и ааха ‘‘ваажаасад̇д̇ийхий’’д̇и.
243.Bhaṇḍakanti pattacīvaraṃ. Nisīdiyeva vattassa asikkhitattā. Tujjanatthena vācā eva sattiyoti āha ‘‘vācāsattīhī’’ti.
ваажааяа саннид̇од̣̇агзнаад̇и важанасан̇каад̇зна саманд̇ад̇о нижжам̣ гад̇ваа убад̇уд̣̇анад̇о саннид̇уд̣̇агзна. вибхад̇д̇иалобзна со нид̣̇д̣̇зсо. д̇знааха ‘‘важанабад̇од̣̇знаа’’д̇и.
Vācāya sannitodakenāti vacanasaṅkhātena samantato niccaṃ katvā upatudanato sannitudakena. Vibhattialopena so niddeso. Tenāha ‘‘vacanapatodenā’’ti.
ужжагулз ж̇аад̇и зд̇ассаад̇и ж̇аад̇имаа, б̣рахмаж̇аад̇иго иси. маад̇ан̇г̇од̇и жан̣д̣аало. д̇ад̇т̇аад̇и гумбхагаарасаалааяам̣. огаасам̣ яаажи гумбхагаарам̣. маханд̇ам̣ д̣̇исваа ааха – ‘‘батамад̇арам̣ бавидто баб̣б̣аж̇ид̇о’’д̇и. д̇ад̇т̇зваад̇и д̇ассааязва саалааяа д̣̇ваарам̣ ниссааяа д̣̇ваарасамийбз. мзд̇и маяаа. кама маяханд̇и маяхам̣ абараад̇хам̣ камассу. д̇зд̇и д̇аяаа. буна д̇зд̇и д̇ава. г̇ан̣хи уг̇г̇анд̇ум̣ аббад̣̇аанавасзна. д̇знааха ‘‘наасса уг̇г̇анд̇ум̣ ад̣̇аасий’’д̇и. баб̣уж̇жхим̣сууд̇и нид̣̇д̣̇ааяа баб̣уж̇жхим̣су багад̇ияаа баб̣уж̇жханавзлааяа убаг̇ад̇ад̇д̇аа.
Uccakule jāti etassāti jātimā, brahmajātiko isi. Mātaṅgoti caṇḍālo. Tatthāti kumbhakārasālāyaṃ. Okāsaṃ yāci kumbhakāraṃ. Mahantaṃ disvā āha – ‘‘paṭhamataraṃ paviṭṭho pabbajito’’ti. Tatthevāti tassāyeva sālāya dvāraṃ nissāya dvārasamīpe. Meti mayā. Khama mayhanti mayhaṃ aparādhaṃ khamassu. Teti tayā. Puna teti tava. Gaṇhi uggantuṃ appadānavasena. Tenāha ‘‘nāssa uggantuṃ adāsī’’ti. Pabujjhiṃsūti niddāya pabujjhiṃsu pakatiyā pabujjhanavelāya upagatattā.
чавод̇и нихийно. ананд̇амааяод̇и вивид̇хамааяо мааяаавий.
Chavoti nihīno. Anantamāyoti vividhamāyo māyāvī.
