| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
තිවිධසලාකග්‌ගාහකථා
Tividhasalākaggāhakathā
235. සඤ්‌ඤත්‌තියාති එත්‌ථ සඤ්‌ඤාපනං සඤ්‌ඤත්‌ති, තදත්‌ථායාති දස්‌සෙන්‌තො ආහ ‘‘සඤ්‌ඤාපනත්‌ථායා’’ති. ගූහිතබ්‌බොති ගූළ්‌හො, සොයෙව ගූළ්‌හකො, සලාකග්‌ගාහො කාතබ්‌බොති සම්‌බන්‌ධො. විවරිතබ්‌බොති විවටො, සොයෙව විවටකො. සස්‌ස අත්‌තනො කණ්‌ණසමීපෙ ජප්‌පීයති කථීයතීති සකණ්‌ණජප්‌පො, සොයෙව සකණ්‌ණජප්‌පකො. ‘‘නිමිත්‌තසඤ්‌ඤං ආරොපෙත්‌වා’’ති ඉමිනා වණ්‌ණාවණ්‌ණායො කත්‌වාති එත්‌ථ වණ්‌ණසද්‌දො සණ්‌ඨානවාචකොති දස්‌සෙති. සුසණ්‌ඨානදුසණ්‌ඨානා සලාකායො කත්‌වාති අත්‌ථො. තතොති විසභාගකරණතො පරං ගහෙතබ්‌බොති සම්‌බන්‌ධො. සබ්‌බාපි තා සලාකායොති යොජනා. කත්‌වාති පක්‌ඛිපනං කත්‌වා. වුත්‌තනයෙනාති ‘‘අලජ්‌ජුස්‌සන්‌නායා’’තිආදිනා වුත්‌තනයෙන. ‘‘යාවතතිය’’න්‌ති ඉමිනා පච්‌චුක්‌කඩ්‌ඪිතබ්‌බන්‌ති එත්‌ථ පුනප්‌පුනං උද්‌ධං කඩ්‌ඪිතබ්‌බන්‌ති අත්‌ථං දස්‌සෙති. අතිරෙකජාතෙති අධම්‌මවාදීහි අතිරෙකතො ජාතෙ සතීති සම්‌බන්‌ධො. යාවතතියම්‌පීති පිසද්‌දො තතො ඌනෙ එකද්‌වෙවාරෙ පන කා නාම කථාති දස්‌සෙති.
235.Saññattiyāti ettha saññāpanaṃ saññatti, tadatthāyāti dassento āha ‘‘saññāpanatthāyā’’ti. Gūhitabboti gūḷho, soyeva gūḷhako, salākaggāho kātabboti sambandho. Vivaritabboti vivaṭo, soyeva vivaṭako. Sassa attano kaṇṇasamīpe jappīyati kathīyatīti sakaṇṇajappo, soyeva sakaṇṇajappako. ‘‘Nimittasaññaṃ āropetvā’’ti iminā vaṇṇāvaṇṇāyo katvāti ettha vaṇṇasaddo saṇṭhānavācakoti dasseti. Susaṇṭhānadusaṇṭhānā salākāyo katvāti attho. Tatoti visabhāgakaraṇato paraṃ gahetabboti sambandho. Sabbāpi tā salākāyoti yojanā. Katvāti pakkhipanaṃ katvā. Vuttanayenāti ‘‘alajjussannāyā’’tiādinā vuttanayena. ‘‘Yāvatatiya’’nti iminā paccukkaḍḍhitabbanti ettha punappunaṃ uddhaṃ kaḍḍhitabbanti atthaṃ dasseti. Atirekajāteti adhammavādīhi atirekato jāte satīti sambandho. Yāvatatiyampīti pisaddo tato ūne ekadvevāre pana kā nāma kathāti dasseti.
සකණ්‌ණජප්‌පකෙ පන එවං විනිච්‌ඡයො වෙදිතබ්‌බොති යොජනා. සචෙ සඞ්‌ඝත්‌ථෙරො ගණ්‌හාතීති සම්‌බන්‌ධො. සොති සඞ්‌ඝත්‌ථෙරො. වයොඅනුප්‌පත්‌තාති පච්‌ඡිමවයං අනුප්‌පත්‌තා. එතන්‌ති අධම්‌මවාදිසලාකං. අස්‌සාති සඞ්‌ඝත්‌ථෙරස්‌ස. ඉතරා සලාකාති අධම්‌මවාදිසලාකාහි අඤ්‌ඤා ධම්‌මවාදිසලාකා. සොති සඞ්‌ඝත්‌ථෙරො. තන්‌ති ධම්‌මවාදිසලාකං. තතොති නෙව අවබුජ්‌ඣනකාරණා. වුත්‌තනයමෙවාති ගූළ්‌හකෙ වුත්‌තනයමෙව. විවටො අත්‌ථො ඉමස්‌සාති විවටත්‌ථො.
Sakaṇṇajappake pana evaṃ vinicchayo veditabboti yojanā. Sace saṅghatthero gaṇhātīti sambandho. Soti saṅghatthero. Vayoanuppattāti pacchimavayaṃ anuppattā. Etanti adhammavādisalākaṃ. Assāti saṅghattherassa. Itarā salākāti adhammavādisalākāhi aññā dhammavādisalākā. Soti saṅghatthero. Tanti dhammavādisalākaṃ. Tatoti neva avabujjhanakāraṇā. Vuttanayamevāti gūḷhake vuttanayameva. Vivaṭo attho imassāti vivaṭattho.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / තිවිධසලාකග්‌ගාහො • Tividhasalākaggāho
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / තිවිධසලාකග්‌ගාහකථා • Tividhasalākaggāhakathā
