| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[319] 9. д̇ид̇д̇ираж̇аад̇агаван̣н̣анаа
[319] 9. Tittirajātakavaṇṇanā
сусукам̣ вад̇а ж̇ийваамийд̇и ид̣̇ам̣ сад̇т̇аа госамб̣ияам̣ ниссааяа б̣ад̣̇аригаараамз вихаранд̇о раахулад̇т̇зрам̣ аараб̣бха гат̇зси. вад̇т̇у хздтаа д̇ибаллад̇т̇аж̇аад̇агз (ж̇аа. 1.1.16) вид̇т̇аарид̇амзва. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, раахуло сигкаагаамо гуггужжаго оваад̣̇агкамо’’д̇и. д̇ассааяасмад̇о г̇ун̣агат̇ааяа самудтаабид̇ааяа сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби раахуло сигкаагаамо гуггужжаго оваад̣̇агкамоязваа’’д̇и вад̇ваа ад̇ийд̇ам̣ аахари.
Susukhaṃvata jīvāmīti idaṃ satthā kosambiyaṃ nissāya badarikārāme viharanto rāhulattheraṃ ārabbha kathesi. Vatthu heṭṭhā tipallatthajātake (jā. 1.1.16) vitthāritameva. Bhikkhū dhammasabhāyaṃ kathaṃ samuṭṭhāpesuṃ ‘‘āvuso, rāhulo sikkhākāmo kukkuccako ovādakkhamo’’ti. Tassāyasmato guṇakathāya samuṭṭhāpitāya satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi rāhulo sikkhākāmo kukkuccako ovādakkhamoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилам̣ г̇анд̇ваа саб̣б̣асиббаани уг̇г̇ан̣хид̇ваа нигкамма химаванд̇абад̣̇зсз исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа жхаанагийл̣ам̣ гийл̣анд̇о раман̣ийяз ванасан̣д̣з васид̇ваа лон̣амб̣иласзванад̇т̇ааяа ан̃н̃ад̇арам̣ бажжанд̇аг̇аамагам̣ аг̇амааси. д̇ад̇т̇а нам̣ мануссаа д̣̇исваа басаннажид̇д̇аа ан̃н̃ад̇арасмим̣ аран̃н̃з бан̣н̣асаалам̣ гаарзд̇ваа бажжаязхи убадтаханд̇аа ваасаабзсум̣. д̇ад̣̇аа д̇асмим̣ г̇аамагз зго саагун̣иго згам̣ д̣̇ийбагад̇ид̇д̇ирам̣ г̇ахзд̇ваа судту сигкаабзд̇ваа бан̃ж̇арз багкибид̇ваа бадиж̇аг̇г̇ад̇и. со д̇ам̣ аран̃н̃ам̣ нзд̇ваа д̇асса сад̣̇д̣̇зна ааг̇ад̇ааг̇ад̇з д̇ид̇д̇ирз г̇ахзд̇ваа виггин̣ид̇ваа ж̇ийвигам̣ габбзси. д̇ид̇д̇иро ‘‘мам̣ згам̣ ниссааяа б̣ахуу мама н̃аад̇агаа нассанд̇и, маяхамзд̇ам̣ бааба’’нд̇и ниссад̣̇д̣̇о ахоси. со д̇асса ниссад̣̇д̣̇абхаавам̣ н̃ад̇ваа взл̣убзсигааяа нам̣ сийсз бахарад̇и. д̇ид̇д̇иро д̣̇угкаад̇урад̇ааяа сад̣̇д̣̇ам̣ гарод̇и. звам̣ со саагун̣иго д̇ам̣ ниссааяа д̇ид̇д̇ирз г̇ахзд̇ваа ж̇ийвигам̣ габбзси.