сод̇и мад̇д̇игаабин̣д̣о. ‘‘сад̇д̇ад̇хаа бхиж̇ж̇ий’’д̇и зд̇т̇ааяамад̇хиббааяо – яам̣ д̇зна д̇аабасзна баарамид̇аабарибхааванасамид̣̇д̇хаахи наанаавихаарасамаабад̇д̇ибарибуурид̇аахи сийлад̣̇идтисамбад̣̇аад̣̇ийхи сусан̇кад̇асанд̇аанз махаагарун̣аад̇хиваасз махаасад̇д̇з б̣од̇хисад̇д̇з арияуубаваад̣̇агаммам̣ абхисабасан̇каад̇ам̣ парусаважанам̣ бавад̇д̇ид̇ам̣, д̇ам̣ махаасад̇д̇асса кзд̇д̇ависзсабхаавад̇о д̇асса жа аж̇жхаасаяапарусад̇ааяа д̣̇идтад̇хаммавзд̣̇анийяам̣ худ̇ваа сажз со махаасад̇д̇ам̣ на камаабзд̇и, д̇ам̣ гагкал̣ам̣ худ̇ваа вибажжанасабхаавам̣ ж̇аад̇ам̣, камаабид̇з бана махаасад̇д̇з баяог̇асамбад̇д̇ибадиб̣аахид̇ад̇д̇аа авибаагад̇хаммад̇ам̣ аабаж̇ж̇ад̇и ахосигаммабхаавад̇о. аяан̃хи арияуубаваад̣̇абаабасса д̣̇идтад̇хаммавзд̣̇анийяасса жа д̇хаммад̇аа. яам̣ д̇ам̣ б̣од̇хисад̇д̇зна суурияуг̇г̇амананивааран̣ам̣ гад̇ам̣, аяам̣ б̣од̇хисад̇д̇зна д̣̇идто убааяо. д̇зна хи уб̣б̣аал̣хаа мануссаа б̣од̇хисад̇д̇асса санд̇игз д̇аабасам̣ аанзд̇ваа камаабзсум̣. соби жа махаасад̇д̇асса г̇ун̣з ж̇аанид̇ваа д̇асмим̣ жид̇д̇ам̣ басаад̣̇зси. яам̣ банасса мад̇т̇агз мад̇д̇игаабин̣д̣асса табанам̣ д̇асса сад̇д̇ад̇хаа пааланам̣ гад̇ам̣, д̇ам̣ мануссаанам̣ жид̇д̇аанурагкан̣ад̇т̇ам̣. ан̃н̃ат̇аа хи имз баб̣б̣аж̇ид̇аа самаанаа жид̇д̇асса васам̣ вад̇д̇анд̇и, на бана жид̇д̇амад̇д̇ано васз вад̇д̇аабзнд̇ийд̇и махаасад̇д̇амби д̇зна сад̣̇исам̣ гад̇ваа г̇ан̣хзяяум̣, д̇ад̣̇асса нзсам̣ д̣̇ийгхарад̇д̇ам̣ ахид̇ааяа д̣̇угкааяаад̇и. бад̇ируубанд̇и яуд̇д̇ам̣.
Soti mattikāpiṇḍo. ‘‘Sattadhā bhijjī’’ti etthāyamadhippāyo – yaṃ tena tāpasena pāramitāparibhāvanasamiddhāhi nānāvihārasamāpattiparipūritāhi sīladiṭṭhisampadādīhi susaṅkhatasantāne mahākaruṇādhivāse mahāsatte bodhisatte ariyūpavādakammaṃ abhisapasaṅkhātaṃ pharusavacanaṃ pavattitaṃ, taṃ mahāsattassa khettavisesabhāvato tassa ca ajjhāsayapharusatāya diṭṭhadhammavedanīyaṃ hutvā sace so mahāsattaṃ na khamāpeti, taṃ kakkhaḷaṃ hutvā vipaccanasabhāvaṃ jātaṃ, khamāpite pana mahāsatte payogasampattipaṭibāhitattā avipākadhammataṃ āpajjati ahosikammabhāvato. Ayañhi ariyūpavādapāpassa diṭṭhadhammavedanīyassa ca dhammatā. Yaṃ taṃ bodhisattena sūriyuggamananivāraṇaṃ kataṃ, ayaṃ bodhisattena diṭṭho upāyo. Tena hi ubbāḷhā manussā bodhisattassa santike tāpasaṃ ānetvā khamāpesuṃ. Sopi ca mahāsattassa guṇe jānitvā tasmiṃ cittaṃ pasādesi. Yaṃ panassa matthake mattikāpiṇḍassa ṭhapanaṃ tassa sattadhā phālanaṃ kataṃ, taṃ manussānaṃ cittānurakkhaṇatthaṃ. Aññathā hi ime pabbajitā samānā cittassa vasaṃ vattanti, na pana cittamattano vase vattāpentīti mahāsattampi tena sadisaṃ katvā gaṇheyyuṃ, tadassa nesaṃ dīgharattaṃ ahitāya dukkhāyāti. Patirūpanti yuttaṃ.
д̇иссасуд̇д̇аван̣н̣анаа нидтид̇аа.
Tissasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. д̇иссасуд̇д̇ам̣ • 9. Tissasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. д̇иссасуд̇д̇аван̣н̣анаа • 9. Tissasuttavaṇṇanā
