| Library / Tipiṭaka / තිපිටක • Tipiṭaka / කථාවත්‌ථුපාළි • Kathāvatthupāḷi |
11. එකාදසමවග්‌ගො
11. Ekādasamavaggo
(106-108) 1-3. තිස්‌සොපි අනුසයකථා
(106-108) 1-3. Tissopi anusayakathā
605. අනුසයා අබ්‍යාකතාති? ආමන්‌තා. විපාකාබ්‍යාකතා කිරියාබ්‍යාකතා රූපං නිබ්‌බානං චක්‌ඛායතනං…පෙ.… ඵොට්‌ඨබ්‌බායතනන්‌ති? න හෙවං වත්‌තබ්‌බෙ…පෙ.….
605. Anusayā abyākatāti? Āmantā. Vipākābyākatā kiriyābyākatā rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe….
කාමරාගානුසයො අබ්‍යාකතොති? ආමන්‌තා. කාමරාගො කාමරාගපරියුට්‌ඨානං කාමරාගසංයොජනං කාමොඝො කාමයොගො කාමච්‌ඡන්‌දනීවරණං අබ්‍යාකතන්‌ති? න හෙවං වත්‌තබ්‌බෙ…පෙ.… කාමරාගො කාමරාගපරියුට්‌ඨානං…පෙ.… කාමච්‌ඡන්‌දනීවරණං අකුසලන්‌ති? ආමන්‌තා. කාමරාගානුසයො අකුසලොති? න හෙවං වත්‌තබ්‌බෙ…පෙ.….
Kāmarāgānusayo abyākatoti? Āmantā. Kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇaṃ abyākatanti? Na hevaṃ vattabbe…pe… kāmarāgo kāmarāgapariyuṭṭhānaṃ…pe… kāmacchandanīvaraṇaṃ akusalanti? Āmantā. Kāmarāgānusayo akusaloti? Na hevaṃ vattabbe…pe….
පටිඝානුසයො අබ්‍යාකතොති? ආමන්‌තා. පටිඝං පටිඝපරියුට්‌ඨානං පටිඝසංයොජනං අබ්‍යාකතන්‌ති? න හෙවං වත්‌තබ්‌බෙ…පෙ.… පටිඝං පටිඝපරියුට්‌ඨානං පටිඝසංයොජනං අකුසලන්‌ති? ආමන්‌තා. පටිඝානුසයො අකුසලොති? න හෙවං වත්‌තබ්‌බෙ…පෙ.….
Paṭighānusayo abyākatoti? Āmantā. Paṭighaṃ paṭighapariyuṭṭhānaṃ paṭighasaṃyojanaṃ abyākatanti? Na hevaṃ vattabbe…pe… paṭighaṃ paṭighapariyuṭṭhānaṃ paṭighasaṃyojanaṃ akusalanti? Āmantā. Paṭighānusayo akusaloti? Na hevaṃ vattabbe…pe….
මානානුසයො අබ්‍යාකතොති? ආමන්‌තා. මානො මානපරියුට්‌ඨානං මානසංයොජනං අබ්‍යාකතන්‌ති? න හෙවං වත්‌තබ්‌බෙ …පෙ.… මානො මානපරියුට්‌ඨානං මානසංයොජනං අකුසලන්‌ති? ආමන්‌තා. මානානුසයො අකුසලොති? න හෙවං වත්‌තබ්‌බෙ …පෙ.….
Mānānusayo abyākatoti? Āmantā. Māno mānapariyuṭṭhānaṃ mānasaṃyojanaṃ abyākatanti? Na hevaṃ vattabbe …pe… māno mānapariyuṭṭhānaṃ mānasaṃyojanaṃ akusalanti? Āmantā. Mānānusayo akusaloti? Na hevaṃ vattabbe …pe….
දිට්‌ඨානුසයො අබ්‍යාකතොති? ආමන්‌තා. දිට්‌ඨි දිට්‌ඨොඝො දිට්‌ඨියොගො දිට්‌ඨිපරියුට්‌ඨානං දිට්‌ඨිසංයොජනං අබ්‍යාකතන්‌ති? න හෙවං වත්‌තබ්‌බෙ…පෙ.… දිට්‌ඨි දිට්‌ඨොඝො දිට්‌ඨියොගො දිට්‌ඨිපරියුට්‌ඨානං දිට්‌ඨිසංයොජනං අකුසලන්‌ති? ආමන්‌තා. දිට්‌ඨානුසයො අකුසලොති? න හෙවං වත්‌තබ්‌බෙ…පෙ.….
