| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
তিৰিধসলাকগ্গাহকথা
Tividhasalākaggāhakathā
২৩৫. সঞ্ঞত্তিযাতি এত্থ সঞ্ঞাপনং সঞ্ঞত্তি, তদত্থাযাতি দস্সেন্তো আহ ‘‘সঞ্ঞাপনত্থাযা’’তি। গূহিতব্বোতি গূল়্হো, সোযেৰ গূল়্হকো, সলাকগ্গাহো কাতব্বোতি সম্বন্ধো। ৰিৰরিতব্বোতি ৰিৰটো, সোযেৰ ৰিৰটকো। সস্স অত্তনো কণ্ণসমীপে জপ্পীযতি কথীযতীতি সকণ্ণজপ্পো, সোযেৰ সকণ্ণজপ্পকো। ‘‘নিমিত্তসঞ্ঞং আরোপেত্ৰা’’তি ইমিনা ৰণ্ণাৰণ্ণাযো কত্ৰাতি এত্থ ৰণ্ণসদ্দো সণ্ঠানৰাচকোতি দস্সেতি। সুসণ্ঠানদুসণ্ঠানা সলাকাযো কত্ৰাতি অত্থো। ততোতি ৰিসভাগকরণতো পরং গহেতব্বোতি সম্বন্ধো। সব্বাপি তা সলাকাযোতি যোজনা। কত্ৰাতি পক্খিপনং কত্ৰা। ৰুত্তনযেনাতি ‘‘অলজ্জুস্সন্নাযা’’তিআদিনা ৰুত্তনযেন। ‘‘যাৰততিয’’ন্তি ইমিনা পচ্চুক্কড্ঢিতব্বন্তি এত্থ পুনপ্পুনং উদ্ধং কড্ঢিতব্বন্তি অত্থং দস্সেতি। অতিরেকজাতেতি অধম্মৰাদীহি অতিরেকতো জাতে সতীতি সম্বন্ধো। যাৰততিযম্পীতি পিসদ্দো ততো ঊনে একদ্ৰেৰারে পন কা নাম কথাতি দস্সেতি।
235.Saññattiyāti ettha saññāpanaṃ saññatti, tadatthāyāti dassento āha ‘‘saññāpanatthāyā’’ti. Gūhitabboti gūḷho, soyeva gūḷhako, salākaggāho kātabboti sambandho. Vivaritabboti vivaṭo, soyeva vivaṭako. Sassa attano kaṇṇasamīpe jappīyati kathīyatīti sakaṇṇajappo, soyeva sakaṇṇajappako. ‘‘Nimittasaññaṃ āropetvā’’ti iminā vaṇṇāvaṇṇāyo katvāti ettha vaṇṇasaddo saṇṭhānavācakoti dasseti. Susaṇṭhānadusaṇṭhānā salākāyo katvāti attho. Tatoti visabhāgakaraṇato paraṃ gahetabboti sambandho. Sabbāpi tā salākāyoti yojanā. Katvāti pakkhipanaṃ katvā. Vuttanayenāti ‘‘alajjussannāyā’’tiādinā vuttanayena. ‘‘Yāvatatiya’’nti iminā paccukkaḍḍhitabbanti ettha punappunaṃ uddhaṃ kaḍḍhitabbanti atthaṃ dasseti. Atirekajāteti adhammavādīhi atirekato jāte satīti sambandho. Yāvatatiyampīti pisaddo tato ūne ekadvevāre pana kā nāma kathāti dasseti.
সকণ্ণজপ্পকে পন এৰং ৰিনিচ্ছযো ৰেদিতব্বোতি যোজনা। সচে সঙ্ঘত্থেরো গণ্হাতীতি সম্বন্ধো। সোতি সঙ্ঘত্থেরো। ৰযোঅনুপ্পত্তাতি পচ্ছিমৰযং অনুপ্পত্তা। এতন্তি অধম্মৰাদিসলাকং। অস্সাতি সঙ্ঘত্থেরস্স। ইতরা সলাকাতি অধম্মৰাদিসলাকাহি অঞ্ঞা ধম্মৰাদিসলাকা। সোতি সঙ্ঘত্থেরো। তন্তি ধম্মৰাদিসলাকং। ততোতি নেৰ অৰবুজ্ঝনকারণা। ৰুত্তনযমেৰাতি গূল়্হকে ৰুত্তনযমেৰ। ৰিৰটো অত্থো ইমস্সাতি ৰিৰটত্থো।
Sakaṇṇajappake pana evaṃ vinicchayo veditabboti yojanā. Sace saṅghatthero gaṇhātīti sambandho. Soti saṅghatthero. Vayoanuppattāti pacchimavayaṃ anuppattā. Etanti adhammavādisalākaṃ. Assāti saṅghattherassa. Itarā salākāti adhammavādisalākāhi aññā dhammavādisalākā. Soti saṅghatthero. Tanti dhammavādisalākaṃ. Tatoti neva avabujjhanakāraṇā. Vuttanayamevāti gūḷhake vuttanayameva. Vivaṭo attho imassāti vivaṭattho.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / তিৰিধসলাকগ্গাহো • Tividhasalākaggāho
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / চূল়ৰগ্গ-অট্ঠকথা • Cūḷavagga-aṭṭhakathā / তিৰিধসলাকগ্গাহকথা • Tividhasalākaggāhakathā
