| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(7) 2. махааваг̇г̇о
(7) 2. Mahāvaggo
1. д̇ид̇т̇ааяад̇анасуд̇д̇аван̣н̣анаа
1. Titthāyatanasuttavaṇṇanā
62. д̣̇уд̇ияасса батамз д̇ид̇т̇ааяад̇анаанийд̇и д̇ид̇т̇абхууд̇аани ааяад̇анаани, д̇ид̇т̇ияаанам̣ ваа ааяад̇анаани. д̇ад̇т̇а д̇ид̇т̇ам̣ ж̇аанид̇аб̣б̣ам̣, д̇ид̇т̇агараа ж̇аанид̇аб̣б̣аа, д̇ид̇т̇ияаа ж̇аанид̇аб̣б̣аа, д̇ид̇т̇ияасаавагаа ж̇аанид̇аб̣б̣аа. д̇ид̇т̇ам̣ наама д̣̇ваасадти д̣̇идтияо. д̇ид̇т̇игараа наама д̇аасам̣ д̣̇идтийнам̣ уббаад̣̇агаа. д̇ид̇т̇ияаа наама язсам̣ д̇аа д̣̇идтияо ружжанд̇и каманд̇и. д̇ид̇т̇ияасаавагаа наама д̇зсам̣ бажжаяад̣̇ааяагаа. ааяад̇ананд̇и ‘‘гамб̣ож̇о ассаанам̣ ааяад̇анам̣, г̇уннам̣ д̣̇агкин̣аабат̇о ааяад̇ана’’нд̇и зд̇т̇а сан̃ж̇аад̇идтаанам̣ ааяад̇анам̣ наама.
62. Dutiyassa paṭhame titthāyatanānīti titthabhūtāni āyatanāni, titthiyānaṃ vā āyatanāni. Tattha titthaṃ jānitabbaṃ, titthakarā jānitabbā, titthiyā jānitabbā, titthiyasāvakā jānitabbā. Titthaṃ nāma dvāsaṭṭhi diṭṭhiyo. Titthikarā nāma tāsaṃ diṭṭhīnaṃ uppādakā. Titthiyā nāma yesaṃ tā diṭṭhiyo ruccanti khamanti. Titthiyasāvakā nāma tesaṃ paccayadāyakā. Āyatananti ‘‘kambojo assānaṃ āyatanaṃ, gunnaṃ dakkhiṇāpatho āyatana’’nti ettha sañjātiṭṭhānaṃ āyatanaṃ nāma.
‘‘манорамз ааяад̇анз, сзванд̇и нам̣ вихан̇г̇амаа;
‘‘Manorame āyatane, sevanti naṃ vihaṅgamā;
чааяам̣ чааяад̇т̇ино яанд̇и, палад̇т̇ам̣ палабхож̇ино’’д̇и. (а. ни. 5.38) –
Chāyaṃ chāyatthino yanti, phalatthaṃ phalabhojino’’ti. (a. ni. 5.38) –
зд̇т̇а самосаран̣адтаанам̣. ‘‘бан̃жимаани, бхигкавз, вимуд̇д̇ааяад̇анааний’’д̇и (а. ни. 5.26) зд̇т̇а гааран̣ам̣. д̇ам̣ ид̇ха саб̣б̣амби лаб̣бхад̇и. саб̣б̣зби хи д̣̇идтиг̇ад̇игаа сан̃ж̇ааяамаанаа имзсуязва д̇ийсу таанзсу сан̃ж̇ааяанд̇и, самосаран̣амаанааби зд̇зсуязва д̇ийсу таанзсу самосаранд̇и саннибад̇анд̇и, д̣̇идтиг̇ад̇игабхаавз жа нзсам̣ зд̇аанзва д̇ийн̣и гааран̣аанийд̇и д̇ид̇т̇абхууд̇аани сан̃ж̇аад̇иаад̣̇инаа ад̇т̇зна ааяад̇анаанийд̇иби д̇ид̇т̇ааяад̇анаани. д̇знзвад̇т̇зна д̇ид̇т̇ияаанам̣ ааяад̇анаанийд̇иби д̇ид̇т̇ааяад̇анаани. самануяун̃ж̇ияамаанаанийд̇и гаа наамзд̇аа д̣̇идтияод̇и звам̣ бужчияамаанаани. самануг̇аахияамаанаанийд̇и гим̣гааран̣аа зд̇аа д̣̇идтияо уббаннаад̇и звам̣ саммаа ануг̇г̇аахияамаанаани. саманубхаасияамаанаанийд̇и бадиниссаж̇ж̇зт̇а зд̇аани баабагаани д̣̇идтиг̇ад̇аанийд̇и звам̣ саммаа анусаасияамаанаани. абижа д̇ийн̣иби зд̇аани ануяог̇абужчаавзважанаанзва. д̇зна вуд̇д̇ам̣ адтагат̇ааяам̣ – ‘‘самануяун̃ж̇ад̇ийд̇и ваа самануг̇г̇аахад̇ийд̇и ваа саманубхаасад̇ийд̇и ваа зсзсз згадтз самз самабхааг̇з д̇аж̇ж̇аад̇з д̇ан̃н̃зваа’’д̇и.
Ettha samosaraṇaṭṭhānaṃ. ‘‘Pañcimāni, bhikkhave, vimuttāyatanānī’’ti (a. ni. 5.26) ettha kāraṇaṃ. Taṃ idha sabbampi labbhati. Sabbepi hi diṭṭhigatikā sañjāyamānā imesuyeva tīsu ṭhānesu sañjāyanti, samosaraṇamānāpi etesuyeva tīsu ṭhānesu samosaranti sannipatanti, diṭṭhigatikabhāve ca nesaṃ etāneva tīṇi kāraṇānīti titthabhūtāni sañjātiādinā atthena āyatanānītipi titthāyatanāni. Tenevatthena titthiyānaṃ āyatanānītipi titthāyatanāni. Samanuyuñjiyamānānīti kā nāmetā diṭṭhiyoti evaṃ pucchiyamānāni. Samanugāhiyamānānīti kiṃkāraṇā etā diṭṭhiyo uppannāti evaṃ sammā anuggāhiyamānāni. Samanubhāsiyamānānīti paṭinissajjetha etāni pāpakāni diṭṭhigatānīti evaṃ sammā anusāsiyamānāni. Apica tīṇipi etāni anuyogapucchāvevacanāneva. Tena vuttaṃ aṭṭhakathāyaṃ – ‘‘samanuyuñjatīti vā samanuggāhatīti vā samanubhāsatīti vā esese ekaṭṭhe same samabhāge tajjāte taññevā’’ti.
барамби г̇анд̇ваад̇и аажарияабарамбараа лад̣̇д̇хибарамбараа ад̇д̇абхаавабарамбараад̇и зд̇зсу яам̣гин̃жи барамбарам̣ г̇анд̇вааби. агирияааяа сан̣таханд̇ийд̇и агирияамад̇д̇з сам̣д̇идтанд̇и. ‘‘амхаагам̣ аажарияо буб̣б̣згад̇аваад̣̇ий, амхаагам̣ баажарияо буб̣б̣згад̇аваад̣̇ий, амхаагам̣ аажарияабаажарияо буб̣б̣згад̇аваад̣̇ий. амхаагам̣ аажарияо иссараниммаанаваад̣̇ий , амхаагам̣ баажарияо иссараниммаанаваад̣̇ий, амхаагам̣ аажарияабаажарияо иссараниммаанаваад̣̇ий. амхаагам̣ аажарияо ахзд̇уабажжаяаваад̣̇ий, амхаагам̣ баажарияо ахзд̇уабажжаяаваад̣̇ий, амхаагам̣ аажарияабаажарияо ахзд̇уабажжаяаваад̣̇ий’’д̇и звам̣ г̇ажчанд̇аани хи зд̇аани аажарияабарамбарам̣ г̇ажчанд̇и наама. ‘‘амхаагам̣ аажарияо буб̣б̣згад̇алад̣̇д̇хиго, амхаагам̣ баажарияо…бз… амхаагам̣ аажарияабаажарияо ахзд̇уабажжаяалад̣̇д̇хиго’’д̇и звам̣ г̇ажчанд̇аани лад̣̇д̇хибарамбарам̣ г̇ажчанд̇и наама. ‘‘амхаагам̣ аажарияасса ад̇д̇абхааво буб̣б̣згад̇ахзд̇у, амхаагам̣ баажарияасса…бз… амхаагам̣ аажарияабаажарияасса ад̇д̇абхааво ахзд̇у абажжаяо’’д̇и звам̣ г̇ажчанд̇аани ад̇д̇абхаавабарамбарам̣ г̇ажчанд̇и наама. звам̣ бана сувид̣̇уурамби г̇ажчанд̇аани агирияамад̇д̇зязва сан̣таханд̇и, згоби зд̇зсам̣ д̣̇идтиг̇ад̇игаанам̣ гад̇д̇аа ваа гаарзд̇аа ваа на бан̃н̃ааяад̇и.