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto takkasilaṃ gantvā sabbasippāni uggaṇhitvā nikkhamma himavantapadese isipabbajjaṃ pabbajitvā abhiññā ca samāpattiyo ca nibbattetvā jhānakīḷaṃ kīḷanto ramaṇīye vanasaṇḍe vasitvā loṇambilasevanatthāya aññataraṃ paccantagāmakaṃ agamāsi. Tattha naṃ manussā disvā pasannacittā aññatarasmiṃ araññe paṇṇasālaṃ kāretvā paccayehi upaṭṭhahantā vāsāpesuṃ. Tadā tasmiṃ gāmake eko sākuṇiko ekaṃ dīpakatittiraṃ gahetvā suṭṭhu sikkhāpetvā pañjare pakkhipitvā paṭijaggati. So taṃ araññaṃ netvā tassa saddena āgatāgate tittire gahetvā vikkiṇitvā jīvikaṃ kappesi. Tittiro ‘‘maṃ ekaṃ nissāya bahū mama ñātakā nassanti, mayhametaṃ pāpa’’nti nissaddo ahosi. So tassa nissaddabhāvaṃ ñatvā veḷupesikāya naṃ sīse paharati. Tittiro dukkhāturatāya saddaṃ karoti. Evaṃ so sākuṇiko taṃ nissāya tittire gahetvā jīvikaṃ kappesi.
ат̇а со д̇ид̇д̇иро жинд̇зси ‘‘имз маранд̇ууд̇и маяхам̣ жзд̇анаа над̇т̇и, бадижжагаммам̣ бана мам̣ пусад̇и, маяи сад̣̇д̣̇ам̣ агаронд̇з зд̇з нааг̇ажчанд̇и, гаронд̇зязва ааг̇ажчанд̇и, ааг̇ад̇ааг̇ад̇з аяам̣ г̇ахзд̇ваа ж̇ийвид̇агкаяам̣ баабзд̇и, ад̇т̇и ну ко зд̇т̇а маяхам̣ баабам̣, над̇т̇ий’’д̇и. со д̇ад̇о бадтааяа ‘‘го ну ко мз имам̣ ган̇кам̣ чинд̣̇зяяаа’’д̇и д̇ат̇ааруубам̣ бан̣д̣ид̇ам̣ убад̇хаарзнд̇о жарад̇и. ат̇згад̣̇ивасам̣ со саагун̣иго б̣ахуу д̇ид̇д̇ирз г̇ахзд̇ваа бажчим̣ буурзд̇ваа ‘‘баанийяам̣ бивиссаамий’’д̇и б̣од̇хисад̇д̇асса ассамам̣ г̇анд̇ваа д̇ам̣ бан̃ж̇арам̣ б̣од̇хисад̇д̇асса санд̇игз табзд̇ваа баанийяам̣ бивид̇ваа ваалугаад̇алз нибанно нид̣̇д̣̇ам̣ оггами. д̇ид̇д̇иро д̇асса нид̣̇д̣̇огганд̇абхаавам̣ н̃ад̇ваа ‘‘мама ган̇кам̣ имам̣ д̇аабасам̣ бужчиссаами, ж̇аананд̇о мз гат̇зссад̇ий’’д̇и бан̃ж̇арз нисинноязва д̇ам̣ бужчанд̇о батамам̣ г̇аат̇амааха –
Atha so tittiro cintesi ‘‘ime marantūti mayhaṃ cetanā natthi, paṭiccakammaṃ pana maṃ phusati, mayi saddaṃ akaronte ete nāgacchanti, karonteyeva āgacchanti, āgatāgate ayaṃ gahetvā jīvitakkhayaṃ pāpeti, atthi nu kho ettha mayhaṃ pāpaṃ, natthī’’ti. So tato paṭṭhāya ‘‘ko nu kho me imaṃ kaṅkhaṃ chindeyyā’’ti tathārūpaṃ paṇḍitaṃ upadhārento carati. Athekadivasaṃ so sākuṇiko bahū tittire gahetvā pacchiṃ pūretvā ‘‘pānīyaṃ pivissāmī’’ti bodhisattassa assamaṃ gantvā taṃ pañjaraṃ bodhisattassa santike ṭhapetvā pānīyaṃ pivitvā vālukātale nipanno niddaṃ okkami. Tittiro tassa niddokkantabhāvaṃ ñatvā ‘‘mama kaṅkhaṃ imaṃ tāpasaṃ pucchissāmi, jānanto me kathessatī’’ti pañjare nisinnoyeva taṃ pucchanto paṭhamaṃ gāthamāha –
73.
73.
‘‘сусукам̣ вад̇а ж̇ийваами, лабхаами жзва бхун̃ж̇ид̇ум̣;
‘‘Susukhaṃ vata jīvāmi, labhāmi ceva bhuñjituṃ;
барибант̇з жа д̇идтаами, гаа ну бханд̇з г̇ад̇ий мамаа’’д̇и.
