| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. д̇иссад̇т̇зраг̇аат̇ааван̣н̣анаа
9. Tissattheragāthāvaṇṇanā
сад̇д̇ияаа вияа омадтод̇и ааяасмад̇о д̇иссад̇т̇зрасса г̇аат̇аа. гаа уббад̇и? аяамби гира буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о д̇иссасса бхаг̇авад̇о б̣од̇хияаа муулз бураан̣абан̣н̣аани нийхарид̇ваа сод̇хзси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇унаг̇арз бхаг̇авад̇о бид̇ужчаабуд̇д̇о худ̇ваа ниб̣б̣ад̇д̇и д̇иссо наама наамзна. со бхаг̇аванд̇ам̣ анубаб̣б̣аж̇ид̇ваа убасамбанно худ̇ваа аран̃н̃ааяад̇анз вихаранд̇о ж̇аад̇им̣ бадижжа маанам̣ гаронд̇о год̇хуубааяаасаб̣ахуло жа уж̇жхаанаб̣ахуло жа худ̇ваа вижарад̇и, саман̣ад̇хаммз уссуггам̣ на гарод̇и. ат̇а нам̣ сад̇т̇аа згад̣̇ивасам̣ д̣̇иваадтаанз вивадамукам̣ нид̣̇д̣̇ааяанд̇ам̣ д̣̇иб̣б̣ажагкунаа ологзнд̇о саавад̇т̇ид̇о аагаасзна г̇анд̇ваа д̇асса убари аагаасзязва тад̇ваа обхаасам̣ парид̇ваа д̇знобхаасзна бадиб̣уд̣̇д̇хасса сад̇им̣ уббаад̣̇зд̇ваа оваад̣̇ам̣ д̣̇знд̇о ‘‘сад̇д̇ияаа вияа омадто’’д̇и г̇аат̇ам̣ абхааси.
Sattiyā viya omaṭṭhoti āyasmato tissattherassa gāthā. Kā uppati? Ayampi kira purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto tissassa bhagavato bodhiyā mūle purāṇapaṇṇāni nīharitvā sodhesi. So tena puññakammena devamanussesu saṃsaranto imasmiṃ buddhuppāde kapilavatthunagare bhagavato pitucchāputto hutvā nibbatti tisso nāma nāmena. So bhagavantaṃ anupabbajitvā upasampanno hutvā araññāyatane viharanto jātiṃ paṭicca mānaṃ karonto kodhūpāyāsabahulo ca ujjhānabahulo ca hutvā vicarati, samaṇadhamme ussukkaṃ na karoti. Atha naṃ satthā ekadivasaṃ divāṭṭhāne vivaṭamukhaṃ niddāyantaṃ dibbacakkhunā olokento sāvatthito ākāsena gantvā tassa upari ākāseyeva ṭhatvā obhāsaṃ pharitvā tenobhāsena paṭibuddhassa satiṃ uppādetvā ovādaṃ dento ‘‘sattiyā viya omaṭṭho’’ti gāthaṃ abhāsi.
39. д̇ад̇т̇а сад̇д̇ияаад̇и д̣̇зсанаасийсамзд̇ам̣, згад̇од̇хаараад̣̇инаа сад̇т̇знаад̇и ад̇т̇о. омадтод̇и бахад̇о. жад̇д̇ааро хи бахаараа омадто уммадто мадто вимадтод̇и. д̇ад̇т̇а убари тад̇ваа ад̇хомукам̣ д̣̇иннабахааро омадто наама, хздтаа тад̇ваа уд̣̇д̇хаммукам̣ д̣̇иннабахааро уммадто наама, аг̇г̇ал̣асуужи вияа винивиж̇жхид̇ваа г̇ад̇о мадто наама, сзсо саб̣б̣оби вимадто наама. имасмим̣ бана таанз омадто г̇ахид̇о. со хи саб̣б̣ад̣̇аарун̣о д̣̇уруд̣̇д̇харан̣асалло д̣̇уд̇д̇игижчо анд̇од̣̇осо анд̇обуб̣б̣алохид̇ова ход̇и, буб̣б̣алохид̇ам̣ анигкамид̇ваа ван̣амукам̣ барияонанд̇хид̇ваа д̇идтад̇и. буб̣б̣алохид̇ам̣ нийхарид̇угаамзхи ман̃жзна сад̣̇д̇хим̣ б̣анд̇хид̇ваа ад̇хосиро гаад̇аб̣б̣о ход̇и, маран̣ам̣ ваа маран̣амад̇д̇ам̣ ваа д̣̇угкам̣ баабун̣анд̇и. д̣аяхамаанзд̇и аг̇г̇инаа жхааяамаанз. мад̇т̇агзд̇и сийсз. ид̣̇ам̣ вуд̇д̇ам̣ ход̇и – яат̇аа сад̇д̇ияаа омадто бурисо саллуб̣б̣ааханаван̣ад̇игижчанаанам̣ ад̇т̇ааяа вийрияам̣ аарабхад̇и д̇аад̣̇исам̣ баяог̇ам̣ гарод̇и бараггамад̇и, яат̇аа жа д̣аяхамаанз мад̇т̇агз аад̣̇ид̇д̇асийсо бурисо д̇асса ниб̣б̣аабанад̇т̇ам̣ вийрияам̣ аарабхад̇и д̇аад̣̇исам̣ баяог̇ам̣ гарод̇и, звамзвам̣, бхигку, гаамарааг̇аббахаанааяа сад̇о аббамад̇д̇о ад̇ивияа уссаахаж̇аад̇о худ̇ваа вихарзяяаад̇и.
