| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[37] 7. д̇ид̇д̇ираж̇аад̇агаван̣н̣анаа
[37] 7. Tittirajātakavaṇṇanā
яз вуд̣дхамабажааяанд̇ийд̇и ид̣̇ам̣ сад̇т̇аа саавад̇т̇им̣ г̇ажчанд̇о саарибуд̇д̇ад̇т̇зрасса сзнаасанабадиб̣ааханам̣ аараб̣бха гат̇зси. анаат̇абин̣д̣игзна хи вихаарам̣ гаарзд̇ваа д̣̇ууд̇з бзсид̇з сад̇т̇аа рааж̇аг̇ахаа нигкамма взсаалим̣ бад̇ваа д̇ад̇т̇а яат̇аабхиранд̇ам̣ вихарид̇ваа ‘‘саавад̇т̇им̣ г̇амиссаамий’’д̇и маг̇г̇ам̣ бадибаж̇ж̇и. д̇зна жа самаязна чаб̣б̣аг̇г̇ияаанам̣ анд̇зваасигаа бурад̇о бурад̇о г̇анд̇ваа т̇зраанам̣ сзнаасанзсу аг̇г̇ахид̇зсвзва ‘‘ид̣̇ам̣ сзнаасанам̣ амхаагам̣ убаж̇жхааяасса, ид̣̇ам̣ аажарияасса, ид̣̇ам̣ амхаагамзва бхависсад̇ий’’д̇и сзнаасанаани балиб̣унд̇хзнд̇и. бажчаа ааг̇ад̇аа т̇зраа сзнаасанаани на лабханд̇и. саарибуд̇д̇ад̇т̇зрассааби анд̇зваасигаа т̇зрасса сзнаасанам̣ бариязсанд̇аа на лабхим̣су. т̇зро сзнаасанам̣ алабханд̇о сад̇т̇у сзнаасанасса авид̣̇уурз згасмим̣ ругкамуулз нисаж̇ж̇ааяа жа жан̇гамзна жа рад̇д̇им̣ вийд̇инаамзси. сад̇т̇аа бажжуусасамаяз нигкамид̇ваа уггааси, т̇зроби уггааси. ‘‘го зсо’’д̇и? ‘‘ахам̣, бханд̇з, саарибуд̇д̇о’’д̇и. ‘‘саарибуд̇д̇а, имааяа взлааяа ид̇ха гим̣ гаросий’’д̇и? ‘‘со д̇ам̣ бавад̇д̇им̣ аарожзси’’. сад̇т̇аа т̇зрасса важанам̣ суд̇ваа ‘‘ид̣̇аани д̇аава маяи ж̇ийванд̇зязва бхигкуу ан̃н̃аман̃н̃ам̣ аг̇аараваа абад̇иссаа вихаранд̇и, бариниб̣б̣уд̇з гим̣ ну ко гариссанд̇ий’’д̇и ааваж̇ж̇знд̇асса д̇хаммасам̣взг̇о уд̣̇абаад̣̇и.
Yevuḍḍhamapacāyantīti idaṃ satthā sāvatthiṃ gacchanto sāriputtattherassa senāsanapaṭibāhanaṃ ārabbha kathesi. Anāthapiṇḍikena hi vihāraṃ kāretvā dūte pesite satthā rājagahā nikkhamma vesāliṃ patvā tattha yathābhirantaṃ viharitvā ‘‘sāvatthiṃ gamissāmī’’ti maggaṃ paṭipajji. Tena ca samayena chabbaggiyānaṃ antevāsikā purato purato gantvā therānaṃ senāsanesu aggahitesveva ‘‘idaṃ senāsanaṃ amhākaṃ upajjhāyassa, idaṃ ācariyassa, idaṃ amhākameva bhavissatī’’ti senāsanāni palibundhenti. Pacchā āgatā therā senāsanāni na labhanti. Sāriputtattherassāpi antevāsikā therassa senāsanaṃ pariyesantā na labhiṃsu. Thero senāsanaṃ alabhanto satthu senāsanassa avidūre ekasmiṃ rukkhamūle nisajjāya ca caṅkamena ca rattiṃ vītināmesi. Satthā paccūsasamaye nikkhamitvā ukkāsi, theropi ukkāsi. ‘‘Ko eso’’ti? ‘‘Ahaṃ, bhante, sāriputto’’ti. ‘‘Sāriputta, imāya velāya idha kiṃ karosī’’ti? ‘‘So taṃ pavattiṃ ārocesi’’. Satthā therassa vacanaṃ sutvā ‘‘idāni tāva mayi jīvanteyeva bhikkhū aññamaññaṃ agāravā apatissā viharanti, parinibbute kiṃ nu kho karissantī’’ti āvajjentassa dhammasaṃvego udapādi.