Parampigantvāti ācariyaparamparā laddhiparamparā attabhāvaparamparāti etesu yaṃkiñci paramparaṃ gantvāpi. Akiriyāya saṇṭhahantīti akiriyamatte saṃtiṭṭhanti. ‘‘Amhākaṃ ācariyo pubbekatavādī, amhākaṃ pācariyo pubbekatavādī, amhākaṃ ācariyapācariyo pubbekatavādī. Amhākaṃ ācariyo issaranimmānavādī , amhākaṃ pācariyo issaranimmānavādī, amhākaṃ ācariyapācariyo issaranimmānavādī. Amhākaṃ ācariyo ahetuapaccayavādī, amhākaṃ pācariyo ahetuapaccayavādī, amhākaṃ ācariyapācariyo ahetuapaccayavādī’’ti evaṃ gacchantāni hi etāni ācariyaparamparaṃ gacchanti nāma. ‘‘Amhākaṃ ācariyo pubbekataladdhiko, amhākaṃ pācariyo…pe… amhākaṃ ācariyapācariyo ahetuapaccayaladdhiko’’ti evaṃ gacchantāni laddhiparamparaṃ gacchanti nāma. ‘‘Amhākaṃ ācariyassa attabhāvo pubbekatahetu, amhākaṃ pācariyassa…pe… amhākaṃ ācariyapācariyassa attabhāvo ahetu apaccayo’’ti evaṃ gacchantāni attabhāvaparamparaṃ gacchanti nāma. Evaṃ pana suvidūrampi gacchantāni akiriyamatteyeva saṇṭhahanti, ekopi etesaṃ diṭṭhigatikānaṃ kattā vā kāretā vā na paññāyati.
бурисабуг̇г̇алод̇и сад̇д̇о. гааман̃жа бурисод̇иби вуд̇д̇з буг̇г̇алод̇иби вуд̇д̇з сад̇д̇оязва вуд̇д̇о ход̇и, аяам̣ бана саммуд̇игат̇аа наама яо яат̇аа ж̇аанаад̇и, д̇асса д̇ат̇аа вужжад̇и. бадисам̣взд̣̇зд̇ийд̇и ад̇д̇ано санд̇аанз уббаннам̣ ж̇аанаад̇и бадисам̣вид̣̇ид̇ам̣ гарод̇и, анубхавад̇и ваа. буб̣б̣згад̇ахзд̇ууд̇и буб̣б̣згад̇агааран̣аа, буб̣б̣згад̇агаммабажжаязнзва бадисам̣взд̣̇зд̇ийд̇и ад̇т̇о. иминаа гаммавзд̣̇анан̃жа гирияавзд̣̇анан̃жа бадигкибид̇ваа згам̣ вибаагавзд̣̇анамзва самбадижчанд̇и. яз ваа имз бид̇д̇асамудтаанаа ааб̣аад̇хаа сзмхасамудтаанаа ваад̇асамудтаанаа саннибаад̇игаа уд̇убарин̣аамаж̇аа висамабарихаараж̇аа обаггамигаа ааб̣аад̇хаа гаммавибаагаж̇аа ааб̣аад̇хаад̇и адта рог̇аа вуд̇д̇аа, д̇зсу сад̇д̇а бадигкибид̇ваа згам̣ вибаагавзд̣̇анам̣язва самбадижчанд̇и. язбимз д̣̇идтад̇хаммавзд̣̇анийяам̣ убабаж̇ж̇авзд̣̇анийяам̣ абарабарияааяавзд̣̇анийяанд̇и д̇аяо гаммараасаяо вуд̇д̇аа, д̇зсуби д̣̇вз бадиб̣аахид̇ваа згам̣ абарабарияааяагаммам̣язва самбадижчанд̇и. язбимз д̣̇идтад̇хаммавзд̣̇анийяо вибааго убабаж̇ж̇авзд̣̇анийяо абарабарияааяавзд̣̇анийяод̇и д̇аяо вибаагараасаяо вуд̇д̇аа, д̇зсуби д̣̇вз бадиб̣аахид̇ваа згам̣ абарабарияааяавибаагамзва самбадижчанд̇и. язбимз гусалажзд̇анаа агусалажзд̇анаа вибаагажзд̇анаа гирияажзд̇анаад̇и жад̇д̇ааро жзд̇анаараасаяо вуд̇д̇аа, д̇зсуби д̇аяо бадиб̣аахид̇ваа згам̣ вибаагажзд̇анам̣язва самбадижчанд̇и.
Purisapuggaloti satto. Kāmañca purisotipi vutte puggalotipi vutte sattoyeva vutto hoti, ayaṃ pana sammutikathā nāma yo yathā jānāti, tassa tathā vuccati. Paṭisaṃvedetīti attano santāne uppannaṃ jānāti paṭisaṃviditaṃ karoti, anubhavati vā. Pubbekatahetūti pubbekatakāraṇā, pubbekatakammapaccayeneva paṭisaṃvedetīti attho. Iminā kammavedanañca kiriyavedanañca paṭikkhipitvā ekaṃ vipākavedanameva sampaṭicchanti. Ye vā ime pittasamuṭṭhānā ābādhā semhasamuṭṭhānā vātasamuṭṭhānā sannipātikā utupariṇāmajā visamaparihārajā opakkamikā ābādhā kammavipākajā ābādhāti aṭṭha rogā vuttā, tesu satta paṭikkhipitvā ekaṃ vipākavedanaṃyeva sampaṭicchanti. Yepime diṭṭhadhammavedanīyaṃ upapajjavedanīyaṃ aparapariyāyavedanīyanti tayo kammarāsayo vuttā, tesupi dve paṭibāhitvā ekaṃ aparapariyāyakammaṃyeva sampaṭicchanti. Yepime diṭṭhadhammavedanīyo vipāko upapajjavedanīyo aparapariyāyavedanīyoti tayo vipākarāsayo vuttā, tesupi dve paṭibāhitvā ekaṃ aparapariyāyavipākameva sampaṭicchanti. Yepime kusalacetanā akusalacetanā vipākacetanā kiriyacetanāti cattāro cetanārāsayo vuttā, tesupi tayo paṭibāhitvā ekaṃ vipākacetanaṃyeva sampaṭicchanti.
иссараниммаанахзд̇ууд̇и иссараниммаанагааран̣аа, иссарзна ниммид̇ад̇д̇аа бадисам̣взд̣̇зд̇ийд̇и ад̇т̇о. аяам̣ хи д̇зсам̣ ад̇хиббааяо – имаа д̇иссо взд̣̇анаа бажжуббаннз ад̇д̇анаа гад̇амуулагзна ваа аан̣ад̇д̇имуулагзна ваа буб̣б̣згад̇зна ваа ахзд̇уабажжаяаа ваа бадисам̣взд̣̇ид̇ум̣ наама на саггаа, иссараниммаанагааран̣ааязва бана имаа бадисам̣взд̣̇зд̇ийд̇и. звам̣ваад̣̇ино банзд̇з хздтаа вуд̇д̇зсу адтасу рог̇зсу згамби асамбадижчид̇ваа саб̣б̣з бадиб̣ааханд̇и, хздтаа вуд̇д̇зсу жа д̇ийсу гаммараасийсу д̇ийсу вибаагараасийсу жад̇уусу жзд̇анаараасийсу згамби асамбадижчид̇ваа саб̣б̣зби бадиб̣ааханд̇и.
Issaranimmānahetūti issaranimmānakāraṇā, issarena nimmitattā paṭisaṃvedetīti attho. Ayaṃ hi tesaṃ adhippāyo – imā tisso vedanā paccuppanne attanā katamūlakena vā āṇattimūlakena vā pubbekatena vā ahetuapaccayā vā paṭisaṃvedituṃ nāma na sakkā, issaranimmānakāraṇāyeva pana imā paṭisaṃvedetīti. Evaṃvādino panete heṭṭhā vuttesu aṭṭhasu rogesu ekampi asampaṭicchitvā sabbe paṭibāhanti, heṭṭhā vuttesu ca tīsu kammarāsīsu tīsu vipākarāsīsu catūsu cetanārāsīsu ekampi asampaṭicchitvā sabbepi paṭibāhanti.
ахзд̇уабажжаяаад̇и хзд̇ун̃жа бажжаяан̃жа винаа, агааран̣знзва бадисам̣взд̣̇зд̇ийд̇и ад̇т̇о. аяан̃хи нзсам̣ ад̇хиббааяо – имаа д̇иссо взд̣̇анаа бажжуббаннз ад̇д̇анаа гад̇амуулагзна ваа аан̣ад̇д̇имуулагзна ваа буб̣б̣згад̇зна ваа иссараниммаанахзд̇унаа ваа бадисам̣взд̣̇ид̇ум̣ наама на саггаа, ахзд̇уабажжаяааязва бана имаа бадисам̣взд̣̇зд̇ийд̇и. звам̣ваад̣̇ино банзд̇з хздтаа вуд̇д̇зсу рог̇аад̣̇ийсу згамби асамбадижчид̇ваа саб̣б̣ам̣ бадиб̣ааханд̇и.
Ahetuapaccayāti hetuñca paccayañca vinā, akāraṇeneva paṭisaṃvedetīti attho. Ayañhi nesaṃ adhippāyo – imā tisso vedanā paccuppanne attanā katamūlakena vā āṇattimūlakena vā pubbekatena vā issaranimmānahetunā vā paṭisaṃvedituṃ nāma na sakkā, ahetuapaccayāyeva pana imā paṭisaṃvedetīti. Evaṃvādino panete heṭṭhā vuttesu rogādīsu ekampi asampaṭicchitvā sabbaṃ paṭibāhanti.