Diṭṭhānusayo abyākatoti? Āmantā. Diṭṭhi diṭṭhogho diṭṭhiyogo diṭṭhipariyuṭṭhānaṃ diṭṭhisaṃyojanaṃ abyākatanti? Na hevaṃ vattabbe…pe… diṭṭhi diṭṭhogho diṭṭhiyogo diṭṭhipariyuṭṭhānaṃ diṭṭhisaṃyojanaṃ akusalanti? Āmantā. Diṭṭhānusayo akusaloti? Na hevaṃ vattabbe…pe….
විචිකිච්‌ඡානුසයො අබ්‍යාකතොති? ආමන්‌තා. විචිකිච්‌ඡා විචිකිච්‌ඡාපරියුට්‌ඨානං විචිකිච්‌ඡාසංයොජනං විචිකිච්‌ඡානීවරණං අබ්‍යාකතන්‌ති? න හෙවං වත්‌තබ්‌බෙ…පෙ.… විචිකිච්‌ඡා විචිකිච්‌ඡාපරියුට්‌ඨානං විචිකිච්‌ඡාසංයොජනං විචිකිච්‌ඡානීවරණං අකුසලන්‌ති? ආමන්‌තා. විචිකිච්‌ඡානුසයො අකුසලොති? න හෙවං වත්‌තබ්‌බෙ…පෙ.….
Vicikicchānusayo abyākatoti? Āmantā. Vicikicchā vicikicchāpariyuṭṭhānaṃ vicikicchāsaṃyojanaṃ vicikicchānīvaraṇaṃ abyākatanti? Na hevaṃ vattabbe…pe… vicikicchā vicikicchāpariyuṭṭhānaṃ vicikicchāsaṃyojanaṃ vicikicchānīvaraṇaṃ akusalanti? Āmantā. Vicikicchānusayo akusaloti? Na hevaṃ vattabbe…pe….
භවරාගානුසයො අබ්‍යාකතොති? ආමන්‌තා. භවරාගො භවරාගපරියුට්‌ඨානං භවරාගසංයොජනං අබ්‍යාකතන්‌ති? න හෙවං වත්‌තබ්‌බෙ…පෙ.… භවරාගො භවරාගපරියුට්‌ඨානං භවරාගසංයොජනං අකුසලන්‌ති? ආමන්‌තා. භවරාගානුසයො අකුසලොති? න හෙවං වත්‌තබ්‌බෙ…පෙ.….
Bhavarāgānusayo abyākatoti? Āmantā. Bhavarāgo bhavarāgapariyuṭṭhānaṃ bhavarāgasaṃyojanaṃ abyākatanti? Na hevaṃ vattabbe…pe… bhavarāgo bhavarāgapariyuṭṭhānaṃ bhavarāgasaṃyojanaṃ akusalanti? Āmantā. Bhavarāgānusayo akusaloti? Na hevaṃ vattabbe…pe….
අවිජ්‌ජානුසයො අබ්‍යාකතොති? ආමන්‌තා. අවිජ්‌ජා අවිජ්‌ජොඝො අවිජ්‌ජායොගො අවිජ්‌ජාපරියුට්‌ඨානං අවිජ්‌ජාසංයොජනං අවිජ්‌ජානීවරණං අබ්‍යාකතන්‌ති? න හෙවං වත්‌තබ්‌බෙ…පෙ.… අවිජ්‌ජා අවිජ්‌ජොඝො අවිජ්‌ජායොගො අවිජ්‌ජාපරියුට්‌ඨානං අවිජ්‌ජාසංයොජනං අවිජ්‌ජානීවරණං අකුසලන්‌ති? ආමන්‌තා. අවිජ්‌ජානුසයො අකුසලොති? න හෙවං වත්‌තබ්‌බෙ…පෙ.….
