| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. сад̇д̇ааваасаваг̇г̇о
3. Sattāvāsavaggo
1. д̇итаанасуд̇д̇аван̣н̣анаа
1. Tiṭhānasuttavaṇṇanā
21. д̇ад̇ияасса батамз амамаад̇и вад̇т̇аабхаран̣абаанабхож̇анаад̣̇ийсуби мамад̇д̇авирахид̇аа. абариг̇г̇ахаад̇и ид̇т̇ибариг̇г̇ахзна абариг̇г̇ахаа. д̇зсам̣ гира ‘‘аяам̣ маяхам̣ бхарияаа’’д̇и мамад̇д̇ам̣ на ход̇и, маад̇арам̣ ваа бхаг̇иним̣ ваа д̣̇исваа чанд̣̇арааг̇о на уббаж̇ж̇ад̇и. д̇хаммад̇аасид̣̇д̇хасса сийласса аанубхаавзна буд̇д̇з д̣̇идтамад̇д̇з зва маад̇ут̇анад̇о т̇ан̃н̃ам̣ баг̇гхарад̇и, д̇зна сан̃н̃аан̣зна нзсам̣ маад̇ари буд̇д̇асса маад̇усан̃н̃аа, маад̇у жа буд̇д̇з буд̇д̇асан̃н̃аа бажжубадтид̇аад̇и гзжи.
21. Tatiyassa paṭhame amamāti vatthābharaṇapānabhojanādīsupi mamattavirahitā. Apariggahāti itthipariggahena apariggahā. Tesaṃ kira ‘‘ayaṃ mayhaṃ bhariyā’’ti mamattaṃ na hoti, mātaraṃ vā bhaginiṃ vā disvā chandarāgo na uppajjati. Dhammatāsiddhassa sīlassa ānubhāvena putte diṭṭhamatte eva mātuthanato thaññaṃ paggharati, tena saññāṇena nesaṃ mātari puttassa mātusaññā, mātu ca putte puttasaññā paccupaṭṭhitāti keci.
абижзд̇т̇а (саарад̇т̇а. дий. 1.1 взран̃ж̇аган̣д̣аван̣н̣анаа) уд̇д̇арагуругаанам̣ бун̃н̃аанубхаавасид̣̇д̇хо аяамби висзсо взд̣̇ид̇аб̣б̣о. д̇ад̇т̇а гира д̇зсу д̇зсу бад̣̇зсзсу гхананижид̇абад̇д̇асан̃чаннасаакаабасаакаа гуудааг̇аарасамаа манорамаа ругкаа д̇зсам̣ мануссаанам̣ нивзсанагижжам̣ саад̇хзнд̇и. яад̇т̇а сукам̣ нивасанд̇и, ан̃н̃зби д̇ад̇т̇а ругкаа суж̇аад̇аа саб̣б̣ад̣̇ааби бубпид̇аг̇г̇аа д̇идтанд̇и. ж̇алаасаяааби вигасид̇агамалагувалаяабун̣д̣арийгасог̇анд̇хигаад̣̇ибубпасан̃чаннаа саб̣б̣агаалам̣ барамасуг̇анд̇хам̣ саманд̇ад̇о бавааяанд̇аа д̇идтанд̇и. сарийрамби д̇зсам̣ ад̇ид̣̇ийгхаад̣̇ид̣̇осарахид̇ам̣ аарохабарин̣аахасамбаннам̣ ж̇арааяа анабхибхууд̇ад̇д̇аа валид̇абалид̇аад̣̇ид̣̇осавирахид̇ам̣ яаавад̇ааяугам̣ абаригкийн̣аж̇аваб̣алабараггамасобхамзва худ̇ваа д̇идтад̇и. анудтаанапалуубаж̇ийвид̇ааяа на жа нзсам̣ гасиван̣иж̇ж̇аад̣̇ивасзна аахаарабарияздтивасзна д̣̇угкам̣ ад̇т̇и, д̇ад̇о зва на д̣̇аасад̣̇аасигаммагараад̣̇ибариг̇г̇ахо