| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਤਿવਿਧਸਲਾਕਗ੍ਗਾਹਕਥਾ
Tividhasalākaggāhakathā
੨੩੫. ਸਞ੍ਞਤ੍ਤਿਯਾਤਿ ਏਤ੍ਥ ਸਞ੍ਞਾਪਨਂ ਸਞ੍ਞਤ੍ਤਿ, ਤਦਤ੍ਥਾਯਾਤਿ ਦਸ੍ਸੇਨ੍ਤੋ ਆਹ ‘‘ਸਞ੍ਞਾਪਨਤ੍ਥਾਯਾ’’ਤਿ। ਗੂਹਿਤਬ੍ਬੋਤਿ ਗੂਲ਼੍ਹੋ, ਸੋਯੇવ ਗੂਲ਼੍ਹਕੋ, ਸਲਾਕਗ੍ਗਾਹੋ ਕਾਤਬ੍ਬੋਤਿ ਸਮ੍ਬਨ੍ਧੋ। વਿવਰਿਤਬ੍ਬੋਤਿ વਿવਟੋ, ਸੋਯੇવ વਿવਟਕੋ। ਸਸ੍ਸ ਅਤ੍ਤਨੋ ਕਣ੍ਣਸਮੀਪੇ ਜਪ੍ਪੀਯਤਿ ਕਥੀਯਤੀਤਿ ਸਕਣ੍ਣਜਪ੍ਪੋ, ਸੋਯੇવ ਸਕਣ੍ਣਜਪ੍ਪਕੋ। ‘‘ਨਿਮਿਤ੍ਤਸਞ੍ਞਂ ਆਰੋਪੇਤ੍વਾ’’ਤਿ ਇਮਿਨਾ વਣ੍ਣਾવਣ੍ਣਾਯੋ ਕਤ੍વਾਤਿ ਏਤ੍ਥ વਣ੍ਣਸਦ੍ਦੋ ਸਣ੍ਠਾਨવਾਚਕੋਤਿ ਦਸ੍ਸੇਤਿ। ਸੁਸਣ੍ਠਾਨਦੁਸਣ੍ਠਾਨਾ ਸਲਾਕਾਯੋ ਕਤ੍વਾਤਿ ਅਤ੍ਥੋ। ਤਤੋਤਿ વਿਸਭਾਗਕਰਣਤੋ ਪਰਂ ਗਹੇਤਬ੍ਬੋਤਿ ਸਮ੍ਬਨ੍ਧੋ। ਸਬ੍ਬਾਪਿ ਤਾ ਸਲਾਕਾਯੋਤਿ ਯੋਜਨਾ। ਕਤ੍વਾਤਿ ਪਕ੍ਖਿਪਨਂ ਕਤ੍વਾ। વੁਤ੍ਤਨਯੇਨਾਤਿ ‘‘ਅਲਜ੍ਜੁਸ੍ਸਨ੍ਨਾਯਾ’’ਤਿਆਦਿਨਾ વੁਤ੍ਤਨਯੇਨ। ‘‘ਯਾવਤਤਿਯ’’ਨ੍ਤਿ ਇਮਿਨਾ ਪਚ੍ਚੁਕ੍ਕਡ੍ਢਿਤਬ੍ਬਨ੍ਤਿ ਏਤ੍ਥ ਪੁਨਪ੍ਪੁਨਂ ਉਦ੍ਧਂ ਕਡ੍ਢਿਤਬ੍ਬਨ੍ਤਿ ਅਤ੍ਥਂ ਦਸ੍ਸੇਤਿ। ਅਤਿਰੇਕਜਾਤੇਤਿ ਅਧਮ੍ਮવਾਦੀਹਿ ਅਤਿਰੇਕਤੋ ਜਾਤੇ ਸਤੀਤਿ ਸਮ੍ਬਨ੍ਧੋ। ਯਾવਤਤਿਯਮ੍ਪੀਤਿ ਪਿਸਦ੍ਦੋ ਤਤੋ ਊਨੇ ਏਕਦ੍વੇવਾਰੇ ਪਨ ਕਾ ਨਾਮ ਕਥਾਤਿ ਦਸ੍ਸੇਤਿ।
235.Saññattiyāti ettha saññāpanaṃ saññatti, tadatthāyāti dassento āha ‘‘saññāpanatthāyā’’ti. Gūhitabboti gūḷho, soyeva gūḷhako, salākaggāho kātabboti sambandho. Vivaritabboti vivaṭo, soyeva vivaṭako. Sassa attano kaṇṇasamīpe jappīyati kathīyatīti sakaṇṇajappo, soyeva sakaṇṇajappako. ‘‘Nimittasaññaṃ āropetvā’’ti iminā vaṇṇāvaṇṇāyo katvāti ettha vaṇṇasaddo saṇṭhānavācakoti dasseti. Susaṇṭhānadusaṇṭhānā salākāyo katvāti attho. Tatoti visabhāgakaraṇato paraṃ gahetabboti sambandho. Sabbāpi