| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. तिवण्टिपुप्फियत्थेरअपदानं
10. Tivaṇṭipupphiyattheraapadānaṃ
५७.
57.
तेसं निज्झायमानानं, परिळाहो अजायथ॥
Tesaṃ nijjhāyamānānaṃ, pariḷāho ajāyatha.
५८.
58.
‘‘सुनन्दो नाम नामेन, बुद्धस्स सावको तदा।
‘‘Sunando nāma nāmena, buddhassa sāvako tadā;
धम्मदस्सिस्स मुनिनो, आगच्छि मम सन्तिकं॥
Dhammadassissa munino, āgacchi mama santikaṃ.
५९.
59.
‘‘ये मे बद्धचरा आसुं, ते मे पुप्फं अदुं तदा।
‘‘Ye me baddhacarā āsuṃ, te me pupphaṃ aduṃ tadā;
ताहं पुप्फं गहेत्वान, सावके अभिरोपयिं॥
Tāhaṃ pupphaṃ gahetvāna, sāvake abhiropayiṃ.
६०.
60.
‘‘सोहं कालंकतो तत्थ, पुनापि उपपज्जहं।
‘‘Sohaṃ kālaṃkato tattha, punāpi upapajjahaṃ;
अट्ठारसे कप्पसते, विनिपातं न गच्छहं॥
Aṭṭhārase kappasate, vinipātaṃ na gacchahaṃ.
६१.
61.
‘‘तेरसेतो कप्पसते, अट्ठासुं धूमकेतुनो।
‘‘Teraseto kappasate, aṭṭhāsuṃ dhūmaketuno;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
६२.
62.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा तिवण्टिपुप्फियो थेरो इमा गाथायो अभासित्थाति।
Itthaṃ sudaṃ āyasmā tivaṇṭipupphiyo thero imā gāthāyo abhāsitthāti;
तिवण्टिपुप्फियत्थेरस्सापदानं दसमं।
Tivaṇṭipupphiyattherassāpadānaṃ dasamaṃ.
कुटजपुप्फियवग्गो एकूनवीसतिमो।
Kuṭajapupphiyavaggo ekūnavīsatimo.
तस्सुद्दानं –
Tassuddānaṃ –
कुटजो बन्धुजीवी च, कोटुम्बरिकहत्थियो।
Kuṭajo bandhujīvī ca, koṭumbarikahatthiyo;
इसिमुग्गो च बोधि च, एकचिन्ती तिकण्णिको।
Isimuggo ca bodhi ca, ekacintī tikaṇṇiko;
एकचारी तिवण्टि च, गाथा द्वासट्ठि कित्तिताति॥
Ekacārī tivaṇṭi ca, gāthā dvāsaṭṭhi kittitāti.
Footnotes:
