| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਤਿવਿਧਸਲਾਕਗ੍ਗਾਹਕਥਾ
Tividhasalākaggāhakathā
੨੩੫. ਸਞ੍ਞਤ੍ਤਿਯਾਤਿ ਸਞ੍ਞਾਪਨਤ੍ਥਾਯ। ਗੂਲ਼੍ਹਕਨ੍ਤਿਆਦੀਸੁ ਅਲਜ੍ਜੁਸ੍ਸਨ੍ਨਾਯ ਪਰਿਸਾਯ ਗੂਲ਼੍ਹਕੋ ਸਲਾਕਗ੍ਗਾਹੋ ਕਾਤਬ੍ਬੋ, ਲਜ੍ਜੁਸ੍ਸਨ੍ਨਾਯ ਪਰਿਸਾਯ વਿવਟਕੋ, ਬਾਲੁਸ੍ਸਨ੍ਨਾਯ ਸਕਣ੍ਣਜਪ੍ਪਕੋ। વਣ੍ਣਾવਣ੍ਣਾਯੋ ਕਤ੍વਾਤਿ ਧਮ੍ਮવਾਦੀਨਞ੍ਚ ਅਧਮ੍ਮવਾਦੀਨਞ੍ਚ ਸਲਾਕਾਯੋ ਨਿਮਿਤ੍ਤਸਞ੍ਞਂ ਆਰੋਪੇਤ੍વਾ ਅਞ੍ਞਮਞ੍ਞਂ વਿਸਭਾਗਾ ਕਾਤਬ੍ਬਾ। ਤਤੋ ਤਾ ਸਬ੍ਬਾਪਿ ਚੀવਰਭੋਗੇ ਕਤ੍વਾ વੁਤ੍ਤਨਯੇਨ ਗਾਹੇਤਬ੍ਬਾ। ਦੁਗ੍ਗਹੋਤਿ ਪਚ੍ਚੁਕ੍ਕਡ੍ਢਿਤਬ੍ਬਨ੍ਤਿ ‘‘ਦੁਗ੍ਗਹਿਤਾ ਸਲਾਕਾਯੋ’’ਤਿ વਤ੍વਾ ਪੁਨ ਗਹੇਤ੍વਾ ਯਾવਤਤਿਯਂ ਗਾਹੇਤਬ੍ਬਾ। ਸੁਗ੍ਗਹੋਤਿ ਸਾવੇਤਬ੍ਬਨ੍ਤਿ ਏਕਸ੍ਮਿਮ੍ਪਿ ਧਮ੍ਮવਾਦਿਮ੍ਹਿ ਅਤਿਰੇਕਜਾਤੇ ‘‘ਸੁਗ੍ਗਹਿਤਾ ਸਲਾਕਾਯੋ’’ਤਿ ਸਾવੇਤਬ੍ਬਂ। ਯਥਾ ਚ ਤੇ ਧਮ੍ਮવਾਦਿਨੋ વਦਨ੍ਤਿ ਤਥਾ ਤਂ ਅਧਿਕਰਣਂ વੂਪਸਮੇਤਬ੍ਬਨ੍ਤਿ। ਅਥ ਯਾવਤਤਿਯਮ੍ਪਿ ਅਧਮ੍ਮવਾਦਿਨੋવ ਬਹੁਤਰਾ ਹੋਨ੍ਤਿ, ਅਜ੍ਜ ‘‘ਅਕਾਲੋ, ਸ੍વੇ ਜਾਨਿਸ੍ਸਾਮਾ’’ਤਿ વੁਟ੍ਠਹਿਤ੍વਾ ਅਲਜ੍ਜੀਨਂ ਪਕ੍ਖਭੇਦਤ੍ਥਾਯ ਧਮ੍ਮવਾਦਿਪਕ੍ਖਂ ਪਰਿਯੇਸਿਤ੍વਾ ਪੁਨਦਿવਸੇ ਸਲਾਕਗ੍ਗਾਹੋ ਕਾਤਬ੍ਬੋ। ਅਯਂ ਗੂਲ਼੍ਹਕੋ ਸਲਾਕਗ੍ਗਾਹੋ।
235.Saññattiyāti saññāpanatthāya. Gūḷhakantiādīsu alajjussannāya parisāya gūḷhako salākaggāho kātabbo, lajjussannāya parisāya vivaṭako, bālussannāya sakaṇṇajappako. Vaṇṇāvaṇṇāyo katvāti dhammavādīnañca adhammavādīnañca salākāyo nimittasaññaṃ āropetvā aññamaññaṃ visabhāgā kātabbā. Tato tā sabbāpi cīvarabhoge katvā vuttanayena gāhetabbā. Duggahoti paccukkaḍḍhitabbanti ‘‘duggahitā salākāyo’’ti vatvā puna gahetvā yāvatatiyaṃ gāhetabbā. Suggahoti sāvetabbanti ekasmimpi dhammavādimhi atirekajāte ‘‘suggahitā salākāyo’’ti sāvetabbaṃ. Yathā ca te dhammavādino vadanti tathā taṃ adhikaraṇaṃ vūpasametabbanti. Atha yāvatatiyampi adhammavādinova bahutarā honti, ajja ‘‘akālo, sve jānissāmā’’ti vuṭṭhahitvā alajjīnaṃ pakkhabhedatthāya dhammavādipakkhaṃ pariyesitvā punadivase salākaggāho kātabbo. Ayaṃ gūḷhako salākaggāho.
