| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. တိသ္သသုတ္တဝဏ္ဏနာ
2. Tissasuttavaṇṇanā
၈၄. မဓုရကံ ဝုစ္စတိ ကာယေ ဝိဘာရန္တိ အာဟ – ‘‘မဓုရကဇာတော ဝိယာတိ သဉ္ဇာတဂရုဘာဝော ဝိယာ’’တိ။ ဂရုဘာဝေ သတိ လဟုတာ အနောကာသာဝ, တထာ မုဒုတာ ကမ္မညတာ စာတိ ဝုတ္တံ ‘‘အကမ္မညော’’တိ။ ‘‘ကာယေ’’တိ အာနေတ္ဝာ ဝတ္တဗ္ဗံ။ န ပက္ခာယန္တီတိ ပကာသာ ဟုတ္ဝာ န ခာယန္တိ။ တေနာဟ ‘‘န ပာကဋာ ဟောန္တီ’’တိ။ ဥပဋ္ဌဟန္တီတိ ဥပတိဋ္ဌန္တိ။ န ဒိသ္သတီတိ ဂဟဏံ န ဂစ္ဆတိ။ မဟာဝိစိကိစ္ဆာတိ အဋ္ဌဝတ္ထုကာ သောဠသဝတ္ထုကာ စ ဝိမတိ။ န ဟိ ဥပ္ပဇ္ဇတိ ပရိပက္ကကုသလမူလတ္တာ။
84. Madhurakaṃ vuccati kāye vibhāranti āha – ‘‘madhurakajāto viyāti sañjātagarubhāvo viyā’’ti. Garubhāve sati lahutā anokāsāva, tathā mudutā kammaññatā cāti vuttaṃ ‘‘akammañño’’ti. ‘‘Kāye’’ti ānetvā vattabbaṃ. Na pakkhāyantīti pakāsā hutvā na khāyanti. Tenāha ‘‘na pākaṭā hontī’’ti. Upaṭṭhahantīti upatiṭṭhanti. Na dissatīti gahaṇaṃ na gacchati. Mahāvicikicchāti aṭṭhavatthukā soḷasavatthukā ca vimati. Na hi uppajjati paripakkakusalamūlattā.
ကာမာနမေတံ အဓိဝစနန္တိ ပဒံ ဥဒ္ဓရိတ္ဝာ ယေန အဓိပ္ပာယေန ဘဂဝတာ နိန္နံ ပလ္လလံ ကာမာနံ နိဒသ္သနဘာဝေန အာဘတံ, တံ အဓိပ္ပာယံ ဝိဘာဝေတုံ ‘‘ယထာ ဟီ’’တိအာဒိ ဝုတ္တံ။
Kāmānametaṃ adhivacananti padaṃ uddharitvā yena adhippāyena bhagavatā ninnaṃ pallalaṃ kāmānaṃ nidassanabhāvena ābhataṃ, taṃ adhippāyaṃ vibhāvetuṃ ‘‘yathā hī’’tiādi vuttaṃ.
တိသ္သသုတ္တဝဏ္ဏနာ နိဋ္ဌိတာ။
Tissasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. တိသ္သသုတ္တံ • 2. Tissasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. တိသ္သသုတ္တဝဏ္ဏနာ • 2. Tissasuttavaṇṇanā
