| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. สตฺตาวาสวโคฺค
3. Sattāvāsavaggo
๑. ติฐานสุตฺตวณฺณนา
1. Tiṭhānasuttavaṇṇanā
๒๑. ตติยสฺส ปฐเม อุตฺตรกุรุกาติ อุตฺตรกุรุวาสิโนฯ อธิคฺคณฺหนฺตีติ อธิภวนฺติ, อธิกา วิสิฎฺฐา เชฎฺฐกา โหนฺติฯ อมมาติ นิตฺตณฺหาฯ อฎฺฐกถายํ ปน นิทฺทุกฺขาติ วุตฺตํฯ อปริคฺคหาติ ‘‘อิทํ มยฺห’’นฺติ ปริคฺคหรหิตาฯ นิยตายุกาติ เตสญฺหิ นิพทฺธํ อายุ วสฺสสหสฺสเมว, คติปิ นิพทฺธา, ตโต จวิตฺวา สเคฺคเยว นิพฺพตฺตนฺติฯ สติมโนฺตติ เทวตานญฺหิ เอกนฺตสุขิตาย สติ ถิรา น โหติ, เนรยิกานํ เอกนฺตทุกฺขิตายฯ อิเมสํ ปน โวกิณฺณสุขทุกฺขตฺตา สติ ถิรา โหติฯ อิธ พฺรหฺมจริยวาโสติ ชมฺพุทีเป พุทฺธปเจฺจกพุทฺธานํ อุปฺปชฺชนโต อฎฺฐงฺคิกมคฺคพฺรหฺมจริยวาโสปิ อิเธว โหติฯ
21. Tatiyassa paṭhame uttarakurukāti uttarakuruvāsino. Adhiggaṇhantīti adhibhavanti, adhikā visiṭṭhā jeṭṭhakā honti. Amamāti nittaṇhā. Aṭṭhakathāyaṃ pana niddukkhāti vuttaṃ. Apariggahāti ‘‘idaṃ mayha’’nti pariggaharahitā. Niyatāyukāti tesañhi nibaddhaṃ āyu vassasahassameva, gatipi nibaddhā, tato cavitvā saggeyeva nibbattanti. Satimantoti devatānañhi ekantasukhitāya sati thirā na hoti, nerayikānaṃ ekantadukkhitāya. Imesaṃ pana vokiṇṇasukhadukkhattā sati thirā hoti. Idha brahmacariyavāsoti jambudīpe buddhapaccekabuddhānaṃ uppajjanato aṭṭhaṅgikamaggabrahmacariyavāsopi idheva hoti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. ติฐานสุตฺตํ • 1. Tiṭhānasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑. ติฐานสุตฺตวณฺณนา • 1. Tiṭhānasuttavaṇṇanā