tā salākāyoti yojanā. Katvāti pakkhipanaṃ katvā. Vuttanayenāti ‘‘alajjussannāyā’’tiādinā vuttanayena. ‘‘Yāvatatiya’’nti iminā paccukkaḍḍhitabbanti ettha punappunaṃ uddhaṃ kaḍḍhitabbanti atthaṃ dasseti. Atirekajāteti adhammavādīhi atirekato jāte satīti sambandho. Yāvatatiyampīti pisaddo tato ūne ekadvevāre pana kā nāma kathāti dasseti.
ਸਕਣ੍ਣਜਪ੍ਪਕੇ ਪਨ ਏવਂ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ। ਸਚੇ ਸਙ੍ਘਤ੍ਥੇਰੋ ਗਣ੍ਹਾਤੀਤਿ ਸਮ੍ਬਨ੍ਧੋ। ਸੋਤਿ ਸਙ੍ਘਤ੍ਥੇਰੋ। વਯੋਅਨੁਪ੍ਪਤ੍ਤਾਤਿ ਪਚ੍ਛਿਮવਯਂ ਅਨੁਪ੍ਪਤ੍ਤਾ। ਏਤਨ੍ਤਿ ਅਧਮ੍ਮવਾਦਿਸਲਾਕਂ। ਅਸ੍ਸਾਤਿ ਸਙ੍ਘਤ੍ਥੇਰਸ੍ਸ। ਇਤਰਾ ਸਲਾਕਾਤਿ ਅਧਮ੍ਮવਾਦਿਸਲਾਕਾਹਿ ਅਞ੍ਞਾ ਧਮ੍ਮવਾਦਿਸਲਾਕਾ। ਸੋਤਿ ਸਙ੍ਘਤ੍ਥੇਰੋ। ਤਨ੍ਤਿ ਧਮ੍ਮવਾਦਿਸਲਾਕਂ। ਤਤੋਤਿ ਨੇવ ਅવਬੁਜ੍ਝਨਕਾਰਣਾ। વੁਤ੍ਤਨਯਮੇવਾਤਿ ਗੂਲ਼੍ਹਕੇ વੁਤ੍ਤਨਯਮੇવ। વਿવਟੋ ਅਤ੍ਥੋ ਇਮਸ੍ਸਾਤਿ વਿવਟਤ੍ਥੋ।
Sakaṇṇajappake pana evaṃ vinicchayo veditabboti yojanā. Sace saṅghatthero gaṇhātīti sambandho. Soti saṅghatthero. Vayoanuppattāti pacchimavayaṃ anuppattā. Etanti adhammavādisalākaṃ. Assāti saṅghattherassa. Itarā salākāti adhammavādisalākāhi aññā dhammavādisalākā. Soti saṅghatthero. Tanti dhammavādisalākaṃ. Tatoti neva avabujjhanakāraṇā. Vuttanayamevāti gūḷhake vuttanayameva. Vivaṭo attho imassāti vivaṭattho.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਤਿવਿਧਸਲਾਕਗ੍ਗਾਹੋ • Tividhasalākaggāho
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਤਿવਿਧਸਲਾਕਗ੍ਗਾਹਕਥਾ • Tividhasalākaggāhakathā