со бабхаад̇ааяа рад̇д̇ияаа бхигкусан̇гхам̣ саннибаад̇аабзд̇ваа бхигкуу бужчи ‘‘сажжам̣ гира, бхигкавз, чаб̣б̣аг̇г̇ияаа бхигкуу бурад̇о бурад̇о г̇анд̇ваа т̇зраанам̣ бхигкуунам̣ сзнаасанам̣ бадиб̣ааханд̇ий’’д̇и. ‘‘сажжам̣, бхаг̇аваа’’д̇и? д̇ад̇о чаб̣б̣аг̇г̇ияз г̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси ‘‘го ну ко, бхигкавз, аг̇г̇аасанам̣ аг̇г̇од̣̇агам̣ аг̇г̇абин̣д̣ам̣ арахад̇ий’’д̇и? згажжз ‘‘кад̇д̇ияагулаа баб̣б̣аж̇ид̇о’’д̇и аахам̣су, згажжз ‘‘б̣раахман̣агулаа, г̇ахабад̇игулаа баб̣б̣аж̇ид̇о’’д̇и, абарз ‘‘винаяад̇харо, д̇хаммагат̇иго, батамасса жхаанасса лаабхий, д̣̇уд̇ияасса, д̇ад̇ияасса, жад̇уд̇т̇асса жхаанасса лаабхий’’д̇и. абарз ‘‘сод̇аабанно, сагад̣̇ааг̇аамий, анааг̇аамий, арахаа, д̇звиж̇ж̇о, чал̣абхин̃н̃о’’д̇и аахам̣су. звам̣ д̇зхи бхигкуухи ад̇д̇ано ад̇д̇ано руживасзна аг̇г̇аасанаад̣̇ирахаанам̣ гат̇ид̇агаалз сад̇т̇аа ааха – ‘‘на, бхигкавз, маяхам̣ саасанз аг̇г̇аасанаад̣̇ийни бад̇ваа кад̇д̇ияагулаа баб̣б̣аж̇ид̇о бамаан̣ам̣, на б̣раахман̣агулаа баб̣б̣аж̇ид̇о, на г̇ахабад̇игулаа баб̣б̣аж̇ид̇о, на винаяад̇харо, на суд̇д̇анд̇иго, на аабхид̇хаммиго, на батамаж̇жхаанаад̣̇илаабхино, на сод̇аабаннаад̣̇аяо бамаан̣ам̣, ат̇а ко, бхигкавз, имасмим̣ саасанз яат̇аавуд̣дхам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гаад̇аб̣б̣ам̣, аг̇г̇аасанам̣ аг̇г̇од̣̇агам̣ аг̇г̇абин̣д̣о лад̣̇д̇хаб̣б̣о. ид̣̇амзд̇т̇а бамаан̣ам̣. д̇асмаа вуд̣дхад̇аро бхигку зд̇зсам̣ анужчавиго. ид̣̇аани ко бана, бхигкавз, саарибуд̇д̇о маяхам̣ аг̇г̇асааваго ануд̇хаммажаггаббавад̇д̇аго мамаананд̇арам̣ сзнаасанам̣ лад̣̇д̇хум̣ арахад̇и, со имам̣ рад̇д̇им̣ сзнаасанам̣ алабханд̇о ругкамуулз вийд̇инаамзси, д̇умхз ид̣̇аанзва звам̣ аг̇аараваа абад̇иссаа, г̇ажчанд̇з г̇ажчанд̇з гаалз гинд̇и гад̇ваа вихариссат̇аа’’д̇и. ат̇а нзсам̣ оваад̣̇ад̣̇аанад̇т̇ааяа ‘‘буб̣б̣з, бхигкавз, д̇иражчаанаг̇ад̇ааби ‘на ко банзд̇ам̣ амхаагам̣ бад̇ируубам̣, яам̣ маяам̣ ан̃н̃аман̃н̃ам̣ аг̇аараваа абад̇иссаа асабхааг̇авуд̇д̇ино вихарзяяаама, амхзсу махаллагад̇арам̣ ж̇аанид̇ваа д̇асса абхиваад̣̇анаад̣̇ийни гариссаамаа’д̇и саад̇хугам̣ виймам̣сид̇ваа ‘аяам̣ но махаллаго’д̇и н̃ад̇ваа д̇асса абхиваад̣̇анаад̣̇ийни гад̇ваа д̣̇звабат̇ам̣ буураяамаанаа г̇ад̇аа’’д̇и вад̇ваа ад̇ийд̇ам̣ аахари.
