| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਤਿਸ੍ਸਸੁਤ੍ਤવਣ੍ਣਨਾ
2. Tissasuttavaṇṇanā
੮੪. ਮਧੁਰਕਂ વੁਚ੍ਚਤਿ ਕਾਯੇ વਿਭਾਰਨ੍ਤਿ ਆਹ – ‘‘ਮਧੁਰਕਜਾਤੋ વਿਯਾਤਿ ਸਞ੍ਜਾਤਗਰੁਭਾવੋ વਿਯਾ’’ਤਿ। ਗਰੁਭਾવੇ ਸਤਿ ਲਹੁਤਾ ਅਨੋਕਾਸਾવ, ਤਥਾ ਮੁਦੁਤਾ ਕਮ੍ਮਞ੍ਞਤਾ ਚਾਤਿ વੁਤ੍ਤਂ ‘‘ਅਕਮ੍ਮਞ੍ਞੋ’’ਤਿ। ‘‘ਕਾਯੇ’’ਤਿ ਆਨੇਤ੍વਾ વਤ੍ਤਬ੍ਬਂ। ਨ ਪਕ੍ਖਾਯਨ੍ਤੀਤਿ ਪਕਾਸਾ ਹੁਤ੍વਾ ਨ ਖਾਯਨ੍ਤਿ। ਤੇਨਾਹ ‘‘ਨ ਪਾਕਟਾ ਹੋਨ੍ਤੀ’’ਤਿ। ਉਪਟ੍ਠਹਨ੍ਤੀਤਿ ਉਪਤਿਟ੍ਠਨ੍ਤਿ। ਨ ਦਿਸ੍ਸਤੀਤਿ ਗਹਣਂ ਨ ਗਚ੍ਛਤਿ। ਮਹਾવਿਚਿਕਿਚ੍ਛਾਤਿ ਅਟ੍ਠવਤ੍ਥੁਕਾ ਸੋਲ਼ਸવਤ੍ਥੁਕਾ ਚ વਿਮਤਿ। ਨ ਹਿ ਉਪ੍ਪਜ੍ਜਤਿ ਪਰਿਪਕ੍ਕਕੁਸਲਮੂਲਤ੍ਤਾ।
84. Madhurakaṃ vuccati kāye vibhāranti āha – ‘‘madhurakajāto viyāti sañjātagarubhāvo viyā’’ti. Garubhāve sati lahutā anokāsāva, tathā mudutā kammaññatā cāti vuttaṃ ‘‘akammañño’’ti. ‘‘Kāye’’ti ānetvā vattabbaṃ. Na pakkhāyantīti pakāsā hutvā na khāyanti. Tenāha ‘‘na pākaṭā hontī’’ti. Upaṭṭhahantīti upatiṭṭhanti. Na dissatīti gahaṇaṃ na gacchati. Mahāvicikicchāti aṭṭhavatthukā soḷasavatthukā ca vimati. Na hi uppajjati paripakkakusalamūlattā.
ਕਾਮਾਨਮੇਤਂ ਅਧਿવਚਨਨ੍ਤਿ ਪਦਂ ਉਦ੍ਧਰਿਤ੍વਾ ਯੇਨ ਅਧਿਪ੍ਪਾਯੇਨ ਭਗવਤਾ ਨਿਨ੍ਨਂ ਪਲ੍ਲਲਂ ਕਾਮਾਨਂ ਨਿਦਸ੍ਸਨਭਾવੇਨ ਆਭਤਂ, ਤਂ ਅਧਿਪ੍ਪਾਯਂ વਿਭਾવੇਤੁਂ ‘‘ਯਥਾ ਹੀ’’ਤਿਆਦਿ વੁਤ੍ਤਂ।
Kāmānametaṃ adhivacananti padaṃ uddharitvā yena adhippāyena bhagavatā ninnaṃ pallalaṃ kāmānaṃ nidassanabhāvena ābhataṃ, taṃ adhippāyaṃ vibhāvetuṃ ‘‘yathā hī’’tiādi vuttaṃ.
ਤਿਸ੍ਸਸੁਤ੍ਤવਣ੍ਣਨਾ ਨਿਟ੍ਠਿਤਾ।
Tissasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਤਿਸ੍ਸਸੁਤ੍ਤਂ • 2. Tissasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਤਿਸ੍ਸਸੁਤ੍ਤવਣ੍ਣਨਾ • 2. Tissasuttavaṇṇanā
