| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੪੮. ਤਿਤ੍ਥਿਯਪਕ੍ਕਨ੍ਤਕਕਥਾ
48. Titthiyapakkantakakathā
੧੧੦. ਪਕ੍ਕਮਤੀਤਿ ਪਕ੍ਕਨ੍ਤੋ, ‘‘ਪવਿਟ੍ਠੋ’’ਤਿ ਇਮਿਨਾ ਕਮੁਧਾਤੁਯਾ ਪਦવਿਕ੍ਖੇਪਤ੍ਥਂ ਦਸ੍ਸੇਤਿ, ਇਚ੍ਛਾਕਨ੍ਤਿਅਤ੍ਥੇ ਨਿવਤ੍ਤੇਤਿ। ਸੋਤਿ ਤਿਤ੍ਥਿਯਪਕ੍ਕਨ੍ਤਕੋ। ਤਤ੍ਰਾਤਿ ਤਿਤ੍ਥਿਯਪਕ੍ਕਨ੍ਤਕੇ। ਉਪਸਮ੍ਪਨ੍ਨੋ ਭਿਕ੍ਖੁ ਗਚ੍ਛਤੀਤਿ ਸਮ੍ਬਨ੍ਧੋ। ਤੇਸਨ੍ਤਿ ਤਿਤ੍ਥਿਯਾਨਂ। ‘‘ਤਿਤ੍ਥਿਯੋ ਭવਿਸ੍ਸਾਮੀ’’ਤਿ ਪੁਬ੍ਬੇવ ਲਦ੍ਧਿਗਹਿਤਤ੍ਤਾ વੁਤ੍ਤਂ ‘‘ਲਿਙ੍ਗੇ ਆਦਿਨ੍ਨਮਤ੍ਤੇ’’ਤਿ। ਕੁਸਚੀਰਾਦੀਨੀਤਿ ਏਤ੍ਥ ਕੁਸੋ વੁਚ੍ਚਤਿ ਸਲਾਕਾ। ਚੀਰੋਤਿ ਪਨ੍ਤਿ, ਆવਲੀਤਿ ਅਤ੍ਥੋ। ਕੁਸੇ ਰਜ੍ਜੁਨਾ ਆવੁਨਿਤ੍વਾ ਕਤੋ ਚੀਰੋ ਕੁਸਚੀਰੋ, ਸੋ ਆਦਿ ਯੇਸਂ ਤਾਨੀਤਿ ਕੁਸਚੀਰਾਦੀਨਿ। ਆਦਿਸਦ੍ਦੇਨ ਫਲਕਚੀਰਾਦਯੋ ਸਙ੍ਗਣ੍ਹਾਤਿ। ਕੁਸਤਿਣੇਹਿ ਕਤੋ ਚੀਰੋ ਕੁਸਚੀਰੋਤਿਪਿ વਦਨ੍ਤਿ। ਨਗ੍ਗੋਤਿ ਅਚੇਲਕੋ। ਆਜੀવਕੋਤਿ ਅਚੇਲਕવਤਮਾਦਾਯ ਜੀવਤੀਤਿ ਆਜੀવਕੋ। ਤੇਸਨ੍ਤਿ ਆਜੀવਕਾਨਂ। ਓવਦਿਤੋ ਹੁਤ੍વਾਤਿ ਸਮ੍ਬਨ੍ਧੋ।
110. Pakkamatīti pakkanto, ‘‘paviṭṭho’’ti iminā kamudhātuyā padavikkhepatthaṃ dasseti, icchākantiatthe nivatteti. Soti titthiyapakkantako. Tatrāti titthiyapakkantake. Upasampanno bhikkhu gacchatīti sambandho. Tesanti titthiyānaṃ. ‘‘Titthiyo bhavissāmī’’ti pubbeva laddhigahitattā vuttaṃ ‘‘liṅge ādinnamatte’’ti. Kusacīrādīnīti ettha kuso vuccati salākā. Cīroti panti, āvalīti attho. Kuse rajjunā āvunitvā kato cīro kusacīro, so ādi yesaṃ tānīti kusacīrādīni. Ādisaddena phalakacīrādayo saṅgaṇhāti. Kusatiṇehi kato cīro kusacīrotipi vadanti. Naggoti acelako. Ājīvakoti acelakavatamādāya jīvatīti ājīvako. Tesanti ājīvakānaṃ. Ovadito hutvāti sambandho.
ਕਿਨ੍ਤਿ ਕਿਂ વਤਂ। ਲੁਞ੍ਚਾਪੇਤੀਤਿ ਅਪਨਯਾਪੇਤਿ। ਮੋਰਪਿਞ੍ਛਾਦੀਨੀਤਿ ਏਤ੍ਥ ਪਿਞ੍ਛਂ વੁਚ੍ਚਤਿ ਪਕ੍ਖੋ। ਸੋ ਹਿ ਪਿਞ੍ਛਤਿ ਆਕਾਸੇ ਗਚ੍ਛਤਿ ਅਨੇਨਾਤਿ ਪਿਞ੍ਛਨ੍ਤਿ વੁਚ੍ਚਤਿ। ਪਿਛਿ ਗਤਿਯਨ੍ਤਿ ਧਾਤੁਪਾਠੋ। ਮੋਰਸ੍ਸ ਪਿਞ੍ਛਂ ਮੋਰਪਿਞ੍ਛਂ, ਤਂ ਆਦਿ ਯੇਸਂ ਤਾਨੀਤਿ ਮੋਰਪਿਞ੍ਛਾਦੀਨਿ। ਆਦਿਸਦ੍ਦੇਨ ਉਲੂਕਪਿਞ੍ਛਾਦਯੋ ਸਙ੍ਗਣ੍ਹਾਤਿ। ਯਾવ ਨ ਸਮ੍ਪਟਿਚ੍ਛਤੀਤਿ ਯਾવ ਲਦ੍ਧਿਂ ਨ ਸਮ੍ਪਟਿਚ੍ਛਤਿ। ਨਨ੍ਤਿ વੀਮਂਸਮਾਨਂ ਭਿਕ੍ਖੁਂ। ਲਦ੍ਧੀਤਿ ਤਿਤ੍ਥਿਯਲਦ੍ਧਿ। ਰਕ੍ਖਤੀਤਿ ਤਿਤ੍ਥਿਯਪਕ੍ਕਨ੍ਤਕਤੋ ਰਕ੍ਖਤਿ। ਲਦ੍ਧਿਯਾ ਅਭਾવੇਨ ਤਿਤ੍ਥਿਯਪਕ੍ਕਨ੍ਤਕੋ ਨ ਹੋਤੀਤਿ ਅਧਿਪ੍ਪਾਯੋ। ਅਚ੍ਛਿਦ੍ਦਚੀવਰੋਤਿ ਏਤ੍ਥ ਆਕਾਰੋ ਕੋਧਤ੍ਥੋ, ਅਡ੍ਡਤ੍ਥੋ વਾ ਹੋਤਿ, ਛਿਦ੍ਦਸਦ੍ਦੋ ਦੂਸਨਤ੍ਥੋ ਹੋਤਿ। ਤਸ੍ਮਾ ਆਕੋਧੇਨ ਅਡ੍ਡੇਨ વਾ ਛਿਦ੍ਦੋ ਦੂਸਿਤੋਤਿ ਅਚ੍ਛਿਦ੍ਦੋਤਿ ਅਤ੍ਥੋ ਦਟ੍ਠਬ੍ਬੋ। ‘‘ਅਚ੍ਛਿਨ੍ਨੋ’’ਤਿਪਿ ਪਾਠੋ। ਅਚ੍ਛਿਦ੍ਦਂ ਚੀવਰਮੇਤਸ੍ਸਾਤਿ ਅਚ੍ਛਿਦ੍ਦਚੀવਰੋ। ਤਿਤ੍ਥਾਯਤਨਨ੍ਤਿ ਤਿਤ੍ਥੀਨਂ ਨਿવਾਸਟ੍ਠਾਨਂ, ਤਿਤ੍ਥਿਯਾਨਂ ਉਪਸ੍ਸਯਨ੍ਤਿ ਅਤ੍ਥੋ।
Kinti kiṃ vataṃ. Luñcāpetīti apanayāpeti. Morapiñchādīnīti ettha piñchaṃ vuccati pakkho. So hi piñchati ākāse gacchati anenāti piñchanti vuccati. Pichi gatiyanti dhātupāṭho. Morassa piñchaṃ morapiñchaṃ, taṃ ādi yesaṃ tānīti morapiñchādīni. Ādisaddena ulūkapiñchādayo saṅgaṇhāti. Yāva na sampaṭicchatīti yāva laddhiṃ na sampaṭicchati. Nanti vīmaṃsamānaṃ bhikkhuṃ. Laddhīti titthiyaladdhi. Rakkhatīti titthiyapakkantakato rakkhati. Laddhiyā abhāvena titthiyapakkantako na hotīti adhippāyo. Acchiddacīvaroti ettha ākāro kodhattho, aḍḍattho vā hoti, chiddasaddo dūsanattho hoti. Tasmā ākodhena aḍḍena vā chiddo dūsitoti acchiddoti attho daṭṭhabbo. ‘‘Acchinno’’tipi pāṭho. Acchiddaṃ cīvarametassāti acchiddacīvaro. Titthāyatananti titthīnaṃ nivāsaṭṭhānaṃ, titthiyānaṃ upassayanti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੪੮. ਥੇਯ੍ਯਸਂવਾਸਕવਤ੍ਥੁ • 48. Theyyasaṃvāsakavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਥੇਯ੍ਯਸਂવਾਸਕવਤ੍ਥੁਕਥਾ • Theyyasaṃvāsakavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਥੇਯ੍ਯਸਂવਾਸਕવਤ੍ਥੁਕਥਾવਣ੍ਣਨਾ • Theyyasaṃvāsakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਥੇਯ੍ਯਸਂવਾਸਕવਤ੍ਥੁਕਥਾવਣ੍ਣਨਾ • Theyyasaṃvāsakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਥੇਯ੍ਯਸਂવਾਸਕવਤ੍ਥੁਕਥਾવਣ੍ਣਨਾ • Theyyasaṃvāsakavatthukathāvaṇṇanā