звам̣ сад̇т̇аа маад̇игам̣ нигкибид̇ваа ид̣̇аани д̇ам̣ вибхаж̇ид̇ваа д̣̇ассзд̇ум̣ д̇ад̇ра, бхигкавзд̇иаад̣̇имааха. д̇ад̇т̇а звам̣ вад̣̇аамийд̇и лад̣̇д̇хибад̇идтаабанад̇т̇ам̣ звам̣ вад̣̇аамийд̇и д̣̇ассзд̇и. лад̣̇д̇хин̃хи аббад̇идтаабзд̇ваа ниг̇г̇аяхамаанаа лад̣̇д̇хид̇о лад̣̇д̇хим̣ сан̇гаманд̇и, бхо г̇од̇ама, на маяам̣ буб̣б̣згад̇аваад̣̇ам̣ вад̣̇аамаад̇иаад̣̇ийни вад̣̇анд̇и. лад̣̇д̇хияаа бана бад̇идтаабид̇ааяа сан̇гамид̇ум̣ алабханд̇аа суниг̇г̇ахид̇аа хонд̇и, ид̇и нзсам̣ лад̣̇д̇хибад̇идтаабанад̇т̇ам̣ звам̣ вад̣̇аамийд̇и ааха. д̇знахааяасманд̇од̇и д̇зна хи ааяасманд̇о. гим̣ вуд̇д̇ам̣ ход̇и – яад̣̇и зд̇ам̣ сажжам̣, звам̣ санд̇з д̇зна д̇умхаагам̣ ваад̣̇зна. баан̣аад̇ибаад̇ино бхависсанд̇и буб̣б̣згад̇ахзд̇ууд̇и яз гзжи логз баан̣ам̣ ад̇ибаад̇знд̇и, саб̣б̣з д̇з буб̣б̣згад̇ахзд̇у баан̣аад̇ибаад̇ино бхависсанд̇и. гим̣гааран̣аа? на хи баан̣аад̇ибаад̇агаммам̣ ад̇д̇анаа гад̇амуулагзна на аан̣ад̇д̇имуулагзна на иссараниммаанахзд̇унаа на ахзд̇уабажжаяаа саггаа бадисам̣взд̣̇зд̇ум̣, буб̣б̣згад̇ахзд̇уязва бадисам̣взд̣̇зд̇ийд̇и аяам̣ во лад̣̇д̇хи. яат̇аа жа баан̣аад̇ибаад̇ино, звам̣ баан̣аад̇ибаад̇аа вираманд̇ааби буб̣б̣згад̇ахзд̇уязва вирамиссанд̇ийд̇и. ид̇и бхаг̇аваа д̇зсам̣язва лад̣̇д̇хим̣ г̇ахзд̇ваа д̇зсам̣ ниг̇г̇ахам̣ ааробзд̇и. иминаа наязна ад̣̇иннаад̣̇ааяинод̇иаад̣̇ийсуби яож̇анаа взд̣̇ид̇аб̣б̣аа.
Evaṃ satthā mātikaṃ nikkhipitvā idāni taṃ vibhajitvā dassetuṃ tatra, bhikkhavetiādimāha. Tattha evaṃ vadāmīti laddhipatiṭṭhāpanatthaṃ evaṃ vadāmīti dasseti. Laddhiñhi appatiṭṭhāpetvā niggayhamānā laddhito laddhiṃ saṅkamanti, bho gotama, na mayaṃ pubbekatavādaṃ vadāmātiādīni vadanti. Laddhiyā pana patiṭṭhāpitāya saṅkamituṃ alabhantā suniggahitā honti, iti nesaṃ laddhipatiṭṭhāpanatthaṃ evaṃ vadāmīti āha. Tenahāyasmantoti tena hi āyasmanto. Kiṃ vuttaṃ hoti – yadi etaṃ saccaṃ, evaṃ sante tena tumhākaṃ vādena. Pāṇātipātino bhavissanti pubbekatahetūti ye keci loke pāṇaṃ atipātenti, sabbe te pubbekatahetu pāṇātipātino bhavissanti. Kiṃkāraṇā? Na hi pāṇātipātakammaṃ attanā katamūlakena na āṇattimūlakena na issaranimmānahetunā na ahetuapaccayā sakkā paṭisaṃvedetuṃ, pubbekatahetuyeva paṭisaṃvedetīti ayaṃ vo laddhi. Yathā ca pāṇātipātino, evaṃ pāṇātipātā viramantāpi pubbekatahetuyeva viramissantīti. Iti bhagavā tesaṃyeva laddhiṃ gahetvā tesaṃ niggahaṃ āropeti. Iminā nayena adinnādāyinotiādīsupi yojanā veditabbā.
саарад̇о бажжааг̇ажчад̇анд̇и саарабхаавзна г̇ан̣ханд̇аанам̣. чанд̣̇од̇и гад̇д̇угамяад̇аачанд̣̇о. ид̣̇ам̣ ваа гаран̣ийяам̣ ид̣̇ам̣ ваа агаран̣ийяанд̇и зд̇т̇а аяам̣ ад̇хиббааяо – ид̣̇ам̣ ваа гаран̣ийяанд̇и гад̇д̇аб̣б̣асса гаран̣ад̇т̇ааяа, ид̣̇ам̣ ваа агаран̣ийяанд̇и агад̇д̇аб̣б̣асса агаран̣ад̇т̇ааяа гад̇д̇угамяад̇аа ваа бажжад̇д̇абурисагааро ваа на ход̇и. чанд̣̇авааяаамзсу ваа асанд̇зсу ‘‘ид̣̇ам̣ гад̇д̇аб̣б̣а’’нд̇иби ‘‘ид̣̇ам̣ на гад̇д̇аб̣б̣а’’нд̇иби на ход̇и. ид̇и гаран̣ийяаагаран̣ийяз ко бана сажжад̇о т̇зд̇ад̇о анубалаб̣бхияамаанзд̇и звам̣ гад̇д̇аб̣б̣з жа агад̇д̇аб̣б̣з жа бхууд̇ад̇о т̇ирад̇о абан̃н̃ааяамаанз алаб̣бхамаанз. яад̣̇и хи гад̇д̇аб̣б̣ам̣ гаад̇ум̣ агад̇д̇аб̣б̣ад̇о жа вирамид̇ум̣ лабхзяяа, гаран̣ийяаагаран̣ийяам̣ сажжад̇о т̇зд̇ад̇о убалаб̣бхзяяа. яасмаа бана убхаяамби д̇ам̣ зса нубалаб̣бхад̇и, д̇асмаа д̇ам̣ сажжад̇о т̇зд̇ад̇о на убалаб̣бхад̇и, звам̣ д̇асмим̣ жа анубалаб̣бхияамаанзд̇и ад̇т̇о. мудтассад̇ийнанд̇и надтассад̇ийнам̣ виссадтассад̇ийнам̣. анаарагкаанам̣ вихарад̇анд̇и часу д̣̇ваарзсу нираарагкаанам̣ вихаранд̇аанам̣. на ход̇и бажжад̇д̇ам̣ сахад̇хаммиго саман̣аваад̣̇од̇и звам̣ бхууд̇аанам̣ д̇умхаагам̣ ваа ан̃н̃зсам̣ ваа маяам̣ саман̣аад̇и бажжад̇д̇ам̣ сагааран̣о саман̣аваад̣̇о на ход̇и на иж̇жхад̇и. саман̣ааби хи буб̣б̣згад̇агааран̣ааязва хонд̇и, ассаман̣ааби буб̣б̣згад̇агааран̣ааязваад̇и. сахад̇хаммигод̇и сагааран̣о. ниг̇г̇ахо ход̇ийд̇и мама ниг̇г̇ахо ход̇и, д̇з бана ниг̇г̇ахид̇аа хонд̇ийд̇и.
Sāratopaccāgacchatanti sārabhāvena gaṇhantānaṃ. Chandoti kattukamyatāchando. Idaṃ vā karaṇīyaṃidaṃ vā akaraṇīyanti ettha ayaṃ adhippāyo – idaṃ vā karaṇīyanti kattabbassa karaṇatthāya, idaṃ vā akaraṇīyanti akattabbassa akaraṇatthāya kattukamyatā vā paccattapurisakāro vā na hoti. Chandavāyāmesu vā asantesu ‘‘idaṃ kattabba’’ntipi ‘‘idaṃ na kattabba’’ntipi na hoti. Iti karaṇīyākaraṇīye kho pana saccato thetato anupalabbhiyamāneti evaṃ kattabbe ca akattabbe ca bhūtato thirato apaññāyamāne alabbhamāne. Yadi hi kattabbaṃ kātuṃ akattabbato ca viramituṃ labheyya, karaṇīyākaraṇīyaṃ saccato thetato upalabbheyya. Yasmā pana ubhayampi taṃ esa nupalabbhati, tasmā taṃ saccato thetato na upalabbhati, evaṃ tasmiṃ ca anupalabbhiyamāneti attho. Muṭṭhassatīnanti naṭṭhassatīnaṃ vissaṭṭhassatīnaṃ. Anārakkhānaṃ viharatanti chasu dvāresu nirārakkhānaṃ viharantānaṃ. Na hoti paccattaṃ sahadhammiko samaṇavādoti evaṃ bhūtānaṃ tumhākaṃ vā aññesaṃ vā mayaṃ samaṇāti paccattaṃ sakāraṇo samaṇavādo na hoti na ijjhati. Samaṇāpi hi pubbekatakāraṇāyeva honti, assamaṇāpi pubbekatakāraṇāyevāti. Sahadhammikoti sakāraṇo. Niggahohotīti mama niggaho hoti, te pana niggahitā hontīti.
звам̣ буб̣б̣згад̇аваад̣̇ино ниг̇г̇ахзд̇ваа ид̣̇аани иссараниммаанаваад̣̇ино ниг̇г̇ахзд̇ум̣ д̇ад̇ра, бхигкавзд̇иаад̣̇имааха. д̇ассад̇т̇о буб̣б̣згад̇аваад̣̇з вуд̇д̇анаязнзва взд̣̇ид̇аб̣б̣о, д̇ат̇аа ахзд̇угаваад̣̇зби.
