| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
д̇ид̇т̇ияабагганд̇агагат̇ааван̣н̣анаа
Titthiyapakkantakakathāvaṇṇanā
д̇ид̇т̇ияабагганд̇аго, бхигкавзд̇иаад̣̇и ад̇д̇ано нид̣̇аанабхууд̇з басууравад̇т̇усмим̣ зва вад̇д̇аб̣б̣ам̣ самаанамби д̇ад̇т̇а ваарид̇аад̇хигаараабхааваа абхаб̣б̣аа. ид̇хзва т̇зяяасам̣ваасагзна винаа самбхавад̇о вуд̇д̇о. д̇ад̇т̇а ‘‘ат̇а ко на баб̣б̣ааж̇зд̇аб̣б̣обий’’д̇и ид̇хзва важанам̣ басуурасса убасамбад̣̇ааяа зва яаажанижчааяа д̣̇ассанзна, ‘‘со ааг̇ад̇о на убасамбаад̣̇зд̇аб̣б̣о’’д̇и бхаг̇авад̇о убасамбад̣̇аамад̇д̇абадисзд̇ханзна жа баб̣б̣аж̇ж̇аанумад̇ид̣̇осаббасан̇г̇абхаяаад̇и взд̣̇ид̇аб̣б̣ам̣. д̇зсам̣ лин̇г̇з аад̣̇иннамад̇д̇з лад̣̇д̇хияаа г̇ахид̇ааяаби аг̇г̇ахид̇ааяаби д̇ид̇т̇ияабагганд̇аго ход̇и, аванд̣̇анийяассзва наг̇г̇алин̇г̇асса сздтабхаавам̣ ваа убаг̇ажчад̇и, на мужжад̇и, зд̇т̇а ‘‘бад̣̇аваарз д̣̇уггадам̣, ааж̇ийваго бхависсанд̇и висамажид̇д̇авасзна г̇ад̇ад̇д̇аа наг̇г̇о худ̇ваа на г̇аманзнаа’’д̇и вад̣̇анд̇и. убхиннамби васзна яуд̇д̇анд̇и мама д̇агго. д̇аава нам̣ лад̣̇д̇хи рагкад̇и асамбадижчид̇ад̇д̇аа. убасамбаннабхигкунаа гат̇ид̇од̇и гат̇ам̣ бан̃н̃ааяад̇и? адтагат̇ааважанаббамаан̣ад̇оваад̇и згз. нид̣̇аанавасзнаад̇и згз. басуурасса убасамбаннад̇д̇аа убасамбаннаанам̣ зва д̇ид̇т̇ияабагганд̇ад̇ааважанад̇од̇и згз. яат̇ааха ‘‘убаж̇жхааяо багганд̇оваа ход̇и, виб̣бханд̇о ваа, гаалам̣гад̇о ваа, багкасан̇ганд̇о ваа’’д̇и аажарияо. багкасан̇ганд̇о ваад̇и сааман̣зранаасанаавад̇т̇уусу абхаавад̇од̇и згз. ан̃н̃ад̇ид̇т̇ияабуб̣б̣асса убасамбаннасса сад̇о багкасан̇ганд̇абхаяаа анубасамбаннагаалз убасамбад̣̇ад̇т̇ам̣ бариваасабан̃н̃аабанзнаад̇и згз . баб̣б̣аж̇ж̇ад̇т̇амбийд̇и жз? на, буб̣б̣з вижаарид̇ад̇д̇аа, абаб̣б̣аж̇ид̇асса ад̇хисийлаабхаавад̇о жа. баад̇имогкасийлан̃хи ад̇хисийлам̣ наама, д̇ан̃жа абаб̣б̣аж̇ид̇асса над̇т̇и. имасса жа бариваасавад̇д̇з ад̇хисийлам̣ вуд̇д̇ам̣. яат̇ааха ‘‘буна жабарам̣, бхигкавз, ан̃н̃ад̇ид̇т̇ияабуб̣б̣о д̇иб̣б̣ажчанд̣̇о ход̇и уд̣̇д̣̇зсз барибужчааяа ад̇хисийлз’’д̇и (махаава. 87). абижа ‘‘сажз, бхигкавз, ж̇аад̇ияаа саагияо ан̃н̃ад̇ид̇т̇ияабуб̣б̣о ааг̇ажчад̇и, со ааг̇ад̇о убасамбаад̣̇зд̇аб̣б̣о’’д̇и (махаава. 87) зд̇т̇а убасамбад̣̇аамад̇д̇абарид̣̇ийбанад̇о. убасамбад̣̇аамад̇д̇абарид̣̇ийбанан̃хзд̇т̇а д̇ассзва бариваасад̣̇аанасид̣̇д̇хид̇о. бариваасад̣̇аанад̇д̇анид̣̇ассанад̇т̇з хзсаа баал̣и.
