| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
তিত্থিযপক্কন্তককথাৰণ্ণনা
Titthiyapakkantakakathāvaṇṇanā
তিত্থিযপক্কন্তককথাযং তেসং লিঙ্গে আদিন্নমত্তে তিত্থিযপক্কন্তকো হোতীতি ‘‘তিত্থিযো ভৰিস্সামী’’তি গতস্স লিঙ্গগ্গহণেনেৰ তেসং লদ্ধিপি গহিতাযেৰ হোতীতি কত্ৰা ৰুত্তং। কেনচি পন ‘‘তেসং লিঙ্গে আদিন্নমত্তে লদ্ধিযা গহিতাযপি অগ্গহিতাযপি তিত্থিযপক্কন্তকো হোতী’’তি ৰুত্তং, তং ন গহেতব্বং। ন হি ‘‘তিত্থিযো ভৰিস্সামী’’তি গতস্স লিঙ্গসম্পটিচ্ছনতো অঞ্ঞং লদ্ধিগ্গহণং নাম অত্থি। লিঙ্গসম্পটিচ্ছনেনেৰ হি সো গহিতলদ্ধিকো হোতি। তেনেৰ ‘‘ৰীমংসনত্থং কুসচীরাদীনি…পে॰… যাৰ ন সম্পটিচ্ছতি, তাৰ তং লদ্ধি রক্খতি। সম্পটিচ্ছিতমত্তে তিত্থিযপক্কন্তকো হোতী’’তি ৰুত্তং। নগ্গোৰ আজীৰকানং উপস্সযং গচ্ছতি, পদৰারে পদৰারে দুক্কটন্তি ‘‘আজীৰকো ভৰিস্স’’ন্তি অসুদ্ধচিত্তেন গমনপচ্চযা দুক্কটং ৰুত্তং। নগ্গেন হুত্ৰা গমনপচ্চযাপি দুক্কটা ন মুচ্চতিযেৰ। কূটৰস্সং গণেন্তোতি কূটৰস্সং গণেত্ৰা সংৰাসং সাদিযন্তোতি অধিপ্পাযো।
Titthiyapakkantakakathāyaṃ tesaṃ liṅge ādinnamatte titthiyapakkantako hotīti ‘‘titthiyo bhavissāmī’’ti gatassa liṅgaggahaṇeneva tesaṃ laddhipi gahitāyeva hotīti katvā vuttaṃ. Kenaci pana ‘‘tesaṃ liṅge ādinnamatte laddhiyā gahitāyapi aggahitāyapi titthiyapakkantako hotī’’ti vuttaṃ, taṃ na gahetabbaṃ. Na hi ‘‘titthiyo bhavissāmī’’ti gatassa liṅgasampaṭicchanato aññaṃ laddhiggahaṇaṃ nāma atthi. Liṅgasampaṭicchaneneva hi so gahitaladdhiko hoti. Teneva ‘‘vīmaṃsanatthaṃ kusacīrādīni…pe… yāva na sampaṭicchati, tāva taṃ laddhi rakkhati. Sampaṭicchitamatte titthiyapakkantako hotī’’ti vuttaṃ. Naggova ājīvakānaṃ upassayaṃ gacchati, padavāre padavāre dukkaṭanti ‘‘ājīvako bhavissa’’nti asuddhacittena gamanapaccayā dukkaṭaṃ vuttaṃ. Naggena hutvā gamanapaccayāpi dukkaṭā na muccatiyeva. Kūṭavassaṃ gaṇentoti kūṭavassaṃ gaṇetvā saṃvāsaṃ sādiyantoti adhippāyo.
তিত্থিযপক্কন্তককথাৰণ্ণনা নিট্ঠিতা।
Titthiyapakkantakakathāvaṇṇanā niṭṭhitā.
১১১. তিরচ্ছানগতৰত্থু উত্তানমেৰ।
111. Tiracchānagatavatthu uttānameva.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ৪৯. তিরচ্ছানগতৰত্থু • 49. Tiracchānagatavatthu
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / তিরচ্ছানগতৰত্থুকথা • Tiracchānagatavatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / তিরচ্ছানগতৰত্থুকথাৰণ্ণনা • Tiracchānagatavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / তিরচ্ছানৰত্থুকথাৰণ্ণনা • Tiracchānavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৪৯. তিরচ্ছানগতৰত্থু • 49. Tiracchānagatavatthu