Evaṃ pubbekatavādino niggahetvā idāni issaranimmānavādino niggahetuṃ tatra, bhikkhavetiādimāha. Tassattho pubbekatavāde vuttanayeneva veditabbo, tathā ahetukavādepi.
звам̣ имзсам̣ д̇ид̇т̇ааяад̇анаанам̣ барамби г̇анд̇ваа агирияааяа сан̣таханабхаавзна д̇ужчабхаавам̣ анияяаанигабхаавам̣, асаарабхаавзна т̇усагодданасад̣̇исад̇ам̣ аабаж̇ж̇анабхаавзна аг̇г̇исан̃н̃ааяа д̇хамамаанакаж̇ж̇убанагасаригкад̇ам̣ д̇ам̣д̣̇идтигаанам̣ буримассаби маж̇жхимассаби бажчимассаби ад̇т̇ад̣̇ассанад̇ааяа абхаавзна анд̇хавзн̣уубамад̇ам̣ сад̣̇д̣̇амад̇д̇знзва д̇аани г̇ахзд̇ваа саарад̣̇идтигаанам̣ бат̇авияам̣ бад̇ид̇асса б̣злувабаггасса д̣̇ад̣̇д̣̇абхааяид̇асад̣̇д̣̇ам̣ суд̇ваа ‘‘бат̇авий сам̣ваддамаанаа ааг̇ажчад̇ий’’д̇и сан̃н̃ааяа балааяанд̇зна сасагзна саригкабхааван̃жа д̣̇ассзд̇ваа ид̣̇аани ад̇д̇анаа д̣̇зсид̇асса д̇хаммасса саарабхааван̃жзва нияяаанигабхааван̃жа д̣̇ассзд̇ум̣ аяам̣ ко бана, бхигкавзд̇иаад̣̇имааха. д̇ад̇т̇а аниг̇г̇ахид̇од̇и ан̃н̃зхи аниг̇г̇ахид̇о ниг̇г̇ахзд̇ум̣ асаггун̣зяяо. асам̣гилидтод̇и ниггилзсо барисуд̣̇д̇хо, ‘‘сам̣гилидтам̣ нам̣ гариссаамаа’’д̇и бавад̇д̇зхиби д̇ат̇аа гаад̇ум̣ асаггун̣зяяо. анубаваж̇ж̇од̇и убаваад̣̇авинимуд̇д̇о. аббадигудтод̇и ‘‘гим̣ иминаа харат̇а на’’нд̇и звам̣ аббадиб̣аахид̇о , анубаггудто ваа. вин̃н̃уухийд̇и бан̣д̣ид̇зхи. абан̣д̣ид̇аанан̃хи аж̇аанид̇ваа гат̇знд̇аанам̣ важанам̣ аббамаан̣ам̣. д̇асмаа вин̃н̃уухийд̇и ааха.
Evaṃ imesaṃ titthāyatanānaṃ parampi gantvā akiriyāya saṇṭhahanabhāvena tucchabhāvaṃ aniyyānikabhāvaṃ, asārabhāvena thusakoṭṭanasadisataṃ āpajjanabhāvena aggisaññāya dhamamānakhajjupanakasarikkhataṃ taṃdiṭṭhikānaṃ purimassapi majjhimassapi pacchimassapi atthadassanatāya abhāvena andhaveṇūpamataṃ saddamatteneva tāni gahetvā sāradiṭṭhikānaṃ pathaviyaṃ patitassa beluvapakkassa daddabhāyitasaddaṃ sutvā ‘‘pathavī saṃvaṭṭamānā āgacchatī’’ti saññāya palāyantena sasakena sarikkhabhāvañca dassetvā idāni attanā desitassa dhammassa sārabhāvañceva niyyānikabhāvañca dassetuṃ ayaṃkho pana, bhikkhavetiādimāha. Tattha aniggahitoti aññehi aniggahito niggahetuṃ asakkuṇeyyo. Asaṃkiliṭṭhoti nikkileso parisuddho, ‘‘saṃkiliṭṭhaṃ naṃ karissāmā’’ti pavattehipi tathā kātuṃ asakkuṇeyyo. Anupavajjoti upavādavinimutto. Appaṭikuṭṭhoti ‘‘kiṃ iminā haratha na’’nti evaṃ appaṭibāhito , anupakkuṭṭho vā. Viññūhīti paṇḍitehi. Apaṇḍitānañhi ajānitvā kathentānaṃ vacanaṃ appamāṇaṃ. Tasmā viññūhīti āha.
ид̣̇аани д̇асса д̇хаммасса д̣̇ассанад̇т̇ам̣ ‘‘гад̇амо жа, бхигкавз’’д̇и бан̃хам̣ бужчид̇ваа ‘‘имаа ча д̇хаад̇уяо’’д̇иаад̣̇инаа наязна маад̇игам̣ нигкибид̇ваа яат̇аабадибаадияаа вибхаж̇ид̇ваа д̣̇ассзнд̇о буна имаа ча д̇хаад̇уяод̇иаад̣̇имааха. д̇ад̇т̇а д̇хаад̇уяод̇и сабхааваа. ниж̇ж̇ийваниссад̇д̇абхааваббагаасаго хи сабхаавадто д̇хаад̇вадто наама. пассааяад̇анаанийд̇и вибаагапассаанам̣ аагарадтзна ааяад̇анаани. манобавижаараад̇и вид̇аггавижаарабаад̣̇зхи адтаарасасу таанзсу манасса убавижаараа.
Idāni tassa dhammassa dassanatthaṃ ‘‘katamo ca, bhikkhave’’ti pañhaṃ pucchitvā ‘‘imā cha dhātuyo’’tiādinā nayena mātikaṃ nikkhipitvā yathāpaṭipāṭiyā vibhajitvā dassento puna imā cha dhātuyotiādimāha. Tattha dhātuyoti sabhāvā. Nijjīvanissattabhāvappakāsako hi sabhāvaṭṭho dhātvaṭṭho nāma. Phassāyatanānīti vipākaphassānaṃ ākaraṭṭhena āyatanāni. Manopavicārāti vitakkavicārapādehi aṭṭhārasasu ṭhānesu manassa upavicārā.
бат̇авийд̇хаад̇ууд̇и бад̇идтаад̇хаад̇у. аабод̇хаад̇ууд̇и ааб̣анд̇ханад̇хаад̇у. д̇зж̇од̇хаад̇ууд̇и барибаажанад̇хаад̇у. вааяод̇хаад̇ууд̇и вид̇т̇амбханад̇хаад̇у. аагаасад̇хаад̇ууд̇и асампудтад̇хаад̇у. вин̃н̃аан̣ад̇хаад̇ууд̇и виж̇аананад̇хаад̇у. звамид̣̇ам̣ д̇хаад̇угаммадтаанам̣ ааг̇ад̇ам̣. д̇ам̣ ко банзд̇ам̣ сан̇кзбад̇о ааг̇ад̇адтаанз сан̇кзбад̇оби вид̇т̇аарад̇оби гат̇зд̇ум̣ ваддад̇и. вид̇т̇аарад̇о ааг̇ад̇адтаанз сан̇кзбад̇о гат̇зд̇ум̣ на ваддад̇и, вид̇т̇аарад̇ова ваддад̇и. имасмим̣ бана д̇ид̇т̇ааяад̇анасуд̇д̇з ид̣̇ам̣ сан̇кзбад̇о чад̇хаад̇увасзна гаммадтаанам̣ ааг̇ад̇ам̣. д̇ам̣ убхаяат̇ааби гат̇зд̇ум̣ ваддад̇и.
Pathavīdhātūti patiṭṭhādhātu. Āpodhātūti ābandhanadhātu. Tejodhātūti paripācanadhātu. Vāyodhātūti vitthambhanadhātu. Ākāsadhātūti asamphuṭṭhadhātu. Viññāṇadhātūti vijānanadhātu. Evamidaṃ dhātukammaṭṭhānaṃ āgataṃ. Taṃ kho panetaṃ saṅkhepato āgataṭṭhāne saṅkhepatopi vitthāratopi kathetuṃ vaṭṭati. Vitthārato āgataṭṭhāne saṅkhepato kathetuṃ na vaṭṭati, vitthāratova vaṭṭati. Imasmiṃ pana titthāyatanasutte idaṃ saṅkhepato chadhātuvasena kammaṭṭhānaṃ āgataṃ. Taṃ ubhayathāpi kathetuṃ vaṭṭati.
сан̇кзбад̇о чад̇хаад̇увасзна гаммадтаанам̣ бариг̇г̇ан̣ханд̇оби звам̣ бариг̇г̇ан̣хаад̇и – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇ууд̇и имаани жад̇д̇аари махаабхууд̇аани, аагаасад̇хаад̇у убаад̣̇ааруубам̣. згасмим̣ жа убаад̣̇ааруубз д̣̇идтз сзсаани д̇звийсад̇и д̣̇идтаанзваад̇и саллагкзд̇аб̣б̣аани. вин̃н̃аан̣ад̇хаад̇ууд̇и жид̇д̇ам̣ вин̃н̃аан̣агканд̇хо ход̇и, д̇зна сахаж̇аад̇аа взд̣̇анаа взд̣̇анаагканд̇хо, сан̃н̃аа сан̃н̃аагканд̇хо, пассо жа жзд̇анаа жа сан̇каарагканд̇ход̇и имз жад̇д̇ааро аруубагканд̇хаа наама. жад̇д̇аари бана махаабхууд̇аани жад̇уннан̃жа махаабхууд̇аанам̣ убаад̣̇ааруубам̣ руубагканд̇хо наама. д̇ад̇т̇а жад̇д̇ааро аруубагканд̇хаа наамам̣, руубагканд̇хо руубанд̇и нааман̃жа руубан̃жаад̇и д̣̇взязва д̇хаммаа хонд̇и, д̇ад̇о уд̣̇д̇хам̣ сад̇д̇о ваа ж̇ийво ваа над̇т̇ийд̇и звам̣ згасса бхигкуно сан̇кзбад̇о чад̇хаад̇увасзна арахад̇д̇асамбаабагам̣ гаммадтаанам̣ взд̣̇ид̇аб̣б̣ам̣.
