| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. သတ္တာဝာသဝဂ္ဂော
3. Sattāvāsavaggo
၁. တိဌာနသုတ္တဝဏ္ဏနာ
1. Tiṭhānasuttavaṇṇanā
၂၁. တတိယသ္သ ပဌမေ ဥတ္တရကုရုကာတိ ဥတ္တရကုရုဝာသိနော။ အဓိဂ္ဂဏ္ဟန္တီတိ အဓိဘဝန္တိ, အဓိကာ ဝိသိဋ္ဌာ ဇေဋ္ဌကာ ဟောန္တိ။ အမမာတိ နိတ္တဏ္ဟာ။ အဋ္ဌကထာယံ ပန နိဒ္ဒုက္ခာတိ ဝုတ္တံ။ အပရိဂ္ဂဟာတိ ‘‘ဣဒံ မယ္ဟ’’န္တိ ပရိဂ္ဂဟရဟိတာ။ နိယတာယုကာတိ တေသဉ္ဟိ နိဗဒ္ဓံ အာယု ဝသ္သသဟသ္သမေဝ, ဂတိပိ နိဗဒ္ဓာ, တတော စဝိတ္ဝာ သဂ္ဂေယေဝ နိဗ္ဗတ္တန္တိ။ သတိမန္တောတိ ဒေဝတာနဉ္ဟိ ဧကန္တသုခိတာယ သတိ ထိရာ န ဟောတိ, နေရယိကာနံ ဧကန္တဒုက္ခိတာယ။ ဣမေသံ ပန ဝောကိဏ္ဏသုခဒုက္ခတ္တာ သတိ ထိရာ ဟောတိ။ ဣဓ ဗ္ရဟ္မစရိယဝာသောတိ ဇမ္ဗုဒီပေ ဗုဒ္ဓပစ္စေကဗုဒ္ဓာနံ ဥပ္ပဇ္ဇနတော အဋ္ဌင္ဂိကမဂ္ဂဗ္ရဟ္မစရိယဝာသောပိ ဣဓေဝ ဟောတိ။
21. Tatiyassa paṭhame uttarakurukāti uttarakuruvāsino. Adhiggaṇhantīti adhibhavanti, adhikā visiṭṭhā jeṭṭhakā honti. Amamāti nittaṇhā. Aṭṭhakathāyaṃ pana niddukkhāti vuttaṃ. Apariggahāti ‘‘idaṃ mayha’’nti pariggaharahitā. Niyatāyukāti tesañhi nibaddhaṃ āyu vassasahassameva, gatipi nibaddhā, tato cavitvā saggeyeva nibbattanti. Satimantoti devatānañhi ekantasukhitāya sati thirā na hoti, nerayikānaṃ ekantadukkhitāya. Imesaṃ pana vokiṇṇasukhadukkhattā sati thirā hoti. Idha brahmacariyavāsoti jambudīpe buddhapaccekabuddhānaṃ uppajjanato aṭṭhaṅgikamaggabrahmacariyavāsopi idheva hoti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. တိဌာနသုတ္တံ • 1. Tiṭhānasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. တိဌာနသုတ္တဝဏ္ဏနာ • 1. Tiṭhānasuttavaṇṇanā