ад̇т̇и, на жа д̇ад̇т̇а сийд̇ун̣хад̣ам̣самагасаваад̇аад̇абасарийсабаваал̣аад̣̇ибариссаяо ад̇т̇и. яат̇аа наамзд̇т̇а г̇имхаанам̣ бажчимз маасз бажжуусавзлааяам̣ самасийд̇ун̣хо уд̇у ход̇и, звамзва саб̣б̣агаалам̣ д̇ад̇т̇а самасийд̇ун̣хова уд̇у ход̇и, на жа нзсам̣ гожи убагхаад̇о вихзсаа ваа уббаж̇ж̇ад̇и. агадтабаагимзва саалим̣ аган̣ам̣ ат̇усам̣ суд̣̇д̇хам̣ суг̇анд̇хам̣ д̇ан̣д̣улабпалам̣ барибхун̃ж̇анд̇и. д̇ам̣ бхун̃ж̇анд̇аанам̣ нзсам̣ гудтам̣, г̇ан̣д̣о, гилаасо, сосо, гаасо, саасо, абамааро, ж̇арод̇и звамаад̣̇иго на гожи рог̇о уббаж̇ж̇ад̇и, на жа д̇з куж̇ж̇аа ваа вааманаа ваа гаан̣аа ваа гун̣ий ваа кан̃ж̇аа ваа багкахад̇аа ваа вигалан̇г̇аа ваа вигалинд̣̇рияаа ваа хонд̇и.
Apicettha (sārattha. ṭī. 1.1 verañjakaṇḍavaṇṇanā) uttarakurukānaṃ puññānubhāvasiddho ayampi viseso veditabbo. Tattha kira tesu tesu padesesu ghananicitapattasañchannasākhāpasākhā kūṭāgārasamā manoramā rukkhā tesaṃ manussānaṃ nivesanakiccaṃ sādhenti. Yattha sukhaṃ nivasanti, aññepi tattha rukkhā sujātā sabbadāpi pupphitaggā tiṭṭhanti. Jalāsayāpi vikasitakamalakuvalayapuṇḍarīkasogandhikādipupphasañchannā sabbakālaṃ paramasugandhaṃ samantato pavāyantā tiṭṭhanti. Sarīrampi tesaṃ atidīghādidosarahitaṃ ārohapariṇāhasampannaṃ jarāya anabhibhūtattā valitapalitādidosavirahitaṃ yāvatāyukaṃ aparikkhīṇajavabalaparakkamasobhameva hutvā tiṭṭhati. Anuṭṭhānaphalūpajīvitāya na ca nesaṃ kasivaṇijjādivasena āhārapariyeṭṭhivasena dukkhaṃ atthi, tato eva na dāsadāsikammakarādipariggaho atthi, na ca tattha sītuṇhaḍaṃsamakasavātātapasarīsapavāḷādiparissayo atthi. Yathā nāmettha gimhānaṃ pacchime māse paccūsavelāyaṃ samasītuṇho utu hoti, evameva sabbakālaṃ tattha samasītuṇhova utu hoti, na ca nesaṃ koci upaghāto vihesā vā uppajjati. Akaṭṭhapākimeva sāliṃ akaṇaṃ athusaṃ suddhaṃ sugandhaṃ taṇḍulapphalaṃ paribhuñjanti. Taṃ bhuñjantānaṃ nesaṃ kuṭṭhaṃ, gaṇḍo, kilāso, soso, kāso, sāso, apamāro, jaroti evamādiko na koci rogo uppajjati, na ca te khujjā vā vāmanā vā kāṇā vā kuṇī vā khañjā vā pakkhahatā vā vikalaṅgā vā vikalindriyā vā honti.