So pabhātāya rattiyā bhikkhusaṅghaṃ sannipātāpetvā bhikkhū pucchi ‘‘saccaṃ kira, bhikkhave, chabbaggiyā bhikkhū purato purato gantvā therānaṃ bhikkhūnaṃ senāsanaṃ paṭibāhantī’’ti. ‘‘Saccaṃ, bhagavā’’ti? Tato chabbaggiye garahitvā dhammiṃ kathaṃ katvā bhikkhū āmantesi ‘‘ko nu kho, bhikkhave, aggāsanaṃ aggodakaṃ aggapiṇḍaṃ arahatī’’ti? Ekacce ‘‘khattiyakulā pabbajito’’ti āhaṃsu, ekacce ‘‘brāhmaṇakulā, gahapatikulā pabbajito’’ti, apare ‘‘vinayadharo, dhammakathiko, paṭhamassa jhānassa lābhī, dutiyassa, tatiyassa, catutthassa jhānassa lābhī’’ti. Apare ‘‘sotāpanno, sakadāgāmī, anāgāmī, arahā, tevijjo, chaḷabhiñño’’ti āhaṃsu. Evaṃ tehi bhikkhūhi attano attano rucivasena aggāsanādirahānaṃ kathitakāle satthā āha – ‘‘na, bhikkhave, mayhaṃ sāsane aggāsanādīni patvā khattiyakulā pabbajito pamāṇaṃ, na brāhmaṇakulā pabbajito, na gahapatikulā pabbajito, na vinayadharo, na suttantiko, na ābhidhammiko, na paṭhamajjhānādilābhino, na sotāpannādayo pamāṇaṃ, atha kho, bhikkhave, imasmiṃ sāsane yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikammaṃ kātabbaṃ, aggāsanaṃ aggodakaṃ aggapiṇḍo laddhabbo. Idamettha pamāṇaṃ. Tasmā vuḍḍhataro bhikkhu etesaṃ anucchaviko. Idāni kho pana, bhikkhave, sāriputto mayhaṃ aggasāvako anudhammacakkappavattako mamānantaraṃ senāsanaṃ laddhuṃ arahati, so imaṃ rattiṃ senāsanaṃ alabhanto rukkhamūle vītināmesi, tumhe idāneva evaṃ agāravā apatissā, gacchante gacchante kāle kinti katvā viharissathā’’ti. Atha nesaṃ ovādadānatthāya ‘‘pubbe, bhikkhave, tiracchānagatāpi ‘na kho panetaṃ amhākaṃ patirūpaṃ, yaṃ mayaṃ aññamaññaṃ agāravā apatissā asabhāgavuttino vihareyyāma, amhesu mahallakataraṃ jānitvā tassa abhivādanādīni karissāmā’ti sādhukaṃ vīmaṃsitvā ‘ayaṃ no mahallako’ti ñatvā tassa abhivādanādīni katvā devapathaṃ pūrayamānā gatā’’ti vatvā atītaṃ āhari.