ਸਕਣ੍ਣਜਪ੍ਪਕੇ ਪਨ ਗਹਿਤੇ વਤ੍ਤਬ੍ਬੋਤਿ ਏਤ੍ਥ ਸਚੇ ਸਙ੍ਘਤ੍ਥੇਰੋ ਅਧਮ੍ਮવਾਦਿਸਲਾਕਂ ਗਣ੍ਹਾਤਿ, ਸੋ ਏવਂ ਅવਬੋਧੇਤਬ੍ਬੋ – ‘‘ਭਨ੍ਤੇ, ਤੁਮ੍ਹੇ ਮਹਲ੍ਲਕਾ વਯੋਅਨੁਪ੍ਪਤ੍ਤਾ, ਤੁਮ੍ਹਾਕਂ ਏਤਂ ਨ ਯੁਤ੍ਤਂ, ਅਯਂ ਪਨ ਧਮ੍ਮવਾਦਿਸਲਾਕਾ’’ਤਿ ਅਸ੍ਸ ਇਤਰਾ ਸਲਾਕਾ ਦਸ੍ਸੇਤਬ੍ਬਾ। ਸਚੇ ਸੋ ਤਂ ਗਣ੍ਹਾਤਿ, ਦਾਤਬ੍ਬਾ। ਅਥ ਨੇવ ਅવਬੁਜ੍ਝਤਿ, ਤਤੋ ‘‘ਮਾ ਕਸ੍ਸਚਿ ਆਰੋਚੇਹੀ’’ਤਿ વਤ੍ਤਬ੍ਬੋ। ਸੇਸਂ વੁਤ੍ਤਨਯਮੇવ। વਿવਟਕੋ વਿવਟਤ੍ਥੋਯੇવ।
Sakaṇṇajappake pana gahite vattabboti ettha sace saṅghatthero adhammavādisalākaṃ gaṇhāti, so evaṃ avabodhetabbo – ‘‘bhante, tumhe mahallakā vayoanuppattā, tumhākaṃ etaṃ na yuttaṃ, ayaṃ pana dhammavādisalākā’’ti assa itarā salākā dassetabbā. Sace so taṃ gaṇhāti, dātabbā. Atha neva avabujjhati, tato ‘‘mā kassaci ārocehī’’ti vattabbo. Sesaṃ vuttanayameva. Vivaṭako vivaṭatthoyeva.
ਤਿવਿਧਸਲਾਕਗ੍ਗਾਹਕਥਾ ਨਿਟ੍ਠਿਤਾ।
Tividhasalākaggāhakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਤਿવਿਧਸਲਾਕਗ੍ਗਾਹੋ • Tividhasalākaggāho
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਧਿਕਰਣવੂਪਸਮਨਸਮਥਕਥਾਦਿવਣ੍ਣਨਾ • Adhikaraṇavūpasamanasamathakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਤਿવਿਧਸਲਾਕਗ੍ਗਾਹਕਥਾ • Tividhasalākaggāhakathā