ид̇т̇ияоби д̇ад̇т̇а наад̇ид̣̇ийгхаа, наад̇ирассаа, наад̇игисаа, наад̇ит̇уулаа, наад̇игаал̣аа, нажжод̣̇аад̇аа, собхаг̇г̇аббад̇д̇аруубаа хонд̇и. д̇ат̇аа хи д̣̇ийгхан̇г̇улий, д̇амб̣анакаа, аламб̣ат̇анаа, д̇анумаж̇жхаа, бун̣н̣ажанд̣̇амукий, висаалагкий, муд̣̇уг̇ад̇д̇аа, сахид̇оруу, од̣̇аад̇ад̣̇анд̇аа, г̇амбхийранаабхий, д̇ануж̇ан̇гхаа, д̣̇ийгханийлавзллид̇агзсий, бут̇уласуссон̣ий, наад̇иломаа, нааломаа, субхаг̇аа, уд̇усукасампассаа, сан̣хаа, сакилаа, сукасамбхаасаа, наанаабхаран̣авибхуусид̇аа вижаранд̇и. саб̣б̣ад̣̇ааби сол̣асавассуд̣̇д̣̇зсигаа вияа хонд̇и, бурисаа жа бан̃жавийсад̇ивассуд̣̇д̣̇зсигаа вияа. на буд̇д̇ад̣̇аарзсу раж̇ж̇анд̇и. аяам̣ д̇ад̇т̇а д̇хаммад̇аа.
Itthiyopi tattha nātidīghā, nātirassā, nātikisā, nātithūlā, nātikāḷā, naccodātā, sobhaggappattarūpā honti. Tathā hi dīghaṅgulī, tambanakhā, alambathanā, tanumajjhā, puṇṇacandamukhī, visālakkhī, mudugattā, sahitorū, odātadantā, gambhīranābhī, tanujaṅghā, dīghanīlavellitakesī, puthulasussoṇī, nātilomā, nālomā, subhagā, utusukhasamphassā, saṇhā, sakhilā, sukhasambhāsā, nānābharaṇavibhūsitā vicaranti. Sabbadāpi soḷasavassuddesikā viya honti, purisā ca pañcavīsativassuddesikā viya. Na puttadāresu rajjanti. Ayaṃ tattha dhammatā.
сад̇д̇аахигамзва жа д̇ад̇т̇а ид̇т̇ибурисаа гаамарад̇ияаа вихаранд̇и. д̇ад̇о вийд̇арааг̇аа вияа яат̇аасагам̣ г̇ажчанд̇и, на д̇ад̇т̇а ид̇ха вияа г̇аб̣бхогганд̇имуулагам̣, г̇аб̣бхабарихаран̣амуулагам̣, виж̇ааяанамуулагам̣ ваа д̣̇угкам̣ ход̇и. рад̇д̇аган̃жугад̇о ган̃жанабадимаа вияа д̣̇аарагаа маад̇угужчид̇о амагкид̇аа зва сзмхаад̣̇инаа сукзнзва нигкаманд̇и. аяам̣ д̇ад̇т̇а д̇хаммад̇аа.
Sattāhikameva ca tattha itthipurisā kāmaratiyā viharanti. Tato vītarāgā viya yathāsakaṃ gacchanti, na tattha idha viya gabbhokkantimūlakaṃ, gabbhapariharaṇamūlakaṃ, vijāyanamūlakaṃ vā dukkhaṃ hoti. Rattakañcukato kañcanapaṭimā viya dārakā mātukucchito amakkhitā eva semhādinā sukheneva nikkhamanti. Ayaṃ tattha dhammatā.
маад̇аа бана буд̇д̇ам̣ ваа д̇хийд̇арам̣ ваа виж̇ааяид̇ваа д̇з вижаран̣агаббад̣̇зсз табзд̇ваа анабзгкаа яат̇ааружи г̇ажчад̇и. д̇зсам̣ д̇ад̇т̇а саяид̇аанам̣ яз бассанд̇и бурисаа ваа ид̇т̇ияо ваа, д̇з ад̇д̇ано ан̇г̇улияо убанаамзнд̇и. д̇зсам̣ гаммаб̣алзна д̇ад̇о кийрам̣ бавад̇д̇ад̇и, д̇зна д̇з д̣̇аарагаа яаабзнд̇и. звам̣ бана вад̣дхзнд̇аа гад̇ибаяад̣̇ивасзхзва лад̣̇д̇хаб̣алаа худ̇ваа д̣̇ааригаа ид̇т̇ияо убаг̇ажчанд̇и, д̣̇аарагаа бурисз. габбаругкад̇о зва жа д̇зсам̣ д̇ад̇т̇а вад̇т̇аабхаран̣аани нибпаж̇ж̇анд̇и. наанаавирааг̇аван̣н̣авижид̇д̇аани хи сукумаани муд̣̇усукасампассаани вад̇т̇аани д̇ад̇т̇а д̇ад̇т̇а габбаругкзсу оламб̣анд̇аани д̇идтанд̇и. наанаавид̇харасмиж̇ааласамуж̇ж̇алавивид̇хаван̣н̣арад̇анавинад̣̇д̇хаани анзгавид̇хамаалаагаммалад̇аагаммабхид̇д̇игаммавижид̇д̇аани сийсуубаг̇аг̇ийвуубаг̇ахад̇т̇уубаг̇агадуубаг̇абаад̣̇уубаг̇аани сован̣н̣амаяаани аабхаран̣аани габбаругкад̇о оламб̣анд̇и. д̇ат̇аа вийн̣аамуд̣̇ин̇г̇абан̣авасаммад̇аал̣асан̇кавам̣савзд̇аал̣абариваад̣̇инийваллагийбабхуд̇игаа д̇уурияабхан̣д̣ааби д̇ад̇о д̇ад̇о оламб̣анд̇и. д̇ад̇т̇а б̣ахуу паларугкаа гумбхамад̇д̇аани палаани паланд̇и мад̇хурарасаани, яаани барибхун̃ж̇ид̇ваа д̇з сад̇д̇аахамби куббибаасаахи на б̣аад̇хийяанд̇и.
Mātā pana puttaṃ vā dhītaraṃ vā vijāyitvā te vicaraṇakappadese ṭhapetvā anapekkhā yathāruci gacchati. Tesaṃ tattha sayitānaṃ ye passanti purisā vā itthiyo vā, te attano aṅguliyo upanāmenti. Tesaṃ kammabalena tato khīraṃ pavattati, tena te dārakā yāpenti. Evaṃ pana vaḍḍhentā katipayadivaseheva laddhabalā hutvā dārikā itthiyo upagacchanti, dārakā purise. Kapparukkhato eva ca tesaṃ tattha vatthābharaṇāni nipphajjanti. Nānāvirāgavaṇṇavicittāni hi sukhumāni mudusukhasamphassāni vatthāni tattha tattha kapparukkhesu olambantāni tiṭṭhanti. Nānāvidharasmijālasamujjalavividhavaṇṇaratanavinaddhāni anekavidhamālākammalatākammabhittikammavicittāni sīsūpagagīvūpagahatthūpagakaṭūpagapādūpagāni sovaṇṇamayāni ābharaṇāni kapparukkhato olambanti. Tathā vīṇāmudiṅgapaṇavasammatāḷasaṅkhavaṃsavetāḷaparivādinīvallakīpabhutikā tūriyabhaṇḍāpi tato tato olambanti. Tattha bahū phalarukkhā kumbhamattāni phalāni phalanti madhurarasāni, yāni paribhuñjitvā te sattāhampi khuppipāsāhi na bādhīyanti.
