| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
ติวิธสลากคฺคาหกถา
Tividhasalākaggāhakathā
๒๓๕. สญฺญตฺติยาติ เอตฺถ สญฺญาปนํ สญฺญตฺติ, ตทตฺถายาติ ทเสฺสโนฺต อาห ‘‘สญฺญาปนตฺถายา’’ติฯ คูหิตโพฺพติ คูโฬฺห, โสเยว คูฬฺหโก, สลากคฺคาโห กาตโพฺพติ สมฺพโนฺธฯ วิวริตโพฺพติ วิวโฎ, โสเยว วิวฎโกฯ สสฺส อตฺตโน กณฺณสมีเป ชปฺปียติ กถียตีติ สกณฺณชโปฺป, โสเยว สกณฺณชปฺปโกฯ ‘‘นิมิตฺตสญฺญํ อาโรเปตฺวา’’ติ อิมินา วณฺณาวณฺณาโย กตฺวาติ เอตฺถ วณฺณสโทฺท สณฺฐานวาจโกติ ทเสฺสติฯ สุสณฺฐานทุสณฺฐานา สลากาโย กตฺวาติ อโตฺถฯ ตโตติ วิสภาคกรณโต ปรํ คเหตโพฺพติ สมฺพโนฺธฯ สพฺพาปิ ตา สลากาโยติ โยชนาฯ กตฺวาติ ปกฺขิปนํ กตฺวาฯ วุตฺตนเยนาติ ‘‘อลชฺชุสฺสนฺนายา’’ติอาทินา วุตฺตนเยนฯ ‘‘ยาวตติย’’นฺติ อิมินา ปจฺจุกฺกฑฺฒิตพฺพนฺติ เอตฺถ ปุนปฺปุนํ อุทฺธํ กฑฺฒิตพฺพนฺติ อตฺถํ ทเสฺสติฯ อติเรกชาเตติ อธมฺมวาทีหิ อติเรกโต ชาเต สตีติ สมฺพโนฺธฯ ยาวตติยมฺปีติ ปิสโทฺท ตโต อูเน เอกเทฺววาเร ปน กา นาม กถาติ ทเสฺสติฯ
235.Saññattiyāti ettha saññāpanaṃ saññatti, tadatthāyāti dassento āha ‘‘saññāpanatthāyā’’ti. Gūhitabboti gūḷho, soyeva gūḷhako, salākaggāho kātabboti sambandho. Vivaritabboti vivaṭo, soyeva vivaṭako. Sassa attano kaṇṇasamīpe jappīyati kathīyatīti sakaṇṇajappo, soyeva sakaṇṇajappako. ‘‘Nimittasaññaṃ āropetvā’’ti iminā vaṇṇāvaṇṇāyo katvāti ettha vaṇṇasaddo saṇṭhānavācakoti dasseti. Susaṇṭhānadusaṇṭhānā salākāyo katvāti attho. Tatoti visabhāgakaraṇato paraṃ gahetabboti sambandho. Sabbāpi tā salākāyoti yojanā. Katvāti pakkhipanaṃ katvā. Vuttanayenāti ‘‘alajjussannāyā’’tiādinā vuttanayena. ‘‘Yāvatatiya’’nti iminā paccukkaḍḍhitabbanti ettha punappunaṃ uddhaṃ kaḍḍhitabbanti atthaṃ dasseti. Atirekajāteti adhammavādīhi atirekato jāte satīti sambandho. Yāvatatiyampīti pisaddo tato ūne ekadvevāre pana kā nāma kathāti dasseti.
สกณฺณชปฺปเก ปน เอวํ วินิจฺฉโย เวทิตโพฺพติ โยชนาฯ สเจ สงฺฆเตฺถโร คณฺหาตีติ สมฺพโนฺธฯ โสติ สงฺฆเตฺถโรฯ วโยอนุปฺปตฺตาติ ปจฺฉิมวยํ อนุปฺปตฺตาฯ เอตนฺติ อธมฺมวาทิสลากํฯ อสฺสาติ สงฺฆเตฺถรสฺสฯ อิตรา สลากาติ อธมฺมวาทิสลากาหิ อญฺญา ธมฺมวาทิสลากาฯ โสติ สงฺฆเตฺถโรฯ ตนฺติ ธมฺมวาทิสลากํฯ ตโตติ เนว อวพุชฺฌนการณาฯ วุตฺตนยเมวาติ คูฬฺหเก วุตฺตนยเมวฯ วิวโฎ อโตฺถ อิมสฺสาติ วิวฎโตฺถฯ
Sakaṇṇajappake pana evaṃ vinicchayo veditabboti yojanā. Sace saṅghatthero gaṇhātīti sambandho. Soti saṅghatthero. Vayoanuppattāti pacchimavayaṃ anuppattā. Etanti adhammavādisalākaṃ. Assāti saṅghattherassa. Itarā salākāti adhammavādisalākāhi aññā dhammavādisalākā. Soti saṅghatthero. Tanti dhammavādisalākaṃ. Tatoti neva avabujjhanakāraṇā. Vuttanayamevāti gūḷhake vuttanayameva. Vivaṭo attho imassāti vivaṭattho.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ติวิธสลากคฺคาโห • Tividhasalākaggāho
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / ติวิธสลากคฺคาหกถา • Tividhasalākaggāhakathā