Saṅkhepato chadhātuvasena kammaṭṭhānaṃ pariggaṇhantopi evaṃ pariggaṇhāti – pathavīdhātu āpodhātu tejodhātu vāyodhātūti imāni cattāri mahābhūtāni, ākāsadhātu upādārūpaṃ. Ekasmiṃ ca upādārūpe diṭṭhe sesāni tevīsati diṭṭhānevāti sallakkhetabbāni. Viññāṇadhātūti cittaṃ viññāṇakkhandho hoti, tena sahajātā vedanā vedanākkhandho, saññā saññākkhandho, phasso ca cetanā ca saṅkhārakkhandhoti ime cattāro arūpakkhandhā nāma. Cattāri pana mahābhūtāni catunnañca mahābhūtānaṃ upādārūpaṃ rūpakkhandho nāma. Tattha cattāro arūpakkhandhā nāmaṃ, rūpakkhandho rūpanti nāmañca rūpañcāti dveyeva dhammā honti, tato uddhaṃ satto vā jīvo vā natthīti evaṃ ekassa bhikkhuno saṅkhepato chadhātuvasena arahattasampāpakaṃ kammaṭṭhānaṃ veditabbaṃ.
вид̇т̇аарад̇о бариг̇г̇ан̣ханд̇о бана жад̇д̇аари махаабхууд̇аани бариг̇г̇ан̣хид̇ваа аагаасад̇хаад̇убариг̇г̇ахаанусаарзна д̇звийсад̇и убаад̣̇ааруубаани бариг̇г̇ан̣хаад̇и. ат̇а нзсам̣ бажжаяам̣ убабаригканд̇о буна жад̇д̇аарзва махаабхууд̇аани д̣̇исваа д̇зсу бат̇авийд̇хаад̇у вийсад̇игодтаасаа, аабод̇хаад̇у д̣̇ваад̣̇аса, д̇зж̇од̇хаад̇у жад̇д̇ааро, вааяод̇хаад̇у чагодтаасаад̇и годтаасавасзна самод̇хаанзд̇ваа д̣̇ваажад̇д̇аалийса махаабхууд̇аани жа вавад̇т̇абзд̇ваа д̇зсу д̇звийсад̇и убаад̣̇ааруубаани багкибид̇ваа бан̃жасадти руубаани вавад̇т̇абзд̇и. д̇аани жа вад̇т̇уруубзна сад̣̇д̇хим̣ часадти хонд̇ийд̇и часадти руубаани бассад̇и. вин̃н̃аан̣ад̇хаад̇у бана логияажид̇д̇авасзна згаасийд̇и жид̇д̇аани. д̇аани саб̣б̣ааниби вин̃н̃аан̣агканд̇хо наама ход̇и. д̇зхи сахаж̇аад̇аа взд̣̇анаад̣̇аяоби д̇ад̇д̇агааязваад̇и згаасийд̇и взд̣̇анаа взд̣̇анаагканд̇хо, згаасийд̇и сан̃н̃аа сан̃н̃аагканд̇хо, згаасийд̇и жзд̇анаа сан̇каарагканд̇ход̇и имз жад̇д̇ааро аруубагканд̇хаа д̇збхуумагавасзна г̇аяхамаанаа жад̇увийсаад̇хигаани д̇ийн̣и д̇хаммасад̇аани хонд̇ийд̇и ид̇и имз жа аруубад̇хаммаа часадти жа руубад̇хаммаад̇и саб̣б̣зби самод̇хаанзд̇ваа нааман̃жа руубан̃жаад̇и д̣̇взва д̇хаммаа хонд̇и, д̇ад̇о уд̣̇д̇хам̣ сад̇д̇о ваа ж̇ийво ваа над̇т̇ийд̇и наамаруубавасзна бан̃жагканд̇хз вавад̇т̇абзд̇ваа д̇зсам̣ бажжаяам̣ бариязсанд̇о авиж̇ж̇аабажжаяаа д̇ан̣хаабажжаяаа гаммабажжаяаа аахаарабажжаяаад̇и звам̣ бажжаяам̣ д̣̇исваа ‘‘ад̇ийд̇зби имзхи бажжаязхи ид̣̇ам̣ ваддам̣ бавад̇д̇ид̇т̇а, анааг̇ад̇зби зд̇зхи бажжаязхи бавад̇д̇иссад̇и, зд̇арахиби зд̇зхиязва бавад̇д̇ад̇ий’’д̇и д̇ийсу гаалзсу ган̇кам̣ вид̇арид̇ваа ануггамзна бадибаж̇ж̇амаано арахад̇д̇ам̣ баабун̣аад̇и. звам̣ вид̇т̇аарад̇оби чад̇хаад̇увасзна арахад̇д̇асамбаабагам̣ гаммадтаанам̣ взд̣̇ид̇аб̣б̣ам̣.
Vitthārato pariggaṇhanto pana cattāri mahābhūtāni pariggaṇhitvā ākāsadhātupariggahānusārena tevīsati upādārūpāni pariggaṇhāti. Atha nesaṃ paccayaṃ upaparikkhanto puna cattāreva mahābhūtāni disvā tesu pathavīdhātu vīsatikoṭṭhāsā, āpodhātu dvādasa, tejodhātu cattāro, vāyodhātu chakoṭṭhāsāti koṭṭhāsavasena samodhānetvā dvācattālīsa mahābhūtāni ca vavatthapetvā tesu tevīsati upādārūpāni pakkhipitvā pañcasaṭṭhi rūpāni vavatthapeti. Tāni ca vatthurūpena saddhiṃ chasaṭṭhi hontīti chasaṭṭhi rūpāni passati. Viññāṇadhātu pana lokiyacittavasena ekāsīti cittāni. Tāni sabbānipi viññāṇakkhandho nāma hoti. Tehi sahajātā vedanādayopi tattakāyevāti ekāsīti vedanā vedanākkhandho, ekāsīti saññā saññākkhandho, ekāsīti cetanā saṅkhārakkhandhoti ime cattāro arūpakkhandhā tebhūmakavasena gayhamānā catuvīsādhikāni tīṇi dhammasatāni hontīti iti ime ca arūpadhammā chasaṭṭhi ca rūpadhammāti sabbepi samodhānetvā nāmañca rūpañcāti dveva dhammā honti, tato uddhaṃ satto vā jīvo vā natthīti nāmarūpavasena pañcakkhandhe vavatthapetvā tesaṃ paccayaṃ pariyesanto avijjāpaccayā taṇhāpaccayā kammapaccayā āhārapaccayāti evaṃ paccayaṃ disvā ‘‘atītepi imehi paccayehi idaṃ vaṭṭaṃ pavattittha, anāgatepi etehi paccayehi pavattissati, etarahipi etehiyeva pavattatī’’ti tīsu kālesu kaṅkhaṃ vitaritvā anukkamena paṭipajjamāno arahattaṃ pāpuṇāti. Evaṃ vitthāratopi chadhātuvasena arahattasampāpakaṃ kammaṭṭhānaṃ veditabbaṃ.
жагку пассааяад̇ананд̇и суван̣н̣аад̣̇ийнам̣ суван̣н̣аад̣̇иаагаро вияа д̣̇вз жагкувин̃н̃аан̣аани д̣̇вз самбадижчанаани д̇ийн̣и санд̇ийран̣аанийд̇и имзхи сад̇д̇ахи вин̃н̃аан̣зхи сахаж̇аад̇аанам̣ сад̇д̇аннам̣ пассаанам̣ самудтаанадтзна аагарод̇и ааяад̇анам̣. сод̇ам̣ пассааяад̇ананд̇иаад̣̇ийсуби зсзва наяо. мано пассааяад̇ананд̇и зд̇т̇а бана д̣̇ваавийсад̇и вибаагапассаа яож̇зд̇аб̣б̣аа. ид̇и хид̣̇ам̣ чапассааяад̇анаанам̣ васзна гаммадтаанам̣ ааг̇ад̇ам̣. д̇ам̣ сан̇кзбад̇оби вид̇т̇аарад̇оби гат̇зд̇аб̣б̣ам̣. сан̇кзбад̇о д̇аава – зд̇т̇а хи буримаани бан̃жа ааяад̇анаани убаад̣̇ааруубам̣, д̇зсу д̣̇идтзсу авасзсам̣ убаад̣̇ааруубам̣ д̣̇идтамзва ход̇и. чадтам̣ ааяад̇анам̣ жид̇д̇ам̣, д̇ам̣ вин̃н̃аан̣агканд̇хо ход̇и, д̇зна сахаж̇аад̇аа взд̣̇анаад̣̇аяо сзсаа д̇аяо аруубагканд̇хаад̇и хздтаа вуд̇д̇анаязнзва сан̇кзбад̇о жа вид̇т̇аарад̇о жа арахад̇д̇асамбаабагам̣ гаммадтаанам̣ взд̣̇ид̇аб̣б̣ам̣.
