| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
តិវិធសលាកគ្គាហកថា
Tividhasalākaggāhakathā
២៣៥. សញ្ញត្តិយាតិ ឯត្ថ សញ្ញាបនំ សញ្ញត្តិ, តទត្ថាយាតិ ទស្សេន្តោ អាហ ‘‘សញ្ញាបនត្ថាយា’’តិ។ គូហិតព្ពោតិ គូឡ្ហោ, សោយេវ គូឡ្ហកោ, សលាកគ្គាហោ កាតព្ពោតិ សម្ពន្ធោ។ វិវរិតព្ពោតិ វិវដោ, សោយេវ វិវដកោ។ សស្ស អត្តនោ កណ្ណសមីបេ ជប្បីយតិ កថីយតីតិ សកណ្ណជប្បោ, សោយេវ សកណ្ណជប្បកោ។ ‘‘និមិត្តសញ្ញំ អារោបេត្វា’’តិ ឥមិនា វណ្ណាវណ្ណាយោ កត្វាតិ ឯត្ថ វណ្ណសទ្ទោ សណ្ឋានវាចកោតិ ទស្សេតិ។ សុសណ្ឋានទុសណ្ឋានា សលាកាយោ កត្វាតិ អត្ថោ។ តតោតិ វិសភាគករណតោ បរំ គហេតព្ពោតិ សម្ពន្ធោ។ សព្ពាបិ តា សលាកាយោតិ យោជនា។ កត្វាតិ បក្ខិបនំ កត្វា។ វុត្តនយេនាតិ ‘‘អលជ្ជុស្សន្នាយា’’តិអាទិនា វុត្តនយេន។ ‘‘យាវតតិយ’’ន្តិ ឥមិនា បច្ចុក្កឌ្ឍិតព្ពន្តិ ឯត្ថ បុនប្បុនំ ឧទ្ធំ កឌ្ឍិតព្ពន្តិ អត្ថំ ទស្សេតិ។ អតិរេកជាតេតិ អធម្មវាទីហិ អតិរេកតោ ជាតេ សតីតិ សម្ពន្ធោ។ យាវតតិយម្បីតិ បិសទ្ទោ តតោ ឩនេ ឯកទ្វេវារេ បន កា នាម កថាតិ ទស្សេតិ។
235.Saññattiyāti ettha saññāpanaṃ saññatti, tadatthāyāti dassento āha ‘‘saññāpanatthāyā’’ti. Gūhitabboti gūḷho, soyeva gūḷhako, salākaggāho kātabboti sambandho. Vivaritabboti vivaṭo, soyeva vivaṭako. Sassa attano kaṇṇasamīpe jappīyati kathīyatīti sakaṇṇajappo, soyeva sakaṇṇajappako. ‘‘Nimittasaññaṃ āropetvā’’ti iminā vaṇṇāvaṇṇāyo katvāti ettha vaṇṇasaddo saṇṭhānavācakoti dasseti. Susaṇṭhānadusaṇṭhānā salākāyo katvāti attho. Tatoti visabhāgakaraṇato paraṃ gahetabboti sambandho. Sabbāpi tā salākāyoti yojanā. Katvāti pakkhipanaṃ katvā. Vuttanayenāti ‘‘alajjussannāyā’’tiādinā vuttanayena. ‘‘Yāvatatiya’’nti iminā paccukkaḍḍhitabbanti ettha punappunaṃ uddhaṃ kaḍḍhitabbanti atthaṃ dasseti. Atirekajāteti adhammavādīhi atirekato jāte satīti sambandho. Yāvatatiyampīti pisaddo tato ūne ekadvevāre pana kā nāma kathāti dasseti.
សកណ្ណជប្បកេ បន ឯវំ វិនិច្ឆយោ វេទិតព្ពោតិ យោជនា។ សចេ សង្ឃត្ថេរោ គណ្ហាតីតិ សម្ពន្ធោ។ សោតិ សង្ឃត្ថេរោ។ វយោអនុប្បត្តាតិ បច្ឆិមវយំ អនុប្បត្តា។ ឯតន្តិ អធម្មវាទិសលាកំ។ អស្សាតិ សង្ឃត្ថេរស្ស។ ឥតរា សលាកាតិ អធម្មវាទិសលាកាហិ អញ្ញា ធម្មវាទិសលាកា។ សោតិ សង្ឃត្ថេរោ។ តន្តិ ធម្មវាទិសលាកំ។ តតោតិ នេវ អវពុជ្ឈនការណា។ វុត្តនយមេវាតិ គូឡ្ហកេ វុត្តនយមេវ។ វិវដោ អត្ថោ ឥមស្សាតិ វិវដត្ថោ។
Sakaṇṇajappake pana evaṃ vinicchayo veditabboti yojanā. Sace saṅghatthero gaṇhātīti sambandho. Soti saṅghatthero. Vayoanuppattāti pacchimavayaṃ anuppattā. Etanti adhammavādisalākaṃ. Assāti saṅghattherassa. Itarā salākāti adhammavādisalākāhi aññā dhammavādisalākā. Soti saṅghatthero. Tanti dhammavādisalākaṃ. Tatoti neva avabujjhanakāraṇā. Vuttanayamevāti gūḷhake vuttanayameva. Vivaṭo attho imassāti vivaṭattho.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / តិវិធសលាកគ្គាហោ • Tividhasalākaggāho
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ចូឡវគ្គ-អដ្ឋកថា • Cūḷavagga-aṭṭhakathā / តិវិធសលាកគ្គាហកថា • Tividhasalākaggāhakathā