ад̇ийд̇з химаванд̇аббад̣̇зсз згам̣ махааниг̇род̇хам̣ убаниссааяа д̇аяо сахааяаа вихарим̣су – д̇ид̇д̇иро, маггадо, хад̇т̇ийд̇и. д̇з ан̃н̃аман̃н̃ам̣ аг̇аараваа абад̇иссаа асабхааг̇авуд̇д̇ино ахзсум̣. ат̇а нзсам̣ зд̇ад̣̇ахоси ‘‘на яуд̇д̇ам̣ амхаагам̣ звам̣ вихарид̇ум̣, яам̣нууна маяам̣ яо но махаллагад̇аро, д̇асса абхиваад̣̇анаад̣̇ийни гаронд̇аа вихарзяяаамаа’’д̇и. ‘‘го бана но махаллагад̇аро’’д̇и жинд̇знд̇аа згад̣̇ивасам̣ ‘‘ад̇т̇зсо убааяо’’д̇и д̇аяоби ж̇анаа ниг̇род̇хамуулз нисийд̣̇ид̇ваа д̇ид̇д̇иро жа маггадо жа хад̇т̇им̣ бужчим̣су ‘‘самма хад̇т̇и, д̇вам̣ имам̣ ниг̇род̇харугкам̣ гийваббамаан̣агаалад̇о бадтааяа ж̇аанаасий’’д̇и? со ааха ‘‘саммаа, ахам̣ д̇арун̣абод̇агагаалз имам̣ ниг̇род̇хаг̇ажчам̣ анд̇арасад̇т̇ийсу гад̇ваа г̇ажчаами, авад̇т̇арид̇ваа тид̇агаалз жа бана мз зд̇асса аг̇г̇асаакаа наабхим̣ гхаддзд̇и, зваахам̣ имам̣ г̇ажчагаалад̇о бадтааяа ж̇аанаамий’’д̇и буна убхоби ж̇анаа буриманаязнзва маггадам̣ бужчим̣су. со ааха ‘‘ахам̣ саммаа маггадажчаабаго самаано бхуумияам̣ нисийд̣̇ид̇ваа г̇ийвам̣ анугкибид̇ваава имасса ниг̇род̇хабод̇агасса аг̇г̇ан̇гурз каад̣̇аами, зваахам̣ имам̣ куд̣̇д̣̇агагаалад̇о бадтааяа ж̇аанаамий’’д̇и. ат̇а ид̇арз убхоби буриманаязнзва д̇ид̇д̇ирам̣ бужчим̣су. со ааха ‘‘саммаа, буб̣б̣з асугасмим̣ наама таанз махааниг̇род̇харугко ахоси, ахам̣ д̇асса палаани каад̣̇ид̇ваа имасмим̣ таанз важжам̣ баад̇зсим̣, д̇ад̇о зса ругко ж̇аад̇о, зваахам̣ имам̣ аж̇аад̇агаалад̇о бадтааяа ж̇аанаами, д̇асмаа ахам̣ д̇умхзхи ж̇аад̇ияаа махаллагад̇аро’’д̇и.