Avijjānusayo abyākatoti? Āmantā. Avijjā avijjogho avijjāyogo avijjāpariyuṭṭhānaṃ avijjāsaṃyojanaṃ avijjānīvaraṇaṃ abyākatanti? Na hevaṃ vattabbe…pe… avijjā avijjogho avijjāyogo avijjāpariyuṭṭhānaṃ avijjāsaṃyojanaṃ avijjānīvaraṇaṃ akusalanti? Āmantā. Avijjānusayo akusaloti? Na hevaṃ vattabbe…pe….
606. න වත්‌තබ්‌බං – ‘‘අනුසයා අබ්‍යාකතා’’ති? ආමන්‌තා. පුථුජ්‌ජනො කුසලාබ්‍යාකතෙ චිත්‌තෙ වත්‌තමානෙ ‘‘සානුසයො’’ති වත්‌තබ්‌බොති? ආමන්‌තා. කුසලාකුසලා ධම්‌මා සම්‌මුඛීභාවං ආගච්‌ඡන්‌තීති? න හෙවං වත්‌තබ්‌බෙ…පෙ.… තෙන හි අනුසයා අබ්‍යාකතාති. පුථුජ්‌ජනො කුසලාබ්‍යාකතෙ චිත්‌තෙ වත්‌තමානෙ ‘‘සරාගො’’ති වත්‌තබ්‌බොති? ආමන්‌තා. කුසලාකුසලා ධම්‌මා සම්‌මුඛීභාවං ආගච්‌ඡන්‌තීති? න හෙවං වත්‌තබ්‌බෙ…පෙ.… තෙන හි රාගො අබ්‍යාකතොති.
606. Na vattabbaṃ – ‘‘anusayā abyākatā’’ti? Āmantā. Puthujjano kusalābyākate citte vattamāne ‘‘sānusayo’’ti vattabboti? Āmantā. Kusalākusalā dhammā sammukhībhāvaṃ āgacchantīti? Na hevaṃ vattabbe…pe… tena hi anusayā abyākatāti. Puthujjano kusalābyākate citte vattamāne ‘‘sarāgo’’ti vattabboti? Āmantā. Kusalākusalā dhammā sammukhībhāvaṃ āgacchantīti? Na hevaṃ vattabbe…pe… tena hi rāgo abyākatoti.
607. අනුසයා අහෙතුකාති? ආමන්‌තා. රූපං නිබ්‌බානං චක්‌ඛායතනං…පෙ.… ඵොට්‌ඨබ්‌බායතනන්‌ති? න හෙවං වත්‌තබ්‌බෙ…පෙ.….
607. Anusayā ahetukāti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe….
කාමරාගානුසයො අහෙතුකොති? ආමන්‌තා. කාමරාගො කාමරාගපරියුට්‌ඨානං කාමරාගසංයොජනං කාමච්‌ඡන්‌දනීවරණං අහෙතුකන්‌ති? න හෙවං වත්‌තබ්‌බෙ…පෙ.… කාමරාගො කාමරාගපරියුට්‌ඨානං…පෙ.… කාමච්‌ඡන්‌දනීවරණං සහෙතුකන්‌ති? ආමන්‌තා. කාමරාගානුසයො සහෙතුකොති? න හෙවං වත්‌තබ්‌බෙ…පෙ.… පටිඝානුසයො…පෙ.… මානානුසයො… දිට්‌ඨානුසයො… විචිකිච්‌ඡානුසයො… භවරාගානුසයො… අවිජ්‌ජානුසයො අහෙතුකොති? ආමන්‌තා. අවිජ්‌ජා අවිජ්‌ජොඝො අවිජ්‌ජායොගො අවිජ්‌ජාපරියුට්‌ඨානං අවිජ්‌ජාසංයොජනං අවිජ්‌ජානීවරණං අහෙතුකන්‌ති ? න හෙවං වත්‌තබ්‌බෙ …පෙ.… අවිජ්‌ජා අවිජ්‌ජොඝො…පෙ.… අවිජ්‌ජානීවරණං සහෙතුකන්‌ති? ආමන්‌තා. අවිජ්‌ජානුසයො සහෙතුකොති? න හෙවං වත්‌තබ්‌බෙ…පෙ.….