Cakkhu phassāyatananti suvaṇṇādīnaṃ suvaṇṇādiākaro viya dve cakkhuviññāṇāni dve sampaṭicchanāni tīṇi santīraṇānīti imehi sattahi viññāṇehi sahajātānaṃ sattannaṃ phassānaṃ samuṭṭhānaṭṭhena ākaroti āyatanaṃ. Sotaṃ phassāyatanantiādīsupi eseva nayo. Mano phassāyatananti ettha pana dvāvīsati vipākaphassā yojetabbā. Iti hidaṃ chaphassāyatanānaṃ vasena kammaṭṭhānaṃ āgataṃ. Taṃ saṅkhepatopi vitthāratopi kathetabbaṃ. Saṅkhepato tāva – ettha hi purimāni pañca āyatanāni upādārūpaṃ, tesu diṭṭhesu avasesaṃ upādārūpaṃ diṭṭhameva hoti. Chaṭṭhaṃ āyatanaṃ cittaṃ, taṃ viññāṇakkhandho hoti, tena sahajātā vedanādayo sesā tayo arūpakkhandhāti heṭṭhā vuttanayeneva saṅkhepato ca vitthārato ca arahattasampāpakaṃ kammaṭṭhānaṃ veditabbaṃ.
жагкунаа руубам̣ д̣̇исваад̇и жагкувин̃н̃аан̣зна руубам̣ бассид̇ваа. соманассадтаанияанд̇и соманассасса гааран̣абхууд̇ам̣. убавижарад̇ийд̇и д̇ад̇т̇а манам̣ жаарзнд̇о убавижарад̇и. сзсабад̣̇зсуби зсзва наяо . зд̇т̇а жа идтам̣ ваа ход̇у анидтам̣ ваа, яам̣ руубам̣ д̣̇исваа соманассам̣ уббаж̇ж̇ад̇и, д̇ам̣ соманассадтаанияам̣ наама. яам̣ д̣̇исваа д̣̇оманассам̣ уббаж̇ж̇ад̇и, д̇ам̣ д̣̇оманассадтаанияам̣ наама. яам̣ д̣̇исваа убзгкаа уббаж̇ж̇ад̇и, д̇ам̣ убзгкаадтаанияам̣ наамаад̇и взд̣̇ид̇аб̣б̣ам̣. сад̣̇д̣̇аад̣̇ийсуби зсзва наяо. ид̇и ид̣̇ам̣ сан̇кзбад̇о гаммадтаанам̣ ааг̇ад̇ам̣. д̇ам̣ ко банзд̇ам̣ сан̇кзбад̇о ааг̇ад̇адтаанз сан̇кзбад̇оби вид̇т̇аарад̇оби гат̇зд̇ум̣ ваддад̇и. вид̇т̇аарад̇о ааг̇ад̇адтаанз сан̇кзбад̇о гат̇зд̇ум̣ на ваддад̇и. имасмим̣ бана д̇ид̇т̇ааяад̇анасуд̇д̇з ид̣̇ам̣ сан̇кзбад̇о адтаарасаманобавижааравасзна гаммадтаанам̣ ааг̇ад̇ам̣. д̇ам̣ сан̇кзбад̇оби вид̇т̇аарад̇оби гат̇зд̇ум̣ ваддад̇и.
Cakkhunā rūpaṃ disvāti cakkhuviññāṇena rūpaṃ passitvā. Somanassaṭṭhāniyanti somanassassa kāraṇabhūtaṃ. Upavicaratīti tattha manaṃ cārento upavicarati. Sesapadesupi eseva nayo . Ettha ca iṭṭhaṃ vā hotu aniṭṭhaṃ vā, yaṃ rūpaṃ disvā somanassaṃ uppajjati, taṃ somanassaṭṭhāniyaṃ nāma. Yaṃ disvā domanassaṃ uppajjati, taṃ domanassaṭṭhāniyaṃ nāma. Yaṃ disvā upekkhā uppajjati, taṃ upekkhāṭṭhāniyaṃ nāmāti veditabbaṃ. Saddādīsupi eseva nayo. Iti idaṃ saṅkhepato kammaṭṭhānaṃ āgataṃ. Taṃ kho panetaṃ saṅkhepato āgataṭṭhāne saṅkhepatopi vitthāratopi kathetuṃ vaṭṭati. Vitthārato āgataṭṭhāne saṅkhepato kathetuṃ na vaṭṭati. Imasmiṃ pana titthāyatanasutte idaṃ saṅkhepato aṭṭhārasamanopavicāravasena kammaṭṭhānaṃ āgataṃ. Taṃ saṅkhepatopi vitthāratopi kathetuṃ vaṭṭati.
д̇ад̇т̇а сан̇кзбад̇о д̇аава – жагку сод̇ам̣ гхаанам̣ ж̇ивхаа гааяо, руубам̣ сад̣̇д̣̇о г̇анд̇хо расод̇и имаани нава убаад̣̇ааруубаани, д̇зсу д̣̇идтзсу сзсам̣ убаад̣̇ааруубам̣ д̣̇идтамзва ход̇и. подтаб̣б̣ам̣ д̇ийн̣и махаабхууд̇аани, д̇зхи д̣̇идтзхи жад̇уд̇т̇ам̣ д̣̇идтамзва ход̇и. мано вин̃н̃аан̣агканд̇хо, д̇зна сахаж̇аад̇аа взд̣̇анаад̣̇аяо д̇аяо аруубагканд̇хаад̇и хздтаа вуд̇д̇анаязнзва сан̇кзбад̇о жа вид̇т̇аарад̇о жа арахад̇д̇асамбаабагам̣ гаммадтаанам̣ взд̣̇ид̇аб̣б̣ам̣.
Tattha saṅkhepato tāva – cakkhu sotaṃ ghānaṃ jivhā kāyo, rūpaṃ saddo gandho rasoti imāni nava upādārūpāni, tesu diṭṭhesu sesaṃ upādārūpaṃ diṭṭhameva hoti. Phoṭṭhabbaṃ tīṇi mahābhūtāni, tehi diṭṭhehi catutthaṃ diṭṭhameva hoti. Mano viññāṇakkhandho, tena sahajātā vedanādayo tayo arūpakkhandhāti heṭṭhā vuttanayeneva saṅkhepato ca vitthārato ca arahattasampāpakaṃ kammaṭṭhānaṃ veditabbaṃ.
арияасажжаанийд̇и арияабхаавагараани, арияабадивид̣̇д̇хаани ваа сажжаани. аяамзд̇т̇а сан̇кзбо, вид̇т̇аарад̇о банзд̇ам̣ бад̣̇ам̣ висуд̣̇д̇химаг̇г̇з (висуд̣̇д̇хи. 2.529) багаасид̇ам̣. чаннам̣, бхигкавз, д̇хаад̇уунанд̇и ид̣̇ам̣ гимад̇т̇ам̣ аарад̣̇д̇хам̣? сукааваб̣од̇ханад̇т̇ам̣. яасса хи д̇ат̇ааг̇ад̇о д̣̇ваад̣̇асабад̣̇ам̣ бажжаяааваддам̣ гат̇зд̇угаамо ход̇и, д̇асса г̇аб̣бхаавагганд̇и ваддам̣ д̣̇ассзд̇и. г̇аб̣бхаавагганд̇и ваддасмим̣ хи д̣̇ассид̇з гат̇зд̇умби сукам̣ ход̇и барам̣ аваб̣од̇хз уд̇умбийд̇и сукааваб̣од̇ханад̇т̇ам̣ ид̣̇амаарад̣̇д̇ханд̇и взд̣̇ид̇аб̣б̣ам̣. д̇ад̇т̇а чаннам̣ д̇хаад̇уунанд̇и хздтаа вуд̇д̇аанам̣язва бат̇авийд̇хаад̇уаад̣̇ийнам̣. убаад̣̇ааяаад̇и бадижжа. зд̇зна бажжаяамад̇д̇ам̣ д̣̇ассзд̇и. ид̣̇ам̣ вуд̇д̇ам̣ ход̇и ‘‘чад̇хаад̇убажжаяаа г̇аб̣бхассаавагганд̇и ход̇ий’’д̇и. гасса чаннам̣ д̇хаад̇уунам̣ бажжаязна, гим̣ маад̇у, уд̣̇ааху бид̇ууд̇и? на маад̇у на бид̇у, бадисанд̇хиг̇г̇ан̣ханагасад̇д̇ассзва бана чаннам̣ д̇хаад̇уунам̣ бажжаязна г̇аб̣бхассаавагганд̇и наама ход̇и. г̇аб̣бхо жа наамзса нираяаг̇аб̣бхо д̇иражчаанаяониг̇аб̣бхо бзд̇д̇ивисаяаг̇аб̣бхо мануссаг̇аб̣бхо д̣̇зваг̇аб̣бход̇и наанаббагааро ход̇и. имасмим̣ бана таанз мануссаг̇аб̣бхо ад̇хиббзд̇о. авагганд̇и ход̇ийд̇и огганд̇и ниб̣б̣ад̇д̇и баад̇убхааво ход̇и, гат̇ам̣ ход̇ийд̇и? д̇ин̣н̣ам̣ саннибаад̇зна. вуд̇д̇ан̃хзд̇ам̣ –
Ariyasaccānīti ariyabhāvakarāni, ariyapaṭividdhāni vā saccāni. Ayamettha saṅkhepo, vitthārato panetaṃ padaṃ visuddhimagge (visuddhi. 2.529) pakāsitaṃ. Channaṃ, bhikkhave, dhātūnanti idaṃ kimatthaṃ āraddhaṃ? Sukhāvabodhanatthaṃ. Yassa hi tathāgato dvādasapadaṃ paccayāvaṭṭaṃ kathetukāmo hoti, tassa gabbhāvakkanti vaṭṭaṃ dasseti. Gabbhāvakkanti vaṭṭasmiṃ hi dassite kathetumpi sukhaṃ hoti paraṃ avabodhe utumpīti sukhāvabodhanatthaṃ idamāraddhanti veditabbaṃ. Tattha channaṃ dhātūnanti heṭṭhā vuttānaṃyeva pathavīdhātuādīnaṃ. Upādāyāti paṭicca. Etena paccayamattaṃ dasseti. Idaṃ vuttaṃ hoti ‘‘chadhātupaccayā gabbhassāvakkanti hotī’’ti. Kassa channaṃ dhātūnaṃ paccayena, kiṃ mātu, udāhu pitūti? Na mātu na pitu, paṭisandhiggaṇhanakasattasseva pana channaṃ dhātūnaṃ paccayena gabbhassāvakkanti nāma hoti. Gabbho ca nāmesa nirayagabbho tiracchānayonigabbho pettivisayagabbho manussagabbho devagabbhoti nānappakāro hoti. Imasmiṃ pana ṭhāne manussagabbho adhippeto. Avakkanti hotīti okkanti nibbatti pātubhāvo hoti, kathaṃ hotīti? Tiṇṇaṃ sannipātena. Vuttañhetaṃ –
‘‘д̇ин̣н̣ам̣ ко бана, бхигкавз, саннибаад̇аа г̇аб̣бхассаавагганд̇и ход̇и. гад̇амзсам̣ д̇ин̣н̣ам̣ ? ид̇ха маад̇аабид̇аро жа саннибад̇ид̇аа хонд̇и, маад̇аа жа на уд̇уний ход̇и, г̇анд̇хаб̣б̣о жа на бажжубадтид̇о ход̇и. нзва д̇аава г̇аб̣бхассаавагганд̇и ход̇и. ид̇ха маад̇аабид̇аро жа саннибад̇ид̇аа хонд̇и, маад̇аа жа уд̇уний ход̇и, г̇анд̇хаб̣б̣о жа на бажжубадтид̇о ход̇и, нзва д̇аава г̇аб̣бхассаавагганд̇и ход̇и. яад̇о жа ко, бхигкавз, маад̇аабид̇аро жа саннибад̇ид̇аа хонд̇и, маад̇аа жа уд̇уний ход̇и, г̇анд̇хаб̣б̣о жа бажжубадтид̇о ход̇и. звам̣ д̇ин̣н̣ам̣ саннибаад̇аа г̇аб̣бхассаавагганд̇и ход̇ий’’д̇и (ма. ни. 1.408).