Titthiyapakkantako, bhikkhavetiādi attano nidānabhūte pasūravatthusmiṃ eva vattabbaṃ samānampi tattha vāritaadhikārābhāvā abhabbā. Idheva theyyasaṃvāsakena vinā sambhavato vutto. Tattha ‘‘atha kho na pabbājetabbopī’’ti idheva vacanaṃ pasūrassa upasampadāya eva yācanicchāya dassanena, ‘‘so āgato na upasampādetabbo’’ti bhagavato upasampadāmattapaṭisedhanena ca pabbajjānumatidosappasaṅgabhayāti veditabbaṃ. Tesaṃ liṅge ādinnamatte laddhiyā gahitāyapi aggahitāyapi titthiyapakkantako hoti, avandanīyasseva naggaliṅgassa seṭṭhabhāvaṃ vā upagacchati, na muccati, ettha ‘‘padavāre dukkaṭaṃ, ājīvako bhavissanti visamacittavasena gatattā naggo hutvā na gamanenā’’ti vadanti. Ubhinnampi vasena yuttanti mama takko. Tāva naṃ laddhi rakkhati asampaṭicchitattā. Upasampannabhikkhunā kathitoti kathaṃ paññāyati? Aṭṭhakathāvacanappamāṇatovāti eke. Nidānavasenāti eke. Pasūrassa upasampannattā upasampannānaṃ eva titthiyapakkantatāvacanatoti eke. Yathāha ‘‘upajjhāyo pakkantovā hoti, vibbhanto vā, kālaṃkato vā, pakkhasaṅkanto vā’’ti ācariyo. Pakkhasaṅkanto vāti sāmaṇeranāsanāvatthūsu abhāvatoti eke. Aññatitthiyapubbassa upasampannassa sato pakkhasaṅkantabhayā anupasampannakāle upasampadatthaṃ parivāsapaññāpanenāti eke . Pabbajjatthampīti ce? Na, pubbe vicāritattā, apabbajitassa adhisīlābhāvato ca. Pātimokkhasīlañhi adhisīlaṃ nāma, tañca apabbajitassa natthi. Imassa ca parivāsavatte adhisīlaṃ vuttaṃ. Yathāha ‘‘puna caparaṃ, bhikkhave, aññatitthiyapubbo tibbacchando hoti uddese paripucchāya adhisīle’’ti (mahāva. 87). Apica ‘‘sace, bhikkhave, jātiyā sākiyo aññatitthiyapubbo āgacchati, so āgato upasampādetabbo’’ti (mahāva. 87) ettha upasampadāmattaparidīpanato. Upasampadāmattaparidīpanañhettha tasseva parivāsadānasiddhito. Parivāsadānattanidassanatthe hesā pāḷi.
д̇ид̇т̇ияабагганд̇агагат̇ааван̣н̣анаа нидтид̇аа.
Titthiyapakkantakakathāvaṇṇanā niṭṭhitā.
