| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༣. སཏྟཱཝཱསཝགྒོ
3. Sattāvāsavaggo
༡. ཏིཋཱནསུཏྟཝཎྞནཱ
1. Tiṭhānasuttavaṇṇanā
༢༡. ཏཏིཡསྶ པཋམེ ཨུཏྟརཀུརུཀཱཏི ཨུཏྟརཀུརུཝཱསིནོ། ཨདྷིགྒཎྷནྟཱིཏི ཨདྷིབྷཝནྟི, ཨདྷིཀཱ ཝིསིཊྛཱ ཛེཊྛཀཱ ཧོནྟི། ཨམམཱཏི ནིཏྟཎྷཱ། ཨཊྛཀཐཱཡཾ པན ནིདྡུཀྑཱཏི ཝུཏྟཾ། ཨཔརིགྒཧཱཏི ‘‘ཨིདཾ མཡ྄ཧ’’ནྟི པརིགྒཧརཧིཏཱ། ནིཡཏཱཡུཀཱཏི ཏེསཉྷི ནིབདྡྷཾ ཨཱཡུ ཝསྶསཧསྶམེཝ, གཏིཔི ནིབདྡྷཱ, ཏཏོ ཙཝིཏྭཱ སགྒེཡེཝ ནིབྦཏྟནྟི། སཏིམནྟོཏི དེཝཏཱནཉྷི ཨེཀནྟསུཁིཏཱཡ སཏི ཐིརཱ ན ཧོཏི, ནེརཡིཀཱནཾ ཨེཀནྟདུཀྑིཏཱཡ། ཨིམེསཾ པན ཝོཀིཎྞསུཁདུཀྑཏྟཱ སཏི ཐིརཱ ཧོཏི། ཨིདྷ བྲཧྨཙརིཡཝཱསོཏི ཛམྦུདཱིཔེ བུདྡྷཔཙྩེཀབུདྡྷཱནཾ ཨུཔྤཛྫནཏོ ཨཊྛངྒིཀམགྒབྲཧྨཙརིཡཝཱསོཔི ཨིདྷེཝ ཧོཏི།
21. Tatiyassa paṭhame uttarakurukāti uttarakuruvāsino. Adhiggaṇhantīti adhibhavanti, adhikā visiṭṭhā jeṭṭhakā honti. Amamāti nittaṇhā. Aṭṭhakathāyaṃ pana niddukkhāti vuttaṃ. Apariggahāti ‘‘idaṃ mayha’’nti pariggaharahitā. Niyatāyukāti tesañhi nibaddhaṃ āyu vassasahassameva, gatipi nibaddhā, tato cavitvā saggeyeva nibbattanti. Satimantoti devatānañhi ekantasukhitāya sati thirā na hoti, nerayikānaṃ ekantadukkhitāya. Imesaṃ pana vokiṇṇasukhadukkhattā sati thirā hoti. Idha brahmacariyavāsoti jambudīpe buddhapaccekabuddhānaṃ uppajjanato aṭṭhaṅgikamaggabrahmacariyavāsopi idheva hoti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. ཏིཋཱནསུཏྟཾ • 1. Tiṭhānasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡. ཏིཋཱནསུཏྟཝཎྞནཱ • 1. Tiṭhānasuttavaṇṇanā