‘‘Tiṇṇaṃ kho pana, bhikkhave, sannipātā gabbhassāvakkanti hoti. Katamesaṃ tiṇṇaṃ ? Idha mātāpitaro ca sannipatitā honti, mātā ca na utunī hoti, gandhabbo ca na paccupaṭṭhito hoti. Neva tāva gabbhassāvakkanti hoti. Idha mātāpitaro ca sannipatitā honti, mātā ca utunī hoti, gandhabbo ca na paccupaṭṭhito hoti, neva tāva gabbhassāvakkanti hoti. Yato ca kho, bhikkhave, mātāpitaro ca sannipatitā honti, mātā ca utunī hoti, gandhabbo ca paccupaṭṭhito hoti. Evaṃ tiṇṇaṃ sannipātā gabbhassāvakkanti hotī’’ti (ma. ni. 1.408).
огганд̇ияаа сад̇и наамаруубанд̇и ‘‘вин̃н̃аан̣абажжаяаа наамарууба’’нд̇и вуд̇д̇адтаанз вад̇т̇уд̣̇асагам̣ гааяад̣̇асагам̣ бхаавад̣̇асагам̣ д̇аяо аруубино канд̇хаад̇и д̇зд̇д̇им̣са д̇хаммаа г̇ахид̇аа, имасмим̣ бана ‘‘огганд̇ияаа сад̇и наамарууба’’нд̇и вуд̇д̇адтаанз вин̃н̃аан̣агканд̇хамби багкибид̇ваа г̇аб̣бхасзяяагаанам̣ бадисанд̇хигкан̣з жад̇уд̇д̇им̣са д̇хаммаа г̇ахид̇аад̇и взд̣̇ид̇аб̣б̣аа. наамаруубабажжаяаа сал̣ааяад̇ананд̇иаад̣̇ийхи яат̇зва огганд̇ияаа сад̇и наамаруубабаад̇убхааво д̣̇ассид̇о, звам̣ наамаруубз сад̇и сал̣ааяад̇анабаад̇убхааво, сал̣ааяад̇анз сад̇и пассабаад̇убхааво, пассз сад̇и взд̣̇анаабаад̇убхааво д̣̇ассид̇о.
Okkantiyāsati nāmarūpanti ‘‘viññāṇapaccayā nāmarūpa’’nti vuttaṭṭhāne vatthudasakaṃ kāyadasakaṃ bhāvadasakaṃ tayo arūpino khandhāti tettiṃsa dhammā gahitā, imasmiṃ pana ‘‘okkantiyā sati nāmarūpa’’nti vuttaṭṭhāne viññāṇakkhandhampi pakkhipitvā gabbhaseyyakānaṃ paṭisandhikkhaṇe catuttiṃsa dhammā gahitāti veditabbā. Nāmarūpapaccayā saḷāyatanantiādīhi yatheva okkantiyā sati nāmarūpapātubhāvo dassito, evaṃ nāmarūpe sati saḷāyatanapātubhāvo, saḷāyatane sati phassapātubhāvo, phasse sati vedanāpātubhāvo dassito.
взд̣̇ияамаанассаад̇и зд̇т̇а взд̣̇анам̣ анубхаванд̇оби взд̣̇ияамаанод̇и вужжад̇и ж̇аананд̇оби. ‘‘взд̣̇ияаамахам̣, бханд̇з, взд̣̇ияад̇ийд̇и мам̣ сан̇гхо д̇хаарзд̇уу’’д̇и (жуул̣ава. адта. 102) зд̇т̇а хи анубхаванд̇о взд̣̇ияамаано наама, ‘‘сукам̣ взд̣̇анам̣ взд̣̇ияамаано сукам̣ взд̣̇анам̣ взд̣̇ияаамийд̇и баж̇аанаад̇ий’’д̇и (ма. ни. 1.113; д̣̇ий. ни. 2.380; вибха. 363) зд̇т̇а ж̇аананд̇о. ид̇хааби ж̇аананд̇ова ад̇хиббзд̇о. ид̣̇ам̣ д̣̇угканд̇и бан̃н̃абзмийд̇и звам̣ ж̇аананд̇асса сад̇д̇асса ‘‘ид̣̇ам̣ д̣̇угкам̣ зд̇д̇агам̣ д̣̇угкам̣, над̇т̇и ид̇о уд̣̇д̇хам̣ д̣̇угка’’нд̇и бан̃н̃абзми б̣од̇хзми ж̇аанаабзми. аяам̣ д̣̇угкасамуд̣̇аяод̇иаад̣̇ийсуби зсзва наяо.
Vediyamānassāti ettha vedanaṃ anubhavantopi vediyamānoti vuccati jānantopi. ‘‘Vediyāmahaṃ, bhante, vediyatīti maṃ saṅgho dhāretū’’ti (cūḷava. aṭṭha. 102) ettha hi anubhavanto vediyamāno nāma, ‘‘sukhaṃ vedanaṃ vediyamāno sukhaṃ vedanaṃ vediyāmīti pajānātī’’ti (ma. ni. 1.113; dī. ni. 2.380; vibha. 363) ettha jānanto. Idhāpi jānantova adhippeto. Idaṃ dukkhanti paññapemīti evaṃ jānantassa sattassa ‘‘idaṃ dukkhaṃ ettakaṃ dukkhaṃ, natthi ito uddhaṃ dukkha’’nti paññapemi bodhemi jānāpemi. Ayaṃ dukkhasamudayotiādīsupi eseva nayo.
д̇ад̇т̇а д̣̇угкаад̣̇ийсу аяам̣ саннидтаанагат̇аа – табзд̇ваа хи д̇ан̣хам̣ д̇збхуумагаа бан̃жагканд̇хаа д̣̇угкам̣ наама, д̇ассзва бабхаавигаа буб̣б̣ад̇ан̣хаа д̣̇угкасамуд̣̇аяо наама, д̇зсам̣ д̣̇виннамби сажжаанам̣ ануббад̇д̇инирод̇хо д̣̇угканирод̇хо наама, арияо адтан̇г̇иго маг̇г̇о д̣̇угканирод̇хаг̇ааминий бадибад̣̇аа наама. ид̇и бхаг̇аваа огганд̇ияаа сад̇и наамаруубанд̇и гат̇знд̇оби взд̣̇ияамаанасса ж̇аанамаанассзва гат̇зси, наамаруубабажжаяаа сал̣ааяад̇ананд̇и гат̇знд̇оби, сал̣ааяад̇анабажжаяаа пассод̇и гат̇знд̇оби, пассабажжаяаа взд̣̇анаад̇и гат̇знд̇оби, взд̣̇ияамаанасса ко банаахам̣, бхигкавз, ид̣̇ам̣ д̣̇угканд̇и бан̃н̃абзмийд̇и гат̇знд̇оби , аяам̣ д̣̇угкасамуд̣̇аяод̇и, аяам̣ д̣̇угканирод̇ход̇и, аяам̣ д̣̇угканирод̇хаг̇ааминий бадибад̣̇аад̇и бан̃н̃абзмийд̇и гат̇знд̇оби взд̣̇ияамаанасса ж̇аанамаанассзва гат̇зси.
