| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. д̇итаанасуд̇д̇аван̣н̣анаа
2. Tiṭhānasuttavaṇṇanā
42. д̣̇уд̇ияз мажчарияамзва малам̣ мажчарияамалам̣, жид̇д̇асса малийнасабхааваабаад̣̇анад̇о виг̇ад̇ам̣ мажчарияамалам̣ зд̇т̇аад̇и виг̇ад̇амажчарияамалам̣. г̇зд̇хаабхаавзна гожи гин̃жи д̣̇знд̇оби д̇ад̇т̇а аасад̇д̇им̣ на виссаж̇ж̇зд̇и, аяам̣ бана на д̇аад̣̇исод̇и ааха ‘‘виссадтажааг̇о’’д̇и. малийнахад̇т̇ова жид̇д̇ависуд̣̇д̇хияаа абхаавад̇о. д̇ход̇ахад̇т̇ова д̇ход̇ахад̇т̇зна гаад̇аб̣б̣агижжасаад̇ханад̇о. д̇зна вуд̇д̇ам̣ – ‘‘жид̇д̇з суд̣̇д̇хз висуж̇жханд̇и, ид̇и вуд̇д̇ам̣ махзсинаа’’д̇и. яаажид̇ум̣ яуд̇д̇о яаажагаанам̣ манорат̇абууран̣ад̇о. яаажаяог̇о баяог̇аасахзхи яаажагзхи судту яуд̇д̇абхаавад̇о. д̇ам̣саман̇г̇ий зва д̇ад̇т̇а рад̇о наама, на жид̇д̇амад̇д̇знзваад̇и ааха ‘‘д̣̇аанам̣…бз… рад̇о наама ход̇ий’’д̇и.
42. Dutiye macchariyameva malaṃ macchariyamalaṃ, cittassa malīnasabhāvāpādanato vigataṃ macchariyamalaṃ etthāti vigatamacchariyamalaṃ. Gedhābhāvena koci kiñci dentopi tattha āsattiṃ na vissajjeti, ayaṃ pana na tādisoti āha ‘‘vissaṭṭhacāgo’’ti. Malīnahatthova cittavisuddhiyā abhāvato. Dhotahatthova dhotahatthena kātabbakiccasādhanato. Tena vuttaṃ – ‘‘citte suddhe visujjhanti, iti vuttaṃ mahesinā’’ti. Yācituṃ yutto yācakānaṃ manorathapūraṇato. Yācayogo payogāsahehi yācakehi suṭṭhu yuttabhāvato. Taṃsamaṅgī eva tattha rato nāma, na cittamattenevāti āha ‘‘dānaṃ…pe… rato nāma hotī’’ti.
‘‘ужжаа, бханд̇з’’д̇и вад̇ваа аяам̣ мам̣ ужжад̇о вад̣̇ад̇ийд̇и жинд̇зяяаад̇и буна ‘‘наад̇иужжаа д̇умхз’’д̇и ааха, сарийрзнаад̇и ад̇хиббааяо. мзжагаван̣н̣ассаад̇и нийлобхаасасса. бужчийд̇и бхигкуу бужчи. бхуумияам̣ лзкам̣ ликанд̇о ажчийд̇и батамам̣ ман̃жз нибаж̇ж̇ид̇ваа удтааяа бхуумияам̣ лзкам̣ ликанд̇о ажчи ‘‘акийн̣аасавод̇и ман̃н̃анаа ход̇уу’’д̇и. д̇ат̇аа хи рааж̇аа кийн̣аасавасса наама…бз… нивад̇д̇и. д̇хаж̇абаг̇г̇ахид̇ааваад̇и баг̇г̇ахид̇ад̇хаж̇аава. силаажзд̇ияадтаананд̇и т̇уубаараамасса жа махаажзд̇ияасса жа анд̇арз силааяа гад̇ажзд̇ияадтаанам̣. жзд̇ияам̣…бз… адтааси саавагасса д̇ам̣ гуудааг̇ааранд̇и гад̇ваа.
‘‘Uccā, bhante’’ti vatvā ayaṃ maṃ uccato vadatīti cinteyyāti puna ‘‘nātiuccā tumhe’’ti āha, sarīrenāti adhippāyo. Mecakavaṇṇassāti nīlobhāsassa. Pucchīti bhikkhū pucchi. Bhūmiyaṃ lekhaṃ likhanto acchīti paṭhamaṃ mañce nipajjitvā uṭṭhāya bhūmiyaṃ lekhaṃ likhanto acchi ‘‘akhīṇāsavoti maññanā hotū’’ti. Tathā hi rājā khīṇāsavassa nāma…pe… nivatti. Dhajapaggahitāvāti paggahitadhajāva. Silācetiyaṭṭhānanti thūpārāmassa ca mahācetiyassa ca antare silāya katacetiyaṭṭhānaṃ. Cetiyaṃ…pe… aṭṭhāsi sāvakassa taṃ kūṭāgāranti katvā.