Paripanthe ca tiṭṭhāmi, kā nu bhante gatī mamā’’ti.
д̇ад̇т̇а сусукам̣ вад̇а ж̇ийваамийд̇и ахам̣, бханд̇з, имам̣ саагун̣игам̣ ниссааяа судту сукам̣ ж̇ийваами. лабхаамийд̇и яат̇ааружид̇ам̣ каад̣̇анийяам̣ бхож̇анийяам̣ бхун̃ж̇ид̇умби лабхаами. барибант̇з жа д̇идтаамийд̇и абижа ко яад̇т̇а мама н̃аад̇агаа мама сад̣̇д̣̇зна ааг̇ад̇ааг̇ад̇аа винассанд̇и, д̇асмим̣ барибант̇з д̇идтаами. гаа ну, бханд̇з, г̇ад̇ий мамаад̇и гаа ну ко, бханд̇з, мама г̇ад̇и, гаа нибпад̇д̇и бхависсад̇ийд̇и бужчи.
Tattha susukhaṃ vata jīvāmīti ahaṃ, bhante, imaṃ sākuṇikaṃ nissāya suṭṭhu sukhaṃ jīvāmi. Labhāmīti yathārucitaṃ khādanīyaṃ bhojanīyaṃ bhuñjitumpi labhāmi. Paripanthe ca tiṭṭhāmīti apica kho yattha mama ñātakā mama saddena āgatāgatā vinassanti, tasmiṃ paripanthe tiṭṭhāmi. Kā nu, bhante, gatī mamāti kā nu kho, bhante, mama gati, kā nipphatti bhavissatīti pucchi.
д̇асса бан̃хам̣ виссаж̇ж̇знд̇о б̣од̇хисад̇д̇о д̣̇уд̇ияам̣ г̇аат̇амааха –
Tassa pañhaṃ vissajjento bodhisatto dutiyaṃ gāthamāha –
74.
74.
‘‘мано жз д̇з наббан̣амад̇и, багки баабасса гаммуно;
‘‘Mano ce te nappaṇamati, pakkhi pāpassa kammuno;
аб̣яаавадасса бхад̣̇расса, на баабамубалимбад̇ий’’д̇и.
Abyāvaṭassa bhadrassa, na pāpamupalimpatī’’ti.
д̇ад̇т̇а баабасса гаммунод̇и яад̣̇и д̇ава мано баабагаммассад̇т̇ааяа на бан̣амад̇и, баабагаран̣з д̇аннинно д̇аббон̣о д̇аббаб̣бхааро на ход̇и. аб̣яаавадассаад̇и звам̣ санд̇з баабагаммагаран̣ад̇т̇ааяа аб̣яаавадасса уссуггам̣ анаабаннасса д̇ава бхад̣̇расса суд̣̇д̇хассзва сад̇о баабам̣ на убалимбад̇и на аллийяад̇ийд̇и.
Tattha pāpassa kammunoti yadi tava mano pāpakammassatthāya na paṇamati, pāpakaraṇe tanninno tappoṇo tappabbhāro na hoti. Abyāvaṭassāti evaṃ sante pāpakammakaraṇatthāya abyāvaṭassa ussukkaṃ anāpannassa tava bhadrassa suddhasseva sato pāpaṃ na upalimpati na allīyatīti.
д̇ам̣ суд̇ваа д̇ид̇д̇иро д̇ад̇ияам̣ г̇аат̇амааха –
Taṃ sutvā tittiro tatiyaṃ gāthamāha –
75.
75.
‘‘н̃аад̇аго но нисиннод̇и, б̣аху ааг̇ажчад̇з ж̇ано;
‘‘Ñātako no nisinnoti, bahu āgacchate jano;
бадижжагаммам̣ пусад̇и, д̇асмим̣ мз сан̇гад̇з мано’’д̇и.
Paṭiccakammaṃ phusati, tasmiṃ me saṅkate mano’’ti.