Tattha dukkhādīsu ayaṃ sanniṭṭhānakathā – ṭhapetvā hi taṇhaṃ tebhūmakā pañcakkhandhā dukkhaṃ nāma, tasseva pabhāvikā pubbataṇhā dukkhasamudayo nāma, tesaṃ dvinnampi saccānaṃ anuppattinirodho dukkhanirodho nāma, ariyo aṭṭhaṅgiko maggo dukkhanirodhagāminī paṭipadā nāma. Iti bhagavā okkantiyā sati nāmarūpanti kathentopi vediyamānassa jānamānasseva kathesi, nāmarūpapaccayā saḷāyatananti kathentopi, saḷāyatanapaccayā phassoti kathentopi, phassapaccayā vedanāti kathentopi, vediyamānassa kho panāhaṃ, bhikkhave, idaṃ dukkhanti paññapemīti kathentopi , ayaṃ dukkhasamudayoti, ayaṃ dukkhanirodhoti, ayaṃ dukkhanirodhagāminī paṭipadāti paññapemīti kathentopi vediyamānassa jānamānasseva kathesi.
ид̣̇аани д̇аани бадибаадияаа табид̇аани сажжаани вид̇т̇аарзнд̇о гад̇аман̃жа, бхигкавзд̇иаад̣̇имааха. д̇ам̣ саб̣б̣ам̣ саб̣б̣аагаарзна висуд̣̇д̇химаг̇г̇з (висуд̣̇д̇хи. 2.537) вид̇т̇аарид̇амзва. д̇ад̇т̇а вуд̇д̇анаязнзва взд̣̇ид̇аб̣б̣ам̣. аяам̣ бана висзсо – д̇ад̇т̇а ‘‘д̣̇угкасамуд̣̇аяам̣ арияасажжам̣ яааяам̣ д̇ан̣хаа боноб̣бхавигаа’’д̇и (ма. ни. 1.133; д̣̇ий. ни. 2.400; вибха. 203) имааяа д̇анд̇ияаа ааг̇ад̇ам̣, ид̇ха ‘‘авиж̇ж̇аабажжаяаа сан̇каараа’’д̇и бажжаяаагааравасзна. д̇ад̇т̇а жа д̣̇угканирод̇хам̣ арияасажжам̣ ‘‘яо д̇ассааязва д̇ан̣хааяа асзсавирааг̇анирод̇хо’’д̇и (ма. ни. 1.134; д̣̇ий. ни. 2.401; вибха. 204) имааяа д̇анд̇ияаа ааг̇ад̇ам̣, ид̇ха ‘‘авиж̇ж̇ааяад̇взва асзсавирааг̇анирод̇хаа’’д̇и бажжаяаагааранирод̇хавасзна.
Idāni tāni paṭipāṭiyā ṭhapitāni saccāni vitthārento katamañca, bhikkhavetiādimāha. Taṃ sabbaṃ sabbākārena visuddhimagge (visuddhi. 2.537) vitthāritameva. Tattha vuttanayeneva veditabbaṃ. Ayaṃ pana viseso – tattha ‘‘dukkhasamudayaṃ ariyasaccaṃ yāyaṃ taṇhā ponobbhavikā’’ti (ma. ni. 1.133; dī. ni. 2.400; vibha. 203) imāya tantiyā āgataṃ, idha ‘‘avijjāpaccayā saṅkhārā’’ti paccayākāravasena. Tattha ca dukkhanirodhaṃ ariyasaccaṃ ‘‘yo tassāyeva taṇhāya asesavirāganirodho’’ti (ma. ni. 1.134; dī. ni. 2.401; vibha. 204) imāya tantiyā āgataṃ, idha ‘‘avijjāyatveva asesavirāganirodhā’’ti paccayākāranirodhavasena.
д̇ад̇т̇а асзсавирааг̇анирод̇хаад̇и асзсавирааг̇зна жа асзсанирод̇хзна жа. убхаяамбзд̇ам̣ ан̃н̃аман̃н̃авзважанамзва. сан̇кааранирод̇ход̇и сан̇каараанам̣ ануббад̇д̇инирод̇хо ход̇и. сзсабад̣̇зсуби зсзва наяо. имзхи бана бад̣̇зхи яам̣ ааг̇амма авиж̇ж̇аад̣̇аяо нируж̇жханд̇и, ад̇т̇ад̇о д̇ам̣ ниб̣б̣аанам̣ д̣̇ийбид̇ам̣ ход̇и. ниб̣б̣аанан̃хи авиж̇ж̇аанирод̇ход̇иби сан̇кааранирод̇ход̇иби звам̣ д̇зсам̣ д̇зсам̣ д̇хаммаанам̣ нирод̇ханаамзна гат̇ийяад̇и. гзвалассаад̇и сагаласса. д̣̇угкагканд̇хассаад̇и ваддад̣̇угкараасисса. нирод̇хо ход̇ийд̇и аббавад̇д̇и ход̇и. д̇ад̇т̇а яасмаа авиж̇ж̇аад̣̇ийнам̣ нирод̇хо наама кийн̣аагаароби вужжад̇и арахад̇д̇амби ниб̣б̣аанамби, д̇асмаа ид̇ха кийн̣аагаарад̣̇ассанавасзна д̣̇ваад̣̇асасу таанзсу арахад̇д̇ам̣, д̣̇ваад̣̇асасуязва ниб̣б̣аанам̣ гат̇ид̇анд̇и взд̣̇ид̇аб̣б̣ам̣. ид̣̇ам̣ вужжад̇ийд̇и зд̇т̇а ниб̣б̣аанамзва санд̇хааяа ид̣̇анд̇и вуд̇д̇ам̣. адтан̇г̇игод̇и на адтахи ан̇г̇зхи винимуд̇д̇о ан̃н̃о маг̇г̇о наама ад̇т̇и. яат̇аа бана бан̃жан̇г̇игам̣ д̇уурияанд̇и вуд̇д̇з бан̃жан̇г̇амад̇д̇амзва д̇уурияанд̇и вуд̇д̇ам̣ ход̇и, звамид̇хааби адтан̇г̇игамад̇д̇амзва маг̇г̇о ход̇ийд̇и взд̣̇ид̇аб̣б̣о. аниг̇г̇ахид̇од̇и на ниг̇г̇ахид̇о. ниг̇г̇ан̣ханд̇о хи хаабзд̇ваа ваа д̣̇ассзд̇и вад̣дхзд̇ваа ваа д̇ам̣ баривад̇д̇зд̇ваа ваа. д̇ад̇т̇а яасмаа жад̇д̇аари арияасажжаани ‘‘на имаани жад̇д̇аари, д̣̇вз ваа д̇ийн̣и ваа’’д̇и звам̣ хаабзд̇вааби ‘‘бан̃жа ваа ча ваа’’д̇и звам̣ вад̣дхзд̇вааби ‘‘на имаани жад̇д̇аари арияасажжаани, ан̃н̃аанзва жад̇д̇аари арияасажжааний’’д̇и д̣̇ассзд̇ум̣ на саггаа. д̇асмаа аяам̣ д̇хаммо аниг̇г̇ахид̇о наама. сзсам̣ саб̣б̣ад̇т̇а уд̇д̇аанамзваад̇и.
Tattha asesavirāganirodhāti asesavirāgena ca asesanirodhena ca. Ubhayampetaṃ aññamaññavevacanameva. Saṅkhāranirodhoti saṅkhārānaṃ anuppattinirodho hoti. Sesapadesupi eseva nayo. Imehi pana padehi yaṃ āgamma avijjādayo nirujjhanti, atthato taṃ nibbānaṃ dīpitaṃ hoti. Nibbānañhi avijjānirodhotipi saṅkhāranirodhotipi evaṃ tesaṃ tesaṃ dhammānaṃ nirodhanāmena kathīyati. Kevalassāti sakalassa. Dukkhakkhandhassāti vaṭṭadukkharāsissa. Nirodho hotīti appavatti hoti. Tattha yasmā avijjādīnaṃ nirodho nāma khīṇākāropi vuccati arahattampi nibbānampi, tasmā idha khīṇākāradassanavasena dvādasasu ṭhānesu arahattaṃ, dvādasasuyeva nibbānaṃ kathitanti veditabbaṃ. Idaṃ vuccatīti ettha nibbānameva sandhāya idanti vuttaṃ. Aṭṭhaṅgikoti na aṭṭhahi aṅgehi vinimutto añño maggo nāma atthi. Yathā pana pañcaṅgikaṃ tūriyanti vutte pañcaṅgamattameva tūriyanti vuttaṃ hoti, evamidhāpi aṭṭhaṅgikamattameva maggo hotīti veditabbo. Aniggahitoti na niggahito. Niggaṇhanto hi hāpetvā vā dasseti vaḍḍhetvā vā taṃ parivattetvā vā. Tattha yasmā cattāri ariyasaccāni ‘‘na imāni cattāri, dve vā tīṇi vā’’ti evaṃ hāpetvāpi ‘‘pañca vā cha vā’’ti evaṃ vaḍḍhetvāpi ‘‘na imāni cattāri ariyasaccāni, aññāneva cattāri ariyasaccānī’’ti dassetuṃ na sakkā. Tasmā ayaṃ dhammo aniggahito nāma. Sesaṃ sabbattha uttānamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. д̇ид̇т̇ааяад̇анаад̣̇исуд̇д̇ам̣ • 1. Titthāyatanādisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. д̇ид̇т̇ааяад̇анасуд̇д̇аван̣н̣анаа • 1. Titthāyatanasuttavaṇṇanā
