| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
2. තිස්‌සසුත්‌තවණ්‌ණනා
2. Tissasuttavaṇṇanā
84. මධුරකං වුච්‌චති කායෙ විභාරන්‌ති ආහ – ‘‘මධුරකජාතො වියාති සඤ්‌ජාතගරුභාවො වියා’’ති. ගරුභාවෙ සති ලහුතා අනොකාසාව, තථා මුදුතා කම්‌මඤ්‌ඤතා චාති වුත්‌තං ‘‘අකම්‌මඤ්‌ඤො’’ති. ‘‘කායෙ’’ති ආනෙත්‌වා වත්‌තබ්‌බං. න පක්‌ඛායන්‌තීති පකාසා හුත්‌වා න ඛායන්‌ති. තෙනාහ ‘‘න පාකටා හොන්‌තී’’ති. උපට්‌ඨහන්‌තීති උපතිට්‌ඨන්‌ති. න දිස්‌සතීති ගහණං න ගච්‌ඡති. මහාවිචිකිච්‌ඡාති අට්‌ඨවත්‌ථුකා සොළසවත්‌ථුකා ච විමති. න හි උප්‌පජ්‌ජති පරිපක්‌කකුසලමූලත්‌තා.
84. Madhurakaṃ vuccati kāye vibhāranti āha – ‘‘madhurakajāto viyāti sañjātagarubhāvo viyā’’ti. Garubhāve sati lahutā anokāsāva, tathā mudutā kammaññatā cāti vuttaṃ ‘‘akammañño’’ti. ‘‘Kāye’’ti ānetvā vattabbaṃ. Na pakkhāyantīti pakāsā hutvā na khāyanti. Tenāha ‘‘na pākaṭā hontī’’ti. Upaṭṭhahantīti upatiṭṭhanti. Na dissatīti gahaṇaṃ na gacchati. Mahāvicikicchāti aṭṭhavatthukā soḷasavatthukā ca vimati. Na hi uppajjati paripakkakusalamūlattā.
කාමානමෙතං අධිවචනන්‌ති පදං උද්‌ධරිත්‌වා යෙන අධිප්‌පායෙන භගවතා නින්‌නං පල්‌ලලං කාමානං නිදස්‌සනභාවෙන ආභතං, තං අධිප්‌පායං විභාවෙතුං ‘‘යථා හී’’තිආදි වුත්‌තං.
Kāmānametaṃ adhivacananti padaṃ uddharitvā yena adhippāyena bhagavatā ninnaṃ pallalaṃ kāmānaṃ nidassanabhāvena ābhataṃ, taṃ adhippāyaṃ vibhāvetuṃ ‘‘yathā hī’’tiādi vuttaṃ.
තිස්‌සසුත්‌තවණ්‌ණනා නිට්‌ඨිතා.
Tissasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 2. තිස්‌සසුත්‌තං • 2. Tissasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. තිස්‌සසුත්‌තවණ්‌ණනා • 2. Tissasuttavaṇṇanā