д̇ассад̇т̇о – бханд̇з, сажаахам̣ сад̣̇д̣̇ам̣ на гарзяяам̣, аяам̣ д̇ид̇д̇ираж̇ано на ааг̇ажчзяяа, маяи бана сад̣̇д̣̇ам̣ гаронд̇з ‘‘н̃аад̇аго но нисинно’’д̇и аяам̣ б̣аху ж̇ано ааг̇ажчад̇и , д̇ам̣ ааг̇ад̇ааг̇ад̇ам̣ луд̣̇д̣̇о г̇ахзд̇ваа ж̇ийвид̇агкаяам̣ баабзнд̇о мам̣ бадижжа ниссааяа зд̇ам̣ баан̣аад̇ибаад̇агаммам̣ пусад̇и бадилабхад̇и винд̣̇ад̇и , д̇асмим̣ мам̣ бадижжа гад̇з баабз мама ну ко зд̇ам̣ баабанд̇и звам̣ мз мано сан̇гад̇з барисан̇гад̇и гуггужжам̣ аабаж̇ж̇ад̇ийд̇и.
Tassattho – bhante, sacāhaṃ saddaṃ na kareyyaṃ, ayaṃ tittirajano na āgaccheyya, mayi pana saddaṃ karonte ‘‘ñātako no nisinno’’ti ayaṃ bahu jano āgacchati , taṃ āgatāgataṃ luddo gahetvā jīvitakkhayaṃ pāpento maṃ paṭicca nissāya etaṃ pāṇātipātakammaṃ phusati paṭilabhati vindati , tasmiṃ maṃ paṭicca kate pāpe mama nu kho etaṃ pāpanti evaṃ me mano saṅkate parisaṅkati kukkuccaṃ āpajjatīti.
д̇ам̣ суд̇ваа б̣од̇хисад̇д̇о жад̇уд̇т̇ам̣ г̇аат̇амааха –
Taṃ sutvā bodhisatto catutthaṃ gāthamāha –
76.
76.
‘‘на бадижжагаммам̣ пусад̇и, мано жз наббад̣̇уссад̇и;
‘‘Na paṭiccakammaṃ phusati, mano ce nappadussati;
аббоссуггасса бхад̣̇расса, на баабамубалимбад̇ий’’д̇и.
Appossukkassa bhadrassa, na pāpamupalimpatī’’ti.
д̇ассад̇т̇о – яад̣̇и д̇ава баабагирияааяа мано на бад̣̇уссад̇и, д̇аннинно д̇аббоно д̇аббаб̣бхааро на ход̇и, звам̣ санд̇з луд̣̇д̣̇зна ааяасманд̇ам̣ бадижжа гад̇амби баабагаммам̣ д̇ам̣ на пусад̇и на аллийяад̇и, баабагирияааяа хи аббоссуггасса нираалаяасса бхад̣̇расса барисуд̣̇д̇хассзва сад̇о д̇ава баан̣аад̇ибаад̇ажзд̇анааяа абхааваа д̇ам̣ баабам̣ на убалимбад̇и, д̇ава жид̇д̇ам̣ на аллийяад̇ийд̇и.
Tassattho – yadi tava pāpakiriyāya mano na padussati, tanninno tappono tappabbhāro na hoti, evaṃ sante luddena āyasmantaṃ paṭicca katampi pāpakammaṃ taṃ na phusati na allīyati, pāpakiriyāya hi appossukkassa nirālayassa bhadrassa parisuddhasseva sato tava pāṇātipātacetanāya abhāvā taṃ pāpaṃ na upalimpati, tava cittaṃ na allīyatīti.
звам̣ махаасад̇д̇о д̇ид̇д̇ирам̣ сан̃н̃аабзси, соби д̇ам̣ ниссааяа ниггуггужжо ахоси. луд̣̇д̣̇о баб̣уд̣̇д̇хо б̣од̇хисад̇д̇ам̣ ванд̣̇ид̇ваа бан̃ж̇арам̣ аад̣̇ааяа баггаами.
Evaṃ mahāsatto tittiraṃ saññāpesi, sopi taṃ nissāya nikkukkucco ahosi. Luddo pabuddho bodhisattaṃ vanditvā pañjaraṃ ādāya pakkāmi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̇ид̇д̇иро раахуло ахоси, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā tittiro rāhulo ahosi, tāpaso pana ahameva ahosi’’nti.
д̇ид̇д̇ираж̇аад̇агаван̣н̣анаа навамаа.
Tittirajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 319. д̇ид̇д̇ираж̇аад̇агам̣ • 319. Tittirajātakaṃ