Atīte himavantappadese ekaṃ mahānigrodhaṃ upanissāya tayo sahāyā vihariṃsu – tittiro, makkaṭo, hatthīti. Te aññamaññaṃ agāravā apatissā asabhāgavuttino ahesuṃ. Atha nesaṃ etadahosi ‘‘na yuttaṃ amhākaṃ evaṃ viharituṃ, yaṃnūna mayaṃ yo no mahallakataro, tassa abhivādanādīni karontā vihareyyāmā’’ti. ‘‘Ko pana no mahallakataro’’ti cintentā ekadivasaṃ ‘‘attheso upāyo’’ti tayopi janā nigrodhamūle nisīditvā tittiro ca makkaṭo ca hatthiṃ pucchiṃsu ‘‘samma hatthi, tvaṃ imaṃ nigrodharukkhaṃ kīvappamāṇakālato paṭṭhāya jānāsī’’ti? So āha ‘‘sammā, ahaṃ taruṇapotakakāle imaṃ nigrodhagacchaṃ antarasatthīsu katvā gacchāmi, avattharitvā ṭhitakāle ca pana me etassa aggasākhā nābhiṃ ghaṭṭeti, evāhaṃ imaṃ gacchakālato paṭṭhāya jānāmī’’ti puna ubhopi janā purimanayeneva makkaṭaṃ pucchiṃsu. So āha ‘‘ahaṃ sammā makkaṭacchāpako samāno bhūmiyaṃ nisīditvā gīvaṃ anukkhipitvāva imassa nigrodhapotakassa aggaṅkure khādāmi, evāhaṃ imaṃ khuddakakālato paṭṭhāya jānāmī’’ti. Atha itare ubhopi purimanayeneva tittiraṃ pucchiṃsu. So āha ‘‘sammā, pubbe asukasmiṃ nāma ṭhāne mahānigrodharukkho ahosi, ahaṃ tassa phalāni khāditvā imasmiṃ ṭhāne vaccaṃ pātesiṃ, tato esa rukkho jāto, evāhaṃ imaṃ ajātakālato paṭṭhāya jānāmi, tasmā ahaṃ tumhehi jātiyā mahallakataro’’ti.
звам̣ вуд̇д̇з маггадо жа хад̇т̇ий жа д̇ид̇д̇ирабан̣д̣ид̇ам̣ аахам̣су ‘‘самма, д̇вам̣ амхзхи махаллагад̇аро, ид̇о бадтааяа маяам̣ д̇ава саггаараг̇аругаарамаананаванд̣̇анабууж̇анаани жзва абхиваад̣̇анабажжудтаанаан̃ж̇алигаммасаамийжигаммаани жа гариссаама, оваад̣̇з жа д̇з тассаама, д̇вам̣ бана ид̇о бадтааяа амхаагам̣ оваад̣̇аанусаасаним̣ д̣̇ад̣̇зяяаасий’’д̇и. д̇ад̇о бадтааяа д̇ид̇д̇иро д̇зсам̣ оваад̣̇ам̣ ад̣̇ааси, сийлзсу бад̇идтаабзси, саяамби сийлаани самаад̣̇ияи. д̇з д̇аяоби ж̇анаа бан̃жасу сийлзсу бад̇идтааяа ан̃н̃аман̃н̃ам̣ саг̇аараваа саббад̇иссаа сабхааг̇авуд̇д̇ино худ̇ваа ж̇ийвид̇абарияосаанз д̣̇звалогабарааяан̣аа ахзсум̣. д̇зсам̣ д̇ин̣н̣ам̣ самаад̣̇аанам̣ д̇ид̇д̇ирияам̣ б̣рахмажарияам̣ наама ахоси.
