| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਤਿਸ੍ਸਸੁਤ੍ਤવਣ੍ਣਨਾ
2. Tissasuttavaṇṇanā
੮੪. ਦੁਤਿਯੇ ਮਧੁਰਕਜਾਤੋ વਿਯਾਤਿ ਸਞ੍ਜਾਤਗਰੁਭਾવੋ વਿਯ ਅਕਮ੍ਮਞ੍ਞੋ। ਦਿਸਾਪਿ ਮੇਤਿ ਅਯਂ ਪੁਰਤ੍ਥਿਮਾ ਅਯਂ ਦਕ੍ਖਿਣਾਤਿ ਏવਂ ਦਿਸਾਪਿ ਮਯ੍ਹਂ ਨ ਪਕ੍ਖਾਯਨ੍ਤਿ, ਨ ਪਾਕਟਾ ਹੋਨ੍ਤੀਤਿ વਦਤਿ। ਧਮ੍ਮਾਪਿ ਮਂ ਨ ਪਟਿਭਨ੍ਤੀਤਿ ਪਰਿਯਤ੍ਤਿਧਮ੍ਮਾਪਿ ਮਯ੍ਹਂ ਨ ਉਪਟ੍ਠਹਨ੍ਤਿ, ਉਗ੍ਗਹਿਤਂ ਸਜ੍ਝਾਯਿਤਂ ਨ ਦਿਸ੍ਸਤੀਤਿ વਦਤਿ। વਿਚਿਕਿਚ੍ਛਾਤਿ ਨੋ ਮਹਾવਿਚਿਕਿਚ੍ਛਾ। ਨ ਹਿ ਤਸ੍ਸ ‘‘ਸਾਸਨਂ ਨਿਯ੍ਯਾਨਿਕਂ ਨੁ ਖੋ, ਨ ਨੁ ਖੋ’’ਤਿ વਿਮਤਿ ਉਪ੍ਪਜ੍ਜਤਿ। ਏવਂ ਪਨਸ੍ਸ ਹੋਤਿ ‘‘ਸਕ੍ਖਿਸ੍ਸਾਮਿ ਨੁ ਖੋ ਸਮਣਧਮ੍ਮਂ ਕਾਤੁਂ, ਉਦਾਹੁ ਪਤ੍ਤਚੀવਰਧਾਰਣਮਤ੍ਤਮੇવ ਕਰਿਸ੍ਸਾਮੀ’’ਤਿ।
84. Dutiye madhurakajāto viyāti sañjātagarubhāvo viya akammañño. Disāpi meti ayaṃ puratthimā ayaṃ dakkhiṇāti evaṃ disāpi mayhaṃ na pakkhāyanti, na pākaṭā hontīti vadati. Dhammāpi maṃ na paṭibhantīti pariyattidhammāpi mayhaṃ na upaṭṭhahanti, uggahitaṃ sajjhāyitaṃ na dissatīti vadati. Vicikicchāti no mahāvicikicchā. Na hi tassa ‘‘sāsanaṃ niyyānikaṃ nu kho, na nu kho’’ti vimati uppajjati. Evaṃ panassa hoti ‘‘sakkhissāmi nu kho samaṇadhammaṃ kātuṃ, udāhu pattacīvaradhāraṇamattameva karissāmī’’ti.