Kāmarāgānusayo ahetukoti? Āmantā. Kāmarāgo kāmarāgapariyuṭṭhānaṃ kāmarāgasaṃyojanaṃ kāmacchandanīvaraṇaṃ ahetukanti? Na hevaṃ vattabbe…pe… kāmarāgo kāmarāgapariyuṭṭhānaṃ…pe… kāmacchandanīvaraṇaṃ sahetukanti? Āmantā. Kāmarāgānusayo sahetukoti? Na hevaṃ vattabbe…pe… paṭighānusayo…pe… mānānusayo… diṭṭhānusayo… vicikicchānusayo… bhavarāgānusayo… avijjānusayo ahetukoti? Āmantā. Avijjā avijjogho avijjāyogo avijjāpariyuṭṭhānaṃ avijjāsaṃyojanaṃ avijjānīvaraṇaṃ ahetukanti ? Na hevaṃ vattabbe …pe… avijjā avijjogho…pe… avijjānīvaraṇaṃ sahetukanti? Āmantā. Avijjānusayo sahetukoti? Na hevaṃ vattabbe…pe….
608. න වත්‌තබ්‌බං – ‘‘අනුසයා අහෙතුකා’’ති? ආමන්‌තා. පුථුජ්‌ජනො කුසලාබ්‍යාකතෙ චිත්‌තෙ වත්‌තමානෙ ‘‘සානුසයො’’ති වත්‌තබ්‌බොති? ආමන්‌තා. අනුසයා තෙන හෙතුනා සහෙතුකාති? න හෙවං වත්‌තබ්‌බෙ…පෙ.… තෙන හි අනුසයා අහෙතුකාති. පුථුජ්‌ජනො කුසලාබ්‍යාකතෙ චිත්‌තෙ වත්‌තමානෙ ‘‘සරාගො’’ති වත්‌තබ්‌බොති? ආමන්‌තා. රාගො තෙන හෙතුනා සහෙතුකොති? න හෙවං වත්‌තබ්‌බෙ…පෙ.… තෙන හි රාගො අහෙතුකොති.
608. Na vattabbaṃ – ‘‘anusayā ahetukā’’ti? Āmantā. Puthujjano kusalābyākate citte vattamāne ‘‘sānusayo’’ti vattabboti? Āmantā. Anusayā tena hetunā sahetukāti? Na hevaṃ vattabbe…pe… tena hi anusayā ahetukāti. Puthujjano kusalābyākate citte vattamāne ‘‘sarāgo’’ti vattabboti? Āmantā. Rāgo tena hetunā sahetukoti? Na hevaṃ vattabbe…pe… tena hi rāgo ahetukoti.
609. අනුසයා චිත්‌තවිප්‌පයුත්‌තාති? ආමන්‌තා. රූපං නිබ්‌බානං චක්‌ඛායතනං…පෙ.… ඵොට්‌ඨබ්‌බායතනන්‌ති? න හෙවං වත්‌තබ්‌බෙ…පෙ.….
609. Anusayā cittavippayuttāti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe….
කාමරාගානුසයො චිත්‌තවිප්‌පයුත්‌තොති? ආමන්‌තා. කාමරාගො කාමරාගපරියුට්‌ඨානං කාමරාගසංයොජනං කාමොඝො කාමයොගො කාමච්‌ඡන්‌දනීවරණං චිත්‌තවිප්‌පයුත්‌තන්‌ති? න හෙවං වත්‌තබ්‌බෙ…පෙ.… කාමරාගො කාමරාගපරියුට්‌ඨානං…පෙ.… කාමච්‌ඡන්‌දනීවරණං චිත්‌තසම්‌පයුත්‌තන්‌ති? ආමන්‌තා. කාමරාගානුසයො චිත්‌තසම්‌පයුත්‌තොති? න හෙවං වත්‌තබ්‌බෙ…පෙ.….
Kāmarāgānusayo cittavippayuttoti? Āmantā. Kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇaṃ cittavippayuttanti? Na hevaṃ vattabbe…pe… kāmarāgo kāmarāgapariyuṭṭhānaṃ…pe… kāmacchandanīvaraṇaṃ cittasampayuttanti? Āmantā. Kāmarāgānusayo cittasampayuttoti? Na hevaṃ vattabbe…pe….
