| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
д̇ивид̇хасалаагаг̇г̇аахагат̇аа
Tividhasalākaggāhakathā
235. сан̃н̃ад̇д̇ияаад̇и сан̃н̃аабанад̇т̇ааяа. г̇уул̣хаганд̇иаад̣̇ийсу алаж̇ж̇уссаннааяа барисааяа г̇уул̣хаго салаагаг̇г̇аахо гаад̇аб̣б̣о, лаж̇ж̇уссаннааяа барисааяа вивадаго, б̣аалуссаннааяа саган̣н̣аж̇аббаго. ван̣н̣ааван̣н̣ааяо гад̇ваад̇и д̇хаммаваад̣̇ийнан̃жа ад̇хаммаваад̣̇ийнан̃жа салаагааяо нимид̇д̇асан̃н̃ам̣ ааробзд̇ваа ан̃н̃аман̃н̃ам̣ висабхааг̇аа гаад̇аб̣б̣аа. д̇ад̇о д̇аа саб̣б̣ааби жийварабхог̇з гад̇ваа вуд̇д̇анаязна г̇аахзд̇аб̣б̣аа. д̣̇уг̇г̇аход̇и бажжуггад̣дхид̇аб̣б̣анд̇и ‘‘д̣̇уг̇г̇ахид̇аа салаагааяо’’д̇и вад̇ваа буна г̇ахзд̇ваа яаавад̇ад̇ияам̣ г̇аахзд̇аб̣б̣аа. суг̇г̇аход̇и саавзд̇аб̣б̣анд̇и згасмимби д̇хаммаваад̣̇имхи ад̇ирзгаж̇аад̇з ‘‘суг̇г̇ахид̇аа салаагааяо’’д̇и саавзд̇аб̣б̣ам̣. яат̇аа жа д̇з д̇хаммаваад̣̇ино вад̣̇анд̇и д̇ат̇аа д̇ам̣ ад̇хигаран̣ам̣ вуубасамзд̇аб̣б̣анд̇и. ат̇а яаавад̇ад̇ияамби ад̇хаммаваад̣̇инова б̣ахуд̇араа хонд̇и, аж̇ж̇а ‘‘агаало, свз ж̇ааниссаамаа’’д̇и вудтахид̇ваа алаж̇ж̇ийнам̣ багкабхзд̣̇ад̇т̇ааяа д̇хаммаваад̣̇ибагкам̣ бариязсид̇ваа бунад̣̇ивасз салаагаг̇г̇аахо гаад̇аб̣б̣о. аяам̣ г̇уул̣хаго салаагаг̇г̇аахо.
235.Saññattiyāti saññāpanatthāya. Gūḷhakantiādīsu alajjussannāya parisāya gūḷhako salākaggāho kātabbo, lajjussannāya parisāya vivaṭako, bālussannāya sakaṇṇajappako. Vaṇṇāvaṇṇāyo katvāti dhammavādīnañca adhammavādīnañca salākāyo nimittasaññaṃ āropetvā aññamaññaṃ visabhāgā kātabbā. Tato tā sabbāpi cīvarabhoge katvā vuttanayena gāhetabbā. Duggahoti paccukkaḍḍhitabbanti ‘‘duggahitā salākāyo’’ti vatvā puna gahetvā yāvatatiyaṃ gāhetabbā. Suggahoti sāvetabbanti ekasmimpi dhammavādimhi atirekajāte ‘‘suggahitā salākāyo’’ti sāvetabbaṃ. Yathā ca te dhammavādino vadanti tathā taṃ adhikaraṇaṃ vūpasametabbanti. Atha yāvatatiyampi adhammavādinova bahutarā honti, ajja ‘‘akālo, sve jānissāmā’’ti vuṭṭhahitvā alajjīnaṃ pakkhabhedatthāya dhammavādipakkhaṃ pariyesitvā punadivase salākaggāho kātabbo. Ayaṃ gūḷhako salākaggāho.
саган̣н̣аж̇аббагз бана г̇ахид̇з вад̇д̇аб̣б̣од̇и зд̇т̇а сажз сан̇гхад̇т̇зро ад̇хаммаваад̣̇исалаагам̣ г̇ан̣хаад̇и, со звам̣ аваб̣од̇хзд̇аб̣б̣о – ‘‘бханд̇з, д̇умхз махаллагаа ваяоануббад̇д̇аа, д̇умхаагам̣ зд̇ам̣ на яуд̇д̇ам̣, аяам̣ бана д̇хаммаваад̣̇исалаагаа’’д̇и асса ид̇араа салаагаа д̣̇ассзд̇аб̣б̣аа. сажз со д̇ам̣ г̇ан̣хаад̇и, д̣̇аад̇аб̣б̣аа. ат̇а нзва аваб̣уж̇жхад̇и, д̇ад̇о ‘‘маа гассажи аарожзхий’’д̇и вад̇д̇аб̣б̣о. сзсам̣ вуд̇д̇анаяамзва. вивадаго вивадад̇т̇оязва.
Sakaṇṇajappake pana gahite vattabboti ettha sace saṅghatthero adhammavādisalākaṃ gaṇhāti, so evaṃ avabodhetabbo – ‘‘bhante, tumhe mahallakā vayoanuppattā, tumhākaṃ etaṃ na yuttaṃ, ayaṃ pana dhammavādisalākā’’ti assa itarā salākā dassetabbā. Sace so taṃ gaṇhāti, dātabbā. Atha neva avabujjhati, tato ‘‘mā kassaci ārocehī’’ti vattabbo. Sesaṃ vuttanayameva. Vivaṭako vivaṭatthoyeva.
д̇ивид̇хасалаагаг̇г̇аахагат̇аа нидтид̇аа.
Tividhasalākaggāhakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / д̇ивид̇хасалаагаг̇г̇аахо • Tividhasalākaggāho
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хигаран̣авуубасаманасамат̇агат̇аад̣̇иван̣н̣анаа • Adhikaraṇavūpasamanasamathakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / д̇ивид̇хасалаагаг̇г̇аахагат̇аа • Tividhasalākaggāhakathā
