| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཏིཏྠིཡཔཀྐནྟཀཀཐཱཝཎྞནཱ
Titthiyapakkantakakathāvaṇṇanā
ཏིཏྠིཡཔཀྐནྟཀཀཐཱཡཾ ཏེསཾ ལིངྒེ ཨཱདིནྣམཏྟེ ཏིཏྠིཡཔཀྐནྟཀོ ཧོཏཱིཏི ‘‘ཏིཏྠིཡོ བྷཝིསྶཱམཱི’’ཏི གཏསྶ ལིངྒགྒཧཎེནེཝ ཏེསཾ ལདྡྷིཔི གཧིཏཱཡེཝ ཧོཏཱིཏི ཀཏྭཱ ཝུཏྟཾ། ཀེནཙི པན ‘‘ཏེསཾ ལིངྒེ ཨཱདིནྣམཏྟེ ལདྡྷིཡཱ གཧིཏཱཡཔི ཨགྒཧིཏཱཡཔི ཏིཏྠིཡཔཀྐནྟཀོ ཧོཏཱི’’ཏི ཝུཏྟཾ, ཏཾ ན གཧེཏབྦཾ། ན ཧི ‘‘ཏིཏྠིཡོ བྷཝིསྶཱམཱི’’ཏི གཏསྶ ལིངྒསམྤཊིཙྪནཏོ ཨཉྙཾ ལདྡྷིགྒཧཎཾ ནཱམ ཨཏྠི། ལིངྒསམྤཊིཙྪནེནེཝ ཧི སོ གཧིཏལདྡྷིཀོ ཧོཏི། ཏེནེཝ ‘‘ཝཱིམཾསནཏྠཾ ཀུསཙཱིརཱདཱིནི…པེ॰… ཡཱཝ ན སམྤཊིཙྪཏི, ཏཱཝ ཏཾ ལདྡྷི རཀྑཏི། སམྤཊིཙྪིཏམཏྟེ ཏིཏྠིཡཔཀྐནྟཀོ ཧོཏཱི’’ཏི ཝུཏྟཾ། ནགྒོཝ ཨཱཛཱིཝཀཱནཾ ཨུཔསྶཡཾ གཙྪཏི, པདཝཱརེ པདཝཱརེ དུཀྐཊནྟི ‘‘ཨཱཛཱིཝཀོ བྷཝིསྶ’’ནྟི ཨསུདྡྷཙིཏྟེན གམནཔཙྩཡཱ དུཀྐཊཾ ཝུཏྟཾ། ནགྒེན ཧུཏྭཱ གམནཔཙྩཡཱཔི དུཀྐཊཱ ན མུཙྩཏིཡེཝ། ཀཱུཊཝསྶཾ གཎེནྟོཏི ཀཱུཊཝསྶཾ གཎེཏྭཱ སཾཝཱསཾ སཱདིཡནྟོཏི ཨདྷིཔྤཱཡོ།
Titthiyapakkantakakathāyaṃ tesaṃ liṅge ādinnamatte titthiyapakkantako hotīti ‘‘titthiyo bhavissāmī’’ti gatassa liṅgaggahaṇeneva tesaṃ laddhipi gahitāyeva hotīti katvā vuttaṃ. Kenaci pana ‘‘tesaṃ liṅge ādinnamatte laddhiyā gahitāyapi aggahitāyapi titthiyapakkantako hotī’’ti vuttaṃ, taṃ na gahetabbaṃ. Na hi ‘‘titthiyo bhavissāmī’’ti gatassa liṅgasampaṭicchanato aññaṃ laddhiggahaṇaṃ nāma atthi. Liṅgasampaṭicchaneneva hi so gahitaladdhiko hoti. Teneva ‘‘vīmaṃsanatthaṃ kusacīrādīni…pe… yāva na sampaṭicchati, tāva taṃ laddhi rakkhati. Sampaṭicchitamatte titthiyapakkantako hotī’’ti vuttaṃ. Naggova ājīvakānaṃ upassayaṃ gacchati, padavāre padavāre dukkaṭanti ‘‘ājīvako bhavissa’’nti asuddhacittena gamanapaccayā dukkaṭaṃ vuttaṃ. Naggena hutvā gamanapaccayāpi dukkaṭā na muccatiyeva. Kūṭavassaṃ gaṇentoti kūṭavassaṃ gaṇetvā saṃvāsaṃ sādiyantoti adhippāyo.
ཏིཏྠིཡཔཀྐནྟཀཀཐཱཝཎྞནཱ ནིཊྛིཏཱ།
Titthiyapakkantakakathāvaṇṇanā niṭṭhitā.
༡༡༡. ཏིརཙྪཱནགཏཝཏྠུ ཨུཏྟཱནམེཝ།
111. Tiracchānagatavatthu uttānameva.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༤༩. ཏིརཙྪཱནགཏཝཏྠུ • 49. Tiracchānagatavatthu
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཏིརཙྪཱནགཏཝཏྠུཀཐཱ • Tiracchānagatavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཏིརཙྪཱནགཏཝཏྠུཀཐཱཝཎྞནཱ • Tiracchānagatavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཏིརཙྪཱནཝཏྠུཀཐཱཝཎྞནཱ • Tiracchānavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༤༩. ཏིརཙྪཱནགཏཝཏྠུ • 49. Tiracchānagatavatthu