610. කාමරාගානුසයො චිත්‌තවිප්‌පයුත්‌තොති? ආමන්‌තා. කතමක්‌ඛන්‌ධපරියාපන්‌නොති? සඞ්‌ඛාරක්‌ඛන්‌ධපරියාපන්‌නොති. සඞ්‌ඛාරක්‌ඛන්‌ධො චිත්‌තවිප්‌පයුත්‌තොති? න හෙවං වත්‌තබ්‌බෙ. සඞ්‌ඛාරක්‌ඛන්‌ධො චිත්‌තවිප්‌පයුත්‌තොති? ආමන්‌තා. වෙදනාක්‌ඛන්‌ධො සඤ්‌ඤාක්‌ඛන්‌ධො චිත්‌තවිප්‌පයුත්‌තොති? න හෙවං වත්‌තබ්‌බෙ…පෙ.….
610. Kāmarāgānusayo cittavippayuttoti? Āmantā. Katamakkhandhapariyāpannoti? Saṅkhārakkhandhapariyāpannoti. Saṅkhārakkhandho cittavippayuttoti? Na hevaṃ vattabbe. Saṅkhārakkhandho cittavippayuttoti? Āmantā. Vedanākkhandho saññākkhandho cittavippayuttoti? Na hevaṃ vattabbe…pe….
කාමරාගානුසයො සඞ්‌ඛාරක්‌ඛන්‌ධපරියාපන්‌නො චිත්‌තවිප්‌පයුත්‌තොති? ආමන්‌තා. කාමරාගො සඞ්‌ඛාරක්‌ඛන්‌ධපරියාපන්‌නො චිත්‌තවිප්‌පයුත්‌තොති? න හෙවං වත්‌තබ්‌බෙ…පෙ.… කාමරාගො සඞ්‌ඛාරක්‌ඛන්‌ධපරියාපන්‌නො චිත්‌තසම්‌පයුත්‌තොති? ආමන්‌තා. කාමරාගානුසයො සඞ්‌ඛාරක්‌ඛන්‌ධපරියාපන්‌නො චිත්‌තසම්‌පයුත්‌තොති? න හෙවං වත්‌තබ්‌බෙ…පෙ.….
Kāmarāgānusayo saṅkhārakkhandhapariyāpanno cittavippayuttoti? Āmantā. Kāmarāgo saṅkhārakkhandhapariyāpanno cittavippayuttoti? Na hevaṃ vattabbe…pe… kāmarāgo saṅkhārakkhandhapariyāpanno cittasampayuttoti? Āmantā. Kāmarāgānusayo saṅkhārakkhandhapariyāpanno cittasampayuttoti? Na hevaṃ vattabbe…pe….
කාමරාගානුසයො සඞ්‌ඛාරක්‌ඛන්‌ධපරියාපන්‌නො චිත්‌තවිප්‌පයුත්‌තො, කාමරාගො සඞ්‌ඛාරක්‌ඛන්‌ධපරියාපන්‌නො චිත්‌තසම්‌පයුත්‌තොති? ආමන්‌තා. සඞ්‌ඛාරක්‌ඛන්‌ධො එකදෙසො චිත්‌තසම්‌පයුත්‌තො එකදෙසො චිත්‌තවිප්‌පයුත්‌තොති? න හෙවං වත්‌තබ්‌බෙ…පෙ.….
Kāmarāgānusayo saṅkhārakkhandhapariyāpanno cittavippayutto, kāmarāgo saṅkhārakkhandhapariyāpanno cittasampayuttoti? Āmantā. Saṅkhārakkhandho ekadeso cittasampayutto ekadeso cittavippayuttoti? Na hevaṃ vattabbe…pe….
සඞ්‌ඛාරක්‌ඛන්‌ධො එකදෙසො චිත්‌තසම්‌පයුත්‌තො එකදෙසො චිත්‌තවිප්‌පයුත්‌තොති? ආමන්‌තා. වෙදනාක්‌ඛන්‌ධො සඤ්‌ඤාක්‌ඛන්‌ධො එකදෙසො චිත්‌තසම්‌පයුත්‌තො එකදෙසො චිත්‌තවිප්‌පයුත්‌තොති? න හෙවං වත්‌තබ්‌බෙ…පෙ.….
Saṅkhārakkhandho ekadeso cittasampayutto ekadeso cittavippayuttoti? Āmantā. Vedanākkhandho saññākkhandho ekadeso cittasampayutto ekadeso cittavippayuttoti? Na hevaṃ vattabbe…pe….
611. පටිඝානුසයො මානානුසයො දිට්‌ඨානුසයො විචිකිච්‌ඡානුසයො භවරාගානුසයො අවිජ්‌ජානුසයො චිත්‌තවිප්‌පයුත්‌තොති? ආමන්‌තා. අවිජ්‌ජා අවිජ්‌ජොඝො අවිජ්‌ජායොගො අවිජ්‌ජානීවරණං චිත්‌තවිප්‌පයුත්‌තන්‌ති? න හෙවං වත්‌තබ්‌බෙ…පෙ.… අවිජ්‌ජා අවිජ්‌ජොඝො අවිජ්‌ජායොගො අවිජ්‌ජානීවරණං චිත්‌තසම්‌පයුත්‌තන්‌ති? ආමන්‌තා. අවිජ්‌ජානුසයො චිත්‌තසම්‌පයුත්‌තොති? න හෙවං වත්‌තබ්‌බෙ…පෙ.….
611. Paṭighānusayo mānānusayo diṭṭhānusayo vicikicchānusayo bhavarāgānusayo avijjānusayo cittavippayuttoti? Āmantā. Avijjā avijjogho avijjāyogo avijjānīvaraṇaṃ cittavippayuttanti? Na hevaṃ vattabbe…pe… avijjā avijjogho avijjāyogo avijjānīvaraṇaṃ cittasampayuttanti? Āmantā. Avijjānusayo cittasampayuttoti? Na hevaṃ vattabbe…pe….
612. අවිජ්‌ජානුසයො චිත්‌තවිප්‌පයුත්‌තොති? ආමන්‌තා. කතමක්‌ඛන්‌ධපරියාපන්‌නොති? සඞ්‌ඛාරක්‌ඛන්‌ධපරියාපන්‌නොති. සඞ්‌ඛාරක්‌ඛන්‌ධො චිත්‌තවිප්‌පයුත්‌තොති? න හෙවං වත්‌තබ්‌බෙ . සඞ්‌ඛාරක්‌ඛන්‌ධො චිත්‌තවිප්‌පයුත්‌තොති? ආමන්‌තා. වෙදනාක්‌ඛන්‌ධො සඤ්‌ඤාක්‌ඛන්‌ධො චිත්‌තවිප්‌පයුත්‌තොති? න හෙවං වත්‌තබ්‌බෙ…පෙ.….
612. Avijjānusayo cittavippayuttoti? Āmantā. Katamakkhandhapariyāpannoti? Saṅkhārakkhandhapariyāpannoti. Saṅkhārakkhandho cittavippayuttoti? Na hevaṃ vattabbe . Saṅkhārakkhandho cittavippayuttoti? Āmantā. Vedanākkhandho saññākkhandho cittavippayuttoti? Na hevaṃ vattabbe…pe….
අවිජ්‌ජානුසයො සඞ්‌ඛාරක්‌ඛන්‌ධපරියාපන්‌නො චිත්‌තවිප්‌පයුත්‌තොති? ආමන්‌තා. අවිජ්‌ජා සඞ්‌ඛාරක්‌ඛන්‌ධපරියාපන්‌නා චිත්‌තවිප්‌පයුත්‌තාති? න හෙවං වත්‌තබ්‌බෙ…පෙ.… අවිජ්‌ජා සඞ්‌ඛාරක්‌ඛන්‌ධපරියාපන්‌නා චිත්‌තසම්‌පයුත්‌තාති? ආමන්‌තා. අවිජ්‌ජානුසයො සඞ්‌ඛාරක්‌ඛන්‌ධපරියාපන්‌නො චිත්‌තසම්‌පයුත්‌තොති? න හෙවං වත්‌තබ්‌බෙ…පෙ.….
