| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
ತಿವಿಧಸಲಾಕಗ್ಗಾಹಕಥಾ
Tividhasalākaggāhakathā
೨೩೫. ಸಞ್ಞತ್ತಿಯಾತಿ ಏತ್ಥ ಸಞ್ಞಾಪನಂ ಸಞ್ಞತ್ತಿ, ತದತ್ಥಾಯಾತಿ ದಸ್ಸೇನ್ತೋ ಆಹ ‘‘ಸಞ್ಞಾಪನತ್ಥಾಯಾ’’ತಿ। ಗೂಹಿತಬ್ಬೋತಿ ಗೂಳ್ಹೋ, ಸೋಯೇವ ಗೂಳ್ಹಕೋ, ಸಲಾಕಗ್ಗಾಹೋ ಕಾತಬ್ಬೋತಿ ಸಮ್ಬನ್ಧೋ। ವಿವರಿತಬ್ಬೋತಿ ವಿವಟೋ, ಸೋಯೇವ ವಿವಟಕೋ। ಸಸ್ಸ ಅತ್ತನೋ ಕಣ್ಣಸಮೀಪೇ ಜಪ್ಪೀಯತಿ ಕಥೀಯತೀತಿ ಸಕಣ್ಣಜಪ್ಪೋ, ಸೋಯೇವ ಸಕಣ್ಣಜಪ್ಪಕೋ। ‘‘ನಿಮಿತ್ತಸಞ್ಞಂ ಆರೋಪೇತ್ವಾ’’ತಿ ಇಮಿನಾ ವಣ್ಣಾವಣ್ಣಾಯೋ ಕತ್ವಾತಿ ಏತ್ಥ ವಣ್ಣಸದ್ದೋ ಸಣ್ಠಾನವಾಚಕೋತಿ ದಸ್ಸೇತಿ। ಸುಸಣ್ಠಾನದುಸಣ್ಠಾನಾ ಸಲಾಕಾಯೋ ಕತ್ವಾತಿ ಅತ್ಥೋ। ತತೋತಿ ವಿಸಭಾಗಕರಣತೋ ಪರಂ ಗಹೇತಬ್ಬೋತಿ ಸಮ್ಬನ್ಧೋ। ಸಬ್ಬಾಪಿ ತಾ ಸಲಾಕಾಯೋತಿ ಯೋಜನಾ। ಕತ್ವಾತಿ ಪಕ್ಖಿಪನಂ ಕತ್ವಾ। ವುತ್ತನಯೇನಾತಿ ‘‘ಅಲಜ್ಜುಸ್ಸನ್ನಾಯಾ’’ತಿಆದಿನಾ ವುತ್ತನಯೇನ। ‘‘ಯಾವತತಿಯ’’ನ್ತಿ ಇಮಿನಾ ಪಚ್ಚುಕ್ಕಡ್ಢಿತಬ್ಬನ್ತಿ ಏತ್ಥ ಪುನಪ್ಪುನಂ ಉದ್ಧಂ ಕಡ್ಢಿತಬ್ಬನ್ತಿ ಅತ್ಥಂ ದಸ್ಸೇತಿ। ಅತಿರೇಕಜಾತೇತಿ ಅಧಮ್ಮವಾದೀಹಿ ಅತಿರೇಕತೋ ಜಾತೇ ಸತೀತಿ ಸಮ್ಬನ್ಧೋ। ಯಾವತತಿಯಮ್ಪೀತಿ ಪಿಸದ್ದೋ ತತೋ ಊನೇ ಏಕದ್ವೇವಾರೇ ಪನ ಕಾ ನಾಮ ಕಥಾತಿ ದಸ್ಸೇತಿ।
235.Saññattiyāti ettha saññāpanaṃ saññatti, tadatthāyāti dassento āha ‘‘saññāpanatthāyā’’ti. Gūhitabboti gūḷho, soyeva gūḷhako, salākaggāho kātabboti sambandho. Vivaritabboti vivaṭo, soyeva vivaṭako. Sassa attano kaṇṇasamīpe jappīyati kathīyatīti sakaṇṇajappo, soyeva sakaṇṇajappako. ‘‘Nimittasaññaṃ āropetvā’’ti iminā vaṇṇāvaṇṇāyo katvāti ettha vaṇṇasaddo saṇṭhānavācakoti dasseti. Susaṇṭhānadusaṇṭhānā salākāyo katvāti attho. Tatoti visabhāgakaraṇato paraṃ gahetabboti sambandho. Sabbāpi tā salākāyoti yojanā. Katvāti pakkhipanaṃ katvā. Vuttanayenāti ‘‘alajjussannāyā’’tiādinā vuttanayena. ‘‘Yāvatatiya’’nti iminā paccukkaḍḍhitabbanti ettha punappunaṃ uddhaṃ kaḍḍhitabbanti atthaṃ dasseti. Atirekajāteti adhammavādīhi atirekato jāte satīti sambandho. Yāvatatiyampīti pisaddo tato ūne ekadvevāre pana kā nāma kathāti dasseti.
ಸಕಣ್ಣಜಪ್ಪಕೇ ಪನ ಏವಂ ವಿನಿಚ್ಛಯೋ ವೇದಿತಬ್ಬೋತಿ ಯೋಜನಾ। ಸಚೇ ಸಙ್ಘತ್ಥೇರೋ ಗಣ್ಹಾತೀತಿ ಸಮ್ಬನ್ಧೋ। ಸೋತಿ ಸಙ್ಘತ್ಥೇರೋ। ವಯೋಅನುಪ್ಪತ್ತಾತಿ ಪಚ್ಛಿಮವಯಂ ಅನುಪ್ಪತ್ತಾ। ಏತನ್ತಿ ಅಧಮ್ಮವಾದಿಸಲಾಕಂ। ಅಸ್ಸಾತಿ ಸಙ್ಘತ್ಥೇರಸ್ಸ। ಇತರಾ ಸಲಾಕಾತಿ ಅಧಮ್ಮವಾದಿಸಲಾಕಾಹಿ ಅಞ್ಞಾ ಧಮ್ಮವಾದಿಸಲಾಕಾ। ಸೋತಿ ಸಙ್ಘತ್ಥೇರೋ। ತನ್ತಿ ಧಮ್ಮವಾದಿಸಲಾಕಂ। ತತೋತಿ ನೇವ ಅವಬುಜ್ಝನಕಾರಣಾ। ವುತ್ತನಯಮೇವಾತಿ ಗೂಳ್ಹಕೇ ವುತ್ತನಯಮೇವ। ವಿವಟೋ ಅತ್ಥೋ ಇಮಸ್ಸಾತಿ ವಿವಟತ್ಥೋ।
Sakaṇṇajappake pana evaṃ vinicchayo veditabboti yojanā. Sace saṅghatthero gaṇhātīti sambandho. Soti saṅghatthero. Vayoanuppattāti pacchimavayaṃ anuppattā. Etanti adhammavādisalākaṃ. Assāti saṅghattherassa. Itarā salākāti adhammavādisalākāhi aññā dhammavādisalākā. Soti saṅghatthero. Tanti dhammavādisalākaṃ. Tatoti neva avabujjhanakāraṇā. Vuttanayamevāti gūḷhake vuttanayameva. Vivaṭo attho imassāti vivaṭattho.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi / ತಿವಿಧಸಲಾಕಗ್ಗಾಹೋ • Tividhasalākaggāho
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā / ತಿವಿಧಸಲಾಕಗ್ಗಾಹಕಥಾ • Tividhasalākaggāhakathā
