| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
২. তিঠানসুত্তং
2. Tiṭhānasuttaṃ
৪২. ‘‘তীহি , ভিক্খৰে, ঠানেহি সদ্ধো পসন্নো ৰেদিতব্বো। কতমেহি তীহি? সীলৰন্তানং দস্সনকামো হোতি, সদ্ধম্মং সোতুকামো হোতি , ৰিগতমলমচ্ছেরেন চেতসা অগারং অজ্ঝাৰসতি মুত্তচাগো পযতপাণি ৰোস্সগ্গরতো যাচযোগো দানসংৰিভাগরতো। ইমেহি খো, ভিক্খৰে, তীহি ঠানেহি সদ্ধো পসন্নো ৰেদিতব্বো’’।
42. ‘‘Tīhi , bhikkhave, ṭhānehi saddho pasanno veditabbo. Katamehi tīhi? Sīlavantānaṃ dassanakāmo hoti, saddhammaṃ sotukāmo hoti , vigatamalamaccherena cetasā agāraṃ ajjhāvasati muttacāgo payatapāṇi vossaggarato yācayogo dānasaṃvibhāgarato. Imehi kho, bhikkhave, tīhi ṭhānehi saddho pasanno veditabbo’’.
‘‘দস্সনকামো সীলৰতং, সদ্ধম্মং সোতুমিচ্ছতি।
‘‘Dassanakāmo sīlavataṃ, saddhammaṃ sotumicchati;
ৰিনযে মচ্ছেরমলং, স ৰে সদ্ধোতি ৰুচ্চতী’’তি॥ দুতিযং।
Vinaye maccheramalaṃ, sa ve saddhoti vuccatī’’ti. dutiyaṃ;
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ২. তিঠানসুত্তৰণ্ণনা • 2. Tiṭhānasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ২. তিঠানসুত্তৰণ্ণনা • 2. Tiṭhānasuttavaṇṇanā