ਕਾਮਾਨਮੇਤਂ ਅਧਿવਚਨਨ੍ਤਿ ਯਥਾ ਹਿ ਨਿਨ੍ਨਂ ਪਲ੍ਲਲਂ ਓਲੋਕੇਨ੍ਤਸ੍ਸ ਦਸ੍ਸਨਰਾਮਣੇਯ੍ਯਕਮਤ੍ਤਂ ਅਤ੍ਥਿ, ਯੋ ਪਨੇਤ੍ਥ ਓਤਰਤਿ, ਤਂ ਚਣ੍ਡਮੀਨਾਕੁਲਤਾਯ ਆਕਡ੍ਢਿਤ੍વਾ ਅਨਯਬ੍ਯਸਨਂ ਪਾਪੇਤਿ, ਏવਮੇવਂ ਪਞ੍ਚਸੁ ਕਾਮਗੁਣੇਸੁ ਚਕ੍ਖੁਦ੍વਾਰਾਦੀਨਂ ਆਰਮ੍ਮਣੇ ਰਾਮਣੇਯ੍ਯਕਮਤ੍ਤਂ ਅਤ੍ਥਿ, ਯੋ ਪਨੇਤ੍ਥ ਗੇਧਂ ਆਪਜ੍ਜਤਿ, ਤਂ ਆਕਡ੍ਢਿਤ੍વਾ ਨਿਰਯਾਦੀਸੁ ਏવ ਪਕ੍ਖਿਪਨ੍ਤਿ। ਅਪ੍ਪਸ੍ਸਾਦਾ ਹਿ ਕਾਮਾ ਬਹੁਦੁਕ੍ਖਾ ਬਹੁਪਾਯਾਸਾ, ਆਦੀਨવੋ ਏਤ੍ਥ ਭਿਯ੍ਯੋਤਿ ਇਮਂ ਅਤ੍ਥવਸਂ ਪਟਿਚ੍ਚ ‘‘ਕਾਮਾਨਮੇਤਂ ਅਧਿવਚਨ’’ਨ੍ਤਿ વੁਤ੍ਤਂ। ਅਹਮਨੁਗ੍ਗਹੇਨਾਤਿ ਅਹਂ ਧਮ੍ਮਾਮਿਸਾਨੁਗ੍ਗਹੇਹਿ ਅਨੁਗ੍ਗਣ੍ਹਾਮਿ। ਅਭਿਨਨ੍ਦੀਤਿ ਸਮ੍ਪਟਿਚ੍ਛਿ। ਨ ਕੇવਲਞ੍ਚ ਅਭਿਨਨ੍ਦਿ, ਇਮਂ ਪਨ ਸਤ੍ਥੁ ਸਨ੍ਤਿਕਾ ਅਸ੍ਸਾਸਂ ਲਭਿਤ੍વਾ ਘਟੇਨ੍ਤੋ વਾਯਮਨ੍ਤੋ ਕਤਿਪਾਹੇਨ ਅਰਹਤ੍ਤੇ ਪਤਿਟ੍ਠਾਸਿ। ਦੁਤਿਯਂ।
Kāmānametaṃ adhivacananti yathā hi ninnaṃ pallalaṃ olokentassa dassanarāmaṇeyyakamattaṃ atthi, yo panettha otarati, taṃ caṇḍamīnākulatāya ākaḍḍhitvā anayabyasanaṃ pāpeti, evamevaṃ pañcasu kāmaguṇesu cakkhudvārādīnaṃ ārammaṇe rāmaṇeyyakamattaṃ atthi, yo panettha gedhaṃ āpajjati, taṃ ākaḍḍhitvā nirayādīsu eva pakkhipanti. Appassādā hi kāmā bahudukkhā bahupāyāsā, ādīnavo ettha bhiyyoti imaṃ atthavasaṃ paṭicca ‘‘kāmānametaṃ adhivacana’’nti vuttaṃ. Ahamanuggahenāti ahaṃ dhammāmisānuggahehi anuggaṇhāmi. Abhinandīti sampaṭicchi. Na kevalañca abhinandi, imaṃ pana satthu santikā assāsaṃ labhitvā ghaṭento vāyamanto katipāhena arahatte patiṭṭhāsi. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਤਿਸ੍ਸਸੁਤ੍ਤਂ • 2. Tissasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਤਿਸ੍ਸਸੁਤ੍ਤવਣ੍ਣਨਾ • 2. Tissasuttavaṇṇanā
