| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
திஸ்ஸோ பு³த்³தோ⁴
Tisso buddho
தஸ்ஸ அபரபா⁴கே³ இதோ த்³வானவுதிகப்பமத்த²கே திஸ்ஸோ பு²ஸ்ஸோதி ஏகஸ்மிங் கப்பே த்³வே பு³த்³தா⁴ நிப்³ப³த்திங்ஸு. திஸ்ஸஸ்ஸ ப⁴க³வதோ தயோ ஸாவகஸன்னிபாதா. பட²மஸன்னிபாதே பி⁴க்கூ²னங் கோடிஸதங் அஹோஸி, து³தியே நவுதிகோடியோ, ததியே அஸீதிகோடியோ. ததா³ போ³தி⁴ஸத்தோ மஹாபோ⁴கோ³ மஹாயஸோ ஸுஜாதோ நாம க²த்தியோ ஹுத்வா இஸிபப்³ப³ஜ்ஜங் பப்³ப³ஜித்வா மஹித்³தி⁴கபா⁴வங் பத்வா ‘‘பு³த்³தோ⁴ உப்பன்னோ’’தி ஸுத்வா தி³ப்³ப³மந்தா³ரவபது³மபாரிச்ச²த்தகபுப்பா²னி ஆதா³ய சதுபரிஸமஜ்ஜே² க³ச்ச²ந்தங் ததா²க³தங் பூஜேஸி, ஆகாஸே புப்ப²விதானங் அகாஸி. ஸோபி நங் ஸத்தா² ‘‘இதோ த்³வேனவுதிகப்பமத்த²கே பு³த்³தோ⁴ ப⁴விஸ்ஸதீ’’தி ப்³யாகாஸி. தஸ்ஸ ப⁴க³வதோ கே²மங் நாம நக³ரங் அஹோஸி, பிதா ஜனஸந்தோ⁴ நாம க²த்தியோ, மாதா பது³மா நாம தே³வீ, ப்³ரஹ்மதே³வோ ச உத³யோ ச த்³வே அக்³க³ஸாவகா, ஸுமனோ நாமுபட்டா²கோ, பு²ஸ்ஸா ச ஸுத³த்தா ச த்³வே அக்³க³ஸாவிகா, அஸனருக்கோ² போ³தி⁴, ஸரீரங் ஸட்டி²ஹத்து²ப்³பே³த⁴ங் அஹோஸி, வஸ்ஸஸதஸஹஸ்ஸங் ஆயூதி.
Tassa aparabhāge ito dvānavutikappamatthake tisso phussoti ekasmiṃ kappe dve buddhā nibbattiṃsu. Tissassa bhagavato tayo sāvakasannipātā. Paṭhamasannipāte bhikkhūnaṃ koṭisataṃ ahosi, dutiye navutikoṭiyo, tatiye asītikoṭiyo. Tadā bodhisatto mahābhogo mahāyaso sujāto nāma khattiyo hutvā isipabbajjaṃ pabbajitvā mahiddhikabhāvaṃ patvā ‘‘buddho uppanno’’ti sutvā dibbamandāravapadumapāricchattakapupphāni ādāya catuparisamajjhe gacchantaṃ tathāgataṃ pūjesi, ākāse pupphavitānaṃ akāsi. Sopi naṃ satthā ‘‘ito dvenavutikappamatthake buddho bhavissatī’’ti byākāsi. Tassa bhagavato khemaṃ nāma nagaraṃ ahosi, pitā janasandho nāma khattiyo, mātā padumā nāma devī, brahmadevo ca udayo ca dve aggasāvakā, sumano nāmupaṭṭhāko, phussā ca sudattā ca dve aggasāvikā, asanarukkho bodhi, sarīraṃ saṭṭhihatthubbedhaṃ ahosi, vassasatasahassaṃ āyūti.
‘‘ஸித்³த⁴த்த²ஸ்ஸ அபரேன, அஸமோ அப்படிபுக்³க³லோ;
‘‘Siddhatthassa aparena, asamo appaṭipuggalo;
அனந்ததேஜோ அமிதயஸோ, திஸ்ஸோ லோகக்³க³னாயகோ’’தி. (பு³॰ வங்॰ 19.1);
Anantatejo amitayaso, tisso lokagganāyako’’ti. (bu. vaṃ. 19.1);
