| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ติวณฺฎิปุปฺผิยเตฺถรอปทานํ
10. Tivaṇṭipupphiyattheraapadānaṃ
๕๗.
57.
เตสํ นิชฺฌายมานานํ, ปริฬาโห อชายถฯ
Tesaṃ nijjhāyamānānaṃ, pariḷāho ajāyatha.
๕๘.
58.
‘‘สุนโนฺท นาม นาเมน, พุทฺธสฺส สาวโก ตทา;
‘‘Sunando nāma nāmena, buddhassa sāvako tadā;
ธมฺมทสฺสิสฺส มุนิโน, อาคจฺฉิ มม สนฺติกํฯ
Dhammadassissa munino, āgacchi mama santikaṃ.
๕๙.
59.
‘‘เย เม พทฺธจรา อาสุํ, เต เม ปุปฺผํ อทุํ ตทา;
‘‘Ye me baddhacarā āsuṃ, te me pupphaṃ aduṃ tadā;
ตาหํ ปุปฺผํ คเหตฺวาน, สาวเก อภิโรปยิํฯ
Tāhaṃ pupphaṃ gahetvāna, sāvake abhiropayiṃ.
๖๐.
60.
‘‘โสหํ กาลํกโต ตตฺถ, ปุนาปิ อุปปชฺชหํ;
‘‘Sohaṃ kālaṃkato tattha, punāpi upapajjahaṃ;
อฎฺฐารเส กปฺปสเต, วินิปาตํ น คจฺฉหํฯ
Aṭṭhārase kappasate, vinipātaṃ na gacchahaṃ.
๖๑.
61.
‘‘เตรเสโต กปฺปสเต, อฎฺฐาสุํ ธูมเกตุโน;
‘‘Teraseto kappasate, aṭṭhāsuṃ dhūmaketuno;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๖๒.
62.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ติวณฺฎิปุปฺผิโย เถโร อิมา คาถาโย อภาสิตฺถาติ;
Itthaṃ sudaṃ āyasmā tivaṇṭipupphiyo thero imā gāthāyo abhāsitthāti;
ติวณฺฎิปุปฺผิยเตฺถรสฺสาปทานํ ทสมํฯ
Tivaṇṭipupphiyattherassāpadānaṃ dasamaṃ.
กุฎชปุปฺผิยวโคฺค เอกูนวีสติโมฯ
Kuṭajapupphiyavaggo ekūnavīsatimo.
ตสฺสุทฺทานํ –
Tassuddānaṃ –
กุฎโช พนฺธุชีวี จ, โกฎุมฺพริกหตฺถิโย;
Kuṭajo bandhujīvī ca, koṭumbarikahatthiyo;
อิสิมุโคฺค จ โพธิ จ, เอกจินฺตี ติกณฺณิโก;
Isimuggo ca bodhi ca, ekacintī tikaṇṇiko;
เอกจารี ติวณฺฎิ จ, คาถา ทฺวาสฎฺฐิ กิตฺติตาติฯ
Ekacārī tivaṇṭi ca, gāthā dvāsaṭṭhi kittitāti.
Footnotes:
