| Library / Tipiṭaka / ਤਿਪਿਟਕ • Tipiṭaka / ਥੇਰੀਗਾਥਾ-ਅਟ੍ਠਕਥਾ • Therīgāthā-aṭṭhakathā |
੪. ਤਿਸ੍ਸਾਥੇਰੀਗਾਥਾવਣ੍ਣਨਾ
4. Tissātherīgāthāvaṇṇanā
ਤਿਸ੍ਸੇ ਸਿਕ੍ਖਸ੍ਸੁ ਸਿਕ੍ਖਾਯਾਤਿ ਤਿਸ੍ਸਾਯ ਸਿਕ੍ਖਮਾਨਾਯ ਗਾਥਾ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰਾ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਂ ਕੁਸਲਂ ਉਪਚਿਨਿਤ੍વਾ ਸਮ੍ਭਤਕੁਸਲਪਚ੍ਚਯਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕਪਿਲવਤ੍ਥੁਸ੍ਮਿਂ ਸਕ੍ਯਰਾਜਕੁਲੇ ਨਿਬ੍ਬਤ੍ਤਿਤ੍વਾ વਯਪ੍ਪਤ੍ਤਾ ਬੋਧਿਸਤ੍ਤਸ੍ਸ ਓਰੋਧਭੂਤਾ ਪਚ੍ਛਾ ਮਹਾਪਜਾਪਤਿਗੋਤਮਿਯਾ ਸਦ੍ਧਿਂ ਨਿਕ੍ਖਮਿਤ੍વਾ ਪਬ੍ਬਜਿਤ੍વਾ વਿਪਸ੍ਸਨਾਯ ਕਮ੍ਮਂ ਕਰੋਤਿ। ਤਸ੍ਸਾ ਸਤ੍ਥਾ ਹੇਟ੍ਠਾ વੁਤ੍ਤਨਯੇਨੇવ ਓਭਾਸਂ વਿਸ੍ਸਜ੍ਜੇਤ੍વਾ –
Tisse sikkhassu sikkhāyāti tissāya sikkhamānāya gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinitvā sambhatakusalapaccayā imasmiṃ buddhuppāde kapilavatthusmiṃ sakyarājakule nibbattitvā vayappattā bodhisattassa orodhabhūtā pacchā mahāpajāpatigotamiyā saddhiṃ nikkhamitvā pabbajitvā vipassanāya kammaṃ karoti. Tassā satthā heṭṭhā vuttanayeneva obhāsaṃ vissajjetvā –
੪.
4.
‘‘ਤਿਸ੍ਸੇ ਸਿਕ੍ਖਸ੍ਸੁ ਸਿਕ੍ਖਾਯ, ਮਾ ਤਂ ਯੋਗਾ ਉਪਚ੍ਚਗੁਂ।
‘‘Tisse sikkhassu sikkhāya, mā taṃ yogā upaccaguṃ;
ਸਬ੍ਬਯੋਗવਿਸਂਯੁਤ੍ਤਾ, ਚਰ ਲੋਕੇ ਅਨਾਸવਾ’’ਤਿ॥ – ਗਾਥਂ ਅਭਾਸਿ।
Sabbayogavisaṃyuttā, cara loke anāsavā’’ti. – gāthaṃ abhāsi;
ਤਤ੍ਥ ਤਿਸ੍ਸੇਤਿ ਤਸ੍ਸਾ ਆਲਪਨਂ। ਸਿਕ੍ਖਸ੍ਸੁ ਸਿਕ੍ਖਾਯਾਤਿ ਅਧਿਸੀਲਸਿਕ੍ਖਾਦਿਕਾਯ ਤਿવਿਧਾਯ ਸਿਕ੍ਖਾਯ ਸਿਕ੍ਖ, ਮਗ੍ਗਸਮ੍ਪਯੁਤ੍ਤਾ ਤਿਸ੍ਸੋ ਸਿਕ੍ਖਾਯੋ ਸਮ੍ਪਾਦੇਹੀਤਿ ਅਤ੍ਥੋ। ਇਦਾਨਿ ਤਾਸਂ ਸਮ੍ਪਾਦਨੇ ਕਾਰਣਮਾਹ ‘‘ਮਾ ਤਂ ਯੋਗਾ ਉਪਚ੍ਚਗੁ’’ਨ੍ਤਿ ਮਨੁਸ੍ਸਤ੍ਤਂ, ਇਨ੍ਦ੍ਰਿਯਾવੇਕਲ੍ਲਂ, ਬੁਦ੍ਧੁਪ੍ਪਾਦੋ, ਸਦ੍ਧਾਪਟਿਲਾਭੋਤਿ ਇਮੇ ਯੋਗਾ ਸਮਯਾ ਦੁਲ੍ਲਭਕ੍ਖਣਾ ਤਂ ਮਾ ਅਤਿਕ੍ਕਮੁਂ। ਕਾਮਯੋਗਾਦਯੋ ਏવ વਾ ਚਤ੍ਤਾਰੋ ਯੋਗਾ ਤਂ ਮਾ ਉਪਚ੍ਚਗੁਂ ਮਾ ਅਭਿਭવੇਯ੍ਯੁਂ। ਸਬ੍ਬਯੋਗવਿਸਂਯੁਤ੍ਤਾਤਿ ਸਬ੍ਬੇਹਿ ਕਾਮਯੋਗਾਦੀਹਿ ਯੋਗੇਹਿ વਿਮੁਤ੍ਤਾ ਤਤੋ ਏવ ਅਨਾਸવਾ ਹੁਤ੍વਾ ਲੋਕੇ ਚਰ, ਦਿਟ੍ਠਸੁਖવਿਹਾਰੇਨ વਿਹਰਾਹੀਤਿ ਅਤ੍ਥੋ।
Tattha tisseti tassā ālapanaṃ. Sikkhassu sikkhāyāti adhisīlasikkhādikāya tividhāya sikkhāya sikkha, maggasampayuttā tisso sikkhāyo sampādehīti attho. Idāni tāsaṃ sampādane kāraṇamāha ‘‘mā taṃ yogā upaccagu’’nti manussattaṃ, indriyāvekallaṃ, buddhuppādo, saddhāpaṭilābhoti ime yogā samayā dullabhakkhaṇā taṃ mā atikkamuṃ. Kāmayogādayo eva vā cattāro yogā taṃ mā upaccaguṃ mā abhibhaveyyuṃ. Sabbayogavisaṃyuttāti sabbehi kāmayogādīhi yogehi vimuttā tato eva anāsavā hutvā loke cara, diṭṭhasukhavihārena viharāhīti attho.
ਸਾ ਤਂ ਗਾਥਂ ਸੁਤ੍વਾ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਾਪੁਣੀਤਿ ਆਦਿਨਯੋ ਹੇਟ੍ਠਾ વੁਤ੍ਤਨਯੇਨੇવ વੇਦਿਤਬ੍ਬੋ।
Sā taṃ gāthaṃ sutvā vipassanaṃ vaḍḍhetvā arahattaṃ pāpuṇīti ādinayo heṭṭhā vuttanayeneva veditabbo.
ਤਿਸ੍ਸਾਥੇਰੀਗਾਥਾવਣ੍ਣਨਾ ਨਿਟ੍ਠਿਤਾ।
Tissātherīgāthāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਥੇਰੀਗਾਥਾਪਾਲ਼ਿ • Therīgāthāpāḷi / ੪. ਤਿਸ੍ਸਾਥੇਰੀਗਾਥਾ • 4. Tissātherīgāthā