Avijjānusayo saṅkhārakkhandhapariyāpanno cittavippayuttoti? Āmantā. Avijjā saṅkhārakkhandhapariyāpannā cittavippayuttāti? Na hevaṃ vattabbe…pe… avijjā saṅkhārakkhandhapariyāpannā cittasampayuttāti? Āmantā. Avijjānusayo saṅkhārakkhandhapariyāpanno cittasampayuttoti? Na hevaṃ vattabbe…pe….
අවිජ්‌ජානුසයො සඞ්‌ඛාරක්‌ඛන්‌ධපරියාපන්‌නො චිත්‌තවිප්‌පයුත්‌තො, අවිජ්‌ජාසඞ්‌ඛාරක්‌ඛන්‌ධපරියාපන්‌නා චිත්‌තසම්‌පයුත්‌තාති? ආමන්‌තා. සඞ්‌ඛාරක්‌ඛන්‌ධො එකදෙසො චිත්‌තසම්‌පයුත්‌තො එකදෙසො චිත්‌තවිප්‌පයුත්‌තොති? න හෙවං වත්‌තබ්‌බෙ.
Avijjānusayo saṅkhārakkhandhapariyāpanno cittavippayutto, avijjāsaṅkhārakkhandhapariyāpannā cittasampayuttāti? Āmantā. Saṅkhārakkhandho ekadeso cittasampayutto ekadeso cittavippayuttoti? Na hevaṃ vattabbe.
සඞ්‌ඛාරක්‌ඛන්‌ධො එකදෙසො චිත්‌තසම්‌පයුත්‌තො එකදෙසො චිත්‌තවිප්‌පයුත්‌තොති? ආමන්‌තා. වෙදනාක්‌ඛන්‌ධො සඤ්‌ඤාක්‌ඛන්‌ධො එකදෙසො චිත්‌තසම්‌පයුත්‌තො එකදෙසො චිත්‌තවිප්‌පයුත්‌තොති? න හෙවං වත්‌තබ්‌බෙ…පෙ.….
Saṅkhārakkhandho ekadeso cittasampayutto ekadeso cittavippayuttoti? Āmantā. Vedanākkhandho saññākkhandho ekadeso cittasampayutto ekadeso cittavippayuttoti? Na hevaṃ vattabbe…pe….
613. න වත්‌තබ්‌බං – ‘‘අනුසයා චිත්‌තවිප්‌පයුත්‌තා’’ති? ආමන්‌තා. පුථුජ්‌ජනො කුසලාබ්‍යාකතෙ චිත්‌තෙ වත්‌තමානෙ ‘‘සානුසයො’’ති වත්‌තබ්‌බොති? ආමන්‌තා. අනුසයා තෙන චිත්‌තෙන සම්‌පයුත්‌තාති? න හෙවං වත්‌තබ්‌බෙ. තෙන හි අනුසයා චිත්‌තවිප්‌පයුත්‌තාති. පුථුජ්‌ජනො කුසලාබ්‍යාකතෙ චිත්‌තෙ වත්‌තමානෙ ‘‘සරාගො’’ති වත්‌තබ්‌බොති? ආමන්‌තා. රාගො තෙන චිත්‌තෙන සම්‌පයුත්‌තොති? න හෙවං වත්‌තබ්‌බෙ. තෙන හි රාගො චිත්‌තවිප්‌පයුත්‌තොති.
613. Na vattabbaṃ – ‘‘anusayā cittavippayuttā’’ti? Āmantā. Puthujjano kusalābyākate citte vattamāne ‘‘sānusayo’’ti vattabboti? Āmantā. Anusayā tena cittena sampayuttāti? Na hevaṃ vattabbe. Tena hi anusayā cittavippayuttāti. Puthujjano kusalābyākate citte vattamāne ‘‘sarāgo’’ti vattabboti? Āmantā. Rāgo tena cittena sampayuttoti? Na hevaṃ vattabbe. Tena hi rāgo cittavippayuttoti.
තිස්‌සොපි අනුසයකථා නිට්‌ඨිතා.
Tissopi anusayakathā niṭṭhitā.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 1-3. තිස්‌සොපි අනුසයකථාවණ්‌ණනා • 1-3. Tissopi anusayakathāvaṇṇanā