бажчаабхааг̇знаад̇и д̇хаммагат̇игасса т̇зрасса бидтибассзна. г̇онасод̇и ман̣д̣аласаббо. д̇хаммассавананд̇арааяа б̣ахуунам̣ саг̇г̇амаг̇г̇аббадилаабханд̇арааяо бхавзяяаад̇и ад̇хиббааязна ‘‘д̇хаммассавананд̇арааяам̣ на гариссаамий’’д̇и жинд̇зси. висам̣ вигкамбхзд̇ваад̇и вибассанаад̇зж̇зна висавзг̇ам̣ вигкамбхзд̇ваа. г̇аат̇аасахассанд̇и г̇аат̇аасахассаванд̇ам̣. бадтаанаг̇аат̇ааяаад̇и бадтаабанаг̇аат̇ааяа, аад̣̇иг̇аат̇ааяаад̇и ад̇т̇о. бадтаана…бз… авасаанаг̇аат̇ам̣ зва вавад̇т̇абзси, на д̣̇виннам̣ анд̇арз вуд̇д̇ам̣ гиланд̇агааяад̇д̇аа. сарабхаан̣ам̣ сааяанхад̇хаммагат̇аа. баг̇г̇ан̣хаад̇ийд̇и бажжагкам̣ гаронд̇ий г̇ан̣хаад̇и, саггажжам̣ сун̣аад̇ийд̇и ад̇т̇о. д̇хаммагат̇анад̣̇ивасз д̇хаммагат̇игаанам̣ агиламанад̇т̇ам̣ сад̣̇д̇хаа убаасагаа синид̣̇д̇хабхож̇анам̣ мад̇хубаанаган̃жа д̣̇знд̇и сарасса мад̇хурабхаавааяа саббимад̇хугад̇злаад̣̇ин̃жа бхзсаж̇ж̇ам̣. д̇знааха ‘‘арияавам̣сам̣ гат̇зссаамий’’д̇иаад̣̇и. жад̇уухи д̣̇аатаахи д̣ам̣сид̇ваад̇и д̣̇ал̣хад̣̇адтабхаавад̣̇ассанам̣. жариссаамийд̇и саммаанзссаами, саггажжам̣ сун̣иссаамийд̇и ад̇т̇о. ниммат̇зд̇ваад̇и ниммад̣̇д̣̇ид̇ваа, абанзд̇ваад̇и ад̇т̇о.
Pacchābhāgenāti dhammakathikassa therassa piṭṭhipassena. Gonasoti maṇḍalasappo. Dhammassavanantarāya bahūnaṃ saggamaggappaṭilābhantarāyo bhaveyyāti adhippāyena ‘‘dhammassavanantarāyaṃ na karissāmī’’ti cintesi. Visaṃ vikkhambhetvāti vipassanātejena visavegaṃ vikkhambhetvā. Gāthāsahassanti gāthāsahassavantaṃ. Paṭṭhānagāthāyāti paṭṭhāpanagāthāya, ādigāthāyāti attho. Paṭṭhāna…pe… avasānagāthaṃ eva vavatthapesi, na dvinnaṃ antare vuttaṃ kilantakāyattā. Sarabhāṇaṃ sāyanhadhammakathā. Paggaṇhātīti paccakkhaṃ karontī gaṇhāti, sakkaccaṃ suṇātīti attho. Dhammakathanadivase dhammakathikānaṃ akilamanatthaṃ saddhā upāsakā siniddhabhojanaṃ madhupānakañca denti sarassa madhurabhāvāya sappimadhukatelādiñca bhesajjaṃ. Tenāha ‘‘ariyavaṃsaṃ kathessāmī’’tiādi. Catūhi dāṭhāhi ḍaṃsitvāti daḷhadaṭṭhabhāvadassanaṃ. Carissāmīti sammānessāmi, sakkaccaṃ suṇissāmīti attho. Nimmathetvāti nimmadditvā, apanetvāti attho.
д̇итаанасуд̇д̇аван̣н̣анаа нидтид̇аа.
Tiṭhānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. д̇итаанасуд̇д̇ам̣ • 2. Tiṭhānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. д̇итаанасуд̇д̇аван̣н̣анаа • 2. Tiṭhānasuttavaṇṇanā