Evaṃ vutte makkaṭo ca hatthī ca tittirapaṇḍitaṃ āhaṃsu ‘‘samma, tvaṃ amhehi mahallakataro, ito paṭṭhāya mayaṃ tava sakkāragarukāramānanavandanapūjanāni ceva abhivādanapaccuṭṭhānaañjalikammasāmīcikammāni ca karissāma, ovāde ca te ṭhassāma, tvaṃ pana ito paṭṭhāya amhākaṃ ovādānusāsaniṃ dadeyyāsī’’ti. Tato paṭṭhāya tittiro tesaṃ ovādaṃ adāsi, sīlesu patiṭṭhāpesi, sayampi sīlāni samādiyi. Te tayopi janā pañcasu sīlesu patiṭṭhāya aññamaññaṃ sagāravā sappatissā sabhāgavuttino hutvā jīvitapariyosāne devalokaparāyaṇā ahesuṃ. Tesaṃ tiṇṇaṃ samādānaṃ tittiriyaṃ brahmacariyaṃ nāma ahosi.
д̇з хи наама, бхигкавз, д̇иражчаанаг̇ад̇аа ан̃н̃аман̃н̃ам̣ саг̇аараваа саббад̇иссаа вихарим̣су, д̇умхз звам̣ сваакаад̇з д̇хаммавинаяз баб̣б̣аж̇ид̇ваа гасмаа ан̃н̃аман̃н̃ам̣ аг̇аараваа абад̇иссаа вихарат̇а. ануж̇аанаами, бхигкавз, ид̇о бадтааяа д̇умхаагам̣ яат̇аавуд̣дхам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣, яат̇аавуд̣дхам̣ аг̇г̇аасанам̣ аг̇г̇од̣̇агам̣ аг̇г̇абин̣д̣ам̣, на ид̇о бадтааяа жа навагад̇арзна вуд̣дхад̇аро сзнаасанзна бадиб̣аахид̇аб̣б̣о, яо бадиб̣аахзяяа, аабад̇д̇ид̣̇уггадассаад̇и звам̣ сад̇т̇аа имам̣ д̇хаммад̣̇зсанам̣ аахарид̇ваа абхисамб̣уд̣̇д̇хо худ̇ваа имам̣ г̇аат̇амааха –
Te hi nāma, bhikkhave, tiracchānagatā aññamaññaṃ sagāravā sappatissā vihariṃsu, tumhe evaṃ svākhāte dhammavinaye pabbajitvā kasmā aññamaññaṃ agāravā apatissā viharatha. Anujānāmi, bhikkhave, ito paṭṭhāya tumhākaṃ yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikammaṃ, yathāvuḍḍhaṃ aggāsanaṃ aggodakaṃ aggapiṇḍaṃ, na ito paṭṭhāya ca navakatarena vuḍḍhataro senāsanena paṭibāhitabbo, yo paṭibāheyya, āpattidukkaṭassāti evaṃ satthā imaṃ dhammadesanaṃ āharitvā abhisambuddho hutvā imaṃ gāthamāha –
37.
37.
‘‘яз вуд̣дхамабажааяанд̇и, нараа д̇хаммасса говид̣̇аа;
‘‘Ye vuḍḍhamapacāyanti, narā dhammassa kovidā;
д̣̇идтзва д̇хаммз баасам̣саа, самбарааяз жа суг̇г̇ад̇ий’’д̇и.
Diṭṭheva dhamme pāsaṃsā, samparāye ca suggatī’’ti.