наж̇ж̇оби д̇ад̇т̇а сувисуд̣̇д̇хаж̇алаа суббад̇ид̇т̇аа раман̣ийяаа агад̣̇д̣̇амаа ваалугад̇алаа наад̇исийд̇аа нажжун̣хаа сурабхиг̇анд̇хийхи ж̇алаж̇абубпзхи сан̃чаннаа саб̣б̣агаалам̣ сурабхий вааяанд̇ияо санд̣̇анд̇и, на д̇ад̇т̇а ган̣дагигаа гагкал̣аг̇ажчалад̇аа хонд̇и, аган̣дагаа бубпапаласамбаннаа зва хонд̇и, жанд̣̇ананааг̇аругкаа саяамзва расам̣ баг̇гхаранд̇и, нахааяид̇угаамаа жа над̣̇ид̇ид̇т̇з згаж̇жхам̣ вад̇т̇аабхаран̣аани табзд̇ваа над̣̇им̣ од̇арид̇ваа нхад̇ваа уд̇д̇ин̣н̣уд̇д̇ин̣н̣аа убаридтимам̣ убаридтимам̣ вад̇т̇аабхаран̣ам̣ г̇ан̣ханд̇и, на д̇зсам̣ звам̣ ход̇и ‘‘ид̣̇ам̣ мама, ид̣̇ам̣ барассаа’’д̇и. д̇ад̇о зва на д̇зсам̣ гожи виг̇г̇ахо ваа виваад̣̇о ваа. сад̇д̇аахигаа зва жа нзсам̣ гаамарад̇игийл̣аа ход̇и, д̇ад̇о вийд̇арааг̇аа вияа вижаранд̇и. яад̇т̇а жа ругкз саяид̇угаамаа хонд̇и, д̇ад̇т̇зва саяанам̣ убалаб̣бхад̇и. мад̇з жа сад̇д̇з д̣̇исваа на род̣̇анд̇и на сожанд̇и. д̇ан̃жа ман̣д̣аяид̇ваа нигкибанд̇и. д̇аавад̣̇зва жа нзсам̣ д̇ат̇ааруубаа сагун̣аа убаг̇анд̇ваа мад̇ам̣ д̣̇ийбанд̇арам̣ нзнд̇и, д̇асмаа сусаанам̣ ваа асужидтаанам̣ ваа д̇ад̇т̇а над̇т̇и, на жа д̇ад̇о мад̇аа нираяам̣ ваа д̇иражчаанаяоним̣ ваа бзд̇д̇ивисаяам̣ ваа убабаж̇ж̇анд̇и. д̇хаммад̇аасид̣̇д̇хасса бан̃жасийласса аанубхаавзна д̇з д̣̇звалогз ниб̣б̣ад̇д̇анд̇ийд̇и вад̣̇анд̇и. вассасахассамзва жа нзсам̣ саб̣б̣агаалам̣ ааяуббамаан̣ам̣, саб̣б̣амзд̇ам̣ д̇зсам̣ бан̃жасийлам̣ вияа д̇хаммад̇аасид̣̇д̇хамзваад̇и.
Najjopi tattha suvisuddhajalā suppatitthā ramaṇīyā akaddamā vālukatalā nātisītā naccuṇhā surabhigandhīhi jalajapupphehi sañchannā sabbakālaṃ surabhī vāyantiyo sandanti, na tattha kaṇṭakikā kakkhaḷagacchalatā honti, akaṇṭakā pupphaphalasampannā eva honti, candananāgarukkhā sayameva rasaṃ paggharanti, nahāyitukāmā ca nadititthe ekajjhaṃ vatthābharaṇāni ṭhapetvā nadiṃ otaritvā nhatvā uttiṇṇuttiṇṇā upariṭṭhimaṃ upariṭṭhimaṃ vatthābharaṇaṃ gaṇhanti, na tesaṃ evaṃ hoti ‘‘idaṃ mama, idaṃ parassā’’ti. Tato eva na tesaṃ koci viggaho vā vivādo vā. Sattāhikā eva ca nesaṃ kāmaratikīḷā hoti, tato vītarāgā viya vicaranti. Yattha ca rukkhe sayitukāmā honti, tattheva sayanaṃ upalabbhati. Mate ca satte disvā na rodanti na socanti. Tañca maṇḍayitvā nikkhipanti. Tāvadeva ca nesaṃ tathārūpā sakuṇā upagantvā mataṃ dīpantaraṃ nenti, tasmā susānaṃ vā asuciṭṭhānaṃ vā tattha natthi, na ca tato matā nirayaṃ vā tiracchānayoniṃ vā pettivisayaṃ vā upapajjanti. Dhammatāsiddhassa pañcasīlassa ānubhāvena te devaloke nibbattantīti vadanti. Vassasahassameva ca nesaṃ sabbakālaṃ āyuppamāṇaṃ, sabbametaṃ tesaṃ pañcasīlaṃ viya dhammatāsiddhamevāti.
д̇итаанасуд̇д̇аван̣н̣анаа нидтид̇аа.
Tiṭhānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. д̇итаанасуд̇д̇ам̣ • 1. Tiṭhānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. д̇итаанасуд̇д̇аван̣н̣анаа • 1. Tiṭhānasuttavaṇṇanā