39. Tattha sattiyāti desanāsīsametaṃ, ekatodhārādinā satthenāti attho. Omaṭṭhoti pahato. Cattāro hi pahārā omaṭṭho ummaṭṭho maṭṭho vimaṭṭhoti. Tattha upari ṭhatvā adhomukhaṃ dinnapahāro omaṭṭho nāma, heṭṭhā ṭhatvā uddhammukhaṃ dinnapahāro ummaṭṭho nāma, aggaḷasūci viya vinivijjhitvā gato maṭṭho nāma, seso sabbopi vimaṭṭho nāma. Imasmiṃ pana ṭhāne omaṭṭho gahito. So hi sabbadāruṇo duruddharaṇasallo duttikiccho antodoso antopubbalohitova hoti, pubbalohitaṃ anikkhamitvā vaṇamukhaṃ pariyonandhitvā tiṭṭhati. Pubbalohitaṃ nīharitukāmehi mañcena saddhiṃ bandhitvā adhosiro kātabbo hoti, maraṇaṃ vā maraṇamattaṃ vā dukkhaṃ pāpuṇanti. Ḍayhamāneti agginā jhāyamāne. Matthaketi sīse. Idaṃ vuttaṃ hoti – yathā sattiyā omaṭṭho puriso sallubbāhanavaṇatikicchanānaṃ atthāya vīriyaṃ ārabhati tādisaṃ payogaṃ karoti parakkamati, yathā ca ḍayhamāne matthake ādittasīso puriso tassa nibbāpanatthaṃ vīriyaṃ ārabhati tādisaṃ payogaṃ karoti, evamevaṃ, bhikkhu, kāmarāgappahānāya sato appamatto ativiya ussāhajāto hutvā vihareyyāti.
звам̣ бхаг̇аваа д̇асса т̇зрасса год̇хуубааяаасавуубасамааяа оваад̣̇ам̣ д̣̇знд̇о д̇ад̣̇згадтад̇ааяа гаамарааг̇аббахаанасийсзна д̣̇зсанам̣ нидтаабзси. т̇зро имам̣ г̇аат̇ам̣ суд̇ваа сам̣виг̇г̇ахад̣̇аяо вибассанааяа яуд̇д̇аббаяуд̇д̇о вихааси. д̇асса аж̇жхаасаяам̣ н̃ад̇ваа сад̇т̇аа сам̣яуд̇д̇агз д̇иссад̇т̇зрасуд̇д̇ам̣ (сам̣. ни. 3.84) д̣̇зсзси. со д̣̇зсанаабарияосаанз арахад̇д̇з бад̇идтааси. д̇зна вуд̇д̇ам̣ абад̣̇аанз (аба. т̇зра 2.53.66-73) –
Evaṃ bhagavā tassa therassa kodhūpāyāsavūpasamāya ovādaṃ dento tadekaṭṭhatāya kāmarāgappahānasīsena desanaṃ niṭṭhāpesi. Thero imaṃ gāthaṃ sutvā saṃviggahadayo vipassanāya yuttappayutto vihāsi. Tassa ajjhāsayaṃ ñatvā satthā saṃyuttake tissattherasuttaṃ (saṃ. ni. 3.84) desesi. So desanāpariyosāne arahatte patiṭṭhāsi. Tena vuttaṃ apadāne (apa. thera 2.53.66-73) –
‘‘д̣̇звалогз мануссз жз, анубход̇ваа убхо яасз;
‘‘Devaloke manusse ce, anubhotvā ubho yase;
авасаанз жа ниб̣б̣аанам̣, сивам̣ бад̇д̇о ануд̇д̇арам̣.
Avasāne ca nibbānaṃ, sivaṃ patto anuttaraṃ.
‘‘самб̣уд̣̇д̇хам̣ уд̣̇д̣̇исид̇ваана, б̣од̇хим̣ ваа д̇асса сад̇т̇уно;
‘‘Sambuddhaṃ uddisitvāna, bodhiṃ vā tassa satthuno;
яо бун̃н̃ам̣ басавий босо, д̇асса гим̣ наама д̣̇уллабхам̣.
Yo puññaṃ pasavī poso, tassa kiṃ nāma dullabhaṃ.
‘‘маг̇г̇з палз ааг̇амз жа, жхаанаабхин̃н̃ааг̇ун̣зсу жа;
‘‘Magge phale āgame ca, jhānābhiññāguṇesu ca;
ан̃н̃зсам̣ ад̇хиго худ̇ваа, ниб̣б̣ааяаами анаасаво.
Aññesaṃ adhiko hutvā, nibbāyāmi anāsavo.
‘‘бурзхам̣ б̣од̇хияаа бад̇д̇ам̣, чад̣д̣зд̇ваа хадтамаанасо;
‘‘Purehaṃ bodhiyā pattaṃ, chaḍḍetvā haṭṭhamānaso;
имзхи вийсад̇ан̇г̇зхи, саман̇г̇ий хоми саб̣б̣ат̇аа.
Imehi vīsataṅgehi, samaṅgī homi sabbathā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зро ан̃н̃ам̣ б̣яаагаронд̇о сад̇т̇аарам̣ бууж̇зд̇ум̣ д̇амзва г̇аат̇ам̣ абхааси.
Arahattaṃ pana patvā thero aññaṃ byākaronto satthāraṃ pūjetuṃ tameva gāthaṃ abhāsi.
д̇иссад̇т̇зраг̇аат̇ааван̣н̣анаа нидтид̇аа.
Tissattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. д̇иссад̇т̇зраг̇аат̇аа • 9. Tissattheragāthā