д̇ад̇т̇а яз вуд̣дхамабажааяанд̇ийд̇и ж̇аад̇ивуд̣дхо, ваяовуд̣дхо, г̇ун̣авуд̣дход̇и д̇аяо вуд̣дхаа. д̇зсу ж̇аад̇исамбанно ж̇аад̇ивуд̣дхо наама, ваяз тид̇о ваяовуд̣дхо наама , г̇ун̣асамбанно г̇ун̣авуд̣дхо наама. д̇зсу г̇ун̣асамбанно ваяовуд̣дхо имасмим̣ таанз ‘‘вуд̣дхо’’д̇и ад̇хиббзд̇о. абажааяанд̇ийд̇и ж̇здтаабажааяигагаммзна бууж̇знд̇и. д̇хаммасса говид̣̇аад̇и ж̇здтаабажааяанад̇хаммасса говид̣̇аа гусалаа. д̣̇идтзва д̇хаммзд̇и имасмим̣язва ад̇д̇абхаавз. баасам̣саад̇и басам̣саарахаа. самбарааяз жа суг̇г̇ад̇ийд̇и самбарзд̇аб̣б̣з имам̣ логам̣ хид̇ваа г̇анд̇аб̣б̣з баралогзби д̇зсам̣ суг̇ад̇иязва ход̇ийд̇и. аяам̣ банзд̇т̇а бин̣д̣ад̇т̇о – бхигкавз, кад̇д̇ияаа ваа хонд̇у б̣раахман̣аа ваа взссаа ваа суд̣̇д̣̇аа ваа г̇ахадтаа ваа баб̣б̣аж̇ид̇аа ваа д̇иражчаанаг̇ад̇аа ваа, яз гзжи сад̇д̇аа ж̇здтаабажид̇игаммз чзгаа гусалаа г̇ун̣асамбаннаанам̣ ваяовуд̣дхаанам̣ абажид̇им̣ гаронд̇и, д̇з имасмин̃жа ад̇д̇абхаавз ж̇здтаабажид̇игаарагаад̇и басам̣сам̣ ван̣н̣анам̣ т̇оманам̣ лабханд̇и, гааяасса жа бхзд̣̇аа саг̇г̇з ниб̣б̣ад̇д̇анд̇ийд̇и.
Tattha ye vuḍḍhamapacāyantīti jātivuḍḍho, vayovuḍḍho, guṇavuḍḍhoti tayo vuḍḍhā. Tesu jātisampanno jātivuḍḍho nāma, vaye ṭhito vayovuḍḍho nāma , guṇasampanno guṇavuḍḍho nāma. Tesu guṇasampanno vayovuḍḍho imasmiṃ ṭhāne ‘‘vuḍḍho’’ti adhippeto. Apacāyantīti jeṭṭhāpacāyikakammena pūjenti. Dhammassa kovidāti jeṭṭhāpacāyanadhammassa kovidā kusalā. Diṭṭheva dhammeti imasmiṃyeva attabhāve. Pāsaṃsāti pasaṃsārahā. Samparāye ca suggatīti samparetabbe imaṃ lokaṃ hitvā gantabbe paralokepi tesaṃ sugatiyeva hotīti. Ayaṃ panettha piṇḍattho – bhikkhave, khattiyā vā hontu brāhmaṇā vā vessā vā suddā vā gahaṭṭhā vā pabbajitā vā tiracchānagatā vā, ye keci sattā jeṭṭhāpacitikamme chekā kusalā guṇasampannānaṃ vayovuḍḍhānaṃ apacitiṃ karonti, te imasmiñca attabhāve jeṭṭhāpacitikārakāti pasaṃsaṃ vaṇṇanaṃ thomanaṃ labhanti, kāyassa ca bhedā sagge nibbattantīti.
звам̣ сад̇т̇аа ж̇здтаабажид̇игаммасса г̇ун̣ам̣ гат̇зд̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа хад̇т̇инааг̇о мог̇г̇аллаано ахоси, маггадо саарибуд̇д̇о, д̇ид̇д̇ирабан̣д̣ид̇о бана ахамзва ахоси’’нд̇и.
Evaṃ satthā jeṭṭhāpacitikammassa guṇaṃ kathetvā anusandhiṃ ghaṭetvā jātakaṃ samodhānesi – ‘‘tadā hatthināgo moggallāno ahosi, makkaṭo sāriputto, tittirapaṇḍito pana ahameva ahosi’’nti.
д̇ид̇д̇ираж̇аад̇агаван̣н̣анаа сад̇д̇амаа.
Tittirajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 37. д̇ид̇д̇ираж̇аад̇агам̣ • 37. Tittirajātakaṃ
